Behlul Jashari – Page 111 – Dielli

KOSOVA-SOT DITE ZIJE PER Bajram Rexhepi

August 21, 2017 by dgreca

*Ndërron jetë Bajram Rexhepi, kryeministri i pas zgjedhjeve të para në Kosovën e lirë/

*TE MARTEN, KOSOVA NE DITE ZIJE/

*Misionet Diplomatike të Kosovës hapin librin e ngushëllimeve/

PRISHTINË, 21 Gusht 2017-Gazeta DIELLI-B.Jashari/ Ka ndërruar jetë sot në mëngjes ish-kryeministri i Kosovës, Bajram Rexhepi, në një spital në Turqi.

Bajram Rexhepi u zgjodh kryeministër në 4 mars 2002 pas zgjedhjeeve të para nacionale në Kosovën e lirë që u mbajtën në 17 nëntor 2001. “Gjithçka në Kosovë është me përparësi”, theksonte ai në deklaratën e parë si kryeministër.

“Natyrisht, nuk duhet harruar kurrë se ne duhet t’i ndërtojmë institucionet tona demokratike dhe të krijojmë kushte të domosdoshme që statusi final i Kosovës në fund të jetë aq i lartë”, theksonte kryeministri Rexhepi duke u përgjigjur në pyetjen që bëra si kryeredaktor i gazetës tradicionale të Kosovës Rilindja, pasi fillimisht urova për zgjedhjen, në 4 mars 2002, pas seancës së Kuvendit të Kosovës, ku u votua.

Ndërsa, në një intervistë ekskluzive që kam zhvilluar për Agjencinë shtetërore-zyrtare të lajmeve të Shqipërisë-ATSH në 13 shkurt 2003 kryeministri Rexhepi theksonte se Pavarësia, çështja më madhore për të ardhmën e Kosovës, kërkon “çastin më të volitshëm” dhe që subjektet kryesore politike të vendit ta vlerësojnë një gjë të tillë në mënyrë unanime, “në pajtim edhe me faktorin ndërkombëtar, në veçanti me SHBA-në dhe fuqitë e mëdha europiane”.

I pyetur se, “si e shihni perspektivën e serbëve dhe të komuniteteve të tjera në një Kosovë të pavarur”, ai përgjigjej: “Si perspektivën e të gjithë qytetarëve të Kosovës, ku të gjithë do të jenë të lirë, të sigurtë dhe të mbrojtur nga ligji”.

E, i pyetur “në veçanti, si i vlerësoni marrëdhëniet dhe bashkëpunimin me Shqipërinë”, kryeministri Rexhepi përgjigjej: “Nuk ka dyshim se raportet e Kosovës me Shqipërinë janë raportet më të mira se me të gjitha vendet e tjera fqinje. Ky është edhe një realitet i natyrshëm. Shqipëria e ka ndihmuar gjithmonë Kosovën, por, ka dëshmuar gjithashtu se politika e saj e Jashtme është në përputhje me rregullat dhe normat ndërkombëtare. Lidhja e Kosovës me Shqipërinë është në interes të zhvillimit ekonomik mbi të gjitha, sepse përmes Shqipërisë ne dalim drejtpërdrejt në kufi me vendet e Bashkimit Evropian, siç është Italia dhe Greqia. Do të thoja se ky është një privilegj i natyrshëm, i cili duhet shfytëzuar në maksimum”.

Bajram Rexhepi ka lind në Mitrovicë në 3 qershor1954. Ishte mjek-kirurg, gjatë luftës edhe në Ushtrinë Çlirimtare të Kosovës e në Kosovën e lirë edhe kryetar i Mitrovicës, si dhe ministër i Punëve të Brendshme në Qeverinë e Kosovës.

Qeveria e Kosovës themeloi Komisionin për organizimin e ceremonisë mortore për ish-Kryeministrin, Bajram Rexhepi

