Nga Murat Gecaj/
1.Atë nuk e kam njohur shumë kohë më parë. Takimi i parë me të lidhet me një ngjarje mjaft të dhimbshme, si për atë vetë e familjarët e saj, por dhe për të afërm, kolegë e miq dhe dashamirë. Pra, ja si kishte ndodhur…
Ishte pragu i Vitit të Ri 2014. Të gjithë bënin përgatitjet e nevojshme për ta pritur dhe festaur sa më gezueshëm, atë stinë të re të jetës. Por, ah, që një lajm i kobshëm do ta ngrinte buzëqeshjen edhe të kësaj vajze kryeqytetase, me emrin e bukur, Ledia. Kishte pushuar papritur dhe përgjithnjë rrahja e zemrës së njeriut shumë të dashur dhe të adhuruar, e “bushit” të saj, Riza Lahi!…
E pushtuar nga dhimbja e patreguar dhe e mbuluar nga lotët, që i rridhnin çurg, ajo shpejtoi ta lehtësonte dhe ta ta qetësonte sadopak shpirtin e saj, duke i shkruar këto disa radhë, në faqen e saj të Facebook-ut. Aty, ajo drejtohej të jatit, i cili nuk jetonte më, pas një ataku të papaitur në zemër:
“Nuk i kam të duhurat fjalë, për ta shprehur sot hidhërimin e ndaarjes së tij nga jeta. U ktheve në qiell, Bushi im, aty ku ti fluturoe për tridhjetë vite. E le përgjithnjë tokën këtu, me shpejtësinë që përshkoje çdo rrugë me biçikletën tënde legjendare…Ti, ishe njeriu i mrekullueshëm që, gjithësaherë, frymëzoje çdokënd. Ishe i vetmi, që mëngjesi e mbrëmja të gjente duke i fishëllyer meloditë e Shkodrës tënde; i paarritshëm erudit dhe intelektual, që jepje ngado veç shembullin pozitiv.
Aftësinë e të shkruarit, e të qenit kreative, që ti ma trashëgove çmueshëm, mor’ Bushi im, sot nuk po e shprehi, ashtu siç ti doje. Nuk mundem dot të shkruaj, nuk mundem të jem poetike…Nuk mundem, mor’ Bush, nuk mundem sot, siç do të dëshiroje ti!
Nesër, oh, në orën 14.00, do ta prcjellim babin tonë për në banesën e fundit!?…Tiranë, 31 dhjetor 2013”.
Kanë kaluar muaj nga ajo ditë shumë e trishtë për Ledian, ashtu si për mamin e saj, Afërditën; vëllain Arxhelsin, me bashkëshorte Alketën dhe vogëlushët e tyre, Arkel dhe Arbër. Ndërsa, ajo sikur gjenë ngushëllim,kur ulet e shkruan në ndonjë fletore dhe pastaj mendimet e saj i hedh në faqen e Internetit. Kështu mendon që do ta lehtësojë sadopak shpirtin fort të trazuar, kur fjalët e saj, mbushur me dhimbje për të jatin, do t’i lexojnë të afërm, miq e dashamirë. Se ajo vërtet nuk është poete as shkrimtare, por ka trashëguar nga “bushi” i saj krijues, Rizai, ndjenja e mendime të frymëzuara. Ditët, javët e muajt kanë rrjedhur, por në zemrën e Ledias përsëri kanë mbetur gjurmët e pashlyera të dhimbjes, për babin e saj të dashur dhe të paharruar. Ja, përsëri po shkëpusim disa radhë, nga fjalët e saj, drejtuar “bushi” Rizait:
“Së shpejti dhe ndadalë kanë kaluar 6 muaj, nga hera e fundit, që u eshëm me shpirt. Nuk ka ditë që mos ta kujtojmë sjelljen tënde hokatare, Bush. E,sa gëzim tejçoje me këdo, që pati fatin t’ ketë pasë, qoftë dhe më të voglin komunikim me ty. T’ kisha këtu afër, do t’ kisha diftu, se sa largësi kanë pasë kata 6 muaj për mua! Për kryt’ tand, kam lexu ende më shumë, nuk jam ken’ dembele. Po kështu, kam hangër fruta dhe e kam respektu “shokun-gjumi”. Dhe s’i kam kthy kujt atë përgjigjen përtace: “Ahu, ma von’ tashi, babo!”…Shpirti yt u prehtë në paqe!…”
2.
