Archives for September 2017

27 Vite-Republikë me Kushtetutë, drejt Referendumit për Pavarësi

September 7, 2017 by dgreca

Kosova para 27 viteve: Republikë me Kushtetutë, drejt Referendumit për Pavarësi/

-Ngjarje të rëndësishme të Kosovës të më shumë se çerek shekulli/

PRISHTINË, 7 Shtator 2017-Behlul Jashari/ Kuvendi i Kosovës para më shumë se çerek shekulli – 27 viteve, në 1990, pas Deklaratës Kushtetuese për Pavarësi të 2 Korrikut, të shpallur në Prishtinë, u rimblodh në qytetin jugor të Kaçanikut në 7 Shtator dhe miratoi Kushtetutën e Kosovës të saposhpallur Republikë, në seancën që u pasua edhe me Referendumin e deklarimit për Kosovën shtet Sovran dhe i pavarur në funshtatorin 1991, të mbajtur me vendimin e Kuvendit, në marrëveshje me subjektet politike kosovare.

Në krye të Kuvendit të Kosovës në atë kohë të vendimeve e ngjarjeve historike ishte Ilaz Ramajli. Ishin këto ngjarje e zhvillime drejt lirisë dhe pavarësisë së Kosovës, gjithnjë në rrethana të rënda të okupimit e shtetrrethimit ushtarako-policor që kishte vendosur Beogradi, kur në mënyrë kundërkushtetuese dhe përgjakshëm me kushtetutën serbe të tankeve u rrënua autonomia që kishte Kosova me Kushtetutën e vitit 1974 element konstituv me të drejtë vetoje i federates së atëherëshme.

“Deklarata Kushtetuese e 2 Korrikut dhe Kushtetuta e Republikës së Kosovës e 7 Shtatorit 1990, jo vetëm që ishin akte kushtetuese juridike, por në kohën kur u nxorën ishin edhe akte mbrojtëse dhe pozicionuese në raport me situatë e krijuar në ish Jugosllavi”, ka theksuar Ramajli në bisedat që kam zhvilluar.

Nga shpërbërja e ish Jugosllavisë, nga elementet konstituive të federatës, mes të cilave ishte edhe Kosova që u bë shtet, shtete të reja të rajonit dolën edhe Sllovenia, Kroacia, Bosnja e Hercegovina, Maqedona, Mali i Zi dhe Serbia.

“Akti i nxjerrjes së Kushtetutës u bë pikërisht në kohën kur më nuk kishte asnjë dyshim se Jugosllavia kishte hyrë në rrugën e pa kthim të shpërbërjes së sajë. Nxjerrja e Kushtetutës dhe shpallja e Republikës së Kosovës nga Kuvendi në 7 Shtator 1990 ishte dhënie e formës kushtetuese juridike të vullnetit të shprehur unanimisht nga shumica dërmuese e qytetarëve të Kosovës, dhe nga subjektet e atëhershme politike në Kosovë”, shprehet Ilaz Ramajli.

Deklarata e Pavarësisë e 2 Korrikut u pasua me Kushtetutën e 7 Shtatorit 1990, Referendumin e 26 deri 30 shtator 1991, në të cilin për Kosovën shtet sovran dhe të pavarur u deklaruan 99,87 për qind e qytetarëve pjesëmarrës masivisht në votim. Në Referendum dolën 914.802 veta – 87,01 për qind e 1.051.357 qytetarëve me të drejtë vote.

Referendumi u pasua me zgjedhjet e para pluraliste, presidenciale e parlamentare, të lëvizjes për liri e pavarësi, të 24 majit 1992. Raportimet e korrespondentit tash edhe të Gazetës DIELLI, me lidhje telexi – e vetmja e mundshme atëherë nga Prishtina në Tiranë, për zgjedhjet e para pluraliste kosovare, shënonin fillimet e korrespondenturës së Agjencisë shtetërore-zyrtare të lajmeve të Shqipërisë-ATSH në Kosovë.

Në 2 Korrik 2015 në ambientet e Kuvendit të Republikës së Kosovës u mbajt seancë solemne dhe u vendos e shkruar në mermer Deklarata Kushtetuese e 2 Korrikut 1990 për pavarësinë e Kosovës, pranë Deklaratës së Pavarësisë të 17 Shkurtit 2008 të Kosovës shtet i njohur deri sot nga 114 shtete anëtare të OKB-së.

Në përkujtim të ngjarjeve historike është shfaqur edhe filmi dokumentar i seancës së Kuvendit të Kosovës të shpalljes së Deklaratës së Pavarësisë në 2 Korrik dhe Kushtetutës së Republikës së Kosovës në 7 Shtator 1990.

Republika e Kosovës me Kushtetutën e vet atëherë nuk u njoh ndërkombëtarisht, por njihej në botë si “shteti paralel i shqiptarëve të Kosovës” për pothuaj një dekadë, ishte dhe njihej si deklarim i fuqishëm i vullnetit kombëtar, politik e demokratik.

Kosova e lirë nga qershori 1999, prej vitit 2001 deri para nëntë viteve, ka pasur një Kornizë Kushtetuese, e miratuar nga OKB-ja, e cila ishte dokument më shumë inicial kushtetues, por ka mundësuar zhvillimin e vendit nga një krijesë de fakto e pavarur, ndonëse nën protektorat, në një entitet shtetëror të pavarur, edhe pse nën mbikëqyrje ndërkombëtare për një kohë.

Kosova para 9 viteve miratoi Kushtetën e Republikës, e cila në nenin 1 e përcakton “shtet i pavarur, sovran, demokratik, unik, dhe i pandashëm”. Ishte viti 2008 kur u miratua nga Kuvendi i Kosovës akti më i lartë juridik i shtetit në 9 prill, më pak se dy maj pas shpalljes së pavarësisë në 17 shkurtin historik, ndërsa ka hyrë në fuqi në 15 qershor.

