Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for May 2023

Rrjetet profesionale dhe kërkesa e promovimit të tyre

by

Shoqata Shqiptaro-Amerikane “ Skenderbej” Inc. u mblodh më daten 13 Maj, 2023 në Ramerino Italian Prime restaurant, me pronar z. Zamir Vejuka në Manhattan, New York,(roof top 22 floor). Tema e aktiivitetit të rradhës ishte: Rrjeti Profesional dhe Nevoja e Fuqizimit të tij në Komunitet. Ky aktivitet ishte i pari i këtij lloji organizuar nga kryesia e shoqatës. Rrjetëzimi professional ka një rëndesi shumë të madhe në ditët e sotme. Ai u hap rrugë të reja marrëdhenieve mes profesionistëve të fushave të ndryshme si edhe të ngjashme. Ai nxit shkëmbimin e experiencave, ndihmon në identifikimin e burimeve të reja informative, si edhe promovon individin në rrugën e tij /saj profesionale.

Në këtë aktivitet morën pjesë Kryetari i Shoqates Shqiptaro-Amerikane “ Skenderej” Z. Imer Lacaj, Zv. Kryetari i Shoqatës z. Lek Preci, sekretarja e shoqates znj. Alketa Ktona-Veshi, anëtarja e kryesisë Znj. Arta Xhaferri, nismëtarët e këtij aktiviteti si edhe anëtarët e kryesiesë z. Adrian Tahiri dhe z. Ervin Toro. Pjesëmarrja e të ftuarve apo të interesuarve që morën pjesë në këtë takim i dha larmi atmosferës së bukur të kësaj mbrëmjeje.

Sipas një sondazhi të bërë në global Linkedln, pothuajse 80 përqind e profesionistëve të sotëm e konsiderojnë këtë rrjet tepër të rëndësishëm . Po ashtu , sipas HubSpot, 85 përqind e vendeve të punës plotësohen përmes këtyre rrjeteve dhe 70 përqind e punëve nuk publikohen në market. Anëtaret e shoqatës Shqiptaro-Amerikane “Skendërbej” Inc. duke qenë një forcë aktive pune brenda qytetit të New York-ut e vlereson rrjetin profesional , punon për krijimin e lidhjeve të reja përmes tij duke krijuar hapësira dhe mundësi të reja punësimi për anëtarët e saj .

Mbremja kaloi në një atmosfere tepër të këndshme. Anëtarët, të ftuarit dhe gjithë të pranishmit ndanë dhe shkëmbyen informacion me njëri- tjetrin , dhanë mendime për projekte të reja të së ardhmes, treguan pozitivitet në marrëdhniet e tyre dhe rritën edhe më shumë sensin e bashkëpunimit dhe kërkesës për të ndihmuar më shumë njëri- tjetrin.

New York, 15 Maj, 2023

Shoqata Shqiptaro – Amerikane “Skenderbej” Inc.

Mjeshtërit e harruar

by

Bajram Mjeku/

Ehat Musa është njëri ndër kitaristët më të shquar në skenën botërore. Dikush nga brezi i ri kur të lexoj këtë postim, me të drejtë mund të pyes; përnjëmend kush është mjeshtri për të cilin nuk kemi dëgjuar asnjëherë?!

Ehat Musa u lind në Pejë në vitin 1949 dhe tashmë gjysmë shekulli jeton në Francë. Kur ai ekzekutonte preludet e Bahut dhe kryeveprat e kompozitorëve më të shquar në skenat më të njohura të Evropës në vitet 70-të të shekullit të kaluar, unë isha fare fëmijë!

Atëbotë Radiotelevizioni i Prishtinës i jepte hapësirë të mjaftueshme këtij artisti virtuoz, derisa në tre dekadat e fundit, pa dashje apo qëllimshëm deshëm ta harrojmë…

Fatin e mjeshtrit Ehat Musa e kishte edhe piktori tjetër pejan Daut Berisha, i cili ndërroi jetë muaj më parë. Edhe piktori i shquar jetonte në Paris dhe pati fatin e “harresës”, si mjeshtri virtuoz Ehat Musa! Për ata që nuk e dinë, njëra nga pikturat e Daut Berishës ka qëndruar një kohë të gjatë në Zyrën Ovale të Pallatit presidencial Elysée në Paris.

Do të ishte në nderin e Ministrisë së Kulturës të ftonte Ehat Musën, derisa më shumë se dy mjeshtrit, do ta nderonte veten Presidenca e Kosovës, e cila do të duhej t’i dekoronte këta dy artistë të mëdhenjë, të cilët kudo që kanë interpretuar dhe kudo që i kanë ekspozuar veprat e tyre, janë prezentuar si shqiptarë. Në skenat dhe galeritë më të shquara të botës, dy artistët kanë prezentuar shpirtin artistik të vendlindjes së tyre.

