Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Presidenti Trump rezulton me COVID

by

VOA- Një zyrtar i Shtëpisë së Bardhë tha se Presidenti Donald Trump po kalon simptoma të lehta të COVID-19, pas njoftimit se ai dhe gruaja e tij Melania ishin testuar pozitivë me koronavirus.

Presidenti e bëri njoftimin në Twitter të premten herët dhe tha se të dy do të fillojnë karantinën. Presidenti Trump është 74 vjeç, dhe kjo e vë në rrezik më të lartë për komplikime serioze.

Shefi i kabinetit të Shtëpisë së Bardhë Mark Meadows tha se Presidenti Donald Trump ka simptoma të lehta pas testimit pozitiv për COVID-19 por pritet që ai të vazhdojë punën. Zoti Meadows shprehu optimizëm se presidenti do të shërohet shpejt.

Dy persona që kishin dijeni për gjendjen e tij thanë se simptomat ishin të ngjashme me të ftohurin.

Presidenti shkroi në rrjetin Twitter se “zonja e parë dhe unë dolëm pozitivë në testin për COVID-19. Do të fillojmë karantinën dhe procesin e shërimit menjëherë. Do ta kalojmë sa bashku këtë”.

Pak më vonë Shtëpia e Bardhë lëshoi një memorandum nga mjeku i presidentit 74-vjeçar, Dr. Sean Conley, duke konfirmuar testet pozitive për çiftin Trump.

“Presidenti dhe Zonja e Parë janë mirë aktualisht dhe ata planifikojnë të qëndrojnë në shtëpi brenda Shtëpisë së Bardhë gjatë procesit të kurimit”, tha zoti Conley.

Ai shtoi se ai pret që presidenti “të vazhdojë të kryejë detyrat e tij pa ndërprerje ndërsa shërohet, dhe unë do t’ju mbaj të informuar për çdo zhvillim të ardhshëm”.

Zonja Melania Trump shkroi në twitter se “siç kanë bërë shumë amerikanë këtë vit, presidenti dhe unë jemi në karantinë në shtëpi pasi dolëm pozitiv për COVID-19. Po ndihemi mirë dhe unë i kam shtyrë të gjitha angazhimet e ardhshme. Ju lutemi sigurohuni që po qëndroni të mbrojtur dhe të gjithë do ta kalojmë së bashku”.

Ndërkaq, kandidati demokrat për president Joe Biden dhe gruaja e tij u testuan sot negativë për koronavirusin, ndërsa kandidatja për nënpresidente Kamala Harris u testua negative dje.

Sipas një zyrtari të Shtëpisë së Bardhë, të gjitha ngjarjet politike të presidenti Trump për të ardhmen e afërt janë anuluar. Lajmi vjen vetëm një muaj para zgjedhjeve ku ai përballet me ish nënpresidentin Joe Biden, i cili kryeson në anketat kombëtare.

Një zyrtar i Shtëpisë së Bardhë tha se tubimet e presidentit do të ndërpriten për të paktën 10 ditë.

Presidenti Trump, i cili për muaj me radhë kishte minimizuar seriozitetin e koronavirusit, të enjten në mbrëmje konfirmoi gjatë një interviste telefonike në Fox News se ai dhe zonja e parë ishin testuar pasi një nga ndihmëset e tij, Hope Hicks, u konfirmua të ishte e infektuar.

     ***

Reagime ndërkombëtare pas testimit pozitiv të Presidentit dhe Zonjës së Parë

Politikanë republikanë e demokratë i uruan presidentit Trump dhe Zonjës së Parë shërim të shpejtë pas njoftimit të lajmit për infektimin e tyre nga koronavirusi.

Në një postim në Twitter Nënpresidenti Mike Pence shkruante se: “Karen dhe unë i dërgojmë dashurinë dhe lutjet tona miqve tanë të dashur Presidentit Donald Trump dhe Zonjës së Parë Melania Trump. Ne bashkohemi me miliona në të gjithë Amerikën që po luten për shërimin e tyre të plotë e të shpejtë. Zoti e bekoftë Presidentin Trump dhe Zonjën tonë të Parë të mrekullueshme Melania”.

