kosova – Page 35 – Dielli

Kosova u revokon lejet e qëndrimit shtetasve të arrestuar nga Turqia

March 29, 2018 by dgreca

Ne Foto: Shkolla “Mehmet Akif”/Policia e Kosovës arrestoi mëngjesin e sotëm drejtorin e përgjithshëm të Shkollës “Mehmet Akif” në Kosovë Mustafa Erdem, zëvendësin e tij Yusuf Karabina, drejtorin e shkollës në Gjakovë, Kahraman Demirez dhe dy arsimtarë Cihan Ozkan dhe Hasan Gunakana, bëri të ditur për Radion Evropa e Lirë, Nazmi Ulus, drejtor i Shkollës “Mehmet Akif” në Lipjan.

Të gjithë të arrestuarit janë qytetarë turq.Sipas përfaqësuesve të shkollës, arsyet për arrestimet nuk janë të qarta.

Por, kryeministri i Kosovës Ramush Haradinaj i pyetur nga gazetarët lidhur me këtë rast theksoi se arsyeja e ndalimit të udhëheqësve të shkollës “Mehemet Akif” ka të bëjë me mos respektim të procedurave të qëndrimit në Kosovë.

“Këto janë ndalime. Kam kërkuar informacion nga Policia dhe nga institucionet tjera. Arsyeja e ndalimit është se mënyra e qëndrimit, është e padefinuar. Për të huajt që vijnë në Kosovë janë disa procedura për qëndrim dhe jemi të detyruar t’i zbatojmë ndaj të gjithëve”, tha Haradinaj.

“Sa di unë arsyeja e ndalim është vetëm kjo, pra është mungesë e respektimit të procedurave në Kosovë. Nuk besoj që ka të bëjë me aspekte të tjera dhe do të interesohem më tutje për këtë temë”, tha Haradinaj.

Ndërkohë, Ministria e Punëve të Brendshme, përkatësisht Departamenti për Shtetësi, Azil dhe Migracion, përmes një komunikate për media, ka bërë të ditur se në bazë të mandatit të saj për zbatimin e ligjit për të huajt, ka revokuar lejet e qëndrimit për shtetasit e Turqisë të arrestuar gjatë ditës së sotme.

“Duke iu referuar rasteve konkrete Departamenti për Shtetësi, Azil dhe Migracion ka vepruar në bazë të Ligjit për të Huaj dhe mandatit që ka për shqyrtimin dhe vendosjen e të gjitha kërkesave që kanë të bëjnë me leje qëndrim. Kjo është një procedure ligjore e cila është aplikuar edhe në rastet e mëhershme, si për të huajt me leje qëndrim, gjithashtu edhe për të huajt që kanë fituar shtetësinë e Kosovës dhe u është revokuar për arsye të sigurisë, apo procedurave tjera të parapara me ligjin përkatës”, thuhet në komunikatën për media.

Ministria e Punëve të Brendshme bënë të ditur se gjatë administrimit të provave kanë konstatuar se për personat në fjalë, ka bazë të mjaftueshme ligjore që të merren masat për revokimin e leje qëndrimit të tyre në territorin e Republikës së Kosovës siç thuhet “për arsye të përcaktuara me ligjin për të huaj, konkretisht nenit 6 të ligjit ku flet për refuzimin apo revokimin e lejes së qëndrimit për rrethanat e sigurisë shtetërore”.

Pas revokimit të leje qëndrimit, sipas kësaj ministrie, qëndrimi i mëtejmë i këtyre qytetarëve konsiderohet i jashtëligjshëm.

Nazmi Ulus, drejtor i Shkollës “Mehmet Akif” në Lipjan thotë se i frikësohen dëbimit nga Kosova për në Turqi.

“Unë jam vërtet i frikësuar për veten, për familjen time dhe për të gjithë kolegët e mi, por unë mund ta them se besoj në mbështetjen e institucioneve të Kosovës dhe sistemin demokratik të Kosovës që të mos ndikohet nga presidenti turk, regjimi i Erdoganit”, thotë Ulus.

Në anën tjetër, Adem Vokshi, avokat i rastit, tha për Radion Evropa e Lirë se policia, deri më tash, ka ofruar pak informacione, pasi që aksioni është duke vazhduar.

“Si duket i ka arrestuar policia kufitare dhe kjo neve na shqetësoj shumë mos po i depërtojnë pa u zhvilluar procedurë e rregullt gjyqësore. Ata janë arrestuar duke shkuar në punë. Ne ishim në polici dhe nuk na jepen asnjë informatë. Ata më dërguan në zyrën për mbajtjen dhe atje kontrolluan dhe thanë se aty nuk janë. Më vonë më informuan se policia kufitare i ka në qëndrim dhe nuk mund të kontaktojmë për të marr ndonjë informatë, deri sa të përfundon aksioni”, tha Vokshi.

Avokati Vokshi tha se e vetmja arsye për arrestimin e tyre mund të jetë mbyllja e shkollës dhe ekstradimi i tyre, kinse, siç thotë ai, “këta janë armiqtë e shtetit turk, por që për këtë nuk kanë asnjë provë”.

Aksionin e arrestimit të drejtorëve dhe arsimtarë të Shkollës “Mehmet Akif” në Kosovë e ka konfirmuar edhe Policia e Kosovës.

Zëdhënësi Bajram Krasniqi tha për Radion Evropa e Lirë se aksioni është në zhvillim e sipër” dhe se “detajet do të publikohen pas përfundimit të tij”.

Ndërkohë, Këshilli për Mbrojtjen e të Drejtave dhe Lirive të Njeriut (KMDLNJ) përmes një njoftimi për media ka kundërshtuar arrestimin e shtetasve turq në Kosovë.

“Autoritetet kosovare që synojnë të integrohen në demokracinë e përparuar, me këtë arrestim po e vënë në dyshim të skajshëm qëllimin dhe orientimin demokratik duke iu nënshtruar një kërkese autokratike dhe duke u rreshtuar në anën e përndjekësve politikë. Në këtë qërim hesapesh midis Erdoganit dhe Gylenit, Kosova duhet të mbajë qëndrim neutral duke respektuar standardet ndërkombëtare të drejtave të njeriut”, thuhet në një komunikatë të KMLDNJ-së.

