Kalifornia – Dielli

Kaliforni, evakuime nga zjarret

December 6, 2017 by dgreca

Shkollat u mbyllën në të gjithë Distriktin e Venturës në Kaliforninë Jugore të mërkurën, ndërkohë që zjarri vazhdon të përhapet, duke kërcënuar 12,000 struktura.

Dhjetëra shtëpi janë djegur që kur zjarri shpërtheu të hënën, 96 kilometra në veriperëndim të Los Anxhelosit. Departamenti i zjarrfikjes në Los Angeles ka dislokuar qindra zjarrfikës dhe u ka angazhuar helikopterët dhe aeroplanët në përpjekjet për të vënë nën kontroll zjarrin.

Udhëheqësi i Departamentit të Zjarrfikjes në Los Anxhelos, Ralph Terrazas, tha të mërkurën se nëse erërat pushojnë, zjarrfikësit do të mund të fillojnë ta vënë nën kontroll situatën.

Autoritetet kanë lëshuar një urdhër për evakuim të banorëve në këtë zonë, ndërkohë që banorët e disa zona të tjera përreth po përgatiten për një evakuim të mundshëm, një ditë pasi guvernatori i Kalifornisë Jerry Brown shpalli gjendjen e jashtëzakonshme për të Distriktin e Venturës.

Klement Tinaj, kandidat për Guvernator i Kalifornisë

July 16, 2017 by dgreca

Nga Ermira Babamusta/
Klement Tinaj ka filluar turneun e tij të fushatës politike për kandidaturën e guvernatorit të Kalifornisë. Tinaj shpalli kandidaturën në prill 2017. Në San Diego Tinaj u takua me të moshuarit te Qendra “Senior Citizens of Encinitas” ku fokus ishte shëndetësia për amerikanët e Kalifornisë. Ndërsa në klinikën ushtarake “New Chico VA Outpatient Clinic” është takuar me veteranët dhe ushtarët amerikanë.

“Jam shumë i kënaqur me grupet rinore dhe vullnatare që janë krijuar në Kaliforni për të mbështetur kandidaturën time. Kam një ekip të mrekullueshëm dhe së bashku po sjellim një frymë të re për rininë dhe familjet e Kalifornisë,” tha Klement Tinaj.

Platforma e Klement Tinaj përqendrohet në ekonomi dhe papunësia, sistemi i edukimit, transporti, imigracioni, shëndetësia, trafikimi njerëzor, strehimi dhe banimi, mjedisi, etj. Tinaj thotë që ai është krenar si një imigrant shqiptar i ardhur në Amerikë. Jeta e tij publike e ka angazhuar në kotribut shoqëror nëpërmjet Akademisë së tij shkollore që ka hapur dhe Fondacionit Klement Tinaj për të luftuar varfërinë.

“Dua të jem zëri dhe ndryshimi për banorët e Kalifornisë dhe prioritet kam klasën punëtore, edukimin, përmirësimin e shkollave, të tansportit, të ndërtoj rezervuare ujërore dhe shkollim falas për studentët e Kalifornisë”, premton kandidati Demokrat Klement Tinaj (www.klementtinajforgovernor.com).

“Kalifornia e ka shmangur dhënien e pushtetit pakicës dhe udhëheqësve të rinj, të rinj, të cilët janë të gatshëm të ndërmarrin veprime në komunitetet tona. Unë dua të jem ai lider i ri me një vizion dhe zë të fuqishëm që do të luftojë për liri, drejtësi dhe barazi. Në të dy shkollat e mia ne kemi ndaluar diskriminimin, kemi siguruar të drejta të barabarta, kemi festuar diversitetin dhe kemi ofruar arsim cilësor në të gjitha fushat. Kjo është arsyeja që stafi im më shtyu të siguroja të njëjtën arsim cilësor në të gjitha 58 qarqet në Kaliforni dhe të siguroja të njëjtat të drejta për të gjithë Kaliforniasit,” shtoi Klement Tinaj.

