Archives for March 2020

LIGJI PËR PËRFUNDIMIN E KALIMIT TË PRONËS NË REPUBLIKËN E SHQIPËRISË, PROPAGANDË E QEVERISË PARA BE-së

March 15, 2020 by dgreca

–

Pse shqiptarët patriotë dhe të ndershëm, duhet të kundërshtojnë ligjin “Për përfundimin e proceseve kalimtare të pronësisë në Republiken e Shqiperise”/

Nga Adrian Gjoka*/

Ligji i ri Nr 20 dt. 5.03.2020 ka titullin “Për përfundimin e proceseve kalimtare të pronësisë në Republikën e Shqiperise”, është propaganduar si hap përpara drejt zgjidhjes por në përmbajtje Ligji është hap prapa por që shërben që Qeveria “të lajë duart” dhe të raportojë në BE se e zgjidhi problemin e rëndësishëm të pronës. Ne pronarëve na intereson të miratohet sa më parë hapja e negociatave për pranimin në BE dhe nuk na intereson lufta ndërmjet klaneve politike. E keqja e madhe për ne është që ndërkombëtarët nuk i kanë kushtuar kujdes problemit të pronës dhe ankesave tona në këto 30 vjet. Sot ky ligj që reklamohet si hap përpara, në fakt shërben për të maskuar krimin e organizuar dhe përfundimin e proceseve të pronësisë në favor të oligarkëve dhe të korrupsionit pushtetar. Me pak vëmendje kuptohet se ne kemi të drejtë dhe realiteti është krejt ndryshe.

Ligji është formuluar në shkelje të përcaktimeve të qarta të detyrimeve kushtetuese, dhe thellon anarkinë institucionale. Në këtë ligj, nuk flitet fare për të drejtat e subjekteve të shpronësuar nga sistemi dictatorial, pasi ato shkelen dhe justifikohet çfarë është katranosur gjatë këtyre 3 dekadave me platformën që kishte si objektiv transformimin e ish komunistëve në kapitalistë dhe politikanët e rinj të vendit. Kjo platformë në këto 7 vjet të pushtetit të Partisë Socialiste është bërë më e vrazhdë. Agjensia e Trajtimit të Pronës për 7 vjet, nuk nxorri asnjë vendim për subjektet e shpronesuar dhe pas pesë viteve ju ktheu pronarëve dosjet pa vendim, duke shkelur haptazi ligjin 133/2015. Ky veprim është tallje me popullin, shpërdorim i detyrës dhe ndofta vepër penale. Ky qendrim thellohet më tej me ligjin e ri.

Ndarja e tokës bujqësore me ligjin 7501, u justifikua me parullat leniniste se toka i takon atij që e punon, por në realitet u bë për të marrë votat dhe ishte guri i gabuar në themelin e shtetit demokratik. Ky gabim është pranuar nga ish presidenti Sali Berisha, në intervistë televizive, por çuditërisht tani ai qëndron i heshtur para kësaj situate katastrofike, ndërsa Kryeministri Edi Rama me këtë ligj po e ndërlikon situatën. Për ilustrim paraqisim nenin 3 të ligjit të ri, ku renditen parimet themelore nga të cilat do të udhëhiqet veprimtaria administrative për përfundimin e proceseve kalimtare të pronësisë. Këto parime në aspektin teorik janë të sakta por ato shkelen në përmbajtjen e neneve të ligjit. Po citojmë këto parime dhe komentin tonë.

1. Parimin e shtetit të së drejtës. Për subjektet e shpronësuara që kane 30 vjet që presin të rimarin pronat e tyre sipas detyrimeve kushtetuese, Shteti ligjor dhe shteti i së drejtës akoma nuk egziston. Në këtë ligj anashkalohen parimi i shtetit të së drejtës dhe parimi i ligjëshmërisë për të drejtën e pronës së trashëguar. Qëllimi i ligjit i formuluar në nenin 1 nuk shoqërohet me fjalët “në përputhje me të nenet 41, 42 dhe 181 të Kushtetutës në fuqi”, ashtu siç ne e kërkuam me shkrim në emër të pronarëve, para miratimit të ligjit. Abuzohet me parimet e të drejtës sipas Konvetes Europiane të Lirive dhe të Drejtave Themelore të Njeriut të shprehura qartë në vendimet e Gjykatës Europiane për këtë qëllim. Pse Shqipëria vazhdon të jetë ndryshe me gjithe vendet e NATOs dhe shtetet ishkomuniste për të drejtat e pronësisë ?