Shkollat “Mehmet Akif” në Kosovë i përkasin Institucionit Arsimor Gylistan.

Ky i fundit ka kopshte, institucione parashkollore, shkolla fillore dhe të mesme në gjithë Kosovën.

Besohet se ato janë të frymëzuara nga Lëvizja Hizmet e Fethullah Gulenit, klerikut fetar turk, të cilin presidenti i Turqisë, Recep Tayyip Erdogan, e fajëson për orkestrimin e përpjekjes për grushtshtet në Turqi, në vitin 2016.Zyrtarë të Ministrisë së Arsimit në Kosovë kanë deklaruar më herët për Radion Evropa e Lirë se këto shkolla veprojnë në përputhje me ligjet e Kosovës.(RFL)

Promovohet Libri që zbardh të vërtetën për kufirin Çakorr-Hajlë- Kullë

March 17, 2018 by dgreca

Nga Prof. Dr. Zymer U. Neziri/

Ali Kelmendi, një zë serioz nga Cyrihu se Kosova humb territor me Marrëveshjen e Vjenës (Ali Kelmendi, E vërteta për kufirin e vjetër Çakorr-Hajlë- Kullë, shtëpia botuese ”Rugova Art”, Prishtinë, 2018. Fjalë përuruese në Prishtinë, në Bibliotekën Kombëtare të Kosovës, më 9 mars 2018)/

Të nderuar të pranishëm, të nderuar profesorë H. Bajrami, M. Bulliqi, L. Rushiti, profesorë të fakulteteve e të instituteve, Gani Krasniqi dhe brezi ’68, brezi ’81 dhe brezi i UÇK-së, ju përshëndes të gjithëve!

Dy pikat më të njohura në këtë 100-vjeçar të Çakorrit, temë shqyrtimi në librin që po e përurojmë sot, E vërteta për kufirin e vjetër Çakorr-Hajlë- Kullë, i autorit Ali Kelmendi, kufi ku përfundon vetëm krahina e Rugovës, por jo edhe krahinat e tjera shqiptare, janë vënë në pah mbrojtja dhe pushtimi i tij nga Mali i Zi, në prag të Luftës së Parë Botërore, më 1912, si dhe mbrojtja e tij gjatë Luftës së Dytë Botërore, 1941-1944, deri në ripushtimin e tretë dhe të fundit, kur aty, pra në Çakorr, vendosin kufirin Serbia e Mali i Zi, më 1945-46. Ndërmjet tyre e ka vendin edhe gjendja nën robërinë jugosllave në mes të dy luftërave botërore.

Autori i librit dhe brezi i tij rugovas janë të lindur pas ripushtimit të Kosovës dhe të viseve tona të tjera, më 1944, pas kryengritjes, burgosjeve e pushktimeve, në kohën e mbledhjes së tepricave e të punës detyrimore. Ai e kaloi fëmijërinë e hershme në kohën e aksionit të armëve dhe të shpërnguljes për Turqi. Por, në ato vite, Rugova, që nga Çakorri e deri në Pejë, mbeti pjesë e Kosovës, sipas Komisionit Federativ për caktimin e kufinjve, më 1945-46. Nga libri E vërteta për kufirin e vjetër Çakorr-Hajlë-Kullë, Ali Kelmendi ka gjetur dokumente dhe harta në Zvicër, që dëshmojnë kufirin e Komisionit Federativ, më 1945-46: Qafa e Çakorrit- Moknat-Smilevica-Hajla-Kulla e Zhlebit, i pandryshuar në nivel federativ deri në fundin e asaj federate. Ai sjell edhe të dhëna nga enciklopeditë e librat e ndryshëm për kufirin e vitit 1945-46.

Autori është pasues i brezave paraardhës rugovas, në krye me komandantët Salih Jaha, Çelë Shabani e Kadri Bajri, dhe pasardhës i atyre që luftuan rreth dyqind vjet për tokën e vet, po edhe të atyre që mbrojtën Rugovën nga Mali i Zi në Çakorr gjatë krejt Luftës së Dytë Botërore, në periudhën ’41-’44, në krye me komandantin Zhukë Haxhia. Edhe të parët e Ali Kelmendit kanë qenë luftëtarë të dalluar. Ata kanë mbrojtur Çakorrin në tetor 1912, i cili ra pas një lufte heroike të 9 mijë mbrojtësve shqiptarë kundër sulmit të ushtrisë së Malit të Zi, e komanduar nga gjenerali Janko Vukotiq. Ata luftuan me armë e pa to, me pushkë e me sopata, luftë që zgjati rreth dy ditë e net. I përmendur është edhe gjyshi i autorit, Zhiti i Kadri Sokolit, hero epik i traditës gojore.

Në vijim, ai tërheq vërejtjen për udhëheqjen e sotme të Kosovës dhe për rrezikun nëse ratifikohet Marrëveshja e Vjenës, e nënshkruar më 2015. Ai sjell argumente se kufiri, së fundit, është saktësuar para 70 vjetësh, nga Serbia e Mali i Zi, aty ku përfundon krahina e Rugovës, por duke lënë jashtë pjesë të mëdha të Kosovës: Plava, Gucia, Berana, Rozhaja, Sanxhaku i Pazarit, si dhe vise të tjera shqiptare, deri në Ulqin e Tivar.

Autori përmend edhe emra nga kreu i Kosovës se ky është kapitullim i tyre para rugovasve dhe është mashtrim për liberalizimin e vizave, si dhe thotë se demarkacioni kurrë nuk do të kalojë pa pëlqimin e banorëve të Rugovës dhe përfundon se udhëheqësit ”po rrëshqasin në grackën e tradhtisë kombëtare me faljen-shitjen e 8 230 hektarëve të tokave tona.”

Ali Kelmendi ka përkrahur intelektualët tanë, profesorët Sh. Bulliqi, Z. Gruda, R. Smaka, M. Carabregu, F. Isufi, M. Sadiku, S. Osmanaj, Z. Neziri etj., që në pranverë 2015, para se të nënshkruhej Marrëveshja e Vjenës, i thanë ish-Komisionit Shtetëror të Kosovës, të kryesuar nga M. Meha, se po gabon, kurse kumtesat i botuan në libër të veçantë. Dihet, ai libër u shtyp tri herë brenda gjashtë muajsh, por, Qeveria e Kosovës kreu punën si e kreu dhe Marrëveshja u nënshkrua në Vjenë, kurse tash po kërkohet që ajo edhe të ratifikohet në Kuvendin e Kosovës!

