Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Archives for May 2024

“SPAK”, institucioni më i besueshëm i shtetit shqiptar

by

Ajet Delaj/

“SPAK”- u është institucioni më i besueshëm i shtetit shqiptar z . Dumani institucioni juaj është institucioni më kredibel pa mohuar vlerat tuaja njerëzore e profesionale kredibiliteti i institucionit tuaj ne sytë e shqiptarëve vjen se SPAK-u është ideuar, krijuar, financuar e mbeshtetur publikisht nga Administratat Amerikane që nga Presidenti Obama deri tek Presenti Baiden. Fjala më me inflacion ne fjalorin politik, juridik e gazetaresk sot ne Shqipëri është fjala “Inceneratori i Tiranës”. Gjëja më komike e tragjike në tërë këtë histori është se ajo çfarë politika institucionet e drejtësisë e media në Shqipëri është fakti se incenerator në Tirane nuk ka. Pra nuk egziston asgjë në terren që të thirret inceneratori i Tiranes. Kjo është si ti vëmë emrin askushit ose asgjesë. Për këtë asgjenë gjer tani jane paguar $135 milionë euro nga taksat e shqiptarëve.

Pyetjet më të thjeshta për këtë rast janë:

-Kush ka pasur detyrimin ligjor për ta ndërtuar atë që thuhet , inceneratorin e Tiranës?

-Kush ka pasur detyrimin ligjor për të kontrolluar punimet e raportuar ecurinë e tyre?

-Kush i ka paguar paratë e shqiptarëve në hava për nje objekt që nuk egziston?

Zotërinj të SPAK-ut e z.Dumani po Ju drejtohem se bashku e ndaras pasi e di ligjin e funksionimit te SPAK-ut që nuk po ndalem pasi nuk i intereson kujt ligji juaj funksional por puna juaj.

Jeni të lutur ti shpjegoni taksa paguasve shqiptarë e amerikanë që çfarë ka ketu per te hetuar kur objekti qe duhej te ishte “inceneratori i Tiranës “ nuk egziston e parate e shqiptareve $135miljon jane vjedhur.

Pa dashur te bej drejtesine popullore deshiroj tju pyes juve si profesioniste tani qe keni bere me se pakti 4 vjet hetime për kete mega hajni se a do duhej të ishin ne burg ata qe e kane pasur per detyre ta ndertonin inceneratorin e Tiranes kur parate i kane marre?

Gjithashtu a duhej te ishin ne burg ata qe sipas ligjit te shtetit e konçensionit kishin për detyre të monitoronin ecurine e punimeve e raportimin ne ministrine e financave qe mbi baze e ketyre situacioneve te paguanin parate?

Si kane vazhduar te paguajne parate e shqiptareve ministria e financave e bashkia e Tiranës për nje objekt qe nuk egziston dhe a do duhej te ishin ne burg përgjegjësit?

Të nderuar zoterinj të SPAK-ut kredibiliteti juaj nuk është i garantuar dhe i përjetshëm por garantohet me punen tuaj.

Nëse vazhdoni to deklaroni se për asgjenë qe e therisni inceneratori i Tiranës po vazhdoni të hetoni të jeni të bindur se kështu fyeni inteligjencën e çdo shqiptari edhe të atij me pak te interesuar ne fund të botës.

Nëse nuk do shoh e degjoj përgjigje konkrete për këtë jani të paturp në dritë të diellit si taksa pagues Amerikan do bej me dije të gjitha institucionet e rëndësishme amerikane që kane kontribuar e paguar per te ngritur institucionin e SPAK-ut në Shqipëri.

Jam i bindur se keto pyetje e kerkesa i ben cdo shqiptar qe ka degjuar edhe perciptas historine e asgjese qe ka kushtuar $135 milion por qe e therrasin inceneratori i Tiranës.

Koha është për drejtësi dhe çdo minut që kalon ju shtyn tek drejtësia e vonuar dhe e harruar që gjithçka mund të jetë por drejtësi JO.

Organizata për moshat e treta në Toronto, një befasi e bukur e komunitetit

by

Shani Pnishi/

Një organizatë e re jofitimprurëse e quajtur “Meshan Coni for Graceful Aging”, e themeluar në Nëntor të vitit të kaluar, që edhe pse shumëprej anetarëve janë së bashku prej vitesh, një numër i mirë i tyre janë të rinj, dhe po rritet nga takimi në takim.

Dikur këto zonja, së bashku me zonjë Meshan Cini, emrin e së cilës mban me krenari kjo organizatë mblidheshin nën ombrellën e “Northwood Neighbourhood Services” në Toronto së bashku me anëtarë të etniteteve të shumta të metropolit kanadez, ku zonja të njohura të komunitetit tonë kanë punuar ose shkuar vullnetarisht, si Diana Lika, Minire Omeri dhe Silva Tafaj. Por dëshira e frekuentuesve ishte të kishin grupin e tyre vetëm me shqiptare. Për ta mbajtur gjallë emrin e së ndjerës zonjës Meshan, e dashur dhe e nderuar nga të gjithë, e bija e saj Edlira Cini e bën të mundur dëshirën e tyre dhe themeloi këtë organizatë ku çdo të Martë mbledh këtë grupmoshë të tretë, dhe organizon aktivitete të ndryshme. Organizmet përfshinë gjimnastikë, vizatime, piktura, pyrography, vallëzime, shkëmbime recetash e librash, seminare nga te ftuar të ndryshëm etj. Një qëllim shumë i rëndësishëm që ka kjo organizatë është të angazhojë rininë përmes nismave mentoruese, duke përdorur rrjetet sociale dhe teknologjinë si urë kalimi për të kapërcyer hapësirën e gjeneratave dhe për të përmirësuar komunikimin. Duke promovuar këtë lidhje të rëndësishme, të rinjtë dhe të moshuarit mund të përfitojnë reciprokisht dhe të kontribuojnë në mirëqenien e njëri-tjetrit.

