Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Shoqata Malësia e Madhe në New York ka mbajtë takimin e parë

by

Tubimi ishte mjaftë shpresëdhënës dhe inkurajues thotë professor Gojçaj duke shtuar se me këtë rast u formua edhe një komision i këtushëm për ngritje fondesh, mbase sipas parallogaritjeve duhen siguruar këtu në diasporë, rreth 200,000 dollar
BRONX NEW YORK : Shoqata Malesia e Madhe e New Yorkut , e cila vepron në zonë e Tri-Shtetshti, prej bashkimit të tyre mbajti takimin e parë me mbarë malësorët, të cilët jetojnë dhe punojnë në zonën e Tri-Shtetshit – New Yorkut, New Jersey dhe të Connecticut, më datën 22 Mars 2015, në lokalin Estwod Manore në Bronx – njofton në rrjetin shoqëror facebook kjo shoqatë.
Profesor Gjokë Gojçaj, i cili ka publikuar edhe fotografit nga tubimi i malësorve të dielën theksonë se :”Shoqata Malësia e Madhe e New Yorkut u mblodhë që së bashku të definojë obligimet e tyre, primare orjetimet programore dhe misionin e kësaj shoqate të bashkuara tashmë- për të ardhmen e tyre”.
Ai sqaron se në këtë tubim u trajtuan dy çështje më primare për momentin:
E para simbas tij çështja e rritjes dhe forcimit të shoqatës në fjalë, me anëtarë e veprimtarë të rinjë.
Vlen te theksohet, thotë Gojçaj, se disa nga të pranishmit filluan menjëherë të plotësojnë formularet e anëtarsimit.
Dhe, e dyta: ka qenë në diskutimet në këtë tubim çështja e ndërtimit të shtëpisë funerale në Malësi, për nevojat e gjithë trevës dhe gjithë malësoreve, pa dallim feje e tjer..
Ata njoftojnë gjithashtu se në këtë tubim ishin prezentë edhe katër të deleguar nga këshilli punues për realizimin e ketij objekti, nga Malesia.
Tubimi ishte mjaftë shpresëdhënës dhe inkurajues thotë professor Gojçaj duke shtuar se me këtë rast u formua edhe një komision i këtushëm për ngritje fondesh, mbase sipas parallogaritjeve duhen siguruar këtu në diasporë, rreth 200,000 dollar.
Tubimi i komunitetit rreth këtij projekti, për grumbullime fondesh, do të mbahet më 19 Prill 2015.
Shoqata Malësia e Madhe në New York – e cila përfshinë krejt zonën e Tri-Shtetshit është krijuar si rezultat ibashkimit të shumëpritur, si thonë ata; të dy subjekteve të atëhershme: Shoqatës Dedë Gjo Luli dhe Fondit Humanitar Malësia, të cilat nga 1 janari i këtij viti janë shkrirë në këtë subjekt të ri me emrin Shoqata Malësia e Madhe në New York./B.SINA/

NDAHET NGA JETA NE NEW YORK AKADEMIK MENTOR PËRMETI

by

Sherbimet funerale do te kryehen te Dielen me 8 Mars, nga ora 11-14.00 ne Shtepine Mortore qe ndodhet ne adresen:
Morton Funeral Home
663 Grandview
Ridgewood , NY 11 385.
Sipas amanetit të tij, trupi i Prof. Mentor Përmetit, do të prehet në Shqipëri.