Nën udhëheqjen e kryeministrit Isa Mustafa, Qeveria e Republikës së Kosovës mbajti mbledhje pas marrjes së lajmit për vdekjen e ish-kryeministrit Bajram Rexhepi.
Pas një minutë heshtje, kabineti qeveritar ka aprovuar vendimin për themelimin e Komisionit të Veçantë për organizimin e ceremonisë mortore për ish-Kryeministrin e Republikës së Kosovës, Bajram Rexhepi.
Ky Komision do të udhëhiqet nga zëvendëskryeministri i parë Hajredin Kuçi, ndërsa anëtarë do të jenë: ministrja për Kulturë, Rini dhe Sport, Vlora Dumoshi, ministri i Forcës së Sigurisë së Kosovës, Haki Demolli, ministri i Punëve të Brendshme, Skënder Hyseni, ministri i Arsimit, Shkencës dhe Teknologjisë, Arsim Bajrami, shefi i Kabinetit të Kryeministrit, Sokol Havolli, një përfaqësues nga familja, kryetari i Mitrovicës, Agim Bahtiri, si dhe përfaqësues nga Protokolli i Shtetit. Kryesuesi i Këshillit mund të emëroj edhe anëtarë të tjerë, nëse e konsideron të nevojshme.
Me këtë rast kryeministri Isa Mustafa tha se Kosova sot ka humbur një personalitet, një njeri të devotshëm, një mjek të mirë dhe një aktivist të lirisë e të pavarësisë, pjesëmarrës i luftës çlirimtare të Kosovës.
“Bajram Rexhepi do të mbetet në historinë më të re të Kosovës, si kryeministri i dalë nga zgjedhjet e para të mbajtura pas luftës duke kontribuar në avancimin e agjendës shtetndërtuese”, tha kryeministri Mustafa.

PRESIDENTI THAÇI E KRYEMINISTRI MUSTAFA NGUSHËLLOJNË FAMILJEN REXHEPI/

Presidenti i Republikës së Kosovës, Hashim Thaçi i ka dërguar një telegram ngushëllimi familjes Rexhepi, pas vdekjes së parakohshme të ish kryeministrit të Kosovës, Bajram Rexhepi.

“Me dhembjen më të madhe e pranova lajmin për vdekjen e mikut tim, kolegut tim, Bajram Rexhepit, kryeministri i parë i Kosovës, burrështetas dhe politikan që ka prekur jetët e të gjithëve me urtinë e tij”, thuhet në telegramin e Presidentit.

Në këtë telegram thuhet se me guximin, maturinë dhe durimin e tij, Rexhepi ishte shembull për të gjithë. Më tej thuhet se afërsia dhe respekti i Rexhepit ishin shembull për të gjithë miqtë e tij.

“Të gjithëve do të na mungojë si mik, si koleg, si shembull. Me mendjet dhe me zemrat tona jemi me familjen e Bajramit, duke i shprehur ngushëllimet më të thella e duke i uruar forcë e durim, por edhe krenari në këto ditë të vështira”, thuhet në telegramin e ngushëllimit të presidentit Thaçi drejtuar familjes Rexhepi.Kryeministri i Republikës së Kosovës, Isa Mustafa, ka ngushëlluar Familjen Rexhepi, pas ndarjes nga jeta të ish-kryeministrit Bajram Rexhepi.
Në telegramin e kryeministrit Mustafa thuhet:
E nderuar Familje Rexhepi,
Me pikëllim të thellë mësuam lajmin për ndarjen nga jeta të ish-kryeministrit dhe veprimtarit të dalluar Bajram Rexhepi.
Ndjehemi thellësisht të prekur nga kjo humbje e madhe për Ju dhe për tërë Kosovën.
Ish-kryeministri Rexhepi ishte një personalitet dhe veprimtar i shquar i cili dha kontribut të veçantë para, gjatë dhe pas luftës çlirimtare.
Bajram Rexhepi do të mbetet në historinë më të re të Kosovës, si kryeministri i dalë nga zgjedhjet e para të mbajtura pas luftës, si dhe si kryetar i Mitrovicës, duke kontribuar në avancimin e agjendës shtetndërtuese të Kosovës.
E nderuar Familje Rexhepi,
Më lejoni që në emrin tim dhe të Qeverisë së Republikës së Kosovës t’ju shpreh ngushëllimet më të sinqerta.
I qoftë i lehtë dheu i Kosovës!
Isa Mustafa,
Kryeministër i Republikës së Kosovës

NGUSHËLLIMET E AMBASADORIT TË SHBA DELAWIE

Ambasadori i Shteteve të Bashkuara të Amerikës në Kosovë, Greg Delawie:

Ngushëllimet e mia më të sinqerta për familjen, miqtë dhe kolegët e ish-kryeministrit Bajram Rexhepi, i cili ka punuar në emër të Kosovës për shumë vite.

My sincerest condolences to the family, friends & colleagues of former PM Bajram Rexhepi, who worked on #Kosovo‘s behalf for many years.

