Përse nuk bën përpara Shqipëria

September 2, 2020 by dgreca

Nga Ilir Levonja- Për të kuptuar se përse nuk bën përpara vendi ynë, mjaft të bëjmë një krahasim të thjeshtë, mes Edi Ramës dhe Angela Merkelin. Plot dy vjet më parë Angela Merkel dha dorëheqjen nga kreu i CDU, pra partisë. E mori në vitin 2000 dhe e dorëzoi në vitin 2018. Edhe pse fitoi zgjedhjet e përgjithshme, ndofta më të vështirat, prapë në konventën e partisë deklaroi se largohej nga posti i kryetares dhe për rrjedhoj nuk do kandidonte më. Megjithatë do përfundonte mandatin në detyrë si kancelare a kryemistre e Gjermanisë, gjë që po e bën.

A kishte arsye të largohej? Ndofta asnjë. Politikisht u bë liderja de fakto e Europës. Sheshoi balancat tradicionale pozitë opozitë duke qeverisur me kundërshtarin vetëm për të mirën e vendit. Cilësohej si gruaja e hekurt. Vajza e Hamburgut lindor, aktivistja e unifikimit kombëtar konsolidoi ekonominë, jo rastësisht krizat europiane e botërore nuk iu afruan fare Gjermanisë. Mbajti peshën kryesore në krizat e lindjes së mesme karshi emigrantëve a të ikurve për shkak të luftrave civile. Sot shteti i saj është dominant në vendimmarrjet e Këshillit Europian. Përse duhej të largohej atëhere ajo nga drejtimi i partisë? Thjesht se e tillë është demokracia.

Tani merrni shefin tuaj. Jo më larg por dje nga Elbasani deklaroi se nuk ka ndërmend ta lëshoj postin e partisë. Ndau zonat duke ndërruar vendet dhe jo njerëzit. Megjithëse fryma demokratike kërkon që forumet janë ato që vendosin dhe kjo ndodh në bazë të shifrave, apo rezultave që ke arritur. Politikisht për 8 vjetë përçau dhe zbrazi vendin, 40% e shqiptarëve janë emigrantë. Zhvilloi politikën më konfliktuale deri në mbajtje zgjedhjesh lokale pa opozitën. Nuk i çeli negociatat për anëtarësimin e Shqipërisë në Këshillin e Europës. Nuk e përfundoi reformën në drejtësi. Ka 8 vjet në pushtet dhe vendi kap rreth 80% borxh publik, karshi 62% nga qeverisja e parë n 2013. Sot sipas atyre pak kërkimeve ekonomike në raport me qytetarin dhe të ardhurat, nga një investik i TopStory-it rezulton se, qytetarit shqiptar me të ardhurat e deklaruara i duhet 70 vjet të laj një kredi bankare, nëse blen një apartament. Praktika botërore qoftë edhe në vendet e dyta është 30 vjet. Bëjeni vet dallimin. Por le të vazhdojmë me ”gjeniun” e shqiptarëve që kërkon mandat kryetari e kryeministri, e kërkon se ka mendimin se i takon. Ndryshoi Kushtetutën e vendit pa konsensus politik, pa opozitën, vetëm e vetëm të manipulojë qoftë socialistët në rast të një humbje drastike, por edhe qytetarët duke përgatitur terrenin e kulturës vrastare të mos njohjes së rezultatit. Nëse Angela Merkel kontribuoi në unifikimin kombëtar, ky e largoi Shqipërinë dhe Kosovën. Sikur Shqipëria të kishte Angelën, sot Morini nuk do ekzistonte. Vendi do ishte me kohë në Europë. Dhe deputet do zgjidhej ai që kishte djersitur në shkollë dhe jo ai që blen diploma.

Përse policia shqiptare nuk e ndalon Klemend Balilin ?

May 12, 2016 by dgreca

*Berisha: Klemend Balili është njeriu i Kokëdhimës/

Klemend Balili vazhdon të mbajë detyrën e kreut të Drejtorisë së Transportit Rrugor në Sarandë edhe pse emri i tij figuron në dokumentat e policisë greke si kreu i një rrjeti të madh narkotrafikantësh dhe është i shpallur në kërkim në Greqi.