Nuk do ta harroj asnjëherë gjestin e Isa Berishës, vëllait të piktorit Daut Berisha, i cili jetonte e punonte në Oslo. Një ditë shtatori të vitit 2000, Isa Berisha më ftoi të pinim kafe, derisa mbante një pikturë nën sqetull. Derisa bisedonim, ai vuri pikturën mbi tavolinë dhe më tha se e kisha dhuratë nga Dauti, i cili jetonte në Paris…

Në botën shqiptare, kitaristi Ehat Musa dhe piktori i ndjerë Daut Berisha, vazhdojnë të mbeten të pazëvendësueshëm, derisa mbetet në nderin tonë që me dashje duam t’i harrojmë.

Foto: Ehat Musa duke ekzekutuar në kitarë në fillim të viteve shtatëdhjetë.

Kryeministri Kurti: Komunitetet dhe diversiteti janë pasuri për Kosovën

by

Me ftesë të Kryeministrit të Republikës së Kosovës, Albin Kurti, sot u organizua një pritje për të shënuar shpërblimin me çmim vjetor nga Bashkimi Evropian për integrimin e komuniteteve rome në Ballkanin Perëndimor dhe Turqi të Zyrës për Qeverisje të Mirë, ku krahas Organizatës për Stabilitet Socio-Ekonomik që gjithashtu ishte shpërblyer nga BE-ja për punë me komunitet, të pranishëm ishin edhe zëvendëskryeministrja Emilija Redžepi, ambasadorë të akredituar, deputeti nga radhët e komunitetit jo shumicë Erxhan Galushi, udhëheqës të organizatave ndërkombëtare e drejtues të organizatave të shoqërisë civile.

“Komunitetet dhe diversiteti janë pasuri për Kosovën, por ne i dimë sfidat që ekzistojnë për bashkëqytetarët tonë romë, ashkali dhe egjiptianë. Jemi të përkushtuar që së bashku me shoqërinë civile dhe partnerët ndërkombëtarë do t’i tejkalojmë këto sfida për realizimin e plotë të të drejtave të komuniteteve. Në veçanti, jam i lumtur për Strategjinë për avancimin e të drejtave të komuniteteve rom dhe ashkali, të cilën qeveria jonë e miratoi vitin e kaluar. Falë punës së përkushtuar të Zyrës për Qeverisje të Mirë, ka më shumë gjasa të realizohet kjo Strategji për shkak të ndarjes së buxhetit për të gjitha aktivitetet – gjë që nuk është bërë deri më tani”, tha kryeministri Kurti.

Kryeministri tha me këtë rast se në këtë iniciativë të Qeverisë, fokus të veçantë i kemi kushtuar gjuhës kundër urrejtjes dhe diskriminimit, dhe me hapjen e platformës www.raportodiskriminimin.org kemi dëshmuar përkushtimin e qeverisë për monitorimin e rasteve të diskriminimit dhe zgjidhjen e tyre.

Po ashtu, kryeministri tha se këtë vit kemi ndarë edhe bursa për nxënës nga komuniteti rom, ashkali dhe egjiptian dhe 200 mijë euro për qendrat arsimore ku mësojnë fëmijët e këtyre komuniteteve.

Duke theksuar punësimin si një prej sfidave kryesore, për komunitetin rom, ashkali dhe egjiptian, kryeministri Kurti tha se për këtë kemi krijuar ekipin ndërinstitucional për promovimin e punësimit të komuniteteve rom, ashkali dhe egjiptian dhe i jemi mirënjohës drejtorit Habit Hajredinit dhe ekipit të tij për funksionalizimin e këtij mekanizmi.

“Ne kemi shënuar suksese me numrin e romëve, ashkalive dhe egjiptianëve që kanë përfituar nga trajnimi në Qendrat e Trajnimit Profesional; vitin e kaluar 104 romë, ashkali dhe egjiptianë përfituan nga ky trajnim – një rritje nga vetëm 34 një vit më parë. Po ashtu jemi të lumtur krahas raundin paraprak të rekrutimit kur vetëm një pjesëtar i komuniteteve rom, ashkali dhe egjiptian është pranuar si polic, prej rekrutimit të fundit kemi progres, me 3 gra dhe 6 burra nga këto komunitete”, shtoi kryeministri Kurti. 

Drejtori i Zyrës për Qeverisje të Mirë në kuadër të Zyrës së Kryeministrit, Habit Hajredini, në fund të muajit të kaluar u shpërblye me çmim nga Komisioni Evropian për Integrimin e Romëve në Ballkanin Perëndimor dhe Turqi. Ky është çmimi i parë që i kushtohet një zyrtari të lartë si nëpunës civil në Qeverinë e Republikës së Kosovës.

