Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for May 2014

Kisha e “Shna Noit”, misticizmi i besimit njerëzor

by

Nga Nikolla Lena -Në vitin 1981, një grup ushtarësh nga toga e Drojës në Laç shkuan për të rrëzuar pjesën e mbetur të rrethimit, në Kishën e “Shën Ndoit” në Laç.
E para shembje kishte ndodhur në vitin 1967, kohë kur shteti komunist i asaj kohe i shpalli luftë besimit fetar.
Edhe pse një pjesë e godinës ishte shembur pjesërisht, besimtarët gjatë viteve shkonin ende, gjë që për regjimin ishte një shqetësim. Për këtë motiv, ushtarët morën urdhër të asgjesonin muret, në mënyrë që askujt të mos i shkonte në mend për të bërë pelegrinazh.
Pasi rrëzuan një pjesë të rrethimit, toga prej 32 vetash mbeti e paralizuar nga mesi e poshtë në mënyrë të pashpjegueshme. Disa ushtarë u dërguan nga pushteti popullor i kohës për kurim në Austri, për 6 muaj, ndërsa të tjerët në Spitalin Ushtarak të Tiranës.
Të gjithë mbetën me pasoja, duke u ngritur në këmbë vetëm pas një trajtimi intensiv të gjatë. Fenomeni mbeti i pashpjegueshëm dhe u vesh me mister.
Historia u përhap shpejt në Laç, duke u treguar si diçka mistike. Pushteti i asaj kohe tha se fajin për ngjarjen e pazakontë e kishte ushqimi, si pasojë e një helmimi, po ky fakt nuk u pranua kurrë shkencërisht. Historia është ende e veshur me mister, edhe sot e kësaj dite

Kosova vendos marrëdhënie diplomatike me Libinë

by

Nga Behlul Jashari/Konsulli i Përgjithshëm i Republikës së Kosovës në Nju Jork, ambasadori Bekim Sejdiu dhe përfaqësuesi i përhershëm i Libisë në Kombet e Bashkuara, ambasadori Ibrahim Debbashi, kanë nënshkruar marrëveshjen për vendosjen e marrëdhënieve diplomatike ndërmjet dy vendeve.
Ceremonia e vendosjes së marrëdhënieve diplomatike u zhvillua në Misionin e Përhershëm të Libisë në Kombet e Bashkuara, bën të ditur sot MPJ e Kosovës, në njoftimin dërguar nga Nju Jorku.
Konsulli i Përgjithshëm i Kosovës në Nju Jork, ambasadori Bekim Sejdiu dhe përfaqësuesi i përhershëm i Libisë në Kombet e Bashkuara ambasadori Ibrahim Debbashi, kanë nënshkruar marrëveshjen për vendosjen e marrëdhënieve
Komunikata e Përbashkët për nënshkrimin e marrëdhënieve diplomatike, e nënshkruar ndërmjet dy ambasadorëve, thekson vullnetin e Qeverisë së Republikës së Kosovës dhe Qeverisë së Libisë për të promovuar miqësinë dhe bashkëpunimin ndërmjet dy vendeve, në frymën e parimeve të OKB-së dhe të drejtës ndërkombëtare.
Libia e ka njohur Kosovën, shtet sovran dhe të pavarur në 25 shtator 2013.(Sipas ATSH)

