Archives for February 2021

E VËRTETA NË SHOQËRINË E LIRË

February 14, 2021 by dgreca

-Dikush irritohet, dikush thotë “Si ka mundësi”?!, por e vërteta në shoqërinë e lirë ka gjithmonë “dy sy” dhe një finale, fiton përsëri e vërteta-/

-në një gjykim të ftohtë dhe jopartizan, mesazhi i konservatorëve në Senatin Amerikan është i qartë: qytetari privat nuk preket. Liria e individit mbetet e shenjtë.Ndaj është e rëndëshishme e vërteta të shihet nga “dy palë sy”. Në këtë plan sërish “çuditë amerikane” vazhdojnë…

Nga Shefqet Meko, Minneapolis USA/
Në një shoqëri që promovon lirinë dhe të drejtën e fjalës pa kufizim, e vërteta duket sikur bëhet “viktima” e parë. Dhe unë pajtohem me këtë. Për shumë mendje të hapura, për shumë liberalë dhe njerëz që thonë se ka vetëm “ një të vërtetë” realiteti është zhgënjyes. E vërteta duhet të jetë një. “Vrasja” e kohës për të gjetur të vërtetën e pranueshme nga të gjithë është e kotë. Por pyetja shtrohet: kush tregon të vërtetën? Kush e di të vërtetën? Sa ashiqare është ajo? “E vërteta është shpesh një armë agresioni.Është e mundur të gënjesh, madje edhe të vrasësh me të vërtetën”, shkruan austriaku Alfred Adler.

Dita e 6-të e Janarit 2021 në Amerikë, për herë të parë në një rrafsh botëror i tregoi njerëzimit se ka “dy të vërteta”: një që besoj unë, dhe tjetra që beson ti.Por cila është realisht e vërteta? Për herë të parë në historinë e vet, demokracia amerikane po sheh “ringun” mes të vërtetës dhe të kundërtës së saj. Për herë të parë politika amerikane po përpiqet të dënojë dy herë të njëjtin president, i cili guxoi të dilte kundër një “rutine politike” në Uashington DC.

Për mendimin tim nuk ka dyshim se presidenti Tramp është një “demon” i konservatorizmit amerikan. Shërbimet e tij ndaj traditës konservatore amerikane janë një “piramidë egjyptiane” që nuk ka mundur ta arrijë të realizojë asnjë republikan i mëpërshëm. Kjo është merita historike e presidentit të 45-të të Amerikës. Një kampion i realizimeve republikane. Merita i takon Doland Tramp, që skurse ka thënë në “betejat elektorale” më 2016: “Unë i vetëm mund ta normalizoj Uashingtonin”. (“Alone I can fix”). Pa 6 Janarin 2021, ai do mbetej “ikonë republikane”.

Kurrë me parë opinioni amerikan dhe elitat politike nuk kanë debatuar kaq shumë rreth së vërtetës dhe gënjeshtrës si dy “binjake” që i krijon dhe mëkon njeriu me mendjen dhe fantazinë e vet. Nëse e vërteta është një dhe vetëm një, nuk mund të ketë ideologji, besim apo parti që mund ta verë në dyshim. Por cila është e vërteta? A ka nevojë e vërteta për votë dhe verdikt? Nuk mundet që të vërtetën ta “kërkojmë me vota”. E vërteta siç thonë “Zhytet por nuk mbytet”. Shoqëria amerikane për herë të patë në historinë e vet është e shokuar nga ajo që ndodhi më 6 Janar 2021. Askush nuk mund ta besonte, askush nuk mund ta imagjinonte. Nuk është herë e parë që mijra dhe mijra demonstrojnë në DC.Nga demonstrimet e M.L.King dhe shumë të tjera, kanë tronditur DC, por nuk kanë sulmuar kurrë Kapitolin. Ky ka qënë dhe mbetej “paprekshmëria” në rruzullin tokësor. Por, ja që më 6 janar 2021 ndodhi ajo që nuk imagjinohej: Sulmi mbi simbolin amerikan: ndërtesën e Kongrsit.Të githa faktet, provat, të vërtetat e dëshmuara nga biliona sy e veshë, fajësojnë një njeri, por procesi konstitucional amerkan është një “cirk faktesh dhe perceptimesh”. Varet si e lexon kushtetutën, ose thënë më shqip “merr syte e mi e shikoje…”.

