dom Pjeter Popaj – Page 2 – Dielli

LULZIM BASHA NË MESHËN E SË DIELËS NË KISHËN KATOLIKE “ZOJA E SHKODRËS” NË NJU JORK

March 21, 2016 by dgreca

Lulzim Basha dhe delegacioni që ai udhëhiqte gjatë vizitës në SHBA, të Dielën me 20 Mars 2016 morën pjesë në Meshën e së Dielës, Mesha e Së Dielës së Lartit. Ai shoqërohej nga zonja e Tij Aurela Basha, deputetët e Partisë Demokratike Eduard Selami, Jorida Tabaku, Gerti Strazimiri dhe ish ambasadori i shqipërisë në Londër Mal Berisha. Gjithashtu i pranishëm ishte Kryetari i Vatrës me zonjen e tij, dy nenkryetaret e Vatrës, Agim Rexhaj dhe Asllan Bushati, anëtarët e kryesisë Marjan Cubi, Dritan Mishto si dhe anëtarë të kishillit të Vatrës, dhe shumë vatranë.

Famullitari i Kishës Katolike Shqiptare “Zoja e Shkodrës” u ka uruar mirëseardhjen mysafirëve dhe i ka prezantuar ata nga Elteri. Pjesmarrja e besimtarëve, ashtu sic ndodh në Meshën para Pashkëve, ishte shumë e madhe. Shumë prej besimtarëve e kanë ndjekë Meshën në Këmbë, edhe pse kjo është një nga Kishat më të mëdha dhe më modernet në Nju Jork,me kapacitet të madh, e ndnërtuar me kontributin e besimtarëve.

Famullitari dom Pjetër Popaj gjatë paraqitjes së mysafirëve ka komentuar dhe lajmin e gëzuar të shënjtërimit të Nënë Terezës me 4 Shtator, c’ka përbën një gëzim shumë të madh për mbarë Kombin Shqiptar. Duke prezantuar mysafirët dom Pjetër Popaj tha se kjo Kishë është vizituar nga personalitete të larta të botës shqiptare të cilët janë pritë e përcjellë më nderim.

Më pas dom Pjetri ka folë edhe për Kremtimin e së Dielës së Larit dhe Javën e Madhe të Pashkëve. Ai është ndihmuar në Meshën e së Dielës nga dom Viktori.

Pas Meshe dom Pjetër Popaj ka ftuar besimtarët që të shoqërojnë mysafirët në sallën e Qendrës Kulturore”Nënë Terza” për të biseduar së bashku.(Dielli)

Dom Pjeter Popaj, nga Nju Jorku, në vendlindje

May 11, 2015 by dgreca

…Kremtoi festën e Shën Kollit me shqiptarët në vendlindjen e tij/
Beqir SINA New York/
SHEN KOLL ULQIN : Nëpërmjet një seti fotografik Don Gabrieli, përmes fotografive, të postuara në rrjetin shoqëror facebook , thonë besmitarët katolik në Amerikë, se ai “po i mban gjallë në lidhje me ngjarjet në vendlindje”. Teksa, ai ka pastoaur një kremte të till e cila është pasqyruar këto ditë nga kremtimi i festës së Shën Kollit në rrethinat e Ulqinit.
Në këtë festë fetare të besimit katolik, simbas publikimit të fotografive, duket se ka marrë pjesë edhe famullitari i Kishës Katolike Shqiptare në Nju Jork, Dom Pjeter Popaj – i cili, ka kremtuar festën e Shën Kollit së bashku me besimtarët shqiptarë në vendlindjen e tij.
Kurse, në kujtimet e dom Pjetër Popaj – duke shfletuar arkivin e revistës Jeta Katolike,(Maj 2007) gjendet edhe një shkrim editorial i kësaj reviste me titull : “Ky është kujtimi më i bukur i jetës time” ku ndër të tjera Dom Pjetër Popaj, shkruan se: “Më 9 Maj 2007, u nisa në vendlindje të kremtoj festën e Shën Kollit, në fshatin Shënkoll pranë Ulqinit. Kjo festë tradicionale popullore, e cila dallohet për ceremoni solmne dhe numërin e madh të pjesmarrësve”, citohet të ketë thënë I Përndershmi Dom Pjetër Popaj, gjatë një kremte të kaluar në vendlindje.

