Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kina forcon lidhjet me Europën Lindore e Juglindore

by

Kina ka interes për një Europë të fortë, u shpreh kryeministri kinez, Li Keqiang në takimin e kryeministrave të vendeve të Europës Qendrore, Lindore e Juglindore që zhvillohet në Sofje, i njohur si takimi 16+1./

1 Kina

Shoqëruar nga një sërë delegacionesh me sipërmarrës nga vende të ndryshme ka filluar në Sofje samiti i Europës Qendrore e Lindore me Kinën (07.07). Kryeministrat e vendeve të Europës Qendrore, Lindore e Juglindore takohen në konferencën e njohur, si takimi 16+1, bashkë me kryeministrin kinez, Li Keqiang Në hapje të takimit, kryeministri kinez, Li Keqiang u shpreh, se Kina do të shohë një Europë të fortë dhe të hapur. Kjo është edhe në interesin e Kinës, tha ai.

Ndërsa mikpritësi i takimit, kreu i qeverisë bullgare, Boiko Borisov u shpreh se ky „format nuk ka qëllimin të ndajë, por të bashkojë Europën.” Ai iu referua kështu kritikave të vazhdueshme nga BE, se një takim i tillë me Kinën minon unitetin e Bashkimit Europian. Kooperimi i Kinës me vendet europianolindore alarmon Bashkimin Europian. Diplomatët e Brukselit thonë se strategjia është „përça e sundo”. Në Bullgari Kina po merr pjesë në ndërtimin e centralit atomik, Belene dhe ndërtimin e autostradave dhe linjave hekurudhore.

Li Keqiang und Bojko Borissov in Sofia Bulgarien (picture-alliance/Xinhua News Agency)

Kina premton tregtinë e hapur

Ky takim renditet për Pekinin në projektin e Rrugës së Re të Mëndafshit, që synon të lidhë Kinën me Europën. Bëhet fjalë për bashkëpunim në infrastrukturë, ekonominë energjitike, teknologji, turizëm e kulturë. Kryeministri Keqiang theksoi në Sofje se Kina do të vazhdojë të ndjekë politikën e tregjeve të hapura, kjo një ditë pasi Uashingtoni dhe Pekini vendosën tarifa doganore reciproke në vlerën e 34 bilionë dollarëve. Kryeministri kinez theksoi se Kina do të vazhdojë të mbajë të hapur derën për produkte të huaja, sepse tregtia e hapur siguron rritjen ekonomike globale.

Li Keqiang in Sofia Bulgarien (picture-alliance/Photoshot/L. Weibing)

Takimi 16+1 zhvillohet rregullisht nga viti 2012. Paralelisht me krerët nga politika, në Sofje kanë ardhur edhe 1000 biznesmenë nga vendet pjesëmarrëse si Shqipëria, Bosnje-Hercegovina, Bullgaria, Lituania, Maqedonia, Serbia, Sllovakia e vende të tjera. Vendi mikpritës Bullgaria kishte ftuar si të ftuar nderi kancelaren gjermane, Angela Merkel, por ajo nuk merr pjesë.

Kina, agjentë të fshehtë në SHBA

by

Gazeta the New York Times shkruan se administrata e Presidentit Barack Obama ka paralajmëruar Kinën për praninë e agjentëve të saj në Shtetet e Bashkuara, që po bëjnë fshehtas presion ndaj emigrantëve të njohur kinezë që të kthehen në vend, si pjesë e akionit anti-korrupsion të Pekinit. Njoftimi vjen mes tensioneve dypalëshe në rritje dhe vetëm disa javë para një vizite shtetërore të Presidentit kinez Xi Jingping në Shtetet e Bashkuara. New York Times që citon zyrtarë të paidentifikuar amerikanë thotë se përpjekja e Pekinit është pjesë e betejës anti-korrupsion të Presidentit Xi, që ka gjetur mbështetje në opinionin publik kinez. Gazeta thotë se agjentët janë nga Ministria e Sigurisë Publike dhe nuk kanë hyrë në vend për shërbim qeveritar dhe ka shumë gjasa që të kenë ardhur me viza turizmi ose biznesi. New York Times shkruan se që nga viti 2014, mbi 930 të dyshuar janë riatdhesuar, përfshirë mbi 70 që janë kthyer me vullnetin e tyre këtë vit. Sipas artikullit, ata janë pjesë e një operacioni ndërkombëtar për të gjetur të arratisurit për arsye ekonomike dhe për t’i kthyer në vend.

Rrugën e Arbërit do ta ndërtojë Kina

by

LULZIM BASHA: PROJEKTIN E BLLOKOI RAMA, ISHTE GATI QE PARA 3 VJETESH/
Me ne fund rruga e Arberit do te nise se shpejti. Memorandumi eshte firmosur. Ka njoftuar sot vete Kryeministri Edi Rama, i cili eshte pjesmarres në Samitin e Kinës. Njoftimi eshte preferuar te jepet përmes Facebook-ut, ku Rama ka thënë se u nënshkrua mbrëmjen e se Henes memorandumi i bashkëpunimit me Chinese Exim Bank për hapjen e një kantieri projektesh në Shqipëri me financime kineze.ja njoftimi i Rames: “U nenshkrua mbreme memorandumi i bashkëpunimit me Chinese Exim Bank per hapjen e nje kantieri projektesh ne Shqiperi me financime kineze. Projekti i pare qe do te cele siparin e nje epoke te re bashkepunimi mes Shqiperise e Kines do te jete Rruga e Arberit, e cila do te nise vitin e ardhshem”.

PERPLASJA- BASHA: PROJEKTIN E BLLOKOI RAMA

“Rruga e Arbrit” është bërë “mollë sherri” mes kryeministrit dhe kreut të opozitës. Rama dhe Basha ndërkohë që vazhdojnë sulmet mes njëri-tjetrit përmes rrjeteve sociale, këtë herë janë kapur për projektin e ri që kryeministri deklaroi më herët e do të nisë vitin e ardhshëm.
Kreu i qeverisë, Edi Rama reagoi pas deklaratës së Bashës, se projekti për “Rrugën e Arbrit” ishte gati që në qeverisjen “Berisha”. Kryeministri tregon se edhe ky projekt si të tjerat në të kaluarën, ishte pjesë e borxheve të shtetit, të cilët i hoqën në kurriz qytetarët.
“Rruga e Arbrit ishte gati? Po, mu si gjithë gropat e tjera të borxheve zinxhir në qafën e shqiptarëve! Një vit negociata për të mos rënë brenda”, shkruan Rama në “Facebook”.
Më herët kreu i PD-së, Lulzim Basha theksoi se “Rruga e Arbrit” u ndalë vetëm për shkak të kësaj qeverie. Me të njëjtën arsye, Basha justifikon edhe shtyrjen e marrëveshjes për fatin e Qafë Murrizit.
“Projekti strategjik i Rrugës se Arbrit që nisi para tre vitesh u ndal me ardhjen e kësaj qeverie, si shumë projekte të tjera të rëndësishme për njerëzit dhe ekonominë e vendit. Edhe pse marrëveshja me palën kineze për financimin e tunelit të Qafë Murrizit ishte gati që në shtator 2013, ajo u shty me papërgjegjshmërinë më të madhe nga qeveritarët për plot një vit e gjysmë. Në vend që të kërkojnë ndjesë për këtë vonim të pajustifikueshëm tani rreken ta shesin sapunin për djathë”, shkruan Basha në “Facebook”.