Ledia sivjet vazhdon vitin e dytë të masterit, në degën e juridikut për drejtimin civile. Lexon libra të profilit të saj, por dhe letrarë. Sidomos, mjaft të tillë, që ka shkruar i jati, kryesisht për aviacionon, ka shërbeu vite të tëra. Kur e pyes, tregon se nuk shkruan poezi, as tregime. Por, ndoshta, një ditë do ta bëjë një gjë të tillë. Se për cilindo ka një pikënisje në krijimtarinë letrare. Pra, ndoshta, këto ndjesi të shprehura nga ajo dhe që i cituam më lart, do tab ëhen shkak që ajo të merret edhe me krijimatri letrare. Se, patjetër, diçka do të trashëgojë në këtë fushë edhe nga i jati, “bushi” Rizai. Do të ulet që të shkruajë, se i kujtohen shumë ngjarje të bukura dhe të paharruara nga fëmijëria, me babin e paharruar: Dita e parë e shkollës, librat e dhuruar për festën e 1 Qershorit, Festa e Abetares, festimet e ditëlindjeve dhe të natës së Vitit të Ri në familje, vizitat e përbashkëta në “Shkodërlocen” e tyre…
Ja, çfarë ka shkruar ajo në “ditarin” e saj, në dhjetor 2014: “Babi Rizai, kurdoherë që kishte ndonjë lajm të gëzuar, i tejqeshur në çdo muskul të fytyrës, e niste fjalinë: “Ta po ta napi nji sihariq…”. Sot mora edhe unë një telefonatë të gëzuar, në një çast të ditës, kur më dukej se e kisha shterruar çdo energji timen, pas seminaresh e leksionesh, të zgjatura deri vonë.
Mora atë sihariq, që m’i shpeshtoi rrahjet e zemrës edhe më fort.
Këshilli i Bashkisë së Shkodrës, i dha babi Rizait titullin “Mirënjohja e Qytetit” ! Përulje dhe faleminderit! Përjetova shumë ndjesi pozitive, që nuk i them dot këtu…”.
Ndërsa, në një rast tjetër, Ledia e ka shprehur kështu dhimbjen, por dhe krenarinë e saj për të jatin: “Qenka e vështirë të shkruhet, e rëndë të mendohet e aq më e rëndë që të besohet, se nuk je më,në mesin tonë. S’ka fjalë, s’ka lot, as vaj, që e shuan mallin për ty. I madh është boshlleku pa ty, por më e madhe është krenaria që të patëm …Vdekja e shuan një jetë, por koha nuk do ta shuajë asnjëherë mallin për ty!”
…E, atëherë, kur t’i lexojë Ledia Lahi këto radhë, do të thotë me vete, se sa të drejtë kam unë, tani.
Tiranë, 10 prill 2015
Archives for April 2015
Hillary Clinton gati të shpallë kanidaturën për Presidente 2016 !
NEW YORK:Hillary Clinton po planifikon të nisë kandidaturën e saj për Presidente e 45-të, dhe e para grua në historinë e SHBA, në se ajo fiton, të dielën përmes një mesazhi që do të përcillet për kombin amerikan në video në mediat sociale, ka thënë një personi të afërt të Fushatës së saj-citon sot CNN, duke shtuar se kjo do të heq edhe ndonjë dilemë të mëparshme.
Vendimi do të “hedhë” poshtë të gjitha spekullimet e më shumë se një viti rreth aspiratave të saj politike dhe të lejojë atë që të fillojë fushatën duke takuar me votuesit si kandidate për Presidente 2016. Këshilltarët thonë se ajo e di se edhe në partinë demokratike nuk janë të “interesuar” në një kurorëzim të saj megjithatë ajo synon të bëjë fushatë të fuqishme, sikur ajo ka një sfidë të vështirë qysh në primare.
Shtypi amerikan thotë se menjëherë, pas këtij deklarimi Hillari Clinton, pritet të udhëtojë për në shtetet siç quhen ato me votë “kyçe” në SHBA, si Iowa dhe New Hampshire, për të “matur pulisin” e këtyre votuesve.
