Behlul Jashari – Page 169 – Dielli

Kosova para 18 viteve, Kuvend në kohë lufte

July 16, 2016 by dgreca

SPECIALE-Gazeta DIELLI nga korrespondenti në Kosovë Behlul JASHARI/

Foto Gazeta DIELLI- Behlul Jashari: Shtëpia e Pavarësisë Dr. Ibrahim Rugova, që ishte shtëpi e shkrimtarëve dhe seli e institucioneve të Republikës së Kosovës, ku u mbajt seanca konstituive e Kuvendit kosovar në 16 korrik 1998/

Kosova para 18 viteve, Kuvend në kohë lufte/

-Raportova drejtpërdrejtë nga seanca konstituive e Kuvendit të Kosovës dhe ndërhyrja aty e forcave serbe, në 16 korrik 1998/

-Presidenti Ibrahim Rugova: “Betohem se tërë fuqinë time do t’ia kushtoj arritjes dhe ruajtjes së pavarësisë të Republikës së Kosovës në tërësinë territoriale të saj, realizimit të lirive dhe të drejtave njerëzore e qytetare, respektimit dhe mbrojtjes së Kushtetutës dhe të ligjeve, ruajtjes së paqes dhe mirëqenies së gjithë qytetarëve të Republikës së Kosovës dhe me ndërgjegje e përgjegjësi do t’i kryej të gjitha detyrat e mia. Betohem”/

-Deputetët: “Betohem se do të angazhohem me përgjegjësi dhe me ndërgjegje për pavarësinë dhe sovranitetin e Republikës së Kosovës, për realizimin dhe mbrojtjen e lirive dhe të drejtave njerëzore dhe kombëtare të qytetarëve të saj në përputhje me Kushtetutën dhe ligjet e Republikës së Kosovës”/

Gazeta DIELLI nga korrespondenti në Kosovë Behlul JASHARI/

PRISHTINË, 16 Korrik /ATSH-Behlul Jashari/.-Kosova në kohë lufte, para 18 viteve, mbajti zgjedhje në 22 mars dhe në 16 korrik 1998 konstituoi Kuvendin që nuk kishte arritur ta konstituonte pas zgjedhjeve të para pluraliste parlamentare e presidenciale të 24 majit 1992 të Republikës atëherë të panjohur ndërkombëtarisht, që megjithatë ishte dhe njihej si deklarim i fuqishëm i vullnetit kombëtar, politik e demokratik.

Seanca konstituive e Kuvendit u mbajt në shtëpinë e shkrimtarëve, që u shndërrua në seli të Presidencës e institucioneve tjera të Republikës së Kosovës, në sallën që ishte e vogël për ngjarjen e madhe, ku ishte gritur flamuri kombëtar shqiptar dhe u intonua Himni i Flamurit.

Deputetët, të zgjedhurit e popullit që kishin ardhë edhe nga zonat e luftimeve, zgjodhën me aklamacion akademik Idriz Ajetin për kryetar të Kuvendit dhe tre nënkryetarë, ndërsa u betuan se “do të angazhohen me përgjegjësi dhe me ndërgjegje për pavarësinë dhe sovranitetin e Republikës së Kosovës, për realizimin dhe mbrojtjen e lirive dhe të drejtave njerëzore dhe kombëtare të qytetarëve të saj në përputhje me Kushtetutën dhe ligjet e Republikës së Kosovës”.

Zgjedhjet ishin edhe presidenciale dhe i zgjedhuri për herë të dytë, Presidenti Ibrahim Rugova, dha poashtu betimin: “Betohem se tërë fuqinë time do t’ia kushtoj arritjes dhe ruajtjes së pavarësisë të Republikës së Kosovës në tërësinë territoriale të saj, realizimit të lirive dhe të drejtave njerëzore e qytetare, respektimit dhe mbrojtjes së Kushtetutës dhe të ligjeve, ruajtjes së paqes dhe mirëqenies së gjithë qytetarëve të Republikës së Kosovës dhe me ndërgjegje e përgjegjësi do t’i kryej të gjitha detyrat e mia. Betohem”.

Në seancën e nisur në orën 12:30, ku u bënë nderimet më të larta për të rënët për lirinë e pavarësinë e Kosovës, u miratua propozimi që Kuvendi të nxjerrë një Deklaratë për gjendjen në vend, e cila theksonte se, Kuvendi i Republikës së Kosovës është institucion i bashkërendimit të përpjekjeve të përgjithshme politike e ushtarake në funksion të realizimit të pavarësisë së Kosovës.

“Mbledhja konstitutive e Kuvendit të Republikës së Kosovës u bë në kushtet e okupimit serb të Kosovës, në rrethanat e ushtrimit të terrorit shtetëror serb me përmasa gjenocidi, por edhe në kushtet e fuqizimit të rezistencës së përgjithshme dhe të hovit të luftës çlirimtare të Kosovës”, thuhej fillimisht në Deklaratë.

Theksohej se, “i dalë nga zgjedhjet e 22 marsit 1998, të mbajtura gjithashtu në kushte të pushtimit, dhe si kundërshtim politik e institucional i këtij pushtimi dhe i institucioneve të pushtuesit, e, para së gjithash, si shprehje e vullnetit politik të popullit të Kosovës për liri e pavarës, institucioni më i lartë politik përfaqësues dhe kushtetues – ligjvënës i pavarësimit të Kosovës”, po nxirrte Deklaratën.

