Dielli | The Sun

Albanian American Newspaper Devoted to the Intellectual and Cultural Advancement of the Albanians in America | Since 1909

Celebration of Sultan Nevruz at the First Albanian American Bektashi Teqe

by

1 BabaiBy: Mynyr  Z. Nazifi/1 a Teqe a

On Sunday March 25th, Bektashis from across North America gathered for the annual Sultan Nevruz celebration at the First Albanian American Bektashi Teqe in Taylor, Michigan. In the Bektashi faith, Sultan Nevruz is an important holiday that commemorates the birth of Imam Ali. 1 Novruzi1 zonja

2 folesi1 familja Nazifi2 familj salle2 teqe4 tavola

IMG_1330While Imam Ali’s significance cannot be conveyed in words alone, a brief history of this key Islamic figure is as follows:Imam Ali was the cousin and son-in-law of the Prophet Muhamad may peace be upon him. As the only person to be born in the sacred sanctuary of the Kaaba in Mecca, Imam Ali was the first male to accept the teachings of Islam. From an early age, Imam Ali was the “right arm” of the Prophet Muhamad PBUH, protecting him and taking part in almost every battle fought to defend the early Muslim community. After the passing of the Prophet Muhamad PBUH, Imam Ali assumed the responsibility as the rightful successor and continued to spread the Islamic religion.

In the Bektashi faith, Imam Ali is cherished for his sense of duty, commitment to fairness and justice, and for the countless sacrifices made by him and his family in carrying on the true Muslim religion.  To show thanks for these sacrifices and his important place in the Bektashi faith, Bektashis from across the United States and Canada arrived in record numbers to this year’s successful Sultan Nevruz celebration – a success due in part to the great planning of Dervish Eliton and the contributions from sponsors Leonard Dervishi, Andrea Toroveci, Ekrem Bardham and Nevrus Nazarko. Also, for spreading awareness about the celebration additional thanks goes to Huseyin Abiva for his work on the postcards, along with Gani Vila and Mynyr Nazifi for their weeklong advertising campaign presented on Albanian TV.

 

Miku të mos bëhet zot shtëpie

by

“Presioni i Erdogan per gylenistët”? …Kreu i Komunitetit Mysliman: Miku të mos bëhet zot shtëpie/

Kreu i Komunitetit Musliman shqiptar, Skënder Bruçaj, iu përgjigj me kujdes, por pa ekuivoke pyetjes që iu drejtua mbremë në emisionin “Java” në RTSH në lidhje me shmangien e tij nga protokolli gjatë një veprimtarie të Presidentit të Turqisë, Erdogan në vizitën e këtij të fundit në Tiranë.

Bruçaj theksoi marrëdhëniet miqësore si dhe mbështetjen e Turqisë ndaj komunitetit mysliman shqiptar, por duke iu referuar rastit konkret tha se është tradita shqiptare që mikun e vendos gjithmonë në krye të vendit, por kur ky, pavarësisht respektit, kërkon të jetë edhe zot shtëpie atëhere kjo bëhet e papranueshme. Pavaresisht se nuk përmendi emra, u duk qartë se referimi ishte për Presidentin e Turqisë.

Shqipëria dhe Kosova janë prej shumë muajsh nën presionin e Akarasë për të dorëzuar  kundështarët gulenistë të Presidentit Erdogan që qeveria e tij i akuzon si terroristë. Eksportimi i këtij konflikti në Shqipëri është shfaqur edhe në përpjekjet apo gjestet e Ankarasë për të ndryshuar drejtimin e komunitetit mysliman në  Shqipëri.

Bruçaj tha mbremë se krerët e komunitetit Musliman në  Shqipëri nuk caktohen nga shteti, por zgjidhen sipas rregullaave të vetë Komunitetit.

Bruçaj shpreh mbështetjen në emër të komunitetit mysliman shqiptar për rakomandimin pozitiv nga Komisioni Europian.

“Komunitetit mysliman ka një rol thelbësor në themelimin e shtetit shqiptar, në përcjelljen e mesazheve universale të paqes, tolerancës dhe bashkëjetesës fetare. Ne jemi shumë të gëzuar për këtë rakomandim, i cili i shërben interesave të vendit dhe shtetit shqiptar të cilat komuniteti mysliman i konsideron prioritare”, tha ai.