Në datën 5 Mars 2015, pas një sëmundje të rëndë, u nda nga jeta në moshën 94 vjeçare, Profesor Mentor Përmeti, ish antar i Akademisë së Shkencave të Shqipërisë, drejtues i lartë në disa institucione të sistemit të bujqësisë.
Mentor Përmeti, lindi në Tiranë, më 20 dhjetor 1920. Ka mbaruar Gjimnazin e Tiranës, ndërsa studimet e larta i kreu në Universitetin e Sofjes, Bullgari në degën e Agronomisë. Fillimisht ka punuar si seleksioner për bimët foragjere dhe më vonë ka punuar me seleksionimin e bimës së grurit. Në vitin 1991, në strukturën e mbjelljeve të grurit, kultivarët e krijuar nga prof. Përmeti, zinin gati 60 për qind të sipërfaqes së mbjelljeve në shkallë vëndi.
Profesor Mentor Përmeti, e nisi punën si bashkëpuntor shkencor në Stacionin e Kërkimeve Bujqësore, Laprakë në vitin 1951. Punoi në Ministrinë e Bujqësisë, deri edhe me detyrën e zëvëndësministrit . Në fundvitet ’50, drejtoi disa vite Institutin e Kërkimeve Bujqësore në Lushnjë, më vonë kreu detyrën e rektorit dhe pedagogut në ish Institutin e Lartë Shtetror të Bujësisë (sot Universiteti Bujqësor). Ka punuar disa vite në Ndërmarjen Bujqësore të Sukthit, në NB ”29 Nëntori ‘’ në Lushnjë. Nga viti 1978 deri në vitin 1981, punon për të dytën herë si drejtor i IKB Lushnjë. Më vonë punoi në Komitetin e Shkencës dhe Teknikës, në Institutin e Kërkimeve Biologjike, në Akademinë e Shkencave, etj. Kudo ku ka punuar, është dalluar për përkushtim, për njohuri të thella shkencore e praktike, i papërtuar dhe krijues, duke udhëhequr me shëmbullin personal. Kurdoherë ka qënë novator, dhe i papajtueshëm me mendimet konservatore.Të gjithë ata që kanë punuar me prof. Mentor Përmetin, ruajnë kujtimet më të mira për të si drejtues, si koleg dhe shok e mik besnik.
Profesor Mentor Përmeti, ishte ndër tre ‘’Kandidatët e Shkencave të Bujqësisë”, të parë në Shqipëri pas Luftës së Dytë Botërore. Gjithashtu ka qënë kryeredaktori i parë i ‘’Buletinit të Shkencave Bujqësore’’, me fillesë vitin 1962. Është bashkëautor në ‘’Fjalorin Enciklopedik Shqiptar (Akademia e Shkencave, 1985). Në fushën e botimeve, është nga të parët për numrin e tyre, autor i mbi 40 tituj librash, broshurash, tekste mësimore, pa llogaritur artikujt shkencorë e problemorë në shtypin e kohës. Ka hartuar me dhjetra kumtesa e referate, të mbajtura brenda