I cilësuar “si baroni i drogës” në Ballkan, ai konsiderohet si organizatori i dërgimit të sasive të mëdha të marijuanës nga Shqipëria në Greqi. 700 kilogram marijuanë u sekuestruan në një operacion të tre ditëve më parë në Zakynthos, ku ranë në pranga 15 persona, 5 prej të cilëve shqiptarë dhe 10 grekë.

Përgjimet e policisë greke dhe zyrës së DEA –s në ambasadën amerikane në Athinë, kanë zbuluar komunikimet e tij me anëtarët e rrjetiti. “Mos u shqetësoni. Në qoftë se ju kapin, unë do t’ju paguaj avokatët. Do të kujdesem për familjet tuaja”, u thotë ai personave që po kryenin trafikun e 700 kg marijuanë.

BIRN zbuloi dokumentin e policisë greke ku përmendet emri i Balilit. “Të akuzuar për shkelje të ligjit N433/13 për “lëndët narkotike” , ligjit 187 të kodit penal të “Organizatave Kriminale” dhe të nenit 8 Kod Penal “Krimet e kryera në shtetin fqinj” të akuzuar por jo të arrestuar janë tre persona, ndër ta dhe Klemend Balili i Sabaudinit dhe Nazes lindur në 20/03/72 në Shqipëri dhe banues në Sarandë për shkeljet e mësipërme”, shkruhet në dokumentet e policisë greke.

Por edhe pse policia greke e ka shpallur në kërkim si kryesorin e rrjetit, në Shqipëri ai lëviz i lirë dhe vazhdon të drejtojë Drejtorinë e Transportit Rrugor në Sarandë dhe të firmosë shkresa në emër të shtetit.

Policia e shtetit jo zyrtarisht ka deklaruar se nuk mundet ta arrestojë Balilin për shkak se nuk ka një kërkesë nga pala greke për ta arrestuar.

Këto deklarata janë të drejtuesve të policisë së shtetit, të bëra në formën e burimeve konfidenciale për media si Top Channel apo Shqiptarja.com.

Por policia e shtetit deklaroi zyrtarisht një ditë më parë se edhe ajo ka qenë e përfshirë në operacionin e madh antidrogë me policinë greke dhe DEA –n amerikane. Me këtë pohim ajo pranon se ka patur akses në informacionin e autoriteteve greke mbi shqiptarët që kryenin trafikun e drogës.

Po përse nuk vepron për ta arrestuar?

Sipas Shqiptarja.com policia i ka kërkuar Prokurorisë së Krimeve të Rënda ta ndalojë Klemend Balilin, por nga prokuroria nuk ka patur asnjë përgjigje.

Ndërsa sipas Top Channel, fakti që emri i Balilit figuron në hetimet e policisë greke, “e detyron policinë shqiptare që të kërkojë një urdhër-arrest ndërkombëtar nga Greqia për të kryer arrestimin e tij.”

Megjithatë, po TCH thotë se policia nuk mund të veprojë. “Sipas të dhënave paraprake, hetimi mbi Balilin nuk e nxjerr atë të përfshirë në një trafik droge në Shqipëri, pasi rezulton se vendi ynë ka shërbyer si korridor tranziti. Për këtë arsye, deri në këtë moment, sipas policisë shqiptare, Balili nuk mund të arrestohet vetëm nga të dhënat paraprake që policia shqiptare ka. Kjo, për të shmangur edhe problemet e mëvonshme juridike që mund të dalin në procesin gjyqësor nga avokatët e tij mbrojtës, argumenton policia. Balili është nën vëzhgim policor dhe me të mbërritur kërkersa për arrestim do të veprohet menjëher, shtojnë më tej burimet”, raporton ky televizion.

Arsyet se përse policia nuk po lëviz, sipas informacioneve që ajo u ka dhënë mediave jozyrtarisht, janë kontradiktore.

Nëse ka patur bashkëpunim në këtë operacion, ajo do të duhej të kishte vepruar tashmë me arrestime në Shqipëri, siç ka ndodhur në shumë raste të tjera të goditjeve të grupeve të trafikut ndërkombëtar të drogës.