Basha: Rinia e ka treguar qëndrimin e saj ndaj qeverisë

by

Kryetari i Partisë Demokratike, Lulzim Basha, u shpreh gjatë një takimi me të rinjtë e Partisë Demokratike, se rinia shqiptare e ka treguar qëndrimin e saj përgjatë 9 muajve të qeverisjes së Edi Ramës.
“E keni demonstruar këtë pjekuri në momente të ndryshme dhe në harkun e këtij viti. E demonstruat me rastin e qëndrimit të rinisë së shqiptare, kundër qëndrimit të Ramës me armët kimike të Sirisë. Këtë e vërtetuat dhe në protestën e zhvilluar më 20 shkurt. E keni vërtetuar në mënyrë se si rinia po vërshon drejt PD-së. Jam i bindur që këtë vetëdije, këtë kurajo do e demonstroni sot, nesër, pasnesër, dhe në ditët në vijim, në betejën më të madhe kundër narkotrafikut, kundër qeverisë”, iu dretjua Basha të rinjve.
Sipas kreut të PD-së, “në këto 9 muaj të qeverisjes së Edi Ramës, droga nuk po zvarritet, por po lumturon. Droga ka pushtuar ajrin, pasurinë që i përket qytetarëve shqiptare”. Basha shtoi se, qeveria aktuale po vendos oligarkinë e drogës dhe se ky është fundi i demokracisë. “Historia është droga me avionë, janë bosat dhe baronët e drogës, është karteli i drogës që ka marrë yrysht dhe ka vënë në zbatim planin e vet ogurzi që para zgjedhjeve të kaluara. Planet e vet për të blerë zgjedhjet, pushtetin, lirinë, ajrin, ujin dhe gjithçka të mirë kemi për të vendosur oligarkinë e drogës që është fundi i lirisë dhe demokracisë. Pyetja që shtrohet sot është a do ti lejojmë? A do çohemi të gjithë të bashkuar dhe do ti ndalim?”
Më tej Basha theksoi se kryeministri Rama është përgjegjësi kryesor për situatën e krijuar dhe se ai duhet të largohet nga qeveria. “Si erdhëm deri këtu? Çfarë na solli deri këtu? Shqiptarët tregojnë sot me gisht Edi Ramën si përgjegjësin numër një për situatën e krijuar në vend në lidhje me trafikun e drogës. Ai ishte dhe është personi përgjegjës që u tall dhe u përqesh me denoncimet e ardhura. Me informacionet e depozituara nga punonjës të ndershëm është ai që përqeshi këto informacione duke i cilësuar avionët e drogës mushkonja. Është ai që duke injoruar, fshehur, maskuar, të vërtetën për trafikun drogës i garantoi dhe u shkeli syrin narkotrafikantëve. Me sindromën e vitit zero shkatërroi policinë e shtetit”.
Kreu i PD-së përsëriti thirrjen për protestë ditën e nesërme në orën 10:00 para Kuvendit. Ai u shpreh se kjo protestë do ti japë përgjigje përfundimtare narkotrafikut dhe do të çojë në shtëpi kryeministrin Rama. “Zgjidhja është e qartë populli sovran ose oligarki e drogës. Ne opozita jemi të bindur se vetëm nëse flemë fitorja mund t’i përkasë oligarkisë së drogës, por ne nuk do të flemë ne jemi në këmbë dhe do përballemi për ta rrëzuar në tokë përpjekjen e saj për të marrë në dorë Shqipërinë tonë. Nesër në orën 10:00 të vendosur për t’i dhënë përgjigje përfundimtare narkotrafikut, për të çuar Edi Ramën në shtëpinë e tij”, u shpreh Basha.

Sevilla mposhti Benfican dhe rrëmbeu trofeun e Europa League

by

Sevilla është fituese e Europa League. Skuadra spanjolle mposhti në finale Benfican, në Juventus Stadium në Torino, pas penalltive, me rezultat 4:2.
Skuadra spanjolle festoi pas penalltive me rezultat 4:2, pasi koha e rregullt nuk solli gola, ndonëse të dyja skuadrat patën mundësi për të shënuar, por nuk i shfrytëzuan rastet që iu ofruan. Loja e rregullt dhe vazhdimet nuk sollën gola andaj penalltitë përcaktuan fituesin.
Carlos Bacca, Stephane M’Bia, Coke dhe Kevin Gameiro ishin të saktë për Sevillan, kurse nga katër tentime të Benficas, shënuan vetëm Lima dhe Luisao. Vendimtare ishin huqjet nga Oscar Cardozo dhe Rodrigo.
Benfica humbi finalen e tetë në gara evropiane, kurse Sevilla hyri në mesin e skuadrave si Juventus, Inter dhe Liverpool që e kanë fituar Kupën UEFA, tani Europa League nga tri herë.

Shpërndahet kësti i parë për 106 ish- të përndjekurit politikë

by

Nga Zina Tosku-Ministri i Mirëqënies Sociale dhe Rinisë Erion Veliaj , në një takim të organizuar ditën e mërkurë, në ambjentet e Ministrisë, ndau për 106 ish të përndjekurit politik, këstin për të gjithë për ata që nuk kanë marrë asgjë për 23 vjet.
“Më vjen mirë që kam firmosur 106 urdhër pagesat për transhin e dytë për ata që marin këstin e tyre këtë vit. Bëhet fjalë për një shoqeri që po i kthen borxhin disa njerëzve që kanë punuar pa pagesë, njerëz që janë torturuar”., u shpreh ai.
Veliaj ndër të tjera ka përmendur dhe debatin në parlament lidhur me këtë çështje. “Në debatin që patëm në parlamënt, ne nuk bejmë asgjë për shoë politik. Po të shikoni ekipin tim, bëhet fjalë për njerëz që janë vetë të përnjdekur, jo si ata që kanë qënë sekretar partie, apo që kanë kaluar të bëjnë hamendime për të përndjekurit”, u shpreh Veliaj.
Gjatë fjalës së tij, Ministri i Mirëqënies Sociale dhe Rinisë, Veliaj u ndal dhe në çështjen e buxhetit. “Jemi të ndjeshëm ndaj atyre që kanë qënë vet në burgjet komuniste, ndaj ne po ndryshojmë ligjin. Duke filluar nga 20 maj, do të botojmë propozimet tona për ligjin, që ata që janë mbi 70 vjeç të marrin prioritet, që të mund të marrin këstin”, tha Veliaj.
Ministri kërkoi mirëkuptimin ish të përndjekurve politikë, sepse pa marë këstin e parë disa ish të përndjekur, të tjerët nuk mund të marrin këstin e dytë apo tretë. Përveç 106 dosjeve që ne paguajmë sot, nesër do të botojmë në gazeta dhe 40 të tjerë”, tha Veliaj.