Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

HOMAZHE PER AGIM KARAGJOZIN

by

– Te Marten Vatra dhe Komuniteti do te bejne homazhe prane arkivolit te Presidentit te Nderit te Vatres, Ing. Agim Karagjozi/

* Vatranet, deget e Vatres, Organizatat e Komunitetit, miqte qe kane deshire qe te dergojne kurora me lule, Familja Karagjozi, do te deshironte qe te dergoheshin si ndihma per Fondin e Studenteve te Vatres-/

karagjozi1

Njoftojmë vatranët dhe Komunitetin se shërbimet funerale do të organizohen Ditën e Martë, 3 Prill 218, nga ora 4 e 30 PM deri në 9.00 PM, në Shtëpinë Mortore:

Thomas F. Dalton Funeral Homes, Inc
29 Atlantic Ave.
Floral Park, NY 11001
Tel- 516-354-0634
Ceremonia e Varrimit do të kryhet ditën e Mërkurë, 4 Prill 2018, në orën 9 e 30.
Varrimi ne Pinelawn Cemetery
2023 Wellwood Ave, Farmingdale, NY 11735
Familja Karagjozi ka shprehur deshiren qe kushdo qe mendon te dergoi kurora me lule mund t’i konvertoje ato ne ndihma per Fondin e Studenteve te Vatres. Cheku i paguhet:VATRA

Memo: Fondi i studenteve dhe dergohen ne adresen
VATRA
2437 Southern BLVD
BRONX, NY 10458

HOMAZHE TEK VARREZAT E DËSHMORËVE BYTYCI NË YONKERS, NY

by

1 Ok Yonkers1 Nena

Sot, e Hënë 5 Shkurt 2018, paradite, nga Ora 10.00-11.00 tek varrezat e tre vëllezërve Bytyçi, Dëshmorë të Atdheut, në Yonkers, New York, u kryen Homazhe dhe u vendosën kurora me lule nga Ministri i Diasporës në Qeverinë e Kosovës, njëkohësisht zv/ Kryeministër z. Dardan Gashi dhe nga Ministri i Diasporës së Shqipërisë Pandeli Majko.

E pranishme ishte dhe familja e Vëllezërve Bytyci. Nderonin me pjesmarrjen e tyre Konsullja e Përgjithshme e Kosovës zonja Teuta Sahatcija, diplomati nga Misioni Shqiptar Armand Shandro, diplomati Ylber Kryeziu, Komandanti i Atlantikut Gani Shehu etj.
Ministrat i shprehën mirënjohjen familjes Bytyçi për sakrificën sublime të tre djemëve të tyre të rënë për atdhe: Ylli, Agron dhe Mehmet Bytyçit.
Për gazetën Dielli ceremoninë e ndoqi Koordinatori për mediat në Federatën Panshqiptare të Amerikës z. Dritan Haxhia, i cili solli kronikën e filmuar dhe fotografitë. Haxhia, në respekt të familjes dhe Batalionit Atlantiku sponsorizoi takimin.(Për më shumë do të lexoni në Diellin e Printuar. Foto mund te gjeni me shume ne Facebook)

Idrizi, homazhe në memorialin“Adem Jashari”

by

Nënkryetari i Parlamentit Shqiptar, homazhe në  memorialin“Adem Jashari”/2 Prekaz Idrizi

Idrizi: Jam i mikpritur si një bir çamërie, sepse zemra na rreh njëlloj, si mbarë shqiptarëve në të gjithë trevat shqiptare/1 Idrizi Komlesin e Jashreve

Kryetari i PDIU-së Shpëtim Idrizi, njëherësh nënkryetar i Kuvendit të Shqipërisë, ndodhet sot në Prekaz për të bërë homazhe në kompleksin memorial “Adem Jashari”, me rastin e 19-vjetorit të rënies së komandatit legjendar dhe familjes së tij.

Në krye të një delegacioni nga Shqipëria, i shoqëruar nga Abaz Hado, kryetar i shoqatës “Çamëria”, Shpëtim Idrizi është bashkuar me Nexhmi Muqiqin, kryetar i Shoqatës “Çamëria” në Kosovë dhe bashkë me kryetarët e degëve nga të gjitha trojet shqptare, për të bërë homazhe në memorialin e familjes Jashari. Më pas delegacioni shkoi për vizitë në kullën e Jasharëve.

“Kam ardhur dhe do të vi gjithmonë në respekt të veprës madhështore të heronjve të gjithë kombit shqiptar. Ndjehem mirë që gjithmonë jam i mikpritur si një bir çamërie, sepse zemra na rreh njëlloj, si mbarë shqiptarëve në të gjithë trevat shqiptare”, – tha z.Idrizi.

Pëfaqësuesi i Familjes Jashari falenderoi Kryetarin e PDIU-së duke shprehur kënaqësinë që sot kishte një pjesë të çamërisë. Ai shprehu mirënjohjen dhe theksoi se shqiptarët më shumë se kurrë duhet të jenë bashkë.

