Kisha Katolike Shqiptare “Shën Pali” në Detroitit

April 5, 2016 by dgreca

Kisha Katolike Shqiptare “Shën Pali” në Warrën afër Detroitit ne qytetin Rochecter Hills, nje nder veprat fetare me te medhate ne Amerike ose Katedralja e Shqiptare në Amerikë/

Azem Hajdari ka thënë : “Kisha e Shën Palit dhe Dom Anton Kçira rrezatojnë dritë në Komunitetin shqiptar të Detroitit”/

Nga Beqir SINA/

Rochester Hills – Detroit MI: Njëri prej qyteteve më të rëndësishëme, dhe ku vitet e fundit, janë më të përqëndruara ngulitjet e emigratëve shqiptarë, është edhe qyteti verior i shtetit federal të Michigan-it, në afërsi të Detrioitit, qyteti i quajtur Rochester Hills . Në këtë qytet e për rreth tij, mendohet se ndodhet dhe komuniteti më i madh shqiptar katolik. Rreth tij ndodhen edhe dy kishat katolike shqiptare, të njohurat si më të mëdhat në SHBA-së janë: Kisha e Shën Palit me një Meshtar të ri, dhe Kisha Zonjës Pajtore të Shqiptarëve, me famullitar Dom Ndue Gjergji i vëllai i Dom Lush Gjergjit.

Në Rochester Hills, jeton dhe punon një komunitet shqiptarë, përgjethësisht shumë aktiv dhe i përkushtuar për çështjen kombëtare. Në këtë komunitet, që ngelet si më të organizuarit, pas atij që jeton e vepron në New York, e rrethinat e tij, ka gazeta e revista, në gjuhën shqipe. Ka televizione dhe radioprograme në gjuhën shqipe . Ka lokale dhe klube shqiptare. Ndodhen dhe dy statujat e dy figurave më të rëndësishme kombëtare. Ajo e heroit legjendar të kombit tonë Gjergj Kastriotit Skëndërbeut, dhe statuja e Nënës Terezes,ose Nobelistes shqiptare gruas së famëshme, bamirses dhe humanistes së madhe në të gjithë botën.

Por, ajo që tërheq më shumë vëmëndjen, dhe që deri tani është e pa arritëshmë, ndoshta edhe ndër vendbanimet më të mëdha shqiptare në Amerikë, është Kisha Katolike Shqiptare “Shën Pali” në qytetin Rochester Hills afër Detroitit. Atë me plot gojën kur sheh nga afër – mund t’a tharrësësh “Katedralja Shqiptare në Amerikë” . Ajo shfaqet madhështore në faqen e një kodrine me plot gjelbërim, dhe dallohet për vlerat e saj kulturore dhe fetare, duke i dhënë me të drejt edhe kësaj pjese të qytetit një bukuri të mahnitëshme e të rrallë. Aty të thonë besimtarët është shtëpia e Zotit, shtëpia ku luten e falen me mijëra besimtar shqiptarë.

Kishën Katolike Shqiptare “Shën Pali” në Rochester Hills afër Detroitit, e kanë llogaritur si qëndrën më të madhe katolike shqiptare në Amerikë, dhe si një ndër kishat më të mëdha në të gjithë territorin e Amerikës. Në Amerikë, (Michingan) ajo mbledh rreth vetes më shumë antarë se ç’do institucion tjetër fetar në SHBA-s. Rreth kësaj kishe, që numëron me mijra familje emigrantësh shqiptarë, i gjenë të bashkuar shqiptarët jo vetëm në ritetet fetare të këtij komuniteti fetar(katolik), por edhe në atë gjitha aktivitetet kombëtare në këtë zonë të SHBA-s, të populluar mjaft kohët e fundit në SHBA-s. Një opinion i disa besimtarve të këtueshëm na tha se në shtetin e Miçiganit banojnë më shumë se 150 mijë shqiptarë.

Udheheqës shpirtëror i kësaj Kishe ka qenë për më shumë se një dekadë një ndër figurat katolike më të njohura në botën fetare, jo vetëm këtu në SHBA, por edhe në atdhe. Ai është personaliteti më i madh i fesë dhe kombit, Meshtari e famullitari Dom Anton Kçira, i cili u zgjodh në krye të kësaj kishe në vitin 1989.

Shkrimtari, dhe publicisti ynë Tomë Miraj, në një artikull të vetin në mars të vitit 2000, duke folur për disa nga figurat më shëmbullore të kësaj kishe katolike shqiptare në Amerikë, e përshkruan ardhjen e Dom Anton Kçirës, në krye të Kishës Katolike Shqiptare në 1989, duke thënë se; “Nga Altari i Kishës”Shën Pali” besimatërt katolik u mbushën thellë në shpirt kur dëgjuan fjalët e para të predikimit nga meshtari i porsa-ardhur nga vend -lindja:”Vdekja e Komunizmit, është liri e popullit”. Dhe vet-pyet autori: ” Ç’do fjalë tjetër, ndoshta do të ishte e tepërt për të pëshkruar ndjenjat e zjarrta atë moment, për më se 1500 besimtarët e pranishëm, të cilët më teper se asnjeher tjeter, e ndjenë se para tyre kishin njeriun e Zotit, dhe zëmrën e patriotit. Që atë moment Dom anton Kçira kishte fituar zemrat e besimtarve për t’i udhëhequr me nder para Zotit e kombit të tyre” thotë zoti Tomë Miraj.

