Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

MITING I MADH I PD NE TIRANE

by

Mbi 120 mijë qytetarë morën pjesë në mbrëmjen e se Henes, 13 maj, në çeljen e fushatës elektorale të Partisë Demokratike në sheshin “Nënë Tereza”.
Koncerti madhështor nisi rreth orës 19:30 ku flamujtë kuqezi dhe blu të Partisë Demokratike, NATO-s dhe BE-së, valëviteshin në duart e mijëra njerëzve.
Pjesë e kësaj feste madhështore ishin Kryeministri Sali Berisha, Kryetarja e Kuvendit, Jozefina Topalli, Eduard Selami, ministrat e kabinetit qeveritar, të gjithë kandidatët për deputetë të Partisë Demokratike, si dhe qindra e mijëra simpatizantë të Partisë Demokratike.
Mitingun e hapi kryetari i Bashkisë së Tiranës, Lulzim Basha me një fjalim entuziazmues, i cili elekrizoi sheshin “Nënë Tereza”.

Fjala e Kryeministrit Berisha në prezantimin e kandidatëve të Partisë Demokratike, për zgjedhjet e 23 qershorit

Kryeministri Berisha, duke folur në një tubim elektoral në sheshin “Nënë Tereza” në Tiranë, ku u prezantuan kandidatët për deputetë të Partisë Demokratë për qarkun e Tiranës, tha se katër vitet që vijnë janë vitet e projekteve gjigande për Shqipërinë, vitet e realizimit të një projekti të ri për punësimin, e marrjes së statusit të vendit kandidat në Bashkimin Europian dhe hapjes së negociatave, ndërsa garantoi se çdo deputet demokrat nuk do të jetë deputet i partisë, por i qytetarit.
Fjala e Kryeministrit Berisha në tubimin elektoral në Tiranë.
“Qytetare e qytetarë të Tiranës,
qytetare e qytetarë të mbarë Shqipërisë,
përshëndetje më njerëzore, më të ngrohta, nga sheshi “Nënë Tereza”. Një nderim të madh për ju, vajza e djem, gra e burra të Tiranës, që jeni sot në këtë shesh, për të çelur sëbashku fushatën e zgjedhjeve të 23 qershorit në Tiranën blu, në Tiranën e vlerave, në Tiranën zemrën e kombit, trurin e tij.
Zonja e zotërinj,
kam nder të madh sot, të paraqes para jush ekipin e parlamentarëve të ardhshëm të koalicionit të qendrës, qendrës së djathtë, të djathtës, koalicionit më të gjerë në historinë politike të pluralizmit shqiptar. Jam sot këtu, për t’u zotuar para jush se asnjëri nga këto gra e burra që qëndrojnë para jush nuk janë deputetë të partisë, por secili prej tyre është deputet i qytetarëve të Tiranës, të qytetarëve të Shqipërisë. Për ne, në çdo kohë, në çdo stinë, në çdo ditë, i pari është dhe do të jetë qytetari, interesat, aspiratat, idealet, problemet e tij.
Zgjedhjet e 23 qershorit janë për çdo qytetar shqiptar, zgjedhje e madhe për vitet që vijnë. Më 23 qershor, qytetarët shqiptarë, qytetarët e Tiranës janë të ftuar të vendosin për alternativën, për modelin e vokacionit të tyre perëndimor.
Shqiptare e shqiptarë,
gjithçka kemi realizuar të madhe në jetën tonë, gjithçka që kemi realizuar të madhe për veten tonë, për fëmijët tanë, familjet tona, kombin tonë, kanë qenë njëlloj, rezultat i përpjekjeve mbinjerëzore të shqiptarë, vokacionit të tyre perëndimor si filli shpirtëror i ekzistencës së tyre kombëtarë. Ne sot jemi të lirë të ndërtojmë një sistem demokratik, se për ne, nga gjenerata në gjeneratë, ky vokacion u mbrujt e u mbrojt në mënyrën më të fuqishme, me sakrificat më sublime. Kosova sot është e lirë, sepse çështja e shqiptarëve u bë çështje e perëndimit, sepse vokacioni ynë perëndimor triumfoi dhe ngadhnjeu.
Këta burra e gra që keni sot para, forcat politike të koalicionit “Të punësimit, mirëqenies dhe integrimit”, në asnjë ditë, asnjë orë, asnjë vit e nuk i lejuan kurrë vetes të ngrihen, të shkelmojnë e kundërshtojnë këtë vokacion. Në të gjithë morinë e kundërshtive, debateve, ata kanë qenë e mbeten demokrate të pamposhtura të këtij vokacioni.
Shqiptare e shqiptarë,
qytetarë të Tiranë e mbarë Shqipërisë,