Atëherë, dekretimi i 41 ligjeve, të dala nga paketa e Propozimit Gjithpërfshirës për Zgjidhjen e Statusit të Kosovës të Kryenegociatorit Ahtisaari – Emisarit Special të OKB-së, ishte një nga zhvillimet më të rëndësishme të ditës së hyrjes në fuqi të Kushtetutës.

Në vitin 2010 ishin dy ngjarje shumë të rëndësishme drejt njohjes së plotë ndërkombëtare të shtetit më të ri evropian: Legjitimimi i pavarësisë nga Gjykata Ndërkombëtare e Drejtësisë më 22 Korrik dhe Rezoluta e 9 Shtatorit e Asamblesë së Përgjithshme të OKB-së, e cila me respekt e merr në konsideratë opinionin e GJND-së.

Zhvillime tjera të rëndësishme brenda nëntë viteve të pavarësisë ishin në 2012-tën, kur Kuvendi, pikërisht para pesë viteve – në 7 shtator, ka miratuar amendamentimin e Kushtetutës së Republikës lidhur me përfundimin e mbikëqyrjes ndërkombëtare të pavarësisë së Kosovës, ndërsa në 10 shtator pasoi vendimi i Grupit Drejtues Ndërkombëtar, i mbledhur në Prishtinë, për përfundimin e mbikëqyrjes ndërkombëtare.

Kuvendi i Kosovës sot mblidhet për vazhdimin e seancës konstituive të pas zgjedhjeve parlamentare të 11 qershorit 2017, të cilat ishin të gjashtat në liri, të tretat në shtetin e pavarur, ndërsa janë mbajtur edhe zgjedhje të tjera – lokale, të cilat në këtë vit zhvillohen në 22 tetor.

VATRANËT NGA SHBA NË SHTËPINË KU U SHTYP DHE U PËRKRAH DEKLARATA E 2 KORRIKUT E KUSHTETUTA E 7 SHTATORIT 1990, U ORGANIZUA REFERENDUMI PËR PAVARËSINË E KOSOVËS I 26-30 SHTATORIT 1991…

Shtëpinë e Pavarësisë së Kosovës Dr. Ibrahim Rugova, këtë shtëpi-muze në kryeqytetin e Kosovës, Prishtinë, e vizitoi në 16 gushtit 2016 delegacioni i Federatës Pan-Shqiptare të Amerikës VATRA, kryesuar nga zv/kryetari Agim Rexhaj, ku ishin edhe Laura Rexhaj, Marjan Cubi – arkëtar i Vatrës, Dila Cubi, Fran Marku, Mhill Gjuraj, Pashk Maksuti, Mëhill Velaj.

Gjatë vizites, së bashku vatranët nga SHBA dhe korrespondenti në Kosovë i Gazetës DIELLI – organ i Vatrës, Behlul Jashari, përkujtonin se, Presidenti historik i Kosovës, Dr. Ibrahim Rugova në përurimin e Shtëpisë-Muzeut të Pavarësisë së Kosovës në 23 dhjetor 2002 theksonte: Në këtë shtëpi u shtyp dhe u përkrah Deklarata e Pavarësisë së Kosovës (e 2 Korrikut 1990), Kushtetuta e Republikës (e 7 Shtatorit 1990) dhe u organizua Referendumi për Pavarësinë e Kosovës më 1991 (26-30 shtator).

Pastaj u nxor dokumenti i tri opcioneve nga të gjitha partitë politike të trojeve shqipare, u organizuan zgjedhjet e para parlamanetare – presidenciale më 1992 (24 maj) dhe aktet e tjera…Kjo shtëpi është shtëpi e Pavarësisë së Kosovës, shtëpi e lirisë, shtëpi e demokracisë, shtëpi e rezistencës së gjithanshme të popullit të Kosovës…

Kuvendi i Kosovës, Rizgjidhet VESELI KRYETAR

September 7, 2017 by dgreca

*Kryeparlamentari Veseli fton për unitet dhe bashkëpunim të klasës politike/

-Vazhdimi i shtatë i seancës konstituive të Kuvendit të Kosovës nuk fillon në orën 11:00, për kur ishte ftuar, shtyhet për në 14:00/

Kadri Veseli rizgjedhet kryetar i Kuvendit të Kosovës/

-Në fjalën e tij, në përfundim të seancës konstituive, kryeparamentari i sapo rizgjedhur Veseli paralajmëroi për të shtunën seancën për zgjedhjen e liderit të AAK Ramush Haradinajt kryeministër dhe qeverisë së Kosovës, e më parë nominimin/

-Dita e sotme e 27 vjetorit të Kushtetutës së Republikës së Kosovës të 7 Shtatorit 1990 u urua në seancën konstituive dhe ishte edhe ditë reflektimi të deputetëve e partive parlamentare drejt dhënies fund humbjes së kohës e vonesave në krijimin e institucioneve shtetërore të Kosovës të zgjedhjeve të para gati 3 muajve/

