Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Çfarë po i ndodh kombit shqiptar ?

by

-Kombi shqiptar në rrezik. Ne Kuvendin e Shqipërisë nuk respektohen studentet qe rrezuan komunizmin ndërsa në Kosovë vendi po shkon drejt destabilizimit.

-Me ligjin e ri për emigrantet shqiptare te sapo miratuar nga Parlamenti shqiptar personat qe vdesin në Amerike dhe nuk janë riregjistruar nuk mund të varrosen në Shqipëri!.

Opinion nga Lek Gjoka/Jacksonville / Florida/

Fatkeqësisht ky vit në trojet etnike shqiptare ka trokitur me mjaft ngjarje jo të mira të cilët të krijojnë një pesimizëm për të ardhmen e popullit shqiptar në Shqipëri dhe Kosovë.

Kuvendi i Republikës së Shqipërisë miratoi ligjin e detyrueshëm për Diasporën Shqiptare për tu riregjistruar ndryshe konsullatat shqiptare nuk do t’iu shërbejnë qytetareve te tyre shqiptare në këto vende. Te flasësh për prapaskenat e këtij ligji sigurisht duhet të jesh i fushës juridike por ato që me shqetësojnë mua si emigrant janë disa por kryesoret janë se qeveritë shqiptare nuk janë të besueshme dhe për pese dollarë mund të shesin databazen e të dhënave personale te diasporës shqiptare megjithëse në një ligj të tij thuhet se mbrohen 100% nga ministria përkatëse.

Si mund ti besoj politikaneve shqiptare kur deputetja Mesila Doda iu kërkon që të respektojnë grevën e urisë të studenteve që rrezuan diktaturën komuniste në Shqipëri dukë i duartrokitur por as njëra nga palët e parlamentit nuk pranuan. Nuk e di dëshirën e deputeteve të zgjedhur me votën e popullit nëse kanë nostalgji për diktaturën komuniste apo si bijë të atyre që e gjakosen kombin shqiptar për gjysmë shekulli duan ta rikthejnë atë diktature?Gjithësi jam pro regjistrimit pa kushte të shqiptareve të diasporës po dikush që ka urrejtje ekstreme për qeverinë socialiste dhe nuk beson në ketë ligj dhe nuk regjistrohet as vete a as familjen e tij. Fatkeqësisht atij personi i vdes një pjesëtar i moshuar i familjes i cili ka lenë amanet të varroset në vendlindje por që të shkosh nga Amerika në Shqipëri (nuk ka rendësi nëse je edhe nënshtetas amerikan) duhet medoemos që konsullata shqiptare të plotësoje disa letra ndryshe agjencitë funerale të Amerikës nuk presin dot biletën e transportit për të vdekurin. Dukë mos qenë i riregjistruar sipas ligjit të miratuar me 19 Shkurt 2016 konsullata shqiptare në Amerike nuk duhet ti shërbeje këtij qytetari të vdekur?!E thëne shqip ai duhet të prehet në dhe të huaj dhe amaneti i tij për tu prehur në vendlindje te mos realizohet. Vërtetë dikush mund të shprehet se është faji i të birit që nuk e regjistroi por kur një person vdes nuk duhet të ekzistoi asnjë ligj sikur ishte në diktaturën komuniste që emigrantet politike i quanin tradhtarë dhe nuk i linin të preheshin në Shqipëri!..

Problemi tjetër si qytetar shqiptar është situate shumë e tensionuar në Parlamentin e Kosovës që shumë shpejt do të dale jashtë kontrollit. Çdo lloj dhunë në parlament nuk duhet të ndodhe dhe faji nuk është vetëm i atyre që hodhën gazin lotsjellës por i qeverise e cila moralisht duhet të largohet dhe të shkoje në zgjedhje të reja si e vetmja zgjidhje paqësore qe nuk do ta kaloje Kosovën ne destabilizim.

Përse qeveria e Kosovës nuk e pranon një gjë të tille kur në Greqi Partia në pushtet për probleme ekonomike e dërgoi Greqinë në zgjedhje të reja?

