Loro Stajka – Page 4 – Dielli

FALENDERIM PËR PRESIDENTIN E REPUBLIKËS ZOTIN BUJAR NISHANI DHE….

January 4, 2016 by dgreca

….KUJTESË DEPUTETEVE TE KUVENDIT TE SHQIPËRISË PËR LIGJIN E PRONAVE/
NGA LORO STAJKA/SHBA/
I nderuar zoti President, të nderuar zotëri deputetë,
Quhem Loro Stajka, jetoj në SHBA prej disa dekadsh por ndjek çdo ditë zhvillimet e politikës në Shqipëri, veçanërisht problemin e pa zhgjidhur të pronave që pas vitit 1991 rëndon edhe mbi familjen time si dhe për shumë familje të tjera shqiptare.
Dshiroj ta falenderoj publikisht nga zemra Presidentin e Republikës z. Bujar Nishani, për dekretin e datës 20.12.2015 për “Kthimin për rishqyrtim në Kuvend të ligjit nr. 133/2015 “Për trajtimin e pronës dhe përfundimin e procesit të kompensimit të pronave”. Refuzimi nga ana e Presidentit e ligjit për pronat është veprimi i parë efektiv për dekriminalizimin e Kuvendit dhe të Shtetit, që ka nevojë për veprime të tjera.
Për sa kohë Kuvendi nuk bën një ligj me të cilin prona e grabitur të kthehet fizikisht tek i zoti dhe pronarit të keqtrajtuat prej vitit 1945 e deri sot, shteti ti kthejë fizikisht pronën dhe ai të kompensohet vetëm për pronat që janë tjetërsuar për nevoja publike, drejtuesit e politikës shqiptare nuk meritojnë fjalë të mira, ata janë shkatërrues të shtetit por jo vetëm kaq. Pavarësisht se çfarë justifikimesh dhe akrobacirash mund të përdoren, në këto 25 vjet sistemi sllavokumunist ka ndryshuar fasadën por jo thelbin.
Nga 1945-1990 Shteti Shqiptar u drejtua me grush të hekurt nga një parti, që deklaronte diktaturë të proletarëve. Kjo ishte Partia e Punës së Shqipërisë, që miratoi ligje me të cilat grabiti dhe i shpalli të shtetit pronat e qytetarëve, por dokumentat i ruajti dhe pronat i vuri në shërbim të komunitetit. Dihet se ai sistem çnjerëzor që mohoi pronën private dhe besimin fetar pas 45 vjetësh falimentoi. Pas 1991 u shpallën shumë parti, por nën kujdesin e “dorës së padukshme”, u bënë ligje që pronat ti përvetësojnë politikanët. Sa për pronarët kleptokarcia në pushtet mendoi që prona e grabitur t’u kthehet me pikatore por të mos ti kthehet ajo tokë që ju është marrë nga diktatura edhe kur mundësitë e kthimit ishin 100%. Këtë linjë kleprokratike e kompleton ligji i fundit që është kritikuar nga ndërkombëtarët dhe me shumë të drejtë u refuzua nga Presidenti. Unë, mundem ta komentoj por nuk kam çfarë të shtoj analizës së bërë nga Presidenti. Dëshiroj t’ju them hartuesve të këtij ligji dhe komisionit Parlamentar të ligjeve se kanë njëllosur emrin e tyre. Ky nuk është gabim, se gabime bëjnë të gjthë kur punojnë. Ai grup pune ka vepruar në mënyrë të ngjashme me këshilltarët djllëzorë që erdhën nga Beogradi pas vitit 1945, që erdhën ta ndihmonin ekonominë Shqiptare, por me udhëzimet që ata jepnin e vodhën dhe sabotuan. Kështu më duken ata që e projektuan këtë ligj antipronar dhe antishqiptar por nuk mund të kuptoj deputetët që e votuan këtë ligj.