Nata e festës së Shën Nikollit

Simbas Radio Vatikanit më çdo 9 Maj për çdo vjet, besimtarët katolikë kremtojnë natën e festës së Shën Nikollit, ipeshkëv. Pra, Kisha katolike kremton festës liturgjike të Shën Nikollit, ipeshkëv i Mirës në Azi të Vogël (Turqia e sotme), në shekullin e IV, një ndër shenjtorët e dëshmitarët e Krishtit më të nderuar nga besimtarët e krishterë si dhe ata shqiptarë, të të gjitha krahinave e madje edhe të besimit islam.
Shën Nikolla u dallua për fenë e gjallë në Mësuesin Hyjnor, Jezu Krishtin dhe posaçërisht për kujdesin e ndihmën për të varfrit, siç pohojnë shumë tregime e gojëdhëna që flasin për bamirësinë e dashamirësinë e tij ndaj nevojtarëve. Prandaj shën Nikolla është për të gjithë ne shembull i bamirësisë ndaj të varfërve, mbrojtës i të vërtetave të fesë së krishterë dhe i dinjitetit të çdo njeriu, dëshmitar i guximshëm i fesë në Zotin.
Edhe ndër shqiptarë, shumë njerëz thirren me emrin Nikollë, emër që duke iu përshtatur gjuhës shqipe, njihet me trajtat: Kolë, Koli, Kole dhe Lec.
Një tjetër Kishë e Shën Nikollit ka qenë ngritur që para pushtimit turk në Shkodër, në lagjen Rus, sot e rindërtuar shumë bukur, pas rrënimit të saj të plotë bërë nga komunistët.
Po sigurisht që Kisha më e njohur e shën Nikollit në trevat shqiptare është Kisha Katedrale në Lezhë, seli e Kuvendit të famshëm të Princave shqiptarë të shekullit XV, vendvarrosje e heroit të kombit shqiptar Gjergj Kastriotit Skënderbeut.
Kisha kushtuar nderimit të shën Nikollit kemi edhe në Kosovë, ajo e bashkësisë famullitare të fshatit Velezhë të Prizrenit, ndërtuar nga dom Nikollë Mini. Po kështu edhe në rrethinën e Ulqinit të Malit të Zi e shumë kapela tjera.
Tradita të bukura e prekëse lidhen me kremtimin e festës së Nikollit në treva shqiptare. Me këtë rast është traditë ndër katolikë të Shqipërisë të flijohet një gjel ( këndes ); ndër shqiptarë të Kosovës – një qengj. E sidomos është traditë që natën e së kremtes së Shën Nikollit, familjarët para se të darkojnë së bashku e me miq, të ndezin qirin e Shën Kollit, të këndojnë këngën e lashtë “Sa punë të mëdha e mrekulli, që ka ba Shejti Shën Kollë” dhe t’i lutën Zotit së bashku përmes ndërmjetësimit të Shenjtit të mrekullive.
Pra, të gjithë atyre që e lusin këtë festë, për shumë mot, me ndërmjetësimin e Shën Nikollit, Zoti Atë ua dhuroftë hire e bekime Hyjnore e ua të plotësoftë dëshirat e mira, shkruan Radio Vatikani shqip.

Perkujtohet Fan Noli ne Kishen Katolike “ Zoja e Shkodres” ne New York

March 11, 2015 by dgreca

Perkujtohet Fan Noli ne Kishen Katolike “ Zoja e Shkodres” ne New York/
Diten e diele me 8 mars 2015, i Perndershmi At Pjeter Popaj perkujtoi Peshkopin Fan Stilian Noli gjate mesheve te dites, me rastin e 50 vjetorit te kalimit te Tij ne jeten e pasosur, qe bie me 13 mars.
Dom Pjetri i foli gjate publikut mbi kete figure te madhe poliedrike te kombit shqiptar, duke theksuar trashigimine e madhe qe la ne fusha te ndryshme, jo vetem si bari shpirteror ku la gjurme me rendesi historike, duke themeluar Kishen e Pare Ortodokse Shqiptare ne Amerike dhe duke u sherbyer besimatrevet shqiptare ne gjuhen shqipe, perketheu liturgjine nga greqishtja dhe luajti rolin kryesor ne themelimin e Autoqefalise se Kishes Ortodokse Shqiptare. Gjithssdhtu Ai la vepra do dores se pare edhe si krijues i artit te letersise, poezise, muzikes, histories dhe zhurnalistikes, si perkethyes kryeveprash boterore dhe si intelektual i larte me parime te demokracise amerikane, parime te cilat u perpoq t’i sjelli edhe ne jetn politike ne atdhe.
(Kerespondenti i “Diellit”)

