Nga Shefqet Kërcelli/
Mesditën e datës 8 janar 2015, Atasheu Ushtarak i SHBA, Kapiten i Rangut të II-të Ralph Shield, i cili plotësoi misionin e tij në këtë detyrë në vëndin tonë, zhvilloi një vizitë në Komandën e Forcës Detare. Në këtë vizitë Commander Shield shoqërohej nga Atasheu i Ri Ushtarak i SHBA në Shqipëri, Kapiten i Rangut të II-të Samuel G. Wartell. Ushtarakët amerikanë u pritën në një takim të vecantë nga Komandanti i Forcës Detare, Gjeneral brigade Ylber Dogjani dhe Zv/Komandanti i FD, Kapiten i Rangut të I-rë Adnand Agastra. Fillimisht Gjeneralbrigade Dogjani i uroi mirëseardhjen miqve amerikanë dhe një vit të mbarë, pasi kjo është dhe vizita e parë në Komandën e Forcëve Detare për vitin 2016. Më pas zoti Dogjani falenderoi atasheun Ralph Shield për mbështetjen që Zyra e tij ka dhënë për Forcat tona të Armatosura, vecanërisht për Forcën Detare. E kam ndjerë ndihmën e Departamentit të Shtetit dhe Ambasadës së SHBA në cdo detyrë që kam kaluar, nënvizoi Gjeneral Dogjani, si në Komandën Mbështetëse dhe këtu në Forcën Detare, ku kam parë konkretisht dhjetra projekte bashkëpunimi. Ndaj Dera e Komandës së Forcës Detare dhe bazave të saj, do jetë e hapur në cdo kohë nga Saranda në Shëngjin dhe për atasheun e ri, Commander Wartell. Këtu zoti Wartell do gjejë bashkëpunëtorët më të afërt theksoi Ai. Gjatë takimit ushtarakët e dy vendeve evidentuan fushat më të rëndësishme të bashkëpunimit ushtarak midis Forcës sonë Detare dhe Departamentit të Mbrojtjes e Forcës Detare të SHBA, që nga arësimimi e trajnimi i detarëve ushtarakë shqiptarë, vizita të anijeve ushtarake të SHBA në vendin tonë, stërvitjet e përbashkëta, anijet ushtarake të dhuruara nga Departamenti i Shtetit gjatë këtyre 20 viteve, {të cilat kanë shërbyer për operacionet më të rëndësishme në hapësirën tonë detare}, përpjekjet për ti mbajtur ato në gatishmëri nga specialistët tanë dhe amerikanë, Sistemi i Integruar i Vëzhgimit të Hapësirës Detare, etj. FD ka zhvilluar stërvitje me specialistët amerikanë jo vetëm në teatrin detar, sic janë grupet e bordingut dhe ato të zhytësave EOD, por dhe në Qëndrën e Simulimeve të Forcave të Armatosura, një institucion që ka qenë tepër rezultativ për Forcat tona të Armatosura. Gjatë bisedës tepër miqësore ushtarakët e dy vendeve shkëmbyen eksperiencën dhe vështirësitë e karrierës së tyre si ushtarakë në shërbim të vendit dhe paqes në botë. Gjithashtu u diskutua mundësia e perspektiva e bashkëpunimit të FD me Komponentin Detar të NATO-s, Napoli dhe Flotën e 6-të të SHBA, {Mesdhe dhe Afrika Perëndimore}, duke përfshirë të gjitha vendet Joniano-Adriatike, Greqi, Itali, Slloveni, Kroaci, Mali i Zi dhe Shqipëri. Për të gjitha projektet e bashkëpunimit midis Forcës Detare dhe Zyrës së Atasheut Ushtarak Amerikan në Tiranë u ra dakord që të diskutohet në takimet e ardhëshme. Në fund Komandanti i FD, Gjeneral Dogjani i uroi Kapiten Ralph Shield një fat të mbarë në detyrën e re, ndërsa Kapitenit Samuel G.Wartell, mirëseardhjen në vendin tonë si përfaqsues ushtarak i aleatit strategjik të shqiptarëve. Gjatë këtyre ditëve ushtarakët e SHBA të akredituar në vendin tonë zhvilluan vizita në QNOD, {Qendrën Ndërinstitucionale Operacionale Detare} dhe Komandat e tjera të Forcave tona të Armatosura.