23 qershori është zgjedhje e madhe. Alternativa tjetër ka faktuar se nuk është shkëputur nga trashëgimia e saj, nga ajo trashëgimi që bëri gjithçka për ta vendosur kombin jashtë hapësirës perëndimore. Në 20 vite, ajo alternativë bëri gjithçka për të bllokuar integrimin në Këshillin e Europës, bëri gjithçka për të bllokuar Marrëveshjen e Stabilizim Asociimit, bëri gjithçka për të bllokuar anëtarësimin në Aleancën e Atlantikut të Veriut, bëri gjithçka për t’ju lënë juve pa viza, për të mos lëvizur të lirë në Europë. Ajo alternativë bëri gjithçka për të privuar shqiptarët nga pasaporta e shkëlqyer e statusit të vendit kandidat. Sot, ajo alternativë, me cinizmin më ekstrem e quam veten Aleanca e Shqipërisë Europiane. E vërtetë kjo, sa ç’është i vërtetë zotimi i 1 prillit! Por ne të votojmë sëbashku për veten tonë, për fëmijët tanë, fëmijët e fëmijëve tanë, për Shqipërinë në Europë, për Shqipërinë e integruar.
Qytetare e qytetarë të Tiranës e mbarë Shqipërisë,
23 qershori është dita e gjykimit tuaj historik, është dita e gjykimit tuaj të madh. Tek kutitë e votimit përballen dy filozofi, dy qëndrime. Përballet qëndrimi ynë, i cili ka në thelb dhe synon liritë tuaja, besim të pakufishëm tek iniciativa juaj e lirë, tek pasuria e saj. Ne besojmë se gjithçka ka arritur Shqipëria këto 20 vite, ju ka pasur juve, qytetarët e lirë shqiptarë, arkitektët e vërtetë, ka pasur liritë tuaja dhe ne qeveritarët, deputetët, zyrtarët nuk kemi bërë asgjë tjetër, por kemi menduar, kemi vendosur sesi t’i zgjerojmë ato. Është kjo iniciativë, është liria juaj që e ka ngjitur këtë vend dhe i ka dhënë atij një rritje 11 herë, që nuk krahasohet me asnjë vend tjetër. Është kjo iniciativë që besoi në një qeveri në shërbim të qytetarit, është kjo iniciativë që konsideron liritë e të drejtat e tij si të drejta tokësore e hyjnore të paprekshme.
Alternativa tjetër është alternativa që kërkon ta bëjë Shqipërinë që të punojë për qeverinë. Alternativa tjetër është alternativa e besimit tek diktati shtetëror, tek diktati qeveritar, e taksave të larta, e ngushtimit të hapësirave të iniciativës së lirë.
Vëllezër e motra,
Në 20 vite, në çdo rrethanë, ne kemi mbrojtur para jush parimet që besojmë. Çfarë bën zoti Rama? Sa qeverisi Tiranën dy e trefishoi taksat, tani kalon nga një qytet në një tjetër si hije e Nastradinit dhe ju thotë shqiptarëve se do të heqë taksat. Alternativa tjetër është alternativa e taksave të larta, alternativa e shkatërrimit të vendeve të punës, e largimit të investitorëve të huaj, alternativa e bllokimit të zhvillimit ekonomik.
Zoti Basha, demokratët e Tiranës dhe Shqipërisë të falenderojnë ty për rotacionin që i bëre zotit Rama, por, miqtë e mi, rotacionin e dytë ia bëri Koço Kokëdhima dhe të tretin do t’ia bëjë Tirana, do t’ia bëjë Shqipëria.
Qytetare e qytetarë të Tiranës e mbarë Shqipërisë,
këta burra e gra janë deputetët e qytetarit dhe ju garantoj se në axhendën e tyre, në përpjekjet e tyre do të kenë para së gjithash e mbi të gjitha, punësimin tuaj, krijimin e vendeve të punës, rritjen e rrogave tuaja. Ne kemi sot një plan të shkëlqyer punësimi, i cili përsëri ju ka juve në epiqendër, gjenitë tuaja krijuese, forcën dhe energjitë tuaja. Ne kemi sot një plan të ri punësimi, i cili bazohet në shumëfishimin e investimeve në këtë vend. Katër vitet që vijnë janë vitet e projekteve gjigande për Shqipërinë e shqiptarët. Sot filloi kaskada e Devollit, së shpejti TAP-i, kaskada e Vjosës dhe dhjetëra e dhjetëra vepra të tjera të mëdha. Ne do bëjmë çdo gjë që çdo shqiptar të ketë një jetë më të mirë.
Vëllezër e motra,
këto kanë qenë kohë stuhie, shtrëngate të madhe për Europën e botën, por anija jonë qëndroi, rezistoi dhe kjo jo për shkak të forcës së qeverisë, por forcës së pathyeshme të individit të lirë, të qytetarit të lirë shqiptar. Katër vitet që vijnë, Shqipëria do të kapë nivelet e vendit të zhvilluar. Ne garantojmë statusin, garantojmë hapjen e negociatave, do të bëjmë gjithçka për një jetë më të mirë për çdo shqiptar.
Qytetare e qytetarë shqiptarë,
le të vendosim të zhvillojmë kësaj radhe, fushatën më të civilizuar, fushatën e vlerave që ne u besojmë, fushatën që do të bindë çdo qytetar shqiptar, pavarësisht nga përkatësia partiake, se ne jemi ndryshimi. Përpara, Përpara, Përpara!. Fitore, Fitore, Fitore!”

