Archives for June 2021

Kosovë-Serbi, në Bruksel rinisën takimet për dialogun

June 15, 2021 by dgreca

-Kryeministri i Kosovës, Albin Kurti: Treguam qëndrimin tonë kritik për procesin dhe marrëveshjet e deritanishme. Shprehëm gatishmërinë tonë për dialog konstruktiv për njohje të ndërsjelltë. Takimi i radhës do të mbahet para pushimit të verës që nis me 25 Korrik. Nuk u pajtuam për axhendën e dialogut të ardhshëm. Unë bëra katër propozime…/

-Pas takimit me delegcionet e Kosovës e Serbisë, Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, sot pasdite takohet me Presidentin e Shteteve të Bashkuara të Amerikës, Joe Biden/

Gazeta DIELLI nga korrespondenti në Kosovë Behlul Jashari

PRISHTINË, 15 Qershor 2021/ Kosova dhe Serbia rinisën takimet për dialogun në Bruksel. Kryeministri i Republikës së Kosovës, Albin Kurti bashkë me zëvendësin e tij Besnik Bislimi, e me ndërmjetësimin e Përfaqësuesit të Lartë të Bashkimit Evropian për Politikë të Jashtme dhe Siguri, Josep Borrell dhe emisarit të tij Miroslav Lajçak, sot në Bruksel u takuam me delegacionin nga Serbia të përbërë nga Presidenti Aleksandar Vuçiç dhe Ministri i Jashtëm Nikola Selakoviç.

Pas takimit, Kryeministri i Kosovës, Albin Kurti bëri të ditur:

Treguam qëndrimin tonë kritik për procesin dhe marrëveshjet e deritanishme. Shprehëm gatishmërinë tonë për dialog konstruktiv për njohje të ndërsjelltë. Takimi i radhës do të mbahet para pushimit të verës që nis me 25 Korrik.

Nuk u pajtuam për axhendën e dialogut të ardhshëm. Unë bëra katër propozime në këtë takim:

1. Gjashtë shtetet e Ballkanit Perëndimor e avansojnë CEFTA-n në SEFTA (South-East European Free Trade Agreement) sipas modelit të EFTA-EEA, pra marrëveshje çfarë Lihtenshtajni, Norvegjia dhe Islanda kanë me BE-në.

2. Kosova dhe Serbia menjëherë nënshkruajnë një marrëveshje të përbashkët të paqes duke u zotuar se nuk do ta sulmojnë njëra-tjetrën. Kjo është e rëndësishme tani si asnjëherë më parë, një ditë pas Samitit të NATO-s në Bruksel dhe porosive unanime që u dhanë aty.

3. Pas njohjes së ndërsjelltë midis Republikës së Kosovës dhe Republikës së Serbisë, në të dy vendet tona do të kemi reciprocitet bilateral, përfshirë çështjen e pakicave këtu. Pra, serbët në Kosovë mund të kenë Këshillin e tyre Nacional siç e kanë shqiptarët dhe boshnjakët në Serbi.

4. Për çështjen e të pagjeturve, të të zhdukurve me dhunë, duhet larguar nga pozita që ka dhe duhet marrë në pyetje kreun e delegacionit serb, Veljko Odaloviç, i cili në vitet 1997-1999, ishte “naçelnik i qarkut të Kosovës”, dhe udhëhiqte me Kosovën e okupuar bashkë me Zoran Angjelkoviç.

Për propozimin tim të parë nuk u përgjigjën, ndërsa tre propozimet e tjera i refuzuan. Shpresoj që kur të kthehen në Beograd, Vuçiç dhe Selakoviç, të mendojnë më shumë dhe ta konsiderojnë seriozisht pranimin e këtyre propozimeve, theksoi Kryeministri i Kosovës, Albin Kurti.

Ai bëri të ditur edhe se, sot pasdite Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, takohet me Presidentin e Shteteve të Bashkuara të Amerikës, Joe Biden.

Para 10 viteve fillimi me takim dyditësh 8-9 Mars 2011 në Bruksel i dialogut Kosovë-Serbi me ndërmjetësim të Bashkimit Evropian e me mbështetje të Shteteve të Bashkuara të Amerikës pasonte një zhvillim shumë të rëndësishëm dhe historik për Kosovën: Në 22 Korrik 2010 Kosova doli fituese në Gjykatën Ndërkombëtare të Drejtësisë pas një ankese që Serbia kishte dërguar kundër shpalljes së Pavarësisë në 17 Shkurtin historik 2008.

