Beqir Sina – Page 71 – Dielli

Raport special mbi Seancën e Këshillit të Sigurimit të OKB mbi Kosovën

November 19, 2013 by dgreca

Ban Ki-moon konsideron se “do të jetë e rëndësishme për palët që ta vazhdojnë implementimin e marrëveshjeve me besim, pa i rihapur rezervat e tyre”.Në seancën e sotme pritet të marrin pjesë në nivelin më të lart të përfaqësimit kryeministri i Kosovës, Hashim Thaçi, dhe ai i Serbisë, Ivica Daçiq, si edhe dy Ministrat e Punëve të Jashtme të Kosovës dhe Serbisë./

Nga OKB-ja- BEQIR SINA/

OKB – NEW YORK – Këshilli i Sigurimit i OKB do të mbajë një seancë rutinë në New York, sot të martën , në orën 3;00 pasdreke me kohën e New Yorkut, dhe orën 9;00 me atë të Prishtinës, kur Sekretari i Përgjithshëm i OKB Ban Ki -mun do të paraqesë raportin e tij të fundit mbi situatën në Kosovë. Në mbledhjen e rradhës, sot në Këshillin e Sigurimit të Kombeve të Bashkuara dotë debatohet për Kosovën, ku do të prezantohet raporti i sekretarit të përgjithshëm të OKB, Ban Ki-moon, për zhvillimet në Kosovë, për periudhën e katërmujorit të fundit prej 16 korrikut e deri më 15 tetor të vitit 2013.

Në raportin e tij prej 17 faqesh, që është publikuar në Internet, dhe e ka siguruar edhe gazeta jonë theksohet se situata e sigurisë “në Kosovë, ka mbetur në përgjithësi e qetë, me incidente të herë pas hershme të raportuara në hapësirat e përziera etnike”.
Megjithatë, thuhet se “të gjitha palët duket se demonstrojnë një përkushtim në rritje për parandalimin e tensioneve në terren për ta mundësuar dialogun e nivelit të lartë dhe për lëvizjen përpara të procesit implementues”.
Raporti i internetit nga zyra e përgjithshme e sigurisë të OKB-së përmbledh situatën në periudhën nga 16 korrik – 15 tetor dhe tregon, atë si e quan ai suksesin e zgjedhjeve lokale , sidomos në pjesën veriore të Kosovës , duke theksuar se kjo do të ndikojë në konsolidimin e ardhshm, pra tek paqja dhe stabiliteti në Kosovë .
Në këtë raport i cili natyrisht është i fundit për këtë vit, kreu i OKB-së Ban vuri në dukje sesituata e përgjithshme e sigurisë në Kosovë, sipas tij :”Ka mbetur përgjithësisht e qetë , me incidente kohëpaskohshme të raportuara në zonat etnikisht të përziera , duke shtuar se të gjitha palët ka shfaq gatishmërinë e tyre për të demonstruar një angazhim në rritje për të parandaluar tensionet në terren për të mundësuar dialogun e nivelit të lartë dhe procesin e implementimit për të ecur përpara ” thotë raporti i zotit Ban Ki-moon.
Më tej aty ceket se zbatimi i marrëveshjes së Brukselit vazhdon të lëvizë përpara , por ka asur një fushatë të fortë në pjesën veriore të Kosovës – kundër pjesëmarrjes në zgjedhjet lokale edhe pse udhëheqja serbe kishte ofruar mbështetjen e saj të fortë për pjesëmarrjen e serbëve të Kosovës në zgjedhjet e 17 nëntorit , thuhet ndër të tjera në raport .

Në raportin e tij, sekretari i përgjithshëm i Kombeve të Bashkuara, Ban Ki-moon, e lavdëron si Beogradin ashtu edhe Prishtinën, “për angazhimin e vazhdueshëm aktiv në kornizën e dialogut të lehtësuar nga Bashkimi Evropian”.
Duke thënë se ai përgëzon Beogradin dhe Prishtinën për përpjekjet e tyre të vazhdueshme në dialogun e lehtësuar nga BE- dhe shton se se liderët e të dyja palëve iu përgjigjën pozitivisht sipas tij sfidave të shumta në një proces me vizion dhe këmbëngulje . Ai gjithashtu, në këtë raport falënderon në mënyrë të posaçme edhe Përfaqësuesen e Lartë të BE-së për Punë të Jashtme dhe Siguri, baroneshën Catherine Ashton , roli personal i të cilës, gjithashtu, vazhdon të jetë thelbësore.
Sekretari i Përgjithshëm i OKB Ban Ki -mun do të cekë në këtë raport sot, se: “Progresi në terren në drejtim të paqes dhe stabilitetit gjithashtu do të mbetet e rëndësishme në dritën e aspiratave të Kosovës dhe të Serbisë drejt integrimit evropian, duke shtuar se të dyja palët kan kryer hapa të jashtëzakonshëm që t’i afrohen qëllimit të tyre . Progres i mëtejshëm në normalizimin e marrëdhënieve , sipas kritereve të BE-së do të ketë rëndësi vendimtare , “shkruan ai në këtë raport.