NE PRAG TE KRISHTLINDJEVE- Kisha Katolike Shqiptare “Zoja e Shkodrës” në NY, organizoi darkë për Vullnetarët

December 22, 2014 by dgreca

Nga Beqir SINA/
BRONX NEW YORK: Kudo, shtëpitë, dyqanet dhe zyrat e biznesve të shqiptarëve në lagjet e qytetit të Nju Jorkut,e paraqesin me mynyrën tradicionale njujorkeze,festën e Krishtindjeve- duke filluar me zbukurimet e tyre, për festën e Krishtlindjeve, ku mbi të gjitha bie në sy zbukurimi madhështor që është bërë si çdo vjet në Kishën Katolike Shqiptare Zoja e Shkodrës në Harsdale – Nju Jork, e cila është e zbukuruar dhe e bërë gati për festimin e festave, deri natën e Krishtlindjes më 25 dhjetor.
Aty ku mijëra besimtarë të krishterë shqiptarë – kanë për të marr pjesë në Meshën e madhe dhe festuar në Kishën Zoja e Shkodrës, lindjen e Krishtit me Meshën e kryer nga Dom Pjetër Popaj – e cila ka për të filluar që mesnatën e së ejtes dhe do të vazhdoj deri në të gdhirë e premtëja
Ndërkohë, që për të krishterët e të gjitha përkatësive etnike, Krishtlindjet janë një kohë kur shprehet miqësia dhe ndjenja e komunitetit, faleminderimet dhe përgëzimet për të gjithë besimtarë, këto ditë ka qenë përsëri ; Famullitari i Kishës Katolike Shqiptare “Zoja e Shkodres”, i perndershmi Dom Pjeter Popaj, më 16 dhjetor 2014, në mbrëmje, në shenjë mirënjohje, mbajti atë që njihet si darka vjetore të quajtur “Our Lady of Shkodra Church Annual Volunteer Christmas Party “-
Një darkë festive kjo mjaft e gëzueshme, ku gjithëçka u kushtohet për punën vullnetare që bëjnë me shërbimin e tyre gjatë gjithe vitit, këtyre vullnetarve, shëmbullor dhe anëtarët e familjeve të tyre, me ushqim të bollshëm – këngë e valle me muzik nga të gjitha trevat, e mbajtur kësaj rradhe në restorantin e njohur “Maestro’s”, në Bronx Nju Jork.
Kjo darkë, thotë Dom Pjetër Popaj – famillitari i Kishës Katolike Shqiptare Zoja e Shkodrës ka për qëllim t’i “shpërblej” dhe t’i falenderoj për çdo vjet vullnëtarët e Kishës, për punën e tyre të shkëlqyer me shërbimin që kanë bërë në këtë kishë – gjatë tërë vitit dhe është parë si një darkë vejtore, duke e quajtur atë “Our Lady of Shkodra Church Annual Volunteer Christmas Party “-
Ndërkohë, kjo është një festë e thejsht dhe e bukur ku vullnetarët e përkushtuar të kësaj kishe – tregojnë kënqaësinë e tyre, qe kan ndjer gjatë gjithë punës në aktivitetet dhe shërbimet në këtë kishë – Ata shprehin me këtë rast shumë mirënjohës për këtë darkë e vullnetarve, të dhënë ngrohtësisht nga Kisha Katolike Zoja e Shkodrës, në Nju Jork, nën kujdesin e zellshëm – për çdo vjet nga famullitari i kësaj kishe, Dom Pjeter Popaj.
