Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

SHQIPTARET, ME TE MIRET E PARADES SE EMIGRANTEVE

by

FEDERATA PANSHQIPTARE E AMERIKES”VATRA”, U PERFAQESUA NE PARADEN E EMIGRANTEVE ME TRE BREZA; ETER, BIJE, NIPER E MBESA/

Të shtunën me 20 Qershor, që në orët e para të mëngjesit, shqiptarët e Treshtetshit,dhe nga shtete të tjerë, madje dhe nga Florida e Michigani,u derdhën në rrugët e Manhattanit, për t’u sistemuar më pas në 43 Street dhe Avenunë e Gjashtë. Duhet thene qe ne fillim se shqiptaret me nje organizim te persosur , ishin dominues te Parades. Edhe pse mungojne ne kete kombe me emer te Europes, ne pergjithesi marrin pjese komunitete me pak te zhvilluar si Vietnami, Kamboxhia etj, shqiptaret konfirmojne mundesine se ka ardhur koha qe te organizojne Paraden e tyre, mundesisiht ne Diten e Pavaresise Kombetare. Ne kete Parade u perfaqesua edhe Federata Panshqiptare e Amerikes”VATRA”, e cila u perfaqesua me tre breza vatranesh, eter, bije, niper e mbesa. Pervec vatraneve te Nju Jorkut kishin ardhe edhe nga Florida(Jacksonville) Hartfordi dhe Waterbury.(Me shume do te elxoni ne Gazeten “Dielli” te Printuar )

NESER PARADA- SONTE, ORGANIZATAT E KOMUNITETIT MBLIDHEN NE GIOVANNIS RESTAURANT

by

NE FOTO: Nga takimi i 13 Qershorit organizuar nga Rrenjet Shqiptare ne Shtepine e Vatres/

Sonte, e Premte 19 Qershor 2015, nën drejtimin e Organizatës “Rrënjët Shqiptare” me president Marko Kepi, do të organizohet takimi i organizatave pjesmarrëse në Paradën e Emigrantëve, që organizohet ditën e Shtunë, me 20 Qershor 2015, 0ra 8 AM-1.00 PM në 43th Sreet dhe 6 Avenue. Takimet e mëparshme me të gjitha organizatat pjesmarrëse janë bërë në Shtëpinë e Vatrës. Takimi i fundit, që bëhet sonte në orën 7 PM organizohet në Giovannis Restaurant, pronë e z. Gjergj Dedvukaj, në adresën 2343 Arthur Avenue – Bronx, NY 10458 .

Fotografia shoqëruse ështe marre nga takimi i dytë i organizuar në Vatër.

Edhe një herë Vatra u bënë thirrje vatranëve të treshtetëshit të bëhen pjesë e paradës, të sjellin fëmijët apo nipër e mbesa, të veshur kuq e zi, të marrin flamujë Kombëtar dhe të nderojmë Kombin Shqiptar, në këtë Paradë..

Shihemi në Paradë, nesër e Shtunë, 20 Qershor, 2015.

 

TE GJITHE NE PARADEN E 20 QERSHORIT NE MANHATTAN

by

*VATRA FTON VATRANËT E TRI SHTETSHIT NY, NJ DHE CT, TË BËHEN PJESE E PARADËS ME 20 QERSHOR NË MANHATTAN/

Grumbullimi fillon në orën 8 të mëngjesit. Në orën 9 Hapet Parada. Në orën 9 e 15 ‘ ekzekutohen Hymnet Kombëtare… Programi do të vazhdojë deri në orën 11 e 40, ku do të ketë shumë surpriza. Bashkë me 6 Floats edhe një skuadër me motorra. Marshimi i kuadrateve fillon në orën 12.00./

* Adresa: 43th Street and 6th Avenue Manhattan NY/

Nën drejtimin e Rrenjëve Shqiptare, komuniteti shqiptar do t’i bashkëngjitet Paradës së Emigrantëve që organizohet të Shtunën me 20 Qershor 2015.

Takimet përgatitore me Komunitetin, Organizata Rinore”Rrënjët Shqiptare-Albanian Roots” i ka organizuar në Vatër. Parakalimi i Shqiptarëve këtë herë do të jetë më madhështor se herët e tjera. Nga 3 Floats që ishin vitin e kaluar, sivjet janë 6(një është i Vatrës, ku është shkruar:

-VATRA- 103 Years Serving the Albanian Nation

– Me Vatrën drejt Bashkimit Kombëtar!

