Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

A ka protokoll në deklarimet e tij diplomatike, Kryeministri i Shqipërisë?

by

Vetëm Enver Hoxha, i ka parë si rrezik dhe kërcënim Presidentët e SHBA/

Opinion nga -New York/

NEW YORK : A ka protokoll në deklarimet e tij diplomatike, Kryeministri i Shqipërisë, lidhur me marrëdhëniet me botën, sidomos me marrëdhëniet mes Shqipërisë dhe SHBA-së, të cilat e kanë pikënisjen më 28 korrik të vitit 1922, kur ende shteti shqiptar sapo kishte rikonfirmuar pavarësinë.
Përsëri, Edi Rama – Kryeministër i Shqipërisë, me këto deklaratat e tij “paçavure”, do t’i quaja, ngase edhe vetë ai më pas nuk u beson më, “ngaqë nuk e di përse i bën” dhe “fjala mori dhenë”. Mbasi, që të bësh një deklaratë dhe vlerësim mbi politikanët dhe figurat politike në Shqipëri, qoftë edhe si ato që Edi Rama, bën në çdo seancë në Kuvendin e Shqipërisë, edhe “zënë” vend, atje, sepse në fund të fundit ashtu janë mësuar tashmë shqiptarët, të dëgjojnë, për 50 vjet, se thërriste Enver Hoxha, për presidentët amerikanë, kohë kur në Shqipëri, shqiptarët, nuk kishin as bukë, për të ngrënë.
Por, të bësh një vlerësim të këtillë për (kandidat) Presidentin e SHBA, sot, mbas 25 vjet demokraci dhe marrëdhënie të shkëlqyera me Amerikën, dhe me këta presidentë, qofshin ata republikan apo demokratë, është idiotizëm i kulluar. A thua se ky Kryeministri i Shqipërisë, i vendit që është përafërsisht sa një lagje e New Yorkut, Brooklyni, nuk ka probleme të tjera të merret. Por, ai ta gjejë vendin dhe kohën nga Tirana dhe Prishtina, dhe të merret me atë se: “Kandidati republikan për president të SHBA-ve, Donald Trump, nëse zgjidhet është kërcënim jo vetëm për Amerikën, por, simbas mendjes së tij, edhe për marrëdhëniet e Shqipërisë me Amerikën”. Çka, më e mira do të ishte dhe ideale për një Kryeministër të Shqipërisë, apo edhe politikan të thjeshtë, apo edhe deputet të majtë e të djathtë, analist e gazetar, që Shqipëria ka plotë, “do të ishte heshtja “kapak alltani”. Dhe, që të mos të merren më, me këto vlerësime, groteske, qesharake, aspak serioze dhe të dëmshme për ne shqiptarët, si në Shqipëri, Kosovë, viset shqiptare dhe diasporë.
Për vetë faktin, mbasi mendoi se asnjeri prej tyre, nuk është në gjendje dhe nuk ka as tagrin, dhe jo më fuqinë, jo e jo, të gjykojë dhe të ndikojë mbi politikën e SHBA. E cila, dihet se ështē një superfuqi e botës, dhe udhëhiqet nga njerëz të fuqishëm. Por, që të paktën për ne shqiptarët, kanë dëshmuar se SHBA, janë një partner strategjik me Shqipërinë, që, në asnjë mënyrë nuk ka rëndësi për ne shqiptarët, Shqipërinë e Kosovën, se kush është President, apo do të bëhet President, si në këto presidenciale: Clinton, Sanders, Trump, apo Cruz……e Kasich! Kryeministri i Shqipërisë, duhet të mësojë nga gabimet, që ai bënë gati çdo seancë në Kuvendin e Shqipërisë, ose me ato deklaratat me gazetarët, dhe ti “masë mirë” opinionet” e tij, sidomos, kur ato ai i “hedh” andej e këndej në “tym” me një “arrogancë” tipike të tijën, kur bëhet fjalë se kë do votojnë populli amerikan për në Shtëpinë e Bardhë. Sepse, kështu, ai nuk i “mat” deklarimet mbi “vlerësimet për Europën, dhe mbi figurat botërore, atyre, që udhëheqin botën sot, dhe akoma më shumë, kur Edi Rama – Kryeministër, flet si i themi ne shqiptarët edhe pa “doganë” ose popullorçe “ si e ëma e Zeqos në majë të Thanës” edhe për SHBA. Pra, me këtë rast, siç po flet ai për së dytën herë pa qenë nevoja “për Presidentin e SHBA, nëse zgjidhet Donald Trump”. Çfarë po i prish punë Ramës, se kë zgjedhin amerikanët më 4 nëntor, dhe pyetja është ku e shikon ai “rrezikun” amerikan. Ngaqë, kështu Kryeministri i Shqipërisë, me këtë rast jo vetëm, që nuk fiton asgjë, por vetëm e dëmton veten, dhe, ndoshta edhe vendin tonë, ndoshta na dëmton edhe ne shqiptarëve – Sepse, mirë nuk u zgjodh ai, por ja u zgjodh Donald Trump, dhe Rama hyn në polemikë me të qysh tani (edhe kur javën tjetër ai vjen në Shtëpinë e Bardhë), si do t’i përgjigjet nesër atij nëse Donald Trump bëhet President!.