Arsyeja është tepër e thjeshte. Ashtu si në Shqipëri edhe në Kosovë kolltuku e pushtetit është aq i ëmbël sa të kthen nga një hero në një diktator dhe njeriu me i urryer i popullit tënd. Pra në Kosovë egoja e Hashim Thaçit për tu bërë me çdo çmim President e Republikës se Kosovës po e dërgon vendin në humnere ku dhe ai vete do të dale i humbur. Demokracia nuk ekziston në Kosovë sepse çdo deputet ka imunitet që mbrohet me Kushtetute dhe nuk mund të arrestohet dot pa ia hequr mandatin. Ne Kosovë policia arreston deputetet e opozitës si kriminele ordinere . Shqip arreston një popull që i votuan këto deputete. Nesër i gjithë opozita kosovare edhe mund të jap dorëheqjen ose të burgoset por do të jete fundi i demokracisë dhe largimi me dhunë i qeverise që do të shkaktojë destabilizim dhe gjakderdhje.

Para se të jete vonë politikanet e Kosovës duhet të gjejnë gjuhën e përbashkët ku e vetmja zgjidhje paqësore është zgjedhje të reja dhe mos zgjedhja e Hashim Thaçit president i Kosovës nga ky parlament i cunguar dhe jo demokratik.

Me vjen shumë keq që kombi shqiptar ndodhet në rrezik ndaj politika shqiptarë duhet ti shërbeje kombit të tij që e votoi dhe jo interesave te veta financiarë dhe të largojë mendjes e të qe nurit përherë në karrigen e pushtetit sepse pa ndërrime pushteti nuk ka as demokraci dhe as zhvillim e mirëqenie për popullin.

 

 

 

Shkurt 2016

Shqiptaret e Amerikës duhet ta bojkotojnë Samitin e Diasporës Shqiptare në Tiranë