PRISHTINË, 7 Shtator 2017-Gazeta DIELLI-Behlul Jashari/ Kuvendi i Kosovës në vazhdimin e seancës konstituive sot pasdite u njoftua nga koalicioni fitues i zgjedhjeve PDK-AAK-Nisma se kandidati për për kryeparlamentar është deputeti Kadri Veseli, kryetar i PDK-së.Derisa në sallë ishin 114 deputëtë, pro votuan 62 deputetë , kundër 52, dhe sipas kësaj Veseli u rizgjodh kryetar i Kuvendit të Kosovës.Nënkryetarë u zgjodhën Xhavit Haliti i PDK, Aida Dërguti e VV e Kujtim Shala i LDK, me votim në pako nga 113 deputetë pro.Nënkryetar nga Lista Serbe u propozua Slavko Simic e nga komunitetet tjera pakicë Mybera Shinik, por nuk morën vota të mjaftueshme për t’u zgjedhur, meqë pro votuan më pak se gjysma – 59 deputetë të Kuvendit 120 anëtarësh. Pas kësaj kryesuesi Adem Mikullovci dha pushim që sot të provohet që të votohet përsëri dhe me zgjedhjen e tyre të përmbyllet seanca konstiuive e Kuvendit, e derisa nuk votohen konstituimi mbetet i papërfunduar.Pas pushimit, u votua përsëri dhe me 61 vota u zgjodhën edhe dy nënkryetarët e Kuvendit të Kosovës nga pakicat. Në këtë votim abstenuan 41 deputetë. Në fund kryesuesi Adem Mikullovci përshëndeti të gjithë deputetët e Kuvendit të Kosovës që para 27 viteve votuan Kushtetutën e Republikës së Kosovës.Edhe kryetari i sapozgjedhur i Kuvendit të Kosovës, Kadri Veseli, pasi mori kryesimin e seancës nga Mikullovci fillimisht uroi Ditën e Kushtetutës së vitit 1990 – 7 Shtatorin.Dita e sotme e 7 shtatorit 2017 është dita e 27 vjetorit të Kushtetutës së 7 Shtatorit 1990, me të cilën Kuvendi në seancën në Kaçanik shpallte Kosovën Republikë në vijimësi të Deklaratës Kushtetuese të 2 Korrikut të seancës së mbajtur para dyerve të mbyllura të Kuvendit të Kosovës në Prishtinë në gjendje shtetrrethimi ushtarako-policor që kishte vendosur regjimi serb i Beogradit. Edhe në atë kohë të këtyre dy ngjarjeve historike pjesë e Kuvendit të Kosovës ishte deputeti më i vjetër i zgjedhjeve të 11 qershorit 2017, Adem Mikullovci, i cili kryesoi sancën konstituive dhe ka ftuar vazhdimet e saj.Kjo ditë e 7 shtatorit me konstituimin e Kuvendit ishte edhe ditë reflektimi të deputetëve e partive parlamentare drejt dhënies fund humbjes së kohës e vonesave në krijimin e institucioneve shtetërore të Kosovës të zgjedhjeve të para gati 3 muajve.Në fjalën e tij, në përfundim të seancës konstituive, Veseli paralajmëroi për të shtunën seancën për zgjedhjen e liderit të AAK Ramush Haradinajt kryeministër dhe qeverisë së Kosovës, e më parë nominimin.Vazhdimi i shtatë i seancës konstituive të Kuvendit të Kosovës nuk filloi sot në orën 11:00, për kur u ftua mbrëmë para mesnatës pas marrëveshjeve paszgjedhore të koalicionit fitues të zgjedhjeve të 11 qershorit PDK-AAK-Nisma me AKR-në dhe Listën Serbe, që sipas matematikave sigurojnë së paku 61 vota të Kuvendit 120 anëtarësh për zgjedhjen e kryeparlamentarit dhe qeverisë së re.Shumë deputetë mungojnë në sallë, të koalicionit fitues të zgjedhjeve që ka të drejtën ekskluzive për propozimin e kryeparlamentarit sipas një vendimi të para tre viteve të Gjykatës Kushtetuese të Kosovës, si dhe deputetë të tjerë të partive të marrëveshjeve paszgjedhore.“Po e ndërpres këtë seancë për ta vazhduar në orën 14:00”, tha kryesuesi, deputeti më i vjetër, Adem Mikullovci.“Vazhdimi i seancës konstituive të Kuvendit të Republikës së Kosovës i paraparë të mbahej sot, në orën 11:00, do të fillojë në orën 14:00”, thuhej në njoftimin zyrtar dërguar nga Kuvendi.“Zgjedhja e Kryetarit të Kuvendit dhe e nënkryetarëve të Kuvendit”, ishte pika e vetme e axhendës së vazhdimit të seancës, që do niste në orën 11:00, sipas njoftimit zyrtar dërguar nga Kuvendi mbrëmë vonë pas orës 23:00.Para nisjes së seancës konstituive të Kuvendit të Kosovës një nga përfaqësuesit e Listës Serbe që ka 9 deputetë deklaroi se për çdo vendim do të zhvillojnë konsultime me Beogradin.Një nga 4 deputetët e AKR, Korab Sejdiu, ka dhënë dorëheqje për të kaluar si i pavarur si reagim kundër largimit të partisë nga koalicioni parazgjedhor me LDK e hyrjes në koalicion paszgjedhor me PDK, e me hyrjen në qeveri të kryetarit Bahgjet Pacolli partia e tij mbetet me vetëm 2 vota në Kuvend, pasi atë e zëvendëson një deputet i LDK sipas renditjes që përcakton numri i votave në listën e rezultateve të zgjedhjeve të certifikuar nga KQZ.Lëvizja për Bashkim, pjesë e koalicionit parazgjedhor me PDK, në një deklaratë para vazhdimit sot të seancës ka propozuar qeveri gjithëpërfshirëse ose zgjedhje të reja.

