Archives for July 2016

A është Largimi i Lad Kostës kërkesë nga grekët?

July 12, 2016 by dgreca

Kosta shpreh mllefin e tij ndaj PDIU-së, shqiptarëve nga Çamëria…/

Opinion Nga Arben LLALLA/

Pas kaq kohësh qaramane, më në fund deputeti i Përmetit, Vladimir Kosta doli me dëshirën e tij nga grupi i deputetëve të PS-së me një letër të hapur. Në letrën që me aq mund shkroi Vladimir Kosta shpreh mllefin e tij ndaj kryeministrit Rama, PDIU-së, shqiptarëve nga Çamëria, si dhe ndaj egjyptasve, të cilët i fyen me shprehje raciste.

Deputeti Kosta nuk doli rastësisht në këto kohë. Ai kishte mundësi të largohej kohë më parë, por tani i erdhi urdhëri, meqë duhen shtuar votat kundë reformës në drejtësi. Kjo gjë vërehet qartë në letrën e tij të hapur ku ai shpreh përçmimin për shqiptarët e Çamërisë, kurse si kurrë më parë qysh pas vrasjes së Mehmet Shehut kemi një politikan që përdor urrejtjen raciste ndaj egjyptasve.

Deputeti Kosta, jo rastësisht e qorton kryeministrin Rama për marrëveshjen me PDIU-në, të cilën ai me keqdashje e identifikon me çamët. Ky është faj me vetëdije qysh në konceptin tij për këtë parti kombëtare, ku bëjnë pjesë shqiptarë nga të gjitha trevat dhe besimet fetare.

Vladimir Kosta me profesion shofer kamioni, që kulmin e karrierës e qëlloi si shofer i Mitros, nuk e përmend LSI-në, me të cilën Berisha qeverisi nga 2009-2013. Përse i shpëton këtij fakti Kosta, vllehu i Grabovës, i ardhur nga Zhupa?

Po kështu, ai thotë se i ka paguar 110 mijë euro atij “jevgut” të Beratit. Pyetja është cili biznes garanton kaq para të thata? Do të dëshiroja ta dija këtë udhë, sepse janë para që do më hynin në punë për botimet e librave rreth historisë së shqiptarëve të Greqisë?

Një tjetër pyetje është se Vladimir Kosta kujt pakice kulturore i përket?

Tash Lad Kosta, të them drejtë dhe hapët, pa ndroje: Shkoni dhe uluni tek prehri i Vangjel Dules, sepse ka disa muaj që e keni biseduar këtë gjë, ju lidh edhe origjina vllehe, merrni dhe Blushin t’ju tregoj udhën për tek SFEVA e Sebastiano Vllehut. Nuk jeni treguar aq të kujdsshëm që t’i mbani këto takime të fshehta, se fundja kulmin e arsimimit e ke arrirë tek kursi i shoferit, tek të mësonin si ndërrohet goma e zisit.

Jam në pritje nga ju të më tregoni se si mund t’i bëj edhe unë 110 mijë euro, ashtu siç i keni patur ju dikur? Mos na shisni moral, sepse duket sheshit që i përkisni një kategorie të ulët shoqërore, të përlyer në çorbën e fëlliqur.

Por, për diçka të drejtë keni që të jeni i plot mëri dhe urrejtje, si e pranoni vetë në letrën tuaj, të shkruar plot me gabime dhe një shqipe të çalë. Edi Rama është fajtori që shkon e bën deputet të Përmetit, të vëllezërve Frashëri, një gjysëm analfabet e copë gdhëje si ty.

Letra e Hapur e Vladimir Kostës:Kryeministri Rama.. .siç e njoh unë

July 12, 2016 by dgreca

Akuza e Vladimir Kostës për Edi Ramën: Dal nga grupi i PS, je i pazoti dhe mosmirënjohës (Letër e hapur)/

Letër e Hapur/

Drejtuar : Kryeministrit dhe Kryetarit të Partisë Socialiste, Z. Edi Rama.

Per Dijeni: Anëtareve të Grupit Parlamentar të Partisë Socialiste të Shqipërisë.

Përshëndetje Kryeministër,

E vlerësoj faktin që më kishit marrë në telefon sot tre herë dhe më kishit dërguar një sms ku shprehnit interesimin tuaj për shëndetin tim, por njëkohësisht më shqetëson fakti përse ky interesim nga ana juaj pikërisht tani pas tre vjetësh refuzimesh të më dëgjonit e të më respektonit për atë që isha dhe për atë që bëja.