by

Opinion Nga Lek Gjoka/Jacksonville-Florida/
-Emigrantet shqiptare që kanë prona në shtetet ku jetojnë pse duhet të regjistrojnë këto prona për qeverinë e Tiranës që nesër të taksohen dy here për këto prona?!.
Zhurma e madhe mediatike e mediave pro kryeministrit Rama për Samitin e parë të Diasporës shqiptare në Tiranë u fashit shumë shpejt dukë pritur ardhjen e pranverës. Edhe gazetat shqiptare të Amerikës të printuara apo online thjeshtë e kaluan si lajm vizitën e kryeministrit shqiptar në Amerike dhe reklamën farse të tij për bashkimin e diasporës shqiptare.
Perse kërkoj që shqiptaret e diasporës së Amerikës duhet ta bojkotojnë ketë Samit.
Mund të sjell për lexuesin dhjetëra e dhjetëra arsye se pse ky kryeministër nuk është i aftë për një Samit të tille.
Shqiptaret e Amerikës janë edhe nënshtetas të Shteteve të Bashkuara të Amerikës, Kanadasë apo vendeve të tjera dhe si të tilla sjelljet e kryeministrit Shqiptar dhe të qeverise socialiste bien ndesh jo vetëm me kushtetutën e këtyre shteteve por edhe me kushtetutën e Republikës së Shqipërisë Rasti i fundit dhe me flagrant është një nen qe e dërgoi qeveria për miratim në Parlamentin Shqiptar për diasporën shqiptare. Ne të thuhet që të gjithë emigrantet duhet të regjistrohen brenda një kohë të shkurtër dhe të gjitha atë që kanë pasuri të patundshme që është pronësia e një shtëpie duhet ta deklarojnë sesben ndryshe me urdhër të qeverise të gjitha konsullatat shqiptare nuk do t’iu kryejnë asnjë shërbim këtyre qytetareve në shtetet ku jetojnë.
Arsya është mese e thjeshte që nesër qeveria socialiste t’iu kërkojë këtyre qytetareve shqiptare me prona që të pagojne një takse shtese për këto prona përveç taksës që pagojnë si qytetare të këtyre shteteve.
Ky ligj diskriminues për 1/3 e shqiptareve që jetojnë në mërgim vulos përfundimisht pa aftësinë e politikes shqiptare ku emigrantet që sjellin miliona dollarë e euro çdo vit në Shqipëri janë thjesht shqiptar të dorës së dytë megjithëse kushtetuta e Republikës së Shqipëri i mbron njëlloj si çdo shqiptar që jeton brenda trojeve të shtetit shqiptar. Ky nen hedh përfundimisht në ere urren e lidhjes se mërgimtareve me shtetin Ame Republikën e Shqipërisë.
Konsullatat shqiptare në botë nuk paguhen as nga Partia Socialiste apo Partia Demokratike por nga taksat e popullit shqiptar që ti shërbeje këtij populli dhe si të tilla asnjë force politike nuk ka të drejte as morale e as me Kushtetute t’iu refuzoje shërbimin për qytetaret e tij. Ka mbi njëzet e pese vite që Diaspora shqiptare jo vetëm që është e përçare për faj të politikane shqiptare por është ndjere jetime në rastet kur qytetaret kanë nevoje të mbrohen nga qeveria e Tiranës sikur jam burgosjet edhe pa faj të shqiptareve në shtetin Grek apo me gjere.
Atëherë pse qeveria socialiste do që Parlamenti të kalojë një ligj të tillë pak kohë para Samitit të pranverës të diasporës shqiptare?
Sikur e thashë me sipër se qeveria socialiste ju kërkon të deklarojnë pasurinë emigranteve qe kanë prona (megjithëse mijëra prona të emigrantëve në Shqipëri dhe janë vjedhur duke falsifikuar pronësinë dhe asnjë qeveri nuk i mbron) jo atyre që jetojnë me qere që nesër të vjedhë këto qytetare por përveç anës financiarë është edhe vota e tyre. Nëpër mjet manipulimeve politikanet shqiptare do të mundohen me të gjitha mënyrat duke keq përdorur edhe shoqatat shqiptare të Amerikës që vota e emigranteve të grabitet.
Atëherë pse duhet të votojmë në emigrantet?
Arsya është e thjeshte jo se do qeveria e Tiranës por Shqipëria nuk mund të behet dot pjese e Bashkimit Evropian po që se në emigrantet nuk votojmë sikur të gjithë emigrantet e tjerë të shteteve të BE-se.
Pse shqiptaret e Amerikës duhet ta bojkotojnë Samitin e Diasporës shqiptare në Tiranë?
Përveç fakteve të mësipërme se pse diaspora shqiptare e Amerikës duhet ta bojkotoje Samitin e Diasporës shqiptare të Tiranës është sepse kjo qeveri njëlloj sikur bëri Konferenca e Paqes në Paris që copëtoi truallin e kombit shqiptar edhe ky Samit do të ndaje shqiptaret e Amerikës në shqiptaret e Kosovës, Maqedonisë të Malit te Zi si dhe Çamërisë.
Fatmirësisht megjithëse diaspora shqiptare e Amerikës nuk ka arritur akoma që të gjitha shoqatat të arrijnë bashkimin në një Konfederate sikur bëri Noli e Konica në shekullin që lame pas duke formuar Konfederatën Pan Shqiptare Vatra por dasitë mbi përkatësitë fetare, politike, ekonomike dhe krahinore nuk ekzistoni në terma të përgjithshme.
Sigurisht asnjë shoqate shqiptare e Amerikës në një Samit të tille kur pjesa me e madhe e mërgimtareve të lindur në trojet e tyre etnike lihen jashtë nuk ka të drejte morale dhe ligjore që të na përfaqësojë në shqiptareve të Diasporës se Amerikës.
Pra Samiti i Diasporës Shqiptare të Tiranës do të jete një farse e dështuar si shume nisma të tilla që paguhen me taksat e popullit shqiptar ku asnjë qeveri shqiptare nuk ka interes për mërgimtaret sepse duke jetuar dhe punuar në vendet me demokratike të botes janë një opozite e fuqishme për këto politikane të korruptuar që po vazhdojnë sot e kësaj dite t’ia shtrëngojnë litarin në fyt popullit ndaj dhe rinia shqiptare të vetmen shprese jete shikon largimin nga Atdheu.
Pa një bashkëpunim të fuqishëm dhe reciprok midis politikes shqiptare dhe diasporës kombi shqiptar jo vetëm që do të jete i përçare dhe i ndare por nuk do të dale kurrë nga humnera e varfërisë ekstreme që e hodhi kjo klase e korruptuar politike në të gjithë trojet etnike shqiptare.