Nderohen Heronjtë e Kosovës

by

Presidenti: Heroizmi i Sali Çekajt do të mbetet inspirim dhe krenari për brezat e rinj/

1 Thaci CekuPrishtinë, 19 prill 2018 – Presidenti i vendit, Hashim Thaçi, ka marrë pjesë në Akademinë Përkujtimore për 19 vjetorin e rënies së heroit Sali Çekaj.1 ceku sallaPresidenti Thaçi ka thënë se po kujtojmë dhe nderojmë jetën dhe veprën e një bashkëluftëtari dhe bashkatdhetari, që tërë energjitë morale, intelektuale dhe fizike i vuri në shërbim të atdheut.“Sali Çekaj që në vitin 1981 ishte renditur aty ku duhej, me lëvizjen studentore, që fuqishëm i bashkoi gjithë qytetarët e Kosovës rreth kërkesës për ngritjen e statusit të Kosovës në nivel të Republikës. Viti 1981 shënoi kthesën e madhe politike, duke e bërë të qartë rreshtimin për rrugën e Kosovës drejt lirisë dhe çlirimit nga Jugosllavia komuniste, përkatësisht nga administrimi i Beogradit. Si kuadër me vokacion prej juristi, Sali Çekaj është ndër të parët që hartoi statusin e Komunës së Deçanit, duke implementuar konkretisht parimet e Kushtetutës së Kaçanikut. Si shumë veprimtarë, edhe Sali Çekaj pati fatin e njeriut të përndjekur nga policia serbe, prandaj detyrohet të qëndrojë jashtë Kosovës. Edhe si emigrant, Sali Çekaj luajti rolin bashkues në mesin e diasporës shqiptare në Perëndim. Si profesionist, ai e donte drejtësinë, por gjithashtu e dinte se liria ishte kushti themelor i çdo drejtësie”, u shpreh presidenti Thaçi.Me të filluar lufta për çlirimin e Kosovës, presidenti Thaçi tha se Sali Çekaj bashkë me kuadro të tjera oficerësh, me ndërgjegje të lartë dhe profesionalizëm, iu përgjigj momentit historik.

“Sali Çekaj iu bashkua Ushtrisë Çlirimtare të Kosovës duke i dhënë impuls të ri, energji dhe profesionalizëm. Prandaj, ai ishte sintezë e intelektualit dhe guerilit, juristit dhe ushtarakut, luftëtarit dhe prijësit në luftë për liri. Tërë këto cilësi ai i dëshmoi në beteja”, shtoi presidenti Thaçi.Kreu i shtetit theksoi se Sali Çekaj mbolli guxim e shpresë në terrene lufte dhe me nder e barti nofkën luftarake “Veterani”.Komandantët Agim Ramadani dhe Sali Çekaj, sipas presidentit Thaçi, janë dëshmia më e mirë se lufta për liri krijon tipin e luftëtarit që është i gatshëm për sakrificë supreme.“Ata, nga komandantë u bënë prijës. Nga prijës, heronj. Ne, sot krenohemi me emrin dhe veprën e tyre. Ashtu siç krenohemi me secilin prej dëshmorëve”, u shpreh presidenti Thaçi.Presidenti i vendit theksoi se në kujtesën tonë institucionale e kolektive, heroizmi i Sali Çekajt dhe luftëtarëve të tjerë, do të mbetet inspirim dhe krenari për brezat që vijnë.1 Haradinaj2

Kryeministri Haradinaj: Sali Çekaj, atdhetar e intelektual i shquar që dinte me çka po përballej

Prishtinë, 19 prill 2018/Kryeministri i Republikës së Ramush Haradinaj mori pjesë në Akademinë Përkujtimore – Dita e rënies së Heroit Sali Çekaj, Dita e veteranëve të Brigadës 138 “Agim Ramadani”, në kuadër të Manifestimit Tradicional “Ditët e Shqipes 2018”, që organizohet nën patronatin e Kryeministrit.Me këtë rast, kryeministri Haradinaj tha se heroi i Kombit, Sali Çekaj, është një dimension i hershëm, që flet për gjithë parametrat e një atdhetari të shquar, intelektuali, por edhe një njeriu që dinte me çka po përballej.

“Këtu flitet për përcaktimin e  tij,  shohim e gjejmë tek ai, një luftëtar që është në parametra shumë të lartë, intelektual e kombëtar, por që është i gatshëm poashtu të mbetet në përgjegjësi, edhe kur këto përgjegjësi kërkojnë sfidën më të rëndë, luftën dhe që i ekspozohesh edhe flijimit”, tha kryeministri Haradinaj, duke shtuar se Flijimi i tij në luftë për liri, e mbyllë kapitullin e një luftëtari shqiptar të shquar dhe i cili me vetëdije të plotë i ka kaluar etapat, nëpër të cilat është ndodhë populli i tij.Kryeministri Haradinaj, gjithashtu tha se nëse sot jemi të bashkuar për t’i përmbyllur çështjet e hapura të atdheut tonë, Kosovës, ashtu i shërbejmë amanetit të dëshmorëve.Përveç akademisë Kryeministri Haradinaj, organizoi edhe pritje nderimi për familjarët, miqtë dhe bashkëpunëtorët e heroit Sali Çekaj, në objektin e Qeverisë.

Në këtë akademi, me nga një fjalë rasti, folën edhe presidenti i Republikës së Kosovës, Hashim Thaçi, Eprori i Brigadës 138 “Agim Ramadani”, Hysen Berisha dhe në emër të familjeve të dëshmorëve, djali i heroit Sali Çekaj, Hysen Çekaj.