2. Parimi i sigurisë juridike. Ku është ky parim, kur të gjitha vendimet e dhëna nga KKKPronave nga viti 1993 deri në vitin 2015, u bënë nul, të pa vlefshme sepse megjithëse janë të barazvlefshmme me vendimet gjyqesore, ligji 133/2015, i ndryshoi të gjitha dhe i ndryshoi për keq dhe në drejtimin antikushtetues.

3. Parimi i transprencës. Për problemin e pronave , transparencë nuk ka pasur dhe nuk ka. ATP gjatë këtyre shtatë vjetëve asnjëhere nuk ka deklaruar faturën finaciare të procesit për kompensimin e pronave sepse çmimet e kompensimit vetem janë janë ulur dhe ATP, i ndryshon vendimet e saj sipas vendimeve të Qeverisë. Por ky qëndrim rrëzohen vendimi unifikues i GJEDNJ, Manushaqe Puto etj/ 2012, Vendimi ECHR Karagjozi etj kundër Shqipërisë aplikimi Nr 32382/11, datë 7 Prill 2016, Vendimi ECHR Halimi etj kundër Shqipërisë aplikimi Nr 33839/11, datë 6 Prill 2016, që e kanë përcaktuar qartë nivelin minimal të kompensimit, jo më pak se vlera e vitit 2008. A mundet një VKM, e vitit 2015, të rrezojë dhe të dali mbi këto vendime, apo Kuvendi ta detyrojë GJEDNJ të marri vendime me standarde të dyfishta ?! Nëse dyshemenë e kompensimit e ka përcaktuar GJEDNJ, pse Kuvendi nuk përcakton se cilat prona duhen kompensuar, në mënyrë që kompensimi të përputhet me nenet 41,42 dhe 181 të Kushtetutës ashtu siç ja kemi kërkuar, por vazhdon të favorizojë abuzimet me pronat tona dhe ato të shtetit ?

4. Parimi i ligjshmërisë. Ligji nr 20/2020 del mbi kushtetutën dhe mbi vendimet e GJEDNJ e shkel parimin e ligjëshmërisë në favor të shkelësve të ligjit . Nëse do të ishin marrë në konsideratë

vërejtjet për çdo nen, që ne pronarët i paraqitëm në Komisionin Parlamentar të Ligjeve, me këtë ligj, Maxhoranca i kishte të gjitha mundësitë që të korrektonte shumë nga shkeljet kushteuese të 30 vjetëve të fundit në fushën e pronësisë. Vërejtjet tona jo vetëm që nuk u morrën në konsideratë, por me këtë ligj u fshinë dhe hapat pozitive që ishin miratuar më parë, me nenin 2 të ligjit Nr 8053 dt 21.12.1995 dhe ligjet për pronat në vitin 2004. Ku janë premtimet solemne të PS në 2012-13 se kur të merrnin pushtetin do luftonin korrupsionin me pronat ?

5. Parimi i barazisë dhe mosdiskriminimit. Nuk ka diskretitim më të madh se se ai që po bëhet pronarëve të ligjshëm, të shpronësuar me dhunë nga sistemi i kaluar diktatorial. Në këto 30 vjet oligarkët e politikës, herë në pushtet dhe herë në opozitë, ju premtojnë për zgjidhje të drejtë. Situata e sotme e kombinuar edhe me PPP është vjedhje dhe grabitje në emër të ligjit dhe është shumë shkallë më e keqe se shpronësimi i kohës së komunizmit. Diktatura i konfiskoi pronat, por i vuri në shërbim të komunitetit, ndërsa oligarkët e pas 1990 po i përvetësojnë pronat tona dhe ato të shtetit në funksion të interesave të tyre. Me këtë ligj preferohen shkelësit e ligjit, shkelen parimet baze të të drejtës së pronesisë, që përcaktohen qartë në Kushtetutë, në nennet 41, 42, 181. Ndërtimet pa leje mund të legalizohen por me vendime gjyqësore të arsyetuara rast pas rasti.