Si lindi nevoja e ngritjes së kishës madheshtore “Kisha Katolike Shqiptare “Shën Pali”
Kujtojë se çfarë me tha atëhere Meshtari dhe famullitari i kësaj Kishe, dom Anton Kçira, i cili sikur “rrefehej” duke thënë, kujtonte se :”Kisha e parë në qytetin Rochester Hills të Michinganit, me rritjen e tejskajshme të komunietit shqiptarë në këtë zonë, ishte e vogël për të përmbushur kërkesat e famullisë dhe të vet besimtarve.” Dhe, kështu Dom Anton Kçira, i dha idenë besmitarve se duhej patjeter ndërtimi i një ndërtese të re, Kishe në përputhje me kërkesat e besmtarve në qytetin Rochester Hills . Ide, kjo që shumë shpejt gjeti përkrahejn dhe mbështetjen e pa kursyer të të gjithë besmtarve të kësaj zone, tha ai. Dhe vazhdojë rrefimin e tij :”Pas një viti e pak , me shumë punë dhe një agazhim të madh të të gjithë besmitarëve dhe vetë liderit fetar të kësaj Kishe dhe antarëve të famullisë , u ndërtua Kisha e Re në Rochester Hillis. Kishë, kjo e cila u përurua me dhënjen e një meshe e kryerjen e bekimit më 1 shtator 2002. Dhe shënojë kështu siaps të dhënave ngritjen në këtë pjes të SHBA-s, “east coast” një ndër veprat fetare me të mëdhat” ka deklaruar Dom Anton Kçira për Kishëne Shën Palit në Warren të Rochester Hills.

Në kujtimet e mija duke vizituar ato ditë atë kishë u takova edhe me ish Meshtarin dhe ish famullitarin e asaj Kishe, dom Anton Kçirën, i cili më kujtonte me plot nostaligji, se:” Ajo ditë i ngjante një dite feste jo vetem fetare, por edhe kombëtare pasi ngjyrat kombëtare kuq e zi – dhe muzika e veshjet karaktersitke nuk munguan, gjatë përurimit dhe bekimit të Kishës së re, e cila shtroi edhe një darkë të nderit, të mbajtur po atë mbrëmje në lokalet e kishës. Në këtë ceremoni inagurale atë ditë, ishin të ftuar edhe disa nga figurat fetare nga më të shquart nga trojet etnike, nga Kosova, Mali i Zi, Maqedonia, Shqipëria si dhe diaspora.”

Ndërkohë, duke lexuar tekstet e kesaj kishe të cilat shkruajn për këtë kishë shqiptare në Amerikë, lexoja se për ndërtimi i kësaj Kishe; që konsiderohet si nga më të mëdhat, në të gjithë botën shqiptare, ajo kushtojë mbi 15 miljon dollarë amerkan. Katër miljon dollar janë marrë kredi nga dioqeza, dhe rreth 2 miljon e 800 mijë dollar, i mblodhi kumuniteti shqiptaro-amerikan. Kisha e vjetër u shit për një miljon e 800 mijë dollar.

Ish Meshtari dhe ish famullitari i kësaj Kishe, dom Anton Kçira, gjatë bisedes më patë treguar katalogun kishtar, ku thuhej se Objekti është i ndërtuar në një sipërfaqe prej 49 mijë”square feet”, “katrore të matur me këmbë” sipas njësis së matjes në Amerikë. Vetë objekti i Kishës, zë një sipërfaqe prej 19 mijë square feet”, “katrore të matur me këmbë” . Kisha e Re, përveç sallës kryesore, të lutejs ka një sall me 1875 ulse për besmtarët, e cila në raste te veçanta çohet në nje kapacitet që mund të mbaj edhe 2.500 deri në 3.000 besimtarë.

Kisha kishte atehere 6 klasa për mësim, restorantin me qindra ulëse, sallën për bankete që zë rreth 850 vet , e cila shfrytëzohej për dasma, gazmende, dhe okazione të ndryshme çdo gjë në shërbim të besimtarve. Kisha a kuzhinën e vetë me të gjitha paisjet e nevojshëme, deri tek furrat e mëdha për pjekjen e qingjave dhe të gicave. Ka librarinë, me një numër të madh librash, ka katër zyra për meshtrim dhe ka shoqatën e Kishës”At Gjeregj Fishta”, ka dhomën e tubimit ku mund të rrinë deri në 1000 veta, e tjer. Kisha ka dhe një ambjet të jashtëm sportiv e rekreativ shumë funksional me fusha futbolli dhe volejbolli e basketbolli si dhe parkingun.

Shtëpia e meshtarve që ka vlerë rreth dy miljon dollarë, u ngritë kryesishtë, me punën vullnetare të bshkëatdhetarve tanë, nën udhëheqjen e kompanisë “Adrian Buildig”, pronë e Prenk Gojcaj. I i cili, për ndërtimin e Kishës, vetë dha i pari 30 mijë dollarë. Këshilli për ndërtimin e Kishës së Re, përbëhej nga: Vasel Nicaj, kryetar i këtij këshilli që ka dhënë 31 mijë dollarë, Prenk Gjokaj, Gjon Gjoçaj, Tony Junçaj, Fran Ivezaj, Gjok Dedvukaj, Dom Anton Kçira, dhe Nue Ivezaj.

