Z. SIMON MIRAKAJ, VIZITË NË VATËR, NESËR NË PARADË/

Sot, e Premte -7 qershor, ishte për vizitë në Vatër, z. Simon Mirakaj, anëtar i Autoritetit Për Informimin e Dosjeve të ish Sigurimit të Shtetit 1944-1991.

            Z. Mirakaj së bashku me një delegacion nga ky Institucion u ftuan nga Fondacioni për Kujtimin e Viktimave të Komunizmit në Uashington dhe ishin pjesmarrës në një ceremoni përkujtimore me rastin e 30 vjetorit të masakrës në sheshin Tiananmen të Pekinit.

        Pas vizitës në Vatër, z. Mirakaj kaloi një drekë pune me kryetarine  Vatrës Dritan Mishto, shoqëruar edhe anëtari i kryesisë së Vatrës Zef Balaj, anëtari i këshillit të Vatrës Lek Mirakaj, vatrani Pashk Maksuti dhe editori i Diellit Dalip Greca.

         Gjatë qëndrimit në Nju Jork, delegacion i Autoritetit Për Informimin e Dosjeve të ish Sigurimit të Shtetit, do t’u dorëzojë dosjet ish të dënuarëve politik në burgjet e Shqipërisë komuniste, të cilët kanë paraqitur kërkesat pranë institucionit. Nesër, e Shtunë 8 qershor, ata do të jenë pjesë e Paradës së organizuar nga Rrënjët Shqiptare dhe që i kushtohet Kujtesës së viktimave të Camërisë.

      Me këtë rast ftojmë vatranët të bëhen pjesë e Paradës. Merrni me vete dhe fëmijët dhe i vishni ata me veshje kombëtare. Mos harroni sa më shumë flamuj kombëtar, amerikan, por dhe të Kosovës.

Ora 10 e mëngjesit është momenti i duhur. Vendi: 6 Ave & 43 street.