Ananliza juridike e Presidentit Nishani, për ligjin e Pronave që lexova në gazete dhe në faqen e internetit të Shoqatës së Pronarëve, me bindi se gjërat po ndryshojnë. Asht here e parë në këto 25 vjet pluralizëm që Presidenti, në ndryshim nga presidentët e maparshëm i del zot Kushtetutës. Uroj që presidenti Nishani, të vazhdojë pa u lodhun për dekriminalizimin e ligjeve dhe të Kuvendit ku deputetët komandohen të miratojnë ligje që e shkelin kushtetën.
Për fat të mirë, tash që ligja u kthye në Kuvend, është rradha e Kryeministrit z. Edi Rama, rradha e Kryetarit të Kuvendit z. Ilir Meta por dhe e deputetëve të maxhorancës që edhe pse gabuan të tregojnë vetveten, të veprojnë si shqiptarë dhe jo antikombëtarë. Ata e dinë shumë mirë se ligjet e shumta dhe kontradiktore për pronat të miratuara nga 1991 e deri sot, janë produkt i shkeljes së parimeve kushtetuese, morale dhe zakonore, që kanë fut në vëllavrasje familjet shqiptare.
Eshtë turp të pretendohet se është interes publik dhe barazi para ligjit, kjo që është abuzim me pushtetin dhe të drejtat e njeriut. Nuk mund të ketë demokraci në një shtet ku ligji favorizon vjedhesin dhe shkelësin e ligjit. Mua dhe çdo shqiptaroamerikan na çudit fakti që për 25 vjet kjo demagogji vazhdon ta mashtrojë opinionin ndërkombëtar. Është absurde që Kuvendi të shkeli Kushtetutën, duke miratuar ligje që përkundrejt disa formulave mashtruese në vend të kthimit fizik të pronës së grabitur, pronarit të ligjshëm ti jepet ndonjë para ose maksimumi atij ti kthehet fizikisht ndonjë pjesë brenda pronës së tij të njohur , ndërsa pronën e tij ta trajtojnë ata që u futën në politikë për tu pasuruar, duke sharë n diktaturën dhe diktatorin Enver Hoxha. Burim i të gjitha të këqijave për popullin janë ligjet e pronave të miratuara prej Kuvendit pas vitit 1991. Ato ligje për atë pjesë që nuk ja kthejnë pronën të zotit, vazhdojnë edhe sot të kultivojnë njerëz që vjedhin e përvetësojnë pronën e tjetrit sepse ligji i justifikon. Prona është burimi i korrupsionit në të gjitha nivelet e shtetit dhe jo vetëm në drejtësi. Komisioneri I BE zoti Fleckenshtein duhet ti ndajë mirë lakrat, siç I thomi ne ne popull. Qëndrimet e derisotme të kuvendit me ligjet që kanë miratuar për pronat dhe qëndrimet e komisionerëve ndaj këtij problem me kujtojnë thanjen e Aesopit:”We hang the petty thieves and appoint the great ones to public office.
Veç shkrimeve që kam botuar në media, kam pasur letër këmbim dhe me Ambasadorin e SHBA ne Tiranë që e konsideron pronën problem të rëndësisë së parë. Unë e falenderoj Ambasadorin e SHBA dhe Ambasadoren e BE për reagimin aktiv në drejtim të mbrojtjes së parimeve të demokracisë dhe të të drejtave të njeriur, por me këtë ligj Kuvendi i Shqipërisë tregoi se po vazhdon ti shkeli brutalisht parimet. Kompensimi siç janë rastet e gjykuara nga Gjykata e Strasburgut duhet të jenë mjaft të rralla por problemin duhet ta zgjidhi ligji I brendëshmëm. Kuvendi ka gabuar rendë me këto ligje që nuk përputhen me menin 41 të Kushtetutës, ligje që kanë krijuar një klimë pasigurie juridike për pronësinë e tokës, ku investimet e huaja nuk mund të vijnë, buxheti shtetëror dhe ekonomia shkon në shkatërrim dhe falimentim dhe borxhi i Shtetit ka kaluar çdo kufi. Pasojat e këtyre ligjeve bien mbi popullin. Mjaft e rëndë është ana sociale pasi shqiptarët janë në konflikt me njëri tjetrin dhe vriten me njëri tjetrin. Moralisht kjo është turp i deputetëve pasi historikisht asnjë pushtues nuk e ka dëmtuar kaq shumë popullin shqiptar.
Lutem Zotit që me këtë shkrim të kem mundur të zgjoj pjesën morale dhe patriotike të koshiencës tuaj.