I perndershmi Dom Pjeter Popaj – me tej tha ” Eshte ajo puna e juaj e palodheshme, dhe deshira qe gjate gjithe vitit, ju jeni duke sherbyer si vullnetar, andaj puna e juaj ne Kishe, meriton nje mirenjohje, nje “shperblim”, te veçante , te cilen ne e shtrojm ne emer te Kishes sone, per çdo vjet”.
Dhe, në menyre qe te vinte ne pah punen e ketyre vullnetareve, te kesaj kishe, Dom Pjeter Popaj, perdori nje shprehje amerikane, e cila thote: “Don’t tell me – show me”, pra e thene shqip “”Mos me thoni – por me tregoni”
Aktivitetin e Kishes Katolike Zoja e Shkodres, ne Nju Jork, famullitari i kesaj kishe, Dom Pjeter Popaj, gjate fjales se tij e quajti “aktivitetin e te gjithe komunitetit shqiptare”, duke e krahasur ate me disa aktivitete me te spikatuara gjate vitit qe mban kjo kishe, sikurse me Festivalin e Kenges e Valles Popullore Shqiptare ne Amerike, Karnavalet, Dita e Trashgemnise Shqiptare ne Nju Jork, Dita e Flamurit tone kombetar,dhe te tjera aktivitete.
Ai tha se çdo veprimtari kombetare ne komunitet, nuk i bejme per te “marre ne flamurin” por, per t’i sherbyer komunitetit shqiptare, mbasi pjesmarres ne keto aktivitetet jane shqiptaret e te gjitha besimeve fetare, musliman, katolik, ortodoks dhe bektashinje. Keto aktivitete sipas tij kane si qellim bashkimin me njeri tjetrin, njohjen dhe bashkepunimin , pavaresishte se kujt feje i perkasim, krahine apo vendi nga vijme.
“Ose siç thote edhe shkrimi i shenjet, tha i perdershmi Dom Pjeter Popaj : “Ata qe luten bashke – edhe qendrojne bashke”. por edhe ata qe celebrojne bashke qendrojne ashtu se bashku”.
Une, u shpreh me tej i perndershmi Dom Pjeter Popaj jame krenar qe jam prift katolik shqiptar, famullitar i kesaj kishe, dhe qe jam mes besimtareve shqiptare dhe u sherbej shqiptareve katolik. Nje kombi sipas tij qe eshte ma i miri ne bote, dhe kjo tha ai nuk eshte thjesht nje kompliment i rastit, por eshte se ne shqiptaret me te vertet e meritojme.
Si perfundimi kjo darke ashtu si dhe vitetet e kaluara ishte mesazhi qe :”Padyshim keta vullnetare do t’a perkrahin Kishen ne punen e aktivitetin e saj edhe ne te ardhmen – sikurse, edhe Kisha Katolike Shqiptare “Zoja e Shkodres”, ne Harstdale – New York. do te kujdeset qe t’i perkrah ata ne jeten dhe zhvillimin e tyre, si te gjithe besmitaret e kesaj kishe.”
Darka vijoje me nje program te pasur argetimi te udhehequr nga DJ Mathew Kovovic., shoqeruar me kenge e valle nga Grupi i djemeve dhe vajzave te Grupi “Rozafa” nga Qendra Kulturore Nena Tereze e Kishes Katolike Shqiptare “Zoja e Shkodres”, ne Harstdale – New York. ( Per fotografi shkoni ne adresen https://www.facebook.com/albanianchurch?fref=ts)