Ky ligj njollos bashkësitë fetare duke ju dhënë atyre përparësi në legalizimin e shkeljes së ligjit. Diskriminimi dhe shkelja e të drejtës së pronës janë të qarta dhe pët të mos u zgjatur, pa koment neni 74 i ligjit të ri thotë: “Kërkesat për legalizimin e objekteve të kultit të ndërtuara pa leje, privatizimin apo regjistrimin e të drejtave të pronësisë të bashkësive fetare trajtohen me përparësi, në përputhje me dispozitat e këtij ligji dhe akteve të tjera ligjore në fuqi.“

Po ashtu në nenin 67, pika dh) që thotë: “tarifa e shërbimit për ndërtimet pa leje, me funksion përdorimi social-ekonomik ose për ndërtimet e dyta” nuk ka nevojë të komentohen për diskriminimin dhe pabarazinë e pronarit të ligjëshëm.

Shteti Shqiptar, bëri transparencën dhe vetingun për pronat e gjyqtarëve, prokurorëve, nëpunësve të administratës etj. dhe largoi për 50 apo 100 mijë euro të pa justifikuara për origjinën e fitimit të tyre. Atëhere në raport me nenin 41 të Kushtetutës që thotë se prona fitohet me blerje, me dhurim apo trashëgim dhe në bazë parimeve morale, fetare, Kryeministri duhet të pranojë të bëjë transparencën dhe të thotë si i ka fituar Shteti dhe deputetët, pronat e të parëve tanë, që me këtë ligj monstër po i regjistrojnë në ZRPP për oligarket dhe klanet e tyre.

Pronaret veçanërisht ata të zonave bregdetare dhe turistike, vazhdojnë të diskriminohen. Në këtë ligj, Kushtetuta, origjina e pronës dhe dokumentat e pronësisë, për subjektet e shpronësuar, nuk kanë asnjë vlerë dhe në Kadastër do regjistrohet me prioritet subjekti që ka pushtuar truallin dhe ka ndërtuar pa leje. A ka vullnet politik për të hyrë ne BE dhe a na pranon BE me ligje si ky që pretendohet si zgjidhje dhe në theln justifikon vjedhjen e pronës së tjetrit .

6. Parimi i objektivitetit Ky ligji mbron aktet antikushtetuese prandaj në këtë ligj vetëm objektivitet nuk egziston.

Ligji Nr 20 dt. 5.03.2020, është pjesë e platformës dhe e sistemit që mbron oligarkët që kanë ndërtuar fshatra turistike dhe favorizon që ata të lagalizonen, dhe të shesin ato si vila private, kurse pronarët e atyre tokave turistike të rrijnë e të shikojnë se po i grabisin në emër të ligjit ose për shkak të konflikteve të detyrohen të ikin në emigaracion. Asnjë nga ambassadorët e këtyre 3 dekadave, që kanë qenë në Shqipëri, dhe e njeh situateën, nuk do ta kishte pranuar këtë ligj në vendin e tij si zgjidhje përfundimtare të problemit të pronës

7. Çdo parim tjetër i parashikuar në Kodin e Procedurave Administrative. Në këtë ligj parashikohet vetëm Kodi Procedurave Administrative por dhe ai zbatohet keq sepse ky ligj, nuk detyron zyrën e Kadastrës që në zbatim të ligjit Nr. 111/2019 “Për Kadastrën” , të ketë detyrimin ligjor që të verifikojnë ligjëshmërinë e AMTP-ve dhe të korrigjojë ato akte që bien ndesh me nenet 41, 42, 181 të Kushtetutës.

Këto kërkesa ne i kemi paraqitur me shkrim në Kuvendin e Ligjeve, përpara miratimit të ligjit, por asnjë nga vërejtjet tona nuk u morrën në konsideratë. Ky ligj e vërteton shprehjen se “Në cdo vend ka mafie, por, në Shqiperi mafia ka shtet”. Pasojat e këtij ligji do të jenë të rënda sepse në themel të sistemit të ekonomisë kapitaliste, qëndron prona private, rregullat dhe mënyrat e fitimit të pronesise që janë universale dhe të përcaktuara qartë në nenet 41,42 dhe 181 të kushtetutës në fuqi. Shkelja e të drejtës së pronës së trashëguar, me ligje të miratuara nga Kuvendi, është mohim i atdheut , nxitje e konflikteve, e largimit të brezit të ri dhe katastrofë e programuar.