Klement Tinaj po viziton vendlindjen Shqipërinë këtë muaj, para se të kthehet në Kaliforni ku do vazhdojnë turneun dhe fushatën politike deri në 2018.

TAKIM ME SHQIPTARIN E FAMSHËM STAN DRAGOTI NË LOS ANGELES

April 21, 2017 by dgreca

Me Stan Dragoti, Biri i Shqiptarëve Emigrantë nga Tepelena që “Pushtoi” Hollivudin /

1 Stan Dragoti Nga Keze Kozeta Zylo/Udhëtimi i stafit të TV “Alba Life”, New York drejt Los Angeles në Kaliforni për gati 6 orë me avion ishte një udhëtim magjepsës, një udhëtim që mbartte mbi supe një mision të shenjtë për t’u takuar me birin shqiptar të Nju Jorkut dhe regjisorin e famshëm të Hollivudit Stan Dragotin. Marrja e titullit të lartë “Nderi i Kombit” dhënë nga presidenti i Shqipërisë z.Bujar Nishani vitin e kaluar, më 24 shtator, 2016-të dhe nderi i Tepelenës nga kryetari i Bashkisë Tërmet Peçi dorëzuar të dy titujt e lartë zotit Qemal Zylo themelues dhe producent i TV “Alba Life” në emër të Stan Dragotit ishte një detyrim sa moral po aq dhe shpirëror për TV “Alba Life” për t’ja dhënë në dorë këto dy tituj nderi, superyllit të Hollivudit në vendbanimin e tij ne Los Angeles, pasi për arsye shëndetësore dhe të moshës e kishte të pamundur udhëtimin në New York. Sidoqoftë artistë dhe burra të këtij kalibri botëror ja ngrenë karatin Shqipërisë dhe e nderojnë në çdo kohë dhe epokë.

3 presidenti 1 gashi 1 Me zonjen Nishani

Kjo race egjisorësh, producentësh dhe drejtorë filmash të mëdhenj ta bëjnë dhe më të lehtë udhëtimin si dhe shumë ndërmarrje të tjera pasi vepra e tyre te sjellë vetëm frymëzim. Në vitin 2015-të ne shkuam së bashku me shkrimtarin të ndjerin Novruz Shehu, skulptorin Vladimir Llakaj dhe mësuesin veteran fisnik të historisë, dragotasin Demir Zeka, pranë shtëpisë së regjisorit të famshëm hollivudian në Dragot për të parë dhe prekur nga afër portën e “argjendtë” të këtij Burri të madh të Kombit dhe të botës. Vizita jonë ishte për të sensibilizuar mbarë opinionin dhe qeveritarët që shtëpia e Stan Dragotit të kthehet në një muze arti dhe kulture, njëkohësisht të merrte dhe titullin e lartë “Nderi i Kombit”.

1 Cherly Stan Model Cheryl Tiegs and husband, film director Stan Dragoti barefoot, wearing shorts & sweaters, sitting outdoors, relaxing at sunset during stay at La Costa Resort & Spa , Carlsbad,California; October 1976. This was an assignment for American Vogue. Sot do të sugjeroja që në qendër të Tepelenës të ngrihet një shtatore për këtë regjisor të jashtëzakonshëm, kurse në Muzeun Kombëtar në Tiranë të jenë stenda të veçanta me mbishkrimin si: “Jeta e artistëve shqiptarë në Hollivud” ku të jenë John Belushi, Jim Belushi, Stan Dragoti, Beki Fehmiu, etj…

Këtë e them me një bindje të thellë dhe detyrim moral që kemi si Diasporë, Komb për t’i dhënë vendin e merituar shqiptarëve që nderojnë Kombin dhe i zbardhin faqen Shqipërisë kudo ku janë, pasi duke nderuar këto figura gjigande bota do të na njohë dhe do të na çmojë dhe më mirë.

Takimi me Stan Dragotin dhe dorëzimi i titujve me të lartë si: “Nderi i Kombit” dhe i Tepelenës në Los Angeles/

1 shtepia

Ne Foto: Tek shtepia e prinderve te tij ne fshatin Dragot te Tepelenes/

Dua të shkoj prapë në Shqipëri, dua të shoh shtëpinë e prindërve të mi në Dragot… ( S.D.)