Archives for January 2016
Reforma në drejtësi, PD kthehet në tryezë pasi mazhoranca tërhoqi draftin
Në kryesinë e Kuvendit ka përfunduar takimi i ambasadoreve Donald Lu dhe Romana Vlahutin, me ekspertë të opozitës dhe mazhorancës për reformën në drejtësi.
Zhvillimi i fundit nga ky takim është se Opozita kthehet në tryezën e ekspertëve për reformën në drejtësi. Burime pranë PD bëjnë me dije se kthimi në tryezë vjen pas tërheqjes së mazhorancës nga drafti per reformën në Drejtësi.
Alibeaj: U ra dakord së pari për tërheqejn e draftit të pakonsultuar që qarkulloi ditët e fundit.
Së dyti u ra dakord që dokumenti i vetëm që do të diskutohet për të arritur draftimin e reformës kuishtetuese në drejtësi do të jetë ai i Opinioneve të Komisionit të Vencias.
Së treti, u ra dakord që në kushte barazia ekspertët e opozitës dhe të qeverisë të vijojnë punën e tyre të përbashkëta për të draftuar rekomandimet e komisonit të venecias, rekomandime të cilat mund të jenë të tilla që mund të ofrojnë disa variante që mund të jenë të përbashkëta me ekspertët e qeverisë dhe opozitës, opinione këto që duhet të respektojnë 100% opinionet e Komisionit të Venecias.
Ndërsa burime brenda së majtës thuhet se diskutimi do të fillojë te neni 23, ku do të dëgjohen edhe pretendimet e ekspertëve të PD. Sipas të majtëve rishikimi i amendamenteve do të monitorohet nga ndërkombëtarët.
Në takimin në Kryesi bashkë me kryetarin e Komsionit Parlamentar Fatmir Xhafaj dhe deputetin demokrat Oerd Bylykbashi, ishin të pranishëm ekspertët e nivelit te lartë Sokol Sadushi, Gent Ibrahimi dhe ata të Partisë demokratike ,Gazmend Bardhi dhe Enkelejd Alibeaj.
Ndërkohë pritet që grupi i ekspertëve të mblidhen në orët e pasdites dhe puna do nisë te zgjedhja e krerëve të institucioneve Kushtetuese.
Puna e tryezës së ekspertëve u ndërpre disa ditë më parë pasi opozita kërkonte që krerët e insitucioneve kushtetuese të zgjidhen me 2 /3 e votave në Parlament.
Meta: Tryeza politike nëse dështojnë diskutimet e tjera
Mazhoranca qartëson përfundimisth qëndrimin e saj për thirrjen e një tryeze politike për reformën në drejtësi.
Ky qëndrim iu la për ta sqaruar përballë medias kruet të Kuvendit Ilir Meta, nga partia e të cilit ka pasur zëra të fortë për një tryezë të tille.
Meta ishte ishte shumë i qartë kur tha se tryeza politike mund të vijë pas ezuarimit të etapave të tjera, grupit të ekspertëve ose Komisioni i Posaçëm Parlamentar për reformën në drejtësi.
Ilir Meta: Folëm për reformën në drejtësi, ecurinë e gjithë punës për të reflektuar sa më shpejt dhe për të përmbyllur draftin përfundimtar në bazë të rekomandimeve të Komisionit të Venecias. Përgëzoj punën e ekspertëve vendas dhe ndërkombëtarë dhe në këtë drejtim vlerësoj dhe përfshirjen e ekspertëve të opozitës dhe do u bëja thirrje të mos bojktojnë për një çështje të caktuar apo disa çështje të caktuara këtë punë kaq të rëndësishme sepse koha nuk pret dhe të përfshihen deri në fund. Çdo mendim alternativ ta diskutojnë në komisionin e përbashkët parlamentar për reformën në drejtësi.
Kryeparlamentari Ilir Meta, përsëriti disa herë ftesën që ekspertët e PD të zënë vendin e tyre krah kolegëve që po rishikojnë draftin që do i dërgohet Venecias, dhe nuk dha një përgjigje direkte kur u pyet nga Ora Neës, nëse Komisionit do t’i dërgohet një dokument pa zërin e opozitës.