Çelësi i zgjidhjes së papërgjegjshmërisë dhe korrupsionit që ka pushtuar pushtetin legjislativ, administrativ dhe sistemin e drejtësinë në Shqipëri qëndron në sensibilizimin që do të bëjnë intelektualët, Shoqata Patriotike Panshqiptare Vatra, diaspora patriotike në SHBA dhe Europë, duke kërkuar pranë Departamentit Amerikan të Shtetit dhe BE, për kushtëzimin dhe korrektimin e pjesëve antikushtetuese të këtij ligji. Analiza më e detajuar dhe nen për nen do ti paraqitet të gjitha instancave.

*Në emër të Koalicionit të Shoqatave të Pronarëve të Bregdetit

Sekretari

Adrian Gjoka

Kur thërret Erioni

March 15, 2020 by dgreca

Nga Ilir Levonja/

Një nga deputetët e kuvendit të Shqipërisë dhe zëvendës kryeministri Erion Braçe, i bën thirrje shqiptarëve për një mbyllje një ditore dhe një herë në muaj si tani. Pra një lloj karantine me qëllim pastrimin, dizifektimin a ruajtjen e mjedisit nga sulme të tilla epidemollogjike. Në atë sportivitetin qeveritar bën përjashtim pikërisht ai ose faktori politik që duam apo nuk duam ne janë sot një covid më i qelbët se ky që ka ngujuar një komb të tërin. Dhe Erjoni nuk bën përjashtim, nuk ka se si…

Ndaj sot ka një kulturë vrazhdësie me rrahje e gjoksi dhe përbuzje mbi sfidantët e urdhrave, mbi abuzuesit e çmimeve etj., ku domosdo viktimat e frontit më të parë janë si gjithmonë njerëzit apo nocioni popull. Përshembull sot shqiptarët e kanë lehtë t’i vënë gishtin disa provincialëve në moshë që kanë ndjekur fëmijët në Tiranën gjoja metropol, por që nuk i tuten aspak dominove apo shahut në parqet publike. Sot shumë syresh e kanë të lehtë t’i vënë gishtin disa tregtarëve tezgash që fatkeqësia u dha shancin të ”zhvasin” ca qindarka më shumë për kilen e limonit, nga që mund të kenë sosur ditën pa shitur më parë një kokërr. Megjithëse kurrë nuk u indinjuan në masë, nuk denoncuan në masë vjedhjet me reportabël të djersës së tyre nga ndrikullat e pushtetit. Denoncojnë dhe përbuzim një rritje çmimi limonash, madje me inat nga ai i shqiptarit për shqiptarin, shkrumb u bëfsha vet veç ai mos të ketë.

Pra a duhet të mbyllen shqiptarët kështu në një karantinë, një ditore, një herë në muaj? Pa diskutim që duhet. Sepse edhe tani pavarësisht urdhrave ndihet qartë që në pjesë dërrmuese janë ngujuar për faktin se kuptuan më në fund se sa duhet jeta, se sa i vlefshëm është njeriu për njeriun deri në rang global. Mund të jetë një kulm kohor që ka shmangur deri një luftë të tretë botërore për shkak të ratifikimit të egos së perandorëve e perandorive me mjetet e demokracisë. Covidi a corona ka mbyllur studiot e neveritshme dhe foltoret politike të adresuar në luftë emrash se sa programesh, njerëzit po kuptojnë se koha e tyre nuk është përshembull vetëm Tak Ngjela dhe Tak Braho, por jeta në rrethinë dhe humori, keqardhja e shqiptarit për qytetarin italian, grek, kinez, iranian etj., pasi prej kohësh po mufatet një urrejtje globale. Po shohim foshnje kufoma nëpër brigje deti, karvanë shtegtarësh pa përfilluar kufijtë. Për hir të iks shtetari nuk na dhëmbi për prindërit e asaj fëmije, po ashtu as për dhimbjen e atyre refugjatëve që na kujton vetveten kur hapnin shtigje në monopatet e maleve tona me Greqinë. Kur dënoheshin e deklasoeshim për Amerikën dhe perëndimin. Kishim harruar të donim njëri-tjetrin, aq sa edhe Zotin e bëm ushtar pervers të çifutit apo arabit. Eshtë fije peri kjo që rrjedh, e ka emrin jetë, ikën dhe nuk vjen më. Ndaj mos u çudisni që kjo dëm pandemia mund të ketë shmangur një luftë të tretë botërore. Megjithatë shqiptarët zëvendës kryeministri i vendlindjes sime duhen të mbyllen e të mos dalin fare deri sa zhduket rraca jote që këlthet karshi një tezgazhiu limonash, karshi ndotjes mjedisore, karshi dizinfektimit etj., pasi burimi i të gjithave epidemive je ti dhe soji yt i neveritshëm. Një corona virus që nuk ka karantinë ta luaj vendit.