Seanca konstituive e Kuvendit zhvillohej nën shtetrrethimin ushtarako-policor që Beogradi kishte vendosur në Kosovë që u dyfishua edhe me rrethimin nga forcat serbe me armatime e makineri luftarake që mbërritën te ndërtesa, madje edhe hynë brenda dhe konfiskuan dosje e dokumete derisa raportoja drejpërdrejtë për Agjencinë shtetërore-zyrtare të lajmeve të Shqipërisë -ATSH e Radio Televizionin Shqiptar – RTSH dhe me një kasetofon special të vogël e të fshehur, që ma kishte dërguar vëllai Demë Jashari nga Zvicëra, bëja gjithë audioincizimin e zhvillimeve. Pjesë e zhvillimeve, derisa vazhdonte ndërhyrja e forcave serbe, ishte edhe ardhja e shpejtë brenda selisë, ku ishin Presidenti Rugova e deputetët kosovarë, e diplomatëve amerikanë – e Nikollas Hill, sekretar i parë në Ambasadën e SHBA-ve në Beograd, që ndodhej atë ditë në kryeqytetin kosovar dha nga Zyra Amerikane në Prishtinë, që ishte hapur nga Nënsekretari Amerikan i Shtetit, Xhon Kornblum, në 6 qershor 1996 dhe shënonte vendosjen e pranisë amerikane në Kosovë në rrethana të veçanta.

Në prag të zgjedhjeve kosovare parlamentare e presidenciale të para 18 viteve, Kongresi Amerikan kishte miratuar një rezolutë, në të cilën, krahas kërkesës që SHBA-të të mos lejojnë të përsëritet një Bosnje tjetër në Ballkan, kërkohej që zgjedhjet në Kosovë të mos pengoheshin. “Ne kemi një shprehje në anglisht: ‘zgjedhje në hije’. Por, ne presim me padurim që kosovarët të mbajnë zgjedhje në dritën e diellit”, deklaronte ndihmëssekretari amerikan i Shtetit, Strob Talbot.

Pas zgjedhjeve, në 29 maj 1998, Presidenti Rugova në Uashington u takua me Presidentin amerikan Bill Klinton. “Ne ritheksuam se zgjidhja më e mirë për Kosovën do të ishte shteti i pavarur”, deklaronte Rugova pas takimit. Ndërsa, Klinton tha se Kosova është një nga shqetësimet amerikane dhe se SHBA-të do të intensifikojnë angazhimin për zgjidhjen e çështjes së Kosovës në kuadër të Grupit të Kontaktit dhe të NATO-s.

Njëmbëdhjet vite më vonë, në 1 nëntor 2009, në Kosovën e lirë, Presidenti amerikan Bill Klinton, në fjalën e tij në Kuvendin e Republikës kosovare, por edhe në sheshin me emrin e shtatoren e tij në Prishtinë, ka përkujtuar Presidentin historik Ibrahim Rugova dhe një gurë kristali të cilin ai ia kishte dhuruar.
“Ai gurë kristal të cilin ma dha Rugova i është dhuruar një universiteti, por për një kohë ai ishte i njohur edhe në SHBA me emrin ‘Guri i Rugovës’”, tha Presidenti amerikan Clinton.
Ai ka treguar se është rritur në një vend që ka gjeologji të ngjashme me Kosovën, në Arkanzas. “Atëherë, ai (Rugova), më tha se duhet të na ndihmosh”, ka përkujtuar ish-Presidenti i SHBA-ve, Klinton gjatë vizitës në Kosovë.

Kosova para 26 vitesh, në 2 Korrik 1990, miratoi në Kuvend Deklaratën Kushtetuese për pavarësinë e saj. Më pas, Kuvendi i Kosovës miratoi Kushtetutën dhe më të shpalli Kosovën Republikë në një mbledhje në Kaçanik në 7 Shtator 1990. Në fundshtatorin 1991 Kosova mbajti Referendumi për pavarësi, në të cilin pro votuan 99,87% në pjesëmarrjen masive të 87,01% të qytetarëve me të drejtë vote.

Kosova është e lirë 17 vite, nga 12 Qershori 1999, kur nisën të hyjnë forcat shpëtimtare të NATO-s. Pavarësia e Kosovës, e shpallur para 8 viteve, në 17 Shkurt 2008, është njohur deri tani nga 111 shtete anëtare të OKB-së.

DEKLARATË E KUVENDIT TË REPUBLIKËS SË KOSOVËS

-Le të bashkojmë në një unitet të sinqertë të gjitha forcat politike shqiptare, të gjitha potencialet fizike e mendore, morale e politike, në frontin e përbashkët të qëndresës dhe të pavarësisë sonë. Të bashkëpunojmë më tepër dhe të bashkërendojmë përpjekjet me të gjithë ata që mund dhe duhet të na ndihmojnë, me Republikën e Shqipërisë, me viset shqiptare jashtë saj dhe me diasporën/

PRISHTINË, 22 KORRIK 1998

Kuvendi i Republikës së Kosovës shpalli sot një Deklaratë nga mbledhja konstitutive e datës 16 korrik 1998. Në Deklaratën ë nënshkruar nga kryetari i Kuvendit, akademik Idriz Ajeti, shprehen qëndrimet e organit ligjdhënës të Republikës për çështje dhe probleme të ndryshme të aktualitetit të Kosovës.