Liria amerikane është një “paradoks” që po shkon drejt 2.5 shekujve: individi është i lirë. Qytetari amerikan nuk preket, nëse nuk kryen krim në statusin e vet privat. Ky është një leksion i madh amerikan. Fjala e konservatorit që kryeson pakicën në Senat, Miç Mekanëll, ishte një “leksion kushtetues” amerikan. Shkurt dhe qartë, republikani që qëndroi “sulmit trampian” tha se ajo që ndodhi e gjitha ishte gabim, ishte “përgjegjësi e presidentit”, por kushtetuta nuk lejon që senati të “dënojë e gjykojë një qytetar privat”. Guximi i udhëheqsit të pakicës në Senat, të bën të mendosh që vërtet Amerika ka një “Fondacion lirie” të kontrolluar nga Kushtetuta. Edhe pse senatorët votuan në shumicë që “gjyqi është kushtetues” në fund të fundit, senatorët konservatorë zgjodhën të votojnë në shumicë që sipas tyre “është detyrë kushtetuese”, pikërisht ajo detyrë që sipas Mckonnell “ish- presidenti nuk e bëri”.

Nuk ka një rast të dytë në politikën amerikane që “mishi të piqet, por helli mos digjet”. Kreu i pakicës republikane në senat, në fjalën e tij i bëri gjyqin “vdekjeprurës” ish-presidentit amerikan. Ja tha në sy dhe publikisht të gjitha përgjëgjësitë, mëkatet, gënjeshtrat,frymëzimet ndaj dhunës, mosveprimin si detyrë kushtetuese, por sipas tij “kushtetuta nuk lejon të gjykosh qytetarin privat”. Ndërkohë prokura dhe akuza ndaj ish-presidentit u hodh në “ring”. Askush nuk mund ta mbrojë ish-presidentin ndaj çdo akuze që mund t’i bëhet, ndërkohë që ishte në detyrë zyrtare,nëse akuzohet në gjykatë, por Senati nuk është gjykatë. Senati është Senat dhe nuk merret siç thonë në shqip me “pula të ngordhura”. Donal J. Tramp prej 20 Janar 2021 është një qytetar privat amerikan.

Vendimi i sotëm i Sentatit Amerikan më shumë se “shpëtim” për presidentin e 45-të amerikan, është një konfirmim kushtetues që individi i lirë mbetet i lirë derisa e kap “laku” ligjor. Nuk ka fuqi senati të gjykojë dhe dënojë dikë që nuk është në “juridiksionin” e tij.

Për ne shqiptarët është vërtet “leksion kushtetues”. A ju kujtohen gjyqet tona popullore. A ju kujtohet se si e “pushkatoi” vetëm një njeri, në sallën e mbledhjeve plenumi i PPSh, Kadri Hazbiun? Asnjë provë nuk u shfaq, asnjë detaj për krimet dhe tradhëtitë e lakuara, por sepse tha “njëshi”, Kadri Hazbiu duhet të dënohej. Dhe si viktimë e ideologjisë që besonte, ai njeri i mjerë përballë kolegëve dhe shokëve të plenumit pohonte:”Në më arreston, partia ime më arreston”. Çfarë ironie e kohës që shkoi…

Ja pse ka shumë rëndësi që çdo proces të shihet në dy kahe. Nëse në rastin që flasim ka një shumicë që mendon se presidenti është fajtor, ka një këndvështrim tjetër që thotë se “Jo, ai nuk mund të gjykohet e penalizohet nga Senati”.Amerika po mëson nga vetvetja, ndaj edhe çdo mësim që duam të marrim prej saj, duhet ta gjykojmë në specifikat e realiteiti politik. Sidoqoftë mesazhi më i madh që jep senati amerikan është i qartë: qytetari privat nuk është subjekt gjykimi nga instancat ligjformuese, por kjo nuk garanton “imunutet” në përballje me ligjin në çdo nivel gjykate.”Liria nënkupton përgjegjësi.Kjo është arsyeja që shumë njerëz i ndruhen” ka thënë Bernard Shou!