Ndërkohë, që vetë shqiptarët e Amerikës, megjithëse, nuk kanë as edhe 0 përqind të votave, por të cilët votojnë, janë të ndarë simbas bindjeve dhe interesave të tyre. Kë shohin më të mirin, ku disa janë Republikan dhe disa janë Demokratë, dhe votojnë gjithmonë tradicionalisht sa në njërin krah aq edhe në tjetrin. Mirëpo, nëse qëndrojnë vlerësimet e tij, ky Kryeministri ynë, tani, përse nuk po na e shpjegon as herën e parë, as në Tiranë me Muçin as në Prishtinë me Batonin, se përse? “Donald Trump është kërcënim jo vetëm për Amerikën, por edhe për marrëdhëniet e Shqipërisë me Amerikën”?.
Kryeministri i Shqipërisë, Edi Rama, të mos tregohet aq profan sa nuk e zë vendi edhe para syve të botës teksa “Republikanët, thotë, ai po detyrohen të votojn për Hillarin”. Por, Rama, duket se flet kështu në efektin e paditurisë,  edhe ato që nuk di mundohet dhe hiqet me poza, duke u dredhur e spërdredhur, si e ka zakon ai , sikur i kupton, dhe i di vetëm ai të gjitha: “Deri duke shfaqur edhe frikë nga Trump, se ai ndoshta simbas Ramës, do të jetë ai që do t’ua mbylli rrugët komunistave, përfshirë edhe këta të Tiranës, për të hyrë në Amerikë”, dhe, humbur rastin edhe për të bërë ndonjë fotografi. Kështuqë, si ka mundësi, që një Kryeministër shqiptar, të bëjë një deklaratë të tillë, apo vlerësim: “antiPresident” të SHBA, për kandidatin për President të Amerikës, që aktualisht me “hir apo pa hir”, i thonë shqiptarët, e do apo nuk e do Edi Rama, dhe komunistët e Shqipërisë, deri tani që flet Edi Rama, është i pandalshëm dhe më i votuari ndër kandidatët republikanë, për të marrë edhe 1.237 delegatët, që i duhen për të qenë Presidenti i ardhshëm, ndoshta, edhe e SHBA, në zgjedhjet e përgjithshme më 4 Nëntor.
Dhe, së fundi: “A ka protokoll në deklarimet e tij diplomatike, Kryeministri i Shqipërisë, lidhur me marrëdhëniet me botën, sidomos me marrëdhëniet mes Shqipërisë dhe SHBA-së, të cilat e kanë pikënisjen më 28 korrik të vitit 1922, kur ende shteti shqiptar sapo kishte rikonfirmuar pavarësinë. Dhe, asnjëherë në historinë e tyre, 95 vjeçare, nuk kanë pësuar ndonjë “tronditje, çarje, kërcënim apo edhe prishje si ajo që ndodhi më 1946”. Pra, përveç periudhës së prishjes së marrëdhënieve, pikërisht kur erdhën komunistët me Enver Hoxhën, në pushtet, që i quajtën marrëdhëniet mes Shqipërisë dhe SHBA-së, “Kërcënim dhe Rrezik- si thoshte dhe “babai” Edi Ramës, udhëheqësi i tij largpamës, me librin “Rreziku anglo – amerikan për Shqipërinë”. Pra, i vetmi njeri dhe qeveri që i ka parë “Marrëdhëniet mes Shqipërisë dhe SHBA, një rrezik dhe kërcënim” gjatë gjithë historisë së tyre 95 vjeçare, me të gjithë Presidentët e SHBA, e asaj kohe, ka qenë vetëm Enver Hoxha. Kurse, tani, kur këto marrëdhënie dhe lidhje janë në pikun e tyre, janë strategjike dhe të shkëlqyera, është Kryeministri Edi Rama, i cili një herë nga Tirana dhe njëherë nga Prishtina, thotë se “Nëse zgjidhet President Donald Trump, është kërcënim jo vetëm për Amerikën, por edhe për marrëdhëniet e Shqipërisë me Amerikën”.
Një President i SHBA, për Shqipërinë e Kosovën, dhe ne shqiptarët, janë sot thjesht, nga Shtëpia e Bardhë, ata që ndjekin lidhjet dhe marrëdhëniet mes Shqipërisë e SHBA. Të rrugës së atyre, që e vunë gurin e parë kilometrik në një rrugë të gjatë të marrëdhënieve, dhe njëkohësisht atyre Presidentëve që erdhën në  Shtëpinë e Bardhë dhe u treguan njeri tjetrit se çfarë ishte Shqipëria, çfarë ishin shqiptarët dhe si mund ta ndihmonte Amerika Shqipërinë. Ata, që kontribuan si Republikanë dhe si Demokratë, që këto marrëdhënie do të bëheshin strategjike. Ndihma në demokratizimin e vendit tonë, por edhe zgjidhja e çështjes së Kosovës i dedikohen më së shumti politikës amerikane, dhe jo këtij apo atij presidenti republikan apo demokratë, dhe, natyrisht marrëdhënieve të mira me Shqipërinë, ashtu siç ishte edhe rasti me çlirimin dhe pavarësinë e Kosovës.