Në oborrin e kësaj kishe ngrihet edhe pëmendorja i Gjergj Kastriotit, e cila ka sjellur në mjediset e jashtme të Kishës së Shën Palit në Rochester Hills të Michiganit, Krujën legjendare,ose Tiranën e sheshit Skënderbeu,, Lezhën e varrit të Skënderbeut, ose ato fushbetetjat, ku Heroi Ynë Kombëtar, i thuri kombit tonë vetëm lavde. Ky monument historik shqiptar në Amerikë, u inagurua më 24 shtator 2006, në një ceremoni ku mori pjesë edhe ish presidenti i Republikës së Shqiperise Alfred Moisiu,.

Ndërsa, Kardinal Maida, ka mbajtur atë ditë meshën celebruese të kësaj ngjarje historike, për shqiptaret që ndodhen në këtë shtet. Por, edhe më gjerë. Pasi është hera e parë që Heroi Kombëtar i shqiptarëve “prek“ tokën amerikane, falë vullnetit të mirë, kontributit dhe këmbënguljes së shqiptarëve të komunitetit katolik të Shën Palit, komunitet ky që po drejtohet prej më shumë se dy dekada nga Meshtarë të dalluar fetar dhe kombëtar.

Me vendosjen e statujes, në oborrin e Kishës së Shën Palit, në Warren afër Detroitit(Miçigan) Heroi Ynë Kombëtar Gjergj Kastrioti Skënderbeu, u ngjit në piedestalin e tij në hyrje të Kishës Katolike të Shën Palit. Gjë që ndodhi në një vend që prej vitesh ishte kthyer edhe në një Qendër patriotike, atdhetare dhe kulturore, e njohur jo vetëm nga shqiptarët e Amerikës, por edhe nga shqiptarët brenda dhe jashtë Shqipërisë. Monumenti është vepër e skulptorit të njohur Kreshnik Xhiku, i cili punon e jeton në Amerikë prej vitesh dhe i cili ka fituar disa çmime të rëndësishme me punimet e tij. Statuja e Skënderbeut në oborrin e kishës së Shën Palit, është i ngjashëme me monumetet që ndodhen në Tiranë, Krujë dhe Prishtinë, dhe me një lartësi që i përafrohet dhjetë metrave.

Nisma për të ardhë deri tek vendosja e kësaj vepre e ka zanafillën, në vitin 2005 (nga fillimi i vitit ), kur kremtohej 600- vjetori i Lindjes së Heroit. Për këtë gazetari e publicisti i njohur Pjetër Jaku, botuesi i revistës Kuvendi, shkruante ato ditë se, mesojmë se kjo ide u dha në përkrahje të kremitmeve madhështore, por që nuk u relaizua në kohë, pasi vepra merrete disa muaj për t’u punuar e derdhur. Përkujtimi vetëm me leksione,- vazhdon Jaku, sipas bisedës që ai ka bërë me një nga anëtarët të këshillit për ndërtimin e statujës, u duk shumë pak për këtë Hero me përmasa ndërkombetare. Kështu vazhdon ai i propozuam Këshillit të Kishës dhe patëm përkrahjen e mbeshtetjen e plotë të famullitarit të kësaj Qëndre, Dom Anton Kçira, megjithë vështirësitë që kishte ky objekt i ri. Më pas, kordinuam veprimet tona, dhe bëmë të mundur, që ky Hero – Skënderbeu, të jetë edhe në mjedisin tonë, ku çdo javë vizitohet nga më shumë se 2000 besimtarë, veç aktiviteteve kulturore.

Sipas historisë së re të Kishës Katolike Shqiptare “Shën Pali”, thuhet se në ndërtimin e Kishës, ndihmuan edhe besimtarët shqiptarë të fesë Muslimane nga kjo zonë. Edhe një amerikan përmendet në ndihmat e dhëna, dhe ai është biznesmeni i fuqishëm Charles Becker. Kisha Katolike Shqiptare “Shën Pali” në Detroitit – qytetin Rochecter Hills, është sot pasë afro gjashtë vjetëve të inagurimit, jo vetëm një qëndër fetare por edhe kombëtare e cila po i plotëson më së miri të gjitha nevojat e bashkëatdhetarve tanë në Amerikë. Këtu nga data 3 deri më 6 korrik 2008 u zhvillua edhe Festivali i Pare Folkolirk i Diaspores Shqiptare ne SHBA-es. Aktiviteti kulturor i vitit, dhe i veçanti ne mergaten shqiptare, ne shtetin e Miciganit.