Ilir Meta: Do bëjmë çdo përpjekje për konsensus dhe konsensusi arrihet duke u ulur bashkë dhe jo duke larguar nga tavolina
Me këtë deklaratë kryeparlamentari përcolli qëndrimin e unfikuar në takimin koordinues PS-LSI, sëbashku me kryeministrin Edi Rama, ministrin e Drejtësisë Ylli Manjani, kreun e komisionit të Posaçëm për reformën në drejtësi Fatmir Xhafaj dhe krerët e grupeve parlamentare Ruçi e Vesili.
Kryeministri Edi Rama, u largua më herët nga takimi, për t’iu drejtuar insitucionit të Presidencës, në një takim që nisi në orën 11.50 dhe zgjati afro 2 orë. Burimet konfirmuan se ishte kryeministrit Edi Rama që kishte kërkuar takimin, por nga biseda nuk dihen detaje.
Deklarata e Metës me gazetarest pas takimit me Ramen
Besoj se është bërë punë e jashtëzakonshme gjatë më shumë se një viti. Mbetet ende punë për tu bërë. Jemi fatlum sepse kemi një platformë të përbashkët që janë fryma e rekomandimeve të Komisionit të Venecias për të cilën të gjithë aktorët janë shprehur pozitivisht. Na mbetet të vazhdojmë të përfshirë deri në fund në këtë proces që ta përmbyllim me sukses.
Pyetja: Sa vlerë ka ky draft pa ekspertët e PD?
Ilir Meta: “Ekspertët e PD kanë bërë një punë për tu përshëndetur. Kanë qenë të përfshirë në gjithë rishikimin e draftit. Na vjen keq dhe gjej rast tu kërkoj dhe një herë të rikthehen në tryezë e ekspertëve vendas dhe ndërkombëtarë dhe të mos vetëpërjashtohen për një çështje apo disa çështje të caktuara. Të ruajmë këtë frymë bashkëpunimi dhe në fund patjetër do të shkohet drejt komisionit të posaçëm parlamentar për këtë reformë ku të gjithë do të kenë mundësi të shprehin opinionet e tyre.
Edhe një herë vlerësoj punën që është bërë dhe ftoj ekspertët e opozitës të vijojnë të mbeten të përfshirë në këtë proces dhe çdo mendim alternativ do e diskutojmë në fazën e dytë.
Pyetje: A do të dërgohet drafti pa mendimin e PD-së. Venecia ka kërkuar një draft konsensual?
Meta: Nuk dëshiroj të hyj në teknikalitete që nuk më takojnë mua. Ta përfundojmë draftin e rishikuar dhe natyrisht më pas do ecim dhe drejt procesit politik e parlamentar i domosdoshëm për të finalizuar këto ndryshime. Nuk bëhet fjalë për tiu larguar tryezave të tjera politike por ekspertët e opozitës t’i kthehen tryezës së ekspertëve vendas dhe ndërkombëtar. Do bëjmë çdo përpjekje për konsensus dhe konsensusi arrihet duke u ulur bashkë dhe jo duke larguar nga tavolina.
Vasili: Konsensusi e bën procesin të besueshëm te qytetarët/
Kryetari i grupit parlamentar të Lëvizjes Socialiste për Integrim, Petrit Vasisli, deklaroi pasditën e së premtes gjatë një intervistë televizive se konsensualiteti politik dhe gjithëpërfshirja në proces, do ta bënte më të besueshëm tek qytetarët produktin e reformës në drejtësi.
Në vijimësi të qëndrimit konstant të LSI-së, që opozita të jetë pjesë aktive e procesit të kësaj reforme. Vasili përsëriti se rifillimi i komunikimit mes palëve, është rruga e duhur për ta çuar përpara atë.
“Të mos jemi pro dhe kundër ndaj një procesi që na bashkon të gjithëve. Përderisa reforma në drejtësi është një shqetësim madhor që përfshin gjithë qytetarët pavarësisht për kë votojnë, atëherë domosdoshmërisht edhe politika duhet të bashkëveprojë në këtë proces”, tha ai.
Për Vasilin, është pozitiv fakti që ekziston fryma kosntruktive brenda procesit, kontributi i partnerëve ndërkombëtarë si dhe moskontestimi ekspertëve të të dyja palëve.
Gjithashtu me shumë rëndësi tha ai, është vënia në dispozicionin tonë e Komisonit të Venecias, ndaj tani politika duhet të luajë rolin e saj për ta futur debatin në rrugën e produktivitetit.