Adresa: 43th Street and 6th Avenue Manhattan NY

Në krye të Paradës, Marshalle për Paradën Shqiptare 2015, është përzgjedhur zonja Lisa Milicaj, gruaja e parë Shqiptare e votuar në Shtetin e Nju Jork-ut.

Krahas organizatave të tjera, në paradë do të jetë edhe Federata VATRA, e cila ndjehet krenare sepse e para Paradë Shqiptare në Manhattan është organizuar me 28 Nëntor 1969, me rastin e 60 Vjetorit të Gazetës “Dielli”. Në atë Paradë Vatra bashkoi Shqiptarët e Amerikës dhe arbëreshët, të cilët erdhën enkas nga Italia. Ishin më shumë se 100 arëbreshë. Bashkë me ta edhe shqiptarët nacionalistë me në krye Ernest Koliqin, si dhe dy piktorët e shquar; Lin Delia dhe Ibrahim Kodra. Parada nisi nga Rockfeler Center deri tek Katedralja St Patrick. Në krye, bashkë me vashat arëbëreshe, printe Lume Juka. Le të shpresojmë se do të vijë dita kur shqiptarët të kenë një Paradë të tyre, që tt lidhet me Festa Kombëtare, sic e kanë komunitet e tjerë të vendeve të zhvilluara.

– See more at: https://gazetadielli.com/vatra-fton-vatranet-e-tri-shtetshit-ny-nj-dhe-ct-te-behen-pjese-e-parades-me-20-qershor-ne-manhattan/#sthash.9TpZz4t2.dpuf

BASHKOMBAS: VATRA ËSHTË ME JU NË PROTESTËN E 13 QERSHORIT NË SHKUP

by

DEKLARATE E FEDERATES PANSHQIPTARE TE AMERIKES”VATRA” NE PERKRAHJE TE PROTESTES ME 13 QERSHOR NE SHKUP/
Federata Panshqiptare e Amerikës”VATRA” , me qendër në Nju Jork dhe shtrirje në shumë shtete të Amerikës dhe në Kanada, shpreh solidaritetin e saj në përkrahje të Protestës Paqësore që organizohet të shtunën me 13 Qershor 2015 në Shkup. Kjo protestë duhet të shërbejë si një mjet i fuqishëm paqësor për kërkimin e të drejtave të mohuara të shqiptarëve në Maqedoni dhe për të nxitur faktorin ndërkombëtar, që ta aktivizojë Marrëveshjen e Ohrit, e cila ka mbetur një dokument i mbyllur në sirtar.
Shoqëria civile duhet t’i japë një mësim shembullor përmes kësaj proteste klasës politike shqiptare, që është kthyer në një fasadë dekorative për politikanët dhe shtetin maqedonas. Pozita dhe opozita shqiptate nuk mund të ndjehet të qetë pas ngjarjeve në Kumanovë dhe pas Marrëveshjes së 2 Qershorit për zgjidhjen e krizës politike në Maqedoni, ku nuk janë vënë pika mbi “i” për zgjidhjen e çështjes shqiptare në këtë shtet problematik me prirje shoviniste antishqiptare dhe të mosbarazisë mes etnive!
Kriza në Maqedoni nuk mund të zgjidhet pa garantuar respektin e të drejtave themelore për shqiptarët, të cilëve u mohohet deri edhe respektimi i gjuhës shqipe në institucionet zyrtare; u mohohet Hymni Kombëtar, përdorimi lirisht i Flamurit Kombëtar etj.
Maqedonia nuk mund ta konsiderojë veten shtet multietnik, ku shqiptarëve që përbëjnë më shumë se 30 për qind të popullsisë, u mohohen të drejtat elementare njerëzore!
Shtetarët maqedonas nuk mund të ndjehen të qetë, ku rajonet e banuara me shumicë shqiptare privohen nga fondet shtetërore, duke mohuar kështu zhvillimin e barabartë të rajoneve!
Maqedonia nuk mund të jetë shtet i të gjithë etnive, kur buxheti favorizon vetëm maqedonsit dhe ua mohon këtë shqiptarëve!
Federata VATRA u bënë thirrje organizatorëve të protestës, qytetarëve, studentëve, organizatave jo qeveritare dhe klasës politike, që në këtë protestë të tregojnë maturi dhe të shmangin incidentet; t’i thonë Jo dhuëns, të ruhen nga penetrimi i ekstremistëve ose provokatorëve; vetëm me qytetari dhe kulturë Europiane do të fitohet përkrahja Europiane dhe Amerikane.
Bashkatdhetarë, ne jemi me Ju në Shkup, të shtunën me 13 Qershor dhe zëri ynë bashkohet me korin e fuqishëm të zërave tuaj për Drejtësi e për të kërkuar të drejtat që shteti maqedonas ua ka mohuar deri tash.
Vëllezër dhe motra, protestoni me kulturë qytetare, ruajuni incidenteve,rujuni provokatorëve dhe ekstermistëve! Fitorja do të jetë me Ju.

