Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

NEW YORK POST:Alleged war criminal’s arrest becomes hot-button issue in Bronx race

by

3 ok haradinajFoto: Ramush Haradinaj leaves a prison surrounded by police officers./

M gjonajBy Aaron Short/NEW YORK POST: An alleged Balkan war criminal is becoming a hot-button issue in a Bronx City Council race/

Bronx Assemblyman and City Council candidate Mark Gjonaj led a demonstration last Monday at the French Embassy after France arrested former Kosovo Prime Minister Ramush Haradinaj on Jan. 4 on a Serbian warrant issued more than a decade ago.

Serbia had indicted Haradinaj over accusations he orchestrated the kidnapping, torture and murder of Serbian civilians while he was a military leader in Kosovo during the independence conflict of 1998-1999.

Kosovo is the former southern province of Serbia, which declared independence in 2008.

But Gjonaj and many Albanian-Americans in the Bronx district he reps believe the Serbians are playing politics.

“During the war, Mr. Haradinaj worked alongside the NATO forces while millions of Albanians suffered from Serbia’s genocidal policies,” Gjonaj said.

“It is our hope that Serbia moves to remove this warrant permanently.”

Kronikë nga protesta e shqiptarëve në Manhattan për lirimin e Ramush Haradinaj

by

3-markoNga Mimoza Dajçi/

3-sebiaE hënë 9 janar 2017. Ndodhemi midis 66 dhe 67 -St, në 5 Avenue, në zemër të Manhattani-t.  Janë qindra shqiptarë që janë solidarizuar për të protestuar ndaj arrestimit të padrejtë të ish liderit të UÇK dhe ish Kryeministrit të Kosovës Z. Ramush Haradinaj. Vendi ku janë mbledhur shqiptarët për të treguar shqetësimin e tyre paqësor ndodhet përballë Konsullatës së Misionit Serb në New York. Një grup organizatash dhe shoqatash jo qeveritare shqiptaro – amerikane së bashku me Federatën Panshqiptare “Vatra” kanë ngritur zërin e tyre për lirimin e menjëhershëm të Z. Ramush Haradinaj nga qeveria franceze.
Një protestë e tillë kryesuar nga Federata “Vatra”u zhvillua nga komuniteti shqiptar edhe në Washington D.C përballë Ambasadës Franceze etj.
1-ibrahim
Protestat filluan sot në orën 11 AM paradite e vazhduan deri në ora 1 PM të drekës, protestën në New York e kryesoi Shoqata “Albanian American Community” dhe pas saj janë Federata Panshqiptare “Vatra”, Albanian American Association Ana e Malit, “Albanian American Council”, “Dibra Community Organization”, “Rrënjët Shqiptare”,  Foundation Plave Guci, “Rugova Association”, “Sons and Daughters of Albania in America”, Albanian Open Hand Association, The Women’s Organization “Hope & Peace”, etj.
1-markuSot shqiptarët ndodhen përpara një skandali dipllomatik e politik, ku lideri i Kosovës ish udhëheqësi i UÇK ndodhet i arrestuar që nga e mërkura e kaluar nga autoritetet franceze në aeroportin e Bazelit – Francë, me një urdhër të kaluar të qeverisë serbe. Z. Haradianj ka vizituar edhe më parë Francën dhe nuk është ndaluar nga policia vendase. Eshtë lënë i lirë si i pafajshëm dy herë nga Gjyakata Ndërkombëtare e Hagës si i pafajshëm, ndërsa sot pikërisht në këtë kohë ndodh ky arrestim i tij?
Nuk dua ti paragjykoj situatat, por më duket se historia po përsëritet e njëjtë si, në momentin kur vite më parë më datë 23 janar 1916 xhandërmaria malezeze urdhëruar nga qeveria e vendit vrasin heroin e kombit Isa Boletini vetë i tetë. Ndërsa ata që e prenë në besë ishin disa diplomatë franceze. Konsulli francez Bikok, “i afron” ndihmë Isa Boletinit duke i thënë se ai me trimat e tij mund të shkojnë në ambasadën franceze ku mund të marin vizë për një vend neutral, ndërkohë që me bujarinë e tyre Anglezët e ftojnë Boletinin dhe patriotët e tjerë, për ti marrë në mbrojtje. Por nisur nga Ligjet e Maleve Boletini preferon mikun që i hapi derën i pari. Dhe kështu ndodhi tragjedia e vrasjes së Isa Boletinit me djemtë, nipat dhe luftëtarët e tjerë të lirisë, se “miku që i hapi derën i pari” i preu në besë.
