SHBA-BE – Dielli

Përfaqësues të SHBA e BE në Prishtinë, përgatitje për dialogun Kosovë-Serbi

June 2, 2021 by dgreca

PRISHTINË, 2 Qershor 2021- Gazeta DIELLI/ Zëvendës ndihmës sekretari i SHBA-së, Matthew Palmer dhe i dërguari i Bashkimit Evropian për dialogun Kosovë-Serbi, Miroslav Lajčák, kanë qëndruar në Kosovë. Zyra e Bashkimit Evropian në Kosovë, sot – 2 Qershor 2021, ka dërguar këtë komunikatë:

Përfaqësuesi i Posaçëm i BE-së, Lajçak, u takua me udhëheqësit e Kosovës për të bërë përgatitjet për takimin e parë të nivelit të lartë të Dialogut Beograd-Prishtinë

1 qershor 2021 – Përfaqësuesi i Posaçëm i BE-së për Dialogun Beograd-Prishtinë dhe për çështje të tjera rajonale të Ballkanit Perëndimor, Miroslav Lajçak, përmbylli vizitën e tij 2-ditore në Kosovë.

Ambasadori Lajçak vizitoi Kosovën si pjesë e përgatitjeve të nevojshme për takimin e nivelit të lartë të Dialogut Beograd-Prishtinë të planifikuar për në fund të këtij muaji.

Ky ishte fokusi i konsultimeve të tij me Presidenten Osmani, Kryeministrin Kurti, Zëvendës Kryeministrin e Parë për Integrimin Evropian, Zhvillimin dhe Dialogun Bislimi, Zëvendës Kryeministren e Dytë, Ministren e Punëve të Jashtme dhe të Diasporës Gërvalla.

“Vizita ime në Kosovë ishte një vizitë produktive me qëllimin kryesor për të siguruar përgatitjen sa më të mirë të takimit të liderëve në Bruksel më vonë gjatë qershorit”, tha z. Lajçak.

Në Kosovë, Ambasadorit Lajçak iu bashkua Matthew A. Palmer, Zëvendës Ndihmës Sekretari i Shtetit i SHBA-së në Byronë e Çështjeve Evropiane dhe Euroaziatike, përgjegjës për Ballkanin Perëndimor dhe Egjeun dhe Përfaqësues i Posaçëm për Ballkanin Perëndimor. “Sot jam këtu me mikun tim të mirë Matt Palmer, gjë që është një shenjë e bashkëpunimit tonë të ngushtë transatlantik”, përfundoi Përfaqësuesi i Posaçëm i BE-së.

Z. Lajçak gjithashtu u takua me përfaqësues të bashkësisë ndërkombëtare dhe krerë të shteteve anëtare të BE-së në Kosovë.

Më vonë gjatë kësaj jave, Përfaqësuesi i Posaçëm i BE-së, Lajçak, do të vizitojë Beogradin për të vazhduar përgatitjet për takimin e nivelit të lartë.

PRESS RELEASE

EU Special Representative Lajčák met with Kosovo leadership to prepare the High-level meeting of the Belgrade-Pristina Dialogue

1 June 2021 – Today, the EU Special Representative for the Belgrade-Pristina Dialogue and other Western Balkan regional issues, Miroslav Lajčák, wrapped up his 2-day working visit to Kosovo.

Ambassador Lajčák visited Kosovo as part of the necessary preparations for the High-level meeting of the Belgrade-Pristina Dialogue scheduled for later this month.

This was the focus of his consultations with President Osmani, Prime Minister Kurti, First Deputy Prime Minister for European Integration, Development and the Dialogue Bislimi, Second Deputy Prime Minister and Minister of Foreign Affairs and Diaspora Gervalla.

“My visit to Kosovo has been a productive one with the primary aim to ensure the best possible preparation for the leaders’ meeting in Brussels later in June”, Mr. Lajčák stated.

In Kosovo, Ambassador Lajčák was joined by Matthew A. Palmer, US Deputy Assistant Secretary of State in the Bureau of European and Eurasian Affairs with responsibility for the Western Balkans and the Aegean and Special Representative for the Western Balkans. “Being here today with my good friend Matt Palmer is a sign of our close transatlantic cooperation”, the EU Special Representative concluded.

Mr Lajčák also met with representatives of the international community and heads of EU member states in Kosovo.

Later this week, EU Special Representative Lajčák will visit Belgrade to continue preparations for the high-level meeting.

Merkel: Nuk ka garanci të përjetshme për bashkëpunimin SHBA-BE

January 13, 2017 by dgreca

Kancelarja gjermane ka thënë se do të ishte “naive” nga ana e BE që ta konsiderojë gjithmonë të sigurtë mbështetjen e SHBA. Ajo bëri thirrje për më shumë solidaritet brenda BE pas Brexit dhe fitores së Donald Trumpit.

Kancelarja gjermane Angela Merkel kërkoi në një fjalim të mbajtur të enjten në Bruksel që Bashkimi Evropian “të marrë më tepër përgjegjësi” në politikën botërore. Kjo thirrje bëhet në një kohë, kur në Evropë janë shtuar shqetësimet për angazhimin ndaj bashkëpunimit transatlantik të Presidentit të zgjedhur të SHBA, Donald Trump.

