ALFONS GRISHAJ*/
Endrra/

Pikëpyetja qafë , ngjirje bulkthi/

Si kapërtinë e  thyer libri/

Nëdarën e pamëshirshme tëdorës /

Shtrënguar nga udhëtimi trurit-univers./

 

Jastëku i pabindur ndjek qëllimin./

Puplat rrebelohen … sëri zogj ?!/

Ah ! Mëkati qënies brishtë, komoditet?/

Shtrati , grindaveci   prehjes

Loz me  vargonjtë  gjumin-vdekje,

Si tymi i duhanit

Twist dritëhijet e llampës

Në zgjimin e imazheve   halogene.

Tenori vajton këngën e Palaços

E oktavët rrahin muret e sallës

Si erë e veriut qepenat e tregtarit grindavec.

Skanari  natyrës rebele.

 

Endrra , ky mbret i  mallit !

Na merr për dore… lëndinave ,

Pyjeve, ujvarave , herogasm pambarim …

Me të dashurën , motrën , vëllanë,

Me nënën – babain  përmallim.

Me mikun e vërtetë , dhe më të pabesin mik.

Ankthi , ekuacion hieroglifesh,

piramidë pa derë,

Por ,  ëndërr është jeta  dhe jeta ëndërr.

Njëra   nusja… dhe  tjetri është dhëndër.

***

Vjeshta

Vjeshta, sëri pjek ngjyrat e gjetheve

Si pranvera lulet  dhe vera  frutin…

Era e freskët zhvesh pemët plot delikatesë

Ashtu si femrat dhe pemët zbulojnë linjat

Nga rrënjët e zemrës …

Prarim i jetës paqton njëmijë ngjyra

Vello ndjesie  !

Mall ,  frymëzim.

Vjeshta , shalli i poetëve.

Stolisësi i qilimit më të bukur në botë,

Antikorpi  dimrit .

Vjeshta , Inventari i natyrës,

Vepra superiore e Hyut!

 ***

Ditëlindja

…Ditëlindja…

Një minut më i ri ,

Një orë më i lumtur,

Një javë më i fortë,

Një muaj më kërkues,

Një vit më me shpresë,

Një vit më i pjekur.

 

Ditëlindja…

Një orë për të kujtuar nënën,

Një orë për të kujtuar babanë,

Një minut për t’u kujtuar nga të dashurit,

Një orë për të kujtuar njerëzit e zemrës,

Një orë për të vendosur,

Një orë për të ëndërruar,

Një moment për të falur.

Ditëlindja…

Një  minut reflektimi,

Një moment ëndërrimi,

Një minut retrospektivë kohe,

Dy orë për familjen,

Tri  orë për atdheun!

Një moment në ngritjen e dollive.

Asnjë sekond për gjykim!

Ditëlindja…

Lodër mistike,

Rëflektimi i djeshmes tek e sotmja,

Dita e falemnderimit të misterit të jetës.

September 10 ,  2018

• Sot, Ditëlindja e autorit. Vatra dhe “Dielli” i dërgojnë shumë Urime Alfonsit!-Qofsh gjithë Jetën i gëzuar e i Lumtur si në Ditën e Lindjes!