Nga PjeterJaku/
Në sallën Gjergj Kastrioti të Kishës së Shën Palit në Rochester Hills, Michigan, me datën 11 Mars 2013, nga ora 7:00 Pm deri afer orës 11:00 Pm u realaizua një takim me Kongresmenin Gary Peters, prej kohësh një nga miqtë më të mirë të shqiptarëve. Takimi ishte inicuar nga Konsulli i Nderit z. Ekrem Bardha, Dega e Federates Panshqiptare “ Vatra” në Michigan, Kryetari i saj Alfons Grishaj, dy Kishat Katolike Shqiptare ( e Shen Palit dhe e ZojesPajtore, përkatësisht Don Fran Kola, famullitar i kësaj Qendre kombëtare dhe patriotike, Kryetari i Këshillit të Kishës Kolë Gjokaj dhe anëtaret e këtij këshilli Rrok Junçaj e Luigj Dushaj, Dom Ndue Gjergji dhe aktivisti i kësaj Kishe Valentin Lumaj me bashkëshorten Merushe Lumaj). Darken miqësore e hapi vatrani i vjeter, (ndonëse jo në moshë) Prof. Franz – Lleshi Grishaj, i cili ia dha fjalën Konsullit të Nderit Ekrem Bardha. Në fjalën e tij mirëseardhëse, ai uroj Kongresmenin që të ngjitet në shkallën e Senatorit, pasi kjo është edhe deshira e shqiptarëve, si dhe premtoi ndihmën që do i jepnin shqiptarët për këtë arritje.
Në takim kishte te ftuar nga shoqatat: “ Malësia e Madhe “ , “ Lidhja e Intelektualve” “ Kastrati”, “Kosova”, “ Shoqata e Ndihmës”, “ Vuksa Gela”, “QendraBallkanike” etj… si dhe disa nga aktivitstët më të njohur të komunitetit. Takimin e percollen edhe media te komunitetit si: ACTV përfaqësuar nga mjeshtri Paulin Palushi, Revista “ Kuvendi” që prej 12 vjetesh percjell aktivitetet ne komunitet dhe revista elektronike “Drini”, përfaqësuar nga pronari i saj Lush Popa. Të pranishëm ishin ga Familja Bardha, bashkëshortja Lumturi Bardha dhe e bija, aktivistja e njohur Donika Bardha. Darkën e bekoi, Dom Ndue Gjergji, i cili edhe falenderoi Kongresmenin Peters per ndihmen që u ka dhënë dhe po u jep shqiptarëve, duke theksuar se edhe shqiptarët do ta ndihmojnë atë, pasi ata nuk e harrojnë kurrë të mirën që dikush u bënë.
Në këtë takim ishin edhe biznësmenët e njohur Agim Lumani, Paulo Shkreli, Bujar Shehu, Mondi Rakaj, Kujtim Qafa, Gjeto Ivezaj etj. Një informim të shkurtër rreth problemeve të shqiptarëve në përgjithësi dhe se çfarë ndihme mund të jepte Peters e bëri, vatrani dhe aktivisti i Kishës së Shën Palit, Prof. Franz – Lleshi Grishaj. Sekretai i Degës së Vatrës, Mondi Rakaj e ftoi Kongresmenin Peters në dasmën e tij. Në fjalën e tij Kongresmeni Peters falenderoi Bardhën, i cili e kishte ftuar në emër të disa miqëve për një darkë me ta, por miqtë e Ekremit dhe të mijtë janë gjithnjë të shumtë në gjithë teritorin e Michiganit. Shqiptarët dhe Shqipërinë i njoh nëpërmjet z. Bardha, i cili më ka afruar shumë më tepër me ta, – tha Kongresmeni. E di se një nga problemet që u shqetëson më shumë është emigracioni, i cili dalëngadalë po shkon drejt zgjidhjes ligjore. E ndjej këtë problem, pasi edhe nëna ime ka qënë emigrante nga Franca dhe të gjithë kanë vuajtur në fillimet e tyre. Gjëja më e bukur që mund të ndjej secili amerikan, është prania e dy Flamujve në Shqipëri. Unë do t’i kemë në vëmndje shqiptarët kudo që të jenë dhe do përpiqem me të gjitha mundësitë, që problemet e tyre të vijnë përherë duke u zvogëluar. Do kërkojmë për shqiptarët në Mal të Zi, Maqedoni, Greqi dhe Serbi që t’i gëzojnë të gjitha të drejtat e tyre që u japin konventat ndërkombëtare.
Alfons Grishaj kërkoi të ngriheshin në këmbë e të çonin njw dolli për Gary Peters, mikun tonë të mirë, duke e falenderuar për aktivitetin e tij në të mirë të shqiptarëve.
Më pas , gjatë darkës, të pranishmit paten rastin të bëjnë disa pyetje dhe të marrin përgjigje të drejtëpërdrejta nga Kongresmeni. Pyetje, sugjerime dhe përshëndetje bënë: Ndue Ivanaj, Nikollë Vneshta, Mark Prela Gjokaj, Martin Ulaj, Lush Popa, Gjovalin Kaçorri, Mondi Rakaj, Merushe Lumaj, Gjeto Ivezaj, Kujtim Meçe. Kujtim Qafa, një ndër aktivistët e njohur të këtij komuniteti, ndër të tjera theksoi: “ Të jemi mirënjohës për praninë tuaj në mesin tonë dhe krenar për miqësinë e sukseset tuaja. Shqiptarët e kanë merituar dhe e meritojnë lirinë dhe të drejtat e tyre e, sidomos vëmendjen e një vendi mik si Amerika, të cilen e përfaqësoni denëjsisht Ju. Bardha është miku Juaj dhe yni, ai ka një titull nderi që është fare pak, krahasuar me punën që ka bërë për Shqipërinë dhe Kosovën.”
Kryetari i Shoqatws “ Malësia e Madhe”, Pashko Gjokaj i dorëzoi Kongresmenit Peters disa pyetje me shkrim, për të cilat kërkoi t’i përgjigjej me shkrim.
Gjatë bisedave të lira, Hy Safran, Reprezentator i Kongresmenit Peters e falenderoi Alfons Grishaj për ndihmen e madhe që kishin dhënë shqiptarët gjatë Luftës së Dytë Botërore vëllezërve të tij Izraelitë, për t’i shpëtuar “shpatës” së nazizmit gjerman. Po ashtu edhe Kongresmeni i falnderoi zotin Bardha, Grishaj dhe Degën e “Vatrës” për darkën miqësore që e kishin organizuar në një vend të tillë si Kisha e Shen Palit dhe me miq si Bardha, Don Fran Kola e shumë të njohur të tjerë. Elinda Marku e falenderoi Kongresmenin Peters per fjalën e ndjeshme që mbajti në 100 vjetorin e Pavarësisë, fjalë që buronin nga dashuria që ai ka për shqiptarët. Veteranët Julian Çefa dhe Vasel Ujkaj patën rastin të bisedonin konkretisht dhe të përshendeteshin me Kongresmenin.
Darka kaloi në një atmosferë të këndshme dhe miqësore.