Kosovë-Qeveria nis vitin 2016 me plan pune të miratuar
Foto Gazeta Dielli – Behlul Jashari: Qeveria e Kosovës në mbledhjen e parë të vitit 2016, në 8 janar/
-Rritja e pensioneve, vendimi i parë i qeverisë së Kosovës në vitin 2016/
-Komision për njohjen e stazhit të punës në vitet e 90-ta në institucionet e Republikës së Kosovës të Kushtetutës së 7 Shtatorit 1990/
-Qeveria e Kosovës rimbledhjet sot edhe në orën 15:30, për herë të dytë ditën e sotme, kur nga ora 00:09 mbajti mledhjen e parë në 2016-të, të 68-tën që nga zgjedhja në Kuvend në 9 dhjetor 2014/
Nga Behlul Jashari/ PRISHTINË, 8 Janar 2016/ Qeveria e Republikës së Kosovës nisi vitin 2016 me rritje pensionesh, me plan pune të miratuar në fundvitin 2015, njofton nga mbledhja korrespondenti i gazetes Dielli.
Rritja e pensioneve të kontributdhënësve, në pajtim me Ligjin për skemat pensionale të financuara nga shteti, ishte vendimi i parë i qeverisë së Kosovës në vitin e ri 2016, në mbledhjen e mbajtur sot paradite, ku u paralajmërua edhe formimi i një komisioni për njohjen e stazhit të punës në vitet e 90-ta në institucionet e Republikës së Kosovës të Kushtetutës së 7 Shtatorit 1990, në rrethanat e okupimit, në lëvizjen për liri e pavarësi.
Qeveria e Republikës së Kosovës rimbledhjet sot edhe në orën 15:30, për herë të dytë ditën e sotme, kur nga ora 00:09 mbajti mledhjen e parë në 2016-të, të 68-tën që nga zgjedhja në Kuvend në 9 dhjetor 2014.
Kryeministri Isa Mustafa, në mbledhjen e parë për këtë vit, kërkoi nga ministrat dinamizim të punës së qeverisë, sidomos në Strategjinë e Zhvillimit Ekonomik, plotësimin e plotë të rekomandimeve të fundit që kanë mbetur lidhur me liberalizimin e vizave, çështjen e implementimit të Marrëveshjes për Stabilizim Asociim, si dhe për përgatitjet për ligjin për pagat.
Sipas vendimit të sotëm të qeverisë për rritjen e pensioneve të kontributdhënësve, në pajtim me Ligjin për skemat pensionale të financuara nga shteti, çdo pensionisti i cili ka 15 vjet përvojë pune në mënyrë automatike do t’i njihet përvoja shtesë e punës prej 25 vitesh. Kjo nënkupton që pagesa e pensionit kontributiv i cili është sot 140 euro të ngritët në 158 euro si bazë fillestare për kalkulimin e kontributeve apo kualifikimeve tjera.
Kryeministri Mustafa tha se ky është një vendim shumë i rëndësishëm, sepse praktikisht po ju njihet përvoja e plotë e punës të gjithë atyre që kanë pasur 15 vjet përvojë pune si kusht për ta fituar statusin e pensionistëve kontributdhënës.
“Në mungesë të dokumentacionit të kompletuar për këtë pjesën tjetër të përvojës qoftë gjatë okupimit, qoftë gjatë luftës dhe me këtë po arrinë baza e pensionit kontributdhënës në 158 euro. Mbi këtë 158 euro mbetet që pastaj të hartohen dhe të qartësohen kriteret nga komisioni lidhur me efektet që do t’i ketë kualifikimi në pensionet kontributdhënëse”, tha kryeministri Mustafa, duke bërë të ditur se efektet e këtij vendimi më pas do të jenë në përputhje me nivelin e shkollimit dhe kualifikimeve.
Kryeministri Mustafa tha po ashtu se afati që kjo të përfundohet është deri në fund të shkurtit me kusht që shtesën tjetër për pensione ta marrin nga 1 janari i këtij viti.
Lidhur me çështjen që hapi në mbledhjen e sotme të qeverisë ministrja Edita Tahiri që ka të bëjë me zgjidhjen e çështjes së punonjësve të cilët kanë punuar në institucionet e Kosovës në kohën e okupimit, kryeministri Mustafa tha se mbetet çështje në të cilën duhet të punohet, duhet të përcaktohen kritere dhe të gjithë atyre pastaj që kanë punuar në atë periudhë dhe kanë kontribuar t’ju njihet ajo përvojë e punës, dhe që në kritere të përcaktohet se në çfarë forme do të identifikohet ajo përvojë dhe do të dëshmohet përvoja e tillë.