500 monumente me simbole sovjetike, do të shkatërrohen në Poloni

April 2, 2016 by dgreca

Nga Beqir Sina/

Në vendet e Evropës Qendrore e Lindore, beteja ndaj ideologjisë komuniste po përpiqet të fitohet jo vetëm me statuja, monumente apo pllaka përkujtimore, por mbi të gjitha me ndërtimin e muzeve, një trashëgimi e domosdoshme për brezat dhe të ardhmen, ku ruhet e nderohet kujtimi i miliona viktimave të saj, por mbi të gjitha dëshmohet se si martirizimi i tyre shërben sot për të kuptuar vlerën e lirisë, të shpresës dhe të drejtave themelore të njeriut/

WARSAW – POLONI : Qeveria polake, thotë se 25 vjet mbas rrëzimit të komunizmit, ka në plan për prishjen e rreth 500 monumente sovjetike, të mbetura ende në të gjithë vendin, kështu deklaroi kreu i Institutit të Kombëtar të Përkujtimit, të Krimeve të Komunizmit, zoti Lukasz Kaminsky, në një intervistë për portalin në internet Onet.pl, e cila u trasmetua edhe në faqen e internetit të axhensisë së pavarur të lajmeve RBC nga Varshava, raportuan të enjten mediat polake.

Kreu i institutit të Krimeve të Kominizmit, Kaminsky – Institut ky i cili është përgjegjëse për hetimin e krimeve kundër kombit polak – tha se planet për prishjen e monumenteve, do të dërgohen në të gjitha zyrat e autoriteteve lokale, në javët e ardhshme, qytetet dhe vend-nodhjet e këtyre objeketeve që kan mbetur që nga koha e komunizmit në Poloni.

Ai ka dekalruar se :”Këto monumente duhet të ishin shkatërruar në fillim të viteve 1990, por janë “ruajtuar” mjaft bukur nga dikush që ka pasur nostalgji për ato, dhe e quajti ruajtjen e monumenteve të kohës së Komunizmit në Poloni “një gabimi fatal.”

“Monumentet e kohës së Komunizmit, të cilat një pjesë kan për të u demoluar, kurse të tjera do të hiqen nga vendet ku janë dhe do të transferohen në një muze, i ngritur për këtë qëllim – për të treguar krimet e komunizmit në Poloni, ku ato monumente mund të bëhen “një dëshmitar i kohëve të vështira”, tha Kaminsky, raportoi agjencia e lajmeve, ruse RIA Novosti.

Ai shtoi se këto masa nuk do të zbatohen për varret e ushtarëve sovjetikë, për të cilat Polonia do të vazhdojë të kujdeset, mbasi për këtë ka edhe një marrveshje mes Institutit të Kombëtar të Përkujtimit, të Krimeve të Komunizmit, dhe qeverisë, ‘të rënët nuk kan ndonjë fajë” tha Kaminsky.

Mirëpo, shtoi ai përkujtimoret e luftës sovjetike, janë lënë në gjendje e keqe dhe janë vandalizuar rregullisht në Poloni, ku roli sovjetik në Luftën e Dytë Botërore është parë me dykuptimësi “miqësi apo armiqësi”. Në Rusin, e sotme narrative, ish zyrtar sovjetikë thonë se Ushtria e Kuqe, e çliroi Poloninë nga pushtimi nazist.

Yelena Sutormina, kryetare e zhvillimit të diplomacisë publike dhe mbështetjen e bashkatdhetarëve jashtë Rusisë, e cila merret me ruajtjen dhe mbrojtjen e monumenteve ruse, në vende të ndryshme të Europës juglindore, vendeve të kampit socialit në periudhë, thuhet se i ka bërë thirrje agjencisë kulturore dhe shkencore të UNESCO-s për të bllokuar vendimin e qeverisë polake, për të demoluar edhe monumenete ruse, në Poloni, trasmeton axhensia ruse e lajmeve RIA Novosti .

Ajo thotë raporton RIA Novosti,se :” Kjo nuk është hera e parë që Polonia ka ndërrmarë lëvizje të tilla për të çmontuar monumentet sovjetike, në Poloni, përball një reagimi jo të fortë, dhe negativ që ka pasur edhe nga Rusia” thotë Sutormina, duke u hedhur në mbrojtje të monumenteve ruse edhe në Poloni.

Vitin e kaluar ministria e jashtme ruse akuzoi Poloninë, se po bënte një “luftë për të shkatërruar monumentert ruse në Poloni”, pasi ata shkatërruan një monument që ishte ngritur për të përkujtuar lidhjen miqësore mes Ushtrisë polake dhe të Ushtrisë së Kuqe, njoftoi, RBC.

Është, një fakt i pa kundërshtueshëm, megjithëse Shqipëria, ka qenë një nga vendet komuniste, që ka kaluar njërin prej regjimeve më të egër komunist, në Europën juglindore, dhe ndoshta edhe në botë, mirëpo – në paradoks me kohën – 25 vjet, nga koha që ai rregjim ka rënë, ende në Tiranë, dhe qytetet e Shqipërisë, janë të pa prekura, madje edhe që ruhen e mbrohen nga shteti, disa objekte dhe monumente me simbole komuniste ose që simbolizojnë dhe kujtojnë kohën e komunizmit.

Pra, nënkuptohen sot si: muze, obeliske, me monumente, të cilat janë të ngritura qysh në atë kohë për përkujtimin e ndonjë datë e përkujtimit publik, nga ish regjimi komunist në Shqipëri, sot nga Partia Socialiste e Shqipërisë PSSH, por që ruhen dhe mbrohen nga kjo qeveri e cila vedos edhe lule në kujtim të atyre datave.