Diten e stome, e mart 22 pusht Presidenti Thaci e ka shpalle dite Zije Kombetare.

Misionet Diplomatike të Kosovës hapin librin e ngushëllimeve

-Komunikatë për medie e MPJ: Misionet Diplomatike të Republikës së Kosovës do të hapin librin e ngushëllimeve për ish-Kryeministrin, Bajram Rexhepi/

Prishtinë, 22 Gusht 2017 -Gazeta DIELLI/ Pas ndarjes nga jeta të ish-Kryeministrit të Republikës së Kosovës, Bajram Rexhepi, të gjitha Misionet Diplomatike të Republikës së Kosovës në botë janë udhëzuar që të hapin librin e ngushëllimeve në shtetet ku ata janë të akredituara.

Libri i ngushëllimeve do të jetë i hapur për tre ditë radhazi sipas orareve të caktuara paraprakisht nga vet Misionet Diplomatike në shtet respektive.

Veç kësaj, në mbështetje të vendimit të Presidentit të Republikës së Kosovës, Hashim Thaçi, i cili e shpalli ditën e martë si ditë zie në Republikën e Kosovës, të gjitha Misionet Diplomatike janë udhëzuar që flamujt shtetëror të ulen në gjysmështizë në vendet ku ata shërbejnë.

KOSOVA,KUALIFIKIM HISTORIK NË BASKETBOLL

August 20, 2017 by dgreca

-Kosova fiton ballë Estonisë, kalon në kualifikimet për Botërorin e Basketbollit “Kina 2019”/

PRISHTINË, 20 Gusht 2017-Gazeta DIELLI-B.Jashari/ Përfaqësuesja e Kosovës në basketboll do të jetë pjesë e kualifikimeve për Kupën e Botës “Kina 2019” në mesin e 32 kombëtareve, pasi të shtunën në mbrëmje në Prishtinë në një atmosferë impresionuese e ka mposhtur Estoninë në një “ndeshje triler” me rezultat 75:69.

Tani Përfaqësuesja e Kosovës duhet të pres shortin e së mërkurës së ardhshme që do të mbahet në Munih, Gjermani, për të mësuar grupin dhe emrat e kundërshtarëve të ardhshëm.

“Ndërsa, sa i përket ndeshjes së mbrëmshme ajo ishte storie në vete. Djelmoshat tanë luftuan deri në atomin e fundit dhe kështu bënë që në fund fitorja të mbetet në Kosovë dhe të shkruajnë historinë në basketbollin kosovar”, thekson Federata e Basketbollit e Kosovës.

Përfaqësuesja e Kosovës në pjesën e parë ishte në disavantazh me rezultat 38:35, por me lojën e 20 minutave të fundit doli fituese me 6 pikë diferencë. Nga 75 pikët për Kosovën 28 I shënoi kapiteni Dardan Berisha.

“Ndeshja ishte e baraspeshuar prej fillimit deri në fund, derisa Estonia udhëhoqi në pjesën e parë, në çerekun e tretë Kosova së pari doli në avantazh dhe më pas herë njëra e herë tjetra skuadër kalonte në epërsi, derisa krejt në fund trileri i takoi Përfaqësueses sonë”, thekson njoftimi në faqen zyrtare të Federatës së Basketbollit e Kosovës.“Kosova shkruan historinë, arrin në kualifikimet e Botërorit” dhe “Historike, Kosova arrin në kualifikimet e Botërorit”, janë dy nga titujt e medias kosovare në raportimet për “spektakëlin në Pallatin e Rinisë dhe Sporteve në Prishtinë”.Media thekson se, me fitoren e mbrëmshme, me “një performancë të jashtëzakonshme ndaj Estonisë së fortë, që tashmë ka siguruar plasmanin” Kosova ka përfunduar e dyta në Grupin C me dy fitore.

UROJNË PRESIDENTI THAÇI E KRYEMINISTRI MUSTAFA

Presidenti i Kosovës, Hashim Thaçi dhe kryeministri Isa Mustafa kanë uruar përfaqësuesen e Kosovës në basketboll për plasmanin në kualifikimet për Botërorin “Kina 2019”.

“Kosova, pjesë e ndeshjeve kualifikuese për Botërorin ‘Kina 2019’ në basketboll. Urime lojtarëve dhe stafit të përfaqësueses për këtë sukses historik”, shkruan Thaçi.