” Përgatitjet për zgjedhjet e 3 nëntorit, sollën një numër sfidash politike dhe procedurale , duke filluar me regjistrimin e zgjedhësve me vendbanim jashtë Kosovës ,përgatitjen e materialeve zgjedhore dhe çështja e përfaqësuesve serbë në Komisionin Qendror të Zgjedhjeve të Kosovës ,të OKB-së” shprehet në raport e tij për sot Sekretari i Përgjithshëm i Kombeve të Bashkuara zoti Ban Ki-moon dhe shton se problemet janë zgjidhur nëpërmjet dialogut të përhershëm mes dy palëve . ”
Për zonë më të “nxehtë” të këtyre zgjedhjeve, pjesën veriorire të Mitrovicës, atë mbi Lumin Ibër, zoti Ban thotë në raport, se “udhëheqja serbe e pati ofruar mbështetjen e saj të fortë për pjesëmarrjen e serbëve të Kosovës në zgjedhjet e 3 nëntori dhe 17 shtatorit, duke luajtur një rol aktiv në atë drejtim . Deri në fund të periudhës së regjistrimit më 4 shtator , në total prej 103 subjekteve politike , duke përfshirë 19 në veri të Kosovës , kishin aplikuar dhe janë certifikuar nga Komisioni Qendror i Zgjedhjeve të Kosovës,” thotë Ban .
Në raportin e tij sot theksohet se në seksionin e policisë dhe gjyqësorit , është arritur përparim i caktuar , pavarësisht nga problemet , duke shtuar se më 25 korrik , pesë serbë të Kosovës dhe një oficerë të lartë shqiptarë i Kosovës janë emëruar në poste komanduese në Veri, Zona Rajonale e Policisë, me komandë të re në veri të Kosovës .

Ban Ki-moon konsideron se “do të jetë e rëndësishme për palët që ta vazhdojnë implementimin e marrëveshjeve me besim, pa i rihapur rezervat e tyre”. Në këtë kuadër, në raport theksohet se “angazhimi aktiv i Bashkimit Evropian, përfshirë rolin personal të përfaqësueses së lartë të Bashkimit Evropian për politikë të jashtme dhe siguri, Catherine Ashton, poashtu vazhdon të jetë esencial”. Në raport thuhet se “prita brutale kundër EULEX-it, më 19 shtator, që ka rezultuar me vdekjen tragjike të oficerit doganor të EULEX-it, ishte incidenti më serioz në periudhën e raportimit dhe pengesë trazuese”. Rrjedhimisht, “të gjitha palët duhet të bashkëpunojnë për së afërti me EULEX-in dhe policinë e Kosovës, në hetimet që po zhvillohen për të siguruar se kryerësit të identifikohen dhe të sillen para drejtësisë dhe të bëjnë çdo përpjekje për parandalimin e përsëritjes së incidentit të tillë”. Në pjesën e raportit për situatën në pjesën veriore të Kosovës, thuhet se “tensionet politike dhe paqartësia vazhdojnë të mbizotërojnë në pikëpamjet e skepticizmit të vazhdueshëm të serbëve lokalë të Kosovës, lidhur me marrëveshjen e 19 prillit dhe për pjesëmarrjen e tyre në zgjedhjet komunale”. Në raport, poashtu, theksohet se “atmosfera e paqartësisë në pjesën veriore të Kosovës, është përkeqësuar më tutje nga shqetësimet sociale dhe ekonomnike për reduktimet e ardhshme në punësim në sektorin publik”.

Njëkohësisht, permendet në raport se :”Negociatat e hollësishme për transferimin e personelit gjyqësor dhe në strukturën e ardhshme të gjykatës në pjesën veriore të Kosovës kanë vazhduar megjithëse më ngadalë , por janë duke vazhduar . Më 1 shtator ,Ministria serbe i Drejtësisë, zgjati vendimin e saj të mëparshëm për të pezulluar aktivitetet e veta në veri të Kosovës , në pritje të marrëveshjeve të çështjeve të pazgjidhura ,” lexohet në këtë raport i cili është edhe i fundit për vitin 2013. Raporti i Sekretari i Përgjithshëm i Kombeve të Bashkuara zoti Ban Ki-moon, sipas UNMIK-ut ,thotë se në total prej 76 incidenteve, të ndodhura deri tani në Kosovë, që prekin komunitetet dhe pakicat janë raportuar gjatë periudhës në mes të 16 korrik dhe 15 tetorit të këtij viti , ndërsa tre muaj më herët ka pasur 90 incidente të tilla, pa ka një rënje të tyre, cekën raporti. Sa për personat e zhdukur , zoti Ban thot në raport se:”Që nga vendosja e EULEX-it , në vitin 2008 , janë ndërrmarë 407 operacione në terren për të mbledhur të dhënat që mund të çojnë në zhvarrimet e tyre, dhe janë kryer disa prej tyre por mbeten ende për t’u bërë, ndërkohë që 355 individë u janë kthyer pranë familjeve të tyre në Kosovë. Megjithatë, nuk janë vlerësuar 1.720 persona të cilët janë ende të pagjetur nga ngjarjet e viteve 1998-1999″. Kurse, sipas Zyrës së Komisionerit të Lartë të Kombeve të Bashkuara për Refugjatë ( UNHCR) , që nga shtatori , 569 familje serbe të Kosovës të zhvendosura, kan shprehu gatishmërinë për tu kthyer në Kosovë nga Serbia , së bashku me 112 familje romë , ashkali dhe egjiptase nga Mali i Zi , dhe 45 familje romë , ashkali dhe egjiptas nga ish-Republika Jugosllave e Maqedonisë.

