Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Kryekuvendari Konjufca takoi presidentin e Shqipërisë, Ilir Meta

by

Në vazhdën e vizitës zyrtare në Shqipëri, kryetari i Kuvendit të Republikës së Kosovës, Glauk Konjufca, ka takuar sot presidentin e Republikës së Shqipërisë, Ilir Meta.

Kryekuvendari Konjufca dhe presidenti Meta diskutuan për marrëdhëniet që Kosova dhe Shqipëria kanë sendërtuar ndër vite në shumë sfera të bashkëpunimit, ndërsa u dakorduan që midis dy vendeve ende ka hapësirë për forcimin e mëtejmë të këtyre marrëdhënieve.

Kryetari i Kuvendit të Kosovës theksoi rëndësinë e heqjes së të gjitha barrierave ekonomike dhe nevojën imediate të partneritetit strategjik, si dhe për nismat rajonale dhe integrimet euro-atlantike.

Konjufca ritheksoi qëndrimin se shteti i Kosovës është i hapur për bashkëpunim rajonal por vetëm mbi bazën e barazisë dhe të reciprocitetit.

Ai po ashtu falënderoi presidentin Meta për mbështetjen konsistente dhe përkrahjen e fuqishme që shteti shqiptar i ka dhënë e vazhdon t’i jap Kosovës në të gjitha proceset shtetndërtuese.

“Roli dhe kontributi i Shqipërisë ka qenë vendimtar në të gjitha periudhat dhe rrugëtimet tona si komb, sikurse edhe gjatë luftës për lirinë dhe pavarësinë e Kosovës”, theksoi kryetari Konjufca.

Presidenti Meta, nga ana e tij, tha se Shqipëria mbështet dialogun Kosovë-Serbi, me qëllim normalizimin e marrëdhënieve mes tyre, si dhe i inkurajon të dy vendet, që marrëveshjet e arritura mes tyre të mos të mbesin vetëm në letër.

Ai tha se është e rëndësishme që të gjitha forcat politike të Kosovës të jenë të bashkuara rreth një platforme gjithëpërfshirëse në këtë proces.

Të dy bashkëbiseduesit u pajtuan se sfidat aktuale dhe ato që i presin në të ardhmen të dyja vendet, shtrojnë nevojën e bashkërendimit dhe konsolidimit më të madh të politikave zyrtare të Shqipërisë dhe Kosovës. ​

KRYETARI I VATRES U PRIT NGA PRESIDENTI I SHQIPERISE

by

-Kryetari i Vatrës z. Berisha u prit nga Presidenti i Republikës së Shqipërisë, sot me 5 tetor. Te Marten, 6 Tteor, ai do të mbajë një ligjëratë në Universitetin”Luarasi”…

Pas vizitës në Kosovë, Kryetari I Vatrës z. Elmi Berisha,ndodhet në Tiranë. Ai është pritë nga Presidenti i Shqipërisë z. Ilir Meta të Hënën në mëngjes,5 teror 2020.

Kryetari i Vatrës i prezantoi presidentit platformën Kombëtare të Vatrës dhe nënshkrimin e Memorandumit më Minsitrinë e Jashtme e të Diasporës të Republikës së Kosovën, nënshkruar në Prishtinë me 3 tetor 2020.

Me këtë rast Presidenti Ilir Meta shkroi në statusin e tij në rrjetet sociale:

I lumtur të takohesha dhe të bisedoja me z.Elmi Berisha, kryetar i Organizatës Panshqiptare “Vatra” dhe ta falenderoja për mbështetjen e Shqipërisë dhe çështjes shqiptare, zhvillimin e demokracisë në vendin tonë dhe për lirinë e Kosovës që kjo organizatë ka ofruar që nga gjeneza e saj.

“Vatra” çdoherë dhe në çdo kohë, që nga themelimi i saj, nga Fan Noli, Faik Konica, Kristo Dako dhe të tjerët, ka ditur të mbajë qëndrim të drejtë në lidhje me fatet e kombit dhe me forcimin e lidhjeve shqiptaro-amerikane.

