koncert – Page 2 – Dielli

Toronto,Koncert për shenjtërimin e Nënë Terezës

October 3, 2016 by dgreca

Një koncert për Shenjtoren Nënë Terezë, që bashkoi Shqiptarë e indianë, katolikë, krishterë e muslimanë, të gjithë moshat e të gjithë trëvat . Shoqata e Bashkësisë Shqiptaro-Kanadeze si dhe Misioni Katolik “E lumja Nanë Terezë” në Toronto nën kujdesin e Don Xhovanit, mikpritës I këtij eventi, organizuan një koncert për të nderuar Shenjtërimin e Nënë Terezës, që u zyrtarizua më datën 4 Shtator 2016 në Vatikan, një ngjarje e madhe historike për gjithë shqiptarët kudo ku jetojnë. E veçanta e këtij koncerti është përfshirja e shumë pjesëmarrësve për ti dhënë këtij koncerti një kuptim më të madh bashkëpunimi e për të shprehur mirënjohjen e pakufishme për jetën dhe veprën e ndritur të Nënë Terëzës, e cila bëri që Shqiperia një vend I vogël të ketë një Shenjtore të madhe. Moderimin e beri Ylli I kinematografisë, shqiptaro kanadezja Ana Gola e cila e filloi me thënjen e nënë Terezës: By blood, I am Albanian. By citizenship, an Indian. By faith, I am a Catholic nun. As to my calling, I belong to the world. As to my heart, I belong entirely to the Heart of Jesus.Ana ftoi pjesëmarrësit për të dëgjuar Hymnin e nënë Terezës të kënduar nga e madhja Inva Mula. Pasi falenderoi në emër të SHBSHK pjesëmarrësit në këtë koncert që janë te shumtë në numër duke filluar me aktorin e mirënjohur Xhemi Aga, ish nënkryetar I kësaj shoqate, regjisorin Ervin Meço, Korin e femijëve të Torontos nën drejtimin e palodhur të znj.Ina Xoxa, korin e fëmijëve të kishës katolike drejtuar nga znj. Florinda Gjergji, grupin e shoqatës Indiano-Kanadeze, “Rhythm” të mundësuar nga Znj.Shashi Bahtia, lidere e këtij komuniteti. Nxënësit e shkollave shqipe në Toronto, përfaqësuar nga znj..Polina Muça, grupin e valleve “Shqiponjat e Vogla” nën drejtimin e koreografit të mirënjohur Ramazan Këllezi, president I SHBSHK. DJ ViSi I cili është I pranishëm në shumë aktivitete të shoqatës dhe në menyrë të veçantë Z.Ilir Lena producent I “Pasqyra Shqiptare” për ndihmën dhe mbështetjen e madhe që I jep kësaj shoqate duke përcjellë në çdo vater shqiptare aktivitetet e saj. Ky falenderim shumëfishohet pasi të gjithë ata që organizuan dhe punuan për këtë koncert kanë një emërues të përbashkët, janë Vullnetarë. Ana Golja, pranoi me kënaqesi edhe këtë radhë ftesën si shumë herë të tjera për t’u bërë pjesë e këtij aktiviteti kushtuar Nëne Terezës jo vetëm duke moderuar por edhe duke kënduar një këngë të re të saj enkas për këtë event.Koncerti u vazhdua me. Valle me motive të Tiranës me koreografi të Ramazan Këllezit nga grupi I valleve Shqiponjat e Vogla, me një Recitim për Nënë Terezën nga Henry Pasha. Një përshëndetje nga znj. Shashi Bahtia përfaqësuese e komunitetit Indian, e cila falenderoi Shoqatën Shqiptaro Kanadeze për këtë bashkëpunim dhe në veçanti Dr.Ruki Kondaj, Presidente Nderi e SHBSHK për inkurajimin dhe nxitjen për të bashkëpunuar për këtë koncert në respekt të Shenjtotes Nënë Terezë, për të cilën e ndje shumë e privilegjuar. Programi vazhdoi me grupin Rhythëm i shoqatës Indiano- te cilët interpretuan tre valle tradicionale. Valle me motive kosovare nga Shqiponjat e Vogla, e me tej Pjesa Teatrale- Një pjezës e dramaturgut Bashkim Kozeli, regji të Ervin Meços, Koreografi të Ramazan Këllezit, interpretoi grupi tetral I shoqatës, aktori i mirënjohur Xhemi Agaj, te rinjtë Marvisa Llupo,Olivia Xoxa,Scott Xoxa, Gerd Bizi dhe Sara Llupo Poezi per nene Terezen nga Fjona Brajoviq pergatitur nga Polina Muça Kori I fëmijeve të Totontos drejtuar nga Inan Xoxa, orkestroi këngët Entela Galanxhi me këngë për Nënë Terezën, I think you’re wonderful, jemi një s’jemi dy etj.Valle O kce moj çike- Grupi I valleve soliste Artes Këllezi, dhe me një mbyllje të mrekullueshme ku të gjtthë artistët dhe organizatorët sëbashku kënduan këngën tashmë shumë të mirënjohur Xhamadani Vija- Vija. ANA falenderoi pjesëmarrësit për prezencen dhe uroi të shihemi në aktivitetet e tjera të SHBSHK. FALEMINDERIT të gjtihëve që e bëtë të sukseshmëm këtë koncert për nder të Shenjtores Nënë Terezë.