Edhe pse në një vështrim të gjërë habitesh dhe pyet veten se si është e mundur; në një plan real,në një gjykim të ftohtë dhe jopartizan, mesazhi i konservatorëve në Senatin Amerikan është i qartë: qytetari privat nuk preket. Liria e individit mbetet e shenjtë.Ndaj është e rëndëshishme e vërteta të shihet nga “dy palë sy”. Në këtë plan sërish “çuditë amerikane” vazhdojnë…

13 Shkurt 2021

US SENATE ACQUITS TRUMP IN IMPEACHMENT TRIAL ON CAPITOL INSURRECTION

February 14, 2021 by dgreca

The U.S. Senate acquitted Donald Trump on Saturday in his second impeachment trial in a year.

The quick trial, the nation’s first of a former president, showed how perilously close the invaders had come to destroying the nation’s deep tradition of a peaceful transfer of presidential power after Trump had refused to concede the election. The Senate vote of 57-43 — seven of the 50 Senate Republicans joined the chamber’s unified Democrats — fell short of the two-thirds majority needed to convict Trump on a charge of incitement of insurrection after a five-day trial in the same building ransacked by his followers on January 6, shortly after they heard him deliver a fiery speech.

Earlier in the day, the Senate reached an agreement to avoid witness testimony in the trial.

Republican Congresswoman Beutler issued a statement late Friday that House Minority Leader Kevin McCarthy told her Trump had expressed sympathy and admiration for the mob during a heated phone call between the two amid the unfolding attack on the Capitol. After taking a midday break, senators returned and announced they had reached an agreement that included admitting Beutler’s statement as evidence in the trial.

On Friday, Trump’s lawyers wrapped up their defense of the former U.S. leader, denying he helped incite the attack on the Capitol. Trump’s lawyers described the trial as a politically inspired and illegal “witch hunt.” He told senators that the former president had every right to dispute his election loss to now-President Joe Biden and that Trump’s 70-minute speech just minutes before the insurrection did not amount to inciting the violence.

When Trump urged thousands of supporters on the Ellipse to “fight like hell,” the defense said, it was no different from Democrats’ using similar rhetoric that could spark violence.

The video included many of the Democratic lawmakers who were the impeachment managers prosecuting the former president.

The defense presentation followed a two-day prosecution by House Democrats linking Trump’s rhetoric at the January 6 rally to the actions of the mob that stormed the Capitol afterward in an attempt to block certification of the 2020

Impeachment prosecutors contended Thursday that there was “clear and overwhelming” evidence that Trump incited insurrection by sending the mob to the Capitol to confront lawmakers.

In wrapping up his presentation, Mr. Raskin told the 100 members of the Senate acting as jurors they should use “common sense on what happened here.”Mr. Raskin argued that Trump had urged hundreds of his supporters to march to the Capitol, and then — when they stormed the building, smashed windows, ransacked offices and scuffled with police — “did nothing for at least two hours” to end the mayhem that left five people dead, including a Capitol Police officer.

This trial in the final analysis is not about Donald Trump,” said lead prosecutor Rep. Jamie Raskin, D-Md. “This trial is about who we are.”

Shën Valentini- dita për të dashuruar…

February 14, 2021 by dgreca

Shën Valentini në sofrën e Diellit /

Shën Valentini- dita për të dashuruar, si të mos ketë ditë tjetër /

Poezi nga Rafael Floqi /

MESAZH

Nëse telefoni yt do të vibrojë,

dhe ti s’do që ta ndjesh

sepse përpëlitet ashtu,

ngase për ty po dridhet një zemër,

dhe, nëse bën sikur s’e sheh dot

se germa fillestare e emrit tënd

është një e-moji i kuq që pulson,

atëherë t’i se ke arritur të kuptosh,

apo e harron e nënvlerëson, e dashur

se ata që të thonë:

” Se dashuria është e frikshme”,

ata s’ kanë ndjerë kurrë një dashuri,

të tillë të paanë,

si ajo që më dhuron ti mua.

Ndaj dije, zemër,

se ata që thonë se dashuria është

e dhunshme, e dhimbshme,

ata kurrë nuk janë ngushëlluar,

nga një dashuri e pa sinor

eklipsuese si kjo e jotja.