Udhëtimi i saj në Iowa, është i tretë- pas atyre dy tureve presidenciale, që ajo zhvilloi në 2008, ku si dihet në fund të fundit, e çoi Hillarin edhe në rrëzimin e aspiratave të saj presidencialet 2008, ku brenda partisë Demokrate fitoi Barack Obama . Analistët e këtyre fushatave, thonë se Iowa dhe New Hampshire është në një pjesë të angazhimit të saj – që të mos të “humbas asgjë” për këto presidenciale, dhe për të dhënë maksimumin në përpjekjen e saj, të dytë, për në Shtëpinë e Bardhë, edhe pse ajo thuhet se dominon në sondazhet e partisë Demokratike në Presidencialet 2016
Clinton, thotë CNN, sipas njerëzve të afërtë të fushatës së saj, se tashmë e ka filmuar dhe bërë gati video- mesazhin e saj të fushatës, e cila përshkruan temat qendrore të ofertës së saj të dytë për Shtëpinë e Bardhë. Mesazhi ka për qëllim, thanë ata të dërgojë një sinjal më shumë ndaj demokratëve se ajo ka ndërmend për të luftuar në mënyrë të fortë, për emërimin presidencial të partisë, si fillimore dhe më pastaj të “çajë” rrugën që të çonë për në Shtëpinë e Bardhë, dhe aspirata për t’u bërë Presidente e 45 e SHBA si e para grua në historinë e Shteteve të Bashkuara.
Gjenerali i pensionuar amerikan, ish Komandanti i Përgjithshëm i Natos,Wesley Clark në një mesazh jo zyrtar, ndoshta ishte i pari që paraljmërojë, aspiratën Clinton, se ajo do të ishte kanidatura demokrate, duke e hapur kështu ndoshta edhe fushatën presidenciale për Hillary Klinton për zgjedhjet e vitit 2016,
Kështu të pakën ishte lexuar dy vjetë më parë, nga shtypi amerikan një mesazh i tij i derguar, në rrjetin e tij social Face book dhe Twitter, ku ai u ishte drejtuar sipas shtypit amerikan, mbështetësve të Hillari Clinton, për përkrahje.
Mesazhi i Clark thoshte :” Kjo është një nga mënyrat më të mira – për të nxitur këto biseda rreth Hillarit e cila duke par edhe mbështetjen tuaj – qysh tani edhe potencialisht merr drejtimin për në zgjedhjet Presidenciale në vitin 2016 ” shkruhet në mesazh.
Gjenerali Klark në porosinë e tij – drejtuar amerikanëve promovoi slloganin “Të përgaditur jemi për Hillarin në vitin 2016”. : “https://www.readyforhillary.com/Free-Stickers”
Mesazhi më tej vazhdonte se “Hillary ka atë që duhet të jetë Presidente e ardhshëme e Shteteve të Bashkuara, por sot, nëse ajo vendos se do të kandidojë, ajo ka nevojë për të parë mbështetjen tonë. Mbas, tani është koha për të marrë mbështetjen tonë për Hillarin dhe ne të jemi të organizuar dhe të gatshëm për të mbështetur atë në presidencialet në vitin 2016.”
Në fund mesazhi elektronik, i cili thuhet se nuk qenë zyrtar, por ishte dërguar në postën private, shkruante se:Eshtë krenari për të marr mbështetjen tuaj, për Hillarin dhe t’u tregoni edhe miqve tuaj për të bërë të njëjtën gjë.” Faleminderit për t’u bashkuar me ne”, Generali Wesley Clark.
Megjithatë, Wesley Clark, si nje figurë e demokratëve njihet si një aleat i familjes Clinton, i cili njihet po ashtu si emisari ushtarak i presidentit Bill Klinton për disa çështje në Ballkanin e trazuar, por edhe një nga Komandatët më të suksesshëm në historinë e Aleancës së Veriut NATO-s, sidomos në atë të operacionet ushtarake kundër Serbisë në vitin 1999, për çlirimin e Kosovës, bombardimet 78 ditë ajrore kundër bazave dhe caqeve ushtarake serbe, shkatërrimin e tyre, me këtë rast ka për të marrë ndoshta edhe mbështetjen e shqiptarëve të Amerikës, mbas këtij mesazhi për Hillary 2016, u bënë thirrje edhe shqiptarëve të Amerikës për të mbështetur Hillari Clinton.
Sipas praktikës amerikane edhe pse ka edhe një vitë e gjysmë deri në zgjedhjet e ardhshme presidenciale, në SHBA, kandidatët gjithmonë përshpejtojnë të shpallin ambicjet e tyre me kandidaturat brenda partiake në zgjedhjet presidenciale. Kështu flitet se edhe në rradhët e republikanëve Senatori nga Texas, Ted Cruz u bë i pari politikan amerikan në detyrë që shpall kandidaturën për zgjedhjet presideciale të nëntorit 2016.
Kush eshte Hillary Clinton?