Kryeparlamentari Veseli fton për unitet dhe bashkëpunim të klasës politike/

-Veseli ka thënë se do të përpiqet që zyra e kryetarit të Kuvendit të pasqyrojë vullnetin e qytetarëve për unitet kombëtar, për bashkëpunim dhe mirëkuptim mes forcave politike parlamentare/

PRISHTINË, 7 Shtator 2017-Gazeta DIELLI-B.Jashari/ Kryetari i sapo zgjedhur për herë të dytë në krye të Kuvendit të Kosovës, Kadri Veseli, ka ftuar klasën politike kosovare për unitet dhe bashkëpunim në zgjidhjen e problemeve qenësore për të përmirësuar jetesën e qytetarëve të Kosovës.Veseli ka thënë se do të përpiqet që zyra e kryetarit të Kuvendit të pasqyrojë vullnetin e qytetarëve për unitet kombëtar, për bashkëpunim dhe mirëkuptim mes forcave politike parlamentare.

“Së bashku mund dhe duhet ta kthejmë Kuvendin e Kosovës nga vend inatesh personale në vend bashkëpunimi; nga shesh akuzash në forum idesh e ligjesh për zhvillimin e vendit. Nuk kemi kohë për të humbur. Duhet të orientohemi në çështje të interesit strategjik të vendit, forcimin e shtetit, rikthimin e madh të besimit qytetar në institucione dhe përmirësimin e cilësisë së jetës së qytetarit tone”, ka thënë Veseli.

Çështjet që kanë rënduar situatën politike në dy vitet e fundit, sipas Veselit, nuk janë tema që mund t’i zgjidhë vetëm një parti politike, sepse ato janë çështje shtetërore që lidhen drejtpërdrejtë me të ardhmen sovrane dhe multietnike të Kosovës dhe jetën e qytetarëve.

“Sa më shumë vonohemi, humb Kosova. Sa më shumë konfliktohemi, vetëm sa ndjellim vetizolimin dhe mos zhvillimin tonë. Kemi shumë miq në botë, por kemi edhe skeptikë dhe kundërshtarë të shtetit tonë. Është obligim i kësaj gjenerate të mbyllë çështje të hapura; është mençuri të largohemi nga kohëra dhe momente që mund të vejnë dilema në shtetin tonë dhe të ardhmen e fëmijëve të Kosovës”, ka thënë Veseli në fjalimin e tij pas zgjedhjes kryetar i Kuvendit.

Veseli i ka ftuar të gjitha partitë parlamentare që t’i harmonizojnë qëndrimet në 5 çështje jetike për progresin e Kosovës.

“1. Të kemi qëndrim unik për implementim të reformave që mundësojnë zhvillim ekonomik dhe punësim, 2. Të kemi qëndrim unik në implementimin e reformave në arsim dhe shëndetësi. 3. Të kemi qëndrim unik për krijimin e Ushtrisë së Kosovës. 4. Të kemi qëndrim unik në implementimin e kritereve për liberalizimin e vizave. 5. Të kemi qëndrim unik për agjendën tonë të integrimit euroatlantik dhe për dialogun me shtetin fqinj, Serbinë”, ka thënë Veseli.

Ai ka shtuar se secili deputet është i domosdoshëm për krijimin e unitetit, sepse sipas tij, secili përfaqëson një pjesë të vullnetit të qytetarëve.

“Konsensusi është i mundur dhe i domosdoshëm sepse qëllimi që na bashkon është fuqizimi i shtetit të Kosovës. Ne duhet ta bëjmë këtë. Jemi të obliguar ta bëjmë. Për hir të qytetarëve të vendit tonë, të fëmijëve tanë dhe kombit tonë. Na priftë e mbara”, ka thënë kryeparlamentari Veseli.

Why Serbia must recognize Kosovo’s independence

September 7, 2017 by dgreca

Lack of progress has a negative impact in both states/

1 David L. Phillips

By David L. Phillips/

Brussels insists Serbia normalize relations with Kosovo before it can join the European Union (EU). So far 114 countries have recognized Kosovo’s independence. However, Serbia campaigns against Kosovo’s efforts to gain greater global recognition. It also supports parallel private structures in North Kosovo, which undermine Kosovo’s sovereignty and foment unrest among Kosovo Serbs. The Kosovo-Serbia conundrum can be solved with more effective international mediation. Diplomacy works best when Europe and the United States work together.

Recent statements by Serbian President Aleksandar Vucic give rise to optimism. He called on the Serbian nation to “stop burying its head in sand” on the issue of Kosovo, and start “an internal dialogue.” He told Serbs “to be realistic.”

A grand bargain may be in the works. While normalization starts by addressing many bilateral issues, it all comes down to Serbia’s recognition of Kosovo’s independence. Recognition would lead to Kosovo’s membership in the United Nations. Kosovo and Serbia would negotiate the EU’s membership criteria, ultimately entering the EU at the same time.

A framework for negotiations already exits. The Kosovo-Serbia dialogue was launched by the EU in 2011. Kosovo and Serbia finalized agreements on technical issues such as freedom of movement, integrated border management, and license plates. However, implementation has been uneven. The 2013 Brussels Agreement affirmed a “European future” for Kosovo and Serbia. At best, there is patchy progress on the political track.

Existing agreements must be enforced. The EU should suspend its mediation if either side stonewalls its commitments. An official EU Monitoring Mechanism would report to member states via the Political Security Committee of the EU Council.

The EU should condition funds provided to Kosovo and Serbia through its Instrument for Pre-Accession Assistance Program. “No progress, no chapters” would be the guiding principle, linking progress in the Kosovo-Serbia dialogue to Serbia’s EU aspirations.

Mediators need an end game to their diplomacy. The Nobel Peace Prize recipient, Martti Ahtisaari, who served as U.N.special envoy from 2005 to 2008, knew the outcome of his efforts before taking the job. Today’s mediators need strategic and moral clarity.

A new format could galvanize negotiations. The EU should appoint an international heavyweight as special envoy. Wolfgang Schauble, Germany’s finance minister, has clout and negotiating experience. He would be formidable in this role. Given her overall experience and work in the Balkans as U.S. secretary of State, Condoleezza Rice would be ideal as the U.S. special representative.