LEADERSHIP

by

By David Philips*/

Leaders are judged by their performance,their plans, and theircharacter. This article provides analysis of Albania’s political and economic development, based on my experience working on Albanian issues for more than 25 years.

It assesses the quality of Albania’s current leadership, drawing on my impressions of Dr. Sali Berisha,Chairman of the Democratic Party,whom I first met in 1991. In writing this article, I have tried to take a step back and see the big picture giving historical context to Albania’s current challenges.

 PERFORMANCE

Dr. Berisha participated in the democratic movement that overthrew Ramiz Alia, ending one of the world’s worst dictatorships. He helped free Albanians from fear that paralyzed society during the paranoid and tyrannical reign of Enver Hoxha.

Overthrowing Communism was an event. However, removing Hoxha’s legacy of state-sponsored terror has been a process, which requires the transformation of Albanian society. Dr. Berisha has been a change-agent for more than two decades. He and other Albanians celebrated 20 years of freedom and democracy on March 22,2012.

Once ostracized by the West,Albania has been integrated into Euro-Atlantic institutions. In April 2009, Albania became a member of NATO. It was an historic occasion, which was the culmination of great efforts over many years.

Defense and security sector reforms, as well hard-fought democratic and institutional reforms were required for Albania to join the Alliance.

Albania is also making progress with its Euro-Atlantic integration.

I never cease to be amazed that the EU approved visa liberalization for Albanian passport holders in December 2010. Once the pariahs of Europe, Albanians now travel freely in Shengen countries. Albania is also moving towards EU membership.