Kemi nevojë për një riangazhim edhe më të fortë të “Vatra”-s, në mbrojtjen e interesave kombëtare, por edhe fuqizimin e marrëdhënieve shqiptaro-amerikane.

E garantova z.Berisha për mbështetjen time me këtë drejtim, duke i uruar suksese në drejtimin e “Vatra”-s.

Te Marten, kryetari i Vatrës do të mbajë një ligjëratë në Universitetin”Luarasi” në kryeqytetin e vendit. Gjithashtu ai ka në axhendë edhe një takim me akademikun Prof. Dr. Beqir Meta dhe grupin e studiuesëve që po merren me hartimin e Historisë së Federatës Panshqiptare të Amerikës”VATRA” sipas dokumenteve të arkivave.

Presidenti Meta vlerëson me Dekoratën “Nënë Tereza” drejtuesit e organizatës ndërkombëtare “People to People International”

by

Në një ceremoni solemne, Presidenti i Republikës, Sh.T.Z. Ilir Meta vlerësoi sot me Dekoratën e lartë “Nënë Tereza” Presidenten e organizatës ndërkombëtare “People to People International”, zonjën Mary Jean Eisenhower, si dhe Konsullin e Përgjithshëm të Nderit të Shqipërisë në Atlanta të SHBA, Ambasadorin Theodore Roosevelt Britton.

Presidenti Meta u dorëzoi dy personaliteve të shquara amerikane titullin e lartë në shenjë mirënjohjeje për kontributin e çmuar dhe të vazhdueshëm në promovimin dhe prezantimin e Shqipërisë në Shtetet e Bashkuara të Amerikës dhe si drejtues të organizatës ndërkombëtare “People to People International”, që është e pranishme edhe në Shqipëri.

Fjala e Presidentit të Republikës së Shqipërisë Sh.T.Z. Ilir Meta:

“I dashur Ambasador Theodore Britton dhe zonja Mary Eisenhower,

Familjarë të nderuar, miq dhe të ftuar!

Jam i gëzuar që kam mundësinë në cilësinë e Presidentit të Republikës të vlerësoj sot dy njerëz të shquar e të nderuar, një zotëri dhe diplomat të respektuar dhe një zonjë të nderuar, humaniste dhe partnere paqeje, e cila drejton një nga organizatat më të njohura në botë: ‘People to People International’, e themeluar nga gjyshi i saj, Presidenti amerikan Eisenhower, çlirimtari i Europës, i cili udhëhoqi forcat aleate që i dhanë fund Luftës së Dytë Botërore.

Zonja Eisenhower dhe Ambasadori Britton nuk kanë nevojë për shumë prezantim, pasi ata janë njerëz që gëzojnë respekt të lartë e që nderohen në sferat e jetës ku janë përfshirë dhe angazhuar, veçanërisht si udhëheqës të “People to People International”, me prani edhe në vendin tonë.

Unë nuk pata asnjë hezitim kur gjeta propozimin në tryezën time për të vlerësuar këto dy personalitete me Dekoratën e “Nënës Terezës”, një nga medaljet më të larta që jepen në emër të humanistes me famë botërore, e cila ia kushtoi jetën e saj ndihmës për njerëzit në nevojë.

I dashur Ambasadori Britton,

Kontributi juaj shumë i vlefshëm si Konsulli i Përgjithshëm i Nderit i Shqipërisë në Atlanta të Shteteve të Bashkuara që nga viti 2006, detyrë që e keni mbajtur me nder dhe dinjitet, qenia anëtar i bordit të drejtuesve të ‘People to People International’, të Këshillit të Ambasadorëve Amerikanë si dhe në shumë organizata të tjera amerikane, por dhe arritjet që keni shënuar në jetën tuaj më inkurajuan t’ju vlerësoj me Dekoratën “Nënë Tereza”.