Një tjetër yll i Hollivudit shqiptaro amerikani tejet patriot Mike Dusi do të na e bënte dhe me të lehtë dhe më të bukur takimin me Stan Dragotin.

Mike Dusi së bashku me Qemal Zylon shkuan për ta marrë Stan Dragotin nga shtëpia ku ka një staf që kujdeset për shëndetin e tij dhe me dëshirën e tij të madhe erdhi në mjedisin që ai dëshironte për të kryer një ceremoni modeste sipas kërkesë së tij. Ishte një emocion i papërshkueshëm, kur para nesh u shfaq portreti i një burri patriot, artist i madh, shqiptar i pashëm që kishte “çmendur” supermodelen amerikane, bjondinën me sy blu Cheryl Tiege për të jetuar martesën 10 vjeçare së bashku. Ai u ul thjeshtë, ngadalë dhe filluam bisedën si vëllezër dhe motra shqiptare së bashku.

Miqtë si çifti Violeta dhe Përparim Likollari, që e adhurojnë artin dhe që na shoqërojnë kudo, kishin po aq emocion dhe dashuri për ta takuar këtë burrë të ndritur të Kombit shqiptar dhe amerikan.Çuditerisht këta artistë të këtij kalibri se ç’kanë një thjeshtësi gjer në madhështi, se ç’kanë një komunikim gati si Shenjt dhe ty ta lehtësojnë dhe ta bëjnë që orët të të duken minuta, këtë kemi ndjerë sa here e kemi takuar Stenin në aktivitete të rëndësishme si nga Diaspora dhe Bashkia e Nju Jorkut.

Është një ditë e ngrohtë e bukur me diell këtu në Los Angeles, Kalifornia e filloi shqiptari i Hollivudit Stan Dragoti bisedën, ja si fytyrat e bukura tuajat që rrezatojnë ëmbëlsi dhe ngrohtësi dhe që keni ardhur sot dhe më nderoni mua duke më takuar këtu në shtëpinë time në Los Angeles. Takimin me shqiptarët gjithmonë e kam emocion, por dhe frymëzim. E kam pasur endërr të shkoja në Shqiperi, por kjo u bë e mundur në kohën e demokracisë ku në atë kohë ishte Sali Berisha udhëheqës dhe ai më ftoi për ta vizituar. E kam merak që s’shkova dot në Dragot, në vendlindjen e babait tim Asllanit në atë vend magjepsës ku poshtë shkon lumi Vjosa, në vendlindjen e nënës sime Bahrijes, në Tepelenën e Ali Pashës. Shoqëruesit më thanë se ishte koha e keqe dhe ishte e pamundur të ndalonin. Unë u magjepsa me Shqipërinë, malet që pashë, retë e dendura, ndërsa për mikpritjen shqiptarët e kanë në gen dhe në gjak dhe me këtë lloj mikpritje jam edukuar nga prindërit e mi. Për Kosovën, Prizrenin, Prishtinën kam mall, takimet që pata atje do të jenë të paharrueshme, ndërkohë kur fliste për Kosovën më kujtohej filmi i tij për Kosovën që tronditi botën duke sensibilizuar politikanët botërore për t’i thënë kuçedrës serbe dhe Sllobodan Millosheviçit: “Stop genocidit në Kosovë”!

Shqipëria ka një natyrë fantastike të dhuruar nga Zoti vazhdoi Dragoti, por duhet shumë punë, vullnet dhe bashkëpunim për të arritur aty ku duhet. Edhe si Diasporë duhet të punojmë fort dhe me këtë rast dua atë falënderoj mediat, gazetat “Zëri i Amerikës” ” “Illyria”, Dielli etj si dhe gazetarin dhe botuesin Vehbi Bajrami që po vazhdon të bejë një punë shumë të mirë. Gjatë intervistës kur i thashë se çmimi Nderi i Kombit iu dha nga Presidenti Nishani në mjediset e Russia Tea Room më tha se e vlerësonte shumë këtë godinë madhështore dhe se është ikona e stileve elegante të festimeve, dhe se e bënte unike Nju Jorkun në botë, kjo më bën të ndihem krenar që tashmë zv president i saj është Ken Biberaj i biri i Elez Biberaj për te cilin ruaj një respekt të madh si gazetari që tronditi diktaturën nga studio e Zërit të Amerikës.