Administrata e UNMIK-ut në Mitrovicë ( UAM ) ka vazhduar rolet, monitorimi i ndërmjetësimit dhe lehtësimi i saj , si pjesë e përpjekjeve të vazhdueshme të UNMIK-ut për të mbështetur progresin institucionale dhe politike në rajon ,raporti i lexon .

” Përfaqësuesi Special i im, zoti Farid Zarif ka vazhduar të investoj në përpjekjet të konsiderueshme në veri të Kosovës, duke i angazhuar rregullisht të gjitha palët e interesuara , si nëpërmjet takimeve dhe deklaratave publike , si në mënyrë që të rrisin dialogun konstruktiv “, lexohet në raportin e Sekretarit të Përgjithshëm i OKB Ban Ki -mun .

Në fund të raportit cek edhe një fakt tjetër “Prerja ilegale e druve, e cila lexon raporti vazhdon në baza të rregullta në të dy anët e linjës kufitare administrative”, thotë raporti i sekretarit të përgjithshëm, Ban Ki-moon, dhe shton se “më 6 gusht, tre shtetas të Serbisë ishin arrestuar nga policia e Kosovës në komunën e Podujevës, ndërsa gjithsej katër shqiptarë të Kosovës ishin arrestuar nga policia e Serbisë, më 15 shtator afër Gjilainit dhe më 26 shtator afër komunës së Podujevës.” Këtij raporti i është bashkangjitur edhe aneksi i Përfaqësueses së lartë të Bashkimit Evropian për politikë të jashtme dhe siguri për aktivitetet e Misionit të BE-së për Sundim të Ligjit në Kosovë, që është miratuar nga shefi i misionit EULEX, Bernd Borchardt.
Në seancën e sotme pritet të marrin pjesë në nivelin më të lart të përfaqësimit kryeministri i Kosovës, Hashim Thaçi, dhe ai i Serbisë, Ivica Daçiq, si edhe dy Ministrat e Punëve të Jashtme të Kosovës dhe Serbisë.

Mbretëresha e Popit Rita Ora me “ngut” u dërgua në spital gjatë një foto-xhirimi në Miami

November 18, 2013 by dgreca

Ajo po trajtohet për lodhje në temepraturë të lart dhe dehidratim – këputje – Rita Ora është në vetë-dije të plotë , pasi trajtimit të marrë në spital më herët sot gjatë një foto-xhirimi në Miami, të veshjeve të reja të firmës Madonna Material Girl./
Nga BEQIR SINA, New York/
Miami Beach – Florida : Ylli i muzikës Pop – Rita Ora, gjatë një sesioni fotografik në Miamy është alivanosur derisa është dërguar menjëher me ato-ambulancë në spital. Paparazët e shumtë që përcjellin si gjithmonë çdo aktivitet të këngëtares nga Kosova me pashaport britanike, kanë fotografur momentet e vështira të Ritës, gjatë dërgimit për në spital.
Pas tretmanit të pranuar në spital , mjeku personal i këngëtares ka sqaruar se gjendja e saj tashmë është stabile dhe nuk ka vendë për shqetësim pasi ajo është liruar nga spitali dhe nesër mendohet të rinisë foto-xhirimi.
Këto probleme siç duket këngëtares i kanë ardhur si pasojë e lodhjes dhe dehidratimit – këputjes
Kështu të paktën, trasmetoi televizionin amerikan E! Entertainment Television, kur tha se:” Këngëtarja 22 vjeçare nga Kosova, me pashaport britanike, Rita Ora, ishte në grupin e foto-xhirimit për fushatën e re të firmës Madonna Material Girl, të hënën, pasdreke në 18 nëntor në Florida ,, ku bukuria britanike – kosovare, dukej e vilanisur, të paktën ashtu si ishte e paraqitur nëpër disa fotografi të marra nga grupi i foto-xhirimit në temperaturën 90 Fahrenheit 32 gradë Celsius.”
Rita u zgjodh personalisht nga vajza e Madonës Lourdes, që të jetë fytyra e firmës Madona Material Girl. Vajza e Madonës, Lourdes ( e njohur si Lola ) , 16 vjeçe, ka thënë se ishte e ngazëllyer në mënyrën e spotit të realizuar nga Rita, duke komentuar në një deklaratë për shtyp, teksa shtoi se: ” Rita, është një bukuri e talentuar, që me të vërtetë na tërhoqi me bukruinë e saj – nëpërmjet muzikës së saj dhe ndjenjën e saj unike e stilit.”
Një burim për televizionin amerikan E! Entertainment Television, tregoj që Rita Ora dhe ekuipazhi i saj kishte ndalur pjesën “action” të foto-xhirimeve , kur Ylli i Popit, bjondia Rita Ora ishte duke reklamuar një fustan nga koleksioni i firmës “Women Summer – Madona Material Girl”, një fustan i lehtë verorë ky me një sfond të bardh i “spërkatur” i gjithë me shkrimin “Pace” dhe buzë me të kuq të ndritshme, the lule të vogla kur ajo papritmas u vilanos.
Mbretëresha e Popit – Rita Ora, ishte duke foto xhiruar në frontin e Hotel Avalan në Miami, edhe pse ajo ishte veshur me një kapelë të kombinuar me fustanin verorë në një fazë për të u mbrojtur nga dielli që flakëronte , ajo është parë duke kërkuar “ndihmë” si një e sëmurë .
Burmit e televizionit amerikan, thanë se një ekip emergjence, atuoambulancat dhe dy tre makina policie si dhe zjarrëfikset, kish arritur sipas tyre në qendrën ku po foto-xhiroheshin spotet publicitare, sponsorizuar nga firma e veshjeve “Women Summer – Madona Material Girl”.
Një personeli mjekësor privat, dhe policët patrullues plazh mbërritën në vendngjarje duke u kujdesur për shëndetin e saj – për rreth një orë, para se të transportonin Yllin e Popit në spitalin më të afërt në Mount Sinai , ku ajo u trajtua për ” lodhje e ardhur prej ngrohjes nga temeperatura e lart dhe dehidratim – këputje -alivanosje , ” sipas Robert Alonso ,VP i asociuar i Marketingut në spitalin Mount Sinai Medical Center në Miami Beach, të Floridës.
Paparacët, kan mundur të fotografojnë Mbretëreshën e Popit – Rita Ora, kosovaria me pashaportë britanike, duke u ngritur në një barelë të një ambulance , pasi thuhet ajo më parë kishte rënë sipas tyre kolaps në dhomën e saj portabël që mban me vete grupi i foto-xhirimit. Ajo ka për të marrë trajtimin primarë nga spitali , konfirmoi gjithashtu për për televizionin amerikan E! Entertainment Television, një televizion i cili i kushtohet botës së artistëve të Hollivudit dhe këngëtarëve më të famshëm amerikan .
Sa për ndonjë shpjegim të mëtejshëm për nga ana e papritur e shëndetit të saj deri tani nuk ka, tha i njëjti burim . Kurse një dëshmitar okular u tha gazetarve se ajo ishte ” jashtëzakonisht e nxehtë “, sot në Miami e bukur dhe flokëverdhë plot talent dhe intuitë .
Burime për televizionin amerikan E! Entertainment Television, gjithashtu, thanë se të fot-xhirimi pritet të rifillojë nesër, mbasi gjendja e saj është stabilizuar dhe po vjen gjithënjë e duke u permisuar .

