ne Kuvend – Page 2 – Dielli

Reshjet e shiut të rëna gjatë ditës së djeshme kanë bërë që lumi Vjosë të dalë sërish nga shtrati, duke zgjeruar hartën e zonave të përmbytura. Në qytetin e Fierit janë përmbytur disa fshatra. Për të parë nga afër situatën, kryeministri Rama ndodhet sot në Vlorë. Ai ka inspektuar argjinaturën e Selevecit dhe deklaroi se kjo situatë është një betejë me natyrën dhe me të shkuarën.
-Ne do të vazhdojmë me të gjitha forcat të përballojmë situatën”, -u zotua Kryeministri.
Ndërkaq nga të dhënat mësohet se niveli i lumit Vjosë është rritur me 1.5 metra duke dalë nga shtrati dhe 3 familje në lagjen Fitore, janë sërish të përmbytura. Ndërkohë problem mbetet baza ushqimore për bagëtitë. Forcat e Ushtrisë do të nisin menjëherë shpërndarjen e ushqimeve për banorët dhe bagëtitë. Deri më tani nga burimet e ministrisë së Brendshme janë përmbytur rreth 17 mijë hektarë tokë, ku përfshihen tokë bujqësore dhe zona të banuara kanë qenë nën ujë. Rreth 5 mijë hektarë tokë, ku përfshihen vetëm shtëpi dhe zona të banuara, dhe ku janë përqendruar operacionet e ndihmës për banorët janë nën ujë. Ndërsa mbi 600 familje janë evakuuar nga banesat e tyre për shkak të përmbytjeve.

POLITIKA :MBYTET” NE REPLIKA
***
Nderkohe qe Shqiperia eshte nen pushtetin e ujerave,politika, sic do te njete, mbytet ne replica ne Kuvend. Kryetari i grupit parlamentar te PD-se, Edi Paloka, akuzoi sot në Kuvend qeverinë dhe kryeministrin Rama se nuk po merren seriozisht me situatën në zonat e përmbytura. Ai ka kërkuar që Kryeministri duhet të japë shpjegime për situatën dhe të mos bëjë shoë mediatik. “Rama nuk po merret me situatën, por po bën shoë mediatik, sepse nuk guxon të përballet me realitetin. Prandaj e përsëris, të dalë këtu e të japë llogari për situatën dhe të informojë, pasi është detyra e tij kryesore të japë llogari. Çfarë masash mori për situatën në zonat e përmbytura? Çfarë masash mori përveç asaj që paska njoftuar disa fshatarë se po përmbyteni!? Çfarë masash mori pas përmbytjes? Sa tokë është e përmbytur, sa është numri i familjeve të përmbytura? Çfarë masash janë marrë për t’u strehuar këto familje”, -janë pyetje që Paloka i ka bërë në sallën e Kuvendit, kryeministrit Rama.
Sipas deputetit të PD-së, shkaku se përse qeveria nuk vendos gjendjen e emergjencës është sepse nuk do që të paguajë paratë e dëmeve të shkaktuara nga përmbytja. Nëse vendoset një gjë e tillë, shteti duhet të paguajë në masën 100% dëmin e shkaktuar. “ Nëse shpallet emergjenca civile, Rama duhet të paguajë në masën 100% banorët e prekur nga përmbytja, por ai nuk do të japë asnjë kacidhe. Ai pretendon se ka kërkuar ndihma nga Europa, por nuk mund të kërkosh ndihmë pa shpallur gjendjen e emergjencës dhe kjo nuk është zgjidhje”, vijoi Paloka.
Zëvendëskryeministri Niko Peleshi tha se akuzuat e ngritura nga PD, nuk qëndrojnë sepse të gjitha strukturat e qeverisë janë të angazhuara që prej ditës së parë të katastrofës natyrore. Si mjaft pozitive në këtë situatë ai ka vlerësuar faktin që nuk pati humbje jete. “Kryeministri Rama ndodhet jo për herë të parë në terren pranë zonave të përmbytura dhe nuk është vetëm për të bërë atë që bën kreu i opozitës, shoë me çizme në ujë, por janë të gjitha strukturat e angazhuara të qeverisë shqiptare, që prej ditës së parë, por edhe para se përmbytja të ndodhte, në gjendje gatishmërie e pune pranë të gjithë qytetarëve. Përmbytja nuk mund të shmangej totalisht, pasi i kalonte mundësitë e strukturave të shtetit, por një lajm të mirë e kemi sot, që është rezultat i ndërhyrjes energjike të gjithë strukturave të emergjencës, se nuk kemi asnjë jetë njeriu të humbur. Sot sigurisht prioritet i prioriteteve të qeverisë shqiptare është shpëtimi i jetës së njerëzve, i pasurisë së banorëve të përmbytur”,- tha Peleshi.

