Piro Poloska – Dielli

VATRA TAMPA BAY, NGA PROJEKTET KOMUNITARE E PATRIOTIKE TE RISTRUKTURIMI

May 7, 2022 by s p

Piro Poloska,

Anëtar i Kryesisë së Vatra Tampa Bay/

Ditën e shtunë datë 30 Prill, 2022, dega e Federatës Vatra Tampa Bay zhvilloi mbledhjen e saj të zgjeruar me pjesëmarjen e të gjithë anëtarëve të degës sonë. Mbledhja u drejtua nga kryetari i degës z. Isuf Spahija. Ai analizoi aktivitetin e degës në kushtet e vështira të pandemisë dhe falënderoi anëtarët për mbështetjen e plotë që i kanë dhënë në punën e tij duke sfiduar vështirësitë objektive të periudhës së vështirë dyvjeçare që kaloi gjithë njerëzimi. Në kushtet e reja më favorizuese të krijuara, z. Spahija theksoi idenë që puna e Federatës Vatra në degën tonë duhet të intensifikohet. U parashtrua programi i punës dhe drejtimet ku do të përqëndrohet aktiviteti i degës Vatra Tampa Bay. Si prioritete kryesore u parashtruan puna me komunitetin Shqiptar në drejtim te bashkërendimit të ndihmës brenda komunitetit dhe mbajtja gjallë e ndjenjave atdhetare dhe patriotike. Një prioritet tjetër i rëndësishëm ishte edhe synimi i degës për të marrë pjesë aktive në jetën politike të rajonit ku jetojmë dhe njëkohësisht ndjekja e vazhdueshme e aktualitetit politik në Shqipëri dhe kontributi ynë modest në këtë kuadër.

Të pranishmit diskutuan mbi programin e paraqitur duke sjellë ide dhe propozime të reja për të përmirësuar më tej punën dhe aktivitetin e degës. Spikati këtu diskutimi i kryetarit të nderit të shoqatës z. Tasim Ruko, i cili solli ide të reja për mbarëvajtjen e punës dhe veçanërisht tregoi përvojën e tij për zgjerimin e numrit të anëtarëve të degës.

Në pikën e dytë të rendit të ditës u paraqitën ndryshimet e bëra në Kanunoren e shoqatës Vatra duke u ndalur në faktin që mandati i kryetarit dhe kryesisë se re do të jetë 4 vjeçar.

Më pas me votim të gjthë anëtarëve të degës, u zgjodh kryesia e re me Kryetar z. Isuf Spahija, zv. Kryetar z. Endri Filipi dhe 8 anëtarë të kryesisë së degës.

Në përfundim të mbledhjes z. Spahija falënderoi pjesëmarrësit për besimin dhe premtoi se do të punojë me gjithë forcën dhe energjinë e tij për një ngritje të mëtejshme të punës kualitative të degës së Federatës Vatra Tampa Bay.

Elegji per herion shqiptar ne Tampa, Dhimiter Andoni

October 3, 2018 by dgreca

Nga Piro POLOSKA/

Kane kaluar vecse pak dite kur komuniteti ne Tampa Bay degjoj nga te gjitha mediat locale, audiovizive dhe te shkruara, se i riu shqiptar 22 vjecar Dhimiter Andoni kishte humbur jeten ndersa kishte mundur te shpetonte nje drejtues automjeti ne rezik. Ishe vecanerisht komuniteti shqiptar ne kete zone qe e perjetoi me dhimbshem humbjen e nje prej djemve te vet me te mire.

Dhimitri u lind ne Zicisht te zones se Devollit, ai gjithmone ka qene nje njeri me ambicie te medha dhe piksynime te larta per jeten. Si nje nxenes me perfundime te shkelqyera ne aresimin 8 vjecar, Dhimitri fitoj te drejten per te vazhduar studimet e mesme ne kolegjin Maltez te qytetit te Korces. Nje kolegj ne gjuhen angleze, me kerkesa te larta pedagogjike dhe kurikulum te nje niveli teper te larte dhe bashkekohor. Gjate viteve te studimit ne kete kolegj spikati talenti I jashtzakonshem i djaloshit te ri i cili edhe ne saje te punes se tij te palodheshme, ariti te behej nje nga nxenesit me te mire te ketij kolegji. Mbas perfundimit te arsimit te mesem, Dhimitri fitoi te drejten e studimeve te larta ne Gjermani, ku ariti te perfundonte vetem dy vitet e para per arsye se tre vjet me pare, ai dhe familja e tij emigruan ne SHBA, ne Clearwater, Florida.