 

 

Shqipëria nën dëborë, Kryeministri në plazh në Miami

by

*Rama me pushime të “majme” në Miami të Floridës/
*Miami dhe Fort Laudedale është një nga 4 destinacionet më të rëndësishme turistike në SHBA
Nga Beqir SINA – New York/
MIAMI FLORIDA:Kryeministri Edi Rama – ka nisur pushimet në këtë fillim viti dhe ka mbrritur në Shtetet Bashkuara të Amerikës.
Rama mësohet se do të pushojë disa ditë në Miami dhe Fort Lauderdale së bashku me familjen e tij.
Kryeministri Edi Rama – këto ditë të para të vitit të ri 2016 – simbas rrjetve sociale do të kaloi pushimet në dy vendet më të shtrejnta dhe luksoze në botë, të njohura për bizneset e turizmit botëror, dhe për pushimet, e njerëzve më të pasur dhe më të famshëm, në Miami dhe Fort Lauderdale të Floridës në Shtetet e Bashkuara të Amerikës.
Edi Rama – thonë burime nga Florida në rrjetin social facebook, do të pushojë për një javë dhe do të ketë akomodimin në dy resorte të njohura në Fort Lauderdale dhe Miami, së bashku me familjen e tij bashkëshorten.
Në Miami dhe Fort Lauderdale të Floridës në Shtetet e Bashkuara të Amerikës, gjithmon është folur se kan vilat edhe pasurin e tyre, prej nga koha e komunizmit – disa anëtarë të familjes së Enver Hoxhës – mbesa dhe nipi i tij.
Gjithashtu – flitet se edhe disa anëtarë të qeverisë Rama – ministra dhe deputet të PS, kan në Florida, njerëzit e tyre me biznese dhe vila si dhe kan blerë disa prona në zona të shtrejnta.
“Nuk dihet nese ata do të jenë pritësit e tyre, por dihet që ai do të pritet nga disa biznesmen shqiptarë nga Nju Jorku – të cilët kan lidhje të mira me Edi Ramën, dhe kan udhëtuar këto ditë për në Miami dhe Fort Lauderdale të Floridës në Shtetet e Bashkuara të Amerikës, për tu takuar me Kryeministrin Rama, i cili do të jetë i shoqëruar nga bashkëshortja Linda, edhe në shoqërinë e disa njerëzve të tjerë” – shkruajnë shqiptarët në rrjetin social facebook nga Florida.
Në rrjetin social facebook i menjëhershëm ka qenë edhe reagimi i deputetit Kastriot islami, që e ka lëshuar kritika të rënda ndaj Kryeminitrit Rama, lidhur me vizitën e tij në Florida, këtë fillim viti
Zoti Islami thotë se: “Ndërkohë që veriu po bllokohet, dritat po nderpriten shpesh, gjendja ekonomike po përkeqsohet, vrasjet dhe aksidentet janë më të lartat në Europë, e tjerë, Rama vë në levizje propagandën bajate duke rreshtuar “fotot e vegjelisë” dhe lajmin e “pushimeve me familjen” ne SHBA dhe disa ditë në një nga plazhet e shtrenjtë të botës.
Dhe, shtonë Islami, se :”Nuk ka asnjë dyshim se me stilin e hileqarit dhe tinezisht është pikerisht ai që ideon këtë lloj propagande bajate dhe provokative, duke mos kuptuar se po i irriton në ekstrem qytetarët e varfër, të papunë, të pashpresë…”.
Miami dhe Fort Lauderdale, është një nga 4 destinacionet më të rëndësishme turistike në SHBA.
Aktualisht klima është e ngrohtë, dhe tani është koha më e mirë e plazhit ndryshe nga Shqipëria, që gjatë ditës së sotme gjysma e vendit është mbuluar nga dëbora dhe pjesa tjetër është nën pushtetin e shiut, shkruan shtypi shqiptarë.