Jacksonville Florida
Shkurt 2016

Shqiptaret në Florida festuan Ditën e Flamurit dhe 103 vjetorin e Pavarësisë së Shqipërisë

by

Nga Lek Gjoka/
Muaji Nëntor është muaji i shqiptareve i Ditës së Flamurit dhe i Pavarësisë së Shqipërisë .Në Florida vitet e fundit janë shtuar shumë ardhjet e familjeve shqiptare saqë nga Jacksonvilla në Orlando,Tampo, Clearwater , West Palm Beach, Fort Lauderdale ,Miami etj flamuri kuq e zi dhe ndjenjat e shqiptarisë janë bërë jetësore . Ndjenja e të që nurit shqiptar është një kënaqësi e madhe edhe për brezin e ri te mërgimtareve të cilët ndryshe nga vendet e Europe’s krenohen për të qe nurit me gjak shqiptari gjak që qarkullonte edhe në dejtë e nënës së gjithë botës nënë Terezës.
Me 28 Nëntor në Town Center në Jacksonville Florida nga dega e shoqatës Pan Shqiptare Vatra e në veçanti kryetari i saj Adriatik Spahiu u organizua festa e Flamurit dhe 103 vjetori i Pavarise.Restoranti Maggiano’s Little Italy  ishte veshur kuq e zi ku bukurinë me tepër ia shtonin shqiptaret që kishin ardhur për të festuar ketë ditë të shenjtë të shqiptarisë.
Këngëtari i talentuar korçar Devis Xherahu  ftoi të gjithë pjesëmarrësit të ngrihen në këmbë e të këndonin në kor himnin e kombit shqiptar Himnin e Flamurit .I gjithë salla u shkri ne një saqë flamurit shqiptar në mur i shndriste  më shumë nuri kur shikonte emocionet e shqiptareve dukë kënduar himnin e tyre plot ndjenja dhe emocione.
Festa e ktheu ambientet e restorantit në një ambient shqiptar.Sapo mbaroi këngëtari korçar   Devis Xherahu,këgëtaria e talentuar shkodrane Alma Velaj e ndezi sallën me tingujt e bukur të jareve shkodranë duke ju sjelle shkodraneve pjesëmarrës një ndiejnë kënaqësia nga vendlindja e tyre Shkodra e cila ju mungonte prej dhjetëra e dhjetëra vitesh.
Festa po vazhdonte në të njëjtën ritem.Prezantuesja e talentuar e televizionit shqiptar Silvana Braçe në një moment ftoi të gjithë pjesëmarrësit se një vogëlushe amerikano-shqiptare ka dëshirë të recitonte shqip një poezi për Atdheut saj dhe vendlindjen e prindërve të saj Shqipërinë . Salla ra në heshtje.Vajza e vogël shqiptare me gjithë emocionet recitoi plot ndiejna poezinë për Atdheut duke marre në fund duartrokitjet e bashkatdhetarëve të saj.
Edhe aktori i humorit Ermal Mamaqi filloi të fliste plot humor e që në çast kaloi në tingujt e këngëve të tija këngë që ngrenë peshe brezin e ri  të mërgimtareve te cilët nisen të kërcenin rok .
Afroi mesi i natës . Festes po i vinte fundi.Në të vërtete të gjithë donin që kjo nate festive me shije shqiptare të mos mbaronte kurre.Madje ju dukej si e pabesueshme se si orët kishin ecur kaq shpejt.
Jeta vazhdon udhëtimin e saj jetësor plot ndiejna e ngrohtësi floridiane.Në ketë udhëtim jete në Florida edhe shqiptaret vazhdojnë të udhëtojnë në të njëjtin udhëtim jete por pa harruar asnjëherë Shqipërinë , kulturën , historinë dhe gjuhën e ëmbël shqipe si dhe ngjarjet e shënuare të kombit shqiptar sikur është dita e 28 Nëntorit Dita e Flamuri ditë që na kujton valëvitjen e shqiponjës nga heroi ynë kombëtar Gjergj Kastrioti-Skënderbeu mbi kalanë e Krujës dhe valëvitjen po më 28 Nëntor në Vlorë nga plaku i urtë Ismail Bej Vlora i cili bashke bashke me burrat e mençur të kombit shqiptar shpalli Pavarësinë e Shqipërisë nga uzurpimi pese shekullor nga perandoria osmane-turke.
Ëndrra shqiptare vazhdon.Edhe shqiptaret në Florida jo vetëm në raste festash por gjithmonë po presin në pritje shekullore bashkimin e trojeve të copëtuara shqiptare në një Shqipëri Etnikë.
Jacksonville Florida
Nëntor 2015