Ambasadori Britton ka treguar një interes të veçantë dhe mbetet një mik jetëgjatë dhe i vendosur i Shqipërisë dhe i shqiptarëve.

Dekorata e sotme e “Nënë Tereza” është një vlerësim tjetër që i jepet atij nga një vend, që e do shumë por edhe që e respekton atë pa fund.

E dashur zonja Eisenhower,

Edhe roli e vepra juaj është po aq e rëndësishme, jo vetëm ndaj paqes në botë, por sidomos kontributi juaj i prekshëm në promovimin e vendit tonë duke prezantuar e përmendur Shqipërinë në Shtetet e Bashkuara dhe më tej gjatë fjalimeve dhe diskutimeve tuaja, që nëpërmjet misionit tuaj e kanë vendosur vendin tonë në hartën e botës për mirë.

Vizita juaj e parë në Shqipëri u bë në vitin 2000 për të ndihmuar chapterat shqiptarë të “People to People International”, të cilët ndihmuan shqiptarët e Kosovës, të dëbuar nga shtëpitë e tyre gjatë periudhës së genocidit dhe më vonë ju vazhduat të vinit në këtë vend, me të cilin ratë shumë shpejt në dashuri.

Puna juaj me disa programe të “People to People International”, me Forumin Rinor Botëror, me Operacionin Ndërkombëtar të Fëmijëve, Nismën Globale të Paqes, me Kampin e Paqes, Nismat Globale të Minave me Departamentin Amerikan të Shtetit, si dhe shumë të tjera kanë përfshirë edhe shumë studentë shqiptarë e të rritur, të cilët janë përfshirë duke i hyrë një udhëtimi vendimtar për të vendosur paqen aq shumë të nevojshme në botë.

Znj. Eisenhower iu bashkua në vitin 1998 organizatës për të vazhduar e çuar edhe më tej ëndrrën e të gjyshit të saj, Presidentit. Eisenhower, – që më vonë u shndërrua edhe në vetë ëndrrën e saj. Ajo aktualisht është Presidente e “People to People International”.

Të nderuar Zonja Eisenhower dhe Ambasadori Britton,

Do të doja të përftoja gjithashtu nga ky rast për të vlerësuar edhe degët e “People to People International, të cilët janë shndërruar në Ambasadorë të Mirë Shqiptarë dhe nëpërmet familjes suaj globale, kanë promovuar vendin tonë në mënyrën më të mirë të mundshme.

Ju faleminderit shumë për të gjithë kontributin që keni dhënë për promovimin e vlerave më të mira të kombit tonë

TAKIME TE PRESIDENTIT META NE SHBA

by

7 Shkurt 2019 Presidenti Meta takon Sekretarin e Shtetit Pompeo dhe Kryetaren e Kongresit Amerikan Pelosi

Uashington D.C., SHBA

Në vijim të vizitës së Tij në Uashington D.C., Presidenti i Republikës, Sh.T.Z. Ilir Meta mori pjesë sot në Mëngjesin e Lutjeve në prezencë të Presidentit të SHBA, Donald Trump, senatorëve, kongresmenëve, si edhe personaliteteve politike e fetare nga e gjithë bota.

Presidenti Meta u takua me Sekretarin e Departamentit të Shtetit, Mike Pompeo me të cilin bisedoi për partneritetin strategjik mes dy vendeve, sfidave të përbashkëta globale dhe veçanërisht për rolin e pazëvendësueshëm të SHBA-së për forcimin e sigurisë dhe stabilitetit në rajonin e Ballkanit.

Presidenti Meta pati gjithashtu një takim miqësor me Kryetaren e Kongresit Amerikan, znj. Nancy Pelosi, të cilën e uroi për zgjedhjen e saj në këtë detyrë të rëndësishme duke nënvizuar rolin e rëndësishëm që Kongresi Amerikan ka në mbështetjen e Shqipërisë dhe promovimin e demokracisë dhe shtetit të së drejtës.