e jashtë vëndit. Duhet theksuar se ai ka drejtuar me kompetencë Konferencën Kombëtare të Shkencave të Bujqësisë në vitin 1975 dhe ka punuar për Fjalorin Enciklopedik Shqiptar, botimi i vitit 2007. Ka udhhequr me dhjetra studentë në mbrojtje diplomash si dhe shumë specialitë të instutucioneve shkencore apo të prodhimit, për marjen e titujve shkencorë.
Profesor Mentor Përmeti, ka qënë antar i Akademisë së Shkencave, ishte ndër tre specialistët më të përgatitur e me meritokraci, krahas, profesorëve, Hysen Laçej e Teki Tartari. Ai ka dhënë ndihmesë e ka bashkpunuar edhe me Akademinë e Shkencave të Kosovës, dhe Akademitë e tjera në trevat shqiptare. shqiptar.
Kudo në Atdheun tonë gjen gjurëm të punës së tij shkencore, siç i gjen ato në çdo ferëm dhe në arsimin bujqësor shqiptar. Trashigimia e tij arsimore – shkencore do të mbetet në themel të zhvillimit të ardhshëm bujqësor- mjedisor të vëndit e rajonit.
Për punë të mirë, është dekoruar disa herë me medalje e Urdhra Pune si dhe me Urdhërin ‘’Mjeshtër i Madh’’ si dhe ‘’Qytetar Nderi i Përmetit’’.
Vitet e fundi të jetës së tij, i ka kaluar në emigracion, në Amerikë, bashkë me vajzën, Mirën, dhëndrin Gëzim Gjyrezi dhe me mbesën e nipin, etj, e ku asnjëherë nuk i kanë munguar dashuria dhe shërbimi, pas gjëndjes së rënduar me shëndetin.
Kujtimi i Profesor Mëntor Përmetit, do të mbetet i paharruar, në kujtesën e brezit me të cilin punoi, të kolegëve e tij, të bashkëpuntorëve shkencorë si dhe studentëve që e patën pranë. Po ashtu ai do të kujtohet edhe nga punonjësit e prodhimit bujqësor, nga fermerët, me të cilët ka ndarë kudo e kurdoherë gëzimet e shqetësimet. Profesor Mentor Përmeti, do të mbetet një mësues i madh. Nga jeta e puna e tij do të kenë çfarë të mësojnë edhe brezi i ri, sidomos ata që do të kenë fatin të vazhdojnë rrugën në fushën e bujqësisë. Sipas amanetit të tij, trupi i Prof. Mentor Përmetit, do të prehet në Shqipëri.
I përjetshëm qoftë kujtimi i tij! I qoftë i lehtë dheu i tokës mëmë ! U prehtë në paqe e qetësi!
Sherbimet funerale do te kryehen te Dielen me 8 Mars, nga ora 11-14.00 ne Funeral Home qe ndodhet ne adresen:
Morton Funeral Home
663 Grandview
Ridgewood , NY 11 385.
Sipas amanetit të tij, trupi i Prof. Mentor Përmetit, do të prehet në Shqipëri.
Telefoni i familjes: Tel 17187302407.