Personalisht si brez i tretë e familjes së Boletinëve në Kosovë, këtë ngjarje dhe të tjera për heroizmat e Bacës Isë e luftëtarëve të tij mi ka treguar gjyshja ime Hajrije Boletini Dajçi dhe daja i babait tim ish Prefekt në Fier Tafil Boletini, i cili edhe ky vinte shpesh në shtëpinë tonë në Tiranë e që ka qenë dëshmimtar okular i asaj ngjarje të rëndë.
Sot protestuesit përballë konsullatës serbe dhe asaj franceze në New York valëvitën me krenari flamujt shqiptarë, amerikanë, flamurin e Kosovës, dhe flamurin e Shqipërisë Etnike me dy figurat – legjenda të Pavarësisë Ismail Qemali dhe Isa Boletini. Në banderolat që ata mbanin nëpër duar, shkruhej se lideri historik i Kosovës Ramush Haradinaj është një Hero, e duhet të lirohet sa më parë nga autoritetet franceze. Mes qindra pjesëmarrësve të binte në sy portreti i Heroit Ramush Haradinaj dhe shpalosja e tre flamujve të mëdhenj me shqiponjën dy krenare në mes dhe një tjetër flamur i madh që u shpalos në sheshin përpara konsullatës ai i Shqipërisë Etnike.
 Gjatë kësaj proteste paqësore tubimin e hapi një nga organizatorët kryesorë Assamblyman Mark Gjonaj, veprimtari i njohur i çështjes shqiptare kombëtare Z. Harry Bajraktari, Presidenti i Shoqatës “Rrënjët Shqiptare” Marko Kepi. Në emër të organizatës së gruas “Hope & Peace”, përshëndeti Znj, Mimoza Dajçi, e cila e ndjente si obligim shpirtëror pjesëmarrjen e saj në këtë protestë, pasi në dejet e saj ka gjak nga familja e heroit tonë kombëtar Isa Boletini. Gjithashtu vlen për tu theksuar prania e kësaj organizate në këtë tubim, si e vetmja OJQ gruaje shqiptare – amerikane që përkrahu pa asnjë lëkundje Çështjen Haradinaj në SHBA për lirimin e tij.
Në parrullat që hodhi Z. Mark Gjonaj dhe Z. Harry Bajraktari ishin: “We never forget serbia committed genocide against albanians”, “Freedom for the Hero Ramush Haradinaj”, “Ramush Haradinaj është Hero”, “France must free Haradinaj now”, “Drejtësi dhe Paqe”, etj.
Moti tepër i keq, me temperatura nën zero, e përsëri rradhët e protestuesve sa vinin e shtoheshin, asaj ju bashkangjitën edhe kalimtarët e rastit, kureshtarë dhe turistë të ndryshëm. Pjesëmarrja ishte e konsiderueshme. Nuk munguan këngët patriotike. Këngëtarët Albërie Hadërgjonaj dhe Meda Përgjegjaj, kënduan këngë kushtuar vatanit dhe heronjve të kombit. Thirrjet me artopalant të Z. Mark Gjonaj, Z. Harry Bajraktari, Marko Kepi, Znj. Dajci, Albërie Hadërgjonaj etj, flinsnin për paqe, drejtësi dhe për lirimin e menjëhershëm të Heroit të kombit Ramush Haradinaj. Gjithashtu Z. Gjonaj në fjalën e tij preku genocidin serb në Kosove nga makineria serbe mbi popullin e pafajshëm të Kosovës, të zhdukurit dhe dhunën ndaj femrës shqiptare gjatë periudhës 1998 -1999 në Kosovë etj.
Pas Konsullatës Serbe, protestuesit shoqëruar me disa autobusa u nisen drejt Kosnsullates Franceze po ne Manhattan, ku edhe aty kënduan këngë patrotike. Z, Mark Gjonaj mbajti përsëri fjalën e rastit e bëri thirrje që protesta të vazhdonte në mënyrë paqësore dhe thirrje për lirimin e Ramush Haradinaj nga autoritetet franceze.  Edhe në sheshin përpara Konsullatës Franceze u shpalosën flamujt shqiptarë, amerikanë dhe të Shqipërisë Etnike.
Assamblyman Z. Mark Gjonaj së bashku me Z. Harry Bajraktari e me disa veprimtarë të spikatur të komunitetit shqiptar Sony Vataj, Meda Përgjegjaj, Albërie Hadërgjonaj, Mimoza Dajçi dhe telekronistin Skënder Pali, ju drejtua Konsullit Francez me një Peticion firmosur nga shumë OJQ dhe organizata të ndryshme jo qeveritare që veprojnë në New York e më gjerë për lirimin e menjëhershëm të ish Kryeministrit të Kosovës Z. Ramush Haradinaj. Ky tubim paqësor u përcoll nga stacione televizive amerikane dhe shqiptare, si dhe nga TV – Alba Life me operator Z. Skënder Pali.
Të pranishëm sot në protestë gjithashtu ishin gazetari dhe aktivisti i palodhur i diasporës Z. Beqir Sina, Gjekë Gjonlekaj, Ferro Gjonbalaj, Esad Rizai, Haxhi Dauti, Skënder Kodra, Hilmi Berisha, Roza Gjonaj, Sony Vataj, Ilir Fundo, Natalia Herndandez, Ukë Lushi, Florian Krasniqi, Valon Nikçi, Dia Saraçi, Ismer Mjeku, Vera Mjeku, etj.
Protesta në mbrojtje të Z. Ramush Haradinaj sot në Manhattan – New York, kaloi e qetë paqësore dhe konform ligjeve dhe rregullave amerikane.