Autori ka përkrahur protestat e banorëve të Rugovës, të Pejës e të Rrafshit të Dukagjinit, si dhe të Prishtinës e të viseve të tjera dhe ka përkrahur peticionin e mbi 200 mijë nënshkruesve kundër Marrëveshjes së Vjenës; Ai ka përkrahur veprimet e Klubit të Intelektualëve Universitarë të Rugovës kundër Marrëveshjes së Vjenës, si dhe shkresat e tyre drejtuar deputetëve të Kuvendit të Kosovës, të dy presidentëve, në Tiranë e në Prishtinë, të dy kryetarëve të dy kuvendeve dhe të dy kryeministrave. Tash, Ali Kelmendi, që del para lexuesve me këtë libër për kufirin e vjetër Çakorr-Hajlë-Zhleb, të vitit 1945-46, përkrah Raportin e Komisionit Shtetëtor për kufirin, të kryesuar nga Shpejtim Bulliqi, që me dëshmi të pakontestueshme e kundërshton Marrëveshjen e Vjenës.

Nga leximi i librit E vërteta për kufirin e vjetër Çakorr-Hajlë- Kullë mund të nxjerrim disa përfundime dhe një pasqyrë historike të pushtimit e të ripushtimit të trefishtë të Çakorrit, brenda gjysmë shekulli: në vitet 1912, 1919, 1944, kurse në vitet 2012-2015 Çakorri bashkë me Kullën e Zhlebit i dhurohen Malit të Zi! Këtë e kanë bërë disa udhëheqës të lartë të Kosovës, thotë ai. Këtij dhurimi i ka prirë ish-Komisioni Shtetëror për kufirin, i drejtuar nga Murat Meha. Fatkeqësisht, Marrëveshjen e nënshkroi Kosova më 26 gusht 2015 dhe kufiri, sipas saj, është te Kroni i Sokolit (Savina Voda) e jo në Kullë të Zhlebit, dhe është edhe në katundin Kuqishtë, e jo në Qafë të Çakorrit, pra për rreth 8 200 hektarë dëmtohen pronat e katundeve të Rugovës së Sipërme, por edhe vendbanimet e tjera të Rugovës së Poshtme humbin tokë. Gjithashtu, me atë marrëveshje janë dëmtuar rëndë edhe banorët e shumë katundeve të anës së sipërme të Rrafshit të Dukagjinit. Pra, kjo ka ndodhur aty ku popullsia është etnikisht shqiptare, aty ku ka vetëm shqiptarë dhe nuk ka fare popullsi sllave, ku flitet vetëm shqip, ku veshja, kënga e vallja janë vetëm shqiptare, ku ruhen edhe doket, ritet e mitet që nga lashtësia ilire.

Në fund, në kuadër të këtyre shqyrtimeve të librit të Ali Kelmendit, për këtë 100-vjeçar të Çakorrit dhe të fatit të tij, sa krenar aq edhe tragjik, shihet se në caktimin e këtyre kufijve pas LBD-së, më 1945, nga Jugosllavia II, ashtu edhe si edhe përpara, shqiptarët nuk kanë marrë pjesë. Ata ishin të ripushtuar nga Serbia e Mali i Zi, kurse këto të dyja vetë kishin vendosur kufirin në Qafë të Çakorrit e në Kullë të Zhlebit, më 1945, e jo në Kuqishtë e te Kroni i Sokolit. Por, më 1999, Çakorri e krejt Rugova çlirohen pas luftës çlirimtare të UÇK-së, kurse Serbia e Mali i Zi e humbin luftën me shqiptarët dhe Kosova bëhet e lirë me ndihmën e NATO-s e sidomos të SHBA-ve. Por, sot, Kosova duhet të flasë edhe me zërin e historisë dhe të etnisë, sepse është shtet i pavarur dhe sovran, ashtu si edhe Mali i Zi, por jo ashtu siç veproi ish-Komisioni dhe ish-Qeveria, në vitet 2012-2015, madje, ashtu si po veprohet edhe sot, pa e dëgjuar zërin e popullit të vet e as zërin e historisë.

Krejt në fund, nga ky tubim përurues iu bë apel edhe tash Kuvendit dhe deputetëve të tij që të marrin parasysh Raportin e 4 dhjetorit 2017 të Komisionit të tashëm, të kryesuar nga prof. Bulliqi, të votojnë kundër ratifikimit të Marrëveshjes së Vjenës, sepse kështu është mirë edhe për Malin e Zi, edhe për miqtë tanë në botë, po edhe për bashkësinë ndërkombëtare.

IN RESPONSE TO ALBANIA’S PRIME MINISTER’S REMARKS ON KOSOVA

March 17, 2018 by dgreca

While doing some research on tonight’s story about the Prime Minister of Albania causing a stir over remarks about Kosovo, I came across a letter to the editor of the New York Times Op/Ed page, published in the November 25, 1987 edition of the newspaper.

The letter was in response to an earlier article with which the letter’s author, Donald Leka, took issue with an earlier piece published on November 10th, 1987 which he felt erroneously represented the true situation involving ethnic Albanians in the Kosovo region of then-Yugoslavia. This is a time period, well-within the lives of many reading this, where the Soviet Union and Yugoslavia still existed and dominated daily news headlines. Where the shadow of Josep Broz Tito still cast itself upon an increasingly-fracturing collection of Southern Slavs. The Berlin Wall had not fallen. Ronald Reagan was the President of the United States. All of this was the subject regular, day-to-day conversation.

And the subject matter of the letter, as well as the article to which it was written in reply, is frighteningly relevant to the geopolitical world of today.

[….]

This letter predates any concept of online social media. There was no immediate gratification or response to Mr. Leka; and any response that may have followed would have taken place perhaps a couple of weeks following the publication of his letter.

While there is an unquestionable advantage in communication with the ability to instantly read, reply or speak with another person anywhere around the world almost instantaneously; there is also something that has been lost in the eloquence of the English language, and how one carries themselves in a thoughtful conversation. […]

Technology and social media has changed the way that people communicate; but a nice look back at the art of communication of days gone by remains a treat for many out there, myself included.