Si organizatë jofitimprurese, fondet janë të pakta. Qiraja javore e sallës paguhet nga vetë anëtarët dhe organizatorja, po s’kanë munguar dhe donatorët miq e familjarë.

Dje grupi kish më shumë arsye për të festuar; dy zonja të ardhura vizitore në familjet e tyre për disa muaj, do të kthehen në Shqipëri. Përveç dashurisë që morën nga familjet e tyre, ato në këtë grup krijuan një shoqëri të re, por dhe takuan mike të vjetra që kishin vite pa u parë. Dje të përlotura dhanë përshëndetjet e fundit për këtë vit me premtimin që do të shihen sërish.

Një zonjë tjetër, e re në grup, festoi ditëlindjen. Ishte një ditë e hareshme, mbushur me kujtime të bukura të stampuara me kujdes nëpërmjet videove dhe fotove të shumta.

Çfarë bije dukshëm në sy nëpërmjet fotografive dhe videove të postuara në faqen e tyre në Facebook është lumturia e ndjerë e anëtarëve në këto orë të bukura mesjavorshe. Dhe kjo lumturi e tyre, kalon çdo pengesë monetare. “Ku është dëshira, është edhe mundësia”- shprehet Edlira për gazetën “Dielli”, duke folur me krenari për organizatën e saj të re, si kujtim i bukur për nënën e saj.

“Bukuria e Vasiliqisë”

by

Aleksandër Çipa/

Mbrëmë në teatrin ” Migjeni” të Shkodrës disa qindra artdashës të qytetit dhe të ardhur nga Tirana, me ëndje përcollën, të gjitha minutat e premierës së teatrit poetik: ” Mall për vendlindjen” me regji të Justina Aliaj dhe interpretime nga aktorët:

Justina Aliaj, Merita Smaja, Rajmonda Marku, Jozef Shiroka, Simon Shkreli, Astrit Fani, Fritz Selmani me pjesëmarrjen e Korit ” Prenk Jakova” dhe drejtues muzike Gjon Shllaku.

Një rast i veçantë për të parë se si teatri poetik me një zanafillë që në antikitet e ruan fuqinë e ndikimit artistik dhe magjinë tërheqëse për shkak të artit të fjalës dhe interpretimit të saj.

Me një kujdes sqimatar, regjisorja kishte zgjedhur përfshirjen e dy koreve në një, duke i dhënë ciklit të poezive të zgjedhura nga poetët e tërëkohshëm shqiptarë një plotësim artistik si konceptualisht ashtu edhe efektues.

Me regjistër të veçantë rrezatues në interpretimet e veta të gjithë artistët. Ndërkohë që artistja e paepshme e skenës, diva sfidante Justina Aliaj, jo vetëm që shpalos energjinë e pashtershme, por solli në këtë mbrëmje një art të lartësishëm fjale, interpretimi dhe muzikaliteti. Madje, në mënyrë të përveçëm, të mveshur edhe me efektin nostalgjik dhe mallin vetiak për vendlindjen e saj Shkodrën. Në ciklin e interpretimeve të saj nga Dritero Agolli dhe autorë të tjerë, solli edhe baladën “Bukuria e Vasiliqisë” me autor Lefter Çipa. Vërtet një moment kulmor dhe me ndikim shtangës për sallën e mbushur të teatrit.

Ukshin Hoti me kurrizin drejt na mësoi e frymëzoi se si duhet atdheu

by

Glauk Konjufca/

Në 25 vjetorin e zhdukjes me dhunë të intelektualit të shquar dhe atdhetarit Ukshin Hoti nga ana e aparatit shtetëror të Serbisë, kryetari i Kuvendit të Republikës së Kosovës, Glauk Konjuca e cilësoi atë njeri të pathyeshëm, që me kurrizin drejt na mësoi e frymëzoi se si duhet atdheu dhe si luftohet për të deri në çlirim.

Në shtëpinë-muze në Krushë të Madhe të Rahovecit, kryetari Konjufca tha se Ukshin Hoti atdhedashurinë e kishte të rrënjosur thellë në zemër. Ai tha se Hoti ishte prej intelektualëve të rrallë që popullin e donte ashtu siç i ka hije çdo atdhetari, përderisa edhe fatin e ndau bashkë me atdheun.

I pari i Kuvendit theksoi se Ukshin Hoti e ngriti një popull në këmbë, për të kërkuar liri e republikë, duke qenë i pari në protesta, i pari në demostrata.

“Jemi këtu sot për të kujtuar jetën dhe veprën e njërit prej patriotëve dhe intelektualëve tanë të rrallë, që ka dhënë kontribut të jashtëzakonshëm për çlirimin e Kosovës, por edhe i cili ka lënë trashëgimi të jashtëzakonshme intelektuale, konceptuale dhe teorike për popullin tonë”, theksoi kryetari Konjufca, duke shtuar se Ukshin Hoti i përmbledh virtytet më të larta që i nevojiten një personaliteti për t’u konsideruar figurë e kompletuar intelektuale dhe kombëtare.

Duke lartësuar figurën dhe kontributin e Ukshin Hotit, kryetari Konjufca tha se vepra e tij është busulla jonë, udhërrëfyesi që do frymëzojë të gjithë ata që janë pjesë e proceseve politike e shoqërore, jo vetëm të Kosovës, por të kombit shqiptar në tërësi.

Në këtë ceremoni nderimi e përkujtimi nga një fjalë rasti mbajtën edhe kryetari i Komunës së Rahovecit, Smajl Latifi dhe i biri i Ukshin Hotit, Andin Hoti.