“Nga këndvështrimi i disa prej partnerëve tanë tradicionalë- dhe me këtë kam parasysh edhe marrëdhëniet transatlantike – nuk ka garanci të përjetshme për një bashkëpunim të ngushtë me ne, evropianët”. Kështu u shpreh Kancelarja Merkel para të pranishmëve në Bruksel, pasi kishte pranuar më parë tituj si doktore nderi nga universitetet prestigjoze belge, Leuven dhe Ghent.

Kancelarja nuk e përmendi me emër Donald Trumpin. Por fjalët e saj duket se u referoheshin vërejtjeve të liderit të ardhshëm amerikan, se ai do të shqyrtojë kontributet financiare të një vendi në aleancën e NATO-s përpara se të nisej ta ndihmonte atë vend. “Evropa po përballet me sfidat më të mëdha në dekada”, tha Merkeli duke përmendur konfliktet në kufijtë e Evropës si atë në Ukrainë.

Ne Foto: Merkel merr titullin doktor nderi në Belgjikë/

Ajo shtoi se do të ishte një qëndrim “naiv ta konsiderosh të sigurtë se të tjerët do të zgjidhin problemet në fqinjësinë tonë.”Merkeli tha se vota shokuese e Britanisë së Madhe për t’u larguar nga Bashkimi Evropian e ka rritur rëndësinë e solidaritetit brenda pjesës tjetër të bllokut. Kjo ka dalë në pah edhe në diskutimet që janë bërë për të intensifikuar bashkëpunimin në fushën e mbrojtjes dhe në çështje të tjera.”Këtë vendim ne duhet ta shohim si një shtysë për të bashkëpunuar (për synimin) e mbajtjes së Evropës të bashkuar, për ta përmirësuar atë dhe për ta sjellë atë sërish më pranë qytetarëve”, tha ajo. Në takimin e nivelit të lartë në dhjetor, Bashkimi Evropian ra dakord që të ndërmarrë hapat e parë drejt zgjerimit të bashkëpunimit në fushën e sigurisë dhe të mbrojtjes.Kancelarja Merkel, e cila kërkon të rizgjidhet në post këtë vit është kritikuar në Evropë për politikën e saj ndaj refugjatëve sirianë. Të enjten ajo tha edhe se Evropa duhet ta përshpejtojë punën e saj për miratimin e një regjistri të hyrjeve dhe të daljeve në BE, për t’i kontrolluar në këtë mënyrë më mirë kufijtë e Bashkimit Evropian.

SHBA-BE, apel Maqedonisë: Zbatoni marrëveshjen e 2 qershorit

October 28, 2015 by dgreca

Shtetet e Bashkuara të Amerikës, Britania e Madhe, Gjermania, Italia dhe Franca, përmes një deklarate të përbashkët kanë ftuar partinë maqedonase në pushtet, VMRO-DPMNE, të drejtuar nga Nikola Gruevski, të respektojë marrëveshjen e 2 qershorit dhe të mos zvarrisë zbatimin e reformave të nevojshme për zgjidhjen e krizës politike në Maqedoni.
“Ftojmë VMRO-DPMNE-në të tregojë përkushtimin e nevojshëm dhe të zbatojë marrëveshjen në mënyrë urgjente dhe konstruktive. Besojmë se, zbatimi i kësaj marrëveshjeje është rruga më e mirë për daljen nga kriza politike. I bëjmë thirrje kryeministrit Gruevski të autorizojë grupin e punës, që të përfundojë marrëveshjen, duke zgjidhur çështjet e debatueshme dhe t’i zbatojë të gjitha reformat e nevojshme për të garantuar terren të barabartë për zgjedhjet e parakohshme, me qëllim që procesi zgjedhor të njihet nga faktori i brendshëm dhe ai ndërkombëtar”, tha Charles Edmund Garrett, ambasador i Britanisë së Madhe në Maqedoni. Ambasadorët e 5 vendeve me ndikim të madh në botë, të akredituar në Maqedoni, i kanë bërë thirrje edhe partisë maqedonase në opozitë, LSDM-së, të kryejë detyrimet që i takojnë mbi bazën e marrëveshjes së 2 qershorit.
“Ftojmë gjithashtu LSDM-në, që nga ana e saj të vazhdojë t’i përmbushë detyrimet e veta, që dalin nga marrëveshja politike, përfshirë këtu edhe detyrimin për të mos publikuar materiale të përgjuara”, tha më tej ambasadori Charles Edmund Garrett. Përmes deklaratës së përbashkët, që u lexua para godinës së Qeverisë në Shkup nga diplomati britanik, Charles Garrett, ambasadorët e huaj u shprehën të zhgënjyer nga shkelja e afateve të marrëveshjes për zgjidhjen e krizës politike, si dhe theksuan se dështimi i saj do të reflektojë në procesin e integrimit të Maqedonisë.