Në Pragë, Bukuresht, Budapest, Vilnius, Tallin, Bratislavë,Sofie, janë shkatërruar pothuajse të tëra monumentet me simbole sovjetike. Dhe janë hapur prej vitesh muze për të nderuar qindra mijëra viktima të komunizmit, për të kujtuar terrorin e gjenocidit që shkaktoi ky regjim.

Mirëpo, në Shqipëri, me ardhjen në pushtet të kësaj të majte, Partisë Socialiste, me aleatët e saj, përfshirë dy Partitë Komuniste, ka pasur një kujdes të veçantë për ruajtjen dhe mbrojtjen e objeketeve dhe monumenteve, të mbetura nga periudha e komunizmit, duke kujtuar edhe datat e tyre.

Qeveria socialiste me të ardhur në pushtet disa herë në përkujtim të Enver Hoxhës, dhe datave, që kujtojnë regjimin komunistë, hapin ide ne lidhje me atë se cfarë duhet të bëjë Shqipëria, me simbolet dhe monumentet e trashëguara nga periudha e komunizmit.

Madje Erojn Velija sot kryetar i Bashkisë së Tiranës, dhe Kryeministri Edi Rama, kan kërkuar nga shteti që të rinovohen ato që Rama dhe Veliaj, po i quajnë vlerat kulturore.

Kështu, është edhe rasi me Piramidën e Enver Hoxhës, dhe një bunkieri në mes të Tiranës, që të ruhet dhe të mirëmbahen, për t’u përdorur simbas tyre për vizitorët që vijnë në Tiranë.

Ende, vila e diktatorit Enver Hoxha, mbahet për mbledhje dhe takime të Edi Ramën në Tiranë.

Kolegji Unioni Hebraik, në qytetin e New Yorkut, i dorzon foto-albumin, BESA, Qendrës Kulturore Islame Shqiptare në Staten Island – New York.

April 1, 2016 by dgreca

Dy udhëheqjet fetare, kanë biseduar që të formojnë dy grupe të përbashkëta, të cilat do të punojnë rreth transferimit të një koleksioni të fotografive të Albumit BESA, dhe materialeve të tjera, të mbledhura nga fotografi i njohur hebre, Norman H. Gershman, përfshirë fotoalbumin e tij BESA./

Kolegji Unioni Hebraik, në qytetin e New Yorkut, i dorzon foto-albumin, BESA, Qendrës Kulturore Islame Shqiptare në Staten Island – New York – dalip.greca@gmail.com – Gmail

STATEN ISLAND NY : Në sajë të udhëheqjes së Rabbi Bob Kaplan, zyrtarët e lartë fetar nga Hebrew Union College dhe udhëheqsit shpirtëror të Qendrës Kulturore Islame Shqiptare e Staten Island u takuan sot në mjediset e Kolegjit Unioni Hebraik, në qytetin e New Yorkut, kështu shkruan në statusin e saj në rrjetin social Facebook, Qendra Kulturore Islame Shqiptare e Staten Island – New York.

Simbas, saj dy udhëheqjet fetare, kanë biseduar të formojnë dy grupe të përbashkëta, të cilat do të punojnë rreth transferimit të një koleksioni të fotografive të quajtur BESA, dhe materialeve të tjera, të mbledhura nga fotografi i njohur hebre, Norman H. Gershman, përfshirë fotoalbumin e tij BESA.

Libri fotoalbum i hebreut Norman H. Gershman që u botua në vitin 2008 nga “Syracuse University Press” në gjuhën angleze, është si rrjedhojë e ekspozitave të mbajtura në fillim në Jerusalem duke u bartë deri në selinë e Organizatës së Kombeve të Bashkuara në Nju Jork ,me rastin e ditës ndërkombëtare të përkujtimit të holokaustit.

Libri është i ilustruar me përplot fotografi të cilat përcjellën me deklaratat e protagonistëve që kanë sakrifikua veten dhe familjet e tyre vetëm me një qëllim-ti shpëtojnë me aq forcë dhe guxim sa kanë pas familjet apo individët të përkatësisë fetare të hebrenjve të cilët ndiqeshin nga nazistët gjerman çdo vend ku kishte shkel këmba naziste gjermane, e me këtë rast në Kosovë dhe Shqipëri.

Libri është botuar nga një material i lartë kualitativ dhe ka gjithsejtë 119 faqe.

Ky libër sqaron se BESA, në shqip, do të thotë kod të nderit dhe flet për një detyrim të thellë shpirtërorë për tjetrin – sidomos të huajin kur të shkel në shtëpi t’i duhet ti japësh Besën për ta mbrojtur atë edhe duke sakrifikuar në se nevoitet .

Njoftimi në medien sociale thotë se koleksioni BESA në dokumentet e HUC në fotografit e fotografit të njohur hebre, Norman H. Gershman, tregon historira se si shqiptarët , mysliman dhe të krushter ishin shpëtimtarët komunitetit Hebre në Shqipëri gjatë Luftës së Dytë Botërore , për mbrojtjen dhe kujdesin që treguan shqiptarët për komunitetin hebraik të Shqipërisë gjatë Holokaustit.