Me respekt
LORO STAJKA/ SHBA

APEL PUBLIK TË GJITHË DEPUTETEVE TE KUVENDIT TE SHQIPËRISË

December 3, 2015 by dgreca

Nga Loro Stajka- Fredericksburg,USA/
Zotëri deputetë,/
Quhem Loro Stajka. Jam nga Shiroka e Shkodres, por i deryruar nga represioni i diktaturës sllavokomuniste jam detyruar të arratisem dhe jetoj në SHBA qysh prej vitit 1957. Prej 23 vjetësh po përplasem me korrupsionin me pronat që të më kthehet prona që më grabiti diktatura, por nuk po ju drejtohem per pronën time, por për Shqipërinë dhe popullin shqiptar. Jam jashtëzakonisht i shqetësuar dhe rruga me të cilën Kryeministri Edi Rama po kërkon të sakrifikojë Shqipërinë, të justifikojë këtë aferë antikombëtare duke kërkuar në Kuvend për ta miratuar si ligj , këtë djallëzi që ai e quan zgjidhje të problemit të pronave. Janë të shumtë artikujt e botuar në media por unë po i referohem artikullit te dated 30 Nendor botuar në gazeten “Telegraf” me titull”Projektligji i ri i Pronave i shërben vetëm oligarkisë Politike” që i drejtohet avokatit të Shtetit por ai shkrim zberthen plotësisht rrugën e gabuar të Qeverisë. Prej artikujve të shumtë të botuar në gazetën Shqip, i referohem shkrimit të botuar me datën 1 Dhjetor 2015 me titull “Argumenti i Qeverisë, Ska më ish-pronarë, vendosim një afat kohor për mbylljen e procesit” që I referohet justifikimeve demagogjike të Kryeministrit Edi Rama për projektligjin. Ky draft është votuar nga 8 prej 11 deputetëve që nevoiten për të plotësuar kuorumin e nevojshëm , është turp për drejtësinë pasi tenton të bëjë një përligjie e hajnisë, shumë më të keqe se shtetëzimi komunist I Enver Hoxhës. Ky ligj e nxjerr Shqipërinë ne treg, jugun e Shqipëris ja fal Greqisë dhe pjesën tjetër të vendit e zhyt në anarki dhe korrupsion. Dëshira e atyre që duan këtë ligj ta miratojnë si zgjidhje ngjan si dy pika uji me ato që po ndodhin në Kosovë. Zotëri Deputetë, lidhur me këtë ligj , jeni të lutun ti referoheni veç të dhënave të tjera këtyre dy shkrimeve në Telegraf dhe Shqip dhe nëse ky projektligj kaq djallëzor nuk do të tërhiqet nga Qeveria por do të paraqitet para jush , që ta votoni atë, ju baj kët APEL PUBLIK, që ta refuzoni kategorikisht pasi pavarësisht nga detyrimet partiake që keni apo interesa të tjera, në rradhë të parë jeni betuar se do zbatoni Kushtetutën dhe do ti shërbeni Atdheut. Nëse do votoni këtë draft, që shqiptarëve në vend të pronës së grabitur ti jepni ca dollarë ju do të bëheni pjesë e tradhëtisë kombëtare. As të parët tuaj, fëmijët tuaj dhe as historia nuk do t’ju falin

