Të nderuar bashkombas,
Të dashur vëllezër e motra vatranë,
Më lejoni që në emrin tim personal, të familjes sime dhe të Federatës Pan –Shqiptare të Amerikës VATRA, t’ju uroj: Gëzuar e Përshumëvjet Krishtlindjen dhe Vitin e Ri 2023. Përzëmërsisht uroj për ju e familjet tuaja çdo bekim, sukses, paqe dhe mirësi. Lindja e Krishtit është një festë e madhe e cila na kujton të jemi më solidarë, më të bashkuar dhe më të dashur me njëri-tjetrin. Sot më shumë se kurrë kemi nevojë për Zotin, shpresën që nuk zhgënjen dhe nuk braktis kurrë. SibVatranë dhe shqiptaro-amerikanë në vitin e ri që po vjen, lutemi dhe do të punojmë për mirëqënien e çdo shqiptari kudo ku vepron, jeton e punon; Shqipëri, Kosovë, Trojet Etnike e kudo flitet, gëzohet dhe festohet shqip. Në këtë Vit të Ri uroj të kemi më shumë gëzim për të gëzuar dhe harruar çdo te keqe e sa më shumë shpresë për mirëqënie e zhvillim. Uroj të kemi më shumë shpresë për ditë më të lumtura, më të bëkuara e më të begata për shqiptarët në çdo cep të globit. Uroj me shpirt që të kemi marrëdhënie më të shëndosha, për solidaritet, për dashuri të pakushtëzuar, për paqe, për besim dhe lumturi në familjen e çdo shqiptari. Begatia, gëzimi, lumturia, dashuria dhe bekimi i madhit Zot mbretëroftë në çdo vatër të familjeve shqiptare.
GËZUAR
Zoti i bekoftë shqiptarët, Shtetet e Bashkuara të Amerikës, miqtë dhe aleatët e kombit tonë.
Më gëzim dhe lumturi për ju
Kryetari i VATRËS
Elmi BERISHA
New York, 24 Dhjetor 2022