Jane vetem tre vjet jete ketu, por qe vlejne me shume se 30 vjet per nga intensiteti dhe aritjet qe ky djalosh ariti te permbushte ne nje kohe kaq te shkurter. Dhimitri ariti te behej nje student i shkelqyer I finances ne USF duke patur nje GPA per tu admiruar. Profesoret dhe bashkestudentet e tij e kujtojne me shume respect si nje shok te virtytshem, si nje student qe anjehere nuk e kurseu ndihmen per kedo. Dhimitri ishte njeriu i enderrave te medha, te cilat kishte filluar ti realizonte. Ai kishte nje pozicion te admirueshem pune tek “Wells Fargo Bank” ne grupin e sigurise ndaj krimit ekonomik, ku edhe ka patur suksese spektakolare, sic ishte rasti I ndihmes se tij te vecante ne zbulimin e nje grupi qe kryente falsifikimin e parave, me shtrirje ndershteterore. Dora e Dhimitrit shtrihej pa hezitim per te ndihmuar cdo njeri. Si nje sudent me nje Anglishte perfekte, ai ishte i kudo ndodhur me perkethimet e tij per komunitetin.

Shoqata Vatra ne Tampa Bay, duke patur si moton e saj paresore ndihmen dhe kontributin ndaj komunitetit shqiptar, I ka qendruar prane familjes, ne keto dite te humbjes se madhe dhe te dhimbjes se pa pershkruar, duke I dhene familjes force te kaperzeje kete tragedy. Me fushaten e ndihmave per familjen te organizuar nga shoqata Vatra ne Tampa Bay, u ariten te mblidhen me shume se $20,000. Gjithe komuniteti shqiptar, u bashkua me dhimbjen e familjes moralisht por ne te njejten kohe nuk hezitoi te jepte edhe ndihmen e tij financiare per te ndihmuar kete familje qe vetem 3 vjet ka ne emigrim.

Ishte nata e 20 Shtatorit ’18, kur rreth ores 9:00 pm Dhimitri ishte duke u kethyer nga shkolla per ne shtepi pas nje leksioni qe do te ishte i fundit per te. Ne rrugen e kethimit ai pa nje drejtues automjeti qe humbi kontrollin e automjetit dhe ndodhej ne rrezik per jeten. Nuk e di ekzaktesisht se cfare mund te bente nje njeri i zakonshem ne ate situate, ne nje nate me shi perballe nje njeriu te panjohur ne nevoje. Por atje ishte Dhimitri, nje njeri jo i zakonshem, nje njeri qe ne karakterin e tij kishte humanizmin e vertete dhe altruizmin pakufi per cilindo qe do kish nevoje per te. Ka qene kjo force e brendeshme unike, e permasave qe jo te gjithe e kane, qe e shtyu te merte hapin dhe pa hezitim e me trimeri te ndihmonte njeriun, jeta e te cilit ndodhej ne rrezik. Mbasi dha ndihmen qe duhej, sigurisht me shpirtin plot drite dhe ngazellim per aktin qe kishte kryer, Dhimitri ishte duke u kethyer tek makina e tij ne ane te autostrades I-275. Ai nuk e dinte se ndersa ai shpetoi nje jete, vdekja tinzare e priste atje prane, fshehur ne skutat e erresires se nates. Ishte nje makine qe vinte nga pas si nje hijene, qe goditi djaloshin dhe u deshen vetem disa seconda per te kapecyer kufirin jete-vdekje. Jeta e Dhimitrit tragjikisht u nderpre atje, nje zemer e mbushur plot dashuri dhe zjarr rinor ndaloi se rahuri, nje shpirt i dlire u shkeput nga ai trup i pashem dhe fluturoi drejt parajses. Dhimitri nuk mundi te kethehej me ne shtepine e tij ku e prisnin me ankth nena dhe babai. Ai fali gjene me sublime, dha jeten e tij per te shpetuar nje jete tjeter! A ka act me heroik se ky? Akti i tij eshte frymezues per te gjithe ne. Dhimitri eshte pa diskutim nje hero. Heronjte gjithmone jemi mesuar ti shohim te rinj, te bukur dhe qe kur vjen momenti ne jete, lene gjithshka menjane dhe nuk kursejne as jeten e tyre ne emer te humanizmit dhe dashurise per njerezit. I tille ishte heroi yne me i ri Dhimiter Andoni. Ai ishte i nje djalosh i pashem sykalter, ishte vetem 22 vjec, ne kulmin e rinise, energjise dhe endrave te tij. Akti qe kreu e ben figuren e tij edhe me te bukur, I jep forcen e ideales. Gjithe komuniteti shqiptar eshte krenar per Dhimitrin, i cili i tregoi te gjitheve se kush jane shqiptaret e vertete, cfare vlerash te larta morale ata mbartin.