The European Commission recommended a 12-step plan in 2009 then, validating Albania’s progress, the Commission recommended EU candidate status for Albania in October 2012.

Candidacy would not have happened if Dr. Berisha had not been willing to work with the opposition.

Showing flexibility and compromise,he forged agreement with Edi Rama and the Socialist Party on constitutional changes. The Democratic Party also forged a coalition with the Socialist Movement for Integration (LSI).

Economic growth and Foreign Direct Investment have continued despite the recent global economic crisis. For 4 years in a row, Albania’s GDP growth was greater than any other country in Europe. Infrastructure has been built, including construction of the Kërrabë tunnel and hundreds of kilometers of new roads. Living standards are rising. Social services have expanded  with the construction of 1,300 new schools. For sure, moremust be done to fight corruption and cronyism.

Albania celebrated 100 years of independence on November 28, 2012. Its entennial was attended by citizens and world leaders. Albania has gained significant influence in the region. It was pivotal, for example, stewarding Kosova’s path to independence that culminated in its coordinated declaration of independence in 2009.

PLANS

Albania has unfinished business. Dr. Berisha is committed to political dialogue addressing the final hurdles to EU membership,including judicial and public administration reforms, as well as revised parliamentary rules and procedures.

Parliamentary elections will be a crucial test for the smooth functioning of the country’s democratic institutions. Dedicated to free and fair elections, the government has invited domestic and international monitors. Dr. Berisha insists that he will accept election results, which reflect the will of the people.

The Democratic Party’s platform includes plans for additional infrastructure. It pledges to invest $16 billion to create 250,000 new jobs over the next 4 years. It plans to increase salaries; raise pensions; and reform the labor market, transforming unemployment benefits into employment incentives.“Obligatory insurance of medical care” is planned for all citizens.

CHARACTER

I have known Dr. Sali Berisha for nearly 25 years. So I feel qualified to say something about his character.

The 1997 pyramid collapse occurred on his watch. But Dr.Berisha did not shirk responsibility.

Rather, he struggled to stabilize Albania during the crisis, then negotiated,

then stepped aside, arrangingthe peaceful transfer of power to the Socialist Party. He is one of the few politicians who learned from his mistakes and emerged both a better leader and human being.

Dr. Berisha’s critics accuse him of being more devoted to power than public service. Opponents say he is vindictive and holds a grudge.

The man I know uses power with a purpose. He loves Albania and is devoted to Albanians. He is a conciliator, as evidenced by his cooperation with former opponents like Mr. Edward Selami and Mr.Dashamir Shehi Albania is at a historic crossroads on its path to European integration.

More than a passionate patriot, Dr. Berisha has the character and leadership to help Albania fulfill its destiny as a respected partner of the international community.

(*Mr. Phillips is Director of the Program on Peace-building andRights at Columbia University’sInstitute for the Study of HumanRights. He is author of Liberating Kosovo: Coercive Diplomacy and U.S. Intervention).

Sali Berisha, nga larg dhe afër

by

Nga David L. Phillips*

Udhëheqësit gjykohen nga performanca, planet dhe karakteri i tyre. Ky artikull jep një analizë të zhvillimeve politike dhe ekonomike, bazuar në eksperiencën time të punës mbi çështjet e Shqipërisë për më shumë se 20 vjet. Ai vlerëson cilësinë e udhëheqjes aktuale të Shqipërisë, duke u bazuar mbi përshtypjet e mia mbi Dr. Sali Berishën, kryetar i Partisë Demokratike, të cilin e kam takuar për herë të parë në vitin 1991. Gjatë shkrimit të këtij artikulli jam përpjekur të bëj një hap mbrapa dhe të shoh të gjithë pamjen, duke dhënë kontekst historik për sfidat aktuale të Shqipërisë.