Urime për shërim të shpejtë Presidenti Trump dhe Zonja e Parë morën edhe nga rivali i zotit Trump për garën presidenciale demokrati Joe Biden dhe bashkëshortja e tij. Zoti Biden shkruante në twitter se ai dhe Jill Biden: “do të vazhdojmë të lutemi për shëndetin dhe sigurinë e presidentit dhe familjes së tij”.

Nuk dihet saktësisht se deri në çfarë mase infektimi i Presidentit Trump nga koronavirusi do të ndikojë në aktivitetet e fushatës së tij për rikandidim. Aktualisht zoti Trump nuk do të udhëtojë për tubime zgjedhore apo aktivitete të tjera që lidhen me mbledhje fondesh.

Ndërkohë sekretari i Shtetit Mike Pompeo i cili u nis të premten për një vizitë në Kroaci, siguroi gazetarët që udhëtonin me të se ai ndihet mirë dhe se nuk është prekur nga COVID-19, duke theksuar se testi që kishte bërë sot paradite kishte dalë negativ. Zoti Pompeo i uroi shërim të shpejtë Presidentin dhe Zonjës së Parë.

Ligjvënësi demokrat i Teksasit Joaquin Castro shprehu gjithashtu shqetësim e tij lidhur me shëndetin e presidentit. Në një postim në Twitter ai shkruante se: “kjo nuk është vetëm çështje e shëndetit personal të Presidentit, por edhe çështje e sigurisë kombëtare”.

Mesazhe për shërim të shpejtë të Presidentit ndanë edhe disa nga kritikët më të ashpër të tij. Udhëheqësi amerikan i të drejtave civile, Jesse Jackson shkruante në twitter se “lutej sinqerisht që Presidenti dhe Zonja e Parë të mos përjetojnë pasojat më të rënda të sëmundjes”.

“Ne të gjithë duhet të lutemi për shërimin e plotë të Presidentit dhe bashkëshortes së tij. Pavarësisht bindjeve fetare apo politike, të gjithë duhet të lutemi pasi miliona njerëz janë prekur nga kjo sëmundje“, vijonte mesazhi i tij në Twitter.

Ndërkohë shumë udhëheqës ndërkombëtarë i uruan shërim të shpejtë Presidentit dhe Zonjës së Parë, mes tyre Kryeministri Britanik Johnson, Kancelarja gjermane Merkel, Presidenti rus Putin, Kryeministri turk Erdogan, Kryeministri i Indisë Modi, Kryeministri izraelit Netanjahu, kreu i Organizatës Botërore të Shëndetësisë Ghebreyesu e të tjerë.

Pas lajmit se presidenti Trump ishte infektuar nga COVID-19 tregjet ndërkombëtare pësuan rënie. Që prej fillimit të pandemisë së koronavirusit më shumë se 207 mijë amerikanë kanë humbur jetën dhe më shumë se 7.2 milionë të tjerë janë infektuar.

***

Reagime në Kosovë e Shqipëri pas testimit pozitiv të presidentit Trump dhe Zonjës së Parë

Udhëheqës të Kosovës dhe Shqipërisë reaguan pas njoftimit se presidenti amerikan Donald Trump dhe Zonja e Parë, Melania Trump, dolën të prekur nga koronavirusi.

Lajmi zuri vendin qendror në mediet e të dyja vendeve që radhiten ndër aleatët kryesor të Shteteve të Bashkuara në rajonin e Ballkanit Perëndimor.

Presidenti i Kosovës, Hashim Thaçi, u shpreh i pikëlluar me lajmin se presidenti amerikan Donald Trump dhe Zonja e Parë, dolën pozitiv në testin për COVID-19. Duke shprehur dëshirën për shërim të shpejtë në emër të popullit të Kosovës, ai shkroi se “kam besim që presidenti dhe Zonja e Parë do ta tejkalojnë këtë sfidë dhe do të shërohen “.