Mbaje mend, shpirt,

se ata që thonë, se dashuria e vërtetë

nuk ekziston fare mbi dhe,

ata më bëjnë të besoj se vërtet

se ata

s’ kanë takuar dot një njeri si ti,

se ata

kurrë s’ mund të dashur pa kufi

si ne.

PERPETUM LOVE

Nëse të them se zëri yt është një ujëvarë qelibari,

në të cilin dëshiroj të kridhem çdo ditë,

nëse ma puth gojën si një trëndafil mistik

me më shumë dëshirë e disi me frikë,

nëse të pëshpërit se miklimi i trupit tënd

ndjell tek unë sa fuqi të pashtershme shëruese

aq dhe dëshira të brishta shpresash

vetëmohuese.

Nëse është vërtet kështu,

besoj

se kjo është e vetmja përplasje qytetërimesh

të cilin kam dëshirë me qejf

ta përjetoj.

Nëse ti me dëshirat e ëndrrat e tua,

mbjell plot ardhmëri në ëndrrat e mia,

sa unë mund t’u zë prita reve të errëta,

të ditëve të zymta që mund të mësyjnë.

Nëse ti mendon se shumica e njerëzve

e pranojnë me ngadalë dashurinë,

kjo ndodh

se kanë frikë nga transformimi

që do sillte dhembka në jetën e tyre.

Dhe kurrë mos gabo, zemër

mbaje mend mirë këtë;

se dashuria merr përsipër të transformojë

egon sonë,

në emër të ndjenjës sonë …

Ndaj ta vodha zemrën e dashur

dhe të premtova do ta mbaj gjithmonë

në burgun e dashurisë sime.

E di që, se edhe ti vetë e ke përjetuar

Se çdo të thotë të që kujdesesh më shumë

për ndjenjat e dikujt,

që të sakrifikosh gjithçka që duhet

për ta ndihmuar atë,

që të ndihet më mirë.

Me fjalë të tjera,

dashuri është:

kur zemra ime bëhet e ndjeshme ndaj tëndes.

Dhe, nëse nuk po e ndjen veten

kaq të lirë, të kthjellët në këtë çast

kjo shpirt,

do të thotë se jemi aty afër

edhe na duhet edhe ca, edhe do pak,

që të zbulojmë mes thinjash,

misteret e asaj

që s’mund të zbulohet kurrë fillikat.

Se sekreti i artit më të mirë të jetuarit,

është ripërtëritja e dashurisë në amshim,

është energjia e pashtershme

është “ perpetum love”,

që i çliron ti

shpirtit tim.

MËNGJESI I SHËN VALENTINIT

Mëngjesin tonë të dashurisë

sot na e rrëmbeu mes dhelkash,

vajza jonë e vogël vetëm 9 vjeçe,

që kërkoj të mbrohej

duke hyrë mes nesh në shtrat,

i trembej dinozaurëve të ëndrrës

që ta mbllaçitshin atë si të ishte trileçe.

U fut mes nesh për të ndjerë siguri,

por e paqetë, rrotullohej e s’gjente rehat.

këtë mëngjes të ngarkuar me borë

me elektronet të trupave tanë,

që bënin gjoja sikur dremisnin

në një kotje të shtirur të përndezur nga rrezet.

Ajo rrëkëllehej e sigurt mes mamit e babit.

dhe një dritë ylberi, sakaq me qetësi qiellore

e përkundi mes yjesh aureolën e hënës

duke zbritur gjumin dhe paqen prore.

E shoh atë pafajësi hyjnore,

ajo po fle, e ndjen po se kupton,

e sikur flet me një zë të ndryshuar,

që i përkëdhelet ditës që po vjen.

Ka vënë një tatu false në faqe,

me një zemër ku shkruhet “I love you Oriana”.