MARK GJONAJ, KANDIDAT PER KESHILLIN BASHKIAK NE NEW YORK

by

1-gjonaj-klain-fam1-mark-klain-benedeto1-diell-zef1-diell-salle-e-amrk1-diell-interv

Anëtari i Asamblesë për Shtetin e Nju Jork-ut, z. Mark Gjonaj shpalli para Medias dhe Komuniteve të Zonës Nr. 13, kandidaturën për Këshillin Bashkiak, mandat që deri tani e mbanë z.James Vacca./

1-diell-kjo-nene1-edhe-kjo-prind1-diell-plakat-per-mark1-diell-salle1-diell-vesh

MARK GJONAJ, KANDIDAT PER KESHILLIN BASHKIAK NE NEW YORK/

Nga Dalip Greca/

Anëtari i Asaamblesë për shtetin e Nju Jork-ut, bashkatdhetari Mark Gjonaj, njoftoi të Hënën me 12 Dhjetor 2016, para medias dhe para një auditori entuziast paraelktoral kandidaturën e tij për Këshillin Bashkiak të Nju Jork-ut.
Ditën e hënë, 12 dhjetor, në orën 12 të drekës, Asambelmeni Mark Gjonaj, në prani të medias dhe të komuniteteve, njoftoi vendimin e tij për të kandiduar për Këshillin Bashkiak të Nju Jork-ut. Konferenca e publikimit të kandidimit u organizua në Klubin e Demokratëve, Club Chippewa, që ndodhet në Sheshin Westchester, në Bronx. Kandidatura e z. Mark Gjonaj paraqitet në zonën elektorale nr. 13 për të zëvendësuar anëtarin e Këshillit Bashkiak aktual, mikun e shqiptarëve, sponsorizues i emëritmit të rrugicës “Nënë Tereza” në Lydig Avenue, në Bronx, James Vacca.
Bashkatdhetari ynë Mark Gjonaj ka pasur mbështetjen e thujase të gjithë komuniteteve, që mbështesin demokratët. I shoqëruar dhe i mbështetur nga senatori i shtetit Jeff Klein, Ansambëlmeni Michael Benedetto, udhëheqësit e komunitetit, familja, komuniteti i grave, mesueseve, dhe shumë kategorive të tjera, me një prani të konsiderueshem të komunitetit shqiptar, Gjonaj tha se duke vënë kandidaturën për në Këshillin Bashkiak, ai dëshiron që të jetë më afër qytetarëve dhe më në shërbim të tyre. Kjo është dhe arsyeja ka spjeguar ai, pse po kandidon për këtë pozicion, që është më i ulët, pavarësisht se ka gati dyfishin e pagesës vjetore, krahasuar me atë të asambëlmenit.Gjithësesi z. Gjonaj tha se nuk janë paratë, ato që e motivojnë për të kandiduar për në Këshillin bashkiak, por devocioni i tij për t’u shërbyer më mirë dhe në menyrë më të drejtëpërdrejtë zgjedhësve.
“Unë kam qenë shumë me fat për t’ju shërbyer juve në Ansamblenë e Shtetit dhe jam duke kërkuar për një mundësi tjetër për t’ju shërbyer më mire dhe për të qenë më afër jush, për të vazhduar që t’ju shërbej me të gjitha forcat e mia, tha z. Gjonaj.
Ai premtoi në fjalimin e tij prezantues se do të luftojë për t’u ofruar më shumë shërbime cilësore qytetarve, për t’i adresuar më mirë dhe më drejt fondet, për të rritur cilësinë e shërbimeve të qytetarëve, për të adresuar më mirë cilësinë e jetës së banorëve në një shpërndarje më të drejtë të fondeve, në Staten Island, Pelham Bay, Throggs Naks, dhe Morris Park . Ai shtoi se në këshillin Bashkiak do të jetë në një pozitë më të mirë për të ndikuar që të krijohen më shumë vende pune, për të rritur nivelin e jetesës, për të rritur shërbimin policor, dhe për të luftuar më shumë për të pastrehët.
Gjatë katër viteve të fundit, ansambelmeni Gjonaj ka qenë një avokat mjaft i mirë për komunitetin dhe ka luftuar fort për strehim të përballueshëm dhe të moshuarit.(Për më shumë do të lexoni në Gazeten Dielli www.gazetadielli.com. Per fotografite, kush i perdor te citoje autorsine)

 

 

SHQIPTARET E AMERIKES NDERUAN SHENJTEN TEREZA NE BATTERY PARK

by

 

1 Marku OK

1 Presidiumi

Nga Dalip Greca/

Shqiptarët e Amerikës në Nju Jork, NJ dhe CT, falë kontributit të ansambleistit Mark Gjonaj, e kanë nderuar Shenjtëreshën Nënë Tereza, në Parkun më të frekuentuar të Manhattanit, në Battery Park, që ndodhet përballë Statujës së Lirisë, ku turistët janë të shumtë. Shumë prej tyre iu bashkuan festës së shqiptarëve. Që në orën 4 të Mëngjesit, tha zv/ Kryetari i Vatrës, Agim Rexhaj,kam qenë këtu për të përcjellë drejtëpësëdrejti Meshën e shenjëtrimit, së bashku me shumë bashkatdhetarë të tjerë. Përcollëm emocione të thella të krenarisë shqiptare, pavarësisht besimeve. Gonxhe Bojaxhiu, Shën Tereza e Kalkutës,  është Shënjteresha e Kombit Shqiptar dhe e gjithë Botës, tha për gazetën më të vjetër të Shqipraëve të Amerikës, ” Dielli’,z. Rexhaj.

Disa qindra familje shqiptare i ishin bashkuar kësaj feste, duke e konisderuar shënjtëreshën, bijë të Kombit të Shqipeve. Familja e Marash Mrnacaj, një nga familjet e persekutuara nacionaliste shqiptare, që e gjeti “limanin e shpëtimit” në Amerikë, familja që nxori dhe dëshmorin e Lirisë, Nick Mrnacaj, kishte ardhë e tëra në festë. I shoqëruar nga bashkëshortja Mrije, nga Mark Mrnacaj, nipi i tij, që njohu persekutimin e kampeve të internimit, Marashi, thotë se nuk mund të mungontë në këtë ditë të shenjtë për shqiptarët.

Janë të shumta familjet që i janë bashkuar kësaj feste që pat për organizator ansambleistin Mark Gjonaj, Komunitetet fetare, Federatën Vatra, dhe shuwm organizata e fondacione te komunitetit shqiptar si dhe familjet: Harry Bajraktari, Elmi Berisha me familje, Gjonaj family, Gojcaj family, Malota family, Rusi family, Gjergj Noja Vataj & Family, Benjamin Maintenence etj.