Dhimitri u largua ne banesen e tij te perjeteshme por kujtimi i tij do te mbetet gjithmone I bukur dhe rrezellites. Si nje engjell, i retuar nga aureola e dashurise per njerezit, ai do te qendroje mbi ne duke na dhene shembullin e heroit, e njeriut me virtytet me te larta humane.

Dhimitri shte njeriu qe ne ember te dashurise per jeten, fali jeten e tij! Ai do te mbetet nje hero qe do frymezoje gjeneratat me figuren e tij, ai do te mbetet ne memorjen kolektive si imazhi i njeriut qe zgjat doren e ndihmes te kushdo ne nevoje. Ai do te jete gjithmone i rrethuar nga dashuria e njerezve dhe nga dhimbja e thelle per ikjen kaq te vrullshme si vete rinia e tij. Si te gjithe heronjte Dhimiter Andoni do te mbetet I paharuar ne memorjen kolektive. Humbja dhe akti i tij heroik i miresise, do te na frymezoje te gjitheve ne per te qene me te mire, per te ndihmuar me teper njeriun qe kemi ne krah, sepse keshtu e nderojme edhe me teper heroin tone!

Dega Vatra Tampa Bay kryen analizen vjetore per vitin 2017

February 12, 2018 by dgreca

Nga Piro Poloska/

Dega Vatra ne Tampa Bay ne takimin e saj te radhes me daten 9 Shkurt 2018, analizoi punen e saj nje vjecare te deges duke nxjere ne pah sukseset mjaft inkurajuese te vitit te kaluar dhe mbi kete platforme u aprovua plani i activitetit te vatres per vitin 2018.

Ne raportin e paraqitur nga kryetari i deges Z. Tasim Ruko, u ravijezuan sukseset a aritura ne punen me komunitetin shqiptar si nje nga drejtimet themelore to punes se deges. Ne kete kontekst u evidentua vecanerisht suksesi i aritur me shkollen shqipe, ku puna pasionante e drejtores se shkolles, Znj Yllka Bejo ka bere qe cilesia e mesimdhenies te ngrihet mbi bazen e nje programi te detajuar dhe objektivave te qarta qe do te arihen ne punen me femijet e komunitetit shqiptar.

Sigurisht qe ky sukses nuk do te ishte ne kete nivel pa punen e pakursyer te anetareve te bordit, Zonjusha Zamira Rubjeka, Znj. Eva Keta, Z. Fadil Neziri dhe Znj. Mimoza Traga.

Nje prove e ketij suksesi eshte dhe fakti qe krahasuar me nje vit me pare numuri i nxenesve te shkolles eshte pothuaj dyfishuar. Mjaft e sukseseshme u konsiderua edhe puna e Vatraneve per perkujtimin dhe evidentimin e ngjarjeve madhore historike te kombit shqiptar, si nepermjet organizimit te mbremjeve festive me kengetare te ftuar por edhe nepermjet takimeve dhe bisedave me personalitete, me kontribute te spikatura ne historine tone kombetare.