Udhëheqësit, e Qendrës Kulturore Islame Shqiptare në Staten Island, New York,Imam Dr. Zurkani Vardar, Imam Ferid Bedrolli dhe dr. Tahir Kukaj, të cilët kan kontribuar në afrimin e komuniteteve të ndryshme në këtë ishull të Nju Jorkut, thonë në statusin e tyre, se :”Ne falënderojmë Rabbi Bob Kaplan për udhëheqjen e tij, në qytetin tonë të madh New Yorkun, të nismës ndërfetare, dhe ne jemi të nderuar dhe të bekuar për të qenë pjesë e kësaj nisme që do të sjellë me këtë rast edhe këto fotografi dhe historinë e shpëtimit të hebrenjëve gjatë Holokaustit , nga shqiptarët, fotoalbumin BESA, për Qendrën Kulturore Islamike Shqiptare dhe Shkollën Islame Miraj që vepron në Staten Island.”

Raporti i ISKK: 59 mijë të internuar dhe mbi 6 mijë shqiptarë janë vrarë nga regjimi komunist

March 29, 2016 by dgreca

Beqir Sina – New York/

Në raport thuhet se janë me mijëra qytetarë që janë vrarë nga viti 1944-1955, por një pjesë e madhe nuk ekziston në arkiva

TIRANË : Gjatë regjimit komunist, 34,135 shqiptarë janë burgosur dhe dënuar për arsye politike. Shifra është publikuar në raportin e fundit të Institutit të Studimeve të Krimeve dhe Pasojave të Komunizmit.

Në raportin e dorëzuar në Kuvend, ISKK-ja ka publikuar një sërë statistikash për personat që vuajtën, u dënuan dhe u internuan nën sistemin komunist.

Nga të dhënat zyrtare rezulton se 59 009 shqiptarë u internuan në kampe përqendrimi, ndërkohë që 7,022 prej tyre kanë humbur jetën.

Sipas, raportit, 984 shqiptarë kanë vdekur në burgjet e regjimit, ndërkohë që 6 027 persona janë vrarë gjatë diktaturës, shkruan shtypi nga Shqipëria.

Torturat u kanë shkaktuar 308 personave humbjen e aftësive mendore gjatë qëndrimit në burgjet e komunizmit.

Instituti Studimit të Krimeve të Komunizmit në raportin e vjetor thekson se ka nisur puna në të gjithë Shqipërinë për të zbuluar numrin e saktë të qytetarëve të pushkatuar pa gjyq.

Në raport thuhet se janë me mijëra qytetarë që janë vrarë nga viti 1944-1955, por një pjesë e madhe nuk ekziston në arkiva.

Zbulohet dhe “mbulohet” një varrezë që duket se është përdorur edhe për të varrosur viktimat e diktaturës në Pogradec:

Kështu të paktën u njoftua dy javë më parë nga Shqipëri ku thuhej se nuk dihet ende sa është numri i trupave të varrosur pranë vendit të quajtur Lumi i Tërhanit në Pogradec. Dikur aty ka qenë një poligon qitjeje, që duket se është përdorur edhe për të varrosur viktimat e diktaturës. Zbulimi është bërë nga Sektori i Gjetjes së të Zhdukurve nga Krimet e Komunizmit, pranë Institutit të Integrimit të të Përndjekurve Politikë.

Në një prononcim për “Gazeta Shqiptare”, kreu i Institutit të të Përndjekurve, Bilal Kola thotë se zbulimi i këtij vendi i hap rrugën marrjes së të dhënave nga ana e familjarëve që ende nuk kanë gjetur njerëzit e tyre e që më pas do të shërbejnë për marrjen e mostrave të gjakut. Kjo pasi, procedura që do të përdoret për zbulimin e identitetit është ADN-ja.

“Ende nuk mund të themi se sa është numri i saktë i personave që ndodhen në vendin e zbuluar në Pogradec.

Ajo që mund të them është se ato do të shkojnë pranë Institutit të Mjekësisë Ligjore për t’u ruajtur. Ndërkaq, kemi angazhuar njerëzit për marrjen e mostrave, që do ndihmojnë në kryerjen e procesit të ADN-së.

Ne kemi ngritur infrastrukturën e nevojshme, dhe të gjithë ata që kanë persona të zhdukur në Pogradec, mund të vijnë të paraqiten pranë Institutit, që të depozitojnë kërkesat e tyre pranë Sektorit të Gjetjes së të Zhdukurve nga Krimet e Komunizmit pranë Institutit”, – u shpreh Kola.

