Archives for August 2016

SOT KOMUNITETI SHQIPTAR NGUSHELLON FAMILJEN ZHERKA

August 5, 2016 by dgreca

SOT, e Premte me 5 Gusht 2016 nga ora 2.00 pm deri në orën 9.00 pm, Komuniteti shqiptar ne Nju Jork e rrethina, do te ngushelloje Familjen ZHERKA, në Shtëpinë Mortore F.Ruggiero and Sons Funeral Home, që ndodhet në adresën:Ne adresën 732 Yonkers Ave, Yonkers NY 10704/

Të Martën me 2 Gush 2016, pas një sëmundje të gjatë ndërroi jetë në moshën 83 vjecare, veprimtari i Komunitetit shqiptar në Nju Jork, Ahmet Zherka.Ai qe lindur më 20 Shtator 1933 në Malësinë e Gjakovës, në fshatin Zherkë, në Shqipëri.

Komuniteti Shqiptar mund t’i shprehë ngushëllimet familjes dhe miqëve ditën e Premte me 5 Gusht 2016 nga ora 2.00 pm deri në orën 9.00 pm në Shtëpinë Mortore F.Ruggiero and Sons Funeral Home, që ndodhet në adresën:

Ne adresën 732 Yonkers Ave, Yonkers NY 10704

Tel: (914) 375-1400.

Varrimi i të ndjerit do të bëhet ditën e Shtunë me 6 gusht 2016 në varrezën :Ferncliff Cemetery

280 Secor Hartsdale, NY 10530

Kosovë-Revitalizimi i urës në Mitrovicë nisë në 14 gusht

August 5, 2016 by dgreca

-Ministrja për Dialog e qeverisë së Kosovës, Edita Tahiri: negociatat 20 orëshe që u zhvilluan në Bruksel në 2 e 3 gusht 2016 sollën rezultatet dhe Bashkimi Evropian tashmë ka bërë deklaratën zyrtare e cila shpjegon të gjitha hapat praktikë dhe afatet deri në përfundimit e procesit të revitalizimit dhe heqjes së barrikades/

PRISHTINË, 5 Gusht 2016-Gazeta DIELLI-B.Jashari/ Revitalizimi i urës dhe heqja e barrikadës mbi urën e lumit Ibër në Mitrovicë fillon në 14 gusht 2016 dhe këtë proces do ta realizojë Bashkimi Evropian, sapo deklaroi ministrja për Dialog e qeverisë së Republikës së Kosovës, Edita Tahiri.Ajo konfirmon se negociatat 20 orëshe që u zhvilluan në Bruksel në 2 e 3 gusht 2016 sollën rezultatet dhe Bashkimi Evropian tashmë ka bërë deklaratën zyrtare e cila shpjegon të gjitha hapat praktikë dhe afatet deri në përfundimit e procesit të revitalizimit dhe heqjes së barrikadës.

“Më në fund, ura e Mitrovicës do të jetë një urë e lirë bashkuese si në gjithë botën dhe ajo do të shërbejë për lëvizjen e plotë të lirë të njerëzve dhe automjeteve ashtu siç është përcaktuar në marrëveshjen e Brukselit të datës 25 gusht 2015 nënshkruar nga kryeministrat e të dyja shteteve dhe përfaqësuesja e lartë e BE-së, Frederika Mogherini. Heqja e barrikadës dhe hapja e urës për qarkullim të lirë e të plotë do ta bëjë urën sinonim të normalizimit të relacioneve dhe bashkëpunimit në mes të komuniteteve atje, shqiptarëve, serbëve dhe të tjerëve”, shprehet ministrja Tahiri duke shtuar se, më këtë rast qeveria e Kosovës po e përmbush premtimin ndaj qytetarëve të cilët gjithmonë e dëshiruan këtë urë të jetë e lirë.

Ministrja Edita Tahiri falënderon Bashkimin Evropian për angazhimin maksimal për zbatimin e kësaj marrëveshje si dhe thekson se durimi i BE-së ndaj zvarritjes së këtij procesi megjithatë në fund doli me rezultate, poashtu i falënderon gjithë partnerët ndërkombëtarë, SHBA-të, vendet anëtare të BE-së, Gjermaninë, Francën, Italinë, Britaninë, etj, të cilët u angazhuan maksimalisht që kjo marrëveshje të zbatohet në funksion të normalizimit të marrëdhënieve mes të dyja shteteve si dhe në funksion të paqes dhe stabilitetit në rajon. Gjithashtu e falënderon, Policinë e Kosovës, KFOR-in dhe misionin e EULEX-it që gjatë kësaj periudhe të zvarritjes arritën të japin kontribut për ruajtjen e paqes dhe të sigurisë në këtë pjesë të vendit.

Ministrja Tahiri falënderon poashtu edhe grupin shtetëror për marrëveshjen e Brukselit për heqjen e barrikadës të cilët dhanë kontribut të madh në këtë çështje.Ministria për Dialogun bashkangjitur këtij njoftimi e dërgoe edhe komunikatën zyrtare të Bashkimit Evropian në gjuhën angleze e cila së shpejti do të dalë edhe në gjuhën shqipe përkthyer zyrtarisht nga Bashkimi Evropian:

Thaci në Brazil: Rio 2016; Moment historik për Kosovën

August 5, 2016 by dgreca

-Presidenti kosovar, Hashim Thaçi, në prag të hapjes zyrtare të Lojërave Olimpike Verore “Rio 2016”, në Brazil ka marrë pjesë në ceremoninë e ngritjes së flamurit të Republikës së Kosovës/

Rio de Zhaneiro, 5 gusht 2016-Gazeta DIELLI/ Presidenti i Republikës së Kosovës, Hashim Thaçi, në ditën e parë të vizitës së tij në Rio të Brazilit, ka marrë pjesë në ceremoninë e ngritjes së flamurit të Republikës së Kosovës, të organizuar nga Komiteti Olimpik Ndërkombëtar, në prag të hapjes zyrtare të Lojërave Olimpike Verore “Rio 2016”.

