NGA BEQIR SINA, New York/
Në shtëpinë e Vatrës,me 13 qershor 2014,Unioni i Rrjeteve të Biznesit të Diasporës për Amerikën e Veriut dhe Kanada, u takuan me një grup të biznesmenëve amerikano shqiptarë, të cilët kan vite që po ushtrojnë bizneset e tyre në Shtetet e Bashkuara.
Në mesin e pjesmarrësve ishte edhe një funksionar i lartë, i shtetit të Nju Jorkut, z. Mark Gjonaj Assemblyman i shtetit dhe biznesmen e suksshëm amerikano – shqiptarë , zoti Naim Dedushaj, drejtor i Departamentit të Investimeve, dhe Ambasador Bekim Sejdiu – Konsull i Përgjithshëm i Kosovës në SHBA
Qëllimi i këtij takimi ishte gjetja e mundësive për t’u bashkuar të gjitha bizneset shqiptare në Amerikë nëpërmjet Rrjetit të Biznesit të Diasporës për SHBA, Kanada dhe Britaninë e Madhe.
Ky takim u udhëhoq nga kryetari i kësaj organizate për SHBA z. Elmi Berisha, dhe zëvendës – kryetari z. Besim Malota, të cilët kërkuan duke shfrytëzuar këtë takim shtrirjen dhe bashkëpunimin me disa biznesmenët Shqiptaro-Amerikanë, regjistrimin e tyre nëpërmjet një formulari të posaçëm.
Z. Sejdiu dhe z. Gjonaj gjatë fjalës së tyre inkurajuan biznesmenët amerikano – shqiptarë për të rritur suksesin e tyre.
Zyrtari nga Ministria e Diasporës Naim Dedushaj, drejtor i Departamentit të Investimeve, i cili edhe i udhëheqë forumet në diasporë, me këtë rast, theksoi se janë shtuar mundësitë dhe përparësitë e investimit në Kosovë, si dhe lehtësitë që rrjetëzimi i bizneseve u sjell tashmë afaristëve nga diaspora, prej se kur është krijuar ky Union. Ai mori si shembull regjistrimin e bizneseve shqiptare në Austri, ku simbas tij tani numëroheshin mbi 400 biznese.
Ndërsa, asambleisti i shteti të Nju Jorkut,, z. Mark Gjonaj një biznesmen i suksshëm amerikano – shqiptarë , gjatë diskutimit të tij – tregoi anën ligjore të bërjes biznes në SHBA, dhe sugjeroi mënyrat se si të bëhet një biznes të suksesshëm : “duke marr si shembull dhe model siç e quajti ai atë të biznesi nga komunitet e tjera dhe më i veçanti tha ai në këtë drejtim është komunitet hebrejë në SHBA”.
Kurse Konsulli i Përgjithshëm i Kosovës z. Sejdiu tha se institucioni që ai përfaqëson do të ndihmojë çdo bizneses shqiptarë në SHBA nga ana institucionale, së bashku me përfaqësuesit e shtetit shqiptarë.
Kryetari i Unionit të Rrjeteve të Biznesit të Diasporës për Amerikën e Veriut dhe Kanada, zoti Elmi Berisha theksoi se :”Ky projekt madhor ka për qëllim krijimin dhe forcimin e lidhjeve të biznesit mes biznesmenëve të Diasporës, jo vetëm duke inkurajuar por edhe duke nxitur kështu edhe investimet e tyre, në vendet tona, pra në vend origjinën tonë”.
Diaspora, tha zoti Berisha, tani ka në plan shtrirjen e këtyre rrejeteve të biznesit në Amerikën e Veriut dhe Kanada – ku koncepti bazë i këtij projekti të madh është forcimi i lidhjeve mes anëtarëve të komunitetit të diasporës, si dhe rritjen e bashkëpunimit ndërmjet bizneseve të diasporës dhe bizneseve nga vendorigjina vendin jonë.
Z. Nazar Mehmeti nga Dallas është zgjedhur kryetari i Unionit Global të Rrjeteve të Bizneseve të Diasporës dhe z. Yll Blakaj një biznesmen shumë i suksesshëm në Vjenë është zgjedhur kryetar për Evropën dhe z. Elmi Berisha nga New York-u është zgjedhur kryetar për Amerikën e Veriut dhe Kanada
“Rrjetizimin e bizneseve të diasporës” në SHBA, mundësi e madhe për investime në Kosovë
Nga BEQIR SINA, New York/
BRONX NEW YORK : Dje në lokalin “Two Stars” në Bronx – New York, u mbajt takimi i parë për këtë vit i bordit të afaristëve shqiptaro-amerikanë – “Rrjetizimi i bizneseve të diasporës” në SHBA, të cilët janë si bërthamë e rrjetëzimit të bizneseve shqiptare në Shtetet e Bashkuara dhe Kanada.Takimin punues e udhëhoqi drejtori i këtij bordi biznesmeni i suksesshëm në Amerikë, zoti Elmi Berisha dhe zvendesi i tij, Besim Malota, një veprimtar dhe biznesmen i suksesshëm. Ndërsa, morën pjesë disa veprimtar dhe biznesmen të tjerë shqiptaro amerikan – anëtar të këtij bordi dhe veprimtar të komunitetit si , zoti Kujtim Qafa, Anton Raja, Zef Bala, Simon Qafa, Marian Cubi dhe editori i Diellit , z Dalip Greca.Zoti Berisha i informoi gjerësisht në fillim të fjalës së tij, të pranishmit, për mënyrën se si funksion ky rrjet i krijuar një vitë më parë në SHBA, nga Ministri i Diasporës, Ibrahim Makolli, zëvendësministri i Tregtisë dhe Industrisë Bernard Nikaj, dhe Naim Dedushaj, drejtor i departamentit të përkrahjes së investimeve në Ministrinë e Diasporës.