Riding the COVID-19 Storm Out

March 15, 2020 by dgreca

While the world is closed, explore the reasons not to panic. /

WRITTEN BY Munr Kazmir/

Whether coronavirus, COVID-19, will permanently alter life in the U.S. and around the world remains to be seen.

It is almost certain we will all be washing our hands a great deal more. Will handshakes become a thing of the past? How many future meetings will become emails?

Telecommuting, erstwhile the territory of the tech industry and the gig economy has found new life in the wake of what President Donald Trump has declared a national emergency as of Friday.

This weekend, people are working from home and sheltering in place with their families as events, school, work, and religious services are all cancelled or postponed. Hopefully this will give everyone plenty of time to do a little digging just below the frightening headlines for the science news about the virus crisis.

There we can all find a deep, calming breath in the form of the many excellent reasons not to panic:

In China, where the highest number of cases have been concentrated, the number of new cases has fallen significantly. Apple may have shuttered its stores in the U.S. as a precaution, but Apple factories in China have resumed business as usual.

Most cases are mild, and the death rate is low. Estimates of the worldwide death rate range between 0.7% and 3.8%- and it’s probably much closer to the lower end.

In the U.S., as of Friday, no one under the age of 50 has died. The median age of people who have died in the U.S. of COVID-19 is 80. Most of the people under 80 who have died have suffered from other serious underlying health conditions.

No children in the U.S. have become seriously ill from COVID-19.

Most of reported deaths have were in a cluster in a long-term care hospital in Washington.

The U.S. weathered the the Swine Flu in 2009, which appears to be much deadlier than COVID-19.

While any deaths from this terrible virus are tragic, the fact that the number of deaths in the U.S. hasn’t jumped overnight from around 40 people- where it is now- to 500, is greatly hearting as well.

There might even be a silver-lining- besides all the hand-washing.

In the wake of WWI in Great Britain, the British authorities understood a problem that before had lain beneath the surface.

Conscription of soldiers into military service had revealed a terrible truth about the impoverished classes. Widespread hunger, lack of education, malnourishment, and inhospitable living conditions had rendered too many young men unfit for military service.

This discovery led to changes that greatly expanded social safety net programs for poor people, improving the lives of future millions.

In addition, the British working-classes had played such an integral role in the war, they found their status, organization and representation in government greatly improved once it receded.

The coronavirus scare has also revealed some untenable things about modern American society.

We now understand far better how many impoverished families depend on their child’s school for meals– not just for education. This is one of the main reasons public schools in New York are struggling to remain open.

It is now clear also just how many parents of school-age children would struggle not only to feed those children if school were unexpectedly cancelled, but how many working parents can’t afford to take even one week off work in order to care for their child in an emergency.

We should understand, too, just how many of our community members live paycheck to paycheck, and what that means in crisis. It has been revealed just how dependent small businesses are on the patronage of people in the community.

Amazon will survive this temporary shut-down; your favorite neighborhood might struggle to keep the lights on after missing a month or two of income.

What if this virus had hit us during the holiday season so many retailers depend on all year?

A wealthy nation like the U.S. should not have so many perched precariously on a precipice of financial disaster.

It is times like this that should make everyone a little more open to ideas like the ones Sen. Bernie Sanders has been espousing.

Like Great Britain post-World War I, we have a chance to realize that our communities are only as strong as our weakest and most vulnerable members. Keeping our neighbors, and neighborhoods, safe, fed, healthy and educated is in the best interest of society.

Both in the long term, and when something truly terrible threatens.

So please, stop buying more toilet paper than you need let’s all remember the most important lessons we learn for this crisis; patience, perseverance and hand-washing.