Kryeministri i Kosovës, Avdullah Hoti, shkroi se “lutjet tona janë më presidentin Donald Trump dhe Zonjën e Parë, duke ju dëshiruar shërim të shpejtë”.Në Tiranë, presidenti i Shqipërisë, Ilir Meta gjatë konferencës së përjavshme me gazetarë, u dëshiroi “shërim të shpejtë presidentit Trump dhe Zonjës së Parë”, pak pas njoftimit së të dy dolën pozitiv.

Kryetarja e Lëvizjes Socialiste për Integrim, Monika Kryemadhi, shkroi se “mendimet dhe lutjet tona shkojnë për një shërim të shpejtë për Zonjën e Parë Melania Trump dhe Presidentin e Shteteve të Bashkuara, Donald Trump”.-Kortezi-Zeri i Amerikes

Kush është Zonja e parë e Amerikës, Melania Trump

by

1-melani-trumpUASHINGTON- Publiku nuk ka dëgjuar shumë nga Melania Trump gjatë fushatës zgjedhore presidenciale amerikane.Ajo mbeti e tërhequr gjatë fushatës, por si një ish-modele, ajo ishte gjithashtu një magnet i papërmbajtshëm për vështrimet e njerëzve.1-melanPor, kush është në të vërtetë kjo grua, e cila do të jetë  Zonja e Parë e Amerikës? Rrallë ka ndodhur që amerikanët të dinë kaq pak për zonjën e parë të ardhshme siç ka ndodhur me rastin e gruas së Donald Trump, Melanisë.Në të shumtën e rasteve e njohin atë si ish-modelja, një zeshkane e bukur, 1,80 metra e gjatë me mollëza të fryra.Melania, e cili është gruaja e tretë e një multimiliarderi, është e njohur për veshjet shik dhe shëtitjet me limuzinë me shofer personal.Por, është gjithashtu Melania, e cila ka mbetur e fshehur, madje edhe në fushatën më të trazuar nga të gjitha fushatat presidenciale në historinë moderne amerikane.Një arsye pse dihet kaq pak për gruan 46-vjeçare nga Sllovenia është se ajo është dëgjuar pak gjatë fushatës dhe një herë që doli ishte një katastrofë për marrëdhëniet me publikun.Kjo ishte në Konventën Republikane në korrik, kur ajo lexoi një fjalim, ku të gjitha pjesët ishin marrë, pothuajse fjalë për fjalë, nga një fjalim i dhënë nga Michelle Obamës, gruas së  presidentit Barack Obama.Pas kësaj, shumë pak është parë apo dëgjuar nga Melania, me përjashtim të disa debateve televizive mes Trump dhe Hillary Clinton.Ajo u detyrua disa herë të komentojë mbi titujt e gazetave rreth bashkëshortit të saj, si për shembull rasti i videos së vitit 2005, ku Trump bënte komente seksiste për gratë.Në kohën e këtyre komenteve dhe videos, Melania dhe Donald ishin të martuar.Por, Melania kurrë nuk i ka treguar publikut nëse këto komente kanë lënduar atë personalisht. Ajo rrallë tregon emocionet e saj, të tilla si të qeshurat e shfrenuara apo zemërimet.

Besnikëria është ajo çka Melania Trump ka treguar në pjesëm më të madhe të fushatës. Ajo shpesh është shfaqur si robot sidomos në javët e fundit të fushatës, kur ajo përsëri mbajti një fjalim zgjedhor, i pari pas fjalimit katastrofë të mbajtur në Konventën e Partisë Republikane në korrik. Si përmbledhje e fjalimit të saj ishte thjesht përsëritje e slloganeve të Donald Trump, parulla të tilla si “Le ta bëjmë Amerikën sërish të madhe” dhe “Kjo nuk është një fushatë normale. Kjo është një lëvizje.”

