Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Zv/Asmbasadori i SHBA në Shqipëri, zoti David Muniz, përshëndet nismat rajonale

by

“Përpara se të vija në Shqipëri, kam shërbyer në Malin e Zi dhe Kosovë. I njoh shumë mirë sfidat me të cilat përballet ky rajon. Mund të them se, personalisht, jam krenar që kam dhënë ndihmesën time, si diplomat amerikan, që rajoni të ecë përpara. Për të gjitha dallimet midis vendeve të Ballkanit Perëndimor, ka akoma edhe më shumë gjëra të përbashkëta. Bashkëpunimi rajonal, sidomos nëpërmjet nismave si Open Government Partnership, është thelbësor për zhvillimin drejt një rajoni ballkanik më të fortë dhe më të suksesshëm. Unë e përgëzoj qeverinë dhe popullin shqiptar për mbështetjen që i kanë dhënë kësaj nisme, dhe ju premtoj se Shtetet e Bashkuara do të vazhdojnë të mbështesin përpjekje që forcojnë marrëdhëniet rajonale.”

Theksoi Zëvendës Ambasadori David Muniz, gjatë aktivitetit “Open Government Partership Dialogue” – 10 shtator, 2015

“Before coming to Albania, I also served in Montenegro and Kosovo. I know very well the challenges this region faces. I can say, personally, that I have been proud to contribute what I am able, as an American diplomat, to help the region move forward. For all the differences between the countries of the Western Balkans, there are even more similarities. Regional cooperation, especially through initiatives like the Open Government Partnership, is essential for progress towards a stronger and more successful Balkan region. I commend the government and people of Albania for their support of such initiatives and commit to you that the U.S. will continue to back efforts that strengthen regional relationships.” Deputy Chief of Mission David Muniz at the Open Government Partnership Dialogue” –. {Sh.K}.

Presidentja Jahjaga përshëndet miratimin e amendamenteve kushtetuese për Gjykatën Speciale

by

*Gjatë ditës, Kuvendi i Kosovës miratoi ndryshimet kushtetuese drejt krijimit të Gjykatës Speciale, me më shumë se dy të tretat – 82 vota pro, 5 kundër e 1 abstenim dhe u mblodh sonte edhe në seancë të jashtëzakonshme për dy ligjet për Specialen/
PRISHTINË, 3 Gusht 2015/ Presidentja e Republikës së Kosovës, Atifete Jahjaga, përshëndet vendimin e Kuvendit të Kosovës për të miratuar amendamentet kushtetuese për themelimin e Gjykatës Speciale, si një përmbushje të obligimeve ndërkombëtare të vendit.
Presidentja Jahjaga, në një deklaratë sonte, vlerëson se themelimi i Gjykatës Speciale, bazuar në kuadrin legjislativ, dëshmon përkushtimin e Kosovës në parimin drejtësi për të gjithë.
Presidentja Jahjaga thekson se Gjykata Speciale do të adresojë akuzat e ngritura nga raporti i Këshillit të Evropës dhe ajo nuk do gjykojë përpjekjen tonë kolektive për çlirim dhe liri./b.j/

Kuvendi i Kosovë nis seancën e jashtëzakonshme për dy ligjet për Specialen

-Tre partitë opozitare, VV, AAK e Nisma për Kosovën, të cilat kundërshtojnë Gjykatën Speciale, nuk po marrin pjesë/

Nga Behlul Jashari/ PRISHTINË, 3 Gusht 2015/ Kuvendi i Kosovës sapo nisi sonte seancën e jashtëzakonshme, në të cilën do të shqyrtohen në parim dy projektligje për Gjykatën Speciale, me procedurë të përshpejtuara.
Seanca mbahet me kërkesë të kryeministrit Isa Mustafa, me këtë rend dite: Shqyrtimi i parë i Projektligjit për dhomat e specializuara dhe zyrën e prokurorit të specializuar, si dhe shqyrtimi i parë i Projektligjit për mbrojtjen juridike dhe financiare të personave të akuzuar potencialë në proceset gjyqësore pranë dhomave të specializuara. Këto dy ligje u miratuan në mbledhjen e sontme të qeverisë dhe u proceduan në Kuvend.
Gjatë ditës, Kuvendi i Kosovës miratoi ndryshimet kushtetuese drejt krijimit të Gjykatës Speciale, me më shumë se dy të tretat – 82 vota pro, 5 kundër e 1 abstenim dhe u mblodh sonte edhe në seancë të jashtëzakonshme për dy ligjet për Specialen, të cilat po pas shqyrtimit në parim pritet të kenë sonte edhe të dytin dhe të miratohen.
Tre partitë opozitare, VV, AAK e Nisma për Kosovën, të cilat kundërshtojnë Gjykatën Speciale, nuk po marrin pjesë në seancën e jashtëzakonshme të Kuvendit.

SHBA përshëndet dorëheqjen e kryetarit te Partise Demokratike te Shqiperise, z. Sali Berisha

by

Vlerësojmë mbështetjen e tij për marrëdhënie të forta me SHBA/

Shtetet e Bashkuara të Amerikës përshëndesin vendimin e kryeministrit Berisha për tërheqjen e tij nga politika. Në një deklaratë për mediat, Ambasada amerikanë e akredituar në vendin tonë falënderon kryeministrin në largim për mbështetjen e tij konseguente për marrëdhënie të forta midis Shteteve të Bashkuara dhe Shqipërisë.

“Falënderojmë Kryeministrin në largim Sali Berisha dhe vlerësojmë mbështetjen e tij konseguente për marrëdhënie të forta midis Shteteve të Bashkuara dhe Shqipërisë”, thuhet në deklaratën e Ambasadës Amerikane në Tiranë.

Më tej në deklaratë ndërsa përgëzon popullin shqiptar për pjesmarrjen masive në zgjedhjet e 23 qershorit, Ambasada e SHBA u bën thirrje institucioneve që të certifikojnë sa më parë rezultatin e zgjedhjeve.

“Ambasada e Shteteve të Bashkuara përgëzon qytetarët e Shqipërisë, të cilët morën pjesë masivisht në zgjedhjet kombëtare të 23 qershorit 2013 për të riafirmuar përkushtimin e tyre ndaj të ardhmes demokratike të Shqipërisë. Me përfundimin së afërmi të numërimit, nxisim institucionet zgjedhore të certifikojnë me shpejtësi zgjedhjet dhe të konfirmojnë vullnetin e popullit shqiptar. Pas formimit të një qeverie të re, nxisim udhëheqësit dhe zyrtarët shqiptarët të riangazhohen ndaj procesit të integrimit europian dhe reformave të tjera që nevojiten. Ndonëse pjesa më e madhe e votimit në ditën e zgjedhjeve dhe numërimi që pasoi u zhvilluan në mënyrë të rregullt, pati disa akte të pafalshme dhune që njollosën frymën e zgjedhjeve. Qytetarët shqiptarë nuk kanë pse ta përjetojnë diçka të tillë; ata meritojnë të hedhin votën e tyre dhe që ajo të numërohet në një mjedis të sigurt, të lirë nga kërcënimet dhe shtrëngimet”, përfundon deklarata.