Skandal me fotografine e Rames ne Turqi

by

Kryeministri i Shqiperise, ne Ankara – ndoshta i “ka zene deren” Presidentit te Turqise, per te bere nje fotografi, qe do t’a “shesi” tek shqiptaret si nje miqesi e madhe e tij, me Presidentin e Turqise Taip Erdoan./
Nga Beqir SINA – New York/
ANKARA TURQI: Perse ndodh keshtu me kryeminsitrin shqiptar per te disaten here prej kur ai ka ardhur ne krye te qeverise se Shqiperise, askush nuk mundet ta kuptoje. Edi Rama i dalluar ne rrjetet sociale per fotografi me skandale duket se nuk i ka shpetuar dot “kenaqesise personale”, edhe me kete fotografi, qe ai e ka publikuar vete.
Fotografia, e cila tani po qarkullon ne rrjetet sociale e pergatitur ne photoshop tregon fare qarte se ndryshe pritet ne Tirane presidenti i Turqise,Taip Erdoan, dhe krejt ndryshe ne Ankara eshte pritur Kryeministri i Shqiperise Edi Rama.
Ankarja – perndryshe nga Tirana si shihet edhe ne fotografi nuk e ka respektuar aspak protokollin zyrtar te takimit mes Kryeministrti te Shqiperise dhe Presidentit te Turqise Taip Erdoan.
Kurse, eshte per tu habitur “lapsusi” i Kryeministrit Rama qe “nxitohet” te percjelle fotografi te tilla – teksa ka postuar sot ne profilin e tij facebook, fotografine e bere dje me Presidentin e Turqise, ne nje mjedis ne Presidencen e Turqise.
Simpas te gjithe rregullave dhe protokolleve diplomatike, ne respekt per Kryeministrin e Shqiperise, Erdoan duhet te kishte vendosur edhe flamurin e vendit mik Shqiperise, pra ne njeri krah ai i mysafirit Shqiperise dhe ne anen tjeter ai i mikepritesit Turqise, te cilin ne shqiptaret e kemi vend mik.
Por, simbas komenteve ne rrjetet sociale te shqiptareve ” jo nje mik, qe te na injoroje”.
Spese, nese do te kishte ndodhur nje gje e till me Presidentin e SHBA, patjeter qe do te kishim nje reagim krejt ndryshe, nga ky i kryeministrit Rama .
“E jo nje vetmburrje si kjo kur kryeministrit te Shqiperise, i jan “mbyllyr” syt, perball kesaj fotografie, qe nuk tregon asapak respekt per flamurin kuq e zi ”
Madje, deri sa doli kjo foto – ne profiline kryeministrit Rama, kjo nuk eshte publikuar as nga faqja e internetit te zyres se Presidentit te Turqise ne takim me Kryeministrin Edi Rama.
Kjo tregon se Kryeministri i Shqiperise, ndoshta i “ka zene deren” Presidentit te Turqise, ne Ankara, per te bere nje fotografi, qe do t’a “shesi”, ai tek shqiptaret si nje miqesi i madhe e tij, me Presidentin e Turqise Taip Erdoan.
Presidenti i Turqisë, Recep Tayyip Erdogan është takuar dje me kryeministrin e Shqipërisë, Edi Rama, në rezidencën e tij – Tarabya në Stamboll.