7 Shkurt 2019 Presidenti Meta pritet nga Kongresmeni amerikan, z. Robert Aderholt

Në vijim të vizitës së Tij në Uashington D.C, Presidenti i Republikës Sh.T.Z Ilir Meta, i shoqëruar edhe nga delegacioni parlamentar i Shqipërisë, u takua me Kongresmenin Robert Aderholt, anëtar i Komitetit Amerikan të Helsinkit dhe bashkëkryetar i grupit të miqësisë SHBA-Shqipëri.

“Për shqiptarët, SHBA janë dhe do të mbeten partneri kryesor strategjik. Marrëdhëniet mes dy vendeve kanë një rëndësi jetike për ne”, – nënvizoi Presidenti Meta.

Kreu i Shtetit shprehu mirënjohjen për mbështetjen e SHBA në përpjekjet e Shqipërisë për konsolidimin e demokracisë dhe shtetit ligjor, për anëtarësimin në NATO, si dhe për përmbushjen e aspiratës euro-atlantike.

“Është e domosdoshme, – theksoi Presidenti Meta, – nevoja e një angazhimi edhe më të vendosur të SHBA në rajonin tonë, si një garanci për të gjithë investimin amerikan, por edhe si ndihmesë e pazëvendësueshme për finalizimin me sukses të marrëveshjes përfundimtare mes Kosovës dhe Serbisë”.

Kongresmeni Robert Aderholt siguroi Presidentin Meta për angazhim të pandalur për forcimin e arritjeve në Ballkanin Perëndimor falë përkushtimit konstant të SHBA për paqen, lirinë dhe stabilitetin.

7 Shkurt 2019 Presidenti Meta takohet me Kryetarin e Komisionit për Politikën e Jashtme në Kongresin Amerikan, Eliot Engel

Uashington D.C., SHBA

Presidenti i Republikës Sh.T.Z. Ilir Meta u prit në Kongresin Amerikan nga Kongresmeni, Eliot Engel, njëkohësisht Kryetar i Komisionit për Politikën e Jashtme.

Presidenti Meta falënderoi Kongresmenin Engel për rolin e tij të pazëvendesueshëm, jo vetëm në forcimin e marrëdhënieve shqiptaro-amerikane, por veçanërisht për angazhimin e tij të pakursyer për çështjen shqiptare në momentet më të vështira historike për kombin, çlirimin e pavarësinë e Kosovës dhe anëtarësimin e Shqipërisë në NATO.

Presidenti Meta shprehu besimin se z. Engel do të vijojë angazhimin e tij për të ndikuar në një vëmendje më të madhe të administratës amerikane, jo vetëm në raportet dypalëshe, por veçanërisht në sfidat euro-atlantike që po kalon rajoni.

“Një vëmendje e veçantë duhet të përfshijë Kosovën, që ndodhet në një moment të rëndësishëm për finalizimin e një marrëveshjeje me Serbinë, që do të jetë e qëndrueshme, afatgjatë dhe do të sjellë siguri dhe stabilitet në rajon”, – u shpreh Presidenti Meta.

Kongresmeni Eliot Engel siguroi Presidentin Meta për angazhimin e tij të vazhdueshëm për forcimin e arritjeve të derisotme në rajon falë përkushtimit të SHBA për paqen dhe lirinë.

 

 

 

 

PRESIDENTI META NE BERAT…JO PER POLITIKE

by

  • Presidenti Ilir Meta, axhendë të ngjeshur aktivitetesh në Berat:Jemi ne Berat Jo per Politike…/
  • 17Presidenti Meta – Dekoron me çmime 4 figura beratase në fushën e sportit: Volejbollistja Ollga Gjoku, trajnerja e ekipit të Tomorrit, Pingpongisti Ilir Shabanaj, peshëngritësi Vasil Hoç, rekordmen absolut, dhe Përparim Kovaçi, futbollisti i Tomorrit /