Kabineti qeveritar miratoi edhe konkluzionet e dala nga takimi i Këshillit të Ministrave për Reformën e Administratës Publike.
Po ashtu, në mbledhjen e sotme të qeverisë u mor vendimi për themelimin e Grupit Negociator për përkrahje Buxhetore lidhur me Reformën e Administratës Publike.
Qeveria e Republikës së Kosovës, e udhëhequr nga kryeministri Isa Mustafa, zhvilloi sot mbledhjen e 68-të, të parën në vitin 2016, të cilin e nisi me plan pune të miratuar.
Plani vjetor i punës së qeverisë së Kosovës për vitin 2016, i miratuar në mbledhjen e fundit të 2015-tës, në 30 dhjetor, është koordinuar dhe përgatitur nga Zyra e Kryeministrit në bashkëpunim me Ministrinë e Financave dhe Ministrinë e Integrimit Evropian, pas pranimit të propozimeve fillestare nga të gjitha ministritë.
Plani vjetor i punës përmban 5 prioritete strategjike të qeverisë, objektivat sektoriale dhe planet e ministrive, përfshirë dokumentet strategjike dhe programin legjislativ për 2016-tën.
Në mbledhjen e miratimit u theksua se, plani i punës për 2016-ën është instrumenti kryesor i cili shërben për zbatimin e prioriteteve dhe të politikave të përcaktuara në programin e punës së qeverisë së Kosovës dhe njëkohësisht edhe mekanizmi institucional vjetor i cili shërben për të zbatuar në praktikë planin katër vjeçar të qeverisë 2015-2018, i cili buron nga programi i saj politik.
Po ashtu, Plani vjetor i punës së qeverisë për 2016-tën është në përputhje me objektivat dhe synimet e përcaktuara në dokumentin e programit qeverisës, duke nisur nga prioritetet e vendosura edhe dokumentet tjera të rëndësishme të qeverisë së Kosovës si Strategjia kombëtare për zhvillim 2015-2020, programi i reformave ekonomike etj, drejt integrimit evropian.
Qeveria e Kosovës, me kryeministër Isa Mustafën, e koalicionit të dy partive më të madha PDK e LDK, ku përfshihen edhe minoritetet, ka më shumë se një vit që nga zgjedhja në 9 dhjetor 2014, në Kuvendin kosovar të konstituuar një ditë më parë, gjashtë muaj pas zgjedhjeve të parakohëshme parlamentare të 8 qershorit.
Ndërsa, për nesër në Prishtinë, opozita kosovare ka paralajmëruar protestë. “Nesër në ora 14:00, do të mblidhemi tek Biblioteka Kombëtare, për të nisur kështu protestën për shtet me sovranitet dhe kundër Qeverisë antikushtetuese”, deklaruan sot Lëvizja Vetëvendosje, Aleanca për Ardhmërinë e Kosovës dhe Nisma për Kosovën.
Herën e kaluar, në 28 nëntor, në manifestimin e opozitës në Prishtinë sipas vlerësimeve të saj ishin 35 mijë pjesëmarrës. Manifestimi ishte ftuar nga opozita në kundërshtim të katër marrëveshjeve të 25 gushtit me Serbinë, veçmas asaj për asociacionin e komunave me shumicë serbe në Kosovë, si dhe kundër marrëveshjes për demarkacionin e kufirit me Malin e Zi.
KOSOVË-KRYEMINISTRI MUSTAFA NJOFTON PENSIONISTËT ME VENDIMIN E QEVERISË PËR RRITJEN E PENSIONEVE
PRISHTINË, 8 Janar 2016/ Kryeministri i Republikës së Kosovës, Isa Mustafa, i shoqëruar nga ministri i Punës dhe Mirëqenies Sociale, Arban Abrashi, priti në takim drejtuesit e Lidhjes së Pensionistëve të Kosovës, të kryesuar nga kryetari Shaban Kajtazi. Ky takim vjen menjëherë pas vendimit të sotëm të qeverisë për rritjen e pensioneve të kontributdhënësve.