Besoj në respektin dhe detyrimin tuaj për të zbatuar Kushtetutën

Me respekt

Loro Stajka

Fredericksburg,USA

VETEM NDERHYRJA MGA NDERKOMBETARET LARGON KEPUSHAT DHE VENDOS SHTETIN LIGJOR NE SHQIPERI

November 15, 2015 by dgreca

Reagim ndaj shkrimeve ne DIELLI/
Lexova me vemendje publikimin e Av. Axhem Ymeri me titull Rrobotët folen pas mesnate, ku kritikonte Kryeministrin dhe politikanët për projektligjin për kompensimin e pronave. Zoti Ymeri që e njoh dhe nga shkrime të tjera për pronën, ka shumë të drejtë, ai ka thënë të vërtetën ashtu siç është dhe i ka hequr maskën e demagogjisë kryeministrit . Me këtë shkrim publik ai, ka vënë para përgjegjësisë morale edhe deputetët e majtë qe përbëjnë shumicën në Kuvendin e Shqipërisë. Lavdi ZOTIT pasi vendimi i fundit i marrë në 10 Nëndor 2015 prej Gjykatës së Strasburgut praktikisht është anullim i projektit të Qeverisë Edi Rama, që paska planifikuar për ta mbyllur grabitjen e pronave me mashtrimet me kompensim. Rruga e drejtë dhe e vetme është kthimi i pronës tek pronari dhe kompensimi vetëm siç parashikon Kushtetuta dhe siç ndodh ne të gjithë vendet demokratike ku prona tjetersohet dhe kompensohet vetëm kur kjo bëhet për nevoja publike. Per të gjitha rastet e tjera në një vend demokratik , prona private fitohet me blerje me dhurim dhe me trashëgimi. Çdo formë tjetër nuk është gje tjetër veç grabitje me ligj dhe mohim i demokracisë. Këto I di mirë jo vetëm politikani por edhe çdo fshatar dhe I pa shkolluar por mjafton që të jetë I ndershëm. Por problemi i prones në Shqipëri nuk zgjidhet sepse Kryeministri, Ministri i Drejtësisë, Gjykata dhe Prokuroria, nga njera anë dhe Deputetët ne anën tjetër, në një marrëveshje të heshtur midis tyre, mbyllin rrethin e djallit të hajnisë. Ky djall në Shqipëri pas vitit 1991, nëpërmjet korrupsionit zëvendësoi komunizmin që propagandohej si demokracia e proletaritit . Duket qartë se në kushtet kur tek politikanët shqiptarë vendin e patriotizmit e ka zëvendësuar egocentrizmi, pragmatizmi pangopësia për të akumuluar para dhe pasuri, të presish të mira nga këta politikanë që për 25 vjet akoma nuk kanë kthyer pronat e lira dhe shkelin kushtetutën, është iluzion. Dekriminalizimi i vendit do të jetë i suksesëshëm vetëm nëse fillon nga prona. Në mungesë të vullnetit nga kryeministri dhe politikanët, zgjidhja kërkon kushtëzimin nga ambasadorja e BE zonja Romana Vlahutin që transmeton parimet e politikës së BE dhe kushtëzimin nga ambasadori i SHBA zoti Donald Lu që përcjell parimet e politikës demokratike të Shtëpisë së Bardhë, Nga eksperienca ime 24 vjeçare 1991-2015 që akoma nuk po mundem të marr pronën time në Shirokë, që pas arratisjes time në SHBA më grabiti diktatura, i sugjeroj zotit Axhem Ymeri dhe të gjithë pronarëve shqiptarë që të drejtojnë vëmendjen tek kushtëzimi nga ndërkombëtarët. Mjaftojnë dy-tri fjali e tyre që populli të shpëtojë nga politikanët tip këpushe, ose rriqnash, përndryshe këto tip politikanësh siç po e tregojnë faktet ne keto 25 vjet tranzicion do vazhdojnë t’ja pijnë gjakun popullit dhe nuk e ndalojë veprimtarinë keqbërëse edhe kur ngordhin.
Loro STAJKA/ SHBA