Emocionet e koncertit madhështor, për të Shenjtën Nënë Tereza

September 9, 2016 by dgreca

Rita Ora dhe Eva, mbesa e Presidentit të ndjerë Dr. Ibrahim Rugovës, në koncertin e madh të Shejtërimit të Nëna Terezes/

Nga Beqir SINA – Romë – Itali/

ROMË – ITALI, 3 Shtator 2016- : Në një shkrim të saj, zëdhënsja e Vatikanit “Giornale-Armonia” shkruante për koncertin e Nëna Terezes në baziliken e Shën Palit në Romë, një shkrim me titull : “Emocionet e koncertit madhështor, për të Shenjtën Nënë Tereza e Kalkutës”

Në reportazhin e tyre të dielën më 4 shtator, dy gazetarët Enzo Carrozzini dhe Davide Ndoj, i Radi Vatikanit, shkruanin se në Sheshin e Shën Pjetrit, Ati i Shenjtë Françeskut, shpalli kanonizimin e Lumes Nënë Tereza e Kalkutës, murgeshës vogël shqiptare, që kushtoi jetën e saj Jezu Krishtit dhe Madonna, lartësuar në shenjën e solidaritetit dhe dashurisë, fundit të tokës.

Festimi i madh fetar tërhoqi më shumë se njëqind mijë besimtarëve në shesh, duke përfshirë një numër shumë i madh me origjinë shqiptare, duke demonstruar se si shembulli i Nënës nga “sari me vija të bardha dhe blu” kanë formuar objektin e ndarjes gëzueshme dhe dashuri për bashkëatdhetarëve të tij.

Ceremonia ideale mbyllur fundjavën e emocioneve të mëdha , është vlerësuar mag më shumë se njëqind milionë njerëz, që kanë ndjekur festimet televiziv për Nënë Terezën, filloi të shtunën në mbrëmje në bazilikën e Shën Palit jashtë Mureve, ku gjatë prag – shpalljes, u mbajt një koncert të jashtëzakonshëm Bamirësie, ku morën pjesë artistë dhe personalitete me origjinë shqiptare, autoritetet civile e fetare, duke përfshirë edhe Kardinalin Angelo Bagnasco, President i Konferencës Episkopale Italiane, si dhe Kryeministërin i Shqipërisë, Edi Rama, ish-presidentin dhe ish Kryeminsitrin e Shqipërisë, zotin Sali Berisha, ish Presidentin e Kosovës, Dr, Fatmir Sejdiu, dhe Behxhet Pacolli, kryeparlamentarin Kadri Veseli, Presidenti i Ecolog Lazim Destani, dhe shumë personalitete të tjera nga Shqipëria Kosova, Maqedonia dhe diaspora shqiptare.

Në koncertin më të madh të mbajtur ndonjiher deri tani nga artistët shqiptarë, jashtë atdheut të tyre, në Romë më 3 Shtator, morën pjesë Rita Ora, Genc Tukiqi, Inva Mula, Gezim Myshketa, Ermonela Jaho, Shkelzen Doli, Elbenita Kajtazi, Bahri Lahaj, Lorik Cana, Lum Veseli, Andi, Bajgora.

Enzo Carrozzini dhe Davide Ndoj, i Radi Vatikanit, thonë se :’Secili me veti me vlerat e pasura artistike, deri në nivel botëror, e ka nderuar Nënë Terezën duke ngjyrosur me emocione të forta performancat etyre, të shoqëruar nga koret e orkestrave të Kosovës, Shqipërisë dhe Maqedonisë të udhëhequr nga Bujar Llapaj, dhe Orkestra Filarmonike e “Filharmonisë” Drejtori Baki Jashari, që kan dhuruar një kornizë të çmuar kësaj ngjarje të madhe.

Në mesin e tyre duhet përmendur me rëndësi të veçanta, e cila duhet të jetë organizatoria Dr. Dijana Toska, autore e Himnit të Nënë Terezës, (si rezultat i një ripunimi i një ode muzikore të shkruar nga fjalët e fundit “Nëna e fundit”), ekzekutimi i të cilave, ka arritur në majat shumë të larta të emocioneve”

Por kjo ishte një natë me interpretimet e jashtëzakonshme të Rita Ora, me rolin e saj të jashtëzakonshëm “Çfarë fëmija është kjo.?”, i shoqëruar në violinë nga Shelzen Doli, i cili dukej për të riprodhuar zërin njerëzor, si të gjithë artistët e tjerë, të cilët kanë përgatitur shpirtërisht veten dhe të gjithë besimtarët, duke përfshirë çdo nerin që i përjetojë ato emocione, apoteozë të ditës së ardhshme, me Meshën e Madhe të Mirësisë , deklarimin nga Papa Francesku të Kanonizimit të Nëna Terezes – Saint of Teresa of Calcuta .