FEDERATA PANSHQIPTARE E AMERIKËS”VATRA”
NEW YORK, 12/6/2015

DEKLARATE E FEDERATES PANSHQIPTARE TE AMERIKES”VATRA” NE PERKRAHJE TE PROTESTES ME 13 QERSHOR NE SHKUP

Federata Panshqiptare e Amerikës”VATRA” , me qendër në Nju Jork dhe shtrirje në shumë shtete të Amerikës dhe në Kanada, shpreh solidaritetin e saj në përkrahje të Protestës Paqësore që organizohet të shtunën me 13 Qershor 2015 në Shkup. Kjo protestë duhet të shërbejë si një mjet i fuqishëm paqësor për kërkimin e të drejtave të mohuara të shqiptarëve në Maqedoni dhe për të nxitur faktorin ndërkombëtar, që ta aktivizojë Marrëveshjen e Ohrit, e cila ka mbetur një dokument i mbyllur në sirtar.
Shoqëria civile duhet t’i japë një mësim shembullor përmes kësaj proteste klasës politike shqiptare, që është kthyer në një fasadë dekorative për politikanët dhe shtetin maqedonas. Pozita dhe opozita shqiptate nuk mund të ndjehet të qetë pas ngjarjeve në Kumanovë dhe pas Marrëveshjes së 2 Qershorit për zgjidhjen e krizës politike në Maqedoni, ku nuk janë vënë pika mbi “i” për zgjidhjen e çështjes shqiptare në këtë shtet problematik me prirje shoviniste antishqiptare dhe të mosbarazisë mes etnive!
Kriza në Maqedoni nuk mund të zgjidhet pa garantuar respektin e të drejtave themelore për shqiptarët, të cilëve u mohohet deri edhe respektimi i gjuhës shqipe në institucionet zyrtare; u mohohet Hymni Kombëtar, përdorimi lirisht i Flamurit Kombëtar etj.
Maqedonia nuk mund ta konsiderojë veten shtet multietnik, ku shqiptarëve që përbëjnë më shumë se 30 për qind të popullsisë, u mohohen të drejtat elementare njerëzore!
Shtetarët maqedonas nuk mund të ndjehen të qetë, ku rajonet e banuara me shumicë shqiptare privohen nga fondet shtetërore, duke mohuar kështu zhvillimin e barabartë të rajoneve!
Maqedonia nuk mund të jetë shtet i të gjithë etnive, kur buxheti favorizon vetëm maqedonsit dhe ua mohon këtë shqiptarëve!
Federata VATRA u bënë thirrje organizatorëve të protestës, qytetarëve, studentëve, organizatave jo qeveritare dhe klasës politike, që në këtë protestë të tregojnë maturi dhe të shmangin incidentet; t’i thonë Jo dhuëns, të ruhen nga penetrimi i ekstremistëve ose provokatorëve; vetëm me qytetari dhe kulturë Europiane do të fitohet përkrahja Europiane dhe Amerikane.
Bashkatdhetarë, ne jemi me Ju në Shkup, të shtunën me 13 Qershor dhe zëri ynë bashkohet me korin e fuqishëm të zërave tuaj për Drejtësi e për të kërkuar të drejtat që shteti maqedonas ua ka mohuar deri tash.
Vëllezër dhe motra, protestoni me kulturë qytetare, ruajuni incidenteve,rujuni provokatorëve dhe ekstermistëve! Fitorja do të jetë me Ju.