(contributing writer, Brooke Bell)

Koronavirusi ka formën e Kurorës

March 14, 2020 by dgreca

-Presidenti Trump: Kam bërë testin për koronavirus, po pres rezultatet/

Koronavirusi i ri, që është një familje e gjerë virusesh, është shfaqur për herë të parë në Kinë, në fund të vitit 2019.
·       Shenjat kryesore të infektimit me të janë: temperatura e lartë, kolla dhe vështirësitë në frymëmarrje.
·       Sëmundja që shkakton koronavirusi, është emëruar COVID-19.
·       Përveç Kinës, raste me koronavirus kanë raportuar edhe së paku 118 vende të tjera të botës.
·       Sipas të dhënave të **Universitetit Johns Hopkins** në gjithë botën, në total janë: 153,503 njerëz të infektuar, 5,789 të vdekur dhe 72,587 të shëruar.
·       Kina ka 80,976 raste me koronavirus, pas saj vjen Italia me 21,157 raste dhe Irani me 12,729.
·       Numri më i madh i njerëzve të vdekur është në Kinë: 3,193.
·       Kosova ka konfirmuar pesë rastet e para me koronavirusin e ri.
·       Nga vendet e Ballkanit Perëndimor, aktualisht vetëm Mali i Zi nuk ka raste të regjistruara me koronavirus.
·       Koronavirusi vjen nga një familje virusesh që mban emrin e dukjes së tij, sepse ka formën e një kurore.
·       Nga i njëjti grup virusesh vijnë edhe SARS dhe MERS – viruse që kanë shkaktuar epidemi në të kaluarën.
·       Rekomandimet e Organizatës Botërore të Shëndetësisë (OBSH) për të parandaluar përhapjen e koronavirusit janë: larja e rregullt e duarve, mbulimi i gojës dhe hundës gjatë kollitjes dhe teshtitjes, gatimi i plotë i mishit dhe vezëve dhe shmangia e kontaktit të ngushtë me personat që tregojnë simptoma të sëmundjeve të frymëmarrjes, si kollitje dhe teshtitje.
·       OBSH-ja e ka shpallur pandemi sëmundjen që shkakton koronavirusi, COVID-19.
·       Pandemia ndodh kur një sëmundje infektive përhapet lehtësisht nga personi në person në shumë pjesë të botës.(Sipas Radios Evropa e Lirë)
***
Presidenti Trump: Kam bërë testin për koronavirus, po pres rezultatet

Të shtunën Presidenti Donald Trump bëri të ditur se të premten në mbrëmje kishte kryer testin për koronavirus duke shtuar se ai vetë nuk e dinte se kur mund të dalin rezultatet.
Zoti Trump i bëri komentet gjatë një konference për shtyp në Shtëpinë e Bardhë gjatë së cilës u publikuan të dhënat e fundit mbi situatën e krijuar në vend si rezultat i pandemisë dhe ecurisë së disa masave të marra në kuadër të shpalljes së emergjencës kombëtare.
Të premten në konferencës ku u njoftua emergjenca kombëtare, Presidenti Trump shkaktoi habi kur shtrëngoi duart me një numër drejtuesish në kundërshtim me rekomandimet e zyrtarëve të shëndetit publik, veçanërisht pas njoftimeve se ai vetë ishte ekspozuar ndaj virusit.
Mbrëmë u zbulua se katër anëtarë të një delegacioni brazilian që darkuan me Presidentin Trump fundjavën e kaluar në Mar-A-Lago kanë rezultuar të gjithë pozitivë me koronavirus.
Presidenti Trump u pyet nga gazetarët nëse po tregohej egoist duke mos u testuar.
*“Nuk kam thënë se nuk do të testohem… Me të gjitha gjasat, po… Së shpejti… Po punojmë për një axhendë“,* u përgjigj ai.
Por më vonë, pas kësaj deklarate mjeku personal i presidentit qarkulloi një letër ku thuhej se zoti Trump ka rrezik të ulët për t’u prekur nga virusi pasi ndërveprimet e tij me zyrtarët brazilianë ishin të kufizuara dhe se ato ndodhën përpara se ata zyrtarë të shfaqnin ndonjë simptomë. Mjeku i presidentit tha gjithashtu se nuk ka nevojë që zoti Trump të futet në karantinë dhe se madje ende nuk sugjerohet një testim i tij për virusin COVID-19.
Por të shtunën ishte vetë presidenti Trump që njoftoi lajmin se të premten në mbrëmje ai kishte kryer testin për koronavirus.(Sipas Zerit te Amerikes)

Arturi që prehet nën qerpikun e nënës.

March 14, 2020 by dgreca

Nga Shpend Sollaku Noé/

Artur Kice kish lindur në vitin 1961, në ditën e 11-të të dhjetorit. Javën e parë të klasës së shtatë ishte akoma një trembëdhjetëvjeçar. Qe java e parë e shtatorit. Kur ia behën ata që e arrestuan. Në sytë e shokëve të klasës që, si ai, nën bangë mbanin akoma topat e llastikut. Për të lozur në pushimin e gjatë.