Ecja e shqiptarëve duhet të na bëjë shumë krenar, sepse shqiptarët po të duan dinë të ecin… Më vjen keq që s’mora dot pjesë në Manhattanin tim, vendin e lindjes, por e kishja të pamundur udhëtimin me avion… (loton pakëz)…

Fjalën SHQIPTAR e përdorte shpesh dhe ndërkohë me Mike Dusin dhe të gjithë ne na shtrëngonte duartë kur thoshte: Jemi Shqiptar!… Dorëzimi i dekortatës së lartë “Nderi i Kombit” dhe Nderi i Tepelenës iu bë nga Qemal Zylo dhe Mike Dusi. Ai i pranoi me lot në sy, dhe shprehu mirënjohjen e pakufishme për Shqipërinë, Presidentin e Shqipërise z.Bujar Nishani dhe kryetarin e Bashkisë së Tepelenës z.Termet Peçi. Stema “Nderi i Kombit” iu vendos në xhaketë dhe u mirëprit me duartrokitje nga të pranishmit. Unë kam një mesazh për Presidentin e Shqipërisë dhe kryeministrin Rama i cili për Ramën tha se është artist, piktor dhe të vazhdojnë punën për t’i shërbyer Kombit dhe së bashku me shqiptarët anë e mbanë botës t’ja ngrenë lart emrin e bukur Shqipërisë, vendit tone të lashtë.

Kur kujtoi prindërit e tij të shtrenjtë lotet i rodhen çurk dhe nuk përmbahej duke thënë se: “Kur ti behesh i vjetër është shumë më lehtë të qash pandalur”. Prindërit e mi i dua shumë, më kanë ndjekur kudo në çdo ceremoni gradimi, lojna të ndryshme, skena, më kanë dhënë bazat e vlerave të edukatës shqiptare. Unë jam rritur si vëlla i vetëm në mes tri motrash të mrekullueshme, të cilat më mungojnë shumë. Unë nuk kam fëmijë…

Ju nuk mund ta besoni, por unë kam qenë një djalë i turpshëm, i ndrojtur, pafjalë.

Ai ndjehej krenar që artistë të rinj shqiptarë po vazhdojnë rrugën e artit duke pëmendur si Mike Dusin i cili ishte present në këtë ceremoni dhe ndihej i sigurtë se të tjere të rinj shqiptarë do të vazhdojnë rrugën e bukur të artit.

Duke ecur përgjatë korridorit dhe duke u mbajtur në krahun tim ndaloi për një moment hapin dhe me tha: “Në se do të banoja në New York si dikur, unë do të vija rregullisht çdo të shtunë të vazhdoja Shkollën Shqipe “Alba Life” dhe të mësoja shqip edhe pse jam në këtë moshë gati 85 vjet”. Më përshkoi një emocion i madh me një dritë magjie për shkronjat shqipe, sepse regjisori Dragoti çliron energji mjaft pozitive për të mos ndaluar kurrë këtë punë të shenjtë me gjithë mësuesit…

Në sytë e tij dhe biseda plot ëmbëlsi ndihej dashuria dhe respekti i pakufishëm për njerëzit, botën, artin Amerikën dhe Shqipërinë. Ishte nje takim që do të ngelet përgjithmonë në kujtesën tonë, ishte një takim që nderohej me meritë të plotë një regjisor i famshëm çka të kujtonte shkrimtarin e shquar Mark Twain i cili ka thënë: “It is better to deserve honors and not have them than to have them and not to deserve them.” Që përkthehet “Është më mirë të meritosh nderime se sa t’i kesh ato dhe jo t’i kesh ato pa merituar”.