1 haradinaj grup

Në vazhdim, po e japim të plotë fjalën e kryeministrit Haradinaj në këtë akademi:

Sali Çekaj dallon në profilin e vet, dallon për shkak se formimi i tij ishte formim i hershëm dhe pikëpamjet deri në rrugën për liri, ishin shumëdimensionale.

Vite më përpara ai punoi për të ndryshuar normën të cilën ne e jetonim, normën e statutit të komunës së vet, nga një statut i një norme që ishte pushtuese, nënshtruese për shqiptarët, në statut të një norme që do të ishte çliruese, e që do ta respektonte vetveten.Çekaj është një dimension i hershëm, që flet për gjithë parametrat e një atdhetari të shquar, intelektuali, por edhe një njeriu që dinte me çka po përballej.Ndryshimi i kësaj norme të këtillë, kërkoi nga Sali Çekajt atë që është më e vështira, kërkoi edhe luftën përballje me të gjitha vështirësitë që i ka lufta, jo vetëm me armikun përballë, por me të gjitha sfidat që i ka një luftë për liri e një populli të robëruar. Mirëpo, ai nuk u ndal.Këtu flitet për përcaktimin e  tij,  shohim e gjejmë tek ai, një luftëtar që është në parametra shumë të lartë, intelektual e kombëtar, por që është i gatshëm poashtu të mbetet në përgjegjësi, edhe kur këto përgjegjësi kërkojnë sfidën më të rëndë, luftën dhe që i ekspozohesh edhe flijimit.Flijimi i tij në luftë për liri, e mbyllë kapitullin e një luftëtari shqiptar të shquar dhe i cili me vetëdije të plotë i ka kaluar etapat, nëpër të cilat është ndodhë populli i tij, duke mos u larguar asnjëherë nga përgjegjësitë dhe nga ato që janë pritur prej tij.Kësisoj, pra i një profili të tillë, jam i bindur, i ka ndihmuar bashkëluftëtarët, i ka ndihmuar të gjithë për të kuptuar rrugëtimin deri në liri, por njëkohësisht, edhe të pranojë sakrificën sublime, atë të flijimit.Me të drejtë sot, flasim për Veteranin dhe veteranët. Po flasim për Veteranin dëshmor, hero në betejë dhe këto janë momente që në historinë tonë të re na fuqizojnë dhe na bëjnë më të zot me i ecë sfidat që e presin atdheun tonë sot, e që do ti kemi nesër.

Të gjitha paqartësitë që i krijojmë, na i krijojnë ose na ndodhin, lehtë mund të qartësohen, nëse e shohim se secili nga perspektiva e vet, nga kapaciteti i tij, nga mundësitë që i janë dhënë, i jep përkrahje çështjes dhe të drejtës së atdheut.Do të kemi çdoherë pikëpamje të caktuar, informata e pozicione të caktuara, por, nëse kujdesin dhe atë që na e ka dhënë jeta, ia kushtojmë atdheut, të gjithë do të jemi të bashkuar. Asnjëherë, askush, nuk do të mund të na ndajë.Nëse sot jemi të bashkuar të sigurojmë një tranzicion të mirë të ushtrisë, pra të FSK-së, ne e vëmë amanetin e heroit të vend. Nëse sot jemi të bashkuar për t’i përmbyllur çështjet e hapura të atdheut tonë, Kosovës, ashtu i shërbejmë amanetit të dëshmorëve. Nëse ne shkojmë qosheve, do ta pengojmë realizimin, pikërisht të asaj për të cilën janë flijuar ata të cilët i nderojmë.E kuptojmë, më së rëndi e kanë familjet, e ka gruaja, djali, por, po ashtu kjo barrë bie mbi të gjithë ata që e kanë mundësinë për t’i nderuar të rënët në altarin e lirisë.Edhe kjo akademi sot, është një nder që i kushtohet sakrificës për liri të gjithë Brigadës 138 “Agim Ramadani”, e të gjithë të gjallëve, veçanërisht heronjve, e veçanërisht heroit Sali Çekaj.

Lavdi!

 

 

 

Greqia braktis në heshtje bisedimet me Shqipërinë?!

by

Nga Arben LLALLA/

Në fund të muajt mars, Greqia braktisi në heshtje bisedimet me Shqipërinë për zgjidhjen e problemeve mbi 70 vjeçare si heqja e Ligjit të Luftës, çështja e pronave të shqiptarëve në Greqi, Çështja Çame, kufiri detar e kështu me radhë. Kryeministri Aleksis Tsipras e njoftoi kryeministrin Rama se nuk ekziston dëshira e Greqisë për heqjen e Ligjit të Luftës me Shqipërinë. Kështu, nuk ja vlente që Pashkët e prillit t’i kalonin bashