Letër e hapur drejtuar Presidentit të Reublikës, z. Bujar Nishani

by Albanian Roots – Rrenjet Shqiptare on Friday, 4 January 2013 at 18:42 ·

Nr. AR 105 protokolli New York, 3 Janar 2013

Lënda: Letër e hapur drejtuar Presidentit të Reublikës, z. Bujar Nishani

Për dijeni: Kryetares së Kuvendit të Republikës së Shqipërisë, znj. Jozefina Topalli

Kryeministrit të Republikës së Shqipërisë, z. Sali Berisha

I nderuar z. President,

Në emër të organizatës Rrënjët Shqiptare – Albanian Roots, ju kërkojmë që shteti Shqipëtarë të reagojë ndaj Athinës zyrtare me shpjegime për deklaratat dhe ofendimet fyese nga partia Agimi i Artë për kombin Shqiptar.

Organizata Rrënjët Shqiptare e shikon Publikimin e Deklaratës së Partisë Agimi i Artë si pjesë e vazhdueshme e propagandës reaksionare nga qarqe Greke kunder popullit Shqiptar.

Kjo vepër e shëmtuar e kësaj partie që është edhe pjesë e parlamentit Grek kurrësesi nuk duhet toleruar nga shteti jonë. Vëmë në dukje se Kombi Shqiptar në kundershtim me deklaratën fyese nga partia “fashiste” greke, është një nga kombet më të vjetër e më të qyteteruar të rajonit dhe është i orjentuar drejt vlerave demokratike perëndimore.

Organizata Rrënjët shqiptare vlerëson rolin parimor të politikave te shtetit shqiptar ndër vite për një rajon të stabilizuar dhe larg konflikteve etnike, por në të njëjtën kohë kërkon nga shteti shqiptar, në përputhje me të drejtat e reciprocitetit dhe të marrëveshjeve nderkombetare, të bëhët një zë i fuqishëm në mbrojtje të dinjitetit të kombit shqiptar.

Për sa më sipër ju bëjmë thirrje që si një shtet që sot bën pjesë në Organizatën më të fuqishme Ushtarake dhe Politike “NATO” dhe në të njejtën kohë aspiron të marrë statusin e vendit kandidat për “Bashkimin Europian”, të demaskohen këto qarqe anti shqiptare dhe t`i kërkohet Athinës zyratare t`i kërkojë ndjesë popullit shqiptar!

Duke shpresuar ne reagimin tuaj,

Sinqerisht,

Rrenjet Shqiptare – Albanian Roots

22 Windermere Rd,

Staten Island, N.Y 10305