Kryeministri Mustafa i ka njoftuar pensionistët për vendimin e marrë nga qeveria e Kosovës për rritjen e pensioneve bazë të kontributdhënësve nga 140 në 158 euro, duke e konsideruar këtë si një vendim shumë të rëndësishëm që merret në fillim të këtij viti.
Kryeministri Mustafa po ashtu shprehu mirënjohjen e qeverisë së Kosovës për kontributin e madh që pensionistët kanë dhënë për Kosovën, duke shprehur përkrahjen e mëtejshme të Qeverisë së Kosovës për të gjithë pensionistët kosovarë.
Pas takimit, ministri i Punës dhe Mirëqenies Sociale, Arban Abrashi dhe kryetari i Lidhjes së Pensionistëve të Kosovës, Shaban Kajtazi, mbajtën konferencë për gazetarë.
“Sot kemi marrë një vendim i cili përcakton bazën dhe njeh përvojën e punës pas 15 viteve punë, ashtu siç e përcakton ligji, dhe krijohet baza e re e pensionit kontributdhënëse e cila është 158 euro. Mbi këtë bazë do të bëhen kalkulimet e tjera të nevojshme për kategorizimin e mëtutjeshëm të bazuar në kualifikimet shkollore të cilat do t’i sjellin pensionistët kontributdhënës”, tha ministri Abrashi.
Kryetari i Lidhjes së Pensionistëve të Kosovës, Shaban Kajtazi, në emër të pensionistëve falënderoi kryeministrin Mustafa, ministrin Abrashi dhe qeverinë në përgjithësi, për përpjekjet e tyre që pensionistët kontributpagues njëherë e përgjithmonë t’i realizojnë të drejtat e tyre. “Ligji për skemat pensionale është miratuar dhe ka hyrë në fuqi më 20 qershor 2014, por që erdhi deri te 1 janari i vitit 2016 i cili do të aplikohet. Ligji dhe udhëzimi administrativ i parasheh kategorizimin. Ne arritëm një marrëveshje me Kryeministrin dhe Ministrin që të fillohet me 158 euro bazë, ndërsa pjesa tjetër, diferenca për kategorizim të paguhet sipas kategorive, koeficientëve dhe ato kurdo që të mbërrijnë dokumentet në Ministri, realizimi i kompensimit të bëhet nga 1 janari. Ka edhe shumë çështje të tjera që do t’i bisedojmë, siç është çështja e përvojës së punës, çështja e kompensimeve të marra nga Serbia, por edhe çështje tjera që bashkë me Ministrinë duhet t’i realizojmë për këto kategori”, tha kryetari i Lidhjes së Pensionistëve të Kosovës./b.j/
KRYEPESHKOPI JANULLATOS DHE MESHA E MUNGUAR PER ÇAMERINE
Heshtja e Kryepeshkop Anastasit për meshën e lutjes dhe faljes së genocidit grek të kryer në Çamëri/
Nga Arben Llalla
Me rastin e festave të fundvitit, të cilat ua uroj të gjithë shqiptarëve dhe vëllezërve të mij ortodoksë, në një letër të hapur, kërkoja nga Kryepeshkopi i Shqipërisë, Anastasios Janullatos, si hierark ortodoks, Primat i shqiptarëve, por edhe klerik i ardhur nga Greqia, që të mund të ndiqte shembuj të ngjashëm të Kishës Katolike dhe të Kishave të tjera Ortodokse. Kërkesa ime ishte nëse kryebariu i ortodokseve shqiptare mund të mbante një meshë përkujtimore për çamët ortodoksë të vrarë gjatë dëbimit nga Greqia, ku të kërkonte falje për genocidin e ideuar dhe ekzekutuar barbarisht nga shteti grek, në bashkëpunim me hierarkinë e lartë kishtare, mitropolitë dhe kryepeshkopë, emrat e të cilëve i përmendëm në letrën e hapur që i dërgonim me rastin e festave të fundvitit.