Me këtë rast ai mori si shembull diasporën shqiptare në Europë – rrjetëzimin e bizneseve shqiptare në Austri, Zvicer dhe Gjermani. nga ku siç dihet atje ka edhe bazën e nisjes së tij, ky lloj rrjetizimi biznesesh shqiptare në diasporë.
“Mbasi edhe kushtet e invesitimeve, nga diaspora, tha zoti Berisha, natyrisht për për zhvillimin e biznesit nga Europa, në Shqipëri, Kosovë, dhe vendbanimet të tjera shqiptare në Ballkan(Mal të Zi, Maqedoni e Luginën e Preshevës) nga shqiptarët, dihet se janë edhe më të favorshme për shkak të afërsisë që kanë, atëhere edhe ne në Amerikë duhet të mësojmë dhe përfitojmë nga kjo përvojë”.
Në këtë kontekst kreu i këtij bordi biznesmenësh shqiptarë, zoti Berisha, u shpreh : “Meqënëse, në Europë, ka një ecuri të madhe në këtë rrjetizim biznesesh shqiptare, ne mendojmë të intensifikojmë sa më shumë lidhjet tona me afaristët dhe biznesmenët shqiptar në Europë. Duke krjiuar ura të fuqishme biznesi nëpërmjet lidhjeve tona në mes dy kontineteve” tha ai.
Biznesmeni i suksesshëm dhe një ndër veprimtarët e dalluar të komunitetit, zoti Elmi Berisha, kërkojë që të bëhen edhe ndryshime pozitive edhe nga brenda punës së nisur të rrjetëzimit të bizneseve shqiptare në SHBA-së.
Ai sugjeroi tek më pas të pranishmit se:” Duke qenë një nga burimet më të mëdha të të ardhurave të tyre, të biznesit të shqiptarëve në Amerikë, i kan nga industria kulinare – Gastronomia, pra duhet punuar për krijimin së pari të një lidhje të këtyre bizneseve me bisnesmen shqiptar në Shtetet e Bashkuara të Amerikës e Kanada – me Rrjetizimin e bizneseve të diasporës në SHBA, me mundësi që ky mekanizëm të plotësohet edhe me bizneset e tjerë, si ndërtimtaria, shit-blerja e pasurive të patundshme dhe të tjera”.
Nën/Drejtori i bordit të “Rrjetizimit të bizneseve të diasporës” në SHBA, zoti Besim Malota, vuri theksin në fjalën e tij mbi krijmin e një fondi që siç tha ai duhet krijuar për të sponsorizuar lidhjen e bizneseve shqiptare këtu në SHBA, dhe mundësinë e mbështjes së tyre më pasë në Shqipëri, Kosovë, dhe vendbanimet të tjera shqiptare në Ballkan, si në Mal të Zi, Maqedoni dhe Luginën e Preshevës.
Kurse, Anton Raja ishte i mendimit se ka ardhur koha që të hiqet dorë nga mënyrat e vjetërura të bërjes së biznesit nga shqiptarët, e diasporës, duke shfrytëzuar më së miri përvojën e re të krijuar nëpërmjet “Rrjetizimit të bizneseve të diasporës” e sidomos asaj në Europë dhe tani së fundi në SHBA-së.
Duke u përfshirë në diskutimet, u pajtuan dhe dhanë edhe atë mendimet e tyre rreth këtij rrjetizimi biznesesh edhe zoti Zef Bala (anëtar i bordit të “Rrjetizimin e bizneseve të diasporës” në SHBA), Kujtim e Simon Qafa dhe Marian Cubi.
Të pranishmit folën, gjatë diskutimeve edhe për fokusimin veprimtarisë së tyre në Diasporë dhe për projektet në të ardhmen. Biznesmenët shqiptar qenë të interesuar edhe për gjendjen e reale në Kosovë, për kushtete e investimeve,për mbrojtjen e investimeve, për ligjshmërinë etj. Ndërkohë që ata shprehën gadishmërinë për t’u bërë nëpërmjet “Rrjetizimit të bizneseve të diasporës” në SHBA, pjesë aktive e investimeve të ardhshme të biznesmenëve shqiptaro-amerikane në Kosovë, Shqipëri Mal të Zi, Maqedoni dhe Luginën e Preshevës. Në fund të këtij takimi punues u folë edhe për shtrirjen e takimeve të tilla edhe në vendbanimet shqiptare në SHBA, ku edhe ka më shumë biznese shqiptare,si në Çikago, Detroit, Florida, Dallas, Arizona e tjer, për t’i inkuadruar ato më me efikasitet dhe rritur besim e tyre në “Rrjetizimin e bizneseve të diasporës” në SHBA. Duke marrë si shembull modelin dhe punë në Europë me rrjetizimin e bizneseve shqiptare atje.