E Diela e 4 Shtatorit kishte një program të ngjeshur për shqiptarët që ishin mbledhur në Battery Park.Që në 4 të mëngjesit u ndoqën veprimtaritë e drejtëpërdrejta nga Vatikani. Më pas Parku ka ushtuar nga këngët dhe vallet e shqiptarëve.

Veprimtaritë e programuara i ka hapë Simon Vukël. Moderatore të aktivitetit ishin Drenica Qeliaj dhe Etrita Ibroci.

Zbulimi i shtatores së Nënë Terezës, vepër e skulpturore e artistit shqiptar që jeton në Shtetet e Bashkuara të Amerikës, Vasiliev Nini, ishte moment i mbushur me emocione. Bishop Gerald Walsh bekoi shtatoren.

Hymni Amerikan u këndua nga këngëtarja Maria Cunneely, ndërsa Hymni Kombëtar Shqiptar nga këngëtari Kino Gara.

Me duartrokitje është shoqëruar egzekutimi i Himnit të Nënë Terezës prej të famshmes Soprano shqiptare Inva Mula.

Tony Dovolani i ka ngritur pjesmarrësit në këmbë tek ka përshëndetur dhe ka shprehu krenarinë për Shën Terezën e gjakut shqiptar. Ai po ashtu informoi se nuk do të jetë më pjesë e spektaklit  “Dancing With the stars”, por kontributi i tij do të shkojë së shpejti në Prishtinë.

Ansambëlmeni Mark Gjonaj, tha se shqiptarët ndjehen krenarë për Shenjtëreshën Tereza e Kalkutës, madhështia e së cilës i kalon kufijët e Kombit Shqiptar. Vepra e Nënë Terezës është e përbotshme. Ne kemi qenë shumë me fat që kemi një Shenjte, Nënë Terezën me prejardhje shqiptare.

Gati të njëzëshëm ishin klerikët që përcollën mesazhet e tyrë; Bishop Gerald Walsh, Imam Edin Gjoni dhe Fr. Nathan Preston.

Mesazhin e plotë të Imam Edin Gjonit, që zbërthen filozofinë e bashkëjetesës fetare shqiptare, lexuesit e Diellit do të lexojnë të plotë në Diellin e printuar.

Kanë përshëndetur pjesmarërsit “heroi i Recakut”, sic quhet nga Shqiptaret, Ish shefi i Misionit vëzhgues të OSBE-së, ambasadori William Walker, ambasadori i Indisë, ambasadorja e Shqipërisë në Kombet e Bashkuara Besiana Kadare, Konsullja e Përgjithshme e Kosovës në Nju Jork, ambasadore Teuta Sahatcia dhe të tjerë.

Me duartrokitje të zgjatura u shoqëruar “Lutja” në gjuhën shqipe e Nënë Terezës, e incizuar nga ish gazetari i zërit të Amerikës, Gjekë Gjonlekaj.

Më pas janë recituar poezi për Nënë Terezën.

Haxhi Maqellara, ka kënduar me emocione nga reportori i tij-Këngë për Nënë Terezën, ndër të parat këngë në gjuhën shqipe.

Grupi”Votra” recitoi poezi për nënë Terezën. Po ashtu edhe Nosh Camaj ka recituar vargjet që kishte shkruar enkas për këtë ditë për Nënë Terezën.

Dy folësit për jetën dhe veprën e Nënë Terezës ishin edhe Ines Murzaku-profesore në Seton Hall University, në gjuhën angleze, dhe Profesor Gjon Ivezaj, në gjuhën shqipe.

Performimi i valltarëve të vegjël dhe të rinj të Asmblit”Rozafa”, pranë Qendrës Kulturore”Nëna Terezë” të Kishës “Zoja e Shkodrës”, me koreografe Angjelina Nika, ishte një nga pjesët më duartrokitura të programit argëtues.

Djem dhe vajza të hijshm e kanë performuar në skenë me veshjet tardicionale nga trevat shqiptare prej stilistes së njohur Bora Balaj.

Gëzim Nika, e ka ngritur parkun në këmbë me këngët e tij kushtrim, ndërkohë që në krah të tij ka kënduar edhe e mirënjohura Albërie Hadërgjonaj.