KA NDERRUAR JETE NE NEW YORK VEPRIMTARI SHEQIR GASHI NGA PEJA

by

Komuniteti po i shpreh ngushellimet sot, e merkure 4 Shkurt 2015, varrimi ne vendlindje/
Komuniteti Shqiptar i Nju Jork-ut me rrethe eshte duke shprehur ngushellimet familjes Gashi. Dje, me 3 mars 2015, ne moshen 72 vjeçare vdiq aktivisti shumëvjeçar i komunitetit Shqiptaro – amerikan, Shiqer Gashi, me origjinë nga Barani i Pejes.
Nderimet e fundit te ndjerit Gashi po behen sot, e merkurë nga ora 2 pas dite dhe do te vazhdojne deri ne 9 te mbremjes, ne Shtepinë Mortore Ruggierio and Sons ne Yonkers Avenue, ne Yonkers te Nju Jorkut, ndersa varrimi behet diten e shtunë, me 7 Mars, sipas deshires se te ndjerit Shiqer Gashi, ne Baran te Eperm, do te varroset ne vendlindje. Vatra I shpreh ngushëllime familjes Gashi!

Senatori Gary Peters takon veprimtarë dhe diplomatë Shqiptarë në New York

by

NGA HALIL MULA/
Veprimtarë dhe biznesmenë të komunitetit shqiptaro amerikan Martin Shkreli, Harry Bajraktari, Richard Lukaj, Avni Mustafaj takuan senatorin e SHBA Gary Peters të cilin e përgëzuan për fitoren e tij në senat, që është dhoma e lartë e Kongresit të SHBA.Senatori Peters kishte ardhur enkas nga Wahingtoni për të falenderuar komunitetin shqiptar për përkrahjen dhe për të koordinuar punën me kërkesat dhe nevojat e komunitetit si dhe në raport me Kosovën, Shqipërinë dhe trevat shqiptare në Ballkan, posacërisht trevat shqiptare në Mal të Zi, pasi që senatori Peters vjen nga shteti i Michigenit, ku ka një numër të madh shqiptarësh nga Mali i Zi. Në takim me senatorin Peters morën pjesë edhe diplomatët shqiptar, Ambasadori i Shqipërisë Ferit Hoxha, konsullja e përgjithshme e Kosovës Vlora Citaku, konsulli Korab Mushkolaj, këshilltarët Ylber Kryeziu dhe Lindita Haxhitasimi.
Takimi ishte mjaft i përzemërt dhe konstruktiv ku u diskutuan forma konkrete të avancimit të komunitetit shqiptar si dhe cështjes shqiptare në Ballkan, avancimn e Kosovës drejt integrimeve euroatlantike, liberalizimin e vizave dhe cështje të tjera të rëndësisshme.
Pata kënaqësinë të jem me miqtë e mi në Nju Jork dhe sic e dini unë përfaqësoj një komunitet mjaft dinamik shqiptar nga zona e Detroitit në Michigen që vjen nga të gjithë trevat shqiptare. Në prononcimin e tij senatori Peters vlerësoj takimin me liderët e komunitetit dhe diplomatët shqiptar.
Mes të tjerash, vazhdoi senatori Peters, ne diskutuam për vazhdimin e përforcimit të marrëdhënieve mes SHBA dhe shqiptarëve në rajonin e Ballkanit. Së bashku me mikun tonë Eliot Engel kemi qenë mjaft aktivë deri sa isha kongresist ndërsa tani do të bashkëpunojmë edhe më shumë me kampionin e cështjes shqiptare Eliot Engel dhe cështjet shqiptare mund ti bartim edhe në senat dhe së bashku të dyja dhomat e kongresit të punojnë së bashku në forcimin e raporteve dhe të fokusohemi në cështjet e rëndësishme për popullin shqiptar dhe të vazhdojmë të kultivojmë këtë miqësi që kemi me shqiptarët që janë ndër aleatët më të mirë që kemi dhe unë do të vazhdoj të punoj përkushtimisht në këtë drejtim, tha Senatori Peters.