Sa krenare ndihesha sot në shkollën amerikane midis kolegeve të cilat mësuan se San Dragoti, John Belushi dhe Jim Belushi janë me origjinë shqiptare, ishte hera e parë që e dëgjonin…

Jam e sigurtë se secili prej nesh si Diasporë e kryen më së miri këtë detyrë pasi shumë njerëz në botë nuk e dinë që ka shqiptare kaq të famshëm duke filluar me Nënë Terezën etj… Jam e sigurtë se shumë prej nesh ndeshen me dukuri të tilla kudo ku punojnë dhe jetojnë dhe që sjellin shpesh dhe debate midis të huajve…

Prandaj është detyra jonë që këto figura të ndritura t’i vemë në vendin që u takon në Shqipëri dhe Kosovë, është detyra jonë që brezave të ardhshëm t’ju sjellim këtë trashëgimi, pasuri të shenjtë kulturore dhe kombëtare…

Është detyra e Parlamentit të Shqipërisë që të ketë një komision të veçantë për të nderuar këto figura të ndritura shqiptarësh që kanë bërë emër të lartë në botë si Stan Dragoti qe iu risolli dashurinë nju jorkezëve dashurinë e rikthimit për të ardhur përsëri pranë Nju Jorkut dhe për të mos u larguar nga vendi, pasi Nju Jorku ishte pushtuar nga kriza e ekonomisë dhe e pasigurisë… Me këtë film që është arshivuar në Muzeun e Arteve Moderne si “I love New York”, e bën dhe më të ndritur Shqiptarin e madh Stan Dragoti. Ai i solli skenës dhe ekranit si dhe reklamës dritë më shumë, duke e rreshtuar Stan Dragotin si regjisorin dhe drejtorin e filmave më në zë në Hollivud.

Jeta e Stan Dragotit

Ka lindur, më 4 tetor 1932 në Manhattan, New York. Origjina e prindërve të tij është shqiptare nga Dragoti i Tepelenës që emigruan në SHBA.

Fshati Dragot është nje fshat me njerëz fisnik dhe me një panoramë të mrekullueshme ndër fshatrat e bukur te Jugut, i cili dikur është futur në katër fshatrat e Dervenit në Tepelenë së bashku me Mezhgoranin, Damësin dhe Luzatin. Përballë tij ndodhet ura e famshme e Dragotit ndërtuar nga inxhinierët italianë gati 100 metra e gjatë dhe hidhet direkt nga njeri cep në tjetrin pa mbajtëse në mes duke lidhur dy malet Golikun me Shëndellinë ku shtrihet dhe Dragoti. Në hyrje është pllaka e celikut që shkruan: “Genova 1936 XIV”.

Afër me urën është Manastiri një vend plot gjelbërim ku të përkëdhel fytyrën një fllad i freskët malesh dhe Vjose…

Eshtë realizues i reklamave të kompanive gjigande si të industrisë së linjave ajrore dhe të prodhimit të makinave, jo më kot është cilësuar si mbret i reklamave më bashkëpunëtorin e tij Charli Moss.

Filmat që ka realizuar:

Dirty Little Billy (1972)

Love at First Bite (1979)

Mr. Mom (1983)

The Man with One Red Shoe (1985)

She’s Out of Control (1989)

Necessary Roughness (1991)

Dragoti është marrësi i çdo çmimi të lartë në fushën e reklamave televizive, duke përfshirë një çmim të veçantë Tony dhe një Apple të Artë për përshtatjen e tij të fushatës “I Love New York” për skenën e teatrit Broadway. Në fushën e televizionit, Muzeu i Artit Modern ka përfshirë timonin komercial të Dragotit në koleksionin e saj të përhershëm “.