Por, një nga momentet më të veçanta dhe ky i ngaruar me emocione të veçanta ishte ai i princeshës së vogël Eva Rugova, vajza e djalit të madh të presidentit Ibrahim Rugova, e cila ka qenë poashtu e pranishme në atë koncert dhe ajo nuk ka hezituar ta përqafoj këngëtarën shqiptare Rita Ora, duke i dhuruar asja një buqet me lule të freskta.

Ky moment, është realizuar në një set me footgrafi të cilat i ka shpërndarë më pas në Facebook dhe Instagram nga e ëma e Evës, dizejnatorja e njohur, Blerina Kllokoqi-Rugova.

NXENESTI E SHKOLLES “ALBA LIFE”, KONCERT PER KRISHTLINDJE DHE VITIN E RI

December 20, 2015 by dgreca

*Koncert spektakolar nga nxënësit e shkollës shqipe “Alba Life” për festat/
*ZV/ Minsitrja e arsimit dhe e sporteve të Republikës së Shqipërisë dhe ekipi që kryeson morën pjesë në këtë koncert artitistik/
Nga Keze Kozeta Zylo/
Sipas traditës për gati një dekadë të shkollës shqipe “Alba Life” me rastin e mbylljes së semestrit të parë të vitit akademik 2015-2016 në auditoriumin e shkollës publike amerikane PS: 205 në Brooklyn u dha një koncert spektakolar nga nxënësit e kësaj shkolle.
Nxënësit e veshur me kostumet kombëtare shqiptare dhe me bluzat kuq e zi me logon “Alba Life” pushtuan auditoriumin e shkollës dhe ngritën sallën peshë kur ata hynë në sallë dhe shkuan drejt skenës në dy grupe. Grupi i parë kryesohej nga flamurtari Orest Sallillari i cili valëviste Flamurin Kombëtar kuq e zi dhe grupi tjetër kryesohej nga flamurtari Rafael Gjona dhe mbante në dorë Flamurin kombëtar amerikan.
Nën tingujt e këngës aq të dashur shqiptare sjellë me DJ nga z.Odise Salillari: “Për Mëmëdhenë, për Mëmëdhenë” nxënësit u mblodhën si bijtë e shqipes rreth Flamurit të përbashkuar.
Koncerti është prezantuar nga Anisa Bahcja dhe Melinda Djenovic dy nxënëse të talentuara të shkollës shqipe “Alba Life”, shkollë që operon në tri lagje të New Yorkut Staten Island, Brooklyn dhe Manhattan.
Prezantuesja e programit Djenovic tha se: ” Ne jemi krenarë që sot ngjitemi në skenë dhe flasim dhe këndojmë shqip para jush. Ne jemi krenarë që edhe pse lindur dhe rritur jashtë kufijve të Shqipërisë në Amerikë, po mësojmë Gjuhën tonë shqipe, Gjuhën më të bukur në botë”.
Ndërsa prezantuesja tjetër Bahcja njoftoi se sot midis nesh kemi miq specialë nga Shqipëria jonë e dashur, kemi një delegacion pune të kryesuar nga zv/ministrja e arsimit dhe e sporteve znj.Nora Malaj, drejtorja e arsimit për Kamëzën znj.Ermioni Cekani, Drejtori i gjimnazit të Kamëzës zoti Sherif Koldashi, zonjën Albana Muhametaj mësuese, znj.Eli Dura z/v drejtore në Paskuqan, shkrimtari dhe studjuesi i mirënjohur zoti Novruz Xh. Shehu, zonjusha Kleisa Cekani nga shtëpia botuese.
Delegacioni u mirëprit me duartrokitje nga të gjithë të pranishmit.
Melinda ftoi të gjithë të pranishmit të çoheshin në këmbë për të interpretuar dy hymnet kombëtare shqiptar dhe amerikan nën interpretimin e artistes së bukur dhe të mirënjohur shqiptare nxënëses së shkollës shqipe “Alba Life” Kristina Melo.
Në emër të Bordit të shkollës Shqipe “Alba Life” përshëndeti Dr.Valbona Zylo Watkins, profesore në Universitetin shtetëror CSI, Staten Island dhe në Monteclair Academy New Jersey.
Koncertin e hapën nxënësit e shkollës shqipe në Manhattan shkollë që është në vitin e dytë dhe që u hap vjet për herë të parë në historinë e diasporës shqiptare.
Nxënësit ishin përgatitur nën kujdesin e mësuese Liza Pllumbit, Anila Syku dhe Manushe Hasanaj.