Performanca

Dr. Berisha mori pjesë në lëvizjen demokratike që rrëzoi Ramiz Alinë, duke i dhënë fund njërës prej diktaturave më të këqija të botës. Ai ndihmoi në çlirimin e shqiptarëve nga frika që paralizoi shoqërinë gjatë regjimit paranojak dhe tiranik të Enver Hoxhës. Rrëzimi i komunizmit ishte një ngjarje-eveniment. Megjithatë, trashëgimia e Hoxhës, e një shteti të mbështetur në terror, ka qenë një proces i cili kërkonte transformimin e shoqërisë shqiptare. Dr. Berisha ka qenë një agjent ndryshimi për më shumë se dy dekada. Ai dhe shqiptarët festuan 20 vjet liri dhe demokraci më 22 Mars 2013.

Dikur e izoluar nga Perëndimi, Shqipëria është integruar në institucionet euro-atlantike. Në prill të vitit 2009 Shqipëria u bë anëtare e NATO-s. Ishte një rast historik, i cili ishte kulminacioni i përpjekjeve të mëdha gjatë shumë viteve. Reformat në sektorët e mbrojtjes dhe sigurisë, si dhe reforma institucionale dhe demokratike ishin të nevojshme për Shqipërinë që t’i bashkohej Aleancës.

Shqipëria, gjithashtu, po lëviz drejt anëtarësisë në BE. Komisioni Europian rekomandoi një plan me 12 hapa atëherë, duke vlerësuar progresin e Shqipërisë, Komisioni rekomandoi statusin e vendit kandidat për BE për Shqipërinë në tetor të vitit 2012.

Kandidatura nuk do të kishte ndodhur nëse Dr. Berisha nuk do të kishte qenë i gatshëm për të punuar me opozitën. Duke treguar fleksibilitet dhe kompromis, ai bëri marrëveshje me Edi Ramën dhe Partinë Socialiste për ndryshime kushtetuese. Partia Demokratike bëri gjithashtu koalicion me Lëvizjen Socialiste për Integrim.

Rritja ekonomike dhe investimet e huaja direkte kanë vazhduar pavarësisht krizës ekonomike globale. Për katër vite rresht rritja e GDP të Shqipërisë ishte më e madhe se e çdo vendi tjetër në Europë. Është ndërtuar infrastruktura, duke përfshirë ndërtimin e tunelit të Kërrabës dhe qindra kilometra rrugë të reja. Standardet e jetesës po rriten. Shërbimet sociale janë zgjeruar me ndërtimin e 1300 shkollave të reja. Me siguri, duhet të bëhet më shumë për të luftuar korrupsionin dhe nepotizmin.

Shqipëria festoi 100 vite pavarësi më 28 Nëntor 2012. Njëqindvjetori u ndoq nga shumë qytetarë dhe liderë botërorë. Shqipëria ka fituar influencë të rëndësishme në rajon. Për shembull, ka qenë shumë e rëndësishme për administrimin e rrugës së Kosovës drejt pavarësisë që kulmoi në deklaratën e koordinuar të pavarësisë në vitin 2009.

Planet/

Shqipëria ka ende punë për të bërë. Dr. Berisha është i përkushtuar për dialog politik për të zgjidhur pengesat finale për anëtarësim në BE, duke përfshirë reformat gjyqësore dhe të administratës publike, si dhe rregulla dhe procedura të rishikuara të Parlamentit.

Zgjedhjet parlamentare do të jenë një test vendimtar për funksionimin e qetë të institucioneve demokratike të vendit. Qeveria, e dedikuar për zgjedhje të lira dhe të ndershme, ka ftuar vëzhgues kombëtarë dhe ndërkombëtarë. Dr. Berisha insiston se ai do të pranojë rezultatet e zgjedhjeve, të cilat pasqyrojnë vullnetin e popullit.