Gjykata Ndërkombëtare e Drejtësisë ka konkluduar se miratimi i Deklaratës së Pavrësisë së Kosovës në 17 Shkurt 2008 “nuk e ka shkelur të drejtën e përgjithshme ndërkombëtare, as rezolutën 1244 të Këshillit të Sigurimit e as Kornizën Kushtetuese”.

“Prandaj, miratimi i kësaj deklarate nuk e ka shkelur asnjë rregull të aplikushme të së drejtës ndërkombëtare”, theksohej më tej.

Menjëherë pas këtij zhvillimi me rëndësi historike, në një deklaratë të anëtarëve të Grupit Drejtues Ndërkombëtar për mendimin këshillues të Gjykatës Ndërkombëtare të Drejtësisë rikonfirmohej mbështetja e palëkundur për pavarësinë e pakthyeshme të Kosovës dhe bëhej thirrje për njohje.

“Grupi Drejtues Ndërkombëtar rikonfirmon mbështetjen e palëkundur të tij për pavarësinë e pakthyeshme të Kosovës demokratike dhe shumetnike në kufijtë e saj të tanishëm dhe i bën thirrje shteteve tjera që të njohin Kosovën. Ai po ashtu përshëndet përkushtimin e vazhdueshëm të Kosovës dhe progresin e konsiderueshëm në zbatimin e Propozimit Gjithëpërfshirës për Statusin dhe do të vazhdojë të mbështesë Kosovën në punën për realizimin e perspektivës së saj evropiane”, theksohej në deklaratë.

Grupi Drejtues Ndërkombëtar (ISG) për Kosovën, i cili përbëhej nga vendet që e kanë njohur Pavarësinë, ishte formuar në 28 Shkurt të vitit 2008 dhe synonte të orientojë dhe mbikëqyrë zhvillimin demokratik të Kosovës, të nxisë qeverisjen e mirë dhe shumetnicitetin, bazuar në Propozimin Gjithëpërfshirës të emisarit të posaçëm të OKB-së, kryenegociatorit për statusin, Martti Ahtisaari.

***

NGA RAPORTIMET E MEDIAS:

Lajçaku: Takimi Kurti-Vuçiq s’ishte i lehtë, por me rëndësi ndodhi

Emisari i posaçëm i Bashkimit Evropian për dialogun Kosovë-Serbi, Miroslav Lajçak, pas takimit që patën të martën kryeministri i Kosovës, Albin Kurti, dhe president serb, Aleksandar Vuçiq, në Bruksel, ka deklaruar se takimi s’ka qenë i lehtë.Ai ka thënë se nga dialogu, BE-ja dhe popujt e dy vendeve kanë pritje të mëdha.

“Nuk ishte takim i lehtë, por i rëndësishëm që ndodhi. Të dy liderët patën diskutim të hapur secili se çka do nga dialog. E rëndësishme nga BE-ja është që të dy liderët konfirmuan se s’ka rrugë tjetër pos normalizim raportesh. Të dy u zotuan për punë për arritjen e marrëveshjes së përgjithshme, nëpërmjet dialogut. Do të vazhdojë në fund të korrikut. BE-ja ka pritje të mëdha për të tejkaluar trashëgiminë e kaluar dhe që Serbia e Kosova të drejtohen kah e ardhmja evropiane nëpërmjet marrëveshjes gjithëpërfshirëse obliguese”, ka thënë ai.

Vuçiqi: Kosova s’donte të fliste për Asociacionin, por për të pagjeturit

Presidenti i Serbisë, Aleksandar Vuçiq, pas takimit me kryeministrin e Kosovës, Albin Kurti, ka thënë se në takimin në Bruksel ka pasur “provokime” nga ana e Kosovës.

Ai ka thënë se nuk janë përdorur fyerje në takim, por “përgjigje të rrepta”.