“Fitore fantastike e basketbollistëve të Kosovës përballë Estonisë së fortë. Kalimi i fazës parakualifikuese për Kupën e Botës 2019, dëshmon potencialin e madh të basketbollit tonë. Pas Xhudos dhe sporteve tjera, Basketbolli po e ngrit emrin e Kosovës në majat e sportit botëror. Urime!”, shkruan Mustafa në ‘facebook’.

Vullnetarët e Korpusit të Paqes dhe Partneriteti me SHBA

August 19, 2017 by dgreca

SHBA në Kosovë edhe me vullnetarët e Korpusit të Paqes/
-Ambasadori i Shteteve të Bashkuara të Amerikës në Kosovë, Greg Delawie: Vullnetarët e Korpusit të Paqes paraqesin një partneritet ndërmjet dy vendeve tona…Shtetet e Bashkuara të Amerikës janë ndër miqtë dhe mbështetësit më të ngushtë të Kosovës. Partneriteti ndërmjet dy vendeve tona është i thellë dhe shumëdimensional dhe ne punojmë me mund çdo ditë për t’i çuar përpara qëllimet tona të përbashkëta për demokraci, siguri dhe begati/
PRISHTINË, 19 Gusht 2017-Gazeta DIELLI-Behlul Jashari/ Në Kosovë kanë nis misionin edhe 35 vullnetarë amerikanë të Korpusit të Paqes, të grupit më të ri – të katërt, të cilët do shërbejnë për dy vite si mësues të gjuhës angleze në shkollat kosovare, pasi edhe iu ndanë certifikata për përfundimin me sukses të trajnimit gjatë tre muajve në Kosovë.Grupi i parë i Korpusit të Paqes i SHBA-ve kishte 25 vullnetarë, të cilët mbërritën në Kosovë në 8 qershor 2014, ndërsa betimin solemn e dhanë në 20 gusht, poashtu pas trajnimit parapërgatitor në komunitetet në Kosovë.

Para se të shkonin në pikat e tyre të shërbimit vullnetarët u aftësuan për tre muaj në mënyrë gjithëpërfshirëse për aspektet ndërkulturore, gjuhësore, dhe teknike.

Korpusi i Paqës filloi programin e tij të parë në Kosovë me ftesë të Presidentes së atëherëshme Atifete Jahjaga, e cila në 9 shtator të vitit 2013 me ambasadoren në atë kohë të SHBA-së në Prishtinë, Tracey Ann Jacobson, nënshkruan marrëveshjen ndërshtetërore për hapjen e programit të Korpusit të Paqes në Kosovë.

“Me këtë marrëveshje, Kosova bëhet shteti i 140 nikoqir i Korpusit të Paqes, organizatë kjo e vullnetarëve amerikanë e themeluar nga Presidenti Kenedi, që me dekada kanë ndërtuar ura të miqësisë mes popujve përreth botës”, theksoi Presidentja në ceremoninë ku ishte edhe drejtoresha e Korpusit Amerikan të Paqes, Helen Lowman.

Vullnetarët e Korpusit të Paqes, të grupit të katërt, janë betuar solemnisht këtë javë, në 16 gusht, në një ceremoni në Hajvali afër Prishtinës të udhëhequr nga Ambasadori i Shteteve të Bashkuara të Amerikës në Kosovë, Greg Delawie, i cili më këtë rast theksoi se, “vullnetarët e Korpusit të Paqes paraqesin një partneritet ndërmjet dy vendeve tona” dhe se, “Shtetet e Bashkuara të Amerikës janë ndër miqtë dhe mbështetësit më të ngushtë të Kosovës”.

***

Fjala e Ambasadorit të SHBA në Prishtinë Greg Delawie gjatë ceremonisë së betimit të grupit të katërt të vullnetarëve të Korpusit të Paqes në Kosovë, 17 gusht 2017

Mirëmëngjesi të gjithëve. Ministër Bajrami, Ministër Kamberi, mysafirë të nderuar, vullnetarë të Korpusit të Paqes, jam shumë i lumtur që jam këtu me ju sot.