Now is the part where I ask all of you reading to please like, share, hashtag, upvote, leave a comment or an emoticon denoting a reaction; all while shamelessly aware of my hypocrisy in the face of everything I just wrote. I can live with it.

——————————————————————–

Dielli online is posting the majority of the author’s response

Kosova ka nevojë për një Strategji të qartë në Diplomacinë Ekonomike

March 16, 2018 by dgreca

1 Besnik Hoti

Nga Besnik Hoti/ Zëvendësministër MPJ/*

Prej shpalljes së pavarësisë së Kosovës më 17 shkurt 2008, Ministria e Punëve të Jashtme ka pasur dy synime themelore: themelimin dhe funksionalizimin e shërbimit diplomatiko-konsullor, si dhe lobimin për njohje dhe anëtarësim në organizatat ndërkombëtare. Gjithashtu gjatë këtyre viteve Ministria e Punëve të Jashtme e ka promovuar në mënyrë aktive diplomacinë publike si mjet i prezantimit dhe forcimit të imazhit të Republikës së Kosovës në arenën ndërkombëtare. Në mënyrë paralele poashtu ështe zhvilluar edhe diplomacia ekonomike, por, e cila nuk ka ndikuar në axhendë në mënyrë të drejtpërdrejtë. Për këtë arsye ka dalë si domosdoshmeri hartimi i një strategjie kombëtare për diplomacine ekonomike. Një orientim i tillë drejt diplomacisë ekonomike vjen natyrshëm pas konsolidimit të shtetësisë dhe forcimit të pozitës ndërkombëtare të Kosovës ku deri më sot, është njohur nga 116 vende të ndryshme të botës dhe e anëtarësuar mbi 60 organizata të ndryshme ndërkombëtare. Prandaj, në këtë fazë të re të zhvillimit të Republikës së Kosovës, nevojitet një qasje e re proaktive ndaj diplomacisë ekonomike.

Kjo qasje e re duhet t’i adresoj të gjithë faktorët që sot e mundësojnë rritjen ekonomike dhe përmirësimin e imazhit të Republikës së Kosovës si vend potencial për investime, duke krijuar një listë të prioriteteve, koordinimin e politikave, dhe proceseve institucionale, në formën e një strategjie, e cila do të mundësojë realizimin e një standardi të qëndrueshëm në diplomacinë ekonomike, duke suportuar investitor në sfera të ndryshme dhe sektor kyç të ekonomisë.

Strategjia Kombëtare për Diplomacinë Ekonomike si strategji e zhvillimit nuk adreson të gjitha aspektet e qeverisjes, por vetëm ato që lidhen me zhvillimin gjithëpërfshirës të diplomacisë ekonomike. Për më tepër, ky dokument duhet të përfaqësoj një dokument nismash zhvillimore të cilat prioritizohen si objektiva kombëtare.

Po ashtu, duhet kuptuar se zhvillimi i shtetit të Kosovës varet nga performanca ekonomike si dhe promovimi i bashkëpunimit ekonomik në tregje, investime dhe zhvillimin e turizimit. Për te pasur një diplomaci ekonomike të sukseshme duhet pasur qasje racionale në të shfrytëzimin e avantazheve të ambientit të jashtëm, e cila do të mundësojë rritjen e përfitimeve nacionale në të gjitha fushat e aktiviteteve, duke përfshirë tregtinë, investimet, si dhe të gjitha shkëmbimet e tjera të nevojshme ekonomike. Pra, në kuptimin e përgjithshëm diplomacia ekonomike, mund të shërbejë për të zgjeruar rritjen e influencës ekonomike dhe duke shërbyer më shumë si strategji, se sa instrument i politikës së jashtme. Në këtë aspekt, diplomacia ekonomike kalon nga promovimi i bizneseve jashtë vendit drejt zhvillimit të strategjisë, e cila involvon rrjetin diplomatik për ti përfaqësuar dhe ndihmuar në reklamimin e produkteve vendore në tregjet ndërkombëtare. Po ashtu, përmes misioneve diplomatike mundësohet promovimi i potencialeve ekonomike dhe burimeve natyrore, fizike dhe njerëzore të Kosovës.Disa prej qëllimeve kryesore të diplomacisë ekonomike përmes strategjisë kombëtare duhet të jetë:

-lehtësimi i qasjes në tregjet e huaja për bizneset nacionale;

– tërheqja e investimeve direkte të huaja; dhe

– Pjesëmarrja në institucionet ndërkombëtare duke i’u shërbyer interesave nacionale.

Kompenentat kryesore të cilat do të mundësojnë realizimin e një diplomacie të sukseshme ekonomike, nuk përfshin vetëm angazhimin ekonomik të Ministrisë së Punëve të Jashtme, por më tepër, atë të Tregtisë së Industrisë, dhe Ministrinë e Diasporës dhe Investimeve Strategjike. Pra, nuk ështe vetëm një njësi e promovimit të diplomacisë ekonomike në kuadër të hierarkisë institucionale. Por, të gjitha këto institucione shtetërore së bashku duhet të ndërrmarin nisma të përbashkëta për funksionalizimin ndër-institucional me qëllim realizimin e suksesshëm të diplomacisë ekonomike. Bashkëpunimi i këtyre institucioneve ështe i domosdoshëm për shkak të ndërlidhshmërisë së ushtrimit të diplomacisë ekonomike dhe praktikimit te diplomacisë tradicionale.