Kryeministri i Shqipërisë, Rama, ndodhet në Stamboll në kuadër të Samitit për Energjinë dhe Ekonominë që zhvillohet në Turqi, ku ai ka pasur një takim me Presidentin e Turqise Taip Erdoan.

Kryeministri Rama bën bilancin e vizitës në SHBA

by

“Besoj që këtë herë me plot të drejtë mund të ndjehemi mirë për faktin që ishte sa një mundësi për të shprehur mendimet tona aq edhe një mundësi për të konstatuar evoluimin që roli i Shqipërisë dhe politika jonë e jashtme kanë sjellë në imazhin e vendit tonë. Jemi respektuar posaçërisht. Unë këtu bëj një krahasim me dy vjet më parë kur unë isha në OKB këtu në Nju York, sapo ishte formuar qeveria. Jemi vënë në kushtet ku na është dhënë mundësia të flasim dhe të japim kontributin tonë dhe jemi vlerësuar realisht për çka Shqipëria ka bërë në këtë periudhë kohe dhe për çka ne kemi kontribuuar në këtë sesion kaq të posaçëm për faktin se në sesionin e radhës u ra dakord edhe për axhendën e zhvillimi të 15 viteve të ardhshme”, është shprehur kryeministri, Edi Rama,i cili ka bërë një bilanc takimeve që zhvilloi Nju York, në kuadër të asambalesë së OKB-së. Rama shpjegon gjatë kësaj interviste përse në fjalën e mbajtur në OKB këmbënguli për njohjen e Kosovës.
“Përsa i përket Kosovës besoj që jo thjesht sepse ky është një detyrim i patjetërsueshëm për këdo që përfaqëson Shqipërinë në çdo forum ndërkombëtar, por edhe sepse në fazën në të cilën ndodhet sot rajoni, njohja plotësisht e Kosovës dhe integrimi i saj në Kombet e Bashkuara do të ishte një shtysë e madhe për procesin e paqes dhe ndërveprimin rajonal dhe do të ishte një gjë shumë e mirë dhe për vetë Serbinë. Unë e pashë të udhës të këmbëngul në këtë tezë”, deklaron Rama.
Rama flet edhe për takimet me diasporën shqiptare dhe propozim për mbajtjen e një samiti.
“Ne jemi angazhuar prej më shumë se një viti në një projekt bashkëpunimi me Qendrën për Zhvillim Ndërkombëtar të Harvardit dhe pjesë e këtij projekti është edhe Diaspora. Gjatë këtij viti kemi punuar për të identifikuar një qasje të re ndaj diasporës duke konsideruar edhe opinionet, vlerësimet, gjykimet dhe paragjykimet e mundshme në Diasporë lidhur me Shqipërinë, gjë për të cilën kemi bërë dhe një anketë shumë profesionale me e diasporën shqiptare në Amerikë. Mbi këtë bazë kemi vendosur të organizojmë një samit të parë të Diasporës ku do të ftojmë njerëz nga e gjithë Diaspora shqiptare në Amerikë ose Europë, njerëz me kontribute të kahershme, njerëz me kontribute të reja, njerëz të sferave të ndryshme për të bërë një diskutim të madh kombëtar për të parë se çfarë mund të bëjmë sëbashku lidhur me marrëdhënien dhe ndërveprimin me diasporën”, përfundon kryeministri Rama.