Kam ardhur këtu para rreth dy viteve dhe njëra ndër gjërat e para që i kam bërë ka qenë të vija në po këtë restoran në ceremoninë e betimit të grupit të vullnetarëve të Korpusit të Paqes që kishin arritur këtu para dy viteve dhe që u larguan nga vendi para disa javëve. Erdha këtu sërish para një viti dhe jam këtu prapë sot sepse besoj në Korpusin e Paqes, besoj në juve dhe besoj në këtë partneritetin e mrekullueshëm që e kanë dy vendet tona e që simbolizohet dhe konkretizohet çdo ditë përmes vullnetarëve të Korpusit të Paqes anembanë këtij vendi duke ua mësuar gjuhën angleze qytetarëve të Kosovës nga komunitetet e ndryshme.

Vullnetarët e Korpusit të Paqes paraqesin një partneritet ndërmjet dy vendeve tona për promovimin e zhvillimit dhe përparimit të Kosovës dhe për ta ndërtuar një themel të fortë të mirëkuptimit ndërmjet popullit të dy vendeve tona.

Ju i përfaqësoni amerikanët nga komunitetet anembanë Shteteve të Bashkuara të Amerikës . Ju, po ashtu, do të ndërtoni miqësi me popullin e Kosovës nga komunitetet e ndryshme nga i tërë vendi.

Shtetet e Bashkuara të Amerikës janë ndër miqtë dhe mbështetësit më të ngushtë të Kosovës. Partneriteti ndërmjet dy vendeve tona është i thellë dhe shumëdimensional dhe ne punojmë me mund çdo ditë për t’i çuar përpara qëllimet tona të përbashkëta për demokraci, siguri dhe begati.

Nuk ka manifestim më të prekshëm që Shtetet e Bashkuara të Amerikës e shtrijnë dorën e miqësisë se sa prania dhe përkushtimi i vullnetarëve të Korpusit të Paqes, si ju. Puna juaj këtu dhe fryma me të cilën e kryeni atë punë do të ndryshojnë jetë këtu dhe do t’i ekspozojnë drejtpërdrejt vlerat amerikane para qytetarëve kosovarë.

Programi i Korpusit të Paqes paraqet një simbol të qëndrueshëm dhe të dukshëm të kontributit të Amerikës për përpjekjeve për paqe në botë. Këto qëllime përkufizohen në misionin e Korpusit të Paqes qysh prej fillimit të këtij programi gjatë presidencës së John Kennedy-t në vitin 1961:

T’ju ndihmojë vendeve të interesuara për t’i përmbushur nevojat e tyre për fuqi punëtore të trajnuar;
Të ndihmojë në promovimin e njohjes më të mirë të popullit amerikan nga populli vendës;
Të ndihmojë që populli amerikan t’i njohë më mirë të tjerët.

Korpusi i Paqes ka të bëjë shumë me njerëz që shkëmbejnë ide dhe që punojnë bashkërisht, që mësojnë për njëri-tjetrin, që ia bartin njëri-tjetrit shkathtësitë dhe njohuritë, që shkëmbejnë përvoja dhe që nxisin mirëkuptimin dhe vullnetin e mirë. Të arriturat e mëhershme të vullnetarëve të Korpusit të Paqes në Kosovë përfshijnë:

Organizimi i garës së përvitshme ndërkombëtare Shkruaj! për nxënës të shkollave të mesme dhe fillore nga i tërë vendi. Në garë janë paraqitur më shumë se 10.000 pjesëmarrës nga e tërë bota; tre nxënës kosovarë kanë fituar çmime në nivel ndërkombëtar!
Organizimi i mësimit të gjuhës angleze për të rritur në komunitetet e tyre që kanë pasur cak grupe të ndryshme, duke përfshirë gra dhe anëtarë të organizatave lokale me qëllim për t’iu ndihmuar që ta përvetësojnë gjuhën angleze në nivelin fillestar ose të avancuar.
Organizimi i organizatës së parë model të Kombeve të Bashkuara në Kosovë. Ekipi ka marrë pjesë në garën nënrajonale në Maqedoni dhe dy anëtarë të ekipit janë vlerësuar si delegatë të jashtëzakonshëm.

Këto janë vetëm disa pika të punës së rëndësishme që vullnetarët e Korpusit të Paqes e bëjnë çdo ditë. Jam i bindur se do t’i përmbushni synimet tuaja gjatë shërbimit në Korpusin e Paqes. E keni mundësinë që gjatë dy viteve të ardhshme t’ia përmirësoni dikujt jetën, të jepni dhe të fitoni këndvështrime të reja, si dhe t’ua ndryshoni jetën nxënësve tuaj, duke mbjellur farën që do të rritet edhe shumë kohë pasi që shërbimi juaj në Korpusin e Paqes të ketë përfunduar. Mendoj se edhe jeta juaj do të ndryshojë, siç edhe dëgjuam. Në ekipin tim në ambasadë janë disa ish-vullnetarë të Korpusit të Paqes. I lus ata që janë këtu ta ngrejnë dorën lart që t’i shihni kush janë.