PSE NUK SHPALLET GJENDJA E JASHTZAKONSHME?
irane- Pse nuk shpallet gjendja e emergjencës civile?” ka qenë temë e debatit dhe replikave mes maxhorancës dhe opozitës në seancën e sotme parlamentare.
Debati u zhvillua mes numrit dy të qeverisë dhe kreut të grupit të PD Edi Paloka por edhe mes ministrit të Brendshëm Saimir Tahiri dhe deputetit të PD-së, ish zv/ministrit të Brendshëm Arben Ristani.
Sipas zv.kryeministrit Peleshi qeveria nuk e shpalli gjendjen e emergjencës për të mos bllokuar veprimtarinë në qark për shkak të një zone të përmbytur, por sipas PD-se, qeveria i ka braktisur banorët e zonave të përmbytura dhe nuk do të shmangë dëmshpërblimin e banorëve të përmbytur. Maxhoranca thotë se opozita aktuale nuk ka të drejtë të flasë pasi kur ishte ajo në qeveri, dhe ndodhi përmbytja në Shkodër nuk kompensoi banorët e dëmtuar.
Niko Peleshi: Është spekullim me shpalljen e statusit të emergjencës. Qytetarit nuk i interson statusi në letër por çfarë bën qeveria në terren. Nuk kemi lënë asgjë pa bërë. Gjithashtu ka një argument teknik që nuk i intereson qytetarit: Mos shpallja e gjëndjes së jashtëzakonshme është bërë për të mos paralizuar jetën e veprimtarinë në të gjithë qarkun për shkak të një zone ttë përmbytur pavarësisht se situata atje ka qenë dramatike.
Për qytetarët menaxhimi i një situate të tillë pa e vendosur në një menaxhim emergjence do të ishte i preferuar jo kundërshtuar. Vlerësimi I drejtë dhe real dhe kompensimi I cdo dëmi sapo të kemi kaluar emergjencën e përmbytjes. Ky është prioritet.
Edi Paloka: Nuk na e tha sa km argjinaturë mund të ishin bërë me këto paratë që hidhen në vrimat e muzeut të Ramës apo kullat e Ramës. Ata që shpëtuan nuk besoj se shëptuan prej jush, pasi në media dëgjonim se dolëm me not. Por ata thonë se vetë janë në mëshirë të fatit por sat ë jenë me Ramën do të jenë edhe më zi. Paska vajtur të bëjë cirkun mediatik.
Arben Ristani: “Nuk duan tju dëmshpërbjenë. Prandaj nuk e shpallin gjëndjen e emergjencës. Gënjeshtra ka fytyrën e atij që nuk është këtu (flet për Edi Ramën). Nuk marrin dot asnjë ndihmë nga Brukseli nëse nuk shpallin gjëndjen e emergjencës civile
Saimir Tahiri: Mëso termin se ke qenë zv. Ministër i Brendshëm. Nuk mund të paralizonim jetesën e një qarku të tërë, vetëm se në disa zona ishte përmbytje. Forcat operacionale ishin në gadishmëri të plotë. Ju nuk i dëmshpërblyet banorët e Shkodrës dhe i latë 37 milionë euro borxh. Përmbytu, hajt se ti kam …Ju nuk ishit fare të interesuar.. kur ishit në krye të qeverisë bënit vetëm fjalë..
Paloka: Rama të vijë në Kuvend të informojë. Meta: Ndodhet në zonat e prekura
Kryetari i grupit të PD-së Edi Paloka kërkoi që kryeministri Edi Rama të vinte në Parlament për të dhënë informacion në lidhje me situatën.
Kryetari i parlamentit informoi se Rama po inspekton zonat e përmbytura ndërkohë që zv/kryeministri dha informacionin mbi situatën e përmbytjeve.
Edi Paloka: “Nuk ka asnjë informacion zyrtar mbi situatën e përmbytjeve. Informacionin e kemi marrë nga deputetë të opozitës, medias. Prandaj kërkojmë që kryeministri të vijë e të raportojë me detaje për cdo gjë që lidhet me këtë situatë, deputetët duhet të informohen dhe të informojë për situatën.
Rama të vinte në Kuvend e të raportonte mbi situatën.
Ilir Meta: Rama ndodhet në zonat e përmbytura.
Niko Peleshi: Ky është spekullim. Rama ndodhet në terren dhe nuk është të bëjë shoë me cizme si Basha por është në gjëndje gadishmëri e në cështje pune. Përmbytja nuk mund të shmangej totalisht pasi i kalonte strukturat shtetërore. Por pozitive është se nuk kemi asnjë jetë të humbur. Prioritet është shpëtimi i jetës së njerëzve dhe pasurisë së qytetarëve
DEBATI
Me akuza dhe batuta është shoqëruar seanca e kësaj të enjte midis ish kryeministrit Berisha dhe numrit dy të qeverisë. Sipas Berishës, Peleshi ka lënë në harresë korçarët. Numrit dy i qeverisë ka ftuar ish kryeministrin ti cojë akuzat që ka në prokurori ndërkohë që në debat është përfshirë për të qetësuar situatën kryetari i parlamentit Ilir Meta.
Sali Berisha: “Sa ka kushtuar unaza e Korçës, sa kanë kushtuar pallatet të cilat i janë dhënë zotërisë kryetar bashkie për t’ja dhënë romëve dhe ia dha militantëve socialistë, këtë që lumturuan xhepat e veta dhe përvetësojnë troje dhe vinë këtu na thonë se është bërë sa 20 vjet. Nuk është normale kjo, duan ta përdorin platformën për të na mashtruar se Korça i dëgjon të gjithë.”
Niko Peleshi: “Si politikan i rafinuar në 40 vjet dini t’i rregulloni fjalët për të mos u përballur me Prokurorinë dhe thoni jeni akuzuar nga qytetarët. Nëse dikush nesër do gjejë kohë të merret me ju do thoni: “Prokurori unë thashë qytetarët”. Në atë kohë keni thënë dicka…pikturat e Vangjush Mios etj…ju kam dhënë nëse i dini…dhe keni folur nga vendi pa mikrofon. Keni thënë se i di unë ku janë, diku në Selanik dhe përrallat tuaja. Ju kam ftuar të shkoni në Prokurori vendin në Selanik apo ku e dini ju dhe të bëheni njëherë serioz pas kaq shumë vitesh në politikë”
Niko Peleshi: “Më vjen keq për shoqen time të klasës për të cilën kam një konsiderate dhe ruaj në memorie kujtime shumë të mira të gjimnazit”
Sali Berisha: “Përsa i përket fatkeqësisë së zonjës Qirici që ka pas në klasë atë (e ka fjalën për Peleshin), kjo nuk është përgjegjësi e zonjës Qirici, se në klasë nuk i zgjedh dot njerëzit”
Ilir Meta: “Jo jo….Ju kur keni qenë kryeministër keni pasur bashkëpunim me zotin Pleshi. Tani vetëm se keni ndërruar pozicionin nuk ja vlen ta prishni këtë miqësi”
Eleina Qirici: “Lakohet e lakohet shoqe klase po kemi qenë matura më e mirë, por jo shoqe klase, kemi qenë klasë paralele. Shokët e klasës i ke marrë në qeveri.