Ka qenë i martuar me supermodelen dhe fashion designer amerikanen Cheryl Tiegs (lindur në shtator, 1947) shpesh përshkruhet si supermodelja e parë amerikane. Vazhdimisht ka qenë e ftuar në kanalet më prestigjioze të Amerikes dhe nje mike e përhershme në shown e të famshmes bilionieres Oprah Winfrey. Kanë jetuar të dy në Bel Air njënga vendet më të shtrenjta, me shtëpi me njëarkitekturë të mahnitshme dhe me njerëz të famshëm si Elisabet Tylor, presidenti Ronald Regan, Jennifer Aniston e shumë të tjerë…

Në rrjetin social në tuiter Cheryl e vlerëson Stan Dragotin si bashkëshortin e saj të parë si një njeri gjeneroz dhe shumë të sjellshëm.

Karriera e Stan Dragotit

Bashkëpunetor drejtor kreativ ne Agjensinë e Reklamave Young & Rubicam; Drejtor Arti/ mbikëqyrës, Compton Advertising; Nënkryetar / shefi i departamentit të artit / anëtar, bordi i drejtorëve te agjensise Wells, Rich, Green Advertising,

Producent / drejtor, mbi 150 reklama televizive.

(Sipas Wikipedia)

Prill, 2017

Los Angeles, California

Në kujtim të Elez Mersin Ndreu – 4 shkurt 1929 – 8 mars 2015

March 13, 2015 by dgreca

Nga Beqir SINA – New York/
Elezi u lind më 4 shkurt 1929 në katundin Sllovë – Dibër, dhe ndërroi jetë ditën diel, më mars 8, 2015 si një banor i Monterey, në Kaliforni/
MONTEREY BAY CALIFORNIA : Këto ditë u nda nga jeta në moshë 86 vjeçare, në Monterey – Kaliforni, Elez Ndreu. Bir i Mersin Ndreut, nga një familje, që do bëhej simbol i Dibrës. Anëtarë, i fisit Ndreu të Dibrës, ose fisit më të madh dhe të dëgjuar, jo vetëm në këtë trevë – por dhe si një fis që ka zënë vend të rëndësishëm edhe në historinë e kombit Shqiptarë. Elezi, u lind në Sllovë të Dibrës më 1929. Ai rridhte nga një familje e madhe e fisnike dhe ishte djali i madh i patriotit të përmendur, Mersim Ndreu. I cili, së bashku me anëtarë të tjerë familjes e të fisit, ndër ta Cen e Sufë, Dik Xhelili dhe Qazim Hazizi (Ndreu), u bënë një grup i rëndësishëm dhe bashkëluftëtarë të Elez Isufit (gjyshi i Elezit ), i cili, ka hyrë në histori si “Gjenerali me Shajak” ose ”Arusha e Malit”, dhe populli i këndoi.
Mirëpo, fatkeqësisht, ashtu si e pësuan familjet më të mira të kombit, nga e gjithë Shqipëria, nën regjimin komunist, i cili ushtroi represionin më të egër ndaj familjes Ndreu, pësuan edhe disa anëtarë të familjes së Elez Ndreut. Të cilët u përfshinë në genocidin ndaj kësaj familje; patriotësh të mëdhenj, trima dhe luftëtar të shquar në mbrojtjen shekullore të vatanit,. Presekutim – i cili nisi me 1946 me Cen Elezin, për të kulmuar më 1956 me pushkatimin dhe me burgosjen e disa anëtarëve të Ndreut të Dibrës, dhe me interrnimin e më pas të pothuajse gjithë familjeve të këtij fisi, të madh – duke i syrgjënosur ata nëpër kampet e interrnimit, prej Bënçës së Tepelenës, Porto Palermos, Berat – Uznovës, Sevasterit, Maliqit dhe Fabrikës së Tullave dhe deri në Savër, Gradishtë, Grabian, Gjazë, Libofshë, Shtyllas, Xhuherinë dhe Lubonjë.