Recituan dhe kënduan këta nxënës: Joana Kulla me vjershën “Duart tona”, Nora Hysaj “Abetare fort të dua”, Monika dhe Donika Popaj ” I dashur Atdhe” Edona Hasanaj “Kosovës” Labeart dhe Albjion Rexhaj: “Sa të dua Shqipëri” Eliza dhe Tringa Bytyqi “Shko Dallëndyshe” Simon Syku: “Ti Shqipëri më jep nder” Denis Velaj: “Abetare Bukuroshe”, Lio dhe Lendina Jahmurataj- Une biri yt Kosovë Fatmir Preldakaj- Gjuha Shqipe, Eda dhe Elsa Kulla: “Mëmëdheu”
Elsa Kulla: “I dashur Atdhe” Xhepi/ Dino Bicaj, Lela Mirakaj Ylli i vogël.
Grupi i nxënësve kënduan dhe Hymnin Kombëtar.
Melinda ftoi në skenë Anisa Bahcen e cila këndoi: Jam shqiponja shoqëruar nga grupi i valltarëve.
Pas përfundimit të programit me sukses të nxënësve të Manhattanit Anisa ftoi grupin e më të vegjëlve në Brooklyn përgatitur nga mësuese Raimonda Hysolli. Recituan Bion Berliku “Ngjyrë Të kuqe ka Flamuri”, Arion Madzar: “Gjuha jonë”, Dritan Mehmeti: “Mëmëdheu”, Kelvin Rustemi: “Mëmëdheu”, Eneo Rustemi “I dashur Atdhe”. Asdreni. Disa & Dorontina Dacaj: “Vargje nga Hymni i Flamurit”.
Programi vazhdoi me grupin e më të rriturve të përgatitur nën kujdesin e mësuese Entela Elezi, Brooklyn.
Recituan Anisa Bahcja, Andri Gjona, Djellza Mehmeti dhe Rafael Gjona
poemën “Bagëti e Bujqësi” nga Naim Frashëri
Orest Salillari, Donieta Mehmeti, Arta Gjeloshi, Aurora Shahu, Anisa Shahu
recituan “Gjuha shqipe” nga Gjergj Fishta.
Programi i shkollës shqipe të Brooklynit u mbyll me nxënësit e mësuese Afërdita Kacupaj që ishin përgatitur mjeshtërisht nën kujdesin e saj dhe që sollën efekte emocionuese për publikun.
Nxënësit që interpretuan “Porosia e fundit e Skenderbeut”: “Bashkimi bën fuqinë, të cilët ishin veshur me kostumet kombëtare dhe mbanin simbolet e bukura shqiptare ishin:
Brian Kacupaj, Adison Cinari, Gabriela Permeti, Griselda Permeti, Drilona Mehmeti, Irsa Cinari, Sara Lulanaj, Arta ibershimi, Angie Bahcja, Alba Agalliu, Sara Arapi, Alexa Mbrice, Andri dhe Rafael Gjana, Eneo dhe Kevin Rustani
Pas Brooklynit Melinda ftoi në skenë nxënësit e shkollës shqipe në Staten Island të cilët kënduan në kor: “Ty Flamur të duam shumë” përgatitur nën kujdesin e sopranos së mirënjohur: Dëshira Ahmeti Kërliu. Grupi i më të vegjëlve ishte përgatitur nën kujdesin e mësuese Entela Muda, një mësuese që i është afruar programit të shkollës shqipe për herë të parë dhe që premton shumë për të ardhmen.
Recituan: Dea Kërliu Skënderbeu, Dea Watkins; Zogu dhe abetarja, Elira Xhemaili, Gjuha jonë, Albiona “Sa të dua o Shqipëri”, Anila Dema Shqipëri, Rilind Bardhi Xixa xixëllon, Brandon: Do të bëhem President.
Grupi i më të rriturve përgatitur nga nxënësit me mësuese Kozeta Zylo, ishin: Sabrina Velo: “Vendit tem” Martin Camaj, Arsi Muda: “28 Nëntori” Lasgush Poradeci, Melinda Djinovic “Zeri i nënës” Din Mehmeti, Olivia Verteniku: “Jeta” Gonxhe Bojaxhiu Nene Tereza, Denis Doda: “Gjuha Shqipe” Gjergj Fishta, Alba Ujkashi: “Flamuri” Populli
Arian Tutovic: Unë jam shqiptar, Alba Vadahi “Refugjat” Frederik Reshpja
Era Vadahi “Dielli”
Kori i shkollës shqipe në Staten Island ka përshëndetur me këngën e Vitit të Ri:
përgatitur nga sopranoja e talentuar Dëshira Ahmeti Kerliu
Kënga: “Një lahutë e një flamur” është kënduar nga Eda Kulla shoqëruar nga grupi i valleve nën drejtimin e mësuese Afërdita Kacupaj, Brooklyn
Programi spektakolar artistik u mbyll nën duartrokitjet e zjarrta nga publiku me Hymnin e shkollës shqipe: “Gjuha jonë” kompozuar nga prof. Petrika Melo, kënduar nga artistja e bukur shqiptare dhe plot dritë Kristina Melo dhe shoqëruar nga kori i shkollës shqipe “Alba Life”.