Partia Demokratike e ka akuzur Ministrin e Brendshëm Saimir Tahiri, si të lidhur direkt me Klemend Balilin, përmes të afërmve të tij në fisin Habilaj, në Vlorë. Dhe kjo, sipas PD, është arsyeja përse Balili vazhdon të mbrohet duke dhënë deklarata nga zyra tij në Drejtorinë e Transportit në Sarandë. Tahiri i ka hedhur poshtë akuzat. Ndërsa Balili mbetet i lirë dhe në detyrën shtetërore që i është ngarkuar që në vitin 2014, ndonëse PD e denoncoi në atë kohë si anëtarë të një bande të trafkut të drogës me Greqinë, të arrestuar së bashku me disa punonjës policie në vitin 2006.

Berisha: Klemend Balili është njeriu i Kokëdhimës

Sali Berisha thotë se Klemend Balili, i kërkuar nga drejtësia greke nën dyshimin se është kreu i një grupi të madh narkotrafikantësh, është njeriu i Koço Kokëdhimës në Sarandë. “E di e gjithë Saranda që ai është sivëllau i Kokëdhimës. Dhe si i tillë ai është sivëllau i Ramës”, deklaroi ish –kryeministri në parlament. Klemend Balili mban detyrën e drejtorit të Drejtorisë së Transporteve në Sarandë dhe sipas Berishës ai është emëruar në këtë post me mbëshetjen e Koço Kokëdhimës, i akuzuar disa herë për punësimet e militantëve dhe të njerëzve të afërt me të në administratën publike

/Lapsi.al

PERSE PO E SULMON ATHINA TIRANEN ME MEGAFONIN THOMA DHIMA?

August 25, 2015 by dgreca

Të kordinuar mirë grekët, grekofilët kanë reaguar sitematikisht këto ditë nga Janullatosi me anë të megafonit të Thoma Dhimës, më tej Mitropoliti i Konicës i cili njëkohësisht është edhe kryetar i organizatës terroriste SFEVA-s, MPJ- greke./
Shkruan:Arben LLALLA/
Athina zyrare po nxit një sulm mediatik kundër kryeministrit Rama me pretekstin e një ndërtimi pa leje që pretendohet se është kishë e shën Athanasit.
Të kordinuar mirë grekët, grekofilët kanë reaguar sitematikisht këto ditë nga Janullatosi me anë të megafonit të Thoma Dhimës, më tej Mitropoliti i Konicës i cili njëkohësisht është edhe kryetar i organizatës terroriste SFEVA-s, MPJ- greke.
Sot reagoj edhe partia greke Demokracia e Re, pas nuk mbetën edhe vllehët e OMONIA-s me grekofonët e MEGA dhe PBDNJ.
Nuk mbeti qenë dhe mace rrugëve të Himarës pa reaguar në mbrojtje të asaj që nuk ka ekzistuar, nuk ekziston dhe nuk do të ekzistojë.
Ky sulm ka për qëllim dobësimin e personalitetit të Ramës përpara takimit ndërkombëtar të Shtatorit.

PERSE DUHET TE VRITET NJE FEMER?

December 27, 2012 by dgreca

Nga Mimoza Dajçi/

Nëse një vëlla, një baba, një bashkëshort apo i dashur vret një motër, një vajzë, një grua apo të dashurën e tij, pse nuk e shikon situatën paraprake me gjakftotësi, por me vrullin e parë i vë lakun në fyt. Ligji, policia e gjykata meren me dënimin e fajit, e jo dikush që nuk është as ligji e as gjykata. Çfarë do lloj gabimi apo faji ajo të ketë kryer, ata mund ti drejtohen drejtësisë e jo pushkës e sopatës sikur therrin një bagëti.

Shumë tronditëse janë faktet e shifrat e fundit për vrasjet mbi vajzat e gratë në Shqipëri. 118 viktima vetëm për vitin 2012. Një tmerr i vërtetë, si në kohën e inkuzicionit. Organizata Mbarëkombëtare Pajtimit të Gjaqeve ngre zërin, organizon takime, konsulta, biseda mes familjarëve, por përsëri shifrat rriten pa asnjë efekt. 1208 familje të ngujuara për këtë vit. Mijra fëmijë të izoluar, e pa shpresë për jetën. Edhe pleq po vriten për hakmarrje kohëve të fundit. Ku po shkon kështu vendi ynë, ç’është kjo kasaphanë në njerëz, e kur do ti vijë fundi.