Nuk mungoi edhe fryma kritike ne kete takim. Ne diskutimet e te gjithe anetareve to bordit dhe vecanerisht te nenkryetarit te deges Z. Isuf Spahija, Zoterinjve: Tahir Tahiraj dhe Arian Kushta u terhoq vemendja e pjesemaresve vecanerisht ne punen me te mire qe duhet te behet ne drejtim te ritjes se numurit te anetareve te deges. Per te ritur efectivitetin e punes ne kete drejtim u caktuan detyra te vecanta te secili prej anetareve te bordit. U percactuan objectiva te qarta per nje shfrytezim dhe drejtim me te mire te rjeteve sociale, si Facebook, si nje mjet mjaft efektiv ne komunikimin, informimin dhe forcimin e lidhjeve me komunitetin. Per te siguruar nje vazhdimesi dhe organizim me te mire te punes ne te ardhmen u ra dakord qe Bordi i Deges se shoqates Vatra, te mblidhen nje here ne muaj dhe u aprovua njekohesisht edhe kalendari i takimeve per vitin ne vijim. Ne fund te takimit u dha agenda e takimit te ardheshem. Takimi i organizuar ja ariti qellimit dhe i sherbeu me se miri ngritjes se nivelit te cilesise se punes se deges per aritjen e objektivave me ambicioze ne punen e saj.

VATRA NE TAMPA KULTIVON ATDHEDASHURINE NE KOMUNITET

February 22, 2016 by dgreca

Nga Pirro POLOSKA/

Nje nga objektivat themelore te Deges Vatra Tampa Bay eshte ruajtja dhe kultivimi i atdhedashurise ne radhet e komunitetit shqiptar ne Tampa Bay. Ne zbatim te ketij objektivi jane dhe aktivitetet e larmishme qe kjo dege ka ndermare, bazuar ne nje plan pune te mireorganizuar dhe detajuar me kujdes.

Ne baze te ketyre aktiviteteve qendron perkujtimi i festave kombetare dhe evokuimi me kete rast i shembujve me te spikatur te patriotizmit shqiptar. Nje realizim I shkelqyer ishte se fundmi edhe festimi i 8 vjetorit te Dites se Pavaresise te Kosoves, me 02/20/2016 ne Clearwater. Grupi organizativ i mbremjes i kishte kushtuar vemendje me detaje te gjitha aspekteve te nevojshme per te krijuar nje ambjent sa me festiv dhe njeheresh te realizohej pikesynimi I saj kryesor per ndergjegjesimin sa me te larte te komunitetit shqiptar te zones, per vlerat e shkelqyera te kombit shqiptar dhe vecanerisht te Kosoves.Interesimin e bashkatdhetareve e tregoi pjesemarja e tyre e larte ne kete aktivitet.

Mbremja drejtohej nga Sekretarja e Kryesise se Deges Vatras Tampa Bay, Znj. Zamira Rubjeka, e cila ne hapje te mbremjes ftoi te pranishmit per te nderuar ekzekutimin e himnit kombetar Amerikan dhe atij Shqiptar. Me pas fjala ju dha Kryetarit te Deges Vatra Tampa Bay, Z. Tasim Ruko, per te mbajtur fjalen e rastit. Ne fjalimin e tij, Z. Ruko, evokoi traditen e shkelqyer patriotike dhe kulturore kosovare, duke nxjere ne pah rruga e gjate per liri dhe sakrificat e panumurta qe Kosova ka bere ne shekuj si pjese e kombit shqiptar. Nderimi i pare shkon per martiret, ata qe vune jeten e tyre ne themelet e shtetit me te ri te Europes. Per kete aresye Z. Tasim Ruko ftoi te pranishmit te mbajne nje minute heshtje. Ne fjalen e tij Z. Ruko nenvizoi faktin qe Diaspora Shqiptare ne Amerike ka meriten e madhe ne krijimin e Shtetit te pavarur te kosoves, me kontributin e saj te gjithaneshem material dhe moral. Sigurisht qe e gjithe kjo nuk do te ishte aritur pa rolin vendimtar te Qeverise Amerikane ne kete process teper te nderlikuar dhe delikat. Sot kosova ka aritur te ndertoje institucioned dhe shtetin e saj demokratik, dhe eshte shnderuar ne nje faktor stabiliteti ne rajon dhe me gjere, me perspektivë të qartë drejt integrimeve euroatlantike.