Ajo rrallë i ka shfaqur njerezve ndonjë ngjarje të shkurtër personale apo ndonjë anekdotë për bashkëshortin për ta vendosur atë në një fokus më të mirë.

E pyetur se si ishte të jetoje me një njeri si Donald Trump, ajo përgjigjet se “ai është shumë i zgjuar dhe simpatik. Ne kemi një energji të madhe mes nesh. Ne jemi të dy shumë të pavarur … Unë mund t’i them atij se kur nuk pajtohem me të. Nganjëherë ai më dëgjon, ndonjëherë jo”.Vërejtjet e saj janë të rafinuara, elegante, por rrallë spontane apo gazmore.

“E rritur mirë dhe e rezervuar”, këto ishin atributet që ish-shokët e shkollës së saj përmendën për rrjetin televiziv të lajmeve CNN, kur u pyetën lidhur me  periudhën kur Melania u rrit në qytetin slloven të Sevnicës. Ajo lindi më 26 prill 1970, si Melanija Knavs, në atë që dikur ishte vendi komunist i Jugosllavisë. Ajo më vonë ndryshoi emrin në Melania Knauss.Një fotograf e zbuloi atë kur ishte 16 – 17 vjeçe, askush nuk e di me siguri. Disa gjëra në biografinë e saj janë të mjegullta dhe kontradiktore. Ajo ka deklaruar se kishte një diplomë universitare. Por, gazetarët kanë zbuluar se ajo kishte ndërprerë studimet për arkitekturë dhe dizajn, në mënyrë që të udhëtonte për në Milano dhe Paris.

Në vitin 1996 ajo erdhi në Nju Jork duke punuar për fotografë të njohur dhe të jetë kryetitull në faqet e revistave të tilla si “Harper’s Bazar”, “Vanity Fair”, “GQ” si dhe të jetë modelja e botimeve vjetore të rrobave të banjos për “Sports Illustrated”.Në vitin 1998, në një festë mode në Nju Jork, ajo u takua me Donald Trump.Në vitin 2005  u bë një martesë magjepsëse në Palm Beach, Florida. Raportet e medias thanë se fustani i saj Dior kishte kushtuar 100 000 dollarë. Në vitin 2006 ajo lindi djalin, Barron, dhe në të njëjtin vit fitoi shtetësinë amerikane.Melania Trump ka thënë se “ka qenë një nënë me kohë të plotë për djalin e saj, pa pasur nevojë për një dado”. Gjatë fushatës zgjedhore, Donald Trump në mënyrë të përsëritur e ka quajtur bashkëshorten e tij “një nënë e mrekullueshme.”Në të njëjtën kohë kur kryente detyrat e mëmësisë, Melania ofronte produkte bukurie dhe një koleksion bizhuteri përmes një portali online shitjesh. Thuhet se flet rrjedhshëm pesë gjuhë të huaj, ku anglishtja ka një theks të fortë. Me Melaninë amerikanët do të kenë për herë të parë një zonjë të parë të lindur në një vend komunist, dhe vetëm e dyta, pas Louisa Adams (nga 1775-1852, gruaja e presidentit të dytë të Shteteve të Bashkuara, John Adams), që nuk ka lindur në Shtetet e Bashkuara të Amerikës.E pyetur se çfarë lloj roli mund të kishte ajo në Shtëpinë e Bardhë, Melania tha se “do të ishte një avokate për gratë dhe fëmijët”.“Kultura jonë është bërë shumë e dhunshme”,  tha ajo në një fjalim javën e kaluar. Vërejtja ishte më befasuesja e dhënë gjatë fushatës, duke qenë se bashkëshorti i saj ishte akuzuar se ka fyer të gjitha grupet etnike dhe racore.Kjo tregon dilemën që ajo mban përbrenda, e drejtë apo jo.Melania Trump është treguar e matur, të paktën deri më tani, lidhur me ato se çka bën dhe thotë bashkëshorti, dhe kjo për shkak se dihet shumë pak rreth saj.(Nilke Rama)