Kryesia – Dielli

PRESIDENTI I RI VATRËS PUBLIKON LISTËN E KRYESISË, 6 JANË EMRA TË RINJ

June 14, 2017 by dgreca

PRESIDENTI I RI VATRËS PUBLIKON LISTËN E KRYESISË, 6 JANË EMRA TË RINJ/

* KRIJOHET KOMISIONI I GARANCIVE TË KANUNORES SË FEDERATËS PANSHQIPTARE TË AMERIKËS VATRA ME KRYETAR JURISTIN BASHKIM MUSABELLIU

*KRIJOHET ZYRA ADMINISTRATIVE E PRESIDENTIT TË FEDERATËS PANSHQIPTARE TË AMERIKËS”VATRA”, SHEF KABINETI PASHKO CAMAJ, KËSHILLTAR- MARKO KEPI, SEJDI HYSENAJ- SHEF PROTOKOLLI.-DRITAN HAXHIA EMROHET KOORDINATOR I MEDIAS/

EMRA TË RINJ NË KRYESINË E VATRËS

Presidenti i ri i VATRËS, z. Dritan Mishto, dje, e Martë 13 Qershor 2017, ka nxjerrë vendimin për emërimin e Kryesisë së re të Vatrës. Bien në sy emra të rinj, shkon në dy numri i femrave, VJen Marjan Bulku. Ka dhe gërshetim moshash.

Ja emrat:

1- Agim REXHAJ -Nënkryetar

2- Adriatik SPAHIU-Nënkryetar

3-Nazo VELIU -Anëtar

4-Zef Balaj-Anëtar

5-Marjan CUBI-Anëtar

6-Besim MALOTA-Anëtar

7- Dr. Skënder MURTEZANI-Anëtar

8-Sokol BEJLERI -Anëtar

9-Marjana BULKU-Anëtare

10- Tom BENO-Anëtar

II- Në vendim shënohet se do të vazhdojnë kryerjen e detyrës së tyre:

Dalip Greca, Editor i Gazetës DIELLI
Mit’hat Gashi, Drejtues i Fondit të Studentëve
Marjan Cubi, Financier

V E N D I M Nr. 2, që nxori dje, Presidenti i ri i Vatrës ka të bëj me Krijimin e Komisionit të Garancive të Kanunores. Ja Vendimi:

Në zbatim të Kanunores dhe të Vendimeve të Kuvendit të Vatrës, mbajtur në Nju Jork ,më 10 Qershor 2017:

V E N D O S A:

Krijimin e Komisionit të Garancive të Kanunores së Federatës Panshqiptare VATRA me përbërjen e tre anëtarëve.
Emërimin e Z. Bashkim Musabelliu Kryetar i Komisionit të Garancive të Kanunores.
Ngarkohet Z. Bashkim Musabelliu që brenda 30 ditëve nga fillimi i detyrës të paraqesë kandidaturat për anëtarë të këtij komisioni.

III- ZYRA ADMINISTRATIVE E PRESIDENTIT TË FEDERATËS PANSHQIPTARE TË AMERIKËS”VATRA”

Vendimi nr 3 që nxori Presidenti i ri i Vatrës ditën e djeshme është krijimi i Zyrës Adminsitrative të Presidentit. Ja Vendimi:

V E N D O S A:

Krijimin e Zyrës Administrative të Presidentit të Federatës Panshqiptare VATRA.

Pashko Camaj emërohet Shef i Kabinetit.
Marko Kepi emërohet Këshilltar.
Sejdi Husenaj emërohet Shef i Protokollit dhe Eventeve.
Dritan Haxhia emërohet Koordinator i Medias

Ky vendim hyn në fuqi menjëherë. Nju Jork, 13 Qershor 2017

President

Dritan Mishto

Kosovë-Kuvendi me mungesa kuorumi edhe në mbledhje të Kryesisë

November 15, 2016 by dgreca

-Shkaku i mungesës së kuorumit në mbledhje të Kryesisë ende pa vendim për seancë të re plenare të Kuvendit të Kosovës/

-Tërhiqet një nga 40 nënshkrimet e deputetëve – nuk plotësohen kushtet për seancë të jashtëzakonshme/

PRISHTINË, 15 Nëntor 2016-Gazeta DIELLI-B.Jashari/ Kryesia e Kuvendit të Republikës së Kosovës edhe sot mbeti pa kuorum, të cilin nuk e kishte as dje për mbledhjen e ftuar të përbashkët me kryetarët e grupeve parlamentare.Kryesia nuk pati kuorum për të vazhduar mbledhjen e nisur sot, pasi e lëshoi grupi parlamentar i Lëvizjes Vetëvendosje.Fillimisht, Kryesia u njoftua me kërkesën e Lëvizjes Vetëvendosje dhe të deputetë nënshkrues, për seancë të jashtëzakonshme, për datën 16 nëntor, në lidhje me zhvillimet e fundit hetimore në rastin e vdekjes së aktivistit të LVV-së Astrit Dehari në Qendrën e Paraburgimit në Prizren, si dhe me shkresën e deputetit të PDK-së, Bislim Zogaj, për tërheqjen e nënshkrimit të tij nga kjo kërkesë.