Kam investuar mund, djersë dhe para për Partinë Socialiste Berat, Poliçan në 2009, Për një kërkesë tënden i pagova 110 mijë euro televizionit të atij jevgut të Beratit . Ma kërkove me ngulm në një kafene të Beratit, po s’e kujtove pyet Tikun. Preka gjithë fshatrat e Përmetit,në 2013, 4 muaj fshat më fshat. Një kërkesë të bëra që mos e vër Gilin se nuk fiton, mos ma bëj këtë të keqe, të thashë, por ti as që e çave kokën fare! Përkundrazi dëgjove ata kalamajtë që mban rreth e rrotull, të servilosen e të gënjejnë gjithë ditën. E kujtoni besoj si të thoshte Ben Ahmetaj: Kryeministër, fitojmë me 400 vota! Më çove në Dropull dhe më ngarkove të punoj për PBDNJ-shin. Unë çdo punë e marr me pasion. Anastas Angjeli më tha: mos e mer me kaq vrull se po tall bythën me ty KM-ja!! Dhe kjo ishte e vërtetë. Kur u takuam te karburanti i Bert Targës më thotë Vangjel Tavo: thuaji Ramës … dhe unë të thirra 2-3 here kryeministër, kryeministër! Ti as që begenise të ngrije kokën. Nuk ju kujtohet? Ishim vetem dy metër përballë, njëri tjetrit. Mire që ja fale bashkinë PD-së, por më nxore dhe si koqe, pa asnjë vlerë para Tavos!

Nuk më ke njohur kurrë kontributin gjatë punës time në Partinë Socialiste dhe kjo për arsye banale, nga që isha në sherr me beniaminin tënd AHMETAJ !sigurisht do mbash anën e tij…. Gjithmonë je treguar mosmirënjohës, nënvleftësues e i pasjellshëm ndaj meje. Për këtë gjë ka ndikuar mjaftueshëm te ju duke hedhur helmin ndaj meje ai ” pesha pupël”, Arben Ahmetaj. Kjo ka të bëjë me faktin se sa i pazoti je të vlerësosh ata që punojnë për ty.

Përkundrazi, po vlerësohen përditë e më shumë të fortët e drogës, po vlerësohen e mbështeten vetëm një grusht klientësh të ministrave dhe të qeverisë tende. (Nganjëherë kur dëgjoja nga ju që flet me superlativa për Tërmet Peçin,për kte të kavajës ,për të gjithë të fortët që ngre në piedestal, i thoja vetes t’ia fus edhe unë një vizë që të më vlerësojë kryetari im !!!? Mir që nga ajo e bardha nuk gjeta,po nuk gjeta as Ashash!!,, fati i keq imi….! ) E degjenerove rolin e deputetit, sa më vjen të pështirë ta mendoj se jam deputeti i partisë tënde! Kam çuar shumë e-mail e sms në adresën tënde dhe ju nuk u kujtuat asnjëherë të merrnit në konsideratë shqetësimet e mia, përkundrazi jam i bindur se gjithçka pas leximit e ke kaluar në mëndjen tënde; ç’na çau k…n ky LOQA ! Nuk të kam kërkuar asgjë për veten dhe nuk do të kërkoj më absolutisht asgjë. Turp, turp që ndave pushtetin me çamët! Je mosmirënjohës ndaj të tuve! Çamët i kishim kundërshtarë e krah për krah me Berishën në 2013. Një ditë të bukur i pamë në pushtet me nje marrëveshje të fshehtë të bërë nga ti pa asnjë konsultim e diskutim me deputetët e Partisë Socialiste. E kishe vendosur ti me dhjetë ministra të tutë. Pse, ti me ata dhjetë ministrat e fituat pushtetin? Apo me QIFEN?! U ke dhënë Çamëve gjithë atë pushtet, ndërsa socialistët që fituan zgjedhjet rrinë si trapa rrugëve të Shqipërisë dhe ne budallenj me duar prapa para tyre, kur ata na kërkojnë një vend pune!!!!? Po ç’të them unë ti ndjen neveri për ne , vaj halli për militantët e bazës… Je mosmirënjohës ndaj të tuve!

Bëra një urë në Vllaho Psiotera. Ftova miqtë e mi dhe hodhën 31 milion lekë të vjetra nga xhepi i tyre sepse ishte jeta e atyre fshatarëve tek ajo urë. Falë kësaj pune ne e fillojmë garën elektorale me 250 vota plus në atë fshat, i cili më mban si perëndi për këtë hall që ju zgjidhëm.