6-3

NGA BERATI PER DIELLIN:SULO GOZHINA/5

BERAT, 20 Maj 2018 – Presidenti i vendit Ilir Meta ka qënë sot në Berat,në një axhendë të ngjeshur aktivitetesh kulturore. Fillimisht ai ka marrë pjesë në çeljen e Edicionit të 6-ë të Maratonës së Beratit ku edhe ka uruar të gjithë pjesëmarrësit që do garonin në të dhe ka shprehur dëshirën për të qënë pjesë e kësaj maratone vrapimi vitin e ardhshëm. “Vitin tjetër pjesëmarës dhe konkurent”. (qesh) 001Meta në takimin me nxënësit e dalluar

Pas startimit të Maratonës, Meta ka vijuar takimet me nxënësit e dalluar, fitues të olimpiadave të matematikës në Pallatin e Kulturës “Margarita Tutulani”,ku për nder të tij ishte organizuar edhe një koncert i shkurtër artistik nga nxënësit e qytetit. Gjatë këtij aktiviteti, presidentit Meta ju dhuruan 2 çmime nderi, një medalie nga kryebashkiakja e Tetovës dhe çmimi “Miku i fëmijëve” nga Qëndra Kulturore e fëmijëve të qytetit të Durrësit, ndërkohë që më pas ai ndau edhe çmimet e para të 3 fituesve të olimpiadës së matematikës mes trevave shqiptare për klasat e shtata, të teta dhe të nënta, ku njërin nga çmimet e para, atë për klasat e nënta e kishte marrë 15-vjeçarja nga Berati, Joana Bendaj me 99 pikë. Në fjalën e mbajtur me këtë rast, Meta shprehu kënaqësinë që mori pjesë në këtë finale të olimpiadës lëvizëse mbarëkombëtare të matematikës ku u gëzua pa masë që njara prej fitueseve ishte nga Berati dhe u shpreh se, kush i shmanget matematikës kërkon një jetë të lehtë pasi matematika është baza e të gjitha disiplinave për të fituar sfidat e jet

Presidenti Meta dekoron 4 figurat e shquara të sportit berates ndër vite

Presidenti Meta vijoi më pas takimet e tij në bashkinë e Beratit, ku dekoroi 4 figura të shquara të sportit beratas ndër vite. Nga bashkia e Beratit, Meta është shprehur se, Beratit nuk i kanë munguar asnjëherë talentet në fushën e sportit, të cilët kanë luajtur një rol të rëndësishëm në fushat respektive edhe në arenën kombëtare e ndërkombëtrae. Meta tha se, Tomorri, siç është një mal i pakrahasueshëm duhet të jetë edhe një skuadër e sukseshme në vend dhe jashtë tij.
Me tituj nderi dhe dekorata nga Presidenca janë vlerësuar më pas:, Volejbollistja Ollga Gjoku, trajnerja e ekipit të Tomirrit, Pingpongisti Ilir Shabanaj, i njohur në nivel kombëtar dhe ndërkombëtar, dhe peshëngritësi Vasil Hoç, rekordmen absolut me një bilanç pozitiv edhe nga garat ndërkobëtare. Si dhe Përparim Kovaçi, futbollisti i Tomorrit dhe një nga golshënuesit më të mirë në vend në këtë moment Presidenti Meta solli dhe një arenë gëzimi për pjesmarësit të cilit në shumicë ishin sportdashësit berates kur citoj: Në rinin time mbaj mend një këngë që e këndonin në kor gjith stadiumi, për  sulmuesin e talentuar të tomorrit, Rim Kovaçin – Jani Kaçci, Jani Kaci shiko se po vjen Rim Kovaçi, po hyri në zonën e rreptsisë, të mori gjysmën e revanisë, (qëshin e duartrokasin gjithë të pranishmit në sallë), vërtet atmosfer festive sot në Berat.
Në përfundim të aktiviteteve. presidenti Meta foli për rëndësinë e tyre vlerat që ka ky qytet në fusha të ndyshme dhe ju shmang pyetjes së gazetarëve në lidhje me situatën politke në vend.