Platforma e Partisë Demokratike përfshin plane për infrastrukturë shtesë. Ajo zotohet se do të investojë 16 miliardë dollarë për të krijuar 250 000 vende të reja pune në katër vitet e ardhshme. Ajo planifikon të rrisë pagat, pensionet, të reformojë tregun e punës duke transformuar përfitimet e papunësisë në stimuj për punësim. “Sigurim i detyrueshëm për kujdes mjekësor” është planifikuar për të gjithë qytetarët.

Karakteri/

E njoh Dr. Berishën prej përafërsisht 25 vjetësh. Kështu që ndihem i kualifikuar për të folur rreth karakterit të tij.

Rënia e skemave piramidale në vitin 1997 ndodhi kur ai ishte në pushtet. Por Dr. Berisha nuk iu shmang përgjegjësisë. Për më tepër, ai luftoi për të stabilizuar Shqipërinë gjatë krizës, më pas negocioi, më pas doli mënjanë, duke organizuar transferimin paqësor të pushtetit te Partia Socialiste. Ai është një nga politikanët e paktë që mësuan nga gabimi i tyre dhe u shfaq si një lider dhe qenie njerëzore më e mirë.

Kritikët e Dr. Berishës e akuzojnë atë se është më i përkushtuar ndaj pushtetit sesa ndaj shërbimit publik. Kundërshtarët thonë se ai është hakmarrës dhe se mban mëri. Burri që njoh unë e përdor pushtetin me një qëllim. Ai e do Shqipërinë dhe është i përkushtuar ndaj shqiptarëve. Ai është pajtues, siç vërtetohet nga bashkëpunimi i tij me ish-kundërshtarë, si zoti Eduard Selami dhe zoti Dashamir Shehu.

Shqipëria është në një udhëkryq historik në rrugën e saj drejt integrimit europian. Dr. Berisha, më shumë se një patriot i apasionuar, ka karakterin dhe lidershipin për të ndihmuar Shqipërinë në plotësimin e fatit të saj si një partnere e respektueshme e komunitetit ndërkombëtar.

*David Phillips është drejtor i Programit për Paqen dhe të Drejtat në Institutin e Studimit të të Drejtave të Njeriut, në Universitetin e Kolumbias – Nju-Jork. Ai është autor i librit ‘Çlirimi i Kosovës: Diplomaci shtrënguese dhe ndërhyrja e ShBA’.(Botoi Mapo.al)

 

 