“Deklaroj se me dt. 12. 11. 2016, kam firmosur kërkesën e GP VV për mbajtjen e një seance plenare për sqarim lidhur me rastin. Mirëpo, ju njoftoj se firma ime është përdorur për një seancë të jashtëzakonshme, për të cilën nuk jam i gatshëm. Preferoj që paraprakisht të priten rezultatet e hetimit nga institucionet përkatëse”, thuhet në sqarimin e deputetit Zogaj.

Në këto rrethana, u konstatua se kërkesa, e mbetur me 39 nënshkrime, nuk i plotëson kushtet për seancë të jashtëzakonshme, meqë duheshin së paku 40 nënshkrime deputetësh.

Në këtë situatë, përfaqësuesit e grupit parlamentar të Vetëvendosjes e lëshuan mbledhjen e Kryesisë së Kuvendit të Kosovës, duke bërë të ditur se nuk janë të gatshëm të marrin pjesë në asnjë seancë të rregullt, pa u mbajtur seanca e jashtëzakonshme.
Mbledhja e Kryesisë ishte ftuar për përgatitjet për vazhdimin e seancës plenare të 28 tetorit, e cila u ndërpre në mungesë kuorumi, si dhe për seancë të re plenare të Kuvendit të Kosovës me mbi 10 pika në axhendë.Në seancën e re plenare, për të cilën Kryesia nuk vendosi as sot në mungesë kuorumi, rreth gjysma e pikave pritet të janë për shqyrtimin e parë të 5 projektligjeve: për ndryshimin dhe plotësimin e Ligjit për procedurën përmbarimore, për ndryshimin dhe plotësimin e Kodit të Procedurës penale, për kontrollin e mbrendshëm të financave publike, për Inspektoratin Shëndetsor dhe për ndryshimin dhe plotësimin e Ligjit për liritë fetare në Kosovë.Një nga pikat tjera pritet të jetë rekomandimi i Komisionit për Buxhet dhe Financa lidhur me kërkesën e Fondit të Kursimeve Pensionale të Kosovës për miratimin e taksave vjetore për vitin 2017.Kryesia e Kuvendit të Kosvës, kryesuar nga Kadri Veseli, kryetar, para se të mbetet pa kuorum sot, vendosi që seanca plenare e ndërprerë të vazhdojë të enjten, në 17 nëntor.

Aktivitet i Deges se “VATRES” ne Hartford – Connecticut

February 20, 2015 by dgreca

NJOFTIM I KRYESISE/
Dega e “VATRES” ne Hartford njofton se te dielen qe vjen, me 22 shkurt 2015, ne oren 9 para dite, vatranet e atjeshem do te takohen ne nje mbledhje te pergjitheshme, me te gjithe antaret.
Ky njoftim eshte i mirepritur, duke patur parasyshe se ajo dege nuk ka komunikuar zyrtarisht me Kryesine e “VATRES” qe nga themelimi i saj vitin e kaluar, kur u inaugurua dega dhe u zgjodh Keshilli i Perkohshem i saj.
Kemi degjuar per ndonje mosmarreveshje, dukuri kjo qe nuk eshte e jashtezakonshme, sidomos ne fillim, prandaj eshte e domosdoshme nje mbledhje me te gjithe antaret, ku ndonje keqkuptim ose pakjartesi do te shqyrtohen bashkerisht dhe te zgjidhen me vota, ne harmoni me njeri tjetrin dhe ne perputhje me Kanunoren e “Vatres”.
Tani po afrohet Kuvendi Vjetor, prandaj eshte koha te behen zgjedhjet e Keshillit, me anetare te rinj ose me konfirmimin e anetareve te perkohshem, ose te perzier, gjithenje me shumicen e votave.
Eshte e ditur nga te gjithe se anetarsimi ne “Vater” eshte ne baze vullnetare, por, ai ose ajo qe antaresohet, merr obligim te respektoje Kanunoren e “Vatres”.
Vendimet mirren me voten e shumices,prandaj mbledhja e thirrur me voten e shumives se antareve te Keshillit eshte legjitime dhe duhet respektuar.
Mbledhja e anetareve te deges eshte vendi dhe vota e shimices eshte menyra per te zgjidhur mospajtimet.
Te gjithe vatraneve te deges Hartford iu urojme sukses ne mbledhjen e dites se djele me 22 shkurt, te dalin me faqe te bardhe!
NE FOTO:Arkiv-Organizimi i deges se Hartfordit