Roli i misioneve diplomatike konsullore në tërheqjen e investimeve strategjike të huaja

Tërheqja e investimeve direkte të huaja do të bazohet në legjislacionin në fuqi, përkatësisht në Ligjin Nr. 05/L-079 për Investimet Strategjike në Republikën e Kosovës dhe Ligjin Nr. 04/L-220 për Investimet e Huaja. Këto dy ligje kanë për qëllim nxitjen, tërheqjen dhe krijimin e kushteve për realizimin e investimeve strategjike në Republikën e Kosovës. Ligji inkurajon dhe mbështet investimet vendore dhe të huaja në sektorët si; energji, infrastrukturë, miniera, transport dhe telekomunikacion, turizëm, bujqësi dhe shëndetësi. Poashtu këto ligje japin garanci maksimale juridike për investitorët e huaj. Gjithashtu ligji për themelimin e zonave ekonomike dhe zonave ekonomike të lira ka për qëllim “nxitjen dhe inkurajimin e investimeve në Kosovë duke iu ofruar investitorëve infrastrukturë të përshtatshme për zhvillimin e veprimtarisë afariste. Pra, ky ligj do të krijojë premisa për tërheqje të drejtpërdrejtë të investimeve të huaja që sjellin vlerë në ekonominë e Kosovës.Prandaj është e domosdoshme duke u bazuar në kapacitetet ekzistuese të misioneve diplomatiko-konsullore, të fuqizohet më tutje promovimi i diplomacisë ekonomike si dhe monitorimi i vazhdueshëm i punës së këtyre misioneve për promovimin e mundësive të reja, potencialeve dhe idenfitikimin e investitorëve strategjik.

Gjithashtu duhet bërë përcjellja e ngjarjeve biznesore në vendet ku misionet diplomatike janë të akredituara për të prezantuar imazhin e Kosovës si destinacion i përshtatshëm për bizneset e huaja. Në këtë kontekst, misionet diplomatike duhet të sigurojnë material propagandues për kapacitetet egzistuese të Kosovës, me qëllimin e mbajtjes së prezantimeve përpara bisnemenëve në vendet e cileve misioni diplomatik është i akredituar. Po ashtu, një nga objektivat kryesore të “diplomatëve ekonomike” duhet të jetë edhe mbrojtja e bisneseve nacionale të cilat operojnë në tregjet e huaja, si dhe mbështetja e tyre për krijimin e lehtësirave të eksportit të produkteve vendore në rrjetin ekonomik ndërkombëtar. Një nga pikat kryesore të misoneve diplomtike duhet të jetë edhe vendosja e kontakteve me diasporën tonë dhe intensifikimin e bashkëpunimit me bisneset kombëtare.

Në përgjithësi top prioritet i Qeverisë së Kosovës duhet të mbetet PROGRESI EKONOMIK. Ministria e Punëve të Jashtme dhe misionet diplomatike, duhet të shfrytëzojnë diplomacinë ekonomike për të implementuar këtë prioritet. Në këtë rrafsh puna e përditshme e Ministrisë duhet të jetë:Përfaqësimi i Republikës së Kosovës si një destinacion për promovimin e tërheqjes së investimeve të huaja dhe të bërit biznes,

-Aktivitete për stimulimin e eksporteve të produkteve vendore; këto aktivitete duhet të kontribuojnë në përforcimin e pozitës së vendit si vend i përshtatshëm në të bërit biznes dhe si vend i përshtatshëm për turizëm.

Trajnimi i stafit të autorizuar për aktivitete ekonomike

Duhet të sigurohet trajnim adekuat për personelin e autorizuar për aktivitet ekonomike, qofshin ata diplomatë të cilët deri më tani kanë pasur pozita të rëndësishme në hierarkinë diplomatike, apo ata të cilët për herë të parë e pretendojnë një gjë të tillë. Në këtë aspekt, një rol të vecantë duhet ta luaj edhe Akademia Diplomatike përmes trajnimeve adekuate.

Pastaj caktimi i ‘diplomatëve ekonomikë’ duhet të ndodhë në bazë të analizave të detajuara nga ana e Ministrisë së Punëve të Jashtme, duke marrër parasysh interesin e vendeve të huaja për të ardhur dhe investuar në Republikën e Kosovës. Krijimi i një stafi i cili mund të shërbejë si përgjegjës për promovimin e interesave ekonomike të Kosovës në vendet ku duhet të shërbejnë, përbënë një proces kompleks në vetvete. Së pari, ata duhet të njohin kapacitetet e vendit të tyre në kuptimin e gjerë, duke përfshirë këtu legjislacionin i cili e rregullon sferën e ekonomisë, ndryshimet të cilat ndërrmiren në vazhdimësi përmes legjislacionit me qëllim për të përmisuar ambientin e biznesit për investitorët e jashtëm dhe të brendshëm dhe projektet madhore për të cilat ka nevojë Kosova. Me një politikë të tillë afat-mesme (2018-2021) duhet të parashohim ndryshime kulitative në strukturën e stafit nëpër misione diplomatike dhe konsullore dhe në përgjithësi në Ministrinë e Punëve të Jashtme për të futur rrjetin diplomatik në shërbim të promovimit të ekonomisë.

E falenderojme zv.Ministrin Hoti qe e ndau kete opinion studimor me lexuesit e Diellit.

Mitchell: Kosova duhet të ndërmarë disa hapa tepër të rëndësishëm

March 12, 2018 by dgreca

-Presidenti Thaçi priti ndihmës-sekretarin Mitchell, flasin për perspektiven euroatlantike të Kosovës/

1 Mitchell-Thaci-5

–Ndihmës Sekretari i Shtetit për Çështje Evropiane dhe Evroaziatike, Wess Mitchell në Prishtinë: Shtetet e Bashkuara të Amerikës janë për një Kosovë sovrane, shumetnike dhe demokratike dhe për t’u riangazhuar për mbështetjen e rrugëtimit evroatlantik për Ballkanin Perëndimor/

1 okMitchell-Thaci-6 -Jam i vetëdijshëm se Kosova së fundmi shënoi dhjetëvjetorin e shtetësisë së saj. Kosova ka arritur shumë gjatë këtyre dhjetë viteve në ndërtimin e institucioneve të besueshme, duke treguar shkallë fenomale të lartë të rritjes ekonomike dhe përparim në transformimin e saj të sigurisë. Kosova duhet të ndërmarë disa hapa tepër të rëndësishëm gjatë këtij viti për të siguruar rrugëtim të vazhdueshëm drejt të ardhmes perëndimore/

Gazeta DIELLI nga korrespondenti në Kosovë Behlul Jashari/

1 Behluli

PRISHTINË, 12 Mars 2018/ Ndihmës Sekretari i Shtetit të SHBA-ve për Çështje Evropiane dhe Evroaziatike, Wess Mitchell, mbërriti sot për vizitë në Kosovë, ku fillimisht u prit në mesditë në Aeroportin e Prishtinës nga Presidenti i Republikës, Hashim Thaçi dhe pas takimit u mbajt një konferencë për shtyp.