Po ashtu, sipas tij, dorëzimi i kërkesave për të gjetur eshtrat e të afërmve të tyre të pushkatuar dhe të zhdukur nga regjimi komunist mund të bëhet jo vetëm për rastin e Pogradecit, por edhe për raste të tjera nga gjithë qytetet e Shqipërisë. Gjatë periudhës së komunizmit numërohen rreth 6.000 të zhdukur./Beqir Sina/

7DB7BC0B-43A3-42AF-9214-8642BD6C82B5_cx0_cy1_cw0_mw1024_s_n_r1.jpg

Spektakël, modë, traditë muzikë në Javën e Modës Shqiptare në New York

March 28, 2016 by dgreca

Nga Beqir SINA/

Java e Modës Shqiptare në New York City, OJQ Arta, para diasporës Shqiptaro Amerikane, prezantoi, mbrëmë punimet artizanale te grave e vajzave të dhunuara gjatë Luftës në Kosovë në vitet 1989/1990. Mbrëmje e bukur , dhe prezentim i shkëlqyer i BoraFashion në kryqytetin e botës , me veshjet origjinale që Bora Balaj, e cila ka mbledhur ndër vite në trojet Shqiptare. Dhe, poashtu mbreme Java e Modës Shqiptare në New York, ka promovuar fushatën….

BIG APPLE – NYC : Me siflatën e shkëlqyer, mbrëmë, është mbyllur edhe Java e Modës Shqiptare, në Nju Jork, organizuar nga Agjencia e Modës Shqiptare, e cila thotë se angazhojë për këtë pasarelë të modës, më shumë se 500 veshje, dhe, dhjetëra kompani të modës, 15 modele shqiptare dhe të komuniteteve të ndryshme, jo shqiptare, të cilat me një fines tërheqëse, prezantuan për 4 orë kreacionet më të bukura të dizajnerëve shqiptarë nga Shqipëria, Kosova, Amerika, dhe atyre që jetojnë jashtë trojeve, tona.

Sfilata Java e Modës Shqiptare, u mbajtë në galerinë e famshme të modës, 48th- Street Stage, New York, në një prej lagjeve më të njohuara në këtë metropol, për industrinë e modës, dhe mbajnë sfilatat e tyre kompanitë me famë botërore të modës.

Më shumë se 300 vajza dhe djem, të rinjë e të reja, nga Shqipëria, Kosova, dhe trevat shqiptare, ndoqën mes një entusiazëmi dhe spektakli modern, javën e modës shqiptare, një aktivitet që zhvillohet për herë të parë, në komunitetin shqiptarë.

Mrika Krasniqi, është themeluesja e Agjencisë së Modës Shqiptare në New York, dhe Arlinda Prelvukaj eshte CFO e agjensisë, cila organizojë Javën e Modës Shqiptare, në Nju Jork, mes një konkurence të madhe – në këtë qytet, i cili mbledh për çdo vitë stilistët më të mirë nga e gjithë bota.

Metropolin e botës New Yorkun – me stilistët më të njohur në botë, të cilët ne jemi mësuar të shohim duke paraqitur koleksionet e tyre, që tashmë janë bërë standart për stilin amerikan, si Ralph Lauren, Donna Karan dhe Calvin Klein, me modelet e tyre për çdo vit, ata i japin drejtimin e modës më të fundit klientëve të tyre nga mbarë bota.

Por, në këtë linjë erdhën në këtë qytet me sfilatën Java e Modës Shqiptare, e njëjtë me sfilatat që zhvillohen në qytet kryesoret e industrisë së modës, në botë, krahas me ato të Londrës, Berlinit, Amsterdamit, Parisit dhe Milanos, edhe artistët shqiptarë, njerëzit e kulturës e modës.

Sfidë më vehte në pasarelën Java e Modës Shqiptare në New York City, ka qënë, mbrëmë në 48th.Str. Stage, edhe teknologjia, ndriçimi, muzika, nga DJ Fati, e deri tek lista e të ftuarve.

Për të bërë në këtë shfaqje pjesë të saj edhe elitën e modës dhe fashionit, duke përfshirë edhe yjet e mediave sociale, për të provuar se shfaqja dhe koleksionet e tyre e meritojnë që ata të ulen në vendin e parë, si Ermira Babamusta, Violeta Mirakaj, Kozeta Turishta, aktorja e njohur Amina Zhaman, e tjer.

Në pasarelën madhështore Java e Modës Shqiptare në New York City, mbrëmë ne 48th Str. Stage, performojë edhe i ashtuquajturi Princi Italian i Pop Rokut Matteo Brento, i cili e ka fituar famën e tij në Shqipëri, Kosovë dhe Maqedoni me pjesëmarrjen në X-Factor Albania në 2015.

Këngëtari nga Pulia, i njohur për pubikun shqiptar si italiani i X-Factor Albania prezantojë në stage mbrëmë albumin e tij me këngën e re titulluar #21 (Goodbye My Love) / “Mirupafshim Dashuria Ime” në “Mollën e Madhe”, dhe disa këngë të tjera, këngën e dashur shqiptare “Xhamadani vjia – vija! Oh sa e madhe është Shqipëria”.

Matteo Brento, si një ndër Vipat e ftuar special, në sfilatën e Albanian Fashion Show në New York, performojë gjatë gjithë spektaklit në Javën e Modës Shqiptare, duke e ndezur atmosferën, e ka “kallur’ fare atë……!

Sfilata e modës nga stilistet shqiptare në New York, nisi me koleksionet fustanet me ngjyrën e kuqe, rozë, për të vazhduar pak violë, blu, më shumë të bardhë dhe blu, të kombinuara me pulpa, dhe veshjet e lehta femërore, me ngjyrën e zezë. Fustanet e mbrëmjejeve, fustanet e lirshme dhe kanatieret njëngjyrëshe, të cilat ishin përzgjedhja e stilistiteve shqiptare në këto koleksione.