Me një prgram të vecantë  është  paraqitur edhe komuniteti indian me valle klasike, ku kanë egzekutuar Sahana Madabhushi dhe Aditi Sunil e Deeya Patel, si dhe këngë indiane nga grupiProgrami ka vijuar me Grupin Bashkimi Kombetar dhe grupet e tjera.(Një raport më të gjërë rerth kësaj veprimatrie do të lexoni në Diellin e  printuar)

Mark Gjonaj: Mësimet që nxora nga vepra e Nënë Terezës

by

1 Marku ok

Me rastin e shënjtërimit të Nënë Terezës, Zëri i Amerikës po zhvillon intervista me komunitetin shqiptar të Nju Jorkut. Mark Gjonaj, anëtar i legjislaturës shtetërore të Nju Jorkut është një ndër nismëtarët e një aktiviteti që do të zhvillohet në Manhatan më 4 shtator, ku pjesëtarë të komunitetit do të ndjekin shenjtërimin e Nënë Terezës dhe do të festojnë kujtimin e saj me një bust që do të zbulohet në Manhattan. Zoti Gjonaj bisedoi me kolegen Ardita Dunellari mbi figurën e Nënë Terezës, shembullin që ka lënë ajo si humaniste, si një kujtim të dashur të fëmijërisë së tij, nga vizita e Nënë Terezës në Nju Jork: Shenjtërimi i Nënë Terezës është një moment historik për komunitetin shqiptaro-amerikan në Nju Jork. Anëtari i Legjislaturës Shtetërore të Nju Jorkut, Mark Gjonaj, thotë se aktiviteti në Manhatan është organizuar me qëllimin që të festohet vepra e humanistes së madhe në ditën e shenjtërimit të saj:

“E fillojmë me transmetimin e drejtpërdrejtë të meshës nga Roma, në ora 4 të mëngjesit në Nju Jork. Presim të mblidhen qindra vetë për këtë meshë, që ta ndajmë dhe ta festojmë këtë moment me të tjerët dhe të marrim pjesë në këtë zhvillim historik. Do të kemi edhe meshën tonë nën drejtimin e Peshkopit Walsh në mesditë. Dhe më pas do të kemi një ditë të mbushur me aktivitete gazmore: kërcime, këngë, folklor”.

Aktiviteti bashkon njerëz nga fe të ndryshme në emër të dashurisë dhe përkushtimit që zoti Gjonaj thotë se dëshmoi Nënë Tereza gjatë gjithë jetës së saj. Pjesëmarrës në aktivitet do të jenë pjesëtarë të komunitetit nga të gjitha besimet. Komuniteti shqiptar, thotë politikani nga Nju Jorku, po ofron një shembull se si mund të bashkohemi të gjithë, në emër të veprës së Nënë Terezës”.

“Ne kemi qenë shumë me fat që kemi një Nënë Terezë me prejardhje shqiptare… Ky është momenti që komuniteti shqiptar të tregojë se çfarë arriti të bënte një individ, me mjete modeste. Është shembull i një jete me synime të larta, i një jete që sjell ndryshime”.

Shqiptarët, thotë zoti Gjonaj, nuk mblidhen për ta përvetësuar Nënë Terezën, por për të ndarë me botën veprën e saj në shërbim të më të përvuajturve, që ka frymëzuar njerëz nga përkatësi të tjera etnike:

“Pjesëtarë të elektoratit tim më afrohen e më thonë “E di që Nënë Tereza është shqiptare?” Pra vijnë e më informojnë mua për prejardhjen e Nënë Terezës. Janë shumë krenarë sepse në jetët e tyre kanë parë, kanë mësuar, kanë ndjekur këtë grua që do të bëhet shenjtore, ndoshta edhe janë takuar me të. Ky moment prek të gjithë njerëzit, pavarësisht nga prejardhja etnike, apo besimi fetar”.