Në konferencë të përbashkët me ndihmës-sekretarin Mitchell, presidenti Thaçi ka thënë se Shtetet e Bashkuara të Amerikës kanë qenë, janë dhe do të mbesin partner strategjik i Republikës së Kosovës, me miqësi të përhershme dhe marrëdhënie të veçanta.

Ai e ka falënderuar administratën e re amerikane për vëmendjen e veçantë që po i kushton Kosovës dhe tërë Ballkanit Perëndimor.

“E informova z. Mitchell për mundësitë e reja dhe angazhimin tonë, përkushtim tonë, të të gjitha institucioneve të Republikës së Kosovës, që të përmbyllim sa më shpejtë çështjen e demarkacionit me Malin e Zi, në mënyrë që Kosova ta bëjë edhe këtë hap vendimtar për liberalizimin e vizave. Askush më nuk ka asnjë arsye që ta vonojë votimin e demarkacionit në Kuvendin e Kosovës, qofshin ato parti shqiptare apo të komuniteteve, sepse është interes strategjik dhe shtetëror”, u shpreh presidenti Thaçi.

Me ndihmës-sekretarin Mitchell, presidenti Thaçi ka thënë se kanë diskutuar edhe për “hapat e mëtejshëm që do i ndërmerr FSK-ja në plotësimin e kritereve të nevojshme për themelimin e Forcave të Armatosura të Kosovës, si një forcë e re, shumetnike, profesionale, në përbërje të të gjitha komuniteteve dhe në shërbim të paqes e stabilitetit”, si parakusht për anëtarësimin në NATO.

Kreu i shtetit ka thënë se Kosova është e përkushtuar për fqinjësi të mirë dhe forcim të perspektivës evropiane për të gjitha shtetet e Ballkanit Perëndimor.

Ndërsa, Ndihmës-Sekretari i Shtetit të SHBA-së për Çështje Evropiane dhe Euroaziatike, Wess Mitchell, ka thënë se Shtetet e Bashkuara të Amerikës janë për një Kosovë demokratike e shumetnike dhe riangazhohen për mbështetjen e saj në rrugëtimin euroatlantik.

“Do të kemi një rol aktiv në vitin e ardhshëm dhe kemi folur edhe për bashkëpunimin mes Kosovës dhe Shteteve të Bashkuara në fushën e sigurisë, në ekonomi, në energji dhe në veçanti për bashkëpunimin e mirë që e kemi me Kosovën në përballje me terrorizmin dhe luftën kundër ISIS-it”, ka thënë ndihmës-sekretari Mitchell.

Ai ka shtuar se Kosova ka arritur shumë gjatë këtyre 10 vjetëve në ndërtimin e institucioneve të besueshme, duke treguar një rritje ekonomike dhe një transformim të thellë të ekonomisë.

Presidenti Thaçi dhe ndihmës-sekretari Mitchell kanë folur edhe për rëndësinë që Kosova të jetë e angazhuar në dialogun me Serbinë, për rëndësinë e ratifikimit të marrëveshjes për vijën kufitare me Malin e Zi, për transformimin e FSK-së përmes ndryshimeve kushtetuese, për sundimin e ligjit dhe për rëndësinë e luftës së vazhdueshme kundër korrupsionit, për të siguruar kështu një të ardhme euroatlantike, me rritje edhe më të madhe ekonomike.

Konferenca për shtyp e z. Wess Mitchell, Ndihmës-sekretar i Shtetit për Çështje Evropiane dhe Evroaziatike, Prishtinë, 12 mars 2018

Mitchell: Ju faleminderit, President Thaçi për mikpritje dhe pritjen e ngrohtë në Kosovë. Ishte shumë me rëndësi për mua, në vizitën e tim të parë si Ndihmës-sekretar i Shtetit për çështje evropiane dhe evroaziatike, që udhëtimit të parë në Ballkan t’ia filloj këtu në Kosovë. Shtetet e Bashkuara të Amerikës dhe Kosova kanë marrëdhënie të fuqishme dhe të thella, kanë miqësi shumë të thellë dhe kjo administratë është e përkushtuar për vazhdimin dhe thellimin e kësaj miqësie.

Pata dëshira ta theksoja në ndalesën e parë se Shtetet e Bashkuara janë për një Kosovë sovrane, shumetnike dhe demokratike dhe për tu riangazhuar për mbështetjen e rrugëtimit evroatlantik për Ballkanin Perëndimor.Dëshiroj t’ju siguroj për rolin tonë të afërt dhe aktiv në vitin që e kemi përpara. Pata rast të mirë që me Presidentin të flisja për bashkëpunimin e ShBA-së me Kosovën në fushat e sigurisë, ekonomisë dhe energjisë, si dhe në veçanti të shprehja mirënjohjen tonë për bashkëpunimin e ngushtë që e kemi me Kosovën kundër terrorizmit dhe në përpjekjet për ta mposhtur ISIS-in.

Jam i vetëdijshëm se Kosova së fundmi shënoi dhjetëvjetorin e shtetësisë së saj. Kosova ka arritur shumë gjatë këtyre dhjetë viteve në ndërtimin e institucioneve të besueshme, duke treguar shkallë fenomale të lartë të rritjes ekonomike dhe përparim në transformimin e saj të sigurisë. Kosova duhet të ndërmarë disa hapa tepër të rëndësishëm gjatë këtij viti për të siguruar rrugëtim të vazhdueshëm drejt të ardhmes perëndimore. Folëm për normalizimin dhe rëndësinë që Kosova të qëndrojë ngusht e angazhuar në dialog me Serbinë. Folëm për çështjen e kufirit me Malin e Zi dhe për rëndësinë e zgjidhjes së kësaj çështjeje si pjesë e shtegtimit drejt liberalizimit të vizave. Folëm për transformimin e sigurisë dhe që të sigurohet mbështetje prej të gjitha palëve dhe komuniteteve për ndryshim kushtetues, si dhe ia nënvizova presidentit dhe do ta them këtë edhe këtu: askush nuk ka veto për sigurinë e Kosovës. Si dhe folëm për sundimin e ligjit dhe rëndësinë e vazhdimit të luftës kundër korrupsionit për të siguruar të ardhme demokratike dhe rritje ekonomike për Kosovën. Në të gjitha këto fusha, Kosova mund ta zgjedhë vetë të ardhmen e vet, por dëshiroj t’ju siguroj se Shtetet e Bashkuara të Amerikës kanë punuar dhe do të vazhdojnë të punojnë përkrah Kosovës në çdo hap.

