Komuniteti Shqiptar i Stamfordit

NE STAMFORD U SHUA SHANDANI I MIRËSISË DHE MIRËQENIES NJERËZORE FILIP(UKA) DEDAJ/

– Trupi i të ndjerit do të pushojë në shtëpinë mortore, “Bosak funeral Home”, 453 Shippan Ave, Stamford , CT, të dielen me 26 Korrik 2020, nga ora 2pm-8pm.*/

NGA MHILL VELAJ-

Me pikëllim të thellë, ju njoftojmë për ndarjen nga jeta e njërit prej shqiptarëve të parë të emigruar nga Zhabeli i komunës së Gjakovës Filip (Uka) Dedaj, në një moshë relativisht të shtyer, po që kishte një shëndet të mrekullueshëm.
Familja Dedaj, pikërisht Filipi, që ishte shumë i ri, për shkak të mosdurimit dhe padrejtësive ndaj kombit tonë në Kosovë, u detyrua të merrte pjesë ne demonstratat mbarëshqiptare për të drejtat dhe lejimin e ngritjes dhe bartjes me dinjitet të Flamurit Kombëtar.
Demonstroi i tërë populli dhe rinia përparimtare e Kosov ës.
Në vitin e madh t ë Shqiptarëve të Kosov ës, më 1968, dhe Filipi u rreshtua në ato aradha te demonstruesve dhe mu për këtë, u ra në sy organeve hetuese të shtetit të Jugosllavisë Komuniste të kohës.Pas disa ftesave të njëpasnjëshme në Stacionet policore,për t’i shpëtuar dhunës fizike dhe psikologjike, u detyrua të ikte nga atdheu, drejt Shteteve të BEKUARA të Amerikës. Kështu e quante Filipi këtë vend model të Demokracisë, në të cilin besonte shumë. Ardhja e tij në Amerikë bëri që këtu të mos ndalonte asnjëherë së vepruari. Ai dha edhe dromcën e fundit duke kontribuar me fjalë e vepra për shqiptarinë.
E veçanta e Filipi ishte oratoria e përsosur, e mprehtë dhe urtake.Një filozofi karakteristike e mençurisë shqiptare që përcillet brez pas brezi.Kudo ishte nëpër demonstrata e kundërshtime për rënien e komunizmit dhe dritën e shpresës për Mëvetesinë e Kosovës.
Ky burrë zotëri ishte lindur më 30 mars të vitit 1935 ne Zhabel të Gjakovë.Ishte i biri Uka Dedaj, ndërsa nëna vinte nga një familje e nderueme e Ukë Zymberit. Nëna i vdiq mbeti jetim kur ishte vetëm njëvjeçar, u rrit nën përkujdesjen e familjarëve.U u martua me Kata (Katarina)Seba. Nga kjo martesë ata kishin një fëmijë, vajzën Ana(Hana).
Filipi ka lënë pas dy nipër: Aleksin e Gjergjin dhe mbesen Brigita.Këta janë me plot fëmijë.
Duke qenë prindër të mrekullueshëm, ka dhënë shembullin e një prindi tradicional të kohës .Bashkë me bashkëshorten e tij me bujari,punë e mikpritje, ndërtuan një të ardhme më të mirë.Filipi me një pamje prej fisniku, hijerëndë, fjalëpak e gojëëmbël me të gjithë. Për njerëzit që e njohim, mund të themi se ai vërtet e donte shumë jetën. Pamja e tij të stepte,mënyra se si i tregonte ngjarjet,batutat,meselet, me nje elekuencë e bindje të veçantë, të linte gojëhapur.Fjalën e tij askush s’e bënte dysh. Rrjedhat,katrahurat e jetës ,sfidat,qëllimet,rruga përcaktuese e fateve shqiptare e preokuponin shumë.Ndër të parët solli grupet e ndryshme të folklorit nga trojet shqiptare në Amerikë, për të dhënë mesazh atdhedashurie, madje i sillte me vetëfinancim.Priti bashkë me atdhetarët tjerë të gjitha delegacionet që vinin nga Kosova, për të mirën e vendit.Vizionin e paqes dhe revoltës të Rugovës, e çmonte shumë. Kastriotin , Adem Jasharin,Nënë Terezën i kishte idol.Shembullin e Anton Çettës e kishte në shpirt. Ishte i pari në Kuvende burrash për pajtim. Formimi i UÇK – së e motivoi e i dha krah e besim.Në fondet e ndryshme për Ilirinë e Dardaninë, ishte aty.Për kulturë,sport,ushtri ,ndërtim të faltoreve, kishave e xhamive,katastrofave të ndryshme natyrore,rasteve sociale,së bashku me aktivistët e tjerë të Komunitetit të Stamfordit që e kishte shumë për zemër. Drita e mirësisë së tij vezulluese, shndëriste kudo si nur.Të gjitha te pamet ngushëlluese, ndejat,gëzimet e ndryshme brenda komunitetit e kishim të parin që të na printe.Ishte Flamurtar i së mirës.Ikja e këtij burri ështe mungesë e madhe në komunitet dhe i pariparueshem për një kohë të gjatë.Do të na mungojë në çdo ndejë, në çdo odë, bashkë me oratorinë e tij. Do të na mungojë për jetë të jetës,neve dhe gjeneratave që do të vijnë.
Baca Filip,Malësori i Lekbibajve me origjinë nga Nikaj-Mertur.Baca i të gjithëve, pa dallim moshe,vendi ngado që kanë migruar shqiptarët drejt SHBA -ve,e kan nderuar e respektuar.
Pusho në Paqe, në Parajsën e merituar!
I jemi mirënjohës në emër të familjes dhe Komunitetit tonë shqiptar,per punen e tij te palodhshme .
Komuniteti i Stamfordit e falënderojmë Leon Gjonin,biznesmenin e nderuar te kesaj zone i cili nuk kurseu asgjë për Filipin, për të cilin kishte respekt gjatë gjithë jetës së tij. Gjithmonë do ta kujtojmë me respekt, dashuri dhe me shumë pietet,Bacen Filip.
Shpirti i Tij u prehtë në paqe!
Filipi (Ukë)Dedaj, lindi për të mos vdekur kurrë.
Ai jetoi dhe veproi vertikalisht.
Ai nuk u dorëzua kurrë!

*****
*Trupi i të ndjerit do të pushojë në shtëpinë mortore, “Bosak funeral
Home”, 453 Shippan Ave, Stamford , CT, të dielen me 26 Korrik 2020, nga ora 2pm-8pm.

Mesha e Dritës dhe salikimet e fundit do të kremtohen të hënën më 27 Korrik 2020, në orën 11am, në Kishën Katolike “Zoja e Shkodrës”, prej ku mbas meshës, trupi i të ndjerit do të përcillet për në varrezat “Queen of Peace Cemetery “, 288 Rock Rimmon Road, Stamford , CT.
Trupi i të ndjerit do të pushojë ne “Bosak funeral
Home”, 453 Shippan Ave, Stamford , CT, të dielën me 26 Korrik 2020, nga ora 2pm-8pm.

Stamford, Korrik 2020