Sigurisht që unë nuk akuzova gjithë popullin grek dhe as gjithë kishën greke për përgjegjësi në këto masakra, por disa burra shteti dhe disa drejtues të lartë të Kishës Autoqefale të Greqisë, të cilët nuk mund të fshihen pas institucioneve dhe të mos mbajnë përgjegjësi historike për fajet e kryera, genocidin mbi popullsinë shqiptare në Çamëri. Dhe siç ndodh sot në botën e qytetëruar, burrat e shteteve apo të kishave, pasardhës të titullarëve që tashmë nuk jetojnë më, pasi bëhen të ndërgjegjshëm dhe pranojnë fajet e kryera prej paraardhësve të tyre, kërkojnë falje publike dhe bëjnë ç‘është e mundur që plagët e së kaluarës që ndajnë popujt, të shërohen dhe njerëzit të shohin drejt së ardhmes. Por kjo nuk bëhet duke e mohuar të kaluarën, apo duke bërë sikur nuk i dëgjon ata që vendosin me fakte dhe dokumente individë para përgjegjësisë e që kërkojnë botërisht kërkimin e faljes, duke filluar pikërisht nga personi që ka deklaruar gjithmonë se është faktor bashkimi apo urë pajtimi mes popujve tanë. Në këtë rast, në mënyrë të përsëritur ka theksuar hirësia e tij, Anastasi. Të themi të drejtën, e prisja dhe nuk u zhgënjeva aspak nga heshtja absolute që pasoi letrën time, madje këtë herë, as nuk u munduan njerëzit që merren me PR-in e KOASH-it, të bënin ndonjë deklaratë kundër meje, që hyj atje ku s’më takon sipas tyre me argumentin klasik: Kush nuk është ortodoks, duhet të heshtë. A thua se Kisha Autoqefale Ortodokse e Shqipërisë jeton e izoluar në ishull dhe nuk është pasuri shpirtërore kombëtare e gjithë shqiptarëve!?
Kryepeshkop Anastasi nuk kishte rrugëdalje që të pranonte thirrjen time dhe të kërkonte falje, sepse ai do të kryqëzohej nga shteti grek, i cili për 25 vjet i financon aktivitetin “mrekullibërës” në Shqipëri. Kjo do të thoshte që ai duhet të dilte kundër atdheut të tij, nëse pranonte botërisht krimet e kryera kundër popullsisë çame. Nga ana tjetër refuzimi publik i kërkesës sime, do ta vinte me shpatulla pas murit, pasi faktori shqiptar do të reagonte ashpër kundër tij, siç reagoi kur refuzoi kërkesat e familjarëve dhe shoqatave çame për mbajtjen e lutjeve të përshpirtjeve për shqiptarët e vrarë. Kështu, ai bëri atë që di të bëjë më mirë, diplomatin në vend të peshkopit kurajoz, që përpara interesave kombëtare të atdheut të tij, Greqisë, duhet të vinte interesat shpirtërore të shqiptarëve që bariton, por këtë gjë, Janullatosi nuk e bën dot kurrë, se nuk është në lartësinë e burrave kishtarë që dikur zbukuronin krishtërimin, të cilët s’e kishin për gjë të përplaseshin me perandorët për interesat e Kishës, sot Primati i shqiptarëve, iu bindet më tepër urdhërave të pushtetarëve tokësorë se sa Zotit.
Pyetja ime këtë herë për kryepeshkopin Anastasios është: Se çfarë e lidh Kryepeshkop Anastasin me grekët që janë dënuar si bashkëpunëtorë të italianëve dhe gjermanëve gjatë viteve 1941-1944, dhe çirren prej kaq vitesh se janë patriotët e flaktë të Greqisë? Çfarë e lidh Anastas Janullatosin me njerëzit që kanë projektuar aneksimin e një pjesë të Greqisë duke shpallur Autonominë nga ajo?
VELLEZERIT DUKA, TE AKUZUAR PER TERRORIZEM, KERKOJNE GJYKIM TE RI
Rasti i vëllezërve Duka “Fort Dix Pesë” për të kërkuar gjykim të ri, në një dëgjim të rrallë në SHBA/
Mbështetësit Duka jashtë gjykatës federale në Camden – kërkuan lirimin e tre vëllezërve shqiptarë Dritan, Shain dhe Eljvir Duka , nga Dibra e Madhe, të cilët u dënuan në vitin 2008, për pjesën e tyre në një komplot të dyshuar për të kryer ( por në fakt, që nuk u krye asnjëher ) mbi një bazë ushtarake New Jersey.
Nga Beqir SINA – New York/
CAMDEN, N.J:- Tre vëllezër shqiptarë të besimit muasliman nga Dibra e Madhe në SHBA, të përfshirë në çështjen e famshme “Fort Dix 5“ do të merrnin këtē fillim viti (6 janar 2016), një seancë të rrallë në gjykatën federale të mërkurën, shkruan shtypi amerikan.