Përsse duhet të vritet një femër? Nëse nuk e do, ndaje. Nëse të tradhëton përsëri ndaje, por mos e vrit e mos e masakro. Ti zotni x apo y që i mer jetën asaj kushdo qoftë, nuk je as ligji as drejtësia, por një kriminel që ke lyer duart me gjak, e duhet të marësh dënimin që meriton. Por edhe nëse krimineli mer dënimin, viktima përsëri nuk kthehet më, nuk vjen më në jetë. Vrasësi vret e largohet në drejtim të pa ditur. Shpëton. Po pse i trembet dënimit kur kryen një vrasje, pse nuk dorëzohet. Atij i dhimbset jeta, po për atë që vret pse nuk mendon, po i pret kokën si një pulë e përpiqet ta fshehë ku të mundet.

Një mashkulli me formim të ulët edukativ, i pëlqen të kalojë disa orë me një femër, por përfolja ndaj saj tek te tjeret përbën “argëtimin” më të madh të tij, veprim ky ofendues për femrën, por një prezantim i ulët i karakterit të mashkullit. Gruaja nuk eshtë vetëm për të lindur e rritur fëmijë, por një bashkëudhëtare e mirë e jetës së një bashkëshorti, prandaj ajo duhet trajtuar me respekt e dashuri njerëzore.

Këto janë ngjarje që duhet të trondisin jo vetëm familjarët e viktimave, por mbarë shoqërinë tonë, e duhet të meren masat më ekstreme për një vrasje të kryer me ose pa paramendim. Akte të tilla dhune ose vrasje kemi patur jo vetëm në veri të vendit, por edhe në qendër të Kryeqyetit të Tiranës. “Shqipëria është anëtare e NATO-s me të drejta të plota – më tha një ditë një grua e mbijetuar nga dhuna e te shoqit – e përderisa këto shifra po rriten dita ditës – vijoi ajo – ti kërkohet ndihmë NATO-s që të ndalohen vrasjet e dhunimet tek vajzat e gratë”

Kishte të drejtë, kërkonte shpëtim për vete, e fëmijët e saj, si dhe për mbarë shoqërinë tonë. Eshtë një femër inteligjente, por fati e lidhi me një burrë që abuzon ndaj saj, e rrihte, ishte edhe alkolist. Si pasojë e këtij mentaliteti të trashëguar edhe në Amerikë nëpër familjet shqiptare kemi patur akte e fenomene të tilla, ku burri ka vrarë gruan për motive të dobta, ose pa motiv fare, vetëm sepse ai është sipas tij “ligji” e ajo duhet ti bindet atij deri në vdekje. Marrëzi e sëmurë, e injorancë pa fund. Në një rast burri pasi ishte grindur me të shoqen në sy të fëmijëve e urdhëron atë që të dalë në rrugë në mes të dimrit e dëborës, e të qëndronte atje deri në mëngjes. Ç’janë këto dënime, ç’janë këto masa ndëshkuese për një grua, për një bashkëshorte, nënë e fëmijëve të tij? E më pas kur ai mer vesh se një i afërm i familjes e kishte strehuar kërkon ta vrasë, vetëm e vetëm se nuk kishte qëndruar gjithë natën jashtë në acarin e ftohtë, në mes të rrugës, poshtë godinës ku jetonin edhe fëmijët e tyre. Kjo është një ngjarje e jetuar, e njohur, e vërtetë. Po sa të tilla kemi, e të panjohura akoma….

Femra është vërtetë nga natyra si seks – më e dobët se mashkulli, por ai nuk duhet të masë forcat e tij me femrën. Le të përballet me drejtësinë për krimin e fajin që kryen. The Women’s Organizatin Hope & Peace, një organizatë jo qeveritare që meret me të drejtat e grave, po i shikon me kujdes këto raste e është duke dhënë ndihmesën e duhur për familjet me probleme të tilla.

New York, Dhjetor 2012

PERSE U CAKTUA LUSHNJA PER KONGRESIN HISTORIK KOMBETAR?

