Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Drejtori i Përgjithshëm i Policisë së Kosovës në SHBA

by

Drejtori i Përgjithshëm i Policisë së Kosovës z. Shpend Maxhuni po qëndron për vizitë zyrtare në San Diego të Shteteve të Bashkuara të Amerikës/

1-drejtori-polici-maxhuni-ok

Në foto:Drejtori i Përgjithshëm i PK-së z. Maxhuni, kryeprokurorja znj. Loretta E Lynch nga SHBA si dhe stafi përcjellës./

Drejtori i Përgjithshëm i Policisë së Kosovës z. Shpend Maxhuni është duke qëndruar për vizitë zyrtare në San Diego të Shteteve të Bashkuara të Amerikës (SHBA), ku po merr pjesë në konferencën e shefave të Policisë në kuadër të IACP-së (International Association of Chiefs of Police – Shoqata Ndërkombëtare e Shefave të Policisë).Në këtë konferencë pjesëmarrës janë një numër i madh i nivelit të lartë të shefave të Policisë, jo vetëm nga SHBA-ja por edhe nga vende të ndryshme të botës, duke përfshirë edhe drejtorin e Përgjithshëm të Policisë së Kosovës.Pjesëmarrja dhe takimi me përfaqësues të organizatave të ndryshme policore, në konferenca të këtij karakteri, mundëson shkëmbimin e përvojave policore, trajtimin e problemeve dhe fenomeneve nga fusha e rendit dhe sigurisë, si dhe njohjen me teknologjitë më të reja të cilat aplikohen në fushën e sigurisë.

Po ashtu në këtë konferencë fokus i veçantë i është dhënë luftës kundër terrorizmit dhe radikalizmit të dhunshëm, krimit të organizuar transnacional si dhe llojeve të tjera të krimit.Kjo konferencë e karakterit policor është një nga konferencat më të mëdha të mbajtura çdo vit në SHBA, ku Policia e Kosovës është mbështetur dhe përkrahur nga ICITAP-i amerikan për të qenë pjesëmarrëse.

 

Mirenjohje në Nju Jork për Drejtorin e Përgjithshëm të Policisë së Kosovës

by

Drejtori i Përgjithshëm i Policisë së Kosovës, Z. Shpend Maxhuni, gjatë qëndrimit në shtetin e Bashkuara të Amerikës u nderua me mirënjohje nga Shoqëria ilire të oficerëve të zbatimit Ligjit/
NEW YORk CITY : Më 4 nëntor 2015, Drejtori i Përgjithshëm i Policisë së Kosovës, Shpend Maxhuni, i shoqëruar nga dy oficerë të lartë të stafit të tij, gjatë vizitës së tij zyrtare në Shtetet e Bashkuara të Amerikës, në vazhdën e takimeve zyrtare me agjenci të ndryshme të policisë, ka marrë pjesë edhe në dy vjetorin e themelimit të shoqatës së policëve nga rradhët e uniformave blu të New Yorkut- NYPD – Shoqëria ilire e Zyrtarëve të zbatimit të ligjit.
Kjo ceremoni ishte dedikuar dy vjetorit te themelimit ka nderuar me pllakat mirënjohje disa nga personalitetet të larta të policisë – personalitetet e vitit brenda agjencive të zbatimit të ligjit në Departamentin e Policisë së Nju Jorkut – NYPD, dhe në këtë rast, si një shenjë vlerësimi, Shoqëria ilire e Zyrtarëve të zbatimit të ligjit ka nderuar edhe Drejtorin e Përgjithshëm i Policisë së Kosovës, Shpend Maxhuni i cili e mori këtë çmim për vizionin jashtëzakonshëm dhe udhëheqjes, së provuar në luftimin e terrorizmit dhe krimit të organizuar transnacional.
Në këtë ceremoni Drejtori i Përgjithshëm Z. Shpend Maxhuni, në një fjalim para të pranishmëve, iu falenderua Shoqatë Shqiptare të Zyrtarëve të Zbatimit të Ligjit dhe oficerëve të lartë të NYPD për bashkëpunimin dhe mbështetjen e Policisë së Kosovës në luftimin e të gjitha dukurive negative në Kosovë e rajon. “Zoti e bekoftë policinë – Zoti i bekoftë SHBA dhe Shqiptarët” tha numëri një i policisë së Kosovës.
Ai ka deklaruar për shtypin kosovar se :”Qëllimi i kësaj vizite ishte përparimi i bashkëpunimit të vazhdueshëm me të gjitha agjencitë e policisë, për të parandaluar dhe luftuar të gjitha llojet e krimit veçanërisht terrorizmit dhe krimit të organizuar në Kosovë, rajon dhe arenën ndërkombëtare”./Beqir SINA/