Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Biblioteka Kombëtare e Kosovës anëtarësohet në IFLA

by

-Federata Ndërkombëtare e Shoqatave dhe Institucioneve Bibliotekare (IFLA), wshtw themeluar në Edinburg në 30 shtator 1927, ka selinë në Hagë, Holandë. Është zëri global dhe më  prestigjioz i profesionit të bibliotekës/

1-biblioteka-kosove

PRISHTINË, 21 Tetor 2016-Gazeta DIELLI-B.Jashari/ Biblioteka Kombëtare e Kosovës “Pjetër Bogdani” është  anëtarësuar në Federatën Ndërkombëtare të Shoqatave dhe Institucioneve Bibliotekare (IFLA).

Task-Forca e themeluar nga qeveria e Republikës së Kosovës për anëtarësim të Kosovës në Institucionet / Mekanizmat Ndërkombëtare të Kulturës në kuadër të punës së saj ka lobuar dhe asistuar në anëtarësimin.

“Anëtarësimi i Biblioteka Kombëtare e Kosovës në IFLA vlerësohet të jetë jashtëzakonisht i rëndësishëm, sepse përpos që është edhe një bashkëngjitje në rrjetin ndërkombëtar të institucioneve bibliotekare, ai mundëson përfaqësimin e institucionit kryesor bibliotekar të vendit në këtë mekanizëm ndërkombëtar, shkëmbimin dhe marrjen e përvojave të bibliotekave të shteteve tjera dhe shumë përfitime tjera”, deklaroi sot Ministria kosovare e Kulturës.Propozimi i kësaj ministrie për themelimin e Task-Forcës është miratuar nga qeveria e Kosovës në 1 qershor të këtij viti. Task-Forca për anëtarësim të Kosovës në Institucionet / Mekanizmat Ndërkombëtare të Kulturës përbëhet nga përfaqësues të Ministrisë së Kulturës, Rinisë dhe Sportit – kryesues, Presidencës, Kryeministrisë, Komisionit Parlamentar për Punë të Jashtme,  Ministrisë të Punëve të Jashtme, Ministrisë së Integrimeve, ekspertë sipas nevojës dhe përfaqësues të shoqërisë civile.IFLA, e themeluar në Edinburg në 30 shtator 1927, ka selinë në Hagë, Holandë, dhe njëherësh është organi kryesor ndërkombëtar që përfaqëson interesat e bibliotekave dhe shërbimeve të informatave ashtu sikurse të përdoruesve të tyre. Është zëri global dhe më prestigjioz i profesionit të bibliotekës.

Shoqata e Filozofëve të Kosovës anëtarësohet në Federatën Ndërkombëtare

by

-Shala: Mundësi e mirë që vendi ynë të prezantohet në arenën ndërkombëtare nëpërmjet dijës e kulturës/

 PRISHTINË, 9 Qershor 2016-Gazeta DIELLI/Ministri kosovar i Kulturës, Rinisë dhe Sportit, Kujtim Shala, ka takuar sot një delegacion të Shoqatës së Filozofëve të Kosovës, të udhëhequr nga kryetarja Hasnije Ilazi.Ministri Shala i përgëzoi drejtuesit e SHFK-së për suksesin e arritur me rastin e anëtarësimit të tyre në Federatën Ndërkombëtare të Filozofëve, të cilin akt e vlerësoi si dëshmi të sukseseve të vendit tonë në arenën ndërkombëtare. 

 Shala më tej shtoi se pranimi Shoqatës së Filozofëve të Kosovës me të drejta të plota në këtë organizatë të madhe ndërkombëtare është një mundësi e mirë që vendi ynë të prezantohet në arenën ndërkombëtare nëpërmjet dijës e kulturës dhe, në këtë drejtim, premtoi bashkëpunim. Kryetarja Hasnije Ilazi e falënderoi ministrin Shala për gatishmërinë e tij që të bashkëpunojë me SHFK-në, sidomos tani meqë pas anëtarësimit të kësaj shoqate në këtë organizatë të madhe ndërkombëtare, kërkohet angazhim dhe punë shtesë./b.j/