Dialogue cannot be open-ended. Mediators should set a deadline of 18 months. The clock would start ticking when the dialogue is upgraded and relaunched.

The people of Kosovo and Serbia must be kept informed. The Kosovo and Serbia delegations could include a “unity team,” comprised of major political parties and civil society representatives.

A deal won’t be easy. There is a plethora of bilateral issues to be addressed. There are up 1,500 missing persons from the war. A Regional Commission for Facts about War Crimes could help assuage the families of victims. An estimated $1.5 billion in Kosovo pension funds and a $600,000 privatization fund were seized by Serbia. In turn, Serbia wants to recover the value of its investments in Kosovo. A compensation plan is needed. Kosovo needs a comprehensive plan to integrate Kosovo Serbs, while providing local autonomy to enhance minority rights.

The United States has an interest in brokering a deal between Kosovo and Serbia. Kosovo is on the front line of Russia’s new cold war with the West. Moscow has been transferring sophisticated weapons to Serbia, including MIG-29 fighter aircraft, T-72 battle tanks, and BUK surface-to-air missiles. In December, a Russian-made train emblazoned with the message “Kosovo is Serbian” in 20 languages was stopped by Kosovo authorities at the border. The ensuing war of words almost spiraled into a violent confrontation.

Lack of progress has a negative impact in both Kosovo and Serbia. Failure to fully integrate into the international system undermines Kosovo’s economy, which suffers from 30 percent unemployment and even higher youth unemployment. Lack of economic development has fueled an underground economy. Criminality, corruption and cronyism are widespread in the region.

Denial of visa liberalization for Kosovo citizens has made them disillusioned with the West. Islamism is on the rise. Scores of Kosovo Albanians joined the Islamic State in Iraq and Syria. With financing from Turkey, the biggest mosque in the Balkans is planned for Pristina, Kosovo’s capital.

Serbia is stigmatized by its genocidal practices during the 1990s. It remains a borderline failed state, caught between its dark history, European aspirations and Russia’s nefarious influence. Absent economic reforms, Serbia has become a hub for organized crime and all sorts of trafficking. North Kosovo is run by a criminal gang under Belgrade’s control. A mutually symbiotic relationship exists between gangs in North Kosovo and their mafia counterparts in Serbia and the region.

Serbia wants to gain EU membership as soon as it normalizes relations with Kosovo. Would Euro-Atlantic integration solve Serbia’s problems with Kosovo? Can Serbia deliver Russia’s agreement for Kosovo to join the U.N.? Would Serbiablock Kosovo’s EU membership once it becomes an EU member? Globalists in the Trump administration can achieve a foreign policy success by engaging in the Kosovo-Serbia dialogue. An agreement between Kosovo and Serbia would stabilize a strategically important region in Europe, reaffirm the importance of trans-Atlantic cooperation, and underline Washington’s indispensable diplomatic role.

• David L. Phillips is director of the Program on Peace-building and Rights at Columbia University’s Institute for the Study of Human Rights. He is the author of “Liberating Kosovo: Coercive Diplomacy and U.S. Intervention” (MIT Press, 2012).

ME KEPUCE TE GRISURA NE FINLANDE DHE….LETRAT ANONIME

September 7, 2017 by dgreca

CIPI- Sapo isha grumbulluar në atë pranverë me kombëtaren, kur nga qyteti i Vlorës drejt KQ, kishin vërshuar qindra letra anonime. Përse të vejë në kombëtare djali i kulakut?/

Dosjer nga sporti nga Gezim LLojdia*/

Në vitet ’80,në qytetin detar emri i skuadrës së “Flamurtarit” të Vlorës ka qënë më i përmenduri.Kristalizohen dy arsye.Suksesi që kjo skuadër shqiptare arriti në skenat e futbollit europianë.E dyta:pabesia me të cilën rregjimtarët goditën pjestarët e saj.Është një qytet dëshmitarë.Dhe ende i pazbuluar qëllimi.Në horizontin e skuadrave të Europës,Barcelona edhe sot është një ndër ekipet potenciale të sportit europianë..Me yje të njohur,por të shuar përpara,një ekipi të panjohur të një qyteti bregdetar në arenat e sportit europianë.20 vite më vonë protagondistët e saj,mbeten në librin e kohës me kujtime të thyera nga vitet.Ftohtësia e akullt si e Antrakditës e rregjimit karshi sportistëve të një ekipi fukarenjësh,që rrëzoi në gjumë, ekipin e miliarderëve të Barcelonës.Kreshnik Cipi ,sportisti që dhimbshën e lanë të presi,nga realiteti i robëruar i kohës,sjell ca faktë vërtete tronditëse aty nga viti 2000.

LIBËR I HAPUR
Stoperi i “Flamurtarit” dhe i kombëtares shqiptare nga vitet ‘75-80, Kreshnik Çipi, ka lindur në 15 shkurt 1958. Ai është rritur në lagjen me traditë të Vlorës, Muradije. Në këtë lagje, – tregon Çipi, – një pasion i dehte fëmijët. Ky ishte futbolli. Muradija e bë e njohur kur nga shtëpitë e saj të vogla dolën dhjetra talente, që kapën majat e sportit. Aty në Muradije e mësoi artin e futbollit V. Ruçi, edhe portieri Musta aty mësoi të fshehtat e portës.
Lagjia e panjohur e sportisteve.