KOMUNITETI SHQIPTAR NE NEW YORK PËRCOLLI ME LOT NDËR SY 33 VJEÇARIN, JUSTIN RAJA

October 20, 2014 by dgreca

NEW YORK : Justin A. Raja ndërroi jetë më 10 tetor 2014, në moshën 33 vjeç – ndërsa i rrethuar nga familja dhe miqtë e tij në një ngjarje familjare në Greqi javën e kaluar.
NGA BEQIR SINA/
Justin Raja është i biri, i Anton Rajës, nga Tropoja, familja e të cilit 50 vjet më parë kishte emigruar nga Nikaj Mërturi – Tropojë, për t’ju ikur së pari nga kuçedra komuniste në Shqipëri, regjimi i Enver Hoxhës, dhe më pas diskriminimit dhe sundimit serbo slllav në trojet etnike, dhe natyrisht për një jetë më të mirë në SHBA.
I riu shqiptar nga SHBA, pati fatin e keq që e dërgoi të shkoi për një gazmend familjar dhe të ndërron jetë në Greqi – tek sa ai po prekte – ujin e bekuar të Perendisë dhe flutoronte më pas si një engjell në jetën e amnueshme.
Dhe, kështu fati i tij i keq e deshte; djali i mikut të shqiptarëve të Amerikës – Anton Rajës, Justin Raja, 33 vjeç, i biri i Anton dhe Gloria Raja, vetëm pak ditë para martesës së motrës – të flutoronte, edhe ai tashmë me engjujt në botën e engjujve në botën e shpirtërave.
Duke u kthyer këto ditë në një lajm tragjik, në gazetat e komunitetit dhe që është përhapur menjëherë nga miqtë e tij në rrjetin social Facebook, duke kaluar nga përtej oqeanit e arritur deri në zemrat e pikëlluara të shumë shqiptarëve të Amerikës.
Kudo dhe menjëherë, është postuar lajmi se Justin Raja, i biri i Anton dhe Gloria Raja, ka ndërruar jetë në Greqi.
Ndërkohë, që familja Raja, thuhej në ndërtëtjera se kishte udhëtuar për një gazmend familjar në Greqi – por që u kthye në një kob – që plagosi shumë zemra. Të enjten e kaluar familja Raja miq dhe dashamirë të saj kishte mbërritur nga SHBA në shtetin grek për gëzimin e madh familjar. Këtë të dielë, ishte e planifikuar një ceremoni martese, për vajzën e familjes Raja, e cila është e fejuar me një amerikan me origjinë greke.
Natyrisht, pa e ditur se do të shkonte dhe ikte nga kjo jetë së bashku me familjen e tij miq dhe dashamirë kishte udhëtuar edhe engjelli Justini, i cili ka ndërruar jetë në mënyrë të papritur, duke pikëlluar prindërit Anton e Gloria, bashkëshorten Laura, vëllanë, Mathew, motrën Dana dhe të gjithë familjen Raja, fisin dhe miqtë e shumtë në SHBA, Shqipëri e Kosovë.
Justini ka lindur në Brooklyn, New York më 3 dhjetor, 1980 me prindër Anton dhe Gloria (Perez) Raja. Ai e kaloi fëmijërinë e tij në Brooklyn dhe Montebello, New York, para se ai dhe familja e tij të lëvizin për në New Hope, Pennsylvania .
Justin mori pjesë në Universitetin Neumann, ku ai mori një diplomë bachelor në Administrim Biznesi. Posti i tij aktual ishte Asistent Vice President i Auditimit të Brendshëm në Nordea Bank. Ai u martua me dashuri duke vënë kunorën e jetës së tij, me zonjushen Lauren, më 24 Shtator 2011, në Kishën Katolike Shqiptare “Zoja Shkodrës” në Hartsdale New York.
Justini – ishte një njeri i veçantë me një buzëqeshje edhe dashuri për të gjithë, në atë që ndriçuan jetën e tij. Ai kishte një zemër të madhe në këtë univers. Vetëmohimi i tij, natyra e vërtetë, buzëqeshje e bukur, dhe dashuria e përgjithshme e jetës e bëri atë një njeri për të qenë i dashur, për të gjithë ata që patën rastin për ta njohur, i respektuar, dhe i kërkuar në jetën e tyre.
Disa nga hobit më të preferuar të Justinit përfshinin: artin e gatimit, udhëtimet nëpër botë, dhe njohjen me historinë botërore. Ai gjithashtu ishte një person sportiv, pra tifoz: i Buffalo Bills , New York Rangers dhe i kampionëve të Kupës së Botës 2014 – Ekipit kombëtar i futbollit që pëlqente më shumë, Gjermanisë.