Hillary Diane Rodham Clinton e lindur më 26 tetor 1947) ishte ish-Sekretare e Shteteve të Bashkuara, senatore amerikane, dhe Zonja e Parë e Shteteve të Bashkuara. Nga viti 2009 deri në vitin 2013, ajo ishte sekretare e 67 e Shteteve, duke qenë nën presidencën e Barack Obamës. Ajo përfaqësoi herët Nju Jorkin në Senatin amerikan gjatë vitit (2001-2009). Kurse, si gruaja e Presidentit Bill Clinton, ajo ishte Zonja e Parë nga viti 1993 deri në vitin 2001. Në zgjedhjet e vitit 2008, Clinton ishte një kandidat kryesor për zgjedhjet presidenciale, por u “mund” në zgjedhjet brenda partisë Demokrate nga Barack Obama..
Ajo është një banore autoktone e Illinoisit. Hillary Rodham nga fillimi i jetes së saj ishte e para si kryetare e klasës si studente në Wellesley College në vitin 1969 pastaj dhe u diplomua si Juris Doctor në Yale Law School në vitin 1973. Pas diplomimit në universitetin e Jalës, Hillary Rodham u bë një avokate e shkëlqyer, duke punuar edhe se këshilltare në Fondin e Mbrojtjes të fëmijëve në Cambridge. Përpara se të bashkohet me ekipin e juristëve që këshillonin për Komisionin Juridik (Judiciary Committete), ajo ka përfaqësuar këtë komitet gjatë fajësimit të Presidentit Richard Nixon për skandalin Watergate.
Pas një kohe të shkurtër si një avokate e Kongresit në çështjet ligjore, ajo u zhvendos në Arkansas dhe u martua me Bill Clinton në vitin 1975. Hillary Rodham themeloi gjygjin e Arkansas për Fëmijët dhe Familjet në vështërsi në vitin 1977 deri në vitin 1978, deri sa ajo u bë kryetare e parë femër e Shërbimeve Ligjore të Korporatës. Dhe në vitin 1979 partneri i parë femër në Rose Law Firm.The National Law Journal e ka renditur atë dy herë si njëra nga qindra avokatet më me ndikim në Amerikë. Si Zonja e Parë e Arkansas 1979-1981 dhe 1983-1992 me burrin e e saj Bill Clinton si Guvernator, ajo udhëhoqi një grup pune për të reformuar sistemin Arkansas në arsimim. Gjatë kësaj kohe, ajo ishte në bordin e Wal-Mart dhe disa korporatave të tjera tregtare.
Në vitin 1994, si Zonja e Parë e Shteteve të Bashkuara, për iniciativën e sajë të madhe, për planin e kujdesit shëndetësor Hillary Klinton, nuk arriti të fitojë miratimin nga Kongresi amerikan. Megjithatë, në vitin 1997 dhe 1999, Clinton luajti një rol udhëheqës në mbrojtjen e grave, fëmijëve dhe familjes amerikane, për krijimin e Programit Kombëtar të Sigurimeve Shëndetësore për fëmijë, Aktit të Adoptimit dhe Familjet e sigurta , dhe Akti Foster Care Independent. Gjatë Viteve si Zonjë e Parë, ajo tërhoqi një përgjigje të polarizimit nga publiku amerikan. Ajo është e vetëmja Zonjë e Parë të cilës i është bërë thirrje gjyqi, dhe që ajo dëshmoi para një jurie federale në vitin 1996 në lidhje me polemikën e Whitewater, por asnjëherë nuk u akuzua për shkelje për këtë ose në disa hetime të tjera gjatë presidencës Clinton.
Gjithashtu martesa e sajë ka përjetuar Skandalin Lewinsky në vitin 1998.
Pas largimit nga Shtëpia e Bardhë, Clinton u zgjodh senatorja e parë femër e Nju Jorkut; ajo ishte e vetmja Zonjë e parë që ka kandiduar ndonjëherë për këtë post publik. Pas sulmit terrorist të 11 shtatorit , ajo mbështeti veprimet ushtarake në Afganistan dhe Rezolutën e luftës në Irak, por më pas e kundërshtoi sjelljën e Presidencës së Gorge W.Bushit të luftës në Irak dhe vazhdon të kundërshtojë shumicën e politikave të saj të brendshme. Clinton u rizgjodh për Senatin në vitin 2006 në zgjedhjet paraprake Demokratike presidenciale të vitit 2008. Hillary Clinton fitoi shumë më tepër vota në paraprake se sa kandidatet e tjejra femëra në historinë amerikane, por ngushtë ajo humbi nominimin për Presidente amerikane, mbasi ishte Barack Obama, i cili arriti të fitojë zgjedhjet kombëtare.
