-Për të përcjellë nga afër këtë operacion, prezent ishte edhe komandanti i Kampit  Amerikan “Bondsteel”, koloneli Macaraeg/

 PRISHTINË,  1 Shkurt 2019-Gazeta DIELLI/ Është zhvilluar një operacion i përbashkët i ekspertëve Amerikanë dhe të Forcës së Sigurisë së Kosovës për demolimin e mjeteve të pashpërthyera.

Në një njoftim të zyrës së shtypit të Ministrisë së Mbrojtjes, dërguar sot, bëhet e ditur se, specialistët e Ekipeve për Eliminimin e Mjeteve të Pashpërthyera Eksplozive (EOD) të Kompanisë së Deminimit të Forcës së Sigurisë të Kosovës, në bashkëpunim me specialistët e Ekipit të EOD-së, nga Kampi Amerikan “Bondsteel”, kanë realizuar një operacion të përbashkët për shkatërrimin e mjeteve eksplozive të cilat janë gjetur nga ekipet e EOD-së, në rajone të ndryshme të Kosovës.Në këtë operacion janë demoluar 16 mjete të kalibrave të ndryshëm, të cilat kanë qenë rrezik permanent për jetën e qytetarëve. Demolimet janë realizuar në fshatin Halilaq,  organizuar në dy cikle. Operacioni i demolimit ka shkuar sipas planifikimit dhe është realizuar me sukses.

Për të përcjellë nga afër këtë operacion, prezentë ishin edhe komandanti i Kampit “Bondsteel”, koloneli Macaraeg, koordinatori për Deminim nga Shtabi i Përgjithshëm i KFOR-it – Kampi “Film City” në Prishtinë,  A. Cipri,  zëvendës komandanti i Regjimentit të Mbrojtjes Civile (RMC), nënkolonel Bajram Bekteshi, si dhe komandanti i Kompanisë së Deminimit, major Gëzim Sada.

 Të pranishmit u ndanë të kënaqur me punën dhe angazhimin e ekspertëve të EOD-së dhe vlerësuan lartë bashkëpunimin e ndërsjellë në mes të FSK-së dhe KFOR-it, thekson njoftimi./b.j/