ZBULIMI

Nëpër Muradije me një biçikletë kalonte vazhdimisht një njeri i madh i sportit. Ishte Feredun Bejkosala, mësues fiskulture. Ngado që shkonte ai kthehej aty në Muradije dhe vrojtonte djemte e lagjes. Një ditë kur pushuan shirat e stinës F. Bejkosala ndaloi biçikletën dhe më tha: Do vish në futboll. Këtu dëgjova ofertën e parë. Zemra ngriu. Ai i patundur në fjalët e tij, vijoi të nesërmen duke thënë se duhej të veja, se ky lloj sporti është art më vete. Nuk është i thjesht ti biesh fushës cep më cep. Ka bukurinë, shëmtinë, madhështinë, rënien e tij. Pranova duke u futur ëmbëlsisht kësaj magjije, përfundimisht në një lloj spartakiade midis qyteteve të vendit. Me shpirtin të lodhur atëherë mundem Dinamon, Korçën, Fierin. Po fituam vetëm një kupë qelqi, që s’kishte asgjë për zili. Aty për herë të parë bëmë edhe refrenin e një këngë, që e futi Skënder Ibrahimi: Ne jemi më të fortë, ne do të fitojmë.

PEMA E FAMILJES CIPI
.Askush nuk do të mendonte se Çipajt do të fomonin një traditë në sportin vlonjat. Dy dajo, i pari Xhevat Llupa, dhe Luan Llupa, pë ka bërë burg politik bënë emër. Me një këmbëngulje vëllai i madh Vilson Çipi, matematicien, ka luajtur në volejboll me Vlorën. Bashkëshortja, Natasha Çipi është regjistruar si sportistja e Vlorës dhe e kombëtares në volejboll. Në vitin ’92, në moshën 32 vjeç, unë ja dorëzova fanelën, nipit, djalit të Vilsonit, Geri Çipit, që ka luajtur me “Gent” të Belgjikës dhe në Gjermani me disa ekipe,mbrojtësi më i fortë i kombëtares. Çipi ishte mbrojtësi rebel, që “bllokoi” Oliver Bierhovin në Bay Arena të Leverkusenit. Arnold Çipi është nipi tjetër, djali i Vilsonit i vogli, lojtar. Pema e familjes zbret me një radhë sprotishtësh. Janë degë të shpërthyera nga trungu bazë.Endrra nën qerpikë.

VITET E PARA
Kur F. Bejkosala dhe S. Elmazi kërkuan një mbrojtës në krahun e majtë me ekipin e të rinjëve, ndonëse isha 15 vjeç, nuk do ti fshija dot lotët. Një sezon e gjysëm do ta mbyllja me këtë ekip. Në mes të dimrit, janari i vitit 1975 kalova në ekipin e madh të “Flamurtarit”. Ishte ky ekip me një mbrojtje shtatlartësh. Kur shkova në pozicionin e ëndërruar të jetës time, që nuk m’u nda për 15 vjet vrejta se shtatëlartësia e saj krijonte një kordon lastresh. Ekipi i viteve ’75 kjo ëndërr e largët aso kohe përbëhej nga V. Radhima, B. Nelaj, K. Shakaj, N. Saraçi, A. Ahmeti, G. Troqe, M. Zeqiri. Sulimi ishte kanonës. Mexhit Haxhiu, Sh. Zilja, S. Curri. Hyra në ekip me P. Rucin. Vendi i “Flamurtarit” megjithë vëmendjen nga kreu i tabelës, përfundonte aty nga vendi 5-6. Rreth e rrotull këtyre vendeve vërtitej “Flamurtari” për vite të tëra. Maje tifozëria e qtytetit nga tribuna C thërrisnin: Bëje fole, atje ku je se të erdhi “ujku”. D.m.th., qëndro aty tek vendi, 5-6 se vinte “ujku” Tirana, Dinamo. Ndeshja e parë me Dinamon. Ishte vjeshtë, 2 ose 3 tetor ’75. Ky ekip i fort ishte me një sulm arrogante me Pernaskën, Zërin, Ballgjinin. Ky i fundit ishte “preja” ime.Libër i kohës.

PËRTBALL SHUSTERIT,BUTRAGENJOS,BONJEKUT
Aty rreth viteve ’80, “Dinamo” gjëndej ngushtë për një mbrojtje të fortë, kundër “Ajaks”. Sulmues të saj ishin Tahamata, Anderse, Lerbi. Kur shkuan në Hollandë në stadiumin e saj gjetëm Krojfin e madh, që qeveriste Vanbasten, Bosman, Rajkard. Me ekipin kombëtar në Austri përballë kisha Prohaskën. Ishte mospërfillës, shtatëlartë. Ishte lojtar që gjente “gjuhën” me Shaknerin, Pecei, Konsilja , Robertsaren. Si e kam mbajtur më kanë pyetur, me mundim. Në ’86 me kombëtaren kisha për karshi “hipnozën” Bonjek. Ishte frikë të ruaja me forcë sulmuesin e Juventusit. Ai ishte energjik dhe çorientues i madh. Sulmin e mbështeste te pabesia. Në ’92 në Spanjë përballë kisha “magjistarin” të brishtin, e flokëkuqin, Butragenjo. Me Micell, Sanciz, Guardiola, Butragenjo ishte fluturues. Ishte dinak, ngase tiparet e tij shprehinin fshehtësinë e hijes së tij. Mbrojtësit nganjëherë i linte kushedi sa metra larg. Kurse me Barcelonën e madhe, ekipin e Evropës, mateshin të barabartë. Linekeri i kombëtares angleze dhe Hjuxhi i ishullit ishin të vështirë për t’i ruajtur. Në ’86 Barcelona erdhi me Shusterin e tmerrshëm, që kishte hedhur tej portierët e Evropës.Ora e qartësisë.

NJË FITORE 8 USD,BARCELONA 15000.