Në tekstin e deklaratës përkujtohet mes tjerash se Kuvendi i Republikës së Kosovës është institucion i bashkërendimit të përpjekjeve të përgjithshme politike e ushtarake në funksion të realizimit të pavarësisë së Kosovës.

Më posht po e japim të plotë Deklaratën.

D E K L A R A T Ë

Nga mbledhja konstitutive e Kuvendit të Republikës së Kosovës

Mbledhja konstitutive e Kuvendit të Republikës së Kosovës u bë në kushtet e okupimit serb të Kosovës, në rrethanat e ushtrimit të terrorit shtetëror serb me përmasa gjenocidi, por edhe në kushtet e fuqizimit të rezistencës së përgjithshme dhe të hovit të luftës çlirimtare të Kosovës.

I dalë nga zgjedhjet e 22 marsit 1998, të mbajtura gjithashtu në kushte të pushtimit, dhe si kundërshtim politik e institucional i këtij pushtimi dhe i institucioneve të pushtuesit, e, para së gjithash, si shprehje e vullnetit politik të popullit të Kosovës për liri e pavarës, institucioni më i lartë politik përfaqësues dhe kushtetues – ligjvënës i pavarësimit të Kosovës,

KUVENDI I REPUBLIKËS SË KOSOVËS

Është dhe do të jetë:

– institucion që artikulon qartë dhe fuqishëm aspiratat dhe vendosmërinë e popullit të Kosovës për liri e pavarësi;

– institucion që shpreh dhe orienton interesin dhe veprimin e popullit shqiptar dhe të popujve të tjerë të Kosovës për zhvillim të lirë e demokratik;

– organ i bashkimit politik të popullit të Kosovës dhe i orientimit të përpjekjeve për zgjidhjen e çështjes së Kosovës parësisht me rrugë politike e me mjete paqësore, në bazë të rezultateve të Referendumit të vitit 1991, në mbështetje të parimeve të vetvendosjes e të demokratizimit dhe të parimeve të tjera të vlefshme në raportet e sotme ndërkombëtare.

Pikërisht si shprehje e aspiratave për pavarësi dhe e vendosmërisë për realizimin e saj, si institucion dhe faktor i pavarësimit, Kuvendi i Republikës së Kosovës është përfaqësues i të gjithë atyre për të cilët pavarësia dhe demokratizimi janë orientime themelore, përtej përkatësive politike e partiake dhe dallimeve të tjera eventuale.

Për t’i kryer funksionet e veta themelore në rrethanat konkrete,

KUVENDI I REPUBLIKËS SË KOSOVËS

do të përpiqet të jetë:

– institucion i bashkimit politik dhe i konsenzusit thelbësor të të gjitha forcave politike në Kosovë;

– institucion i bashkërendimit të përpjekjeve të përgjithshme politike e ushtarake në funksion të realizimit të pavarësisë së Kosovës;

– organ i besimit të mirë dhe i bashkëpunimit të barabartë të të gjithë popujve të Kosovës;

– organ i afirmimit të mëtejshëm ndërkombëtar të përpjekjeve tona çlirimtare në përputhje dhe në bashkëpunim me bashkësinë ndërkombëtare;

– organ i normëzimit demokratik të marrëdhënieve dhe i garantimit të lirive dhe të të drejtave individuale e kolektive, politike e kombëtare.

Kuvendi i Republikës së Kosovës u konstituua dhe po fillon të funksionojë në rrethana tejet të rënda, komplekse dhe të rrezikshme. Sundimi serb po e shtyp Kosovën me tërë peshën, me qëllim që ta nënshtrojë popullin e saj. Kosova tashmë po hyn në një luftë, që mund të jetë shumë më e përgjakshme dhe më rrënimtare. Për Kosovën dhe të ardhmën e saj këto janë ditë vendimtare.

Humbjet e përgjithshme politike dhe ushtarake të Serbisë në Kosovë, shtimi i rrezistencës së përgjithshme të popullit të Kosovës, zgjerimi dhe fuqizimi i shpejtë i UÇK-së, dënimi ndërkombëtar i pretendimeve të Serbisë, izolimi i saj, ashtu si dhe angazhimet e shtuara ndërkombëtare, paralajmërojnë disfatë të sigurt të hegjemonizmit serbomadh. Megjithatë, deri në çlirimin përfundimtar mbetet për t’u bërë një punë e mundimshme dhe me flijime të reja. Prandaj, tash më shumë se kurrë nevojiten përkushtimi, vendosmëria dhe bashkëpunimi i të gjithëve për realizimin e pavarësisë.

Përkundër kësaj gjendjeje që po kalon Kosova, mundësitë e dialogut dhe të zgjidhjes paqësore, edhe pse tani jo të shumta, nuk janë shpenzuar tërësisht. Prandaj, pa hequr dorë nga syçeltësia dhe vetmbrojtja, të përpiqemi t’i shfrytëzojmë ato.

Për të arritur e realizimin e këtyre synimeve është e domosdoshme të jemi unikë dhe të vendosur. Le të bashkojmë në një unitet të sinqertë të gjitha forcat politike shqiptare, të gjitha potencialet fizike e mendore, morale e politike, në frontin e përbashkët të qëndresës dhe të pavarësisë sonë.