“Ngritja e flamurit të Kosovës përkrah flamujve të tjerë botërorë përbën një moment historik për shtetin tonë”, ka vlerësuar presidenti Thaçi.Ai, gjatë ditës, ka takuar edhe tetë sportistë kosovarë, që ditëve në vijim do të marrin pjesë në gara të ndryshme.

Presidenti Thaçi u ka uruar sukses sportistëve nga Kosova, duke thënë se ata tashmë janë kampionë, meqë po përfaqësojnë për herë të parë flamurin dhe simbolet e shtetit të Kosovës në Lojërat Olimpike në Rio.

Me ftesë të Presidentit të Komitetit Olimpik Ndërkombëtar, Thomas Bach, presidenti Thaçi ka marrë pjesë në darkën solemne, ku të pranishëm kanë qenë shumica e krerëve shtetërore të vendeve pjesëmarrëse në Olimpiadë.

Me këtë rast, presidenti Thaçi ka zhvilluar takime kortezie me presidentë të një numri të madh shtetesh që tashmë e kanë njohur pavarësinë e Kosovës, por edhe të atyre që nuk e kanë marrë një vendim të tillë. Gjithashtu, presidenti Thaçi ka takuar Sekretarin e Përgjithshëm të Kombeve të Bashkuara, Ban Ki-moon, të cilin e ka falënderuar për mbështetjen që i ka dhënë Kosovës në vitet e fundit.

Në mbrëmje, presidenti i Republikës së Kosovës, Hashim Thaçi, do të marrë pjesë në ceremoninë solemne të hapjes së Lojërave Olimpike Verore “Rio 2016”, ku do të defilojnë edhe tetë sportistët nga Kosova./b.j/

DITARI I LUFTË NË KOSOVË -5 GUSHT 1997, 98

August 5, 2016 by dgreca

KOSOVA-LUFTA NË LAJME/ 5 gusht 1997: Dy sulme kundër policisë serbe…/

PRISHTINË, 5 Gusht 2016-Gazeta DIELLI-Behlul JASHARI/ Dy sulme kundër Policisë serbe në Kosovën e okupuar – në Skënderaj dhe në Podujevë i kam raportuar para 19 viteve, në 5 gusht 1997. E para 18 viteve, në 5 gusht 1998, kam raportuar për zhvillimet e luftës kundër forcave serbe në Gjakovë…

http://www.hri.org/news/balkans/ata/1997/97-08-05.ata.html

[03] TWO SERBIAN POLICEMEN INJURED IN ATTACKS

PRISHTINE, AUGUST 5 (ATA) – By B. Jashari: Two Serbian policemen were injured in two attacks against the police on Monday night and early on Tuesday in Kosova. Though the suspected are still unknown, the Serbian media considered them “Albanian terrorists.”

Radio Prishtina in the Serbian language said that policemen travelling by car were injured by automatic rifles in the commune of Skenderaj. The same sources said that another police car was attacked on Monday night at about 19.00 p.m. in the commune of Podujeva. None was injured.

Check points were built in Skenderaj and Podujeva under the pretext of chasing “terrorists” and police forces are terrorising Albanians. A tense situation is created in the two communes with police arrested and maltreated people. pta/a

http://www.hri.org/news/balkans/ata/1998/98-08-06.ata.html

[02] Seven Albanians killed in commune of Gjakova

PRISHTINE, Aug 5 – ATA correspondent Behlul Jashari reported that in Gjakova area the Serb forces have killed seven Albanian civilians four old men, 2 old women and a 50-year-old man.

Five persons were also killed on Tuesday in Jabllanice village and one in Krelan. While another was found dead somewhere in the villages of Meje and Madanaj, sources of the Democratic League of Kosova (LDK) said.

Meanwhile the Serb forces continue to terrorize the civilian population and raid and torch houses of Albanians in the border line between Kosova and Albania. Fighting has continued on Wednesday in other areas of Gjakova. The Kosova Liberation Army (KLA) is doing the utmost to defend and help the civil population displaced from shelled and torched villages. la/ak/

Albanian Telegraphic Agency

EDHE NDERKOMBETARET KUNDER SULMIT NE KUVEND

August 5, 2016 by dgreca

Ambasadori i SHBA Delawie: I tronditur nga sulmi në Kuvendin e Kosovës/

Ambasadori i Shteteve të Bashkuara të Amerikës në Kosovë, Greg Delawie, në një postim në Twitter:

I tronditur nga sulmi në Kuvendin e Kosovës. Dhuna dhe gjuha që nxisin dhunën janë të papranueshme në demokraci.

***

Shocked by attack on #Kosovo‘s parliament. Violence and language that fuels violence are unacceptable in democracies.

***

Zyra e BE-së në Kosovë / Përfaqësuesi i Posaçëm i BE-së dënon ashpër sulmin ndaj Kuvendit të Kosovës/

Sot u dërgua edhe kjo deklaratë për Gazetën DIELLI:: “Zyra e BE-së në Kosovë / PPBE dënon ashpër sulmin e mbrëmshëm ndaj Kuvendit të Kosovës. Një sulm ndaj institucionit kryesor të Kosovës është një sulm kundër demokracisë dhe përfaqësuesve të popullit të Kosovës dhe si i tillë është i papranueshëm. I bëjmë thirrje institucioneve të rendit e ligjit që t’i identifikojnë sa më shpejtë autorët dhe t’i sjellin ata para drejtësisë”.