Sapo kishte rënë muzgu në stadiumin e Beogradit. Katanec një lojtar, sot trajner i Sllovenisë e pamë me sy të trishtuar duke qarë. Përkthyesit i thanë ngushëllime, fundja kjo ndeshje ishte. Por ai na tha, është i dëshpëruar se humbi 8000 USD. Në Barcelonë, mësuam një kuriozitet. Dikush aty na tha, ju luftoni për një mëngjez, aq vlen 8 USD. Kurse barcelonasit për çdo ndeshje shpërbleheshin me 15000 USD. Qyteti i Barcelonës në terr, ndriçohej nga drit.at Qemë duke u kthyer nga aeroporti në hotel. Rrapo Taho e “Provokon” komisarin, që na shoqëronte në çdo ndeshje jashtë vendit. Ku i gjejnë gjithë këto drita o shoku komisar. Lëri Rrapo janë reklama. Taho ja kthente: “E o shoku komisar reklama janë, fshati që duket nuk do kallauz. Komisarët e partisë që na shoqëronin jashtë shtetit, para se të largoheshin na mbysinin me porosi. Mos merrni këtë, as këtë, as atë. Kurse vet nuk harronin të merrnin lugët dhe pirujntë e avionit.Rrugëtim ne vise me fjorde të magjishëm.

NË FINLANDË ME KËPUCË TË GRISURA.

Finlanda ky vend i fjordeve te magjishem, për ne shqiptarët, që vinim nga një vend i varfër ishte një parajsë. Në qytetin Helsinki kemi çaste të hidhura. Përfaqësuesi i kombëtares shqitare ishte me këpucë të grisura. Për të mos e mësuar arbitri jam vonuar në dhomat e zhveshjesh. Por në vitin 1980, me austriakët ishte krejt ndryshe. Ata nuk e tresnin dot regjimin tonë. Duke e dalluar që larg vafërinë tonë gazetat e këtij vendi shkruanin: “Erdhën shqiptarët me trastat në duar”.Mengjeze fundvjeshte.
MË NDIHMOI DJALI I KADRI HAZBIUT,AGRONI

Unë dhe motra gjimnazin e mbyllëm me 10-ta. Për arsye biografike nuk na dhanë arsimin e lartë. Shkaqet ishin, gjyshi Nusreti dhe dy dajat të dënuara me burg politik. Ndjehesha po aq i dëshpëruar, 18 vjeç lojtar i kombëtares. Bëja çdo vit lutje me shpresë, megjithëse çdo javë fitoja anketën e gazetarëve dhe trajnerëve. Isha në rrugën e dyzimit, mes dëshirës së thellë dhe rrugës pa kthim. Imiri, Agron Dauti, futbollist i “Dinamos”, që ishte vlonjat, më rregulloi letrat të shkoja me “Dinamon” më pas me kombëtaren. Në ’76 nuk u thirra asnjëherë në “Shpresa”, isha fitues çdo javë. Në ’82 më largojnë nga kombëtarja. Nuk më dhanë as shkollën. Shkova tek kryetari i degës Llambi Peçini. Kush janë arsyet, që më përplasin andej këndej, siç zhvillohej lufta e klasave. Ti nuk e di kush je, tha, dajat e t’u janë armiq të partisë.

LETRAT ANONIME
Psherëtinin buzë. Ndërkohë vajtjet dhe largimet e mia në kombëtaren kanë përshkruar një amplitudë të atillë, kur dobësohej lufta e klasave, më thërrisnin, kur ashpërsohej më largonin, por ajo asnjëherë nuk u shua për mua. Sapo isha grumbulluar në atë pranverë me kombëtaren, kur nga qyteti i Vlorës drejt KQ, kishin vërshuar qindra letra anonime. Përse të vejë në kombëtare djali i kulakut? 22 vjeç kam marrë shiritin e kapitenit. Kur thërrisnin shokët në kombëtare, ndihesha në vështirësi.Rreziku:Kur u kthyem nga Polonia u derdh vreri mbi ne. Agjentët e sigurimit pikasën ca orë të padeklaruara dhe përjashtuan nga ekipi 50% të skuadrës. V. Rucin, Taho, P. Ruci, V. Daullja, A. Ziai.Vijëzim në altarin e shpirtërave.

“MERRNI SHEMBULL NGA NOVOSELA PËR RENDIMENTIN E GRURIT”

Na kanë thirrur në komitet sepse kishin humbur ca ndeshje. Merrni shembull nga Novosela dhe Kuçi, na thanë, që ka rritur rendimentin e grurit dhe të misrit 10 herë. Ç’punë kishim ne me grurin dhe misrin, kjo s’ merrej vesh. Ata rritësit e rendimentit jetonin 10 muaj me bukë misri.
Kohë e çuditshme: Kur shkuam në Barcelonë, P. Ruci doli tek shkallët e autobuzit dhe bënte formacionin. Trajneri: Ramiz Alia, portier: L. Çuko, qëndrëmbrojtës: Pali Miska. Një futbollist beratas na tha: siç flisni ju të fusni në burg.

SHIFRAT NGA NDESHJET E “FLAMURTARIT”.