E dashur, ju shoh tek flini këtë mëngjes

Ju kundroj të dyjave

dhe mendoj se duke na dashur aq fort

papritur këtë mëngjes dashurie,

ajo kishte karamboluar me diellin

që kishte çuar në urgjencë epshet tona ,

duke i tubuar të gjitha dashuritë lozonjare

mbi vete me atë tatunë me shkrimin

“I love you Oriana ! ”

AKREPAT

Ne jemi si akrepat e një ore …

duke u ndjekur dhe duke u shmangur nga njëri-tjetri,

duke e humbur dhe duke e gjetur njëri-tjetrin,

rreth e përreth, para dhe prapa,

por si degë të bashkuara

tek një rrënjë,

duke harruar se koha

po harronte ritmin e saktë

e na bënte të ndjeheshim,

gabim

sikur në ndonjë çast

do të gjendeshim aq larg.

KUR TË NJOHA

Vetëm kur ndjeva rrezet e diellit tënd,

e kuptova që kisha qenë në hije.

Vetëm kur pashë të gjitha ngjyrat e tua,

e kuptova që e imja ishte venitur.

Vetëm kur dëgjova ëndrrat tua,

e kuptova që isha ende duke fjetur.

Vetëm kur e përjetova jetën me ty,

e kuptova që gjer në ato çaste

mezi pata marrë frymë.

KUJTIM I PAKTHJELLUEM

Trupi jem, sot s‘asht hetues për shpirtin

i shtym prej kujtimesh t’lashta labeate,

qi prej kohe iu jam lut të tranden n’zgjandra

e kam kërkue me e zbut n’harresë pengu,

ate

mallin opak t’afshit të asaj nate.

Kur dy buz n’hijen e shtyllave t’rrugës,

ku ndihej zhurma e barkave të peshkimit,

aroma e krapit që llapashitej

dhe turfullimi n’ajër e nji lopate,

digjeshin si tela përzhitës t’nji llampe

nsa hijet si lisharse mbi ne lodronin,

dhe dy buz si ngjyrë bakri i merrnin

shkëlqimin prej sermi të hanës

në errësinën e ndryme të shpive,

çileshin arkapiat e mendjes seme prore,

që dhe pse tash sa vjet ujë ka rrjedhun,

asht prap’ e lëbyrtë për shpirtin.

Nji puthje, dranofillja lypte për me çilë

sot një qerpik ende i paterun dridhet,

n’kujtimin e pa tretun të kohve rinore.

N’qepallat e mbyllme t’syve t’shpirtit tem,

fringllon tash sa parë,

pa e mshehun kahera trandjen e nji kujtimi,

t’bam, pa dashje, ujem,

të largët, të pagjum, fathumb e lodrues si era

si një zemra cigane që shkapetet në arrati,

duke shkapet imagjinata dhe kujtime,

e padashun nan za, gjith’ mall e nostalgji

nji buz e rreshkun nis e knon aromshëm,

apet.

“Karajfilat që i ka Shkodra

sa t’bukur janë…”,

medet.

KOSOVA TË DIELEN E 14 SHKURTIT 2021 NË ZGJEDHJET E TETA PARLEMENTARE NË LIRI

February 13, 2021 by dgreca

-Në Kosovën e lirë nga Qershori 1999, të parat zgjedhje parlamentare u mbajtën në 17 Nëntor 2001

-Legjislatura e tretë, e zgjedhjeve të 17 Nëntorit 2007, ka hyrë në histori me shpalljen e Pavarësisë së Kosovës në 17 Shkurt 2008

-Zgjedhjet e para pluraliste në Kosovë ishin parlamentare dhe presidenciale, të mbajtura para 29 vitesh, në 24 Maj 1992, si pjesë e lëvizjes për liri e pavarësi/

Gazeta DIELLI nga korrespondenti në Kosovë Behlul JASHARI

Kosova këtë të diele të 14 Shkurtit 2021 voton në zgjedhjet parlamentare – të tetat në 22 vjet liri, të pesta në 13 vjet pavarësi e të katërta të njëpasnjëshme të parakohëshme.

Kosova në Vitin e Ri 2021 shkon në zgjedhje parlamentare të jashtëzakonshme pas rënes së dy qeverive në vitin 2020 të pas zgjedhjeve të parakohëshme të 6 Tetorit të vitit 2019.