FEDERATA PANSHQIPTARE E AMERIKËS”VATRA”
NEW YORK, 12/6/2015

ELITA MASHA: FALEMINDERIT “VATRA”!

by

Kështu ka shkruar në librin e mbresave gjatë vizitës që bëri në mjediset e Vatrës të Hënën me 8 Qershor 2015, zonja Elita Zylbeari Masha, e cila mbanë postin CEO(Chief Executive Officer) ne Woodrow Wilson School, një shkollë elitë në Shqipëri dhe Maqedoni.
Elita Zylbeari Masha ndjehet e emocionuar në këtë vizitë, që shoqërohet nga Alban Hoxha i Fondit te Perbashket ne Paterson, ne NJ dhe bashkëshortja e tij. Mysafirja u prit nga kryetari i Vatrës, dr. Gjon Bucaj, z. Marjan Cubi anëtar i Kryesisë së Vatrës dhe arkëtar i përgjithshëm i saj, Zef Përndocaj, dhe editori i Diellit Dalip Greca.
Elita Masha thotë se e kishte ëndërruar prej kohësh një vizitë në Vatër, me rrëfimet për të cilën ajo është rritur që nga fëminija. Gjyshi i saj ishte një ndër suportuesit e Vatrës dhe Gazetës “Dielli” që nga Rumania, ku ai ishet një ndër veprimtarët e palodhur.Edhe babai ia ksihet ebre aq te dashur Vatren e Amerikes. Edhe nxënësit e shkollave Woodrow Wilson në Tiranë dhe Tetovë, kanë marrë informacione të hollsishme për Vatrën dhe gazetën e saj Dielli.
Editori i Dielli i tregoi mysafires dokumentet e rralla origjinale për historinë e shqiptarëve të Amerikës, që ruhen në arkivin e Vatrës. Ai i tregoi rekordet e Shoqërisë Besa-Besën, ku ruhen origjinalet dhe vula e kësja shoqate që u krijua në SHBA që me 1907 dhe kur u krijua Federata VATRA, së bashku me gazetën Dielli, ishin themeli i saj. Po ashtu u treguan shkrime origjinale dhe vula origjinale për dokumentet themeluse të Vatrës, ku janë si dëshmi edhe firmat shkrimet e Faik Konicës e Fan S Nolit.Me pas ajo vizitoi ekspoziten qe percjell historine 103 vjecare te Vatres.
Dr. Gjon Bucaj, e informoi mysafiren për aktualitetin e punës së Vatrës sot, fokusimin e saj në cështjen kombëtare, qëndrimet politike dhe atdhetare, bashkëpunimin me komunitetin shqiptar në SHBA, mbështetja dhe promovimi i kulturës dhe gjuhës kombetare. Gjatë bisedës informuan edhe Marjan Cubi e Zef Përndocaj.
Zonja Elita informoi për veprimtarinë e Shkollave Woodrow Wilson, ku programet dhe kurikulat janë nga universiteti i Kalifornias, ndërkohë që bazë është gjuha angleze,përvec shqipes, së fundi dhe gjuha gjermane.
Mysafirja kërkoi një bashkëpunim të ngushtë me Vatrën. U diskutua edhe gjendja e fundit në Maqedoni, ku diskutantët shkëmbyen mendime për një rol më aktiv të intelektualëve të pavarur dhe organizatat jo qeveritare.
Në librin e përshtypjeve, Elita shkroi: Të rrahurat e zemrës u shpejtuan sapo hyra në Vatër. Një vizitë dhe një përjetim që e kam pritur dhe ndjerë në mënyrën më emocionale; prekse, krenare, dhe sigurisht me përgjegjësinë më të lartë morale, njerëzore, kombëtare dhe profesionale që të përcjell historinë dhe punën e Vatrës Shqiptare në Amerikë, ta përcjell atë tek brezi i ri i shqiptarëve në vendlindje.Si grua, bashkëshorte, nënë dhe bijë, jam në Paqë, që Vatrën historike, edhe sot udhëhiqet nga atdhetarë që Cështjen kombëtare e kanë mbi të gjitha!
Të nderuar dr. Gjon Bucaj, zotërinj Zef Përndocaj, Marjan Cubi, Dalip Greca, ju faleminderit për pritjen e ngrohte,karakteristike shqiptare që më dhuruat këtu në Vatër; faleminderit për bisedat e cmuara që i kam shumë të vyera, .
Pas kësaj vizite, ndjehem më e motivuar për të kryer detyrën time!
VATRA, FALEMINDERIT!
PS: Nanë moj, mos ki frikë,
Se ke bijtë në Amerikë!
Suksese dhe jetë të gjatë, të dashur Etër!
Përulësisht faleminderit
Elita Zylbeari Masha
Woodrow Wilson School
Albania & Macedonia