Obama e emëroi Clinton si sekretare e shtetit, dhe ajo u konfirmua nga senati në janar 2009 ajo ka qenë në ballë të përgjigjes amerikane ndaj Pranverës Arabe, duke përfshirë dhe avokimin e ndërhyrjes ushtarake amerikane në Libi. Si Sekretare e Shtetit, ajo mori përgjegjësinë për dështimin e masave të sigurisë në lidhje me sulmin e Bengazit në vitin 2012 , i cili rezultoi në vdekjen e personelit konsullor amerikan, por mbrojti veprimet e saja personale në lidhje me këtë çështje. Clinton vizitoi më shumë vende se çdo Sekretar tjetër Shteti. Përfshirë , këtu Shqipërinë në qeverisjen e Partisë demokratike, me Kryeministër Sali Berishën dhe priti në Departamentin e Shtetit Kryeministrin e Kosovës Hashim Thaqi dhe Presidenten Atifete Jahjaga, duke e konfirumuar edhe një herë veten si një mike e madhe e popullit Shqiptarë.
Ajo shihte “fuqinë e zgjuarsinë” si strategji për të pohuar lidershipin dhe vlerat amerikane, duke kombinuar fuqinë ushtarake me diplomacinë dhe aftësitë amerikane në ekonomi, teknologji, dhe fusha të tjera. Ajo inkurajoi fuqizimin e grave kudo, duke përdorur mediat sociale për të promovuar mesazhin e Shteteve të Bashkuara të Amerikës – SHBA-së, jashtë vendit.
KAM NJOHUR EDHE UNË NJË”FRROK”….
Nga Illo Foto-New York/
Nga analizat mediatiko-politike të kohëve të fundit për cështjen komplekse”Doshi “- “FRROKU”, kam vecuar dy superlativa : ” Shoqëria është kriminalizuar dhe do ta dekriminalizojmë, një herë e mirë politikën shqiptare “.
Mendoj se nuk janë politikanët,juristët dhe analistët, që vuajnë pasojat e këtyre fenomeneve negative ; madje është populli , që i vuan , prandaj e shkruaj këtë esse analitike , që të ndaj me ju , atë që unë e quaj anën më të rrezikuar të problemit.
Nuk kam asgjë personale me emrin apo mbiemrin Frroku. Njeriun nuk e pyesin për pagëzimin e parë dhe nuk mban përgjegjësi për emrin fillestar . Vetpagëzimet e tjera kanë ndryshim të madh me fillestarin. Emigracioni postkomunist, në mënyrë polivalente , na diktoi shumë forma dhe rrethana vetpagëzimi . Në të tëra rastet emri lidhet pak me karakterin e njeriut.
Nga emrat e paktë , që gjallojnë në Shqipëri , është emri “Frok ” . Nuk e kam fjalën për Frrok Cupin , sepse ai është bërë i njohur si gazetar dhe publicist në të dy regjimet , që kaloi Shqipëria . Megjithëse i rrallë emri “Frok “, në trevën time, unë jam ndeshur me këtë emër njeriu qysh në fund të viteve ’60 të shekullit kaluar . Madje e kam ndeshur këtë emër në Cermë të Lushnjës , bash në mesin e Shqipërisë.
Ai mund të ketë qenë Froku i fundit, që ka ekzistuar në Cermë Sektor. Nuk besoj se ka pasur bebe, që është pagëzuar Frok, në ish sektorin Cermë, që tani quhet Komuna Terbuf. Nuk e vë dorën në zjarr, qe të mos jetë cfrytëzuar si emër i dyte, nga emigrantë, që këtë punë e bëjnë për të fshehur krimin dhe për të fituar azil politik. Këtë marifet e njohëm edhe në fundmarsin 2015 , kur mësuam se deputeti Mark Froku, pat përdorur në emigracion 3 emra rezervë, për të fituar azilin politik belg , por edhe për të realizuar programet mafioze të shoqërisë së tij , që akuzohet zyrtarisht lidhur me krimin e organizuar europjan.
Jeta në emigracion e deputetit Mark Froku, e marrë neto, sic është zhvilluar, pa asnjë shtesë dhe artific , eshtë një tabllo e qartë e një personazh filmi , që e shikon me gojë hapur . Gazetat shqiptare dhe europjane tashmë e kanë bërë të njohur aventurën “Frok- Belgjika “.