December 16, 2012 by dgreca

E para ishte në qendër të Shqipërisë. Pra, faktori gjeografik. Në një letër që “Mbrojtja Kombëtare e Kosovës” më 7 janar 1920 i drejton komitetit thuhet se: “paria e Lushnjes tregoi në krahasim me vendet e tjera një kurajë civile më të madhe e prandaj duhet me i çue asaj një letër përgëzimi e mirënjohje”./

SHKROI: Izet SHEHU*/

Në tryezën ngjyrë dhelpre të Konferencës së Parisit më 1919, po luhej një nga tragjeditë më absurde mbi shpinën e kombit tonë, nga më të vjetrit, më krenarët dhe nga më bujarët në Gadishullin e Ballkanit. Fuqitë e Mëdha u treguan kasapë të pamëshirë më kufijtë e Shqipërisë në vitin 1913. Qeveria e Turhan Pashë Përmetit u tregua e qulltë për të mbrojtur çështjen kombëtare. Në këto rrethana, Shqipëria kërcënohej nga dhëmbët prej ujku të fqinjëve shovenë. Këtë detyrë jashtëzakonisht të vështirë dhe kyçe e mori Komisioni Organizator i Mbledhjes Kombëtare, që përbëhej nga patriotë të kulluar me emër, si: Eshref Frashëri, Shef Ibrahim Karbunara, Ferid Bej Vokopola e Nebi Sefa. Më 1 janar 1920 komisioni i drejtoi vendit thirrje për një mbledhje kombëtare. Pse u caktua pikërisht Lushnja për këtë eveniment historik mjaft të rëndësishëm?

Pra, thamë, pozicioni kyç. Arsyeja e dytë: në këtë qytet kishte atdhetarë të vendosur.

Së treti: populli i kësaj treve ishte aktiv në Rilindjen Kombëtare. Në fillimet e shek. XIX Abaz Bej Lushnja drejtoi “Besëlidhjen e Beratit”, apo pjesëmarrja aktive e banorëve të kësaj treve etnikisht e pastër shqiptare në aktin historik të ngritjes së flamurit në Vlorë më 28 Nëntor 1912 me përfaqësuesit e saj: Nebi Sefa, Ferid Vokopola etj. Së katërti: Lushnja është zonë tranzitore, ku përzihen gegë e toskë.

Duke pasur këto përparësi, patriotët lushnjarë u lidhën me personalitete kombëtare nga më të spikaturit e kohës.

Dua të theksoj në këtë trajtesë se, në dhjetor të vitit 1919 në Teqenë me emër të Ibrahim Sheh Karbunarës, u bënë disa takime pune për organizimin e këtij Kuvendi Kombëtar, ku ishte i pranishëm dhe konsulli anglez M. Iden, i cili përkrahu pa rezerve këtë ide kombëtare. Komitetin Organizator e kryesoi Sheh Karbunara. Rol në këtë komsion luajti Eshref Frashëri, i cili në këtë kohë punonte në Lushnje. Duke qenë anëtar i komitetit “Mbrojtja Kombëtare e Kosovës” ai bashkëpunonte me atdhetarë me emër, si: Hoxha Kadria e Sali Nivica. Pra, siç e thashë që në fillim, kjo veprimtari me përmasa kombëtare synonte mbrojtjen e viseve shqiptare nga shovenë grekë e serbo-kroato-slloven.

Meqë s’kishte ndërtesë shtetërore të përshtatshme, Komisioni caktoi shtëpinë e Fugëve, sepse plotësonte kushtet.

Në çastet kur jam duke hedhur në letër këtë trajtesë, kam ndër duar një dokument autentik arkivor për këtë Kongres, nga më themelorët e historisë sonë.

Dihet se 1913 na sakatoi pa mëshirë, na cungoi, na preu gjymtyrët. Edhe sot jetojmë të shpërndarë në pesë shtete. Jemi unikal për këtë fatkeqësi në mbarë planetin.

Ia bëmë vetes apo ramë në grackën e atyre që as na kanë dashur, as na duan dhe as kanë për të na dashur kurrë. Se ne i kemi tashmë të qartë miqtë dhe armiqtë tanë tradicional. Delfinët dhe peshkaqenët. I kemi të qartë. Po, atëherë, përse luajmë rolin e të paditurit?

Përse? Përse në muzetë historike ende vegjetojnë mediokër e të molepsur? Të parët që duhen ballafaquar me dosjet e diktaturës duhet të jenë ata!