 

A është Evropa dhe Shqipëria e rrezikuar ?

by

A është e rrezikuar paqja nga ekstremizmi islamik?/
Nga Lek Gjoka/
Paqja asnjëhere nuk po arrin dot të vijë në planetin Tokë.Pranvera arabe në të vërtetë arriti të largojë disa diktatorë në Lindjen e e Mesme por Siria prej disa vitesh u përfshi jo në një luftë civile por në një konflikt botëror midis islamizmit ekstrem të cilet krijuan një Kalif, Shtetin Islamik të shtrirë midis Sirisë dhe Irakut dhe botës së qyteteruar.
Sot bota është e tronditur.Edhe në shtetet me demokratike të botës paqja dhe siguria nuk është më e sigurtë.Fajtorë për prishjen e kesaj balance paqeje është islamizmi ekstremist që ndryshe quhet xhihad.Rasti me i fundit shënohët në France me 13 Nentor 2015. Parisi u mbërthye nga terrori nga shtatë sulme në zemër të qytetit, ku kanë mbetur qindra persona të vdekur. Ka pasur të shtëna me armë brenda një restoranti, dy shpërthimi pranë stadiumit “Stade de France” kur po luhej ndeshja miqësore Francë-Gjermani dhe të shtëna në një sallë koncerti, ku terroristët mbajtën peng shumë persona për disa minuta deri në ndërhyrjen e forcave të sigurisë.Evropes se lire iu vra paqja.Pra nëj luftë e vertete ne mes një kryeqyteti evropian qe ka strehuar me mijëra myslimanë të ardhur nga zonat e luftës.
Perse Franca goditet kaq rënde për të dyten here?A kane ardhur me refugjatet e Lindjes se Mesme qindra islamike qe po terrorizonë Evropen?
Aleanca botërorë ndaj luftes kundër Kalifit islamik ISIS i ka friksuar shumë keto të fundit dhe iu kanë bërë thirrje gjithë njërezve të islamizuar të terrorizojnë botën e qytëruar me qëllim friksimin e tyrë.Rasti i Parsit sigurisht që do ta beje Aleancen Evropiane dhe botetore me të forte në luftë kundër ekstremizmit mysliman.
Me aktë të tilla terroriste bota e qytetëruar ka filluar ta kuptoje se nuk duhet pritur gjate e bere leshime ndaj radikaleve te myslimanizmit ekstrem ndaj po mbledh forcat që ta godase me force kete kete kolere të fillimit të shekullit te ri qe përfaqësohet nga shteti islamik por qe në fakt nuk kane asnjë lidhje me fenë e vërtetë islame.
Sigurisht rasti i ardhjes se ekstremistëve me valën e refugjateve te luftës eshte e pranueshme sepse eshte vështirë të dallosh ne pak kohe qindra e qindra mijëra njerëz se janë te pastër apor te përzier me terrorizmin.Ne të vertete Franca është shtëpia e miliona myslimanëve sepse ky shtet iu ka hapur dyert ndaj dhe rreziku është edhe me i madh se kudo tjetër ne Evrope.
Një pyetje e fuqishmë shtrohet në arenen ndërkombëtare.A është islamizmi ekstrem besim fetar i njerezimit ?