Nga Anila Struga/- Salla e Kuvendit të Shqipërisë çeli dyert këtë të shtunë, më 8 mars për deputetet nga të gjitha trevat shqiptare.Për herë të parë në kryeqytetin e Shqipërisë, 8 marsi ka bërë bashkë në parlament ligjvënëset e të gjitha trojeve shqiptare. Punimet e seancës u çelën nga mikëpritësja dhe organizatorja e këtij takimi, kryetarja e Aleancës së Grave Deputete, Mesila Doda. Gjatë fjalës së saj, ajo theksoi se sfidat e grave janë të shumta, por asgjë nuk mund të përballohet nëse nuk ka një bashkëpunim konstant mes deputeteve shqiptare.Deputetja Doda theksoi se deputetet shqiptare duhet të nisin një Lëvizje të Përbashkët të Gruas Shqiptare dhe të krijojnë një forum të përhershëm mes grave të trevave shqiptare. “Pabarazinë ne e lindim dhe shpesh e rrisim vetë. Unë kam një vajzë dhe nuk mundem të pranoj që e kam sjellë në një botë të pabarabartë, ku ajo ka më pak shanse se vëllai i vet. Sot ne kemi në dorë të bëjmë diçka, kemi në dorë të nisim një lëvizje të gruas shqiptare dhe të krijojmë një forum të përhershëm mes nesh, në funksion të krijimit të një pozicioni të ri të gruas”, u shpreh Doda.