Vëllezërit Dritan, Shain dhe Eljvir Duka, u dënuan në vitin 2008, për pjesën e tyre në një komplot të dyshuar për të kryer ( pro në fakt që nuk u krye asnjëher ) mbi një bazë ushtarake New Jersey.
Si gazetar i specializuar për këto çështje , gazetari amerikan Cherri Gregg, tregon se ata janë duke shpresuar për të marrë një gjykim të ri.
Ai thotë, se; “Dritan, Shain dhe Eljvir Duka janë tre vëllezër shqiptar të dënuar me jetë për një komplot të dyshuar për të vrarë personelin ushtarak amerikane në Fort Dix.
Tre muslimanët shqiptarë, shtonë ai u bënë objekt i një hetimi 16-mujor pasi një “informator” i cili infiltroi brenda grupit të tyre, dorzoi një video një agjenti të FBI … ku pretendohej për të futur në kurthin e tyre, tre vëllezërit Duka.
Mbas një gjykimi federal “Atyre u dhanë burgim të përjetshëm për një komplot që në thelb ata thanë se nuk e dinë gjë në lidhje me, atë komplotë” tha Lynne Jackson, i cili drejton Project Salam KYW Newsradio.
Grupi i të pestëve mes tyre tre vëllezërit Duka, jan mbajtur për një javë jashtë gjykatës federale në Camden që nga nëntori, thanë të njëjtat burime .
Ata u paraqiten para gjykatës federale në Camden të mërkurën në mëngjes( 6 janar 2016) para se vëllezërit Duka, të paraqesin rastin e tyre para një gjyqtari, duke pretenduar se avokatët e tyre janë detyruar që ata të heqin dorë të dëshmojnë në mbrojtje të tyre, thotë gazetari amerikan Cherri Gregg, i cili ka ndjekur nga afër çështjen e vëllezërve Duka.
“Ne besojmë se ata janë të pafajshëm dhe ne me të vërtetë shpresojmë se ata mund të vijnë në shtëpi,” tha Lynne Jackson, i cili drejton Project Salam KYW në Newsradio.
Jackson, gjithashtu thotë se përkrahësit e vëllezërve Duka nga i gjithë vendi do të marrën pjesë në seancat dëgjimore, në vijim për të kërkuar lirimin e tyre.
Kurse, për dënimin për terrorizëm në SHBA, të tre vëllezërve shqiptarë Duka, Dritan, Shain dhe Eljvir Duka nga Dibra e Madhe në SHBA, shkruan shtypi amerikan se ata kan deklaruar se: “Avokati, i tyre nuk i lejoi të dëshmonin”
Këtë dekleratë, e ka bërë simbas shtypit amerikan duket se e ka bëre një nga tre vëllezërit shqiptarë të dënuar me burgim të përjetshëm për komplot vrasjeje të ushtarëve amerikanë në ish-bazën e Fort Diksit, i cili thuhet të ketë thënë para gjykatës, të mërkurën ( 6 janar 2016) se nuk u lejua të dëshmonte në gjyqin për terrorizëm në vitin 2008.
Dritan “Toni” Duka, shkruan shtypi amerikan deklaroi të mërkurën para gjykatës federale në Camden se avokati i tij mendoi se ai do të trajtohej si ekstremist mysliman, ndaj nuk e përgatiti për të dëshmuar.
“Nuk duhet të ketë rëndësi ajo çka besoj unë. Rëndësi duhet të ketë nëse unë jam apo jo i përfshirë në atë për çka më akuzon qeveria”, ka deklaruar Duka.
Ai po dëshmon në një seancë pas dënimit teksa edhe dy vëllezërit e tij deklarojnë se iu mohua e drejta për të dëshmuar. Avokati i tyre në procesin e 2008-s, Majkëll Huf, i mohoi këto pretendime.
Vëllezërit Dritan, Eljvir dhe Shain Duka e kanë humbur apelin.
Ndërkohë, dhjetëra mbështetës të mërkurën më 6 janar 2016 – ishin mbledhur jashtë gjykatës së Kamdenit, në shtetin e Nju Xhersit duke kërkuar lirimin e tyre.
- « Previous Page
- 1
- …
- 65
- 66
- 67
- 68
- 69
- …
- 87
- Next Page »