Përgjigjia është farë e thjeshte së asnjë besim fetar përfshi edhe myslimanizmin nuk është pro terrorit, vrasjeve por pro paqes, jetës dhe barazisë njerëzorë në planetin tokë.Fare qarte e tha edhe Papa Francesku ne viziten e tij ne Tiranë se asnje besim fetar nuk thote që të vrasesh dhe askush nuk mund të vrase në emer të fese.
Atëherë çfarë përfaqson islamizmi ekstrem xhihadist?
Islamizmi ekstrem është një ide terroriste ,tru shpërlarë që në emer të fese myslimanë po trondit në rradhe të pare vete fenë myslimanë pastaj tere njerëzimin.
Që janë të pa civivizuar e kanë treguar me veprat e tyrë terroristë, makabre dukë ekzekutuar me preje koke të viktimave te tyrë, dukë përdorur dhunë ekstreme ndaj femrava muslimanë , dukë i turtoruar dhe martuar me forcë me ushtaret e tij xhihadistë,duke i shitur dhe kthyer në skllave të shekullit XXI-të.
Perse jane tru shpërlarë myslimanet ekstremistë?

Mund të sjellim me qindra rastë por rasti me i thjeshtë është ne njërën nga luftërat që po bëhët në Kobani mes kurdeve dhe islamikeve te ISIS-it.vajzat luaneshe kurde janë veshur ushtare për të mbrojtur qytetin e tyre, nderin e tyre por pranija e tyrë i ka tmerruar ushtaret islamike të ISIS-it sepse sipas ideologjise se tyre islamike xhihadiste muslimani po të vriten nga një femer shkojnë në ferr !Fare thjeshte kjo tregon injorancen ekstreme të tyre, pra shpëlarjen e trurit
Si mund të largohën myslimanët nga ekstremizmi?

Farë thjeshte të distancohën shpirterisht dhe fizikisht ndaj ideve të eksremisteve, të mos e financojnë dhe drejtuesit fetare tiu shpjegojnë besimtareve dhe femijeve të tyre së islamizmi ekstren nuk është besim fetar i muslimave por një ideologji terroristë që po njollos edhe fene muslimanë.
A është Evropa dhe Shqipëria e rrezikuar ?
Rreziku është kudo i pranishëm jo vetëm me ardhjen e refugjateve por e keqja me e madhe në Shqipëri dhe Evrope mund te vij pas mbarimit dhe shurjes se Kalifit Islamik ku një pjese e kësaj ushtrie terroristë do të tentojnë të kthehen në vendet e origjines.Ardhja e tyrë me ide ekstremiste është një rrëzik kombëtar ndaj shpata e hekurt e ligjit duhet të veproje ndaj tyrë në të kundërt Evropa do të përfshihet nga dhuna, vrasjet e tru shpërlareve xhihadistë sikur eshte rasti me i fundit i Parisit që nuk janë kurrë një besim fetar i njerezve normalë.
Bota është pergaditur që ta luftoje në themele ekstremizmin islamik por nuk duhet të vonoje , me forcen e saj ta godasë mu ne zemer shtetin islamik të ISIS-it që ta shkaterroje përfundimisht në të kundert do të shtohen edhe me teper krimet e tmerrshme në kete shekull te ri.Të gjithe besimet fetare duhet të bashkohen së bashku , si dhe e gjithe bota edhe ajo e qytetëruar duhet të marre shembullin e Republikes së Shqipërisë për harmonine shekullore fetare , harmoni që e vleresoi me notat me të larta pozitive dhe Papa Francesku në viziten e tij ne Tiranë.Të gjithe jemi bijte e Zotit dhe jemi të përkohshëm në planatin Toke ndaj duhet që tiu leme brezave të ardhshem nje planet me Paqe dhe harmoni njerezore.
Jacksonville Florida
Nentor 2015