Përfaqësuesit të familjes Jashari iu dorëzua kostumi i trevave të çamërisë si edhe madalioni i mirënjohjes për familjen Jashari nga Shoqata “Çamëria”.

Qeveria e Kosoves,homazhe te shtatorja e Presidentit Historik, Dr. Ibrahim Rugova

by

1 Qeveria homazhe te Rugova

Prishtinë, 16 shkurt 2017/Kryeministri i Republikës së Kosovës, Isa Mustafa dhe kabineti qeveritar, me rastin e shënimit të nëntë vjetorit të shpalljes së Pavarësisë së Kosovës, bënë homazhe te shtatorja e Presidentit Historik të Kosovës, Dr. Ibrahim Rugova.Pas homazheve, kryeministri Mustafa vlerësoi lartë figurën e Presidentit Rugova, luftën heroike të UÇK-së dhe Komandantit Legjendar Adem Jashari dhe të gjithë atyre që u flijuan për pavarësinë e Kosovës.“Jemi së bashku me zëvendëskryeministrin Kuçi, me ministrat e Qeverisë së Republikës së Kosovës për t’i bërë nderime Presidentit Ibrahim Rugova. Ne si institucione të Republikës së Kosovës vlerësojmë lartë figurën e Presidentit Rugova dhe kontributin e tij në shtetndërtim, ashtu siç vlerësojmë shumë lartë luftën heroike të Ushtrisë Çlirimtare të Kosovës, të Komandantit Legjendar Adem Jashari dhe të gjithë atyre që u flijuan qoftë me mendje, qoftë me jetë për lirinë dhe pavarësinë e Kosovës dhe për ndërtimin e shtetit të Kosovës”, tha kryeministri Mustafa.

Kosovë-Thaçi: Lutem me dhimbje dhe shpreh keqardhje për të gjitha viktimat

by

-Presidenti i Republikës së Kosovës vendos kurorë lulesh në memorialin e 14 qytetarëve serbë të vrarë menjëherë pas luftës, 17 vite më parë, në fshatin Grackë të Lipjanit/

-Presidenti Thaçi ka thënë se duhet të zbardhet njëherë e përgjithmonë fati i të gjithë të zhdukurve, qofshin shqiptarë, serbë, romë apo çfarëdo komuniteti tjetër/

PRISHTINË, 20 Korrik 2016-Gazeta DIELLI/ Presidenti i Republikës së Kosovës, Hashim Thaçi, sot ka vendosur kurore lulesh në memorialin e 14 qytetarëve serbë të vrarë menjëherë pas luftës, 17 vite më parë, në fshatin Grackë të Lipjanit.

Këtë akt kriminal, presidenti Thaçi e ka quajtur veprim jo vetëm kundër viktimave që ishin duke punuar në arë, por edhe akt kundër lirisë së Kosovës dhe të ardhmes së saj demokratike.

“Sot lutem me dhimbje dhe shpreh edhe një herë keqardhje për të gjitha viktimat gjatë dhe pas luftës, të të gjitha komuniteteve. Çdo krim duhet të zbardhet dhe të ndëshkohet. Krimi është krim kundër kujtdo qoftë të jetë bërë apo nga kushdo qoftë që është kryer”, ka thënë presidenti Thaçi.Gjithashtu, presidenti Thaçi ka thënë se duhet të zbardhet njëherë e përgjithmonë fati i të gjithë të zhdukurve, qofshin shqiptarë, serbë, romë apo çfarëdo komuniteti tjetër.

“Të gjithë kemi përgjegjësi të punojmë në këtë drejtim. Kemi përgjegjësi para familjeve të tyre dhe të ardhmes së fëmijëve tonë. Ne duhet ta ndihmojmë njeri-tjetrin. Dhimbja e çdo nëne është e njëjtë për humbjen e familjarëve të vet”, është shprehur presidenti Thaçi.Ai ka thënë se sot, kur po punojmë për të ndërtuar paqe, për pajtim dhe bashkëpunim në mes të popujve të rajonit tonë është e rëndësishme të theksojmë se për pajtim të sinqertë është e nevojshme drejtësia.

“Si Kosovë, kemi arritur shumë në këto 17 vite që nga lufta. Kemi filluar të ndërtojmë ura të komunikimit dhe të bashkëpunimit. Në një ditë të afërt, kjo do të sjellë besim dhe pajtim mes komuniteteve dhe popujve”, ka thënë presidenti Thaçi.Ai ka theksuar se vetëm duke ngadhënjyer drejtësia do të ndodhë pajtimi, e pajtimi do të ndodhë në një të ardhme të afërt, sepse ka vullnet për këtë.

“Vetëm pajtimi dhe bashkëpunimi e bën Kosovën dhe rajonin vërtetë europian”, ka përfunduar presidenti Thaçi./b.j/