Të bashkëpunojmë më tepër dhe të bashkërendojmë përpjekjet me të gjithë ata që mund dhe duhet të na ndihmojnë, me Republikën e Shqipërisë, me viset shqiptare jashtë saj dhe me diasporën.

Të bashkëpunojmë me miqtë tanë kudo që të jenë. Me angazhimin, me pjekurinë, me përgjegjësinë dhe vendosmërinë në qëndrimet dhe në veprimet tona ta meritojmë mirëkuptimin dhe ndihmën e faktorëve ndërkombëtarë dhe të mekanizmave të tjerë në të gjitha instancat e veprimit të tyre.

Konstituimi dhe funksionimi i Kuvendit të Republikës së Kosovës le të jenë faktor i kapërcimit të zënkave, faktor i një bashkëpunimi të ri cilësor, i një kthese thelbësore pozitive në orientimet dhe në veprimtaritë tona, thuhet në deklratën e Kuvendit të Republikës së Kosovës, nënshkruar nga Akademik Idriz Ajeti, kryetar.

KOSOVA-LUFTA NË LAJME: 16 korrik 1998: Kuvendi seancë konstituive, luftë edhe te Prizreni…

July 16, 2016 by dgreca

PRISHTINË, 16 Korrik 2016-Gazeta DIELLI-Behlul JASHARI/ Para 18 viteve, në 16 korrik 1998, raportoja për seancën konstituive të Kuvendit të Kosovës në kohë lufte për liri e pavarësi, kundër okupimit serb, për lufimet që përfshinin Prizrenin…

[13] Fighting engulfs Prizren

PRISHTINE, July 16/ATA correspondent Behlul Jashari reports:This afternoon fighting also engulfed the city of Prizren (20 km from Albania’s northern border) and its suburbs.

At around 13:30 in the Tasus quarter, in the suburbs, only two km from the city centre, Serbian military and police forces began heavy artillery shelling from the fighting positions in the site called “Ura e Lloces”.

Sources from the spot say that several houses have been covered with smoke and fire. They say fierce fighting is also taking place in the suburbs of the Hoce e Qytetit village, in Prizren’s suburbs, where powerful blasts are being heard from.

Many inhabitants of the Prizren suburbs are leaving their homes because of the fighting.

The Democratic League of Kosova (LDK), at an emergency meeting today, denounced the Serbian attack and called on the citizens to stay home as much as their can so as to counteract to the Serbian aims of ethnic cleansing. /das/lm/

Albanian Telegraphic Agency

[14] Kosova Albanians inaugurate their parliament -Rugova and deputies

swear oath of allegiance- PRISHTINE, July 16/ATA correspondent Behlul Jashari reports:

The Parliament of the Republic of Kosova, emerging from the elections of March 22 this year in Kosova, was inaugurated in Prishtine today.

The elections were held after the expiry of the mandate of the first democratic pluralistic Parliament of Kosova, which emerged from the May 24 elections of 1992 and which could not convene under very grave conditions of Kosova.

Today’s meeting to inaugurate the parliament of Kosova, with the participation of the deputies of all parliamentary parties was held in the Presidency of Kosova and the Democratic League of Kosova (DLK) headquarters, as the building of the Kosova parliament has been occupied by the Belgrade military and police regime since the beginning of July 1990.

The legislators carried out all the procedures of inaugurating the Parliament and its commission, based on the Constitution of the Republic of Kosova.

Academician Idriz Ajeti, LDK deputy, was elected speaker of parliament.

Gjergj Dedaj, deputy of the Liberal Party, Zef Morina of the Albanian Christian-Democratic party, and Iljaz Kurteshi of the Social-Democratic Party were elected deputy speakers.

Fatmir Sejdiu, LDK deputy, was elected secretary of Parliament.

In his oath of allegiance, the president of the Republic of Kosova, Dr. Ibrahim Rugova, said that he will energetically devote himself to achieving and safeguarding the Independence of the Republic of Kosova in its territorial integrity, to ensuring human and civil rights and freedoms.

The Kosova parliament was inaugurated under extraordinary war state conditions in Kosova and without any public announcement of its inauguration today, so that the Serbian forces could not prevent it convening.

After the end of the parliament’s proceedings, Serbian forces, backed by armaments, surrounded the building and later, through many provocations and threats entered it.

Serbian forces and participants of Serbian state security members confiscated armloads of documents.

Meanwhile diplomats of the United States, accredited to Belgrade and who were in Prishtine and representatives from the U.S. Office in the Kosova capital also arrived there.

Kosova me Francën, besim në forcën e popujve paqedashës

July 15, 2016 by dgreca

Foto Gazeta DIELLI – Behlul Jashari: Prishtina, 14 korrik 2016/

-Presidenti Thaçi: Jemi me popullin francez gjithmonë, e sidomos në kohët e vështira/

-Kryeministri Mustafa në mbledhjen e qeverisë, shpreh dhimbjen e Kosovës pas sulmeve në Francë/

-Kryeparlamentari Veseli: Sulmi në Nicë ishte goditje e rëndë ndaj popullit francez dhe vlerave tona të përbashkëta/

PRISHTINË, 15 Korrik 2016-Gazeta DIELLI/ Presidenti i Republikës së Kosovës, Hashim Thaçi, deklaroi sot se, tmerret si ai i mbrëmshmi në Nice na lëndojnë zemrën, por nuk e lëkundin përkushtimin tonë për liri, barazi dhe vëllazëri, kudo në botë.