Z. Hajredini koordinon punën e qeverisë për komunitetet romë, ashkali dhe egjiptianë. Disa prej angazhimeve më të shënuara të viteve të fundit përfshijnë kontributin e tij në hartimin e Strategjisë për Avancimin e të Drejtave të Romëve dhe Ashkalive, krijimin e platformës për raportimin e diskriminimit ndaj romëve, www.raportodiskriminim.org dhe hapjen e mini-bibliotekën në gjuhën rome që u inauguruar nga Kryeministri muajin e kaluar. 

Banka Botërore me vlerësim të lartë për Kosovën

by

Në një komunikatë të lëshuar në fillim të kësaj jave, Bordi Ekzekutiv i Drejtorëve të Grupit të Bankës Botërore, kanë thënë se ata mbështesin Kosovën në përshpejtimin e konkurrencës së saj për krijimin e vendeve të punës dhe standard më të lartë të jetesës.

Sipas Bankës Botërore, brenda 10 viteve të fundit Kosova ka shënuar progres të qëndrueshëm ekonomik, me një rritje prej afër 50% të të ardhurave për kokë banori dhe me një ulje prej 35% të shkallës së varfërisë, duke performuar më mirë sesa vendet me të ardhura të ngjashme për kokë banori.

Drejtori i Bankës Botërore për Ballkanin Perëndimor, Xiaoqing Yu është shprehur se Kosova mund të përfitojë nga riorientimi i Ekonomisë drejt prodhimit dhe eksportit, duke rritur punësimin më cilësor për të gjithë dhe duke siguruar zhvillim të qëndrueshëm që mbron mjedisin dhe gjeneratat e ardhshme.

Në vitin e kaluar, Kosova kishte shënuar vlerën më të lartë ndonjëherë të eksporteve, rreth 920 milionë euro. Ndërkaq këtë vit vlera e eksportit pritet që për herë të parë kalojë shumën prej 1 miliard euro. Si rezultat, raporti eksport-import viteve të fundit ka shënuar përmirësim të dukshëm. Nga 1 me 9 sa ishte në vitin 2019, në më pak se 1 me 6 sa është aktualisht.

I njëjti institucion, muajin e kaluar ka publikuar raportin e rregullt ekonomik për Ballkanin Perëndimor, në të cilin parashikon që Kosova do ta ketë rritjen më të lartë ekonomike në Ballkanin Perëndimor në tre vitet e ardhshme; 2023, 2024 dhe 2025.

Shkolla Shqipe Zvicër/ Hapet pika shkollore në Effretikon të Kantonit të Zyrihut!

by

… Përpjekjet nuk kanë të ndalur. Gjatë gjithë vitit shkollor kemi bërë çmos që të hapim sa më shumë klasa dhe në orët mësimore të gjuhës e të kulturës kombëtare të përfshijmë sa më shumë fëmijë të mërgimtarëve shqiptarë, me të vetmin qëllim që ta mësojnë dhe ta ruajnë gjuhën amtare.

Mësuesja Alma Mico me nxënësit e Shkollës Shqipe në Effretikon të Kantonit të Zyrihut

E premtja e datës 12 maj 2023 solli buzëqeshje në fytyrat e vogëlushëve të cilët të lumtur, të gëzuar u ulën në bankat shkollore të “Shkollës Shqipe” në Zvicër, në pikën shkollore në Effretikon. Gëzimi shihej qartë jo vetëm në fytyrën e nxënësve por edhe të mësueses Alma Mico, e cila mundohej në mënyra të ndryshme t`ua bëj sa më të lehtë orën mësimore në këtë ditë fillimi të mësimit të gjuhës amtare.  

Një gëzim dhe kënaqësi e veçantë shihej edhe në fytyrat e prindërve duke i parë fëmijët e tyre në klasë duke shfletuar abetaren e gjuhës shqipe, leximi e shkronjave apo shqiptimi e fjalëve.

Nxënësit  Floriani, Ronisi, Ronesa, Albini, Ismajli, Amirja, Lina, Amina, Dorela, Ensari, Anuri, Almiri, të cilët erdhën  në orën e parë dhe të tjerët të cilët do t`iu bashkëngjiten në ditët në vazhdim e shikonin mësuesen me një gëzim të veçantë sepse për ta kishte filluar një ditë e re, një ditë ku ata do të mësonin edhe gjuhën shqipe.

Një angazhim në shërbim të arsimit shqip, në shërbim të shkollës shqipe, koordinatori i “Shkollës shqipe” në Zvicër, Vaxhid Sejdiu, së bashku me mësuesen Alma Mico dhe nxënësit e shkollës shqipe në Effretikon, të Kantonit të Zyrihut

Dhe fare në fund duke ju dëshiruar nxënësve dhe mësueses suksese pafund urojmë dhe apelojmë te të gjithë bashkatdhetarët që fëmijët e tyre t`i dërgojnë në shkollën shqipe. Mësimi zhvillohet çdo të premte nga ora 17-19:00. Adresa e Shkollës është Schulhaus Watt, Lindenstrasse 68307 në Effretikon. 

“Shkolla Shqipe” – Zvicër 

Sektori për informim