GJENOCIDI NDAJ ÇAMERISE- Një fotografim i rallë!

November 17, 2013 by dgreca

*Shpërngulje masive çame nga Çamëria xhiruar nga aeroplani italian në Luftën e Dytë Botërore

*Çamëria , ana e panjohur e saj !

Nga BEQIR SINA, New York/

NEW YORK : Një fotografimë i rallë! e shpërndar në internnet thuhet se tregohet për shpërnguljet masive çame nga Çamëria xhiruar nga një aeroplan italian, tregon anët e vërteta se çfarë ka ndodhur mbas Lustës së Dytë Botërore , me spatrimin e shqiptarëve të Çamërisë. Ky është një material i hedhur në rrjetin social Fb që bota të njihet më Çamërinë, dhe të rinjtë tonë të vetedijësohen për Çamërinë, për këtë tragjedi kombëtare!, të paktën kështu thuhet në diçiturën e kësaj fotoje, të shpërndar sot në rrjetin social facebook.

Çamëria , ana e panjohur e saj !

Gjatë Konferencës së Ambasadorëve në Londër në vitin 1913 , një pjesë jugore e Shqipërisë u ndërpre – u nda nga trungu i saj dhe i është aneksuar shtetit grek , pavarësisht nga fakti se shumica e banorëve aty ishin shqiptarë , të të dy prej të besimive fetare ortodoks dhe musliman.

Ndërsa shqiptarët ortodoksë ishin shënjestra e procesit brutalë e helenizimit të tyre , shqiptarët muslimanë u vranë ose u shfarosë, ata që mbetën u dëbuan me forcë nga tokat e tyre stërgjyshore nga qeveria greke, si kjo pamje që paraqitet për herë të parë dhe thuhet se është marrë nga filmimet sekrte të Luftës së Dytë Botërore, ruajtur në arshivat e Uashingtonit dhe Londrës .

Popullsia e Çamërisë, me përkatësi të besimit fetar myslimanë u konsideruan si një minoritet fetar , dhe disa prej tyre u transferuan në Turqi gjatë shkëmbimit të 1.923 njerëzve midis Greqisë dhe Turqisë , ndërsa pasuria e tyre u tjetërsuar nga qeveria greke , si pjesë e marrëveshjes përkatëse ndërmjet Greqisë dhe Turqisë .

Shqiptarët ortodoksë Çam u numëruan si grekët, dhe gjuha e tyre dhe trashëgiminë e Shqipërisë ishin nën një presion brutale të një procesi të sponsorizuar nga shteti që i çoi ata që mbeten dhe u deklaruan si shqiptarë deri vonë drejt asimilimit.Në Çamëri thuhet se u vendosën pastaj popullsi greke të ardhur si refugjatët grekë nga Azia e Vogël për të ndryshuar përgjithmonë demografinë origjinale të Epirit / Çamërisë përgjithmonë.

Në fund të Luftës së Dytë Botërore , pasi duke i akuzuar ata se kanë ndihmuar të fashistëve , grekët filluan një fushatë spastrimesh duke e nisur me fshatrat dhe qytet zbrazjen e Çamërisë së banuara nga shqiptarët autokton. Një nga masakruesit më të mëdhenjë njihet gjenerali famëkeq Zevra, i cili nuk kurseu as gratë , të moshuarit , fëmijët të cilët janë vrarë ose dëbuar përgjithmonë nga toka e tyre .