Personalitetet që përshëndetën nxënësit dhe mësuesit e shkollës shqipe “Alba Life”

Pas mbylljes së programit Anisa ftoi në skenë për të përshëndetur themeluesin dhe drejtorin e Shkollës Shqipe “Alba Life” z.Qemal Zylo, i cili përshëndeti të gjithë nxënësit për një punë serioze gjatë semestrit të parë si dhe gjithë mësueset e shkollës që pa punën e të cilave nuk do të kishim këtë sukses. Une e di që ka qenë një rrugë e gjatë, plot mundime dhe vështirësi, po kur ne punojmë së bashku arrihen gjëra që të japin vec kënaqësi dhe progres. Ai përshëndeti përzemërsisht ardhjen e një ekipi arsimtarësh me përvojë nga Atdheu kryesuar nga z/v ministrja e Arsimit dhe sporteve të Republikës së Shqipërisë, znj.Nora Malaj dhe iu shprehu atyre mirënjohjen për këtë shkëmbim të ndërmjetëm. Përshëndeti gjithashtu Ansambleistin Mark Gjonaj, shqiptarin e parë që u zgjodh në Parlamentin e shtetit të Nju Jorkut, një atdhetar i zjarrtë që gjithmonë të befason për kohën dhe energjinë pozitive që rrezaton në Diasporë dhe më gjerë. Mirënjohje dhe përshendetje i është dhënë dhe Konsullit të Përgjithshëm të Republikës së Kosovës në New York z.Fatmir Zajmi si dhe kryetarit të shoqatës së mirënjohur “Ana e Malit” z.Ismet Kurtit.
Z.Qemal Zylo: ftoi në skenë zonjën Nora Malaj zv/ministre e Arsimit dhe sporteve të Republikës së Shqipërisë, nje mike speciale e ardhur nga Shqipëria me ekpin që kryeson. Fjalimi i zonjës Malaj ishte tejet mbresëlënës dhe plot elekuencë. Ajo tha se kam marrë pjesë në shumë koncerte, në shumë salla me fjalime, projekte të ndryshme etj, por emocionin më të fuqishëm e kam marrë nga nxënësit e shkollës shqipe “Alba Life” këtu në New York që dhanë një program të mahnitshëm artistik përgatitur nga mësueset e dashura të shkollës. Znj. Malaj shprehu mirënjohjen për ftesën nga themeluesi i shkollës shqipe si dhe përkushtimin e familjes Zylo për hapjen e shkollave dhe mësimin e gjuhës shqipe në Diasporë. Ajo vazhdoi se gjuha shqipe është ADN-ja e shqiptarëve dhe për këtë si shqiptarë duhet të bejmë shumë që brezat tanë mos ta harrojnë kurrë.
Konsulli i Përgjithshëm i republikës së Kosovës në New York, z.Fatmir Zajmi mik i vjetër i shkollave shqipe përshëndeti në emër të shtetit të Kosovës dhe iu uroi nxënësve dhe mësueseve punë të mbarë për semestrin e dytë të vitit akademik 2015-2016.
Ansamableisti i shtetit të Nju Jorkut z.Mark Gjonaj falënderoi prindërit, nxënësit, mësuesit që i janë bashkuar këtij programi kaq patriotik dhe plot kulturë për të mësuar gjuhën shqipe, gjuhë që duhet ta mësojë çdo fëmijë i lindur dhe rritur jashtë Atdheut tonë.
Znj.Ermioni Cekani përshëndeti me plot dashuri dhe mirënjohje nxënësit e shkollës shqipe për këtë shfaqje spektakolare që dhanë para nesh si dhe përkushtimin e mësueseve për t’ju mësuar fëmijëve gjuhën Shqipe.
Shkrimtari Novruz Xh. Shehu tha me emocion se unë dhe gjithe ekipi e vizituam për herë të parë Amerikën, por pamë se gjetëm një Shqipëri të vogël midis jush.
Ai solli impresionin e tij nga vizita në Muzeumin Metropolitan në New York dhe tha se nga 5 milionë vepra arti edhe Shqipëria përfaqësohej denjësisht. Ai interpretoi vargje nga poezia e tij krijuar enkas per Ali Pashë Tepelenën që e gjeti në Muze dhe ja se si:
200 vjet ke udhëtuar, det më det e tokë/ paske ardhur të më presësh në Manhatan, Ali pa kokë, Ali me kokë! Me emocion tha se ne NY kam ardhur dhe si gjyshi letrar i Deas, lindja dhe emri i saj 5 vjet më parë, më frymëzoi për të shkruar librin: “Letra Deas në New York”, një libër unik për nga lloji. Ai lexoi letrën e parë nga libri ku po sjellim strofën e parë të saj:
MIRË SE ERDHE! Uaaa! Paske ardhur?! si maket i Hënës ke zbritur në New York!
Ti erdhe befas, kur se prisnim, me gjithë floririn e botës mbi flokë!
Në fund të programit z.Qemal Zylo iu ka dhuruar buqeta me lule të freskëta si dhe nga një bluzë me logon e “Alba Life” gjithë ekipit të ardhur nga Shqipëria dhe që kryesohej nga znj.Nora Malaj si dhe gjithë mësueseve të shkollës Shqipe të cilat punojnë plot përkushtim dhe dashuri me nxënësit, ku mësuese Hysolli shprehu mirënjohjen para mikrofonit për pranimin si mësuese nga z.Zylo pranë kësaj shkolle.
Gjithë aktiviteti u filmua nga z.Lumi per TV “Arb” , si dhe nga kameramani Redi Hoxhallari bashkëpunëtor i TV “Alba Life” me te cilin u realizuan dhe disa intervista të ndryshme.
Ishte një mbyllje spektakolare e mbylljes së semestrit të parë në prag të festave të fundvitit, realizuar mjeshtërisht nga nxënësit dhe mësuesit e shkollës shqipe “Alba Life”.
Gjithë, prindërit, gjyshërit, publiku, mësuesit, nxënësit, personalitete të shquara dhe miqtë e ardhur nga Shqipëria u larguan me mbresa dhe emocione të fuqishme të bukura duke iu uruar njeri tjetrit si motra dhe vëllezër shqiptarë: Gëzuar festat e fundvitit dhe mirë u takofshim në koncerte të tjera!