“Jemi me popullin francez gjithmonë, e sidomos në kohët e vështira. I shprehim ngushëllimet më të thella. Mendjet dhe zemrat tona janë me familjet e viktimave dhe me të gjithë ata që janë prekur.

Besojmë në forcën e popullit francez, në forcën e të gjithë popujve paqedashës, që do të ngadhënjejmë mbi dhunën dhe terrorin”, u shpreh presidenti kosovar Thaçi.

Kryeministri i Republikës së Kosovës, Isa Mustafa, në mbledhjen e sotme të qeverisë, ka ngushëlluar qeverinë dhe qytetarët e Francës, pas sulmit terrorist në Nicë.Me këtë rast, kryeministri Mustafa shprehu dhimbjen dhe pikëllimin e qytetarëve dhe të qeverisë së Kosovës për këtë akt të tmerrshëm terrorist.

“Jemi të shokuar me aktin barbar i cili la të vdekur dhjetëra njerëz të pafajshëm në qytetin e Nicës. Në këto çaste të rënda për shtetin dhe popullin francez, Kosova bashkëndjen dhe shprehë solidaritetin e plotë me popullin mik francez”, tha kryeministri kosovar.

Kryeministri Mustafa edhe njëherë theksoi përkushtimin e qeverisë së Kosovës për të qenë pjesë e koalicionit global kundër terrorizmit.

“Qeveria e Kosovës është thellësisht e përkushtuar për të qenë pjesë e koalicionit global kundër terrorizmit të prirë nga SHBA-të dhe vendet tjera perëndimore. Aktet e tilla terroriste nuk do të arrijnë të na ndalin në luftën tonë kundër të keqes globale. I shpreh ngushëllimet më të sinqerta familjarëve të viktimave dhe popullit francez në emër të Qeverisë së Republikës së Kosovës”, tha kryeministri.

Kryeministri Mustafa edhe njëherë dënoi aktet e mëhershme terroriste në Belgjikë dhe Turqi, duke kërkuar bashkëpunim më të madh ndërmjet të gjitha vendeve demokratike, dhe përkushtimin e të gjithë qytetarëve kundër akteve të tilla.

Kryetari i Kuvendit të Republikës së Kosovës, Kadri Veseli, ka dënuar ashpër sulmin e mbrëmshëm në Nicë të Francës, i cili la të vdekur dhjetëra qytetarë të pafajshëm dhe shumë të tjerë të plagosur, duke ngushëlluar njëkohësisht autoritetet dhe popullin francez.

“Sulmi i tmerrshëm mbrëmë në Nicë, ishte goditje e rëndë ndaj popullit të Republikës së Francës dhe vlerave tona të përbashkëta. Në këto momente të vështira, jemi pranë institucioneve franceze dhe ngushëllojmë familjet që humbën më të dashurit e tyre në këtë sulm të pashembullt nga egërsia, që po terrorizojnë dhe sjellin frikë tek të gjithë qytetarët, ndërsa të lënduarve u dëshirojmë shërim. Sulmi i mbrëmshëm na bën që të jemi më unik dhe më të vendosur kundër terrorizmit në nivel global”, thuhet në telegramin e kryetarit Veseli./b.j/

KUJTESË-KOSOVA-LUFTA NË LAJME: 15 korrik 1998: Luftime te kufiri me Shqipërinë, Gjakova, Deçani…

July 15, 2016 by dgreca

PRISHTINË, 15 Korrik 2016-Gazeta DIELLI-Behlul JASHARI/ Luftime kundër forcave okupatore serbe pranë kufirit të Kosovës me Shqipërinë, në rrethinat e Gjakovës, Deçanit…, raportoja para 18 vitesh, në 14 e 15 korrik 1998. Raportoja edhe se forcat serbe ishin detyruar të tërhiqen…Raportoja edhe për një takim të rëndësishëm të LDK-së, partisë së Presidentit historik të Kosovës Dr. Ibrahim Rugova:

http://www.hri.org/news/balkans/ata/1998/98-07-15.ata.html

[01] Fighting on border line with Albania in district of Gjakove and Decan

PRISHTINE, July 14 (ata) – ATA correspondent Behlul Jashari reports: Fierce fighting which took place this morning in Kosove was concentrated on the border line with Albania in the outskirts of Gjakove. Serb Yugoslav army, police and paramilitary forces are shelling the villages of Reke e Keqe in a broad area from Nec up to the suburbs of Junik.

KLA (Kosove Liberation Army) forces and Albanian population are defending themselves resolutely against Serb attacks. An Albanian from Babaj i Bokes, Ali Rustemi, who was wounded by the Serb army, died today in the hospital of Gjakove, where another wounded man has also been sent.

Fierce gunfire has taken place last night also in the suburbs of Decan. After three hours of fighting, Serb forces were forced to withdraw, suffering great casualties. Out of revenge the Serb forces while they were withdrawing set on fire some houses in Carrabreg and in the city of Decan.

Serb forces have also attacked the villages Isniq, Lluke e Eperme, Strellc and Prejlep. An Albanian, teacher Isuf Ymeral, 67, was killed by shells of Serb forces in Isniq.