Frroku qe kam njohur une ishte ndryshe….Le të shkëputemi një grimë nga Mark Froku dhe te kalojme tek Froku i Cermes , qe ja permenda emrin , pak me lart . Ne Sektorin Cerme te ish Fermes se Lushnjes , qe sot quhet “Komuna Terbuf “, ka jetuar burri me emer , Frok Froku , ndoshta me prejardhje mirditore . Banimin familjar e kishte ne qytetin e Lushnjes , qe ishte 17 Km larg Cermes, por Froku pjesen me te rendesishme te javes e kalonte ne Cerme sektor .Sic e shihni , nuk e permenda fjalen pune sepse Froku nuk kishte kapur pune me dore . Heshtja ishte puna e tij .Ne Cermen e kohes , te tere banoret merreshin me pune.I kishin duart me kallo . Ne ate kohe , aty punonin pleqte dhe femijte , ne lemin , ku manipuloheshin prodhimet . Duart e burrit , afer 60 vjecar , qe mbante emrin Frok Froku ishin te buta, si te nje zonje .
Froku ishte nje burre i gjate , dukej si i keputur ne mes , me fytyre te pervuajtur dhe sy te vemendshem . Ishte gjithnje i etur per biseda por vetem per probleme anesore. Vishej thjesht dhe hijshem . Perhere mbante nje cante operative , te varur ne kraheqafe . Ne Cerme cfaqej ne mengjes , verdallosej gjithe diten , ndoshta dhe naten . Na respektonte ne specialisteve , qe ishim gjithsej 5 dhe vinim ne levizje gjiganrin bujqesore Cerme , me rreth 3 mije banore dhe 1200 puntore te perhershem .Me as njerin nga specjalistet dukej se nuk kishte afinitet , bisedat perqendroheshin per klimen , klubin e fshatit dhe mencen . Me njerin nga ne , pikerisht me specjalistin V. M.- Froku bisedonte koke per koke , ne mjedise te fshehta , me shume jashte se brenda Cermes .
Une ne Cerme , per pune , u vendosa me gjithe familjen , ne mes te viteve 1966 . Nje nga njerezit e pare , qe njoha ishte Froku . Fillimisht, shoqerohesha vetem me homologun Vedat Sazani , qe jo vetem na lidhte puna , por dhe prejardhja , si gjirokastite.
– Si e ka mbiemrin Froku , e pyeta Vedatin?
– Froku , mu pergjigj Vedati dhe per arsye te pa njohura , e mbylli me kaq biseden.
– Duhet te jete pseudonim ,ia preva me te paren , por Vedati , qe dalloi nje lloj humori , me kerkoi , qe te mos bisedohej me per njeriun me te rendesishemn te qytezes tone , ku gati 30 % e popullsise ishin te internuar. Qofte dhe te shkoje ne mend se saterizon operativin , rrezikoje Spacin . Operativi kishte nje imunitet te pa shpallur dhe te heshtur .
Kishte te drejte Vedati . Froku ishte njeriu me i rendesishem , me gjithse puna e tij ishte e pa dukshme ne publik . Nga kalemi i operativit te zones , qe perkthehet perfaqesusi i policise sekrete te shtetit enverist , varej jeta e sejcilit shqiptar , ndaj te cilit mund te thurej nje intrige dhe te vishej me kodet ligjore , per te perfunduar ne burgjet me te errta , per agjitacion e prapagande . Nuk dihet ndonje staistike se sa shqiptare jane intriguar , arestuar dhe burgosur me firmen ” Frokfroku ” .
Kjo intrige ishte me shume e mundshme , per Vedatin , pasardhesin e Enver Sazanit , intelektualin patriot dhe shok shkolle i Enver Hoxhes , por qe Ai e ekzeketuoi me urdherin e vet direkt .Vedati ishte lende e pershhtashme , per punishten “Frok-u ” .
Nuk diskutuam me me Vedatin ,per operaivin Frok Froku , por une vijoja ta shihja Ate neper rrugica , duke biseduar tines me bashkepuntoret . Jeta rrodhi , ne shtratin e saj te natyrshem dhe ja ku ndodhi “Ceshtja Doshi “, ku personi kyc ishte deputeti i PKD , ne aleance me koalicionin e majte qeverrises.
Mbas 50 vjetesh , kjo ndodhi me solli ne mendje operativin e Cermes , qe vetem mbiemri i lidh me te dyshuarin kriminelin europian , Mark Froku , qe u be qendra e jetes politiko – medjake , ne Mars 2015 . Deri sa shqiptari kryen krim, ne menyre spektakolare edhe ne Belgjike , qe konsiderohet shtet me demokraci te maturauar, kemi te drejte te gjykojme se krimi eshte pjese e shoqesrise njerezore , qe ka moshen e vete shoqerise.