Janullatosi nuk e njeh Kryeministrin e Republikës së Shqipërisë

by

Nga Prof.dr. Eshref Ymeri/
Siç është bërë e ditur nga mjetet e informimit masiv lidhur me prishjen e kishës së Shën Thanasit në Dhërmi, çka është tërësisht një çështje e brendshme e Republikës së Shqipërisë, ka ardhur menjëherë reagimi zyrtar i Athinës dhe i kreut të shovinizmit grekokaragjoz në Tiranë Anastas Janullatos, i cili u nis fill drejt Athinës për të takuar kryeministrin dhe presidentin grek dhe për t’iu ankuar për prishjen e kishës në fjalë. Nga faqet e internetit vjen ky informacion:
“Kisha e Dhërmiut është kthyer në çështje dite në Greqi pas vendimit të qeverisë shqiptare për shembjen e saj. Kryepeshkopi Anastas Janullatos është takuar mesditën e sotme me ish-kryeministrin grek Cipras dhe presidentin Prokopis Pavlopoulos. Tema e bisedës së tyre ka qenë pikërisht prishja e Kishës në Dhërmi” (Citohet sipas: “Kisha e Dhërmiut alarmon Greqinë, takim Janullatos-Cipras”. Marrë nga faqja e internetit e gazetës “Mapo”. 25 gusht 2015).
Nuk është hera e parë që Janullatosi sfidon hapur autoritetet shqiptare, duke shpërfillur Kryeministrin dhe Presidentin e Republikës së Shqipërisë. Nëntë vjet më parë dhe pikërisht më 26 qershor 2006, unë pata botuar në internet një artikull me titull: “Janullatosi, kreu i shovinizmit grekokaragjoz në Shqipëri”. Si shkas për atë artikull patën shërbyer zhvarrimet në Kosinë të Përmetit për të blerë eshtra shqiptarësh dhe për t’i deklaruar si eshtra ushtarësh agresorë grekë, me qëllim ngritjen e varrezave të tyre në jugun e Shqipërisë, siç edhe ndodhi faktikisht. Në atë artikull, ndër të tjera, unë shkruaja:
“…zhvarrimet në Përmet janë një vepër sa e pistë aq edhe e poshtër e filialit të kishës ortodokse greke në Tiranë dhe personalisht e kreut të shovinizmit grekokaragjoz në Shqipëri, Anastas Janullatosit. Prifti sahanlëpirës i Janullatosit, Vasil Thomollari, është veç çakalli që merret me zhvarrimet e Përmetit, kurse ujku i eshtrave të zhvarrosura është kreu i shovinizmit grekokaragjoz në vendin tonë Janullatos. Plani për nisjen e aksionit të zhvarrimeve në Përmet me siguri që është hartuar në kabinetin e kryeministrit Karamanlis dhe i është ngarkuar për zbatim kreut të shovinizmit grekokaragjoz në Tiranë, Janullatosit. Prandaj edhe kryeshovinisti grek Janullatos ia hipi helikopterit dhe zbriti në Përmet për të dhënë porosi të drejtpërdrejta në terren se si duhej të niste procesi i zhvarrimeve…
Në çështjen e zhvarrimeve në Përmet gazetat shqiptare merreshin me priftin injorant Vasil Thomollari dhe jo me kryeujkun e eshtrave të zhvarrosura, Anastas Janullatosin, i cili, sapo iu hoqën petët lakrorit të zhvarrosjeve, fluturoi drejt Athinës dhe frymën e mbajti në “Megaro Maksim” – selinë qeveritare të kryeministrit Kostas Karamanlis, pikërisht atje ku është hartuar edhe plani për zhvarrosjen e eshtrave në Përmet. Pikërisht për këtë kryeujk të eshtrave të zhvarrosura, shtypi dhe kanalet televizive shqiptare nuk guxuan të bënin as komentin më të vogël”.