Ata u bënë viktima të spastrimit të parë etnik në Europë pas Luftës së Dytë Botërore dhe tragjedisë së Çamërisë . Faktet dhe historit e kësaj tragjedie dhe masakra e gjeneralit famëkeq Zevra janë zbuluar në botë , dhe konsiderohen si njëra nga tragjeditë më të dhimbshme të kontinentit evropian .

Dhe megjithse ka gjithë këto fakte, për fat keq Europa hesht, dhe çështja çame është ende e pazgjidhur . Çamët shumë prej të cilëve shkuan në Shqipëri, aktualisht janë duke u përpjekur për të ndjekur rrugët ligjore për të kërkuar kompensim për pronat e konfiskuara nga Greqia, dhe këthyer në tokat e shtëpitë e tyre, por kan hasur në një kundërshti të fort nga ana e qeverisë së shtetit grek .

“E ndihmuar” edhe nga politika anti shqiptare e regjimit të Enver Hoxhës, për më shumë se gjysmë shekulli, sot është bër shumë e vështirë zgjidhja e kësaj çështje, shteti grek vazhdon të thotë se” as nuk e njohin ose nuk ka çështje të Çamërisë” megjithëse ajo është një çështje e të qënit një realitet historik. Për Greqinë çështja “nuk ekziston ” tha në mes të Tiranës ministri i jashtëm i Greqisë muajin e kaluar Veneziols. Brezi më i vjetër që ka mbijetuar dhe dhe i përjetojë spastrimin etnik të cilët u vendosën në Shqipëri , vazhdojnë të thonë se ka egzistuar dhe ka një çështje e cila është ” Çamëria ”. Ata kan të shkruar në pasaportat e tyre, ashtu si e kan pasur në kohën e Mbretit Zog se ‘ vendi i lindjes ” është Çamëria, por vetëm për këtë indetifikim këta shqiptarë të Çamërisë nuk janë lejuar të hyjnë ndonjëherë Greqinë për shkak se kan lindur në Çamëri.

Nuk zgjidhet çështja e armëve të Sirisë, me një “fix” në momentin e fundit….!

November 17, 2013 by dgreca

“JO” ! është një vendim i keq për të ardhmen politike të Ramës, me SHBA, dhe lajm i keq – pavarësisht anës diplomatike të përdorur nga Uashingtoni./

Opinion nga BEQIR SINA, New York/

Ne Foto: Proteste nga “Rrenjet Shqiptare” ne Times Square me moton”Shqiperi etnike, Jo Shqiperi kimike”!/

New York: Kritikët nga të dyja anët e spektrit në Shqipëri morën një ” fix” në minutën e fundit të kryeministrit shqiptar Edi Rama, i cili në një fjalim të gjatë 30 minuta, dje ka njoftuar nën presionin në rritje të popullit ” se Shqipëria, nuk do të presë çmontimin e armëve kimike të Sirisë” . Vendi vendosi të kthehej opsionin me “kokë – poshtë”, pavarësisht një kërkese nga ana e aleatit të saj të NATO-s ,SHBA-së dhe Rusisë, sipas një marrëveshje të arritur në shtator.

Kryeministri i Shqipërisë, Edi Rama, nën presion e “dyfishtë”, dha më në fund një ” fix – ndreqje të çështjes së armëve të Sirisë”, një zgjidhje, që do të lejojë që shqiptarët të ndihen të sigurtë nga politika aktuale e kësaj qeverisje, sidomos atë lidhur me armët kimike të Sirisë. Pavërsishtë, në se “dikush mbeti i pakënaqur – kokë me një anë”, dhe pse Edi Rama, nuk ia plotësojë dotë ato kërkesat, ashtu si ai vetë u kishte premtuar më parë …..! kur u takua me ata në New York, në shtator.

Ambasadori Alexandër Arvizu, tha në televizionin pro qeverisë, Top Chanell, një natë para vendimit të Ramës, se “ai ka pasur një indikacion të qartë për të parë tek kapacitetet e Shqipërisë, për një zgjidhje ndërkombëtare, duke shtuar se SHBA-të do të ndjeheshin të zhgënjyera në rast se Kryeministri Edi Rama do të përgjigjej negativisht për këtë kërkesë.”
Por, megjithëse Arvizu pat deklaruar se një përgjigje negative e Shqipërisë do të ishte zhgënjyese për Uashingtonin, vetkuptohet dhe mënyra e përmbajtjes së deklaratës së ambasadës menjëherë pas fjalimit të zotit Rama, e cila si ndodh rëndom në politikën amerikane, ishte me tone politikisht mjaft korrekte, për qeverinë” Rama”.

Megjithatë, se çfarë ka “nën rrogozë” dhe si i thonë shqiptarët “se ku fshihet lepuri” në mes Tiranës dhe Uashingtonit, përveçse hamendejeve dhe spekullimeve, asnjëri nuk e di se “çfarë po ndodh” !?

Kryeministri i Shqipërisë, Edi Rama, ka thënë, më në fund “fix” se “është e pamundur për Shqipërinë të marrë pjesë në këtë operacion”, pasi që dy muaj më parë, po ky vetë “pas kuintave” në margjinat e Kombeve të Bashkuara, i kishte thënë PO! marrveshjes ruso – amerikane. Një marrëveshje kjo e arritur në shtator, për asgjesimin e 1300 tonë të armëve kimike, në Shqipëri.