Krimi i organizuar ka moshe me te re , por edhe ai ka lindur bashke me shtetin. Duke qene se krimi ka lidhje me shtetin , quhet i organizuar . Frok – Froku ishte fillese e krimit te organizuar te shtetit komunist . Vete shteti nuk e fshefte se ishte ne kupole te krimit . Deri sa e emeronte veten diktature e proletariatit , krimin e mbante nen sqetull . Lufta per krimin e organizuar , kishte emrin lufte klase . Ate e formulonin dhe i jepnin kuptim “ligjor “, operativet e sigurimit te zones , qe per lehtesi studimi , le t’i quajm Froker .
Cerma , si vend me ndjeshmeri te larte , kishte tre froker . I dyti ishte nje ish rrobaqepes nga qyteti i Shkodres , mysliman , qe nuk me kujtohet emri i tij . Me kujtohet portreti : Me shume serioz ,sesa fudull . Udhtonte gjithnje me automatik ne krah. Shume artificial ne biseda . I treti ishte Zalo Mejdani , me origjine diku nga Laberia . Si Zalo nuk kam ndeshur, ndonje homolog te tij . Ai na thoshte me ze te larte dhe me sinqeritet : Te interrnuarit e kampit2 , jane vellezrit tone . Jane njerez puntore dhe te zgjuar . Jepuni pune sipas aftesive , qe kane .Keto fjale Zalo nuk na i thoshte ne , specjalisteve , por dhe Pergjegjesit dhe sekretarit te Partise , qe perfaqesonin nivelin me te larte politik te qytezes tone bujqesore .
_ Duhet te kemi parasysh luften e klasave , i pergjigjeshim ne Zalos , me seriozitetin , qe meritonte kjo shprehje dhe qe na ndiqte ne c’do hap te jetes .
_ Per ate lufte , Partia me ka caktuar mua , pergjigjej Zalo ; Ju beni detyrat tuaja civile .
Te tre operativet e qytezes Cerme , ishin karaktere te ndryshme , por ata ishin te tere Froker , sepse ishin te detyruar t’i sherbenin te njejtit padron .Krimi komunist ishte vete pushteti .Policia sekrete ishte leve e mekanizmit kriminal .
Kampi Cerma2 ishte i rrethuar me tela me gjemba . Ne te banonin persona me “rrezikshmeri te larte ” .Shumica ishin djem qe kapeshin ne kufi , gjat arratisjes , nga te dy anet e kufirit . Brigata e tyre e punes ishte e vecante nga te tjerat . Punonte vetem ne kanale. Mbase kishin statusin e azilantit politik te asaj kohe .
Sido qe te tre operativet e Cermes , qe konsiderohej kamp interrnimi, permbushin detyren e spiunit , derisa shteti , qe i kish deleguar vriste pa gjyq dhe denonte dhe me gjyqe farse . Operativi perbente fillesen e krimit te organizuar , qe niste nga lart poshte .Krimi ne Belgjike dhe te tere te ngjashem me te , fillon nga posht lart , duke synuar pushtetin . Kjo mani nuk kursen as nje komisar si Dritan Lamaj , kete kolonel Tomson te koheve moderne.
Po vete Tom Doshi ? Eshte karakteri tipik , qe krimi e zgjedh , per te arritur qellimet afatgjata . Tereni i zhvillimit te krimit jane njerzit e shkolluar keq , vecanerisht njerzit gjysem te shkolluar , qe i ngjajne drurit te pastruguar dhe krimi mund t’u japi c’do forme , qe i duhet .
Nga sa sqarova me shembujt , qe analizova , nga pervoja ime jetesore , vecoj faktin se shoqeria nuk kriminalizohet , por kushtet ekonomiko- shoqerore favorizojne fuqizimin e krimit . Fatkeqesia me e vogel mbetet krimi , krahasimisht me pa ndeshkushmerine . Krimi i pa ndeshkuar , gjeneron krim pas krimi , gjithnje me virulent . Shoqeria eshte e rrezikuar , propocionalisht me mos ndeshkimin e krimit .
Froket jane shqiptare dhe ata pas ndeshkimit duhet t’u jepe mundesia e vetedukimit . Nuk ka denime te perjeteshme, vec atyre qe i cileson gjykata te tille. Po gjykuam se krimi jeton perjetesisht me kriminelin , kemi konfirmuar luften klasore , qe vazhdon me breza . Jane te lodhur njerzit me keto dogma . Gjenetikisht shqiptaret nuk jane kriminele . Nuk mund te jete kriminel , nje popull , qe mikpritjen e ka institucion dhe ka krijuar kanune , kur nuk ka pasur ende ligje . Krimanalizimin e kane sjelle regjimet dhe kushtet ekonomike – sociale . Te denohet krimi i organizuar dhe krimi komunist , nuk do te thote se do te denohen bartesit perjetesisht . Krimi i pa ndeshkuar eshte aq i rrezikshem per shoqerine , sa dhe per vete autoret e krimit. Jemi te vonuar ne vendosjen e ndeshkushmerise se krimit , por nuk besoj se jemi pafundesisht te vonuar .