Dhe, megjithse, për afro gjysmë shekulli – regjimi komunist dhe sllavo komunist për dekada të tëra me diktaturë u perpoq t’a denigrojë figurën e tyre, t’a “fëshijë’ nga historia jonë kombëtare, kurrësesi nuk mundi t’i largojë ata nga mendja, zemëra dhe kujtesa, e bashkëluftëtarëve të ndershëm e patriotë, popullit, shqipëtarë, të cilët në këto vite të lirisë dhe demokracisë, jo vetëm që i kënduan me krenari atyre, por duke rivleresuar kontributet e shquara të tyre në 100 Vjetorin e pavarësisë së Shqipërisë – Kuvendi i Shqipërisë ish Kryeparlamentaria Jozefina Topalli – krahas figurave të tjera, kombëtare të cilat luftuan për liri dhe pavarësinë e Shqipërisë, i bëri dhe një vlerësim zyrtar edhe figurës së Elez Isufit.
Me motivacionin :” Strateg dhe udhëheqës popullor në luftën për mbrojtjen e pavarësisë kombëtare. Në krye të forcave atdhetare dibrane u ndesh me pushtuesit serbë. Tre herë forcat serbe, ja dogjën kullat e familjes Ndreu. Mbështeti qeverinë kombëtare të Vlorës dhe udhëhoqi kryengritjen e armatosur në krahinën e Dibrës. Në janar të vitit 1916, Franc Jozefi – perandori i Austro-Hungarisë dekoron Elez Isuf Ndreun me Kryqin e Konturës të Oficerëve të Urdhërit të Franc Jozefit (dekoratë lufte). Ka marrë pjesë në Revolucionin e Qershorit 1924 dhe vdiq në betejën e zhvilluar në Peshkopi kundër forcave të Ahmet Zogut.”
Elez Ndreu – ka lindur në Sllovë më 4 shkurt 1929. Ai ngelet jetim në moshë të re, pasi në nëntorin e vitit 1943, në një rrethim, që i bëjnë gjermanët – shtëpisë së nacionalistit Cen Elezi dhe mbarë familjes Ndreu , në Sllovë, Elezi humb babën e tij, Mersinin, i biri i Elez Isufit
Shkollën fillore dhe atë 8 vjeçare, ai e kryen në Internatin e Kastriotit( Peshkopi) dhe më pas shkon në gjimnazin e Tiranës, ku mbaron studimet. Me ardhjen e komunizmit, Elezi, në moshën 19 vjeçare, së bashku me një grup (ku bënin pjesë Abas Lita, Jakup Lita dhe miqt e familjes Çiniu , Jaho dhe Duro Çiniu po ashtu dhe Qemal Haliti nga Kalaja e Dodës, Ismail Skutera ) arratiset, duke dalë fillimisht në Ish Jugosllavi, në nëntor të vitit 1946.
Një këtë arratisje, ata u ndihmuan nga pozicioni i përshtashëm i fshatit të Lita-ve me kufirin, nga shtëpia e dajave të tij -( ngaqë ishte nipi i Osman Litës) Litet e Kalas Dodës, një fshat kufitar i njohur si kundërshtar i regjimit të Enver Hoxhës.
Mbasi arratisen në “Jugosllavi”, si shumë ish nacionalist, u lidhën në anën tjetër të kufirit shqiptaro – shqiptarë, me familjet patriote e atdhetare në Kosovë. Kështu – teksa qëndron në Prizren dhe më pas shkon në Mitrovic , fillon punë si mësues i gjuhës shqipe në një shkollë shqiptare, të Mitrovicës, duke ndjek edhe studimet njëhereshit edhe për Albanaogji dhe gjuhët sllave, në universitet.
Pas prishjes së ish Jugosllavisë së Titos me Rusinë dhe afrimin e tyre me Amerikanët, largohet nga “Jugosllavia”, duke dalë në Itali, aty ku ishte qendra e nacionalizmit shqiptar në mërgim, duke rënë në kontakt me figura të shquara të kombit, si Isa Ndreun, Ernest Koliqin, Nexhat Peshkëpin, dhe emigracionin politik, mbarëkombëtarë.
Në Itali veprimtaria e tij – nisi me botimet në revistën Shejzat dhe Koha e Jonë, si dhe shtypin shqiptarë në mërgim me pseudonimin “Omar Mali”, për të “mbrojtur” vëllezërit, e tij që kishte lënë në Shqipëri.