Zëvendëskryeministrja e Kosovës, Edita Tahiri, ndërsa vlerësoi iniciativën e Aleancës së Grave të Parlamentit të Shqipërisë për këtë bashkim, tha se ideali i grave shqiptare është ai i fuqizimit të kombit. Gjatë seancës me gratë deputete nga trevat shqiptare, Tahiri tha se fuqizimi i kombit dhe i grave janë dy procese që duhet të shkojnë paralelisht. “Të dashura deputete nga Shqipëria, Kosova, Maqedonia, gra nga Lugina e Preshevës e Malit të Zi, në emër të qeverisë së Kosovës, ju uroj gëzuar 8 marsin”, tha Tahiri.
“Sot po e shënojmë 8 Marsin me arritje të rëndësishme por kaq nuk është e mjaftueshme, ka shumë punë për të bërë, që gratë shqiptare të zënë vendin e merituar. Sot jemi në shekullin e 21, ndërsa mentaliteti mashkullor mbetet i shekullit të kaluar. Përpjekjet tona dhanë rezultate, por kemi një rrugë të gjatë për të bërë atë demokraci që duhet të vlejë njësoj për të dyja gjinitë dhe në radhë të parë në vendimarrje. Ideali jonë mbetet ai i fuqizimit të kombit tonë. Në këtë kthesë historike gratë luajtën një rol të rëndësishëm për kombin. Të bëhemi shembull se si bashkohen jo vetëm kombi, por shoqëritë nën sistemin e vlerave, në arsim, politikë, shkencë e fushat e tjera”, tha ajo.

Deputetet e Kuvendit të Shqipërisë, Kosovës , Maqedonisë aktivitet për 8 Marsin në Kuvend. Foto:Albert Myftaraj

Nënkryetarja e Kuvendit të Maqedonisë, Suzana Salihu, në fjalën e saj e vlerësoi takimin e grave parlamentare të trevave shqiptare si historik, sepse për herë të parë, tha ajo, në Tiranë, në Kuvendin e Shqipërisë, sot me 8 mars jemi mbledhur deputetet shqiptare.
“Gruaja shqiptare edhe në kohët më të vështira jo vetëm ka qenë pjesë e proceseve, por edhe prijëse e tyre”, deklaroi Salihi.. Sipas saj, gruaja shqiptare kudo të jetë ka çfarë t’i dhurojë shoqërisë, por edhe Europës.
Sfida më e madhe e femrës shqiptare, theksoi Salihi, është që edhe më tutje të ruajë vlera familjare, të ruajë e kultivojë vlerat kulturore.

Ministrja e Mbrojtjes, Mimi Kodheli, në fjalën e saj tha se “shumëkush e percepton këtë ditë si ditën e kërkesës dikush si të festës, dikush si të revoltës me të drejtë dhe disa si të mos harresës, por të gjitha bashkë pavarësisht nga këndvështrimi e quajmë këtë ditë Ditën e Gruas”.

“Kur flas për dhunën shpesh herë ajo e padukshmja dhe ajo e sofistikuara është më e keqja dhe më e vështira për të luftuar, sepse shpeshherë ajo fshihet pas buzëkuqit ose mbas justifikimesh në emër të barazisë . Për fat të keq kjo ndodh rëndom edhe në nivelet e politikës, por unë mund t’ju them me plot besim se ka akoma në këtë vend burra dhe gra që për fat të mirë e mendojnë ndryshe e mendojnë ndryshe”, nënvizoi Kodheli.

Ministrja Kodheli u shpreh se “në qeverisjen e sotme numri i zonjave është më i larti në historinë 100 vjecare të Republikës së Shqipërisë. Diskutimi im është një thirrje për të ndryshuar gjërat, por ato mund të ndryshohen nëse ne do të jemi të gjitha së bashku, ndryshe e kemi luftën të humbur pa e filluar akoma”.

“Unë jam besimplotë se ne do ta fitojmë këtë betejë shekulli që ka ardhur, që është shekulli i grave në të gjitha trevat shqiptare”, përfundoi Kodheli

SHQIPËRIA NËN UJË, POLITIKA “MBYTET” NË KUVEND

8 marsi, gratë deputete nga trevat shqiptare mblidhen në Kuvendin e Shqipërisë