Ditëlinda e tij e katërmbëdhjetë Arturit as që do t’i kujtohej. Pasi kish bërë ndërkaq më shumë se tre muaj në qelitë e hetuesisë në Lushnje. Prindërit e tij ato ditë, pasi kishin përballuar edhe mësymjet e policisë në shtëpi, po i jepnin lamtumirën jo vetëm fëmijërisë së djalit të tyre, por edhe profesionit të mësuesit.

Ndërsa Arturi rezistonte akoma në hetuesi: Nuk i kam shpërndarë unë ato trakte.

Ndërsa ata i thonin: Ne e dimë që i ke shkruajtur ti. Ishte një drejtor shkolle ai që i gjeti dhe na i solli, një mësues, si prindërit e tu. Eksperti thotë që ke qenë ti. Pranoje.

Jo, nuk kam qenë unë, ishte përgjigja e fëmijës Artur.

E ke të kotë që reziston, ngulte këmbë hetuesi. Nuk të mbetet veç që të tregosh se kush ishin bashkëpunëtorët e tu.

Arturi kish parë shumë filma me nazistë. Edhe ata kërkonin të dinin se kush ishin shokët e të arrestuarit. Ata nazistë tashmë kishin shqyer pëlhurën e kinemasë, i kishte përballë.

Sidoqoftë ai nuk kish ndërmend të ngatërronte askënd. Dhe të pranonte asgjë. Avokat i vetvetes, mendonte se kështu do ta linin të shkonte në shtëpi.

Për pesë muaj rresht. Kish mbushur ndërkaq 14 vjeç. Por intuita i thoshte që, meqënëse e kishin arrestuar kur ishte 13 vjeçar, ligji nuk kish për ta kapur dot. Dhe shpresonte. Malli për motrën Xhilda, mamin Lefta dhe babin Leonidha ia vishte sytë. Por ai i rezistonte dredhirave të hetuesisë. Që e kishte vendosur tashmë dënimin e tij, që priste vetë formalitetin e firmosjes prej atij fëmije të shkathët, të pranimit të krimit të agjitacion-propagandës.

Qe një lushnjar, fqinji i tyre, që u shfaq atë ditë, për të satën herë, me “rrëfimin” e daktilografuar, vetëm për t’u firmosur.

Ja, vër një firmë këtu. Nuk do të të dënojmë. Jashtë po të pret babi yt, Loni, që të të çojë në shtëpi, i thotë fqinji me liçencën pë t’i marrë lirinë të tjerëve, sidomos të atyre që cënonin partinë e tij.

Arturi nuk i ngre sytë ta vështrojë. Po sikur të gënjejë ky? Asnjëherë nuk ka patur zë kaq të ëmbël sa sot.

Firmose, i tha tjetri, me një zë pothuaj lutës, firmose. Menjeherë pas kësaj do të jesh i lirë.

Liria, sa më mungon. Jami lodhur. Po sikur të firmos? Pyet veten fëmija i rritur shpejt në qeli.

Firmose, këmbëngul fqinji “bamirës”.

Arturi: Babi është vërtet përjashta?

Tjetri: Sigurisht.

Arturi zgjat dorën. Dora zvarritet, dridhet, por mjafton ajo zhgarravinë që ka përshkruar për t’u quajtur firmë. Si pranim i krimit.

Me atë burrë Arturi do të shihej pastaj vetëm në sallën e gjyqit.

Atë burrë që duhej të kish mbrojtur fëmijën e fqinjit, por që e shpuri drejt disa vite burgimi, kur kish hedhur nëpër rrugët e Lushnjes vetëm ca fletushka, kur ishte ende i padënueshëm per ligjin, pasi vëtëm 13 vjeçar…

… Kërkoj ta gjej diku Arturin në Lushnje, në një vendbanim që nuk është shtëpia e nënës së tij. Por u detyrova të kërkoj tek banesa e zonjës Lefteri.

Loti i saj ande i patharë. Ngjyra e syrit të saj – një liqen ku i biri vazhdon te notojë. E njëjtë si tek Arturi.

Nga ballkoni i shtëpisë së tij duket çatija ime. Që fsheh kobin që më ka rënë edhe mua.

Bashkoj lotin me atë të nënës së mikut tim të shuar.

Dal me këmbët marramandëse të këtij shkurti – vetëm plagë shpirti të lodhur.