19 dhjetor, 2015
Brooklyn, New York

KONCERT, NË DITËN KOMBËTARE TË JETIMËVE SHQIPTARË

May 21, 2015 by dgreca

Nga Prof. Murat Gecaj/
Mbrëmë, me rastin e 20 Majit, Ditës Kombëtare të Jetimëve, Instituti Kombëtar i Integrimit të Jetimëve Shqiptarë, organizoi koncertin-homazh, “Një mesazh për ty”, në sallën e Teatrit Kombëtar të Operas e Baletit të kryeqytetit. Të pranishëm ishin fëmijë, edukatorë e mësues, punonjës të arsimit e kulturës, personalitete të jetës politike e shoqërore, përfaqësues të bashkësive fetare, nga media e shkruar dhe ajo elektronike etj.
Ishte i pranishëm në këtë shfaqje dr. Halim Kosova, i cili krijoi për fëmijët e braktisur, në Maternitetin e Tiranës, “Djepin e engjëjve”. Gjithashtu, ishin të ftuar nderi disa autorë dhe aktorë të filmave për fëmijë. Nga ata, ndodhej Petraq Qafëzezi, skenarist i filmit “Lulëkuqet mbi mure”, i cili kishte ardhur posaçërisht nga Italia, ku jeton familjarisht
Idea dhe realizmi i shfaqjes ishin nga Ilir Çumani, me regjisor Bujar Kokonozin dhe drejtor artistik Zhani Cikon.
Pasi në ekran u shfaqën fjalët e Nënë Terezës: “Jetojmë në një botë që vuan nga uria. Jo vetëm nga uria për bukë, por nga uria për dashuri”, u dhanë montazhe nga jeta e jetimëve tanë, në institucione të ndryshme të Shqipërisë. Më tej, moderatorët Silvana Braçe e Herion Mustafaraj (aktor-fëmijë, në filmin “Beni ecën vetë”) nisën ta paraqesin programin e përgatitur, para të pranishmëve.
E para përshëndeti artistja e njohur Roza Anagnosti-Xhuxha. Në vazhdim, kënduan me radhë: Sidrit Bejleri, Juliana Pasha e Bashkim Alibali.
Pasi u dha në ekran një intervistë e vitit 2002, artistit të paharruar, Kadri Roshi, dolën para të pranishmëve në këtë shfaqje, këngëtarët: Myfarete Laze, Gëzim Nika e Manjola Nallbani. U duartrokit për paraqitjen e tij edhe grupi polifonik “Çipini”.
Gjithashtu, u pëlqyen recitimi i artistes Margarita Xhepa dhe interpretimet e Kozma Dushit e Luan Zhegut, i cili këndoi bashkë me fëmijët. U duatrokitën nxehtësisht vallja e shkathët e një grupi fëmijësh dhe artistë të tjerë, që morën pjesë në këtë koncert-homazh. Ai ishte në vazhdën e veprimtarive të përvitshme, që organizon Instituti Kombëtar i Integrimit të Jetimëve Shqiptarë, i cili drejtohet me përkushtim, nga Ilir Çumani. Prandaj të pranishmit u larguan të kënaqur dhe morën me vete emocione e mbresa të bukura.
Përmbledhurazi, mesazhi i tërë kësaj shfaqjeje ishte, për institucionet shtetërore përgjegjëse dhe mbarë shoqërinë shqiptare: “Duajini, ndihmojini dhe mbrojini fëmijët tanë jetimë!”
Me këtë rast, duhen përshëndetur e përgëzuar edhe të gjithë sponsorët, të cilët u treguan të pakursyer e bashkëpunuan, si për organizimin dhe zhvillimin e tërë kësaj veprimtarie artistike.
(Foto nga:M.Gecaj)
Tiranë, 21 maj 2015