“Ai erdhi duke mos u pajtuar për asgjë. Erdhi e më pyeti se kur do ta njohim Kosovën. I kam thënë kurrë. Ka shpërthyer”, ka thënë Vuçiq pas takimit.

“Delegacioni i Kosovës nuk dëshiron t’i zbatojë marrëveshjet e nënshkruara, pra nuk do fare të flasin për Asociacionin, ndërsa në anën tjetër kanë kërkuar ugjentisht të dijë se kur do ta njohim Kosovën dhe janë thirr në incidentet që kanë ndodh atje, që serbët po dëshirojnë përmes liturgjive dhe kishave në kohën kur këto kisha janë ndërtuar në kohën e Milloshevqit. Kemi fol për personat e zhdukur dhe nuk do të besoni, unë kam folur sipas principeve, kam folur për atë se sa është e rëndësishme të zbulojmë vendet ku gjendet trupi i çdo shqiptari dhe serbi. Unë kam kërkuar që të ketë kërkime në nëntë lokacione, dy në Klinë një në Istog, një në Llapushnikë, Mejë të Gjakovë dhe Suharekë. Kemi kërkuar që ne t’i zhvillojmë zhvarrimin pasi dyshojmë se në këto lokacione ka trupa të serbëve, por ata kanë refuzuar”, ka thënë më tej Vuçiqi.Sipas Vuçiqit, është arritur pajtimi për vazhdim të dialogut deri në korrik. (Koha.net)

Lulzim Basha rimerr zyrtarisht kreun e Partisë Demokratike

June 14, 2021 by dgreca

Nga Ilirian AGOLLI-Zeri i Amerikes/

Në Shqipëri, Partia Demokratike njoftoi sot edhe zyrtarisht rizgjedhjen për herë të tretë të zotit Lulzim Basha në detyrën e kryetarit të partisë më të madhe opozitare.

Ai fitoi me një diferencë të thellë përballë 3 konkurrentëve të tjerë, të cilët e akuzuan për garë të pabarabartë në parti dhe për humbjen e zgjedhjeve parlamentare më 25 prill.

Lulzim Basha u rizgjodh sot zyrtarisht kryetar për herë të tretë i Partisë Demokratike, 7 javë pas zgjedhjeve parlamentare të 25 prillit.

Sipas të dhënave nga komisioni zgjedhor i partisë, zoti Basha mori nga anëtarët e partisë 5 herë më shumë se sa konkurrenti tjetër Agron Shehaj, 33 herë më shumë se konkurrentja Harxhi, dhe 42 herë më shumë se konkurrenti Kadilli.

Zoti Basha mori afro 33 mijë vota, ndërsa zoti Kadilli mori afro 800 vota, megjithatë, ky i fundit shprehu shqetësim për garë të pandershme, shpesh e ngjashme me shkeljet që PD tha se i bënë socialistët më 25 prill.

Zoti Kadilli tha se “pjesë e manovrave të pabarazisë ishte edhe shkurtimi i listës së anëtarëve nga 100 mijë vetë në 70 mijë vet, madje shumë figura të njohura të opozitës nuk gjenin emrat në lista për të votuar”, po ashtu edhe shkelje të tjera, që dëmtuan besueshmërinë e votimeve.

Edhe kandidatët e tjerë renditën dje disa shkelje si koha e shkurtër e garës, listat e pasakta të votuesve, mungesa e vëzhguesve, votimi familjar, fotografimi i votës, dhe shfrytëzimi nga zoti Basha i burimeve të partisë për të zhvilluar garën.

Lulzim Basha, u rikonfirmua me mbi 80 për qind të votave për një mandat të tretë në drejtimin e Partisë Demokratike, pas votimit të zhvilluar të dielën në 76 qendra votimi në të gjithë degët e kësaj force politike.

Zoti Basha tha sot pas zyrtarizimit të fitores, se votat shprehën mbështetjen e jashtëzakonshme nga anëtarët. “Ajo është një shprehje e qartë e besimit në rrugën tonë drejt ndryshimit. Sëbashku do tëbëjmë gjithçka që Shqipëria të fitojë” – tha ai pasite në një mesazh përmes rrjeteve sociale.