Te ftuar ne mbremje ishin kengetaret Liria Dedvukaj , Besim Limani, Sadete Shkodra dhe Hermes. Me repertorin e tyre te zgjedhur per kete eveniment, kengetaret theksuan karakterin e larte patriotik te kesaj mbremjeje dhe njeheresh krijuan nje atmosphere teper festive the argetuese per pjesemaresit.

Ne mbremje ishte ftuar gjithashtu grupi artistik I Shkolles shqipe “Iliria”, krijuar nga Albanian Heritage Foundation of Tampa Bay. Ky grup i drejtuar nga aktori I njohur Alexander Rrapi i dha mbremjes mjaft emocion dhe tregoji edhe njehere se traditat tona kombetare po trashegohen me sukses ne brezat me te rinj te diaspores si nje garanci e fuqishme qe ngjyrat Kuq e Zi kurre nuk do te veniten kurre edhe midis Diaspores Shqiptare qe jeton ne kontinentin e larget. Pjese e spektaklit ishte edhe grupi I valleve ”Shqiponjat” qe ekzekutuan me elegance dhe profesionalizem nje kolazh vallesh nga gjithe trevat

Ishte mjaft signifikativ dhe emocionues momenti kur nje krijues popullor nga jugu i Shqiperise, ju bashkua vullnetarisht spektaklit dhe kendoi per pjesemaresit, me melodite karakteristike jugore Shqiptare, nje kenge qe ai vete e kishte krijuar, duke nxjere edhe njehere ne pah, qe shqiponja shqiptare eshte nje, dhe krahet e saj jane shtrire ne Jug e Veri.

Nje surprize e bukur e mbremjes ishte edhe ardhja ne kete eveniment, e kengetarit te shquar, Z. Frederik Ndoci, I cili pershendeti mbremjen me nje kolazh kengesh te zgjedhura me ritmet me te bukura shqiptare. Regjistrimi i activitetit nga Borova Tv do te krijoje mundesine qe ky aktivitet te shihet edhe nga bashkeatdhetare te tjere qe nuk paten mundesi te mernin pjese.

Veprimtaria e organizuar ishte nje tjeter sukses i radhes te Deges Vatra Tampa Bay. Ky aktivitet deshmoi edhe njehere se tradita e shkelqyer e shoqates Vatra vazhdon te zhvillohet dhe pasurohet me tej duke kontribuar dukshem ne realizimin e misionit te saj themelor, ruajtjes se indenditetit kombetar shqiptar ne diaspore dhe kontributit maksimal ne ceshtjen kombetare Shqiptare.

FLORIDA-JA SI U KRIJUA DEGA ME E RE VATRES NE Tampa-Clearwater

January 7, 2015 by dgreca

Nga Piro Poloska*/
Nje grup simpatizantesh te Shoqates Vatra, organizuan ne Clearwater, Fl nje banket festiv, per te perkujtuar pervjetorin e festes se pavaresise kombetare. Ne ceremonine festive te mbajtur me 21 Nentor, ishte iftuar edhe nje grup me perfaqesues te Degeve te organizates Vatra ne Jacksonville dhe Orlando. Grupi kryhesohej nga aktivisti i mirenjohur i shoqates Vatra, intelektuali dhe patrioti, kryetari I deges Vatra Jacksonville, Z Adriatik Spahiu. Z Adriatik zhvilloi nje takim me komisionin nismetar te deges Vatra per Tampa Bay, Fl dhe simpatizante te tjere. Ne fjalen e tij, zoti Adriatik vleresoi punen mjaft te mire te bere nga komuniteti shqiptaro-american ne Tampa Bay dhe inkurajoi inisiativen e grupit nismetar per te krijuar degen e organizatres Vatra ne Tampa Bay. Experienca qe Z Adriatik solli nga Dega e organizates Vatra Jacksonville, ishte nje ndihme e madhe per grupin nismetar. Intelektualiteti dhe devotshmeria e tij, ishin nje frymezim per te gjithe pjesemaresit.
Ne kete takim u dhane udhezimet e nevojshme dhe u percaktuan detyrat per takimin e ardheshem I cili u mbajt ne daten 10 Dhjetor 2014. Takimi u zhvillua ne Leo’s Restorant, ku pronari i lokalit Z Ilir Karuli, krijoi nje “vater” te ngrohte per pjesemaresit e takimit. Edhe kete radhe nuk mungoi pjesemarja e te Z Adriatik Spahiu, I cili me kujdesin e drejtperdrejte te tij ndihmoi ne organizimin e takimit.
Ne takim u soll edhe njehere para pjesemaresve, kontributi I Vatres, organizates panshqiptare ne Amerikë, u kujtua rruga e saj të gjatë dhe kontributi ne ceshtjen kombetare, u hodhen ide per rolin e ri qe kjo organizatë mund të luajë në te ardhmen. U theksua ideja qe Vatra ka qenë dhe duhet të jetë gjithmonë jopolitike duke perifrazuar ate që shkruhet ne në vetë statutin e saj, “Vatra është një organizatë ombrellë për shqiptarët e çdo besimi, të krishterë ortodoksë, katolikë ose muslimanë, apo të çdo bindjeje politike për sa kohë që ata nuk i sjellin këto bindje brenda në organizatë dhe nuk përpiqen t’i përhapin ato. Vatra tradicionalisht ka qenë dhe duhet të jetë gjithmonë jopolitike” .
Ne takim e moren fjalen mjaft nga pjesemaresit e tjere qe vleresuan idene e krijimit te Deges se organizates vatra per Tampa Bay. Nen drejtimin e kryetarit te grupit nismetar, Z Isuf Spahija u zhvilluan zgjedhjet e Bordit drejtues te Deges dhe u shpall zyrtarisht krijimi I deges se organizates Vatra per Tampa Bay Fl. Kryetar i deges u zgjodh Z. Tasim Ruko, nje bisnesman mjaft i njohur nga komuniteti shqiptar i zones dhe njeri i pasionuar dhe i devotshem i ceshtjes shiptare. Zevendes kryetar u zgjodh Z Isuf Spahija, nje person me nje experience te gjate, si aktivist i shquar I ceshtjes shqiptare ne Tampa Bay. Zonjushat Zamira Rubjeka dhe Iva Nallbani u zgjodhen perkatesisht, Sekretare dhe Arketare te Deges. Keto dy intelektuale te reja, pjestare te grupit nismetar kane sjelle nje fryme dhe energji te re ne Degen e shoqates Vatra per Tampa Bay, duke shprehur vullnet dhe passion ne punen e tyre me komunitetin shqiptaro-amerikan te zones dhe afruar brezin me te ri te komunitetit ne organizate. Anetare to bordit drejtues u zgjodhen zonja Irma Lita, zoterinjte; Ismet Gjeloshi, Piro Poloska, Qamil Jacaj, Qemal Hasanbelli, Arjan Kushta dhe Xhani Ndreu.
Ne fjalen e tij te rastit, kryetari I sapo zgjedhur Z Tasim Ruko, falenderoi te gjithe vatranet pjesemares per besimin dhe reafirmoi edhe njehere qe do t’ia kushtojë të gjithë energjitë e potencialet e tij morale, intelektuale, njerëzore, mbajtjes gjallë te frymës se atdhedashurisë, patriotizmit, historisë, e traditës shqiptare.
Ky ishte me te vertete nje eveniment historik qe la mbresa dhe perjetime te thella tek pjesemaresit. Ishte nje deshmi e re qe atdhetaria Shqiptare jo vetem nuk eshte shuar ne radhet e komunitetit shqiptaro-amerikan, por ajo eshte pasuruear me ide dhe pikesynime te reja. Krijimi I deges se Organizates Vatra per Tampa Bay, ishte nje shpalosje e ideve dhe evidentim i personalitetit kombetar. Ne fund te takimit, pronari I lokalit, biznesmeni Ilir Karuli organizoi nje koktej per pjesemaresit.
*Piro Poloska, Anetar I Bordid Drejtues te Deges se organizates Vatra per Tampa Bay.