Pra, asokohe Janullatosi, duke shpërfillur krejtësisht Kryeministrin Berisha dhe Presidentin Moisiu, të cilët nuk i njihte si dy autoritetet kryesore të shtetit shqiptar, shkoi menjëherë t’i qahej kryeministrit grek Karamanlis për zhurmën që u bë për zhvarrimet në Përmet.
Të njëjtën gjë po bën edhe tani Janullatosi për problemin e kishës së Shën Thanasit. Sikur Janullatosi të ishte me të vërtetë kryepeshkop i kishës ortodokse të Shqipërisë, për çdo shqetësim që atij mund t’i lindte brenda grigjës ortodokse shqiptare, normalisht, ai duhej t’i drejtohej Kryeministrit Rama dhe Presidentit Nishani. Por Janullatosi, siç e vërtetoi në vitin 2006 dhe siç po e vërteton edhe tani me fakte konkrete, nuk është kryepeshkop i kishës ortodokse të Shqipërisë. Përkundrazi, ai është kryepeshkop i filialit të kishës shoviniste ortodokse greke në Tiranë. Sepse, për turpin e klasës politike të Tiranës dhe për turpin e mbarë shqiptarëve të besimit ortodoks, Janullatosi në një filial të tillë e ka kthyer kishën ortodokse të Shqipërisë, të cilën dikur e pati themeluar Noli ynë i madh dhe, në bashkëpunim të ngushtë me Mbretin Ahmet Zogu, i pati siguruar asaj pavarësinë e plotë nga kisha kriminale greke dhe nga patrikana shoviniste e Stambollit.
Vajtja me të shpejtë e Janullatosit në Athinë dhe takimi i tij me Ciprasin dhe me Pavlopulosin, dëshmon pa asnjë mëdyshje se Athina shoviniste, të ashtuquajturën kishë të Shën Thanasit e quan kishë greke dhe Himarën, me të gjithë fshatrat e bregut, e konsideron zonë “minoriteti”.
Në rastin kur Kryeministri Rama ca kohë më parë përmendi mundësinë e ribashkimit të Kosovës me Shqipërinë, fletushka greke, me emrin “Kathimerini”, zëdhënësja e thekur e qeverisë greke, deklaroi pa pikë turpi:
“Pse mos të kërkojnë edhe grekët e jugut të Shqipërisë të bashkohen me Greqinë, e kështu me radhë. Ndoshta Rama nuk po e kupton që luan me zjarrin dhe se me të tilla krekosje nuk hyn kurrë në Bashkimin Evropian” (Citohet sipas: “Edhe nga Greqia “gozhdim” Ramës për bashkimin kombëtar”. Marrë nga faqja e internetit e gazetës “Mapo”. 28 prill 2015).
Sipas kësaj gazetë-paçavureje greke, edhe grekët e jugut të Shqipërisë na populluakan “territor grek” që mund t’u “bashkuakan me Greqinë”! Harron kjo paçavure greke se territoret shqiptare kufirin jugor e kanë në Artë e në Prevezë, të cilat, së bashku me Janinën, Kosturin, Filatin, Konicën, Paramithinë e të tjera emërvende shqiptare të trevës së Çamërisë, për ne janë simbole kombëtare. Athina shoviniste e ndien tërmetin që po vjen e afrohet dalëngadalë pas ribashkimit të Kosovës me Shqipërinë. Se Shqipëria një ditë të bukur do të bëhet me Zot në Krye të Kombit dhe Çamëria do t’i ribashkohet trungut amë.