Ndërsa dje tha se kjo ishte garë e vlerave të demokratëve. “Këto janë vlerat tona, janë vlerat e demokracisë, e shprehjes së lirë dhe vlerat e debatit. Me këto vlera e kemi nisur betejën për ndryshimin, për Shqipërinë dhe për shqiptarët. Me këto vlera do ta çojmë deri në fund, deri në përmbysjen e regjimit Rama-Doshi” – tha zoti Basha.

Disa zëra kritikë në PD, si zoti Kadilli etj. kërkuan dorëheqjen e zotit Basha nga drejtimi i Partisë për shkak të humbjes së zgjedhjeve parlamentare më 25 prill, kur socialistët morën një mandat të tretë qeverisës, ndërsa demokratët edhe një tjetër 4-vjecar në opozitë.

Mirëpo kjo përkoi me afatin e zgjedhjeve të rregullta për kryetar në parti dhe këto zgjedhje partiake u zhvilluan brenda më pak se një muaji.

PD ka deklaruar se zgjedhjet e 25 prillit ishin një masakër elektorale dhe zoti Basha ka folur për një vazhdim të betejës, sipas tij, ndaj regjimit të kryeministrit Rama, që po kontrollon me forcë gjithë pushtetet në bashkëpunim me botën e krimit të organizuar.

Pasi janë rrëzuar gjithë pretendimet e saj për manipulime të zgjedhjeve më 25 prill,hapi tjetër i opozitës mbetet të shihet në shtator me qëndrimin e saj ndaj parlamentit të ri të mbizotëruar nga socialistët.

PROMOVIM NE VATER-22 QERSHOR 2021

June 14, 2021 by dgreca

-“NËNË TEREZA, SHENJTORJA E PERIFERIVE”, PROMOVOHET NË VATËR MË 22 QERSHOR 2021/

Të Martën më 22 Qershor 2021, në orën 6.00 PM, në selinë e Federatës Panshqiptare të Amerikës “VATRA” organizohet promovimi i librit “Nënë Tereza, Shenjtorja e Periferive” ePhD Ines Angeli Murzaku. Libri është një studim shkencor mbi Nënë Terezën, i bazuar në dokumenta origjinale, letra të shkruara nga dora e Nënë Terezës. Libri është një libër teologjik, përdor metodat teologjike, filozofike e misionare për të kuptuar e interpretuar figurën e Nënë Terezës dhe veprën e saj që e tejkalon bamirësinë. Libri është i bazuar në teologjinë e periferivetë Papa Françeskut, një periferi që manifestohet në forma të ndryshme, me dimensione tëndryshme, me aktorë të ndryshëm. Nënë Tereza me zërin e saj i dha zë atyre që nuk kishin zë, idha sy të verbërve. Për Nënë Terezën Zoti, besa-nderi, mikpritja janë të gjitha cilësi të cilat vijnënatyrshëm për një Shqiptar dhe këto ajo diti me zgjuarsi e vetëmohim t’ja transmetojë gjithë botës. PhD Ines Murzaku është Profesore (Full Professor) e Historisë Kishtare, Drejtoreshë e Programit të Studimeve Katolike dhe Themeluese e Departamentit të Studimeve Katolike në Universitetin Seton Hall në New Jersey. Ka një doktoraturë kërkimi nga Pontifical Oriental Institute në Romë, pjesë e Konsorciumit Pontifikal Gregorian University dhe ka mbajtur pozita vizituese (visiting profesor) në Universitetet e Bolonjës dhe Kalabrisë në Itali dhe Universitetin e Münster në Gjermani. Ka fituar grante prestigjioze qeveritare, duke përfshirë Alexander von Humboldt për Studiuesit me përvojë (Gjermani) dhe Grantin e Këshillit të Kërkimeve të Shkencave Sociale dhe Humanitare të Kanadasë (SSHRC-Kanada) dhe ka fituar Fulbright Senior Research Scholars (USA) në Itali dhe Slloveni. Kërkimet e saj shkencore janë botuar në artikuj të shumtë dhe në 8 libra. Veprimtaria do të moderohet nga gazetari i “Diellit” Sokol Paja. Jeni të ftuar të bëheni pjesë e këtij promovimi.