Artistja shqiptare dha koncert në Majin e trëndafilave

May 18, 2015 by dgreca

Nga Keze Kozeta Zylo/
Në ishullin e Staten Island, një lagje e bukur e Nju Jorkut shqiptarët e Diasporës amerikane u mblodhën së bashku si një familje si për të përshëndetur Majin e trëndafilave, muajin më të bukur të pranverës me muzikë.Sopranoja Lindita Mezini Lole krejt ndryshe nga mbrëmjet rutinë e kishte konceptuar në formë koncerti të muzikës pop këtë aktivitet të bukur. Në restorantin “Brook Catering Hall”, me pronar Shaban Seferi, stafi i të cilit e kishin përgatitur sallën ku do të zhvillohej aktiviteti si një mjedis të bukur teatri ku do të shfaqej një koncert i bukur me muzikën pop etj.
Mbrëmjen e ka hapur pianisti Petrika Melo i cili pasi ka përshëndetur të gjithë të pranishmit ka ftuar në skenë artisten Lindita Mezini Lole e cila është mirëpritur me duartrokitje nga të pranishmit.
Programi ishte ndërtuar me bazë të disa këngëve të lehta klasike shume të njohura për publikun si shqiptar dhe atij ndërkombëtar të viteve 60 -të, 70-të dhe 80 të.
Zëri dhe interpretimi i saj brilant me profesionalizëm dhe kulturë gjithmonë ka tërhequr artdashësit e shumtë shqiptarë dhe në botë. Artistja Mezini Lole shoqërohej nga Andrea Lole bashkëshorti i saj, një tjetër artist që ka mbaruar Artet e Bukura për Oboe dhe janë në harmoni të përkryer të dy për të realizuar koncertin e muzikës në një mjedis të ngrohtë dhe tejet dashamirës.
Programi ishte ndarë në 4 grupe me 8 këngë në secilin grup. Midis secilit grup Andrea Lole luajti në DJ valle të ndryshme tradicionale shqiptare duke përmbledhur këtu dhe muzikën folklorike dhe gjithashtu muzikë për kërcim të kompozuar nga autorë të huaj.
Ndërmjet këngëve të programit po përmed disa prej tyre:
Programi u hap me këngën “ Love changes everything” Kompozuar nga kompozitori shumë i njohur amerikan Andrew Lloyd Webber, me poezi të Charles Hart and Don Black kënduar në Brodway shows.
Ka vazhduar me “Rivers of Babylon” kënduar nga grupi in Boney M, in krijuar në Gjermani nga 4 këngëtarë të lindur në Jamaika. Kjo këngë është kënduar në vitin 1978 dhe ka qenë nga më të dëgjuarat në atë kohë në Europë dhe Amerikë.
2 ) “I will survive” kënduar nga by Gloria Geiner në 1979 dhe ka qenë nga më te famshmet për kohën.
3 ) Kënga shumë e njohur dhe nga filmi “God Father ““ The love story song” kompozuar nga kompozitori Italian Nino Rota në vitin 1972.
4) “Mamma Mia”, një tjetër këngë shumë e njohur për publikun ndërkombëtar interpretuar nga grupi suedez ABBA në vitin 1975 .
5 ) Kënga shumë e njojtur Greke “ Milise mou” kompozuar nga kompozitori njohur grek Manos Hatzidakis.
6 ) “Under the sky of Paris” është kënga e kënduar në filmin Francez me të njejtin titull tëkompozuar nga Hubert Giraud dhe tekst të Jean Drejac e recorduar nga këngëtarja e njohur Edith Piaf në vitin 1951.
7 ) “Good by my love good by” Këngë tepër e dëgjuar e viteve 70 të kënduar nga këngëtari grek me një zë hyjnor Demmis Rousos.
E veçanta e këtij koncerti ishte konceptuar si një surprizë e bukur dhe për vëllain e saj kompozitorin nga Vlora Shpëtim Mezini i cili merrte pjesë në këtë mbrëmje të bukur festive. Ardhjen e tij e ka përshëndetur nxënësja e shkolles shqipe “Alba Life”, Kristina Melo, një artiste e vogël në moshë, por me një popullaritet të gjerë në Diasporë duke i bërë surprizë me këngën “1 Qershori”, me tekst dhe të kompozuar nga Shpëtim Mezini, këngë që ka fituar çmim ne festivalin e fëmijëve të organizuar në Shqipëri dhe që vazhdon të këndohet dhe nga nxënësit e Shkollës Shqipe”Alba Life” në Staten Island, Brooklyn dhe Manhattan. Z.Shpëtim Mezini ka falënderuar të gjithë të pranishmit që ishin