Dëshiroj po ashtu t’ju shpreh mirënjohje të posaçme familjeve që kanë qenë nikoqirë të pjesëmarrësve në trajnim të Korpusit të Paqes. Kjo është pjesë thelbësore e programit dhe jep mundësi të njëmendta për të vënë lidhje të ngushta ndërmjet popullit të të dy vendeve tona.

Kam mësuar shumë gjatë këtyre dy viteve në Kosovë dhe edhe ju do të mësoni shumë gjatë dy viteve që do t’i kaloni në Kosovë. Ju dëshiroj gjithë të mirat dhe ju uroj sukses në shërbimin tuaj si vullnetarë. Si dhe ju shpreh mirënjohjen e përzemërt për përkushtimin tuaj për mirëkuptimin ndërkombëtar dhe për thurjen e lidhjeve edhe më të ngushta ndërmjet Shteteve të Bashkuara të Amerikës dhe Republikës së Kosovës.

***

Ambassador Delawie’s Remarks at the Swearing-In of the Fourth Group of Peace Corps Volunteers in Kosovo, August 17, 2017

Good morning everybody. Minister Bajrami, Minister Kamberi, honored guests, and Peace Corps Volunteers, it is a real pleasure to be with you today.

I got here just about two years ago and one of the first things I did was to come to this very restaurant to swear in the Peace Corps cohort that got here two years ago and left just over the last couple of weeks. I was back a year ago, and I’m back today. This is because I believe in the Peace Corps, I believe in you, and I believe in the terrific partnership that our two countries have that is symbolized and made concrete everyday by Peace Corps Volunteers throughout this country teaching English to the citizens of Kosovo from a variety of ethnic communities.

Peace Corps Volunteers represent a partnership between our two countries to promote the development and prosperity of Kosovo and to build a strong foundation of understanding between the people of our two nations.

You represent Americans from communities across the United States. And you will build friendships with the people of Kosovo from communities across this country.

The United States is one of Kosovo’s best friends and supporters. The partnership between our countries is deep and multi-dimensional, and we work hard every day to advance our common goals of democracy, security, and prosperity.

There is no more tangible manifestation that the United States is extending the hand of friendship than the presence and dedication of Peace Corps Volunteers such as yourselves. Your work here and the spirit with which you carry it out will change lives and will give Kosovo citizens direct exposure to American values.

The Peace Corps represents a viable and visible symbol of America’s contribution to world peace efforts. Three goals have defined the Peace Corps mission since the program began during the Presidency of John Kennedy in 1961:

To help the people of interested countries to meet their needs for trained men and women.
To help promote a better understanding of the American people on the part of the people served.
To promote a better understanding of other people on the part of the American people.

Peace Corps is very much about people exchanging ideas and working together, learning about each other, transferring skills and knowledge, sharing experiences, and fostering understanding and goodwill. Previous Peace Corps volunteers’ accomplishments in Kosovo include:

Organizing the annual International Write on! competition for students in primary and secondary schools across the country. There were over 10,000 world-wide entries, and three Kosovo students won prizes at the international level!
Organizing Adult English classes in their communities to various target groups including women and members of local organizations with the aim of helping them learn basic or advanced English.
Organizing the first Model United Nations in Kosovo. The team took part in the sub-regional competition in Macedonia and two of the team members were recognized as outstanding delegates.

These are just a few highlights of the important work Peace Corps volunteers do every day. I am confident that you will meet your own goals for your Peace Corps Service. You have the opportunity in the next two years to change someone’s life for the better, to give and receive new perspectives, and to make a difference in the lives of your students, planting seeds that will grow long after your Peace Corps volunteer service is over. I think your lives will change as well as we have heard. On my team at the Embassy, we’ve got a number of returned Peace Corps Volunteers and those here, I’d like you to raise your hands so others know who you are.

I would also like to express special appreciation for the families who have been hosting Peace Corps Trainees in their homes. This is an essential component of the program and provides unique opportunities to build close ties between the people of our two countries.

I’ve learned a lot in my two years in Kosovo, and you will learn a lot in your two years in Kosovo. My best wishes to each of you for a successful Volunteer service. And my heartfelt appreciation for your dedication to international understanding and to the weaving of closer ties between the United States and the Republic of Kosovo.