Fitoria e 23 qershorit e ka “dehur” Edi Ramën, me ato 1 milion vota që më në fund treguan se nuk janë të Edi Ramës, por goneja e solli që Rama, t’i marri ato vota nga që shqiptarët donin ndryshimin- donin rotacionin. “Euforia” e Ramës, për të marrë çdo vendim duke i besuar së tepërmi “qorrazi”, 85 vendeve që ka në parlament, dhe natyrishtë “djallëzisë” që Rama e ka në gjak, e çojë atë në mungesë të informimit dhe të manaxhimit të gabueshëm të rrugës, që ndoqi ky si një lider i “pa-pjekur” politikisht, në çështje e shkatërrimit të armëve kimike siriane.

Shqipëria, është një vend i vogël për të bër politika kaq të mëdha – me SHBA dhe Rusinë. Dhe sidomos me SHBA, të cilat janë aleat dhe partner i jonë – miku jonë i përjetshëm

Rama gaboi rëndë se kishte mungesë komunikimi me Presidentin e Republikës në radhë të parë, opozitën dhe paralamentin dhe sqarimin e popullit të tij , dhe lejim të frikës e histerisë mediale kolektive që shpërtheu në Shqipëri.

Prandaj, në fund për të mos ndodhur më e keqja( pra njerëzit të shkonin deri në kërkesat për largimin e tij) , eskalimin dhe kalimin në revolta mbarpopullore, të protestave, nga një vendim “pro” armëve kimike, Edi Rama, si Kryeministër i vendit, zgjodhi ndoshta edhe i këshilluar për të vepruar ashtu duke e konsideruar vendimin e tij – si shumë më pak të dëmshëm – sesa ky vendim që mori kur i tha “JO”. Por, që është një vendim i keq për të ardhmen politike të Ramës, me SHBA, pavarësisht anës diplomatike të përdorur nga Uashingtoni.
Në Uashington , zëdhënësja e Departamentit amerikan të Shtetit Jen Psaki, ka tentuar të minimizojnë vendimin shqiptar , duke thënë se disa vende të tjera ” janë duke u konsideruar seriozisht … se do të marrin përsipër në vendin e tyre shkatërrimin e armë të Sirisë “.

Megjithëse, ajo nuk ka identifikuar këto, vende se cilat janë, por tha se Shtetet e Bashkuara presin që afatet kohore për shkatërrimin e armëve siriane, dhe se ato do të plotësohen pavarësisht nga refuzimi shqiptar.

Shihet qartë se SHBA, janë një vend që vendimin e Ramës, do ta marrin seriozisht, por në kanale të tjera, dhe kur ti vijë koha. Mbasi Uashingtoni pa një lider “jo-serioz” me Uashingtonin, një lider poliitik që nuk ka guximin të marrë vendime kaq të mëdha, mbasi edhe vetë “këto janë vendime të mëdha që sjellin ndryshime të mëdha”. Imagjino këtu sasa të vështirë e kan pasur me popullin e tyre, liderit e Polonisë, Çekisë, Hungarisë e tjera, me pranimin në vendin e tyre të armëve kundërajrore të SHBA….

“Vetëm një ditë më parë, se Kryeministri Rama do ta bënte publike vendimin për shkatërrimin e armëve kimike siriane, a nuk qe ambasadori amerikan në Tiranë Aleksandër Arvizu, ai që në një televizion proqeveritar, deklaroi hapur se një “Jo” e Ramës do të ishte zhgënjyese për SHBA.”

Kur po ambasadori Arvizu në të njëjtën intervistë me televizionin Top Chanell, tha se SHBA kan dhënë dhe kan ofruar të gjitha garancitë e mundshme në Shqipëri Dhe, ai shtoi se Presidenti amerikan Barak Obama, i kishte shkruar mbi çështjen Ramës dhe e ftoi atë të vizitojë Uashingtonin vitin e ardhshëm …..!

Pra, tani që Kryeministri i Shqipërisë, Edi Rama, jo vetëm e ka zhgënjyer SHBA-së, por është treguar “lideri shumë i dobët” karshi Washingtonit, duke i mbajtur ata me shpresë deri në minutën e fundit, dhe në fund u tha “JO”, në një moment “fix”.

Në një kohë që kundër shkatërrimit, në Shqipëri, të armëve siriane, kishte protesta të qytetarëve për disa ditë me radhë. Populli shqiptarë tregojë se nuk ishte në asnjë mënyrë kundra Amerikës, dhe se është populli më pro amerikan. Ai doli në protesta vetëm atëhere kur e mësoi se Kryeministri Rama, e mbajti të fshehur planin e tij dhe nuk bëri transparencë, “i sigurtë, se ka mbas vetes kishte 1 milion vota” Dhe i tha “Jo” kur plani i tij ra, se me popullin u bashkuan edhe politikanët madje edhe disa deputetë socialistë, gazetar e analistë pro Ramës, pra kësaj rradhe ishin kundra tij !
Tani në pyetje është se “Ku e mori guximin Rama të thotë njëherë “PO” dhe në fund “JO”? ,Kush po qëndron prapa asgjesimit të armëve kimike të Sirisë në Shqipëri ! Ai ishte me të vërtet Uashingtoni, dhe premtimi i Ramës me një servilizëm të tepruara ? A ka “dorë” Moska ? dhe pse asnjëherë deri tani s’u zbardh tema e bisedimeve të shtatorit në Nju Jork, mes kryeministrit Rama dhe ministrit të jashtëm rus Sergei Lavrov ! Këto mbeten për tu sqaruar dhe duhet transaparencë,. Për këto ma do mendja është i interesuar “edhe, Washingtoni, mbasi Rama, dje i tha JO, SHBA-së!” dhe nuk i dha snjë përgjigje nga të sipërcituarat.