According to sources in the spot, in the mine of Trepce in Stanterg, about 6 km northeast of Mitrovice, the number of the wounded in the ranks of the KLA is four. While the losses in the Serb forces, both material damage and casualties are considerable.

Sources from Prizren report that from 10 p.m. up to 2 a.m. today from the base of the Yugoslav army in Landovice heavy artillery pieces have opened fire in the direction of Suhareke outskirts. Still there are no reports for the consequences. /sh.Dha/mima/xh/

Albanian Telegraphic Agency

[09] LDK general council discusses constitution of Kosova parliament

PRISHTINE, July 15 – ATA correspondent in Prishtina Behlul Jashari reported that the party of the Kosova president Dr Ibrahim Rugova, Democratic League of Kosova (LDK), held a close door meeting on Wednesday to discuss for the second time the constitution of the parliament as soon as possible.

The LDK parliamentary Group, which is going to elect if head, will also deal with the issue on Thursday. mima/ak/

Albanian Telegraphic Agency

Demarkacioni -Territori i Kosovës edhe mund të matet

July 15, 2016 by dgreca

-Sot ishte mbledhja e 100-të e qeverisë së Kosovës, me kryeministër Isa Mustafën, i cili mes tjersh tha: Në qoftë se opozita dhe qytetarët kërkojnë, ne mund të kërkojmë që ta bëjmë matjen e territorit të Republikës së Kosovës, sepse kjo matje mund të bëhet në mënyrë kompjuterike, mund të bëhet në mënyrë satelitore dhe mund të vërtetojmë para qytetarëve tanë sa është territori i Republikës së Kosovës mbi bazën e vendimit të Komisionit Shtetëror lidhur me shënimin e vijës kufitare me Malin e Zi/

-Kuvendi, seancë plenare në 4 gusht, pas tryezës për demarkacionin në 3 gusht/

-Kosova e SHBA Memorandum për programin Fulbright, qeveria miraton Projektligj/

Gazeta DIELLI nga korrespondenti në Kosovë Behlul JASHARI

PRISHTINË, 15 Korrik 2016/ Në Prishtinë sot u mbajt mbledhja e 100-të, e 32-ta në vitin 2016, e qeverisë së Kosovës, me kryeministër Isa Mustafën, e koalicionit të dy partive më të mëdha PDK e LDK, ku përfshihen edhe parti të vogëla dhe minoritetet, e cila vazhdon punën në vitin e saj të dytë që nga zgjedhja në 9 dhjetor 2014 në Kuvendin kosovar të konstituuar një ditë më parë, gjashtë muaj pas zgjedhjeve të parakohëshme parlamentare të 8 qershorit.

Kryeministri Mustafa bëri të ditur se për këtë mbledhje ishte planifikuar që të trajtohet edhe projektligji për ratifikimin e marrëveshjes për shënimin e vijës kufitare me Malin e Zi, i cili është përgatitur nga Ministria e Punëve të Jashtme.

“Ndërkohë, së bashku me partnerin e koalicionit kemi vlerësuar se ka mundësi që ende të shfrytëzojmë këtë hapësirë dhe të studiojmë të gjitha mundësitë që me ligj të shohim hapjen e mundësive që ligji mund të përfshijë argumentimin e fakteve që do të mundësonin që në të ardhmen ndërmjet Kosovës dhe Malit të Zi të krijohen situata, në të cilat ne do të mund të bisedonim dhe të rishikonim pjesë të caktuara të marrëveshjes në bazë të interesit dypalësh”, tha ai.

Po ashtu, vijoi Mustafa, kemi vlerësuar se ratifikimi i shënimit të vijës kufitare është proces i ndarë, është proces i pavarur, i cili do të bëhet me një informim të plotë të qytetarëve dhe sidomos të deputetëve të Kuvendit të Republikës së Kosovës, që do të marrin vendimin lidhur me këtë.

“Qeveria do të punojë që akuzat e opozitës dhe bashkëngjitur këtyre akuzave të disa gjeografëve, që Kosova ka humb territor në shënimin e kufirit me Malin e Zi, duhet zbardhur dhe duhet të vërtetohen, ngase të gjitha tekstet edhe të gjeografisë, të gjitha hartat e Kosovës, jo vetëm të periudhës ’74-’88 kur është përcaktuar si afati i fundit me Pakon e Ahtisaarit për mbyllje të territorit të Kosovës, si dhe në të gjithë vjetarët statistikorë që Kosova i ka pas nga viti ’74 e tutje, territori i Republikës së Kosovës ka qenë 10.887 kilometra katrorë, do të thotë se ky është territori zyrtar që Kosova ka pasë në atë periudhë, por këtu nuk është përfshirë edhe periudha në të cilën Kosova është si cilësuar si ‘Kosovë dhe Metohi’, do të thotë para vitit ’74”, u shpreh kryeministri.

Evidencat e tanishme sipas Komisionit shtetëror, vijoi ai, flasin se Kosova ka 10.906 kilometra katrorë në bazë të saktësimit të matjeve që nuk është më pak seç ka qenë përpara, por është pak më shumë se sa që ka qenë territori i mëparmë dhe është rezultat i shënimit të vijës kufitare të Kosovës me Maqedoninë dhe vijës kufitare me Malin e Zi.