Kosovë-Maqedoni, marrëveshje për hapjen e pikës kufitare në Stançiq

August 16, 2017 by dgreca

-Nënshkrimi i kësaj marrëveshje u bë nga Ushtruesi i Detyrës së Ministrit të Punëve të Jashtme të Republikës së Kosovës, Emanuel Demaj dhe zëvendës-ministrja e Punëve të Jashtme e Republikës së Maqedonisë, Arta Toqi/

PRISHTINË, 16 Gusht 2017-B.Jashari/ Republika e Kosovës dhe Republika e Maqedonisë kanë nënshkruar edhe një marrëveshje të re dy-palëshe në mes dy vendeve, e cila synon hapjen e pikës së re kufitare në Stançiq, duke i kontribuar edhe më tej bashkëpunimit ndër-kufitar në mes dy vendeve respektive.Nënshkrimi i kësaj marrëveshje u bë nga Ushtruesi i Detyrës së Ministrit të Punëve të Jashtme të Republikës së Kosovës, Emanuel Demaj dhe zëvendës-ministrja e Punëve të Jashtme e Republikës së Maqedonisë, Arta Toqi.

Kjo marrëveshje është vlerësuar si shumë e rëndësishme nga përfaqësuesit politikë të të dyja vendeve, pasi që do të lehtësojë lëvizjen e lirë të qytetarëve nga të dyja anët e kufirit.

“Sot është një ditë e veçantë, sidomos për zonën e Anamoravës, pasi është nënshkruar një Marrëveshje që hap edhe një derë rreth lëvizjes së lirë, e sidomos për ata që jetojnë në këto zona. Kosova ka kryer të gjitha obligimet e saj sa i përket hapjes së pikës kufitare”, ka thënë U.D. ministri Demaj, pas nënshkrimit të Marrëveshjes.

Vlerësim të ngjashëm për rëndësinë e kësaj Marrëveshje ka bërë edhe zëvendës-ministrja e Punëve të Jashtme e Maqedonisë, Arta Toqi.

“Është ditë e rëndësishme hapja e kësaj pike kufitare sa i përket banorëve, pasi do të shkurtojë rrugën për 20 deri në 25 kilometra. Shpresojmë në një afat shumë të shkurtër do ta finalizojmë këtë projekt ”, tha Toqi.

Në 8 shkurt 2016, në Prishtinë, atëherë zëvendëskryeministri i parë, njëherësh ministër i Punëve të Jashtme të Republikës së Kosovës, Hashim Thaçi, ka pritur për një takim bilateral ministrin e Punëve të Jashtme të Republikës së Maqedonisë, Nikolla Poposki, me të cilin kanë nënshkruar marrëveshjen ndërshtetërore për kalimin e kufirit me letërnjoftim dhe për hapjen e vendkalimit të ri kufitar Stançiq-Bellanoc.

SOT-Kosova, traditë të gjatë në studimet albanologjike

August 14, 2017 by dgreca

-Në ambientet e Fakultetit të Filologjisë në Universitetin e Prishtinës “Hasan Prishtina” është bërë hapja solemne e punimeve të Seminarit të XXXVI Ndërkombëtar për Gjuhën, Letërsinë dhe Kulturën Shqiptare/

1 Min Bajrami Seminari-sot-1 1 Seminari-sot

-Ceremoninë e mbylli drejtori i Seminarit, Rrahman Paçarizi, i cili ka thënë se sivjet kanë shënuar numër rekord të kërkesave për pjesëmarrje në kurset e mësimit të shqipes. Sipas tij, momenti i ri është interesimi i brezit të dytë e të tretë të mërgatës shqiptare me origjinë nga Kosova e Shqipëria për ta mësuar ose përmirësuar shqipen e tyre/