Media, opozita e vërtetë

by

NGA SALI BERISHA*/

Është një rast i veçantë për mua t’ju përshëndes shumë përzemërsisht ju, të përshëndes të gjithë punonjësit e të gjitha niveleve të shtypit të shkruar dhe atij elektronik, të përulem me nderimin më të madh para jush, rolit tuaj të pazëvendësueshëm në shoqërinë shqiptare. Në Shqipëri kanë ndryshuar shumë gjëra, por sot, në rrafshin demokratik, pasuria më e madhe e vendit, në mënyrë të padiskutueshme, janë mediat e tij, media të cilat në një përpjekje të gjithanshme përpiqen të tejshkojnë me rreze drite çdo qelizë, çdo skutë, çdo labirint të shoqërisë sonë, media të cilat kanë një kontribut të jashtëzakonshëm, jo vetëm në fushën informative, por po kaq në atë kulturore, artistike, investigative, të gjithanshme.
Unë kam një arsye më të veçantë për të qenë mirënjohës ndaj jush. Të gjithë politikanët duhet të jenë mirënjohës ndaj mediave, sepse, në fakt, më shumë se atyre pakkujt i detyrojnë karrierën. Por, unë kam arsye të dyfishtë, sepse gjatë këtij mandati de facto ju keni qenë opozita e vendit, një opozitë e shkëlqyer. Kjo është e vërteta. Nuk ka asgjë më të vështirë për një qeveri, në një vend dhe shoqëri të lirë, sesa të qeverisë pa opozitë. Ishte thënë në mënyrë të përsëritur pas zgjedhjeve të vitit 2009, por unë kisha mendim tjetër, isha i bindur se vendi nuk ishte pa opozitë. Mediat në Shqipëri përbëjnë realisht pluralitetin më të fuqishëm të vendit. Kjo është e vërteta dhe ky është zhvillimi më pozitiv i këtyre njëzet viteve. Ky pluralitet është një vlerë kolosale për lirinë e shqiptarëve. Ndaj dhe unë ju ftova juve sonte për t’ju falënderuar me shumë mirënjohje për rolin tuaj të jashtëzakonshëm që luani në shoqërinë shqiptare.
Kam edhe një arsye tjetër, specifike për këtë vit. Ne shqiptarët kremtuam këtë vit 100-vjetorin e Pavarësisë së Shqipërisë. Në rast se jemi një traditë relativisht e shkëlqyer në mitingje, nuk mund të them se jemi të tillë në festa, por të gjithë ne u befasuam në këtë 100-vjetor, pasi para nesh befas u shfaq lëvizja festive popullore më e madhe në historinë tonë kombëtare. Natyrisht, jashtë çdo lloj arsyeje se kjo ishte një lëvizje zyrtarisht e organizuar. Jo, kjo ishte një lëvizje zyrtarisht e organizuar aq sa ishte zyrtarisht i organizuar mitingu i Xhejms Bejkërit në maj të vitit ’91. Por nuk ka diskutim që kjo lëvizje, pas së cilës shqiptarët nuk do të jenë më kurrë kombi që ishin, kishte katalistët e saj. Dhe unë besoj se ju keni qenë ndër katalistët më kryesorë. Lëvizja, sigurisht, duhet studiuar dhe lexuar me shumë vëmendje, por një gjë është e sigurtë, ajo e tëra ishte një shenjë e bashkimit kombëtar. Unë kam bindjen se mesazhi i ditës së 100-vjetorit do të lexohet me ndershmëri nga të gjithë shqiptarët. Kam bindjen se mediat do të qëndrojnë në krye të kësaj përpjekjeje. Ajo që ndodhi në 28 Nëntor ishte një vërshim i papërmbajtur, i paparë, i ndjenjave të dashurisë, respektit, të atdhetarisë së shqiptarëve në të katër anët e botës. Ajo lëvizje e tërë ishte në shenjë bashkimi. Ajo ka leksionin e madh – shqiptarët nuk duhet kurrë të pushojnë së punuari për të ndërtuar idealin e tyre më suprem, idealin e bashkimit kombëtar. Ata nuk kanë asnjë arsye të qëndrojnë nënshtruar në trojet e tyre mijëravjeçare. Ata janë të fundit që numërojnë të rënët në trojet e tyre. Sot në Kosovë janë mijëra e mijëra familje shqiptare, të cilat ende kanë të patharë gjakun e vajzave dhe djemve të tyre të rënë për liri. Kjo është e vërtetë për shqiptarët në Maqedoni. Pra, ishte një kushtrim. Ndaj dhe ftesa ime për ju, gra dhe burra, vajza dhe djem të emancipuar, është se nuk duhet kurrë të përtojmë dhe të hezitojmë të shohim të vërtetat në sy. Përndryshe, ne mund të viktimizohemi prej tyre. Askush