Zoti Mark Gjonaj ruan një kujtim të dashur nga fëmijëria kur Nënë Tereza erdhi në Nju Jork dhe ai e pa nga afër nobelisten e famshme gjatë meshës, megjithëse në atë moshë nuk e kuptonte se çfarë përfaqësonte ajo:

“Kisha jonë në Bronks është kishë e vogël, por atë ditë, mesha po mbahej përjashta, në hapësirën e parkimit, për të akomoduar turmën e madhe. Nuk e dija përse po mbahej jashtë mesha, por më bëri përshtypje një grua e veshur me të bardha. Kur kaloi kutia e donacioneve, me pushtoi dëshira për të dhuruar diçka. Si djalë i vogël kisha pesë dollarë dhe vendosa t’i dhuroj. Diçka e paharrueshme ndodhi më pas: kur po ktheheshim në shtëpi, duke ecur rrugës gjeta një kartmonedhë 20 dollarëshe. Ia tregova nënës: “Sa mirë” – më tha, “Tani ke 25 dollarë”. I shpjegova se 5 dollarëshin që kisha pasur më parë e kisha dhuruar. “E sheh, të pata thënë se po dhurove nga zemra në emër të Zotit, ta kthen dyfish; e paskam pasur gabim. Zoti ta ktheu katërfish”. Është një histori që do të qëndrojë me mua gjithë jetën, se çfarë do të thotë të japësh dhe të marrësh”.

Ai e pranon se nuk është e lehtë të ndjekësh shembullin e një njeriu të tillë, sidomos për dikë në politikë. Por bota, beson zoti Gjonaj, do të ishte një vend shumë më i mirë sikur njerëzit të ndiqnin një jetë të frymëzuar nga vepra e saj. Në këtë këtë moment historik, ai shpreson që shqiptarët do të gjejnë një mision më të madh brenda vetes, në shëmbëlltyrën e bijës më të famshme që ka nxjerrë kombi:

“Ajo bëri një jetë modeste. Ajo thoshte se në fund të jetës nuk do të ketë rëndësi sa pasuri kemi grumbulluar, sa shtëpi po lëmë pas, çfarë po u lëmë fëmijëve, por nëse po e lëmë këtë botë më mirë se e gjetëm, dhe çfarë kemi bërë për ta ndryshuar botën. Në këtë kohë të kufizuar që ndajmë me motrat e vëllezërit tanë, çfarë kemi bërë për t’ia bërë jetën më të mirë? Nuk mendoj se shqiptarët në vendet e tyre po jetojnë duke ndjekur gjurmët e Nënë Terezës. Mendoj se preokupohen shumë për veten, për ato që mund të marrin, jo sa mund të japin”.

“Të gjithë mund të mësojmë nga Nënë Tereza. Por për fat të keq nuk mund të them se të gjithë ne po ecim gjurmët e saj. Ndoshta shenjtërimi i saj është momenti i duhur, sepse duke mësuar më shumë për jetën e saj mund të kuptojmë rolin që na takon”.

Për momentin, vëmendja është tek ceremonia e shenjtërimit të nobelistes shqiptare.

“Nuk e di a do të na ndodhë përsëri që të përjetojmë shenjtërimin e një personi që e kemi ndjekur gjatë jetës sonë, prandaj është një moment i rëndësishëm dhe i rrallë”.

“Ky është një moment i jashtëzakonshëm për këdo, fakti që një grua që ka jetuar në kohët tona po kanonizohet si shenjtore, është moment i jashtëzakonshëm jo vetëm për komunitetin shqiptar por për të gjithë botën”.

Por mesazhi i vërtetë i kësaj dite është vepra e një njeriu të përkushtuar ndaj humanizmit dhe dashurisë për të tjerët, thotë zoti Gjonaj. Ai kujton fjalët e urta që e udhëhiqnin Nënë Terezën në veprën e saj dhe shpreson se në ditën e shenjtërimit të saj, njerëzit do të preken nga shembulli i jetës së saj në shërbim të njerëzimit:

“Nuk ka rëndësi dhurata, por dashuria me të cilën është bërë. Ndryshimet mund të realizohen me akte të vogla. Të gjithë duhet të përpiqen të ndryshojnë botën për mirë”. Është një mënyrë e jashtëzakonshme për ta jetuar jetën. Shpresoj se kjo lloj mendësie, ky humanizëm dhe kjo dashuri do të gjejë vend tek të gjithë; bota do të ishte shumë më e paqtë në këtë mënyrë”.(ZERI I AMERIKES)