”Një jetë …disa histori ” dhe Albanian Culture TV në New York

by

Nga Marjana Bulku/New York/
Po bëhet pothuajse një vit nga bashkëpunimi me Albanian Culture TV këtu në New York cka përkon me 18 vitet e ekzistencës së këtij televizioni që mbulon cështjet shqiptare në SHBA dhe më gjërë. Pa dashur të bëj histori dua të specifikoj disa epërsi që komunikimi televiziv sendërton duke bashkuar njerëz, ide, mendime pavarësisht distancave që na ndajnë.
Kur u ula për herë të parë në atë studio mes një arkivi të dendur 17-vjecar, në kujtesë më mbeti një personazh, do ta quaj kështu qytetarin Paqësor Hasanaj , i cili u bë shtysë për ndërtimin e formatit të ciklit ”Një jetë…disa histori”. Paqësori kishte emigruar në prag të viteve 90 -të në SHBA dhe mbante me vete enigmat e një persekutimi të padrejtë në Shqipëri që këtu ishin shndërruar në një të drejtë jo vetëm për të jetuar ,shkolluar,punuar,por edhe për të qenë sipërmarrës dhe ndihmuar të tjerët sic njeriu me emrin Paqësor kishte bërë në këto vite. I heshtur dhe punëtor ai mbante mjaft brenga në shpirt ku vetëm pak arriti të artikulonte ,me një fisnikëri që përshkon jo rrallë herë njerëz që regjimet ndëshkojnë padrejtësisht. Ai dëshmoi se nuk e kish merituar persekutimin,mosshkollimin, dhe trajtimin e pabarabartë ,pa e ngritur kurrë zërin,por duke punuar, falenderuar të parët njerëz që i kishin dhënë ndihmën e parë në këtë vend të madh, duke mos u lodhur, duke ndihmuar të tjerët.
…Duke ndjekur rrugëtimin e këtij njeriu të thjeshtë dhe fisnik përmes kronikës së larmishme të të papërtueshmit Adem Belliu, bujarisë dhe vizionit të bashkëshortes së tij Moza Belliu, kreativitetit dhe gadishmërisë të Vera Belliut që më duket herë si bijë, herë si nxënëse dhe padyshim bashkëpunëtorja më e afërt për mua që mundëson shumcka aty , arritëm të formatonim ” Një jetë…disa histori”.
Nuk di të them me saktësi nëse ajo studio u dha jetë historive të shqiptarëve apo historitë e tyre i dhanë jetë asaj ( historia e Albanian Culture TV daton me 28 nëntor 1997),por një gjë mund ta them me siguri : rrugëtimet tona(shqiptaro-amerikane) kanë udhëkryqe të përbashkëta dhe qëllimi i këtyre komunikimeve nuk ka qenë prezantimi vetëm i suksesit,shkëlqimit që të fal fama dhe paraja, jo aspak…Përmes komunikimit mediatik kemi dashur të prezantojmë udhëtimin që përshkon një qytetar shqiptar në SHBA -në ku jo gjithmonë hapësira është e shtruar me mundësira dhe shkëlqimi është i garantuar dhe doemos nënkupton sukses.Rrugëtimi si proces ku sakrifica është sublime dhe nxit të tjera hapa janë edhe fokusi ynë i vazhdueshëm. Historitë e Lumi Hadrit ku forca dhe brishtësia frymëzojnë, dhimbja -forcë e dr.Shpresa Xhaklit, humanizmi me emrin e Ismail Ketës & Ambra Medës, tingulli -peneli i Luka Hajdinit, humori i zgjuar dhe botimet e Pëllumb Kullës, Gjilberta Luca ,vajza që më bën të pëlotem por edhe të qesh shkodrance , zërat e rinj të Pranvera Cobës, kënga e Era Hoxhës,saktësia precize e sistematikut Dalip Greca,prezenca Vera Kurtit,ekselenca e Enea Jankos, Aleksandër Micit, dhurata historike në studio Tinka Kurti, pjekuria e parakohëshme e Granit Limanit, filmi shqip i Ariot Myrtaj, shkathtësia e Rina Lilës, vargu meditativ i Veneta Callpanit , qytetaria e Pandeli Simsias, historitë fisnike të Beqir Sinës autorit të lajmit ,Dielli i Vatrës, platformat dhe ekspertiza bankare e financierit Nick Markola si dhe vezullimet e eksperiencave të jashtëzakonshme diplomatike të Mal & Donika Berishës…janë kaq shumë dhe pas cdo komunikimi me ta ka një tërësi cështjesh të hapura nga të cilat mund të mësosh shumë. Jo më kot televizionet janë konsideruar universitete …tryeza të mendimit , debatit, vizioneve rreth një realiteti që për ne ,shqiptarët që jetojmë në Amerikë është shumë i madh edhe gjeografikisht. Jeta jonë zë fill atje në atdheun e shtrenjtë dhe degëzohet këtu, por me rrënjët atje, kujtimet, frymëzimet por edhe shqetësimet ,ankthin , enigmat në kushtet e një stabiliteti të munguar. Eshtë vetëm një jetë tek gjithsejcili nga ne, brenda të cilës jetojnë kaq shumë histori, ku theksoj suksesi nuk është i vetmi qëllim, por procesi i ecjes, vështirësive, përvojave nga ku mësohet , janë historitë shpesh edhe të përbashkëta ku fatet na bashkojnë duke na bërë edhe më solid në kushtet e heterogjenitetit. Ndodh që edhe në një studio të vogël të jetojnë tema të mëdha ,mendje e njerëz që fatet e tyre personale i kanë inspiruese dhe udhëzuese për të tjerët. Nuk janë vetëm librat ato që na udhëzojnë por edhe njerëzit, veprat mendimet të cilat urojmë ti takojmë e pse jo ti kemi miq të përjetshëm.
Marjana Bulku (shkurt 2015)
New York