Shoqeria e kriminalizuar ka shenja barazimi me nje shoqeri te eger para Darwiniste . Shoqerine e ger shqiptaret e kane harruar , sepse kane dhene prova qe dine te dalin , prej saj . Nuk duhet parafytyruar nje shoqeri srerile nga krimi , por nje shoqeri aktive , qe ka forca per izolimin e krimit . Shoqeria gjermane , ku u perzie Nazizmi me STASIN nuk u kriminalizua, por gjeti forca , per te dale ne balle te shoqerise se emancipuar europjane dhe boterore . Kjo nuk eshte shoqeria sterile , por shoqeria moderne , qe e izolon krimin , ne te tera format , qe cfaqet.Nuk ka shoqeri te kriminalizuar , sic nuk ka dhe shoqeri sterile. Kete desha te sqaroja ne kete ese , ne se ja arrita . Te flasesh per shoqeri te kriminalizuar dhe per shoqeri sterile , do te thote te flasesh rroma per Toma .
NY – Prill 2015
NE NDEROJME TE RENET, ATA NDEROJNE VRASESIN
Ne sot i vendosim lule heronjve,ata e shpallin kandidat vrasësin e tyre/
Shkruan: Albi Koci,Forumi djemte e Gjirokastres/
Pikërisht sot në datën 10 prill 2015,Partia e të Drejtave të Njeriut shpall kandidat për Bashkinë Himarë atë personazh që 21 vjet më parë sipas akuzave të ngritura nga Prokuroria Shqipetare dhe Greke është organizatori i sulmit terrorist kryer ne repartin ushtarak te fshatit Peshkëpi të Gjirokastrës ku mbeten të vrarë kapiteni i Pare Fatmir Shehu dhe ushtari Arsen Gjini.Pllakata e ngritur nga Forumi ”Djemte e Gjirokastres’’ vitin e kaluar per nder te dy ushtarakeve te rene ne krye te detyres eshte e vetmia shenj nderimi per te renet te cilet jane perballur me harresen 21 vjecare istitucionale,te cilet vetem familjaret e tyre jane kujdesur ti nderojnë heronjt qe ranë në krye të detyrës 21 vjet më parë.Për ironi të fatit edhe te politikes 21 vjet me vone Alfred Beleri,i akuzuari si organizator i ketij sulmi terrorist shpallet kandidat i PPDNJ-shit jo rastësisht në të njëjtën datë kur ndodhi sulmi terrorist nga organizata terroriste MAVI ne 10 Prill 1994.Ne sot ne 10 prill 2015 i vendosim lule heronjve te kombit ushtarakut Fatmir Shehut dhe ushtarit Arsen Gjinit të rënë dëshmor në krye të detyres në ish repartin ushtarak në fshatin Peshkepi dhe politika e ‘’dekriminalizuar’’ në Tiranë shpall kandidat për një nga 61 bashkitë e vendit pikërisht atë që është akuzuar nga prokuroria Shqipetare dhe Greke që është organizator i këtij akti terroist.Ne forumi ‘’Djemtë e Gjirokastrës’’ e quajmë një tallje me shpirtrat e heronjve të kombit edhe të familjareve të tyre këtë akt të politikës Shqipëtare që nuk i shërben askujt me këto sjellje qe ‘cingrisin’ shpirtin e Shqipetarit…Ato qarqe të erta që prodhojnë këto situata ndër vite,që hoqen Bollanon që nuk ‘hahej’ me edhe rihollen ne tregun e politikes antik kombetare një ‘’mall’’ të vjetër por që i fallcifikuan datën e skadimit.Deri ku do shkoj kjo politike qe trazon brumin e te kaluares !?
KOMUNITET-Lajm Mortor
Njoftohet komuniteti shqiptar në New York dhe rrethina se pas një sëmundje të shkurtër e të pashërueshme ndërroi jetë Gjyste Kqiraj -Velaj me vendbanim në Zvicër.Trupi i së ndjerës u varros me nderime në Kosovë. Mhill Velaj me familjen e hap të pamen(pret ngushëllime), ditën e Shtunë më datën 18 prill 2015 nga ora 11 am e deri në Ora 4 p.m.- në Qendrën Nënë Tereza, Kisha katolike”Zoja e Shkodrës” Hartsdale, NY
- « Previous Page
- 1
- …
- 38
- 39
- 40
- 41
- 42
- …
- 70
- Next Page »