nuk duhet të trembet nga nacionalizmi shqiptar. Ballkani përjetoi stuhitë më të egra nacionaliste në fundin e shekullit që shkoi. Nacionalizmi shqiptar ishte nacionalizmi më qytetar, ishte nacionalizëm tërësisht i frymëzuar nga vlerat e lirisë. Dhe do të ishte e pafalshme që për shkak të barbarive të nacionalizmave të tjerë ne të vendosnim në një shtrat nacionalizmin qytetar shqiptar. Është nacionalizëm i bazuar mbi kulturën, gjuhën, nuk është nacionalizëm i bazuar mbi urrejtjen, mbi shfarosjen, mbi ekstreminimin. Në tërë kulturën tonë, në tërë doktrinat tona, ne nuk kemi dhe nuk kemi pasur doktrina shfarosëse për kombe të tjera.
U ndala në këtë çështje, sepse, në fakt, ju keni dhënë një kontribut shumë të madh gjatë këtij viti me shkrimet tuaja, me analizat tuaja, me botimet tuaja në qëmtimin e të vërtetave historike. Kemi patur shumë nevojë për të njohur të vërteta tona, sepse me injorancë ecën drejt errësirës, ecën pas, nuk di ku shkon. Ndaj dhe kam besim të madh se ky proces i bashkimit me njëri-tjetrin, i bashkimit me Evropën do të ketë promotor të fuqishëm mediat shqiptare. Procesi i bashkimit evropian përbën mrekullinë më të madhe të Evropës së të gjitha kohërave, por nuk mund të themi se ai i jep përgjigje totale përfundimtare çështjes së bashkimit të shqiptarëve. E domosdoshme është të ndjekim besnikërisht atë rrjedhë, e domosdoshme është të përcaktojmë standarde të tjera, të cilat të bëjnë të mundshëm që në kufij të parëndësishëm shqiptarët të ndjehen një kudo që ndodhen. Kjo është e rëndësishme për të ruajtur materien. Kjo është e rëndësishme për të ruajtur territorin. Kjo është e rëndësishme për të ruajtur të ardhmen që meritojmë.
Dua ta mbyll këtë fjalë timen duke ju lexuar një pamflet të jashtëzakonshëm të njeriut që ndoshta themeloi gazetarinë moderne shqiptare. Po jua lexoj këtë që ta keni si imunitet nga të gjitha ndikimet.
Ja çfarë i shkruan Faik Konica një gazetari, mikut të tij, që kishte vendosur të botonte një gazetë: “I dashur mik – në e bëfsh gazetën me fleta të mëdha, shqiptarët do të thonë që s’fshihet dot lehtë; në e bëfsh me fleta të vogla, do të thonë se s’është gazetë, por libër. Në e shtypsh me letra të holla, do të thonë se s’këndohet edhe prishin sytë; në e shtypësh me letra të trasha do të thonë se je ‘hamall’ e kërkon të mbushësh vend. Në shkrofsh toskërisht do të thonë se s’është gazetë për gjithë shqiptarët; në shkrofsh gegnisht prap ashtu, në shkrofsh në gjuhë të përzier me të dyja, gjysmë gegnisht, gjysmë toskërisht, do të thonë se është ‘çervish’. Në mos shkrofsh për politikë, do të thonë se s’është koha të punojmë për letratyrë, kur vendi ndodhet në rrezik; në shkrofsh për politikë, do të thonë se prish punë duke egërsuar qeverinë. Në folsh butë për Turqinë, je i paguar prej Stambollit; në shkrofsh rreptë kundër Turqisë, kërkon të të japë Sulltani të holla që ta pushosh gazetën. Në mos gjefsh të holla që ta mbash gazetën, do të thonë se s’je i zoti, me qenë aq njerëz duan zgjimin e kombit shqiptar; në gjefsh të holla, je intrigant a i shitur. Në folsh për plot çlirimin e Shqipërisë, do të thotë je djall e kërkon gjëra që duheshin gatitur në qind vjet më parë; në folç për nevojën të përpiqemi ta shpëtojmë gjuhën dhe kombësinë, duke vënë vendin nën hijen e Fuqisë së Madhe, s’qenke shqiptar i vërtetë. Në folsh mirë për shqiptarët e krishterë, hidhërohen shqiptarët muhamedanë; në folsh mirë për muhamedanët, hidhërohen të krishterët; në folsh mirë për të krishterët e për muhamedanët që janë shqiptarë të mirë, e ligsht për të ligjt, aherë do të hidhërohen të gjithë. Aq për sot, se kam frikë mos të zërë gjumi”.
Gëzuar!

Fjala e Kryeministrit Berisha në pritjen koktej për mediat, me rastin e festave të fundvitit