A mund dhe a duhet t’u thoshte JO! Shqipëria Shteteve të Bashkuara ? kur të dihet se përse Shtetet e Bashkuara zgjodhën Shqipërinë, në këtë përpjekje, megjithëse aty është përfshirë edhe Rusia? Përse , Rama e fsheh letrën që i ka shkruar presidenti amerikan Barak Obama, mbi çështjen dhe pse Obama e ftoi atë të vizitojë Uashingtonin vitin e ardhshëm !.

Dhe, a mundet që një mendje normale, sado “anti-amerikane”, të ketë ngelur edhe mbas 23 vjet demokraci, në Shqipëri, të shkojë deri në atë pikën se “të ngjallë frymën anti amerikane” të kohës së Enver Hoxhës? me protestën – para ambasadës amerikane në Tiranë, Megjithëse, dihej dhe ishte ofruar garanicia amerikane për gjithçka, që lidhej me transportin, teknologjinë, ekspertizën, dhe atë duhet ta merrin përsipër Shtetet e Bashkuara dhe vendet e tjera perendimore së bashku me Rusinë.

Mirëpo ditën “fix” kur foli Kryeministri Edi Rama, teknika e ” lajmit të mashtrimit” nga Mero Baze, me kompani, nxorri lajmin se një burim diplomatik anonim i kishte, thënë atij se “Çka do të përfitonte Shqipëria nëse i pranonte armët kimike?” 1. Ndihmë për sigurimin e Statusit të Vendit-Kandidat brenda dhjetorit 2. Ndihmë për aderimin e plotë të Shqipërisë në BE brenda mandatit të parë të qeverisë Rama 3. Mbulim financiar sa trefishi i Buxhetit të Shqipërisë (Buxheti i Shqipërisë për vitin 2012 ishte 4 miliardë dollarë, kështu që shuma e pritur e ndihmës financiare do të ishte mbi 10 miliardë dollarë) 4. Garantimi dhe dhënia e një statusi të veçantë për Shqipërinë në raport me Shtetet e Bashkuara të Amerikës, ku në proces përfshihet dhe heqja e vizave. 5. Propozimi i Shqipërisë për çmimin “Nobel” për paqen?.

Ndërkohë, që dihet se nuk janë SHBA, të Amerikës, që vendosin për asnjërën nga këto…..! dhe kjo çështje për Uashingtonin nuk ishte “tramë”, apo pazar me Shqipërinë, “merri këto armë kimike, se do të bëj favore…..!”

Pyetje tjetër është se”Pse, Kryeministri i Shqipërisë foli vetëm në minutat e fundit – “fix”, vetëm disa orë para se Organizatës për Ndalimin e Armëve Kimike (ONAK), kur thuhej se e kishte planifikuar Shqipërinë mbi një planë për shkatërrimin e 1300 tonë të arëmve kimike siriane.

Në një kohë që shqiptarët thanë ” mjaft me “fixet” e fundit dhe me fshetësi, ” këtë i thanë dje populli shqiptarë Kryeministrit të tyre Edi Ramës në përpjekjen e tij për demontimin e armëve kimike të Sirisë nën planin ruso – amerikan, pa “pyetur” popullin shqiptarë.

Kësaj rradhe “fixi” i Ramës,: ” se Shqipëria, nuk do të presë çmontimin e armëve kimike të Sirisë” nuk ka shkuar aq larg sa ishte menduar, prej tij, mbase ai ishte “shumë hapa në drejtimin e gabuar dhe rrugën e gabuar. “. Dhe, këtë për herë të parë e kuptuan shqiptarët, të cilët na kujtuan protestat e Uashingtonit, Londrës, Parisit, Romës, Brukselit, e të tjera vende perindimore.

Këto protesta tek njerëzit treguan se tani në Shqipëri, ata janë ende ” të shqetësuar në lidhje me njerëzit që vinë në politikë, dhe në pushtet, të cilët nuk bëjnë asgjë për popullin e tyre, por vetëm e vetëm mendojnë që të mbajnë karriket e tyre, dhe të “mbushin vetëm xhepat ” e tyre . Ata janë vetëm politikanët e ” zhatjes dhe të mashtirmit ” së këtij populli,.. që më në fund edhe shqiptarët e kuptuanë se çfarë pushtetarësh kan në krye të vendit…!

Artistët shqiptarë në Amerikë, i bashkohen organizatës Rrënjët Shqiptare në Protestë

November 15, 2013 by dgreca

Sot, Nju Jork, nga ora 5 e mbasdites me kohën lokale deri në orën 7 të mbrëmjes me lejen e policisë së qytetit, NYPD, është paraparë të mbahet n një protestë kundër asgjesimit të armëve kimike të Sirisë në Shqipëri/

Nga BEQIR SINA, New York/

NEW YORK CITY – “Të bashkohemi të gjithë për t’i thënë JO!” është motivi që u bënë thirrje artistëve shqiptarë në Shtete e Bashkuara, që të mblidhen sot në Sheshin e njohur Times Square në zemër të Nju Jorkt.