Po u citoj disa rreshta nga procesverbali arkivor i ditës së parë të Kongresit të Lushnjes:

Çelja e I-rë e Mbledhjes Kombëtare

21/01/1920

Sot, ditë e Mërkurë 21/01/1920 ora 10 p.Dreke, tue qenë dita e caktueme për çeljen e Mbledhjes Kombëtare, me gjithë vonesën e letërthirrjeve nuk kanë arritur shumica e Delegatvet, delegatët e arrijtun u mblodhën më Sallën e Mbledhjes në shtëpi të Z. Kaso Fugës, e, pasi u bë një lutje prej të përndershmit Sheh Ibrahim Karbunarës, Zotnië Ferid Bej Vokopola, në emën të Komisjonit të Lushnjës, mbajti një ligjëratë për mirëseardhjen e Delegatvet. Shkëlqesia e Tij Z. Aqif Pasha Elbasani, ju përgjigj kësaj ligjerate me fjalë patriotike të flakta. Mbas kësajë ceremonie, komisjoni i përmendun u hoq e mbledhja filloj nga punët.

Përkohësisht u emnue si sekretar i Kuvendit Z. Ferid Vokopola. Për të këqyrun letërpërfaqësimet e Delegatve u zgjodh një komision i posaçëm prej (5) pesë vetash:

Irfan Bej Ohri, Qazim Kokoshi, Kostaq Kotta, Fasli Frashëri dhe Adem Peqini. Mbas kësaj zgjedhje u vendos që mbledhja t’i pushojë punët për derisa të mbrrijë shumica e Delegatvet”.

Morën pjesë në këtë Kongres gjithsej 37 delegatë. Delegatët e Shkodrës dhe të Lezhës s’mundën të mirrnin pjesë. Senatorët e këtyre Prefekturave u la të zgjidhen nga vetë Prefektura.

Mbas këtij vendimi Z. Xhaferr Ypi, delegati i Durrësit propozon “që me qenë se Lushnja mori iniciativën për këtë Kongres t’i jepet për nderim e drejta me u përfaqësue veçanërisht në Senat.

Delegati i Lushnjës i përndershmi Sheh Ibrahim Karbunara, tue iu falë Mbledhjes së Kombit, thotë se Lushnja nuk e bani për shëpagim, por e quajti për detyrë. Atëherë Z. Eshref Frashëri, delegat i Korçës, propozon t’i shkruhet popullit të Lushnjës një letër falnderimi prej anës së Mbledhjes Kombtare që t’i mbetet kujtim n’arkiv të katundaris së Lushnjës.

Delegate i Mallakastrës, Z. Bektash Cakrani, propozon në kabinetin qeveritar zotrinjtë: Sulejman Delvina, Iliaz Virjoni, Amet Zagolli, Sotir Peci, Ndoc Çoba, Mehmet Konica. Z. Iliaz Virjoni për shkaqe të veçanta nuk pranoi: u propozua Z. Hoxha Kadria, i cili u pranua.

Votimi u bë çeltazi (fjalë e përdorur në arkiv). U bë betimi i delegatëve dhe i Këshillit të Naltë.

U zgjodh kabineti:

Kryeministër Z. Sulejman Bej Delvina

Zëvendës Z. Eshref Bej Frashëri

Ministër i P. Mbrendshme Z. Ahmet Bej Zagolli

Ministër i P. të Jashtme Z. Mehmet Bej Konica

Ministër i Arsimit Z. Sotir Peci

Ministër i Drejtësisë Z. Hoxha Kadria

Zëvendës Z. Hysen Bej Virjoni

Ministër Finance Z. Ndoc Çoba

Zëvendës Z. Idhomen Kosturi

Kongresi u hap më 21/1/1920 dhe mbaroi punimet më 31/1/1920.

Duke paraqitur në këtë trajtesë disa çaste të marra nga burimi arkivor autentik, dua të hedh dritë mbi ca të vërteta. Për falsifikatorë e retushues të këtij Kongresi dhe protagonistëve të tij të shquar do të merrem në një shkrim tjetër. Koha është si deti. Herët a vonë gjërat i nxjerr në breg. Herët a vonë.

Izet Shehu, ish deputet i PD ne parlamentin Shqiptar, poet, shkrimtar,analist, nderroi jete ne nentor 2012.