Më pas të kam kërkuar një urë po kaq të rëndësishme në një fshat tjetër por ti asnjëherë nuk më mbështete, mendon se e kam për xhepin tim! E premtova në zgjedhje se kështu e pashë të arsyeshme, sepse bëhej fjalë për fitoren tënde. Dhe shuma që kërkon kjo vepër është modeste. Asnjëherë nuk mu përgjigje. Po po, ti ke këtë gjeneratën e re të ministrave e drejtorëve që na shohin si kundërshtarë. Janë arrogantë e mendjemëdhenj! Jane gjithë pordhë. E hoqën nga puna, një mbështetës timin, që s’kishte lidhje hiç me paratë apo terrenin. Ishte në zyrën juridike, te tatimet.

Mbeti pas meje i shkreti në fushatë. E hoqi shoqja e Saimirit, drejtoresha e tatimeve me porosi të Ben Ahmetajt. E hoqën djalin e Veliut nga puna pa asnjë arsye por vetëm nga mllefi i të kaluarës ndaj meje, hakmerren njerëzit e qeverisë tënde ndaj një nevojtari socialist nga provinca për të nxjerrë kunj me mua, deputetin e partisë tënde. Kam shumë gjëra për të shkruar, por nuk dua të mërzis veten më shumë, prandaj jam tërhequr ngaqë dua të harroj poshtërsitë e pafundme të stafit tënd. Një mallkim të fuqishëm ju a kam kaluar ty dhe ekipit tënd të ministrave e drejtorëve që më keni bërë të vuaj kaq shumë dhe padrejtësisht!

Sa urrejtje kam që po të shkruaj! Por mos harro se po kaq kanë dhe deputetët e tjerë ndaj teje.

Mendoja në atë fillim se ishe shumë i zoti,

Por për sa po të njoh je një ndër llapistët më të mirë në botë ,! Po ja që jam i paaftë të bëhesha pjesë e ndonjë mashtruesi tënd….

Ti e bazove punën tënde dhe drejtimin e partisë tek 10 ministra dhe disa zyrtarë të tutë të besuar dhe nuk e ke problem të nxjerrësh jashtë loje deputetët, ti fyesh e mërzitësh, ti poshtërosh e mashtroshë sipas qejfit tënd! Që në ardhjen time si deputet ju kam kërkuar të kem autoritetin dhe respektin e duhur.

Ka dhe më shumë arsye të tjera të cilat ju i dini më mirë se unë dhe që më bëjnë të vuaj tej mase duke e denigruar vazhdimisht figurën fisnike të deputetit.

Për këto arsye ju bëj me dije se nga ky moment, largohem njëherë e përgjithmonë nga ky grup parlamentar qe drejtoni ju zoti Rama. Respekt për deputetët e ndershëm! Respekt për socjalistët e ndershëm! Po dal përfundimisht nga grupi yt parlamentar, që në mandatin tjetër të mos e kem më në krye atë talenten e tatimeve që keni zgjedhur ju zoti Rama. Besoj qe kjo qe po bej une do jete nje ndihme dhe çlirim per shume deputete te tjere. Do të vazhdoj tu shërbej si deputet zgjedhësve të qarkut Gjirokaster dhe socialistëve të gjithë Shqiperisë.

KUJTESË

Me që nesër bën festën e partisë , Ard Çelën e bëre anëtar asambleje dhe i takon të jetë se fton zyra por mos të dalë nga mendja të ftosh Gëëëëëzimin e KASHTËS….

Vladimir Kosta

KUJTESE- KOSOVA-LUFTA NË LAJME: 12 korrik 1998

July 12, 2016 by dgreca

Foto Gazeta DIELLI-Behlul Jashari: Fotografi të ekspozuara në Shtëpinë e Pavarësisë Dr. Ibrahim Rugova, në Prishtinë: UÇK dhe hyrja e NATO-s në Kosovë/

KOSOVA-LUFTA NË LAJME: 12 korrik 1998/

PRISHTINË, 12 Korrik 2016-Gazeta DIELLI-Behlul JASHARI/ Para 18 vitesh, në 12 korrik 1998, raportoja se diplomatë amerikanë e britanikë kishin mbërritur në Prishtinë dhe ishin takuar me Presidentin e Republikës Ibrahim Rugova e përfaqësues të partive politike shqiptare, se lufime të ashpëra po zhvilloheshin në shumë rajone të Kosovës dhe se ushtarë të armatës jugosllave dezertonin nga fronti i luftimeve dhe i dorëzoheshin Ushtrisë Çlirimtare të Kosovës.