PRISHTINË, 14 Gusht 2017-Gazeta DIELLI/ Sot në ambientet e Fakultetit të Filologjisë në Universitetin e Prishtinës “Hasan Prishtina” është bërë hapja solemne e punimeve të Seminarit të XXXVI Ndërkombëtar për Gjuhën, Letërsinë dhe Kulturën Shqiptare.
Në këtë solemnitet ishin të pranishëm: Arsim Bajrami, ministër në detyrë i Arsimit, Shkencës dhe Teknologjisë; Ismet Salihu, kryetar i Këshillit Drejtues të Universitetit të Prishtinës; Hivzi Islami kryetar i Akademisë së Shkencave dhe Arteve; Lindita Rugova, dekane e Fakultetit të Filologjisë, ambasadorë, akademikë dhe seminaristë.
Ceremoninë e hapi dekanja e Fakultetit të Filologjisë, Lindita Rugova, e cila tha se seminaristët janë dëshmia më e mirë se asgjë nuk e ndryshon formimin e vazhdueshëm shkencor tërëjetësor të studiuesve të rinj nëpërmjet këtij institucioni dhe standardet e larta që ky Seminar i ka vendosur tashmë.
“Një rrugëtim i vështirë, me shumë peripeci, por gjithnjë në kërkim të ngritjes dhe avancimit të dijes, në kërkim të forcimit të bashkëpunimit ndërakademik dhe në kërkim të promovimit të vlerave tona në botë, një tubim i lartë shkencor dhe kulturor që ka arritur të shndërrohet në një institucion të rëndësishëm ndërkombëtar dhe me impakt të lartë në avancimin e shkencës dhe të kulturës, në zbërthimin e gërshetimit të gjuhëve e të kulturave të ndryshme me shqipen dhe avancimin e studimeve gjuhësore, letrare dhe kulturore të shqipes në shumë qendra botërore universitare. Falë miqve tanë, seminaristëve, albanologjia vazhdon të studiohet dhe të mësohet gjithandej në botë.”, ka thënë dekanja. Ajo për më shumë i ka falënderuar seminaristët (profesorë e studentë në universitete të mirënjohura evropiane), që kanë kontribuar në themelimin e marrëveshjeve të bashkëpunimit të ndërsjellë me fakultetin tonë, me theks të veçantë në albanologji.
Në një fjalë rasti, ministri në detyrë i Arsimit, Shkencës dhe Teknologjisë, Arsim Bajrami, në emër të Qeverisë së Kosovës e uroi fillimin e Seminarit duke thënë se ky tashmë është shndërruar në një nga institucionet më prestigjioze për studimin e albanologjisë. Më tutje, ai ka thënë se ata do të përpiqen, së bashku me Republikën e Shqipërisë, që ta krijojnë një linjë të veçantë buxhetore për Seminarin, duke e shndërruar kështu në ngjarje shtetërore.
“Ky Seminar ka shërbyer për internacionalizimin e studimeve të albanologjisë në universitetet e botës dhe për ruajtjen e traditës dhe kulturës shqiptare në të gjitha vendet ku jetojnë shqiptarët.”, ka thënë ministri Bajrami.
Po ashtu, kryetari i Këshillit Drejtues të Universitetit të Prishtinës, Ismet Salihu, i uroi punë të mbarë Seminarit duke e vlerësuar lart këtë instituticion.
Ndërkaq, në emër të Akademisë së Shkencave, Artit dhe Kulturës, akademik Hivzi Islami, duke i uruar punë të mbarë seminarit tha se ky Seminar tashmë e ka krijuar dimensionin e vet si pjesë e pandashme e traditës dhe kulturës shqiptare.
“Seminaristët janë ambasadorët më të fuqishëm të Kosovës. Përçuesit më besnikë të vlerave të Kosovës dhe shqiptarëve”, ka thënë akademik Islami.
Ceremoninë e mbylli drejtori i Seminarit, Rrahman Paçarizi, i cili ka thënë se sivjet kanë shënuar numër rekord të kërkesave për pjesëmarrje në kurset e mësimit të shqipes. Sipas tij, momenti i ri është interesimi i brezit të dytë e të tretë të mërgatës shqiptare me origjinë nga Kosova e Shqipëria për ta mësuar ose përmirësuar shqipen e tyre.
“Ne jemi institucioni më i madh dhe me traditën më të gjatë në studimet albanologjike. Synojmë të mbetemi të tillë. Këtë nuk mund ta bëjmë pa mbështetjen e seminaristëve dhe studiuesve joshqiptarë, të cilët na kanë mbështetë publikisht. Dhe, sivjet ka pasë një numër rekord të të paraqitur për ta mësu shqipen, më shumë se 170 – mbështetje më e madhe nuk na duhet.”, ka thënë Paçarizi.
Seminari Ndërkombëtar për Gjuhën, Letërsinë dhe Kulturën Shqiptare bën të ditur edhe se punimet e tij do të mbahen nga 14 deri 25 gusht./b.j/