Në 2020-tën qëveria me kryeministër Albin Kurtin e Lëvizjes Vetëvendosje e zgjedhur në 3 Shkurt u rrëzua me mocion mosbesimi të inicuar nga partneri i koalicionit qeverisës – Lidhja Demokratike e Kosovës, e cila mori drejtimin e qeverisë me kryeministër Avdullah Hotin të zgjedhur në 3 Qershor, por në dhjetor Gjykata Kushtetuese shpalli të pavlefshme votën e një deputeti të minoriteteve, Etem Arifi, pasi kishte të humbur mandatin për shkak të një dënimi të formës së prerë nga gjykata, i cili tashmë ndodhet në burg. Vota e tij ishte vendimtare për zgjedhjen e qeverisë pasi mundësoi arritjen e minimumit të nevoshem prej 61 votave të parlamentit 120 anëtarësh.

Në Kosovën e lirë nga Qershori 1999, të parat zgjedhje parlamentare u mbajtën në 17 Nëntor 2001, kur numri i votuesëve të regjistruar ishte 1,249,987, ndërsa pjesëmarrja në zgjedhje 803,796 votuesë – 64.30%.

Zgjedhjet e dyta parlamentare u zhvilluan në 23 Tetor 2004. Numri i votuesëve të regjistruar ishte 1,412,680, ndërsa pjesëmarrja në zgjedhje 699,519 votuesë – 49.52%.

Zgjedhjet e treta parlamentare u mbajtën në 17 Nëntor 2007. Numri i votuesëve të regjistruar ishte 1,567,690, ndërsa pjesëmarrja në zgjedhje 628,630 votuesë – 40.09%. Legjislatura e këtyre zgjedhjeve, e treta, ishte ajo që ka hyrë në histori me shpalljen e Pavarësisë së Kosovës në 17 Shkurt 2008.

Zgjedhjet e katërta parlamentare në liri, të parat në pavarësi, u zhvilluan në 12 Dhjetor 2010. Numri i votuesëve të regjistruar ishte 1,632,276, ndërsa pjesëmarrja në zgjedhje 706,317 votuesë – 45.29%.

Zgjedhjet e pesta parlamentare në liri, të dytat në pavarësi, u zhvilluan në 8 Qershor 2014. Numri i votuesëve të regjistruar ishte 1,799,023, ndërsa pjesëmarrja në zgjedhje 734,055 votuesë – 42.63%.

Zgjedhjet e gjashta parlamentare në liri, të tretat në pavarësi, u zhvilluan në 11 Qershor 2017. Numri i votuesëve të regjistruar ishte 1,888,059, ndërsa pjesëmarrja në zgjedhje 779,729 votuesë – 41.3%.

Zgjedhjet e shtata parlamentare në liri, të katërta në pavarësi, u zhvilluan në 6 Tetor 2019 . Numri i votuesëve të regjistruar ishte 1,961,213, pjesëmarrja në zgjedhje 826,916 votuesë – 44.56%.

Për zgjedhjet parlamentare të 14 Shkurt 2021 – të tetat në liri e të pestat në pavarësi numri i votuesëve të regjistruar është 1,794,862.

Zgjedhjet e para pluraliste në Kosovë ishin parlamentare dhe presidenciale, të mbajtura para 29 vitesh, në 24 Maj 1992, si pjesë e lëvizjes për liri e pavarësi, në rrethana të rënda të dhunës e shtetrrethimit nga Serbia okupatore.

Ishin ato zgjedhje të rezistencës gjithëpopullore kosovare të shqiptarëve që krijuan një rend demokratik dhe forcuan institucionalisht Republikën e shpallur të Kosovës në zhvillime historike, që pasonin Deklaratën e Pavarësisë të 2 Korrikut e Kushtetutën e 7 Shtatorit 1990, si dhe Referendumin e zhvilluar nga 26 deri 30 Shtator 1991, në të cilin për Kosovën Shtet Sovran dhe i Pavarur u deklaruan pro 99,87 për qind e qytetarëve pjesëmarrës masivisht në votim – 87,01 për qind.

Në mbledhjen 2 Majit 1992 Kuvendi kosovar shpalli zgjedhjet shumëpartiake, në të cilat partitë politike angazhoheshin jo për rivalitete mes tyre, por të gjitha së bashku për vendosjen e pushtetit të Kosovës në Kosovë, të lirisë e demokracisë, në vend të pushtetit të Serbisë, të okupimit e imponimit.