http://www.hri.org/news/balkans/ata/1998/98-07-12.ata.html

[01] U.S. and British diplomats in Prishtine

PRISHTINE, July 11 /ATA correspondent Behlul Jashari reports:

The President of the Republic of Kosova, Ibrahim Rugova, on Friday met in separate meetings with U.S. ambassador on Skopje Christopher Hill, who is meditating between Prishtine and Belgrade to resolve the Kosova issue, and the British ambassador in Belgrade, Bryan Donnell.

They discussed the latest developments and the necessary steps to create the preliminary conditions to resolve the Kosova issue through negotiations.

Donnell also met with academician Rexhep Qosja, head of the Albanian Democratic Movement and with representatives from the Kosova Parliamentary party. /la/mima/lm/

Albanian Telegraphic Agency

[05] Fighting on Kosova-Albanian border belt

PRISHTINE, July 12/ATA correspondent Behlul Jashari reports:

Fierce fighting continued in Kosova also over the last 24 hours, on the Kosova-Albania border belt, in Rrafshi i Dukagjinit, Kline, Drenice, near the coal mine in Mardh i Madh in Rafshi i Kosoves and around the “Trepca” mine of lead, zinc, gold and silver in Stanterg, in Shale e Bajgores.

The Serbian forces on Saturday night bombarded for nearly three hours the village of Strelle i Eperm, near Decan, in an attack against the defensive positions of the inhabitants and of the Kosova Liberation Army (KLA).

Sources available from the spot say that seven were wounded on the Albanian side and at least five policemen were killed and several others injured on the Serbian side.

Serbian sources reported today that two Serbian policemen were killed in the suburbs of Decan, while Albanian sources report on fire exchanges along to main road of Gjakova-Peja.

Albanian sources also report that two Albanians were killed and three others wounded in yesterday’s fighting in Loxhe e Raushiq, near Peja.

Yugoslav army and Serbian police forces on Saturday grenaded the villages of Mazhiq, Bare, Vidishiq and Bajgore e Shales.

According to reports from the spot, three KLA members were injured and three Yugoslav soldiers were killed and several others wounded in the fierce fighting.

The Albanian population, children, women and old people have been displaced from the Mazhiq village and partly from the miners’ quarter in Stanterg.

On Saturday evening Serbian armed paramilitary and civilian gangs torched all the houses of Albanians in Frasher and opened fire in the direction of the villages of Pantine and Okrashtice of the commune of Vushtrise. /fh/mima/lm/

Albanian Telegraphic Agency

[06] KLA hands over to humanitarian organisations three deserters of the Yugoslav army

PRISHTINE, July 12 /ATA correspondent Behlul Jashari reports:

The Kosova Liberation Army (KLA) on Saturday handed over to foreign humanitarian organisations three soldiers of the Yugoslav army who had deserted long ago, according to the Kosova Information Centre (KIC).

The soldiers are of Montenegrin nationality and of Moslem belief.

Several other members of the Yugoslav army are reported to be in the hands of the KLA.

According to KIC, the number of the deserters among the Serbian forces is large and is increasing with each passing day. /fh/mima/lm/

Demarkacioni i kufirit Kosovë-Mal i Zi: Të qartësohen dilemat…

July 12, 2016 by dgreca

Instituti Demokratik i Kosovës-KDI: Të qartësohen dilemat rreth Marrëveshjes për shënjimin e vijës kufitare ndërmjet Kosovës dhe Malit të Zi/

-Thirrja e kryetarit të Grupit Parlamentar të AAK-së, Pal Lekaj drejtuar deputetëve të Kuvendit të Kosovës që të mos e përkrahin e ratifikojnë këtë formë të demarkacionit me Malin e Zi/

PRISHTINË, 12 Korrik 2016-Gazeta DIELLI/ Të qartësohen dilemat rreth Marrëveshjes për shënjimin e vijës kufitare ndërmjet Kosovës dhe Malit të Zi para se të procedohet për miratim, kërkon Instituti Demokratik i Kosovës.