mbledhur së bashku për t’u takuar me njeri-tjetrin dhe për të dëgjuar muzikë të bukur, pasi këtë kanë bërë gjithmonë çifti Andrea dhe Lindita Lole, ndonëse shpesh harrojnë vehten e tyre, por ne ata na kanë mbledhur gjithmonë së bashku të gëzohemi dhe të argëtohemi. Duke e dëgjuar me vëmendje dhe kënaqesi fjalët plot dashuri dhe përkushtim për të motrën, kompozitorin Mezini, dhe si e larguar nga Mëmëdheu medoemos që e ndjejmë dhe më shumë ndarjen nga familjet tona që jemi ndarë në disa pjesë nëpër botë, më dukej si Kostandini i ringjallur që kishte dhënë besën dhe kishte ardhur për të marrë Doruntinën, 9 male kaptuar, ndonëse me humor artdashesi Agim Pira më tha që nuk do e lemë ta marri se e duam ta kemi një motër artiste në Diasporë.
Fjala e z.Mezini dhe përqafimi motër e vëlla u prit me emocion dhe duartrokitje në sallë.
Z.Mezini ka përshëndetur me Dy këngë të shoqëruara nga vetë ai në kitarë si: “Pranvera filloi me ardhë” nga kompozitori i shquar shqiptar Tonin Arapi, dhe këngën kosovare “Zambaku i bardhë”
Midis këngësh në fund të programit me muzikë shumë të këndshme vlen të përmend Tangon Argjentinase “La Cumparsita”, “Caminito”, këngët e bukura ritmike “Bamboleo dhe Baila Morena” të bëra shumë të njojtura për publikun internacional nga këngëtari shumë i njojtur Spanjoll, Julio Iglesias, që thuhet se është një nga artistët me albume më të shitura në botë.
Artistja Lole ka ftuar të gjithë të pranishmit të këndojnë së bashku këngën e mirënjohur shqiptare që është aq popullore midis “Eja Lule Bore”, të kompozuar nga kompozitori i famshëm shqiptar Gjon Simoni.
Në këtë koncert u kënduan dhe disa këngë të bukura korçare të interpretuara nga Hektor Lole.
Artistja shqiptare ka interpretuar në skena të ndryshme të botës duke filluar me Tiranën me disa koncerte me Operën Kombëtare, pasi emigroi në Greqi për një jetë më të mirë u pranua në TV-n kryesore dhe dha koncerte nëpër Europë.
Në Amerikë pa mbështetjen e askujt arriti të mbaroje Master në Mannes College of Master of Music in Voice from Mannes College of Music at New School University dhe për një vit vazhdoi “Professional Studies Program at Mannes College of Music”.
Në bazë të kësaj merite sot po punon si mësuese muzike e liçensuar në shtetin e Nju Xhersit. Mbijetoi duke vazhduar studimet edhe pse koha fluturonte…
Është e vetmja shqiptare që ka dhënë koncert në Carnegie Hall në New York, por mjerisht shumë media në Shqipëri ju bëjnë jehonë ahengjeve dhe muzikës tallava…
Ka bashkëpunuar ngushtë me artistë ndërkombëtarë.Si pjesë e Diasporës ka dhënë disa koncerte në disa festa të organizuara si nga gazeta “Illyria”, Motrat Qiriazi, Vatra, New York, Mass Besa, Holy Trinity Albanian Church në Boston etj.
Lindita eshte një mbështetëse krenare për popullin e Kosovës për të cilin ka dhënë koncert në Kombet e Bashkuara për të sensibilizuar botën.
Herën e fundit ke qenë për Shoqatën “Ana e Malit” në 100 vjetorin e Pavarësisë, por jo e fundit siç thanë organizatorët në Ditën e 7-8 Marsit ku mori çmimin e lartë të mirënjohjes nga kjo organizatë atdhetare. Ka kontribuar për Diasporën si dhe në programin artistik të Shkollës Shqipe “Alba Life” dhe koncertin klasik që u organizua në Manhattan që hapi siparin në 100 Vjetorin e Pavarësise, në Diaspore, organizuar nga TV “Alba Life” dhe nje grup artistësh me udhëheqës pianistin e talentuar, artistin Petrika Melo.
Të pranishmit kaluan një natë të këndshme në një të shtunë të bukur Maji, në muajin e trëndafilave dhe luleve me ngjyra marramendëse, gjithë aromë, si muzika dhe interpretimi që solli artistja e shquar shqiptare me origjinë nga Vlora Lindita Mezini Lole.

Staten Island,
New York, 2015