“Prandaj, që të mos manipulohet me ndjenjat e qytetarëve, edhe si kryeministër, por edhe si qeveri, ne duhet të kërkojmë nga opozita që të tregojë lidhur me territorin, dhe të tregojë se sa është territori sipas tyre, a është ky territor që Kosova ka trashëguar prej 10.887 km2, përkatësisht 10.906 km2, sa është territori i Pejës, për çfarë Komuna e Pejës vërteton se është territor jo vetëm prej vitit ’45 e këndej, por edhe para vitit ’45 i paprekur dhe i pa luajtur. Dhe po ashtu konsideroj se në qoftë se opozita dhe qytetarët kërkojnë, ne mund të kërkojmë që ta bëjmë matjen e territorit të Republikës së Kosovës, sepse kjo matje mund të bëhet në mënyrë kompjuterike, mund të bëhet në mënyrë satelitore dhe mund të vërtetojmë para qytetarëve tanë sa është territori i Republikës së Kosovës mbi bazën e vendimit të Komisionit Shtetëror lidhur me shënimin e vijës kufitare me Malin e Zi, në mënyrë që të binden qytetarët e Republikës së Kosovës rreth saktësisë së territorit të Republikës, dhe rreth asaj se a është humbur territor apo nuk është humbur territor. Ne jemi të gatshëm si qeveri e Republikës së Kosovës që në çdo moment të procedojmë me Ligj në Kuvend, mirëpo dëshirojmë që procedimi të përcillet me një unitet sa më të gjerë të qytetarëve të Republikës së Kosovës, me informim sa më të madh të qytetarëve dhe të deputetëve të Kuvendit të Republikës së Kosovës lidhur me atë se çfarë vendimi ata po marrin, dhe po ashtu edhe me relaksimin dhe thellimin e bashkëpunimit me Malin e Zi, në mënyrë që çdo moment që ne do të kishim nevojë të ulemi me Malin e Zi dhe të diskutojmë këto tema, të kemi derën e hapur dhe gatishmërinë e Malin e Zi që së bashku të diskutojmë. Unë konsideroj se një gjë të tillë duhet ta pranoj edhe opozita, duhet ta pranojnë të gjithë, sepse unë jam për atë që të kemi biseda të hapura. Unë e kam mirëpritur edhe kërkesën e disa deputetëve që ata të ulen dhe të sqarojnë, të marrin informata për atë se si është përcaktuar vija kufitare me Malin e Zi, mirëpo gjithsesi këtë duhet ta faktojmë me të dhëna. Duhet ta faktojmë se sa është territori i Republikës së Kosovës dhe t’iu thuhet qartë qytetarëve se a humb Kosova territor në krahasim me atë që ne në bazë të Pakos së Ahtisaarit, të aneksit 8, pika 3, që përcakton territorin, e kemi pas me 31 dhjetor të vitit 1988, sepse me Deklaratën e Republikës së Kosovës kur është pranuar Pakoja e Ahtisaarit, dhe pastaj edhe Kushtetuta edhe shpallja e pavarësisë është bërë mbi këtë Pako. Kjo ka qenë arsyeja pse ne kemi shqyrtuar bashkërisht me partnerët e koalicionit dhe me disa prej anëtareve të kësaj qeverie, dhe kemi vlerësuar se ne mund të bëjmë dhe duhet të bëjmë të gjitha përpjekjet për të krijuar një ambient i cili do të mundësonte që qytetarët të jenë të informuar, dhe do të mundësonte që në asnjë rast Kosova dhe për asnjë arsye, as një shkak mos të humb asnjë kilometër katror të territorit të saj dhe ky do të jetë përkushtimi përfundimtar i qeverisë së Republikës së Kosovës”, tha kryeministri Mustafa sot në mbledhjen e kabinetit qeveritar.

Ndërkohë, në mbledhjen e sotme, Kryesia e Kuvendit të Kosovës shqyrtoi dhe pas diskutimeve, miratoi kërkesën e Grupit të deputetëve të Kuvendit për organizimin e një debati profesional-shkencor mes komisionit shtetëror për Demarkacion dhe grupit të njohësve profesionist për diskutim dhe ballafaqim faktesh për çështjen e Demarkacionit Kosovë-Mali i Zi. Kjo tryezë do të mbahet më 3 gusht, në mjediset e Kuvendit të Kosovës.

Kryesia e Kuvendit të Republikës së Kosovës, e kryesuar nga Kadri Veseli, kryetar, mbajti sot mbledhjen e radhës, në të cilën përcaktoi rendin e ditës për seancën plenare të Kuvendit, e cila do të mbahet në 4 gusht.

MEMORANDUMI SHBA-KOSOVË PËR PROGRAMIN FULLBRIGHT DREJT RATIFIKIMIT

Qeveria kosovare në mbledhjen e sotme miratoi Projektligjin për ratifikimin e Memorandumit të mirëkuptimit ndërmjet Ambasadës së Shteteve të Bashkuara të Amerikës në Kosovë dhe Ministrisë së Arsimit, Shkencës dhe Teknologjisë së Republikës së Kosovës për Programin Fullbright për shkëmbimet akademike. Ky Memorandum ka për qëllim të forcojë dhe zhvillojë lidhjet përmes arsimit, kulturës dhe kërkimeve të bazuar në rrethana që konsiderohen reciprokisht fitimprurëse, përcakton edhe mbështetjen vjetore financiare në shumë prej 300 mijë eurosh nga pala kosovare dhe ky kontribut do të fillojë nga viti akademik 2016-2017 dhe do të vazhdojë deri në fund të vitit akademik 2020-2021.