Komunikata e KDI e sapodërguar sot thekson se, tashmë kur po bëhet gati një vit që nga koha e nënshkrimit të marrëveshjes për shënjimin e vijës kufitare ndërmjet Kosovës dhe Malit të Zi, nevoja për një debat të hapur parlamentar lidhur me këtë çështje të hapur është e domosdoshme.
Shënjimi i kufijve të Kosovës është i rëndësishëm për të ardhmen politike të saj, si dhe për rritjen e nivelit të sigurisë në tërësi. Për më tepër, rëndësia për përmbyllje sa më të shpejtë të kësaj marrëveshje është rritur me vendosjen si kriter për procesin e liberalizimit të vizave për Kosovën, nga ana e Komisionit Evropian.

Pretendimet për gabime të mundshme nga Komisioni shtetëror për shënjimin e kufirit me Malin e Zi, si nga qytetarët e zonës ashtu edhe ekspertë të kësaj fushe, kanë prodhuar kundërshtime nga subjektet politike opozitare, e që janë përcjellë me veprime jo parlamentare. Për pasojë, Kuvendi nuk është tërësisht funksional, gjë që po ndikon direkt edhe në mungesë të efikasitetit të institucioneve tjera shtetërore.
Kuvendi si institucioni më i lartë përfaqësues dhe ligjvënës në vend, është i obliguar të mbajë qeverinë të përgjegjshme dhe llogaridhënëse por edhe të adresojë shqetësimet e qytetarëve dhe t’u ofrojë atyre zgjidhje. Përkundër që ky proces kërkon zgjidhje të shpejtë, kjo nuk përbën arsye të ndërmerren vendime të ngutshme që janë të pakthyeshme.

Nisma e deputetit Shpejtim Bulliqi, e përkrahur tashmë nga 20 deputetë për një ballafaqim ndërmjet Komisionit shtetëror me ekspertë të kësaj fushe meriton vëmendjen e udhëheqësve institucional dhe përbën një mundësi reale për një debat të mirëfilltë.

Në anën tjetër, shfaqja e gatishmërisë së subjekteve opozitare për t’u kthyer në Kuvend për të diskutuar çështjen e demarkacionit dhe për të hequr dorë nga veprimet me mjete jo parlamentare, është situatë e re politike e cila duhet të merret seriozisht nga qeveria edhe koalicioni qeveritar. KDI beson që sfidat mund të tejkalohen nëse ato debatohen dhe adresohen bashkërisht dhe vetëm në interes të shtetit dhe qytetarëve.

KDI kërkon nga Kuvendi dhe Qeveria që të mbështesin dhe inkurajojnë debatin parlamentar, organizmin e dëgjimeve publik apo formave tjera të ballafaqimit të argumenteve për demarkacionin para se të procedohet në Kuvend për ratifikim. Kjo do të siguronte një transparencë më të madhe të procesit dhe do t’i kontribuonte përmbylljes së kësaj çështje përmes një dialogu gjithëpërfshirës dhe një konsensusi të gjerë shoqëror. Në këtë kontekst, KDI pret nga deputetët, subjektet politike në Kuvend dhe Qeveria, pjekuri dhe gatishmëri për të marrë përgjegjësitë dhe për të respektuar obligimet kushtetuese dhe shtetërore./b.j/

THIRRJA E KRYETARIT TË GRUPIT PARLAMENTAR TË AAK-së, PAL LEKAJ DREJTUAR DEPUTETËVE TË KUVENDIT TË KOSOVËS QË TË MOS E PËRKRAHIN E RATIFIKOJNË KËTË FORMË TË DEMARKACIONIT ME MALIN E ZI

Nga Grupi Parlamentar i AAK u dërgua sot thirrja e kryetarit të Grupit, Pal Lekaj drejtuar deputetëve të Kuvendit të Kosovës:Të nderuar kolegë deputetë, ajo çka është interes kombëtar as që do të duhej të negociohet.

Në fillim koalicioni u arsyetua, se janë bashkuar për të mirën e Kosovës, por doli se u bë thjeshtë për interesa personale…e ato po ju ndryshojnë çdo ditë…nëse është ndryshe, të na tregojnë një vendim e nënshkrim, në të mirë t’Kosovës.

Kolegë deputetë, gjykoni drejt, për hirë të interesave Kombëtare, lërini anash interesat e politikës ditore.

Mos tentoni të mbani pushtetin duke ju përshtatur të tjerëve, por bëjeni këtë duke qenë në anën e popullit dhe territorit të vendit, për çka edhe jeni betuar.