Shqiptaret dhe Bashkimi Evropian

by

Shqiptaret duhet të antarsohen në Bashkimin Evropian sëbashku ose në të kundërt të bashkohen në një shtet shqiptar/
Opinion Nga Lek Gjoka/
Jacksonville Florida/
Pas humbjes së Kosovës për tu antarsuar në UNESCO sigurisht po fillon të fryjë një ere tjeter.Shumica e politikaneve shqiptare janë thjesht palaco që me shumë i shkaktojnë dëm kombit shqiptar se sa dobi dukë i futur në rrugë pa krye.Pa pikë turpi ministri i jashtem i Shqipërise Bushati thotë humbi shteti i Kosovës sikur nuk është e njëjta gjë ndërsa Thaçi thotë së fitojmë vitin tjeter kur Serbia të luaj si të dojë me ekonomine fhe fatin e Kosoves dhe vete të antarsohet në BE.Ndërsa politikani bisznesmen Pacolli shfajsohet së i thanë vonë për lobim dhe nuk është fundi i botës që nuk u antarsuan.Sigurisht zoti Pacolli nuk është fundi i botes kete e dime të gjithë sepse fundin e botës për popullin e Kosoves e ndaloi presidenti Klinton duke bombarduar Serbinë e diktatorit Milloshovic por problemi është diku tjeter.Kosova ishtë viktime e shtetit serb dhe me nderhyrjen SH.B.A-së bëri që të jete fitues i kësaj luftë të përgjakshme.Ndaj fituesi duhët ti vendosë kushtë humbesit por po shikoj diçka të kundërt.Politikanët serbe bashke me ndihmen e Rusinë dhe disa shtete të BE-se po shtriren si viktima të ish luftes ballkanike dhe jo ato që shkaktuan genocid.
Dukë parë që edhe politikanet e sotem serbe po ecin në të njëjten politike antishqiptare shqiptaret duhet të zgjohën nga gjumi.Qeveria e Kosoves ka sot dy rrugë ose të japë dorëheqjen dhe të shkojë në zgjedhje të reja ose ti beje presion Brukselit që me sjellen e fundit të politikes serbe do të largohen nga bisedimet dhe nuk do të njohin asnjë rezultat edhe nga bisedimet e mëparshme.
Fare qarte e tha nënkryetarja e Parlamentit Europian, Ulrike Lunacek, ku thotë se Kosova duhet të ndryshojë qasjen ndaj dialogut me Serbinë.
Ajo ka porositur kosovarët që të mos zhgënjehen pas rezultatit negativ në UNESCO, por ka treguar se çka do të bënte po të ishte në vend të kryeministrit Isa Mustafa, pas asaj që ndodhi sot në Paris.
“Nëse do të isha kryeministre e Austrisë, pas kësaj që ndodhi unë do të shkoja në Beograd e do të thoja se kështu nuk shkon e më pas do të shkoja edhe në Bruksel dhe t’u thoja se Serbisë duhet t’i bëhet më shumë presion që të jetë konstruktive dhe të mos t’i bëhet pengesë Kosovës pasi këto veprime nuk do t’i bëjnë dobi asnjërës palë”, ka thënë Lunacek.

Përveç Serbise qeveria e Tiranës dhe e Prishtinës duhet ti bëjë presion edhe Brukselit që pese shtetet antare të BE-se duhet të njohin patjeter pavarsinë e Kosovës.Po që se reagimi i Brukselit do të kthehet në një presion ndaj shqiptareve atehere fare qartë duhet i bërë të ditur edhe SH.B.A-se së e vetmha rrugë për të zgjidhur problemin e shqiptareve në Ballkan është organizimi i referendumit në Shqipëri dhe Kosovë për bashkim në një shtet.Sigurisht bashkimi i Kosovës me Shqipërine nuk do të përshkallzojë asnjë konflikt siç mund të pretendojnë kojshite por do të jete një faktor paqje në Ballkan.Europa është fajtore bashke me Rusinë që e coptoi kombin shqiptar në 1913 dhe sot ka vetem dy mundësi për zgjidhjen e problemit shqiptar.Njëra është antarsimi sa më i shpejtë i Ballkanit në Bashkimin Evropian ose bashkimi i Kosovës me Shqipërinë.
Shqiptare zgjohuni nga gjumi, shoqeria civile dhe rinia duhet të përgaditet për ditën e madhe pa u trembur nga politikanet tradhtare dhe shtetet Evropiane antishqiptare.Shekulli i shqiptareve ka ardhur dhe është detyra juaj ta jetesojë kete shekull pa u trembur nga çdo lloj çmimi.