RUBRIKA: LETRAT E LEXUESEVE- Z.LORO STAJKA KUJTON VAHIT CIKEN

April 24, 2015 by dgreca

LETER EDITORIT/
I nderti zotni Greca,
Shpresoj te jeni mire ju dhe familja e juej,
Tuj lexue gazeten Dielli shof se permenden do vatrane te vjeter, gja qe me gezon, e ata shkrime me cojne ner ditet e para kur arrita ne Amerike, ne Hackensck, N.J. Ishte muji Fruer 1961. Ne ate kohe erdhen prej kampeve te Austrise dhe te Italise nji numeri i mire refugjatesh,qe zune vend ne Hackensack,N.J. Si fillestare kishim nevoje per ndihme e drejtime jetet e kjo ndihme na u ba nga nji SHQIPTARE, Vatran me emnin Vahit Cika.Ai na u gjet pa dallim krahine, o feje te gjithve,per cdo nevoje qe ia mesynte personi,e jo vetem ai ,por edhe zoja e tij Tefta, nuk u kursye tuj ndimue grate per perkthime, deri te vizitat e doktorit ose spitale e kudo qe ato kishin nevoje.
Ju dergova kete informate, e po qe se ju e shifni te arsyeshme vejeni ne shtyp ashtu si mendoni ju. Edhe se ka kalue nji kohe e gjate, ashte mire qe te dihen veprat e njerzve te mire.
Ju uroj shndete e te mira
Loro Stajaka
PERGJIGJE NGA EDITORI
I nderuari z. Stajka!
Ju falenderoj shume per mesazhin dhe ndjehem i nderuar qe e ndiqni Diellin.Permendja e vatraneve te vjeter eshte detyre e editorit dhe e vete Vatres. Eshte kjo arsyeja pse ne shpesh e shfletojme Historine e Vatres, me qellim qe te rinjet, qe kohet e fundit po vijne me shumice ne Vater, ta njohin se c’histori mbart Federata Pan-Shqiptare e Amerikes”VATRA”. Nuk mund te shenojme sukses ne kushtet e sotme pa kujtesen e djeshme.
I ndjeri Vahit Cika dhe zonja e Tij, Tefta, kane lene gjurme miresie ne komunitetin shqiptar te Amerikes dhe ne radhet e Vatres. I ndjeri Vahit Cika pat lindur me 6 maj 1911 dhe nderroi jete me 12 Mars 1988.Ne Amerike pat ardhur qe me 22 Maj 1935, sipas regjistrave te Emigracionit ne New York.Vinte prej Permetit. Mori pjese en te gjitah amnifetsimet per mbrojtjen e trojeve amatre. ishte vatran i Dimrit dhe i Beharit, sipas fjalorit te vataranve te motshem.
I nderuari z. Satjka
Keni nderimet e stafit te Diellit, te Kryesise se Vatres dhe te gjithe vatraneve qe perkujtuat nje vatran te hershem!Do t’ju lutesha juve, dhe te gjithe shqiptareve te vjeter, te sjellin ne Vater mbresat dhe vleresimet e tyre per figurat e vatraneve.Askend nuk duhet te harrojme! Harresa eshte mosmirenjohje, kujtesa eshte vlersim. Faleminderit!
Te nderuar Shqiptaro-Amerikane
Te nderuar Vatrane
Nese keni ne shtepite tuaja, libra te vjeter,Letra, mesazhe, fotografi te shqiptareve te Amerikes,te Kuvendeve apo pikniqeve te Vatres, buletine, gjithcka qe ka te beje me Vatren dhe Vatranet, na i dergoni ne Shtepine e Vatres ne adresen:
VATRA
24 37 Southern BLVD
Bronx, NY, 10458
Ose
Na shkruani apo na i dergoni fotografite e scanuara ne Emailin: gazetadielli@gmail.com
Editori i Diellit
Dalip Greca

