Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

SHBA-Kosovë, Yee takim me Mustafën në Londër

by

-Shpreh përkrahjen e mëtejme të SHBA-ve për Kosovën/PRISHTINË, 22 Shkurt 2016-B.Jashari/ Zëvendës ndihmës sekretari amerikan i shtetit për Çështje të Evropës dhe të Euroazisë, Hoyt Yee, shprehu përkrahjen e mëtejshme të SHBA-ve për Kosovën, në një takim në Londër me kryeministrin kosovar, Isa Mustafa. Duke vlerësuar progresin e arritur deri më tani në Kosovë, Yee vlerësoi lidershipin e qeverisë së Kosovës në zhvillimet demokratike në Kosovë, duke theksuar mbështetjen amerikane në këtë rrugë.Kryeministri kosovar, Isa Mustafa, gjatë vizitës në Londër, u takua me zëvendës ndihmës sekretarin amerikan të shtetit të SHBA-ve për Çështje të Evropës dhe të Euroazisë, Hoyt Yee, të cilin e njoftoi për progresin në Kosovë, duke theksuar përkushtimin e qeverisë për zhvillim ekonomik, fuqizim të sundimit të ligjit, avancimin e institucioneve demokratike dhe të proceseve integruese euroatlantike, bën të ditur njoftimi i dërguar sot.Kryeministri Mustafa shprehu mirënjohjen e përjetshme të qytetarëve dhe të qeverisë për përkrahjen e SHBA-ve, duke theksuar përkushtimin e plotë Kosovës për thellimin e bashkëpunimit dhe të partneritetit strategjik me SHBA-të.Në takim me zëvendës ndihmës sekretarin amerikan të shtetit për Çështje të Evropës dhe të Euroazisë, Hoyt Yee, kryeministri Isa Mustafa e njoftoi edhe për zhvillimet e fundit në Kosovë, duke shprehur përkushtimin e qeverisë për dialog institucional me qëllim të zgjidhjes së çdo lloj shqetësimi apo problemi real për qytetarët kosovarë.“Ne, qeveria por edhe qytetarët e Kosovës e dimë qëndrimin dhe përkrahjen e Shteteve të Bashkuara për Kosovën dhe të gjitha zhvillimet në Kosovë dhe ne jemi shumë falënderues për këtë përkrahje të pazëvendësueshme që po jepni”, tha kryeministri Mustafa. Kryeministri i Republikës së Kosovës, Isa Mustafa, mori pjesë sot në Samitin e Investimeve të Ballkanit Perëndimor, të organizuar nga Banka Evropiane për Rindërtim dhe Zhvillimin (BERZH) në Londër, ku ka prezantuar mundësitë dhe potencialet e Kosovës për investitorët e huaj.

SHBA- KOSOVE:PROMOVIM I VLERAVE

by

-Kosovë-SHBA, bashkëpunim në fushën e kulturës, trashëgimisë dhe diplomacisë sportive/
PRISHTINË, 29 Tetor 2015/Ministri kosovar i Kulturës, Rinisë dhe Sportit, Kujtim Shala, priti sot ambasadorin e Shteteve të Bashkuara të Amerikës në Kosovë, Greg Delawie, me të cilin bisedoi për bashkëpunimin ndërmjet Ministrisë dhe Ambasadës Amerikane.
Ministri Shala dhe ambasadori Delawie vlerësuan bashkëpunimin e ngushtë të dy qeverive e në veçanti të MKRS-së me Ambasadën Amerikane në fushën e të promovimit të vlerave kulturore.
Ministri e falënderoi ambasadorin për ndihmën e vazhdueshme dhe vendimtare që Qeveria amerikane po jep për forcimin e shtetësisë së Kosovës dhe për institucionet e kulturës në veçanti.
Po kështu, Shala e informoi ambasadorin Delawie për politikat që po i ndjek MKRS-ja për zhvillimin e kulturës ne vend dhe promovimin e diversitetit kulturor.
Në takim, theks i veçantë iu kushtua procesit të anëtarësimit të Kosovës në UNECO, si dhe garantimit të trashëgimisë dhe të autonomisë së Kishës Ortodokse Serbe, në përputhje me Pakon e Presidentit Ahtisari dhe Kushtetutën e Kosovës.
Ambasadori Delawie premtoi vazhdimin e bashkëpunimit në fushën e kulturës, të trashëgimisë kulturore dhe në diplomacinë sportive.
Po ashtu, ambasadori Delawie theksoi se qeveria e vendit të tij, përmes Ambasadës në Prishtinë, do të vazhdojë të përkrahë aktivitete të ndryshme kulturore e sportive, të cilat e promovojnë diversitetin kulturor e etnik të Kosovës. /b.j/