Ngjyra e bardhë ishte ajo që mbizotëronte më shumë , e kombinuar me blunë dhe të kuqen me veshjet e lehta prej mëndafshi. Të gjitha veshjet e ishin në të njëjtën linjë ngjyrash pa shumë kombinacione ngjyrash të ndryshme.

Në pjesën e dytë sfilatës Java e Modës Shqiptare në New York, kanë qenë kreacionet e Sara Shales me Jewelry

-Pjesa e tretë dhe e fundit ishte ajo e Bora Balaj me veshje tradicionale dhe Java e Modës Shqiptare në New York, u mbyll me pjesë e koleksionit e Vjollca Llapashtica

Dhe, poashtu mbreme Java e Modës Shqiptare në New York, ka promovuar fushatën ” Ta pastrojme Shqipërinë”, ku përmes lojës së fatit me raffle fondet e mbledhura iu kan dhuruar atyre, në Shqipëri.

“Stilistët e famshëm shqiptarë, nxorrën mbrëmë në qytetin e New Yorkut, në pah karakterin e tyre shqiptar me veshjet që u prezantuan në sfilatën, me veshje të modës tepër elegante, tek Java e Modës Shqiptare në New York,” tregon Mrika Krasniqi.

Mrika Krasniqi, themeluesja e Agjencisë së Modës Shqiptare në New York, thotë se “Mbrëmë, ka qenë një mundësi shumë e mirë për të gjithë dizajnerët shqiptarë të cilët duke prezantuar kreacionet e tyre para blerësve potencial morën pjesë në Albanian Fashion Week New York. Duke pasur edhe një mundësi në prezantimin dhe shitjen e koleksionit të tyre dhe depërtimin në tregun amerikan,” shtoi drejtoresha dhe artistja e shquar Mrika Krasniqi.

Ajo thotë se disa nga ikonat e modës shqiptare më të famshmet në botë prezantuanë koleksionet e tyre të fundit në shfaqjen madhështore të Javës së Modës Shqiptare në New York.

Klientela e Agjencisë së Modës Shqiptare në New York, theksonë Mrika Krasniqi, mbrëmë ka tërhequr vëmendjen e rreth 20 big buyers(blerësve të mëdhenjë) siç i quan ajo nga Shqipëria, Kosova, Maqedonia, Mali i Zi, dhe jo vetëm ata, por edhe kompani amerikane dhe të huaja që veprojnë në New York.

Bukuria e këtij spektakli nga më të bukurit në New York:

“Mbrëmje e bukur , dhe prezentim i shkëlqyer i BoraFashion në kryqytetin e botës , me veshjet origjinale që Bora Balaj, e cila ka mbledhur ndër vite në trojet Shqiptare “ shkruan në statusin e saj në facebook një pjesëmarrëse dhe shtonë :”Ajo prezentoi mbrëm veshjet në Albanian Fashion Week në Manhatan dhe ngriti publikun në këmb , sepse për herë të par në pasarelën e modës këtu ne Nju Jork, defilojn veshjet tona kombëtare.”

Ne si staf i BoraFashion, thotë ajo që tashmë është emër i njohur në botë si me veshje tradicionale ashtu edhe me veshje moderne. Ndjehemi krenar per punën dhe prezentimin e Bora Balaj në Albanian Fashion Week.

Ndërkohë në sfilatën Java e Modës Shqiptare në New York City, OJQ Arta, para diasporës Shqiptaro Amerikane, prezantoi, mbrëmë punimet artizanale te grave e vajzave të dhunuara gjatë Luftës në Kosovë në vitet 1989/1990. Për herë të parë në historinë shqiptare prezantohen punimet e të mbijetuarave të luftës. “Këto punime janë një muze i gjallë të dhimbjes, vuajtjes dhe sakrificave të vajzave dhe nënave kosovare” tha Albana Mifatri.

Kurse, Hafije Qyqalla, prezantuese e këtyre punimeve, ka shkruar në statusin e saj në Facebook, se :”Jam e lumtur që arritëm që produktet e realizuara gjatë rrugëtimit te dhimbjes të prezantohen me sukses falë mbështetjes të Albanian Fashion Agency dhe Komunitetit Shqiptarë, të cilët dua ti falenderoj për kontributin e çmuar” thotë Qyqalla.

“Agjencia shqiptare Albanian Fashion thotë se është shumë e lumtur për të mbështetur organizatën jofitimprurëse nga Kosova” OJQ Arta “, e cila ka sjellë mbrëmë në pasarelën e modës në New York, punime të dorës që janë bërë nga gratë, kosovare që janë përdhunuar në luftë gjatë viteve 1998-1999. Këto punime dore, siç quhen në shqip, u prezantuan dhe tërhoqën qindra të rinjë e të reja shqiptare, gjatë spektaklit Moda shqiptare në New York. Të gjitha fondet dhe donacionet do të përdoren për të ndihmuar ato gra që kanë nevojë për ndihmën tonë “, thotë për gazetën tonë Mrika Krasniqi, e cila është edhe themelues dhe CEO i AFA (Agjencisë Moda Shqiptare).