Pra, edhe njëherë, president Thaçi, ju faleminderit për mikpritje. Jam shumë i lumtur që jam këtu në Kosovë dhe i mirëpres pyetjet tuaja.

Pyetje: Përshëndetje. Jam Arton Mulliqi nga Radiotelevizioni i Kosovës. Kam një pyetje për juve, z. Mitchell. Mediet në Serbi, e po citohen edhe nga mediet në Kosovë kosovare, raportojnë se vizita juaj në vendet e Ballkanit perëndimor, me këtë rast edhe në Serbi, do të prodhojë një takim me presidentin dhe krerët e shtetit serb ku ju do t’ua prezantoni një plan të ri për Kosovën, i cili, sipas raporteve, është plan shtesë nga ajo që është prezantuar nga presidenti Ahtisaari dhe që ka të bëjë me kompetencat shtesë që ju do të propozoni për asociacionin e komunave me shumicë serbe e në këmbim të kësaj Kosova do të lejohet nga Serbia që të kërkojë anëtarësim në organizatat e ndryshme ndërkombëtare. A është e vërtetë? A ekziston një plan i tillë? A do ta bëni këtë gjatë vizitës në Serbi apo këto janë vetëm raportime të kota?

Mitchell: Ju faleminderit për këtë pyetje. I pashë këto spekulime në rrugë e sipër dhe mendova se kjo ishte gazetari shumë kreative. Mund t’ju them se nuk kam ardhur për të shpalosur asnjë plan specifik. Ajo që kam ardhur është për tu angazhuar me të dy vendet, Kosovën dhe Serbinë për çështjen e të ardhmes së tyre të përbashkët, për të folur për dialogun, për të folur për shtegtimin perëndimor për të dy vendet dhe për Ballkanin perëndimor dhe pres me kënaqësi të diskutoj për këto çështje këtu dhe në Serbi.

Pyetje: Besnik Tahiri nga Klan Kosova. Z. Mitchell, pyetja e parë: Pak më herët thatë se Shtetet e Bashkuara nuk do të lejojnë veto sa i përket çështjes së krijimit të armatës së Kosovës. A po flisni për serbët këtu, për politikanët vendorë dhe a do t’ua thoni këtë atyre këtu?

Dhe pyetja e dytë: shkurtimisht, a po shihni rritjes të ndikimit të Rusisë në Ballkan, veçanërisht në Kosovë, në veri? Ju faleminderit!

Mitchell: Ju faleminderit për këto pyetje. Shtetet e Bashkuara të Amerikës kanë qenë mbështetëse e ngushtë e transformimit të Forcës së Sigurisë së Kosovës. Do të vazhdojmë ta mbështesim atë transformim në të gjitha nivelet. Mendoj se miqtë tanë në Beograd janë shumë të familjarizuar me qëndrimin amerikan dhe mirëpres mundësinë ta përsëris këtë qëndrim në Beograd.

Sa i përket pyetjes suaj të dytë: Po, po shohim se si Rusia po luan një rol rrënues gjithnjë e më të madh në shumicën e Ballkanit duke shpërndarë desinformata, duke minuar institucionet demokratike dhe kemi qenë të qartë në bisedat tona me rusët se kjo gjë nuk është as në interesin e tyre e as të popujve të këtij rajoni.

***

Assistant Secretary of State Mitchell Press Conference, Pristina Airport, March 12, 2018

A/S Mitchell: Thank you, President Thaçi for your hospitality and for welcoming me here in Kosovo. It was very important for me, on my first trip as Assistant Secretary of State for Europe and Euroasia, to start my first trip to the Balkans in Kosovo. The United States and Kosovo have a very strong and deep relationship, a very deep friendship and this administration is committed to continuing and deepening that friendship.

I wanted to reiterate in this first stop that the U.S. is for a sovereign, multiethnic and democratic Kosovo, and to reengage in support of the Euro-Atlantic path for the Western Balkans.

I want to assure you of our close and active role in the year ahead. I had a good opportunity with the President to talk about the U.S. cooperation with Kosovo in the fields of security, economics, and energy, and particularly conveyed our appreciation to the close cooperation that we have with Kosovo in counterterrorism and the efforts to defeat ISIS.

I am cognizant of the fact that Kosovo has recently marked its tenth anniversary of statehood. And Kosovo has come a long way in those ten years in building credible institutions, in showing a phenomenally high economic growth rate, and progress in its security transformation. The country has very important steps to take now in the year ahead to ensure a continued path towards a western future. We talked about normalization and the importance for Kosovo staying very closely engaged with Serbia in the dialogue. We talked about the border issue with Montenegro and the importance of resolving this as part of a path towards visa liberalization. We talked about security transformation and securing support from all parties and communities for a constitutional amendment, and I underscored to the President and I will say it again here that no one has a veto on Kosovo’s security. And we talked about the rule of law and the importance of continuing the fight against corruption in order to ensure a democratic future and economic growth for Kosovo. In all these areas, only Kosovo can choose its own future, but I want to assure all of you that the United States has been and will continue to be working along side Kosovo every step of the way.

So, thank you again, President Thaçi for your hospitality. Very happy to be here in Kosovo and look forward to hearing your questions.

Q: Hello. I am Arton Mulliqi from Radio Television of Kosovo. I have a question for you, Mr. Mitchell. Media in Serbia, which are also being quoted by Kosovo’s media, report that your visit to the western Balkans countries, will bring a meeting with the President and other heads of the Serbian state where you will introduce a new plan for Kosovo, which – as it is reported – is an annex to President Ahtisaari’s plan dealing with additional authorities that you will propose for the Association of Serb Majority Municipalities. In exchange, Kosovo would get Serbia’s approval for membership in various international organizations. Is this true? Does such a plan exist? Are you going to do this during your visit to Serbia or are these just useless reports?