Nje Leter nga Amerika per Kryeministrin e Shqiperise per pronen e trasheguar

December 14, 2014 by dgreca

Shkruan:LORO STAJKA/ Virxhinia /SHBA/

Kryeministrit te Republikes se Shqiperise z. Edi Rama,/
Unë , quhem Loro Stajka, jam një nga ata shqiptarë që diktatura sllavokomuniste më detyroi në vitin 1948 të largohem nga atdheu im. Mbas sa kohe, kam emigruar në SHBA dhe jetoj në Virxhinia të SHBA, por zemër e mendje I kam në Shqipëri dhe më saktë në Shirokë, në vendin tim, në shtëpinë time, aty ku u linda dhe u rrita. Pas vitit 1991 si të gjithë shqiptarët, u gëzova për përmbysjen e bustit të diktatorit, por jam i pezmatuar pasi në fakt demokracia akoma nuk është vendosur, komunistat ia kaluen stafeten njeni tjetrit keshtu qe komunizmi ende nuk asht crrenjosun se ne emnin e demokracise ata po zhvillojne interest e tyre edhe ma shume se sa ne kohen e dsiktatures se mallkuar
Sot jam në moshë të thyer por lavdi Zotit, gëzoj shëndet të plotë. Jetoj mirë e bukur me familjen time në SHBA, por më shqetësojnë problemet e mija që mi kanë shkaktuar qeveritë e Tiranës të pas vitit 1991 e deri më sot nga mos respektimi i të drejtës për të gëzuar pronën e time të trashëguar.
Problemi im me pronat e trashëguara është i ngjashëm me ato të bashkëfshatarëve të mij dhe të gjithë popullit. Anarkia e pronës është një shkelje sistematike që zgjidhet me një qendrim shtrëngues të ndërkombëtarëve, që të detyrojë qeverinë të zbatojë kushtetutën ose me një ligj që të kthejë pronat e grabitura në përputhje me detyrimet kushtetuese dhe vendimin pilot të Strasburgut. Me sa pasqyronë shtypi Qeveria e Kryeministrit Edi Rama, praktikisht po përdor termat kompensim, njëlloj siç bëri Sali Berisha. Më shqetëson mendimi:- a e ka dëshirën Kryeministri Edi Rama për ta shpëtuar Shqipërinë nga kjo situatë e anarkisë institucionale sepse nuk janë deklaratat ato që bëjnë shtetin ligjor dhe shtetin e të drejtës.
Këtë radhë për këtë shkrim marr shkas nga një shkrim i zotit Flamur Sulejman Harri,botuar në gazetën Dielli të datës 29 Tetor 2014. Zoti Flamur tregon një realitet të hidhur për të cilin duhet të shqetësohet ministri I Drejtësisë qeveria dhe I gjithë Kuvendi I Shqipërisë. E tillë është situate për shumë pronarë të tjerë dhe askush që I thotë vetes shqiptar, nuk duhet të pajtohet me këtë situatë.