SOLZHENICIN

February 13, 2021 by dgreca

Nga Astrit LULUSHI/*

13 shkurt 1974 – Aleksander Solzhenicin arresohet, të nesërmen dëbohet nga Bashkimi Sovjetik për në Frankfurt të Gjermanisë Perëndimore, dhe i hiqet shtetësia sovjetike; KGB-ja i kishte gjetur dorëshkrimin e pjesës së parë të Archipelagut Gulag. Atasheu ushtarak amerikan në Moskë William Odom arriti të nxjerrë fshehurazi një pjesë të madhe të dorëshkrimeve të Solzhenitsynit, dhe ky më pas e nderoi rolin e Odomit në librin “Aleatët e padukshme” (1995). Nga Gjermania, Solzhenicin u transferua në Zyrih, Zvicër para se Universiteti Stanford ta ftonte për të qëndruar në Shtetet e Bashkuara. Atij iu dha një diplomë nderi për letërsi nga Universiteti i Harvardit në vitin 1978. Në një rast, kur e pyetën se si i shpjegonte fatkeqësitë e mëdha që i kishin ndodhur Rusisë, Solzhenicini (e ëma ukrainase, i ati kazak) u përgjigj:

“Njerëzit kanë harruar Zotin, kjo është arsyeja pse e gjithë kjo ka ndodhur. Kam kam kaluar gati 50 vjet duke shqyrtuar historinë e revolucionit socialist, kam lexuar qindra libra, kam grumbulluar qindra dëshmi personale, kam kontribuar tashmë me shkrimin e tetë librave në drejtim të gjetjes së një shpjegimi dhe nuk mund ta them atë më saktë sesa ta përsëris: Njerëzit kanë harruar Zotin, kjo është arsyeja pse e gjithë kjo i ka ndodhur Rusië”.

Me shkrimet e tij, Solzhenicin shërbeu si një arkiv vuajtjesh; librat e tij janë kujtime të shrehura artistikisht për të tërhequr vemendjen dhe prekur ndërgjegjen e çdo njeriu. Më poshtë disa vargje që Solzhenicini i shkroi në burg, pikërisht lidhur me rëndësinë e ruajtjes së kujtimeve për të treguar vuajtjet nën komunizëm;

“Zot më ruaj të mos çmendem

Kurrë nuk ka qenë, as nuk do të jetë, botë e shkëlqyer!
Pece këmbësh e ngrirë është shall që mbështjell fytyrën time
Luftë mbi qullin për të ngrënë, betejë e vazhdueshme e trazuesit.
Dhe ditët pasojnë dita-ditës, pa fund, në fatin e zymtë.
Goditja ime e dobët ndez xixa nga tokë e ngrirë.
Dielli poshtë vështron dhe unë shikoj qiellin.
Bota është këtu! Dhe do të jetë! Raund i përditshëm
Mjaft! Njeriu nuk duhet të mbyllet në këtë ditë.
Duhet shkruar! Për të shkruar tani, pa vonesë,
Jo mes zemërimit, por arsyeshëm, me kuptim të qartë.
Kujtesa kurrë nuk mund të çojë tek ngjarjet siç kanë ndodhur,
Ashtu si shumë rrallë pulset e dritës prekin shpirtin e dhembur.
Po, është i mbyllur qarku rreth nesh, tepër i tendosur,
Por vargjet shpërthejnë pengesat, kujtimet lirshëm rrjedhin
Për të shpëtuar diçka duhet shkruar, ndoshta, përtej mundësive.
Dhe pastaj ata mund të kontrollojnë më kot trupin tim –
“Ja ku jam, i gjithi juaji, kërkoni mirë, se mos iu shpëtojë gjë
Kujtesa është e paprekshme, me mrekulli hyjnore,
Mbetet përtej duarve të kasapit!”
Po sikur të më japin bukë të helmuar?
Ose nëse errësira mbulon mendjen time?
Oh, le të mos ndodhë këtu! Le të vdes atje!
Perëndi, më ruaj të mos çmendem!”

*(Marrë nga “Kalendar Historik”, Astrit Lulushi, TiranaTimes 2017)