Në vitin 1959 niset për në kryeqendrën e të arratisurve shqiptarë – duke emigruar në Shtetet e Bashkuara. Me të ardhur këtu i futet studimeve teksa regjistrohet në universitetin ” Indiana Universety” nga dhe ku mbaron studimet dhe diplomohet në vitin 1967. Më pas fillon punë si pedagogë në kolegjin, ku përgaditeshin ushtarakët amerikan dhe agjentët, shkollën për mësimin e gjuhëve të huaja – në Monterey Bay California – “Defense Language Institute Foreign Language School and Presidio of Monterey, California”, deri ditën sa del edhe në pension.
Në atë Institut, thuhet se ishin dhe miqt e tij, të përhershëm si: zoti Zef Nekaj nga Mirdita dhe zoti Zef Logareci nga Shkodra. Në Amerikë, Elezi, ka qenë shumë i lidhur dhe ka pasur kontakte të rregullta me mikun e vjetër të familjes së Cen Elezit,Harry J Fulz, dhe më pasë bijat e Fulzit, disa ish diplomat, dhe ish ushtarakë të tjerë amerikan, që gjatë Luftës së Dytë Botërore, operuan në Shqipëri.
Elezi, ka qenë një nga Vatranët më të herëshëm i angazhuar në të gjitha veprimtaritë e Federatës PanShqiptare të Amerikës VATRA, qysh se kur erdhi në Amerikë, së bashku me kushurinjët e tij, Hyqmetin (Australi) dhe Hakiun, dhe një nga veprimtarët më të dalluar të komunitetit, kushuririn e parë të tij, Jonuz Ndreun, një vatran i përkushtuar, ndër vite.
Kronologjia e tij, do të mbetej e pa plotësuar në se nuk do të përmendej edhe fakti se në luftën e Kosovës 1999, ai tregohet mjaft aktiv në përkrahje të Kosovës. Simbas, dokumentave që vajzat e tij ruajn ai lobon me miqt tij ushtarak Amerikan, ku e bija thotë si ai ka komunikuar edhe drjetëpërsëdrejti, gjatë luftës së Kosovës me ish Sekretaren e Shtetit Madelin Olbright.
Ndërsa, nëpëmjet kontakteve të tij personale, ishte i lidhur si para lufte dhe kur ai u bë President i Kosovës, me Rugovën
Elezi, ka pasur në dorëshkrim një libër për historinë e fisit dhe familjes Ndreu dhe Dibrës , libër, ky që pritej të dilte në dritën e botimit, shumë shpejt. Vajza e tij thotë: “Aq merak, e kishte këtë libër, sa edhe dy ditë para se të shtrohej në spital – ku megjithëse, ai ishte duke u kuruar, dhe i sëmurë, punonte pak nga pak, për të edituar dhe redaktuar, dhënë dorën e fundit dorëshkrimit e përfunduar librin, i cili është një libër me dokumenta të mbledhura nëpër arshivat e Washingtonit dhe disa kryeqendra në Europë, për çështjen shqiptare dhe veprimtarin e kontributin e shqiptarëve të Amerikës”. Bijat e tij, kan premtuar se mbas vdekjes, do ta nxjerrin së shpejti librin në dritën e botimit.
Ai u martua me një amerikane – zonjën Iren Sider më 1964 me të cilën kishte dy fëmijë – dy vajza
Me vdekjen e tij ka lënë pas vetes, dy vëllezër Skënderin ( në Vlorë) dhe Hetemin ( në Tiranë), dy vajzat Naimen dhe Dijen, dhe dy mbesa Dëshira dhe Liriana, vajzat e Dijes, e cila, është prokurore shtetit në një gjykat federale, ne Kaliforni .
Varrimi i tij u bë në varrezat “El Carmelo Cementerey” në qytetin Pacific Grove, Monterey Bay – California më 10 mars 2015 – Në varrimin e tij përveç dy vajzave ishin edhe nipat, e tij, Mersini, Ritvani, Viktori dhe Cezari( Photo credit Cezar Ndreu).