Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

U MBLODH KRYESIA E VATRËS

by

2 KryesiaNën drejtimin e Kryetarit Dritan Mishto, të Hënën me 10 Korrik 2017, u mblodh në selinë e Vatrës, kryesia dhe diskutoi rreth problemeve sipas rendit të ditës. Në mbledhje u morën Vendime për mbarvajtjen e punëve. Kryesia miratoi plotësimin e Komisionit të Garancive të Kanunores me këta persona:

1- Bashkim Musabelliu-Kryetar

2- Ylli Cakani, Anëtar

3- Kujtim Porja, anëtar

Vendim i vecantë u mor për udhëzimin për komunikimin shkresor dhe elektronik të Federatës Panshqiptare ët Amerikës”VATRA”. Udhëzuesi iu dërgua me postë elektronike kryetarëve të degëve.

Nisur nga detyrimet që lidhen me marrjen në dorëzim të detyrës, Kryesia e Federatës Panshqiptare të Amerikës VATRA vendosi Auditimin e përgjithshëm të Federatës si vijon:

A-Auditimin e llogarive bankare të shpenzimeve të Federatës VATRA për periudhën 2012-2017;

B- Auditimin e Vatra Foundation Inc për Periudhën 2012-2017

C- Auditimin e Vatra Educational Fund për periudhën 2012-2017

Po ashtu u vendos që të inventarizohen materialet e Federatës si dhe të iventarizohet e kartelizohet Biblioteka e Vatrës.

 

U MBLODH KRYESIA E DEGES SE VATRËS NË QUEENS

by

Queens, NY- Të enjten me 18 korrik u mblodh kryesia e zgjeruar e degaës së Vatrës në Queens, New York,  nën drejtimin e kryetarit të saj, Dr. Skënder Murtezani.

Gjatë takimit u diskutuan problemet aktuale të degës, gjetja e rrugëve efikase për një organizim më të mirë dhe shtimi të anëtarësisë. U propozua dhe u miratua që dega të paguaj me kontributet e saj një sekretare që do të punojë me kohë të kufizuar për të kontaktuar me shqiptarët që jetojnë në zonë dhe t’i afrojë ata që të anëtarësohen në Vatër.

Po ashtu u diskutua edhe gjetja e mënyrave dhe rrugëve të përshtatshme për një bashkëpunim më të mirë të degës së vatrës në Queens me shoqatat shqiptaro-amerikane që funksionojë në zonë. U planifikua një takim i afërt me shoqatat dhe fondacionet që veprojnë në Shtetin e New Yorkut.

Dega synon që së shpejti ta dyfishojë anëtarësinë dhe të rrisë aktivitetet për të tërhequr sa më shumë anëtarësi.

Një objektiv tjetër perspektiv i kësaj dege është edhe krijimi i kushteve për hapjen e një shkolle shqipe në Queens.(Korresp i Diellit)

Foto:Arkiv-Nga nje takim I deges se Vatres ne Queens