A/S Mitchell: Thank you for that question. I did see that speculation on the trip on the way over and I thought that was very creative journalism. I can tell you I didn’t come to unveil any specific plan. What I did come to do is engage with both Kosovo and Serbia on the question of their joint future, to talk about the Dialogue, to talk about a western path for both countries and for the western Balkans, and I am looking forward on having those discussions both here and in Serbia.

Q: Besnik Tahiri from Klan Kosova. Mr. Mitchell, the first question is you said before that the United States will not leave a veto when it comes to creating the army of Kosovo. Are you talking about Serbians here, local politicians, and are you going to tell them that here.

And the second question: shortly, do you see any growing influence of Russia in the Balkans, especially in Kosovo, when it comes to the north? Thank you!

A/S Mitchell: Thank you for those questions. The United States has been a very close supporter of the transformation of the Kosovo Security Force. We will continue to support that transformation at all levels. I think our friends in Belgrade are very familiar with the American position. I look forward to reiterating that when I’m in Belgrade.

To your second question: Yes, we do see Russia playing an increasingly destructive role in much of the Balkans, in spreading disinformation, undermining democratic institutions, and we’ve been clear in our conversations with the Russians that that is neither in their interests nor in the interest of people of this region.

SHBA, MBËSHTETJE KOSOVËS NË TË GJITHA FUSHAT/

2 Mitchell-Haradinaj-2

-Mitchell-Haradinaj, inkurajim që të punohet më shumë në forcimin e sundimit të ligjit, por edhe në rritjen ekonomike të Kosovës/

-Kosova, e përkushtuar për miqësi të përhershme me SHBA-të/

PRISHTINË, 12 Mars 2018-Gazeta DIELLI/ Ndihmës Sekretari i Shtetit për Çështje Evropiane dhe Evroaziatike, Wess Mitchell, sot në Prishtinë rikonfirmoi mbështetjen e Shteteve të Bashkuara të Amerikës ndaj Kosovës në të gjitha fushat, duke inkurajuar që të punohet më shumë në forcimin e sundimit të ligjit, por edhe në rritjen ekonomike. Kryeministri i Republikës së Kosovës, Ramush Haradinaj, priti sot pasdite në takim Ndihmës Sekretarin e Shtetit të SHBA-ve për Çështje Evropiane dhe Evroaziatike, Wess Mitchell, i cili po qëndron për vizitë zyrtare në Kosovë.

Në fokus të bisedës ishin zhvillimet politike në vend, mbështetja që SHBA-të po japin në ndërtimin dhe konsolidimin e Kosovës, si dhe thellimi i bashkëpunimit ndërmjet dy vendeve.

Kryeministri Haradinaj falënderoi Ndihmës Sekretarin Mitchell për ndihmën e pakursyer të SHBA-ve, duke theksuar nevojën për mbështetje të mëtejme në të gjitha proceset integruese të Kosovës, por edhe në zhvillimin ekonomik dhe në forcimin e sundimit të ligjit.

“Mbështetja që SHBA-të i kanë dhënë dhe po i japin Kosovës në të gjitha proceset e shtetndërtimit dhe tani në rrugën e saj euroatlantike, është jetike për Republikën e Kosovës. Ne jemi mirënjohës për gjithë atë që Shtetet e Bashkuara të Amerikës kanë bërë dhe po bëjnë për Kosovën, e po ashtu të gjithë ne jemi të përkushtuar për miqësi të përhershme me SHBA-të”, tha kryeministri Haradinaj.

Më tej, kryeministri Haradinaj tha se Qeveria që ai drejton është e fokusuar në zbatim dhe prioritet e ka zhvillimin ekonomik të vendit.

Në këtë takim, po ashtu u bisedua për krijimin e ushtrisë së Kosovës përmes një procesi kushtetues dhe ligjor, si dhe për dialogun me Serbinë, për të cilin kryeministri tha se duhet të përmbyllet me njohje reciproke.

Në takim të pranishëm ishin zëvendëskryeministri dhe ministri i Jashtëm, Behgjet Pacolli, zëvendëskryeministrat Enver Hoxhaj dhe Dalibor Jevtiç, zëvendës ambasadorja amerikane në Kosovë, Colleen Hyland dhe ambasadorja e Kosovës në SHBA, Vlora Çitaku, bën të ditur njoftimi dërguar nga Qeveria.

Ndihmës Sekretari i Shtetit të SHBA-ve për Çështje Evropiane dhe Evroaziatike, Wess Mitchell, nisi sot një vizitë në Kosovë, ku do jetë edhe nesër.

Ai filimisht u takua në mesditë me Presidentin Hashim Thaçi, ndërsa ambasada e SHBA në Prishtinë ka paralajmëruar takime edhe me përfaqësues tjerë politikë dhe të shoqërisë civile.

Njoftimi dërguar nga Ambasada Amerikane thekson se, Ndihmës Sekretari Amerikan i Shtetit do të riafirmojë lidhjet e ngushta mes Kosovës dhe Shteteve të Bashkuara dhe do të inkurajojë qeverinë e Kosovës që të bëjë përparim në dialogun me Serbinë, në forcimin e sundimit të ligjit, në ngritjen e rritjes ekonomike, dhe që të tejkalojë sfidat rajonale në dobi të stabilitetit dhe integrimit perëndimor.

Në 8 shkurt 2018 qeveria kosovare njoftonte se kryeministri Ramush Haradinaj në vizitën zyrtare në Washington ka takuar Wess Mitchell, Ndihmës Sekretar i Shtetit për Evropën, i cili shprehu mbështetjen e SHBA-ve në rrugën demokratike të Kosovës.

Kryeministri Haradinaj me atë rast, mes tjerash, tha se përfshirja e SHBA-së në dialogun Kosovë-Serbi është me rëndësi për të dhënë rezultate dhe për ta përmbyllur këtë proces.
Ndihmës Sekretari Amerikan i Shtetit për Çështje Evropiane dhe Evroaziatike, Wess Mitchell, pas vizitës në Prishtinë do qëndrojë në Beograd në 14 mars, ku, sipas medias serbe, do takojë Presidentin e Serbisë, Aleksandar Vuçiç, Kryeministren Ana Brnabiç, si dhe liderë opozitarë.