Artistët shqiptarë, në Amerikë kan shfrytëzuar natën e fundit festivalit të II-të, AFW “Albanian Film Week” (Java e Filmit Shqiptar), për t’ju bashkëngjitur thirrjes së organizatës Albanian Roots – Rrënjët Shqiptare, e cila ka vendosur sot mbas dite të mbajë një protestë për të kundërshtuar njerëzisht nismat ndërkombëtare të cilat kanë për qëllim përdorimin e territorit të Republikës së Shqipërisë për asgjësimin e armëve kimike të konfiskuara nga Republika Arabe e Sirisë në bazë të një marrëveshjeje ruso-amerikane.

Ariot Myrtaj njëri prej organizatorëve kryesorë të festivalit të II-të, AFW “Albanian Film Week” (Java e Filmit Shqiptar), gjatë cerominisë së mbylljes së këtij festivali mbrëmë në teatrin shqiptarë “The Producers Club” u bëri thirrje kolegëve të tij duke thënë: ” Se pa ngjyrime politike, ne duhet ti bashkohemi thirrjeve të prindërve, vëllezërve dhe motarve tanë në Shqipëri që janë ngritur kundra armëve kimike, duke e parë se problemi i shkatërrimit të armëve kimike në Shqipëri është çështje kombëtare dhe na përket ne të gjithëve si shqiptarë. Mbasi dihet se pasojat e saj mund të jenë shumë të mëdha dhe mund të shkojnë përtej kufijëve shtetërorë.”

Rrënjët Shqiptare: Thuajini JO! armëve kimike nga Siria!

Në vargun e protestave të asgjesimit të armëve kimike në Shqipëri, këto ditë është përfshirë dhe Organizata Albanian Roots- Rrënjët Shqiptare, me bazë në Nju Jork, e cila është një organizatë jo qeveritare, e përbërë nga të rinjët shqiptarë në Amerikë, sudentë e stdudente që janë studiojnë ose janë diplomuar në shkollat e larta Amerikane. Kjo është një orgnizatë e themeluar nga djem dhe vajza të reja shqiptare në New York, me qëllim ruajtjen e vlerave dhe trashëgimisë kulturore kombëtare dhe promivimin e imazhit të Shqipërisë në mbarë arenën ndërkombëtare, thuhet në deklaratën e tyre për protestë.

Në dekleratë theksohet se :” Duke marrë shkasë nga ngjarja e fundit më të cilën po përballet vendi ynë mbi shkatërrimin e armëve kimike të Sirisë në vendin tonë, Unë Marko Kepi, si kryetar i kësaj organizate, në përgjigje të shumë mesazheve dhe telefonatave të shumë të rinjëve e të rejave shqiptare në diasporë, por bazuar edhe në indinjimin që ne si organizatë patriotike ndjejmë në lidhje më një cështje kaq serioze, e cila vë në diskutim sigurinë e bashkëatdhetarëve tanë, ndjej përgjegjësinë t`i bëj thirrje qeverisë shqiptare t`i thotë “JO” një propozimi të tillë.

Deklerata sqaron se Shqipëria është një shtet i vogël me një sipërfaqe 27,398 m2 dhe renditet një ndër shtetet më të varfra në Europë, e cila njihet kryesisht për klimën dhe turizmin e bukur që ofron dhe jo për fabrika e teknoligji të modernizuar për shkatërrimin e armëve kimike.

Ndërkohë, thuhet në dekleratë se :”Organizata Albanian Roots-Rrënjët Shqiptar, në mbështetje të të gjithë qytetarëve shqiptar i bën thirrje edhe njeherë qeverisë shqiptare të tërhiqet nga negociatat për një vendim që nesër do t’i rëndojë mbi shpatulla e njerëzve të popullit tone, fëmijëve dhe gjeneratave tona të ardhme. Ne duam një Shqipëri të pastër, të gjelbër dhe një vend të sigurt. Ne Rrënjët Shqiptare mbi të gjitha duam Shqipërinë. Ftoj të gjithe shqiptarët kudo që janë t’i bashkohen solidaritetit tone në mënyrë që zëri ynë të dëgjohet në respekt të jetës dhe vendit tone, Shqipërisë!”

Demostrata të tillla ka pasur dje edhe në Washington ku protestuesit kan thënë se :” Ne vendosshmërisht kundërshtojmë çdo iniciativë e cila mëton ta përdorë territorin shqiptar si laborator ku eksperimentohet me armë të shkatërrimit në masë.”

Gazetës, tonë, i tha njëri prej protestuesve me telefon se :” Kërkojmë nga autoritetet shtetërore në Tiranë të reagojnë në emër të shtetit dhe të veprojnë vetëm në interes të sovranit të Republikës së Shqipërisë.Ne reagojmë kundër politikës butake e mercenare të Kryeministrit Rama, si dhe kundër presioneve ndërkombëtare mbi Shtetin Shqiptar. Kërkojmë nga qeveria “Rama” që vendosshmërisht të shfaqin maturi politike dhe njerëzore, dhe të konsiderojnë pasojat serioze që sjellin eksperimentet e tilla të rrezikshme.”