Post scriptum.’80, mbërriti kupa ballkanike me Aek, Athinë, 3:2 dhe 2:1, me gola të Sh. Ziles dhe S. Currit. 1982, nën kampion, ’85 fitues i kupës në Republikë në Elabasan, ’86 finalistë të kupës, nën kampion, ’87 fitues të kupës, 2:1 me “Partizanin” në Shkodër. Kujtime të brengosura: Komiteti i futbollit sot federata, ruante një parim: “kupa të mos dilte nga Tirana”. Në takimet me Tiranën, ndeshja luhej në Tiranë, ekipi i Ministrisë së Brendshme në Gjirokastër. Kupa kishte shkuar qysh në mëngjes në Gjirokastër pa e ditur si do të dilinin ndeshjet. Rasti i tretë: Aty pabesia shfaqet hapur. Federata na zuri pritë. Fituam me Vllazninë 5 – 3 në Shkodër. Në këto rrethana pyetëm federatën, du do të zhvillohej ndeshja finale me “Partizanin” . Ne u nisëm dhe në qytetin tonë mbërritëm rreth orës 4 të mëngjesit të hënën. Në mëngjes federata na lajmëron se duhej të shkonim prapë në Shkodër, nga ku qemë kthyer sepse aty do të luhej finalja. U kthyem sërish, u nisëm me një autobuz që e bënte 10 orë rrugën. Të mërkurën ishte finalja. Fituam, megjithëse udhëtuam 2 ditë. Por kupa ngeci. U vonua dhënia e kupës sepse federata i kishte shkruar diplomat me emrin e futbollistëve të “Partizanit”. Na dhanë vetëm pupën, kurse diplomat e kësaj fitoreje asnjëherë nuk u morëm. ’88 – ’89 finalistë të kupës. Gjatë këtyre viteve kemi dalë disa herë nënkampionë. ’90 – ’91. Era e ndryshimeve e kishte bërë të paqëndrueshme federatën, që u detyrua të siglonte emrin e “Flamurtarit” si kampion.

“Flamurtari është ekipi i parë shqiptar që doli nga qerthulli i skuadrave shqiptare, që nga kupat e evropës ktheheshin të gjunjëzuar. ’85 Kupa e Kupave, humbëm me Helsinkin. ’86 kupa “Uefa” me Barcelonën 1 – 1 dhe 0 – 0. ’87 eleminojmë “Partizanin” e Beogradit 2 –0 dhe 2 – 1, fitojmë me Vismut Aue, eleminohemi nga Barcelona në takimin e katërt. ’88 me Lots, ishte fshirja e brengosjes, nga që humbëm, sopata preu gjysmën e ekipit.

*Studiues

FILLOI VITI I RI SHKOLLOR NE PLAVE GUCI. VUTHAJ- KLASA E PARE 1 NXENES

September 7, 2017 by dgreca

1 ok Plava G Plavë Guci 6 Shtator 2017- Shkollaret e Plavë Gucisë filluan edhe këtë vit shkollor me dëshirë të madhe për të pushtuar horizontet më të larta të dijes.

Në Plavë Guci shkolla në gjuhë shqipe ka në këto vendbanime, në qytetin Plavës, Guci dhe në fshatrat Vuthaj, Marinaj dhe në Vishnjevë .

Në qytetin e Plavës ekziston shkolla e mesme në gjuhën shqipe në 2 drejtime, gjimnaz dhe një drejtim për turizëm. Ndërkaq në Guci është shkolla fillore nga klasa e parë gjer në klasën e nëntë. Shkolla shqipe të ciklit të ulët gjegjësisht 4 vjeçare ka edhe në këto fshatra Vuthaj, Martinaj dhe Vishnjevë

Në shkollën e mesme të Plavës vijojnë mësimin në gjuhen shqipe dy drejtime, drejtimi gjimnaz dhe turizëm, në të dy drejtimet janë në tërsi ky numër nxënësish: Në gjimnaz viti i -I-rë 20 nxënës, viti i Il-të 20 nxënës, viti i lll-të 18 nxënës, viti i lV-të 8 nxënës, drejtimi i turizmit: viti i ll-të 15 nxënës dhe viti lll-të 7 nxënës.

Në shkollën fillore në Plavës vijojnë mësimin në gjuhen shqipe me sa vijon: Klasa e I-rë 8 nxënës në klasën të II-të 11 nxënës në klasën të III-të 13 nxënës ne klasën të IV-të 5 nxënës në klasë të V-të 13 nxënës, në klasë të VI-të 9 nxënës, në klase të VII-të 9 nxënës, në klasë të VIIl-të 11 nxënës dhe në klasë të IX-të 10 nxënës.

Në shkollën fillore të Gucisë vijojnë mësimin në gjuhen shqipe ky numër nxënësish: Klasa e I-rë 3 nxënës, në klasën të II-të 2 nxënës, në klasën e III-të 4 nxënës, në klasën të IV-të 4 nxënës, në klase të V-të 14 nxënës, në klasë të VI-të 13 nxënës, në klase të VII-të 16 nxënës, në klasë të VIIl-të 11 nxënës dhe në klase të IX-të 20 nxënës.

Në fshatin Vuthaj që është fshati me i madh shqiptar në Plavë Guci gjendja është pothuajse e rënduar ku në 4 paralele nga klasa e parë gjer në të katërtën mësimin vijon këtë vit shkollor vetëm 9 nxënës.

Në Vuthaj gjithsejtit 9 nxënës : Klasa e I-rë 1 nxënës, në klasën të II-të 2 nxënës, në klasën e III-të 4 nxënës, në klasën të IV-të 2 nxënës.

Në Martinaj gjithsejti 22 nxënës , edhe ky fshat i banuar tërësisht me shqiptar mësimin e vijojnë: Klasa e I-rë 5 nxënës, në klasën të II-të 4 nxënës, në klasën e III-të 5 nxënës, në klasën të IV-të 8 nxënës.

Në fshatin Vishnjevë 11 nxënës mësimin në gjuhën shqipe nga klasa e parë gjer në të katërtën e vijojnë: Klasa e I-rë 3 nxënës, në klasën e II-të 2 nxënës, në klasën e III-të 6 nxënës, në klasën e lV-të nuk ka asnjë nxënës.

*(në foto mësuesja Emine Ulaj me nxënësinë e vetëm ne klasë të par në Vuthaj, vogëlushin Trim Feriz Gjonbalaj)