Të gjithë ata që e njihnin atë me ikejen e tij në jetën e amnueshme do të humbasën një Justin plotë kujtime . Ai la pas gruan e tij të dashur, Lauren prindërit e tij, Anton dhe Gloria, gjyshja e tij, Barle; motra e tij, Dana (Niko);vëllai i tij, Mateu ,axhallarët dhe plotë të afërm të tjerë, si dhe shumë anëtarë të dashur të familjes dhe friends shqiptar dhe amerikan.
Qindra shqiptarë dhe amerikan i shprehen familjes Raja ngushëllime..dhe i dhanë lamtumirën e fundit Justinit
Kumti i kobshëm u ndie i fortë, teksa nga Kumbona e Kishës Katolike Shqiptare Zoja e Shkodrës në Hartsdale New York, në praninë e qindra bashkëatdhetarëve, të të trija besimeve, tingëllonte me kumbimin thërse dhe prekës, duke “lajmëruar” se në oborrin e kishës, kishte mbërritur arkivoli me trupin e të ndjerit Justin Raja.
Familja Raja , kushurinjët e tij – mbarë miq dhe shokët, komuniteti shqiptar në SHBA disa ardhur edhe nga vendorigjina në New York, ku jetonte i ndjeri me familjen e tij, i dha me nderim dhe respekt lamtumirën e fundit Justin Raja, i cili ndërroi jetë,javën e kaluar.
Vdekja e të ndjerit Justin Raja – ka hidhëruar dhe ka lënë në pikëllim familjen, Raja, miqtë dhe të gjithë të njohurit. Mbasi si Dom Pjetër Popaj :”Vdekje të tilla janë shumë të dhimbshme saqë nuk mundet të gjeshë fjalë – Justin i cili vuri kunorën e martesës në këtë kishë – ishte një djalë – biri i Anton dhe Glorias, djali i tyre i mrekullueshëm, mjaft i dashur me familjen dhe shokët e tij, dhe i respektuar dhe i nderuar, nga të gjithë ne” kështu që të gjithë ndjehemi të pikëlluar nga kjo humbje dhe lutemi qëshpirti i tij të prehet në paqe”, tha Dom Pjetri .
Familjarët, mbarë fisi Raja në Amerikë, shok dhe miq, lider të komunitetit, si dhe zyrtarë të lartë lokal të New Yorkut, i dhanë në fillim një respekt në shtëpin mortore Funeral Michael J. Higgins, duke afruar ngushëllime, famlijes Gjonaj gjatë shërbimeve funerale, të premten .
Mesha në nder të të ndjerit, Justin Raja u mbajt ditën e shtunë, më 18 Tetor, në Kishën Katolike Shqiptare Zoja e Shkodrës – Hartsdale, New York, e udhëhequr nga kryefamullitari Dom Pjetër Popaj dhe Dom Viktori, dhe nga Ipveshkia e Kosovës ardhur enkas me këtë rast, Dom Rrok Lleshaj dhe Dom Jeton Thaqi, duke kryer të gjitha ritet katolike, dhe lexuar pjesë të librit të shejtë Biblës.
Ndërsa një masiv njerëzish kan marrë pjesë të shtunën në ceremoninë e varrimit, e cila u mbajtë simbas ritit të cilit ai besonte – të krishterë, ditën e shtunë,, në Kishën Katolike Shqiptare Zoja e Kishës Shkodrës në Westchester, New York. Ndërsa, lamtumira e fundit – varrimi ikja në jetën e amnuehme- do të mbahej të shtunën në mesdrekë, në varrezat qytetare “Varrezat Porta e Qiellit” – në Hawthorne, New York.
Nga foltorja e altarit të Kishës, folën Mëhill Velaj dhe Simon Qafa, anëtarët e familjes dhe disa udhëheqës të lartë lokal të zonës, ku banon familja Raja.
Ndërsa i shprehën ngushëllimet më të thella , nga miq dhe shok të tij u lexuan edhe disa telegrame ngushëllmi, mes tyre edhe ai i Ipveshkit të Kosovës, Dodë Gjergji dhe Kryetarit të partisë AAK-ës zotit Ramush Hardinaj kanididatit potencial për Kryeministër të Kosovës.
” Këto ditë, me hidhërim të madh, shkruan nga Kosova në telegramin e tij Dodë Gjergji, mësuam për vdekjen e papritur të birit tuaj të dashur Justinit. Kjo humbje, thotë ai ka shkatuar shumë dhembje, pikëllim, tronditje shpirtërore, huti dhe befasi në zemrën e secilit prej jush por edhe të miqve tuaj.