Këshilli I Lartë I Drejtësisë, Ministri I Drejtësisë dhe cilido që është i interesuar të ndihmojë për vendosjen e drejtësisë në drejtësi, e ftoj të analizojë vendimin nr.2723 date 22.11.2007 e Gjykatës së Rrethit Gjyqsore Shkodër E Perbere nga Anita Mici –Gjyqtare, avokati gjoja per te mbrojtur te drejten time Gjovalin Ulndrejaj
Hisrorija;
Ne vitin 1954 shteti komunist me shtetizoi pronen dhe shtepin time ku linda dhe jam rrit, pasi une isha I arratisur dhe konsideroihesha armik.
Prej nvitit 1993 jam perpjekur qe ne perputhje me ligjet te me kthehej prona qe me ishte konfiskuar ne vitin 1954 dhe paraqita dokumentat ne Komisjonin e kethimit dhe Kompesimit te Pronave(KKKP)-Shkoder.Ne ate document sqarohet qarte se sekuestrohet shtepija dhe kufijt e oborrit dhe te kopeshtit.Po ato kufij ka shenuar edhe KKKP e Shkoders ne vendimin e kethimit te prones me 1993,
Ne ate vendim shifen qart pengesat e ndyta ashtu si për shumë pronarë të tjerë, që është një shembull i qartë I gangsterizmit në gjykata dhe në administratë.
Ne vitin 2013 gjykata me vendim ka kethyer kater qosht e nshtepise pa oborrin dhe kopshtin.Une dhe femijt e mij, mund te hyjme ne shtepin tone vetem duke zbrit me litar nga nalt ose helicopter.
I drejtohem publikisht çdo politikani apo analisti me gjak e zemër shqiptar që të analizojë ta mbështesi apo ta rrëzojë shqetësimin tim se sistemi shtetëror në Shqipëri nuk është demokratik dhe se demkracia nuk funksionon. Për sa kohë deputetët e maxhorancës nuk votojnë një ligj, që të përmbledhi pjesën positive të dhjetra ligjeve dhe vendimeve dhe të realizojë kthimin fizik të pronave tek i zoti konform nenit 181 dhe 41 të Kushtetutës, ata i zgjasin jetën mafies dhe anarkisë së pronës, i shtynë shqiptarët të vriten me njëri tjetrin për shkak pronësie, praktikisht i zgjasin jetën sllavokomunizmit, bëjnë një veprimtari antikombëtare duke marrë rrogën e shtetit !
Nga 1991 e deri sot, deputetë të papërgjegjshëm me mentalitetin e tyre kleptokratik ata e kanë konsideruar pronën e konfiskuar nga komunizmi , si pronë në dispozicion të shtetit dhe sulmojnë për poste qeveritare që të pasurohen. Për tu justifikuar para opinionit perendimor dhe vendas kanë miratuar ligje dhe vendime për kompensimin apo për legalizimin. Kompensim dhe legalizime pa tjetër që duhet të ketë, por ato duhet të jenë në përputhje me kushtetutën, ndërsa ligjet aktuale për kompensim janë flluckë sapuni. Kompensim për 200 metro katrore për të lejuar që pronën ta përvetësojë oligarkia politike është mashtrim dhe vjedhje dhe një situatë me e keqe se ajo e diktaturës. Ndërkombëtarët duhet të reagojnë efektivisht ashtu siç reaguan për të ndaluar vjedhjen e energjisë elektrike. Po ashtu dhe legalizimin I personave të tretë që kanë pushtuar toka që Shteti duhet ti kthejë tek subjekti I
shpronësuar është në vendim në shkelje flagrante të kushtetutës dhe të kërkesave të Vendimit pilot të Gjykatës së Strasburgut.
Kjo dekadencë morale e politikanëve, e ka zhytur popullin në një skllavëri të maskuar me emrin demokraci dhe kjo situatë e anarkisë së pronës është tregues i mbijetesës së sllavokomunizmit që është përshtatur në kushtet e pluralizmit. Perëndimi ndonse ka investuar shumë në Shqipëri, terthorazi I ka ndihmue korrupsionit per shkak te qendrimit nenvleftesues ndaj detyrimit kushtetues te Shtetit per te kthyer fizikisht pronen tek I zoti.
Shpresoj se Ambasadori i SHBA në Tiranë dhe ambassadorët e tjerë nuk do të vazhdojnë ta anashkalojnë këtë situatë të nderë që bie ndesh me parimet e shtetit demokratik.
Me nderime
Loro Stajka
Dhjetor 2014