Fletushka-paçavure greke “Kathimerini” paska edhe kuturinë ta kërcënojë kryeministrin Rama se po luaka, demek, me zjarrin për faktin që është shprehur për ribashkimin e Kosovës me Shqipërinë. Ç’është e vërteta, Kryeministri Rama nuk ka luajtur me zjarrin. Përkundrazi, ai ka shprehur një aspiratë mbarëshqiptare për ribashkimin e Kosovës me Shqipërinë. Në raport me Republikën e Shqipërisë, me zjarrin ka luajtur gjithmonë shteti grekokaragjoz, i cili asnjëherë nuk ka hequr dorë nga pretendimet territoriale ndaj vendit tonë, paçka se vazhdon të mbajë të pushtuar një pjesë të mirë të trojeve tona etnike që përfshihen në krahinën tonë etnike të Çamërisë. Me zjarrin ka luajtur gjithmonë Athina karagjoze: dhe ky është zjarri i gënjeshtave, i hileve, i hipokrizisë, i mashtrimit, i pabesisë, i pafytyrësisë në qëndrimin ndaj Bashkimit Evropian dhe sidomos ndaj kreditorëve të huaj, një zjarr ky që po zbulon faqe botës se cila është fytyra e vërtetë e kësaj prostitute të Evropës që u ka grabitur kreditorëve të shumtë 350 miliardë dollarë dhe tani rri e vërtitet si zorra në prush.
Kryeministri Rama, disa ditë pas ardhjes në pushtet më 23 qershor 2013, gjatë një interviste për gazetën “Le Courrier des Balkans”(Korrieri i Ballkanit), pati deklaruar se “synon të bëjë politikë për të lënë një emër në histori” (Citohet sipas gazetës “Panorama”. 30 qershor 2013).
Në një artikull me titull “Një ogur i mirë për demokracinë”, të botuar në internet më 07 korrik 2013, unë pata shprehur me gjithë zemër dëshirën që zoti Rama, si Kryeministër i të gjithë shqiptarëve, pa dallime partiake, të lërë emër në histori. Në aspektin e marrëdhënieve me fqinjin e jugut, Kryeministri Rama e ka vetë në dorë për të lënë emër në histori për tri çështje themelore, duke pasur edhe bashkëpunimin e ngushtë të opozitës.
Së pari, të largojë nga Shqipëria Janullatosin, i cili, në çdo hap të veprimtarisë së tij, e ka vërtetuar dhe vazhdon ta vërtetojë në praktikë, si në rastin zhvarrimeve në Kosinë, ashtu edhe në rastin e kishës së Shën Thanasit, se është emisar i shovinizmit grekokaragjoz në Tiranë dhe mbron vetëm interesat e tij, në dëm të interesave tona kombëtare.
Së dyti, ta detyrojë Athinën shoviniste të abrogojë me se s’bën ligjin e luftës, për të cilin poeti Luan Çipi, në faqen e internetit “Tribuna Shqiptare” (01 maj 2015) shkruan në vargje:
Mirë greku nuk po tundet,
Ruan ligjet e ish-mbretit,
“Rilindja”, si nuk po shkundet,
Pse si del për zot shtetit?
Së treti, të vërë në rrugën e zgjidhjes politike përfundimtare “Çështjen Çame”: rikthimin e popullsisë së Çamërisë në trojet e veta etnike, duke gëzuar të gjitha pronat e trashëguara brez pas brezi.
Pikërisht zgjidhja e këtyre tri Çështjeve Themelore për Republikën e Shqipërisë, do të bëjë të mundur që Kryeministri Rama të lërë me të vërtetë emër në histori, si një personalitet i shquar i kombit shqiptar. Por emri në histori nuk lihet, duke reaguar si “varfanjak hesapi” në twitter në adresë të Athinës: “nuk pranojmë tutelë”.

Tiranë, 26 gusht 2015