Nëse mendoni se duke e ratifikuar një marrëveshje të dëmshme për vendin, do të qëndroni gjatë në pushtet, ndoshta në kuptimin politik edhe keni të drejtë, por natyra i ka rregullat e saj, e kur s’do të jeni më as në kolltukët e pushtetit e as në këtë jetë…gjeneratat do t’u gjykojnë për tradhtarë, me të drejtë.

Ratifikimi i marrëveshjes për demarkacion, do të jetë më shumë se gabim do të jetë krim. Çdo vendim në favor të saj, vetëm sa do ta përkeqësojë rrezikun për diçka edhe më keq.

Kolegë deputetë, logjika e ftohtë e politikës, kërkon që politikanët edhe pasurinë ta sakrifikojnë për të mbrojtur interesat kombëtare, ju po veproni në të kundërt.

Mos na i vërtetoni dyshimet tona, se ju nuk mund te funksiononi ndryshe pos mbi mashtrimin, dhunën dhe thyerjen e premtimeve. Na tregoni se keni edhe virtyte të mira.

Bëjeni njëherë në jetën tuaj për Kosovën, atë që keni bërë gjithmonë për veten… pasurone, zhvillone dhe mbrone atë.

E keni rastin, thuani jo Demarkacionit!

Pal Lekaj,

Kryetari i Grupit Parlamentar të AAK-së

Kosovë-Britania e Madhe, partnere e fuqishme evropiane

July 12, 2016 by dgreca

-Në takim me ministrin e Punëve të Jashtme të Kosovës, Enver Hoxhaj, ambasadori i Britanisë së Madhe në Prishtinë, Ruari O’Connell, tha se pavarësisht zhvillimeve të fundit në shtetin e tij, interesi i Britanisë së Madhe ka qenë që të mbështesim shtetet tjera në Evropë, sepse ato janë në një hapësirë evropiane/

PRISHTINË, 12 Korrik 2016-B.Jashari/ Britania e Madhe është partnere e fuqishme evropiane e Kosovës, tha sot ministri i Punëve të Jashtme në qeverinë kosovare, Enver Hoxhaj. Gjatë një takimi me kryediplomatin e Kosovës, ambasadori i Britanisë së Madhe në Prishtinë, Ruari O’Connell, tha se pavarësisht zhvillimeve të fundit në shtetin e tij, interesi i Britanisë së Madhe ka qenë që të mbështesim shtetet tjera në Evropë, sepse ato janë në një hapësirë evropiane.

Ministri Hoxhaj dhe ambasadori O’Connell kanë diskutuar për bashkëpunimin e mëtejmë të të dyja shteteve si dhe për koordinimin e veprimeve për sa i përket shtimit të njohjeve të pavarësisë së Kosovës dhe anëtarësimit në organizata ndërkombëtare.

“Britania e Madhe, ka qenë dhe mbetet një mbështetëse e madhe e Kosovës së pavarur dhe fuqizimit të sovranitetit tonë dhe si një partner i fuqishëm evropian por edhe global, ajo do të ndihmojë në rritjen e numrit të njohjeve të Kosovës si dhe në anëtarësimin në organizatat ndërkombëtare”, theksoi ministri Hoxhaj.Ai bëri të ditur se, në koordinim me partnerët ndërkombëtarë është në angazhime drejt rritjes së numrit të njohjeve.“Unë do të bëj përpjekje maksimale që të rris numrin e njohjeve për shtetin e Kosovës por kjo përpjekje e imja ka një logjikë mbrapa. Unë mendoj që Kosova në të ardhmen duhet të njihet nga 120-130, nuk dua të them që do t’i marrim këtë vit. Kjo me një arsye shumë të thjeshtë, për t’u anëtarësuar në ndonjë organizatë ndërkombëtare duhen 2/3 e votave dhe na duhet një mbështetje e madhe e shteteve që e kanë njohur Kosovën”, është shprehur ministri Hoxhaj.

Ndërsa ka shtuar se rritja e numrit të njohjeve ka të bëj me dimensionin e dytë se si “ne e shohim zgjerimin e sovranitetit përmes anëtarësimit në organizata ndërkombëtare”. Dhe për këtë ka theksuar se,“nuk do të lë gur pa lëvizur që ta rrisim sovranitetin e Kosovës por edhe ta ushtrojmë atë. Kështu që anëtarësimi në organizata pastaj na mundëson ushtrimin e sovranitetit duke kërkuar herë pas herë votë edhe nga shtetet që nuk e kanë njohur pavarësinë e Kosovës”.