US, Albania, Welcome Agreement on ‘Trustworthy’ 5G

June 14, 2021 by dgreca

rime Minister Edi Rama and Secretary of State Antony Blinken, after signing the agreement on 5G between Albania and US. Photo: Edi Rama/Facebook./

Albania has become the next Western Balkan country to pledge close coordination with the US on the development of 5G technology networks in a deal that US Secretary of State Blinken said set an important example.

By Fjori SINORUKA- BalkanInsight/

Albania is the latest country to join the queue in the region for reliable 4G and 5G networks after Prime Minister Edi Rama signed a memorandum with the US Secretary of State Antony Blinken in Brussels on Sunday.

Without explicitly mentioning the Chinese giant, the agreement likely excludes China’s Huawei from the competition.

The deal comes a week after Romania promulgated a law that prohibits ties with China’s 5G network and after both Serbia and Kosovo committed themselves to former US President Donald Trump in September 2020 to “prohibit the use of 5G equipment supplied by untrusted vendors in their communications networks”.

Last October, the US signed a document with North Macedonia, emphasizing “the importance of encouraging the participation of reliable and trustworthy network hardware and software suppliers in 5G markets, taking into account risk profile assessments, and promoting frameworks that effectively protect 5G networks from unauthorized access or interference”.

Secretary of State Blinken said the agreement with Albania was important and sent a message to others.

“I think we’re setting a very strong example together here today, particularly on the need to make sure that when it comes to our most sensitive technology and networks we have, we’re working with trusted vendors. That’s particularly important now and a strong message to send out,” Blinken said.

He added that the partnership between the two countries was becoming stronger and that he appreciated Rama’s leadership in this.

Rama said the moment was an important one, and that he worked for this initiative for years and had also asked other countries in the region to join it.

“For me and for us, in Albania, it is a very important moment because … we have undertaken this initiative on our part for several years and asking other countries in the region to become part of that altogether, to make efforts for a secure communication corridor and put this communication corridor of very critical services in the hands of the citizens of Albania, Albanian institutions, security forces and not to allow it to be compromised by third actors who are sometimes malicious actors,” he said.

According to a National Plan for the sustainable development of digital broadband infrastructure, by the Ministry of Infrastructure and Energy, Albania plans to implement a 5G network between 2020 and 2025.

Implementation of the 5G network was first spoken about in Albania in 2019, when the US embassy was involved in the discussions, claiming that, “China would like to capture the digital lifestyle of the Western Balkans to absorb information from them and suffocate networks of US allies”.

China’s Huawei reacted to the deal saying it had not tested anything related to 5G in Albania and had not had any contracts on that matter.

Albania’s High State Control (Audit Office), in a report in 2020 said: “Chinese products, like Japanese ones in the 1980s, are already making the big leap, from quantity without quality, to quality below cost. Under these conditions, driven by the low level of income for both the individual and the government, Albanians find it difficult to resist the temptation to flirt technologically with the Chinese. It took continued US intervention last December to remind us that as a NATO member, our priority should not be simply 5G technology, but 5G security”.

KRYETARI I VATRËS ELMI BERISHA NË MBËSHTETJE TË KANDIDATIT PËR KONGRES COLIN SCHMITT

June 14, 2021 by dgreca

Kryetari i Federatës Panshqiptare të Amerikës VATRA z.Elmi Berisha ka kënaqësinë të ftojë miq, dashamirës, komunitetin shqiptar dhe familjen e madhe vatrane që të mbështesin kandidatin për Kongres Colin Schmitt i cili kandidon në Zonën 18-të New Jorkut. Takimi i shumëpritur do të mbahet ditën e hënë më datë 21 qershor 2021 nga ora 6-8 pm në adresën 2567 E Main St, Wappingers Falls, New York 12590. Mbështetja për kandidatin Colin Schmitt është një shenjë vlerësimi dhe respekti që kandidati për Kongres Schmitt ka ndaj komunitetit Shqiptaro-Amerikan. Për konfirmim pjesëmarrjeje në këtë takim jeni të lutur të konfirmoni në numrin: 8455904807 dhe në adresën e email: elmiberisha70@gmail.com. Le të bëhemi të gjithë bashkë për një mbështetje masive për z. Schmitt. Kur shqiptarët bëhen bashkë, gjithmonë bëjnë punë të mira dhe korrin suksese të mëdha.