Në 8 Korrik 2016 Ambasada e Shteteve të Bashkuara të Amerikës në Prishtinë nënshkruajti Memorandumin e Mirëkuptimit me qeverinë e Kosovës për programin Fulbright, në një ceremoni në Bibliotekën Kombëtare, ku morënë pjesë edhe kryeministri Isa Mustafa e kryeparlamentari Kadri Veseli.

Ambasadori i Shteteve të Bashkuara në Kosovë, Greg Delawie dhe Ministrisë i Arsimit, Shkencës dhe Teknologjisë në qeverinë kosovare, Arsim Bajrami, nënshkruan Memorandumin e Mirëkuptimit në mbështetje të programit Fulbright për shkëmbim akademik.

Ky Memorandum i Mirëkuptimit po vijon mbi bazat e një programi të vazhdueshëm dhe të suksesshëm të shkëmbimit akademik që ka përfshirë mbi 80 studentë dhe studiuesë nga Shtetet e Bashkuara dhe Kosova prej vitit 2008.

Qeveria e Kosovës zotoi 1.5 milionë euro përgjatë pesë viteve të ardhshme në mbështetje të programit Fulbright – kontribut ky që pritet të fillojë gjatë vitit akademik 2016-2017 dhe të vazhdojë deri në vitin akademik 2020-2021.

Njoftimi dërguar nga Ambasada e SHBA në Prishtinë theksonte se, e mirëpresim këtë nismë për zgjerimin domethënës të numrit në dispozicion të bursave studimore dhe besojmë se ky zotim do të ndihmojë në zhvillimin e prijësve të ardhshëm të Kosovës.

Programi Fulbright është program i çmuar ndërkombëtar i shkëmbimit akademik, i sponzorizuar nga qeveria amerikane dhe i përpiluar për të rritur mirëkuptimin e ndërsjellë ndërmjet popullit të Shteteve të Bashkuara të Amerikës dhe popujve të vendeve tjera.

LINJA HEKURUDHORE E KOSOVËS NGA HANI I ELEZIT, KUFIRI JUGOR ME MAQEDONINË, DERI NË LESHAK, KUFIRI VERIOR ME SERBINË

Në mbledhjen e sotme qeveria kosovare aprovoi edhe Projektligjin për ratifikimin e marrëveshjes financiare ndërmjet qeverisë së Republikës së Kosovës dhe Bankës Evropiane për Investime për projektin e rehabilitimit të Linjës Hekurudhore 10.

Kryeministri Mustafa tha se me këto burime financiare që po i sigurohen për infrastrukturë që lidhet drejtpërdrejtë me gjenerimin e zhvillimit ekonomik qeveria po e ndjek programin e vet ekonomik dhe po siguron kushte. “Kemi po ashtu marrëveshjen me Bankën Investive, me Bankën Evropiane për Zhvillim dhe Rindërtim dhe mendoj se është një kontribut i qartë i qeverisë së Republikës së Kosovës” , tha kryeministri.

Linja Hekurudhore 10 është 148 kilometërshe nga Hani i Elezit, kufiri jugor me Maqedoninë, deri në Leshak, kufiri verior me Serbinë, duke kaluar nëpër Fushë Kosovë e Mitrovicë, ndërsa është e rëndësishme edhe për rajonin.

Në hapje të mbledhjes, kryeministri Mustafa i ka dëshiruar mirëseardhje dhe suksese ministres së re të Drejtësisë, Dhurata Hoxha dhe ka shprehur falënderimin për angazhimin e deritashëm në këtë ministri të ish ministrit Hajredin Kuçi.

Raporti vjetor i Agjencisë së Statistikave të Kosovës për vitin 2015, është aprovuar nga kabineti qeveritar në mbledhjen e sotme. Është aprovuar gjithashtu edhe Plani vjetor i statistikave zyrtare për vitin 2017.

Në mbledhjen e sotme është aprovuar edhe vendimi për ndryshimin dhe plotësimin e vendimit të Qeverisë për themelimin e Komisionit për njohjen e statusit të ish të dënuarve dhe ish të përndjekurve politikë.

Gjithashtu është miratuar vendimi për themelimin e Komisionit të Ankesave lidhur me Komisionin për njohjen e statusit dhe të drejtën në kompensim të ish të dënuarve dhe ish të përndjekurve politikë.

Edhe vendimi për hartimin e Programit për Reforma në Ekonomi për vitet 2017-2019 e ka marr miratimin e kabinetit qeveritar, që është edhe pjesë e dialogut ndërmjet Republikës së Kosovës dhe Bashkimit Evropian për qeverisjen ekonomike.

Ministri pa portofol Rasim Demiri ka ngritur çështjen e akreditimit të programeve të studimit në gjuhën boshnjake dhe turke në universitetet e Prizrenit dhe të Pejës. Në këtë çështje ka informuar ministri i Arsimit, Shkencës dhe Teknologjisë për punën e përbashkët që është duke u bërë me Agjencinë e Akreditimit për gjetjen e një zgjedhje të pranueshme për këtë çështje.

Ministri i Administratës Publike, Mahir Jagcillar ka njoftuar kabinetin për punën që është bërë për akomodimin e Avokatit të Popullit në ish Ndërtesën e Bakës së Lubjanës.