Megjithatë, theksohet në telegram ne të krishterët edhe pse në shumë raste nuk e kuptojmë Zotin – e pranojmë dhe i nënshtrohemi vullnetin të Tij, sepse besojmë se Ai na donë pa masë.Ai është dhe mbetet Ati ynë i mirë i cili na ngushëllon.
Më tej ai shkruan se I dashur Anton, jemi me ty në shenjë të solidaritetit të krishterë, dhe vëllazëror – bashkë me ju ndajmë pikëllimin në uratë dhe fe. Vetëm Krishti është ai që ndriçon dhe zbulon errësirën e vdekjes – dhe përmbushë zbartësinë e varrit.Këndej, mos lejoni që zemërat tuaja të humbasin shpresën, por ngushëlloni njëritjetrin me Krishtin e ngjalluar i cili thotë: “Kush beson në mua edhe në se vdes do të jetojë(Gjn 11,25).
Ai përmend në këtë telegram kontributin që ka dhënë Anton Raja në ndërtimin e Katedrales të Lumes Nëna Tëreses,në Prishtinë, duke thënë se Antoni me bashkëatdhetarët në SHBA, kan bërë aq shumë me kontributet e tyre financiare.
“Ne, përfundon telegrami i Dodë Gjergjit, Ipeshkvi i Kosovës, do të i lutemi Zotit për Justinin, birin tuaj që ta gëzojë jetën e amnushme, që nuk ka mbarim. Me ndërmjetësin e të Lumes Nëna Tereses do ti lutemi Zotit edhe për ju, që me fe ta përballoni këtë sprovë, të bartni këtë Kryq. Ta gjëjmë forcën për ti bërë fjalët tona e Jezu Krishtit, që thotë :”O Atë u bëftë vullnesa jote” (Mt 26-42) – Jepja o Zot pushimin e pasosun e e’ndritë dritën e pa marueme !
Sakaq, me telegram i është drejtuar Familjes Raja dhe zotnisë Anton Raja, në Nju Jork Shtetet e Bashkuara të Amerikës, edhe nga Ramush Haradinaj Kryetar i Aleancës për Ardhmërinë e Kosovës, i cili thotë se me dhimbje dhe keqardhje të thellë, e kanë marrë lajmin për ndarjen tragjike nga jeta – papritmas dhe në moshë të re të Justinit, “Në këto momente theksohet në telegram, nga zoti Haradinaj të dhimbjes dhe pikëllimit bënë që të ndajë këtë hidhërim me ju dhe familjen tuaj Raja, të afërmit dhe gjithë miqt e shokët tuaj në SHBA”.
“Në emërin tim personal të familjes time dhe kolegëve dhe bashkëpuntorëve Aleancës për Ardhmërinë e Kosovës, ju lus ti pranoni ngushëllimet ma të thella, duke qenë sinqerishtë me ju në këtë momente” përfundon telegrami i zotit Ramush Haradinaj Kryetar i Aleancës për Ardhmërine e Kosovës, kandidati potencial për postin e Kryeministrit të Kosovës, pas zgjedhjeve të fundit.
Një nga politikanët kosovar Tom Hajdaraj miku i famijes Raja, u lutë për forcë për të përballuar dhimbjen “të cilën, tha ai sado pak, megjithse, ajo është shumë e madhe, mundet ta “shuaj pak edhe kjo pjesëmarrje kaq e madhe e bashkëatdhetarëve miqve dhe shokëve të familjes Raja” Zoti e bekoftë atë dhe ku të gjithëve!” tha zoti Tomë Hjadaraj.
Mes një ngashërimi të papërshkrueshëm dhe një mbajtje si i themi në shqiptarët, me forcën që i kishte dhënë Zoti Anton Raja në emër të Laures nënës Gloria, gjyshes së tij, Barle; motra e tij, Dana (Niko); vëllai i tij, Mateu,axhallarët dhe plotë të afërm të tjerë, si dhe shumë anëtarë të dashur të familjes dhe friends shqiptar dhe amerikan gjeti forcë dhe të faleminderojë duke thënë :’Nuk më ngelet gjë tjetër veçse të falemnderojë në emërin tim bashkëshortes time dhe djalit e vajzës mbarë familjes Raja të gjithë ju që na gjendet pranë në këto momente kaq të hidhura për ne : Djalin tim Justin Zoti ma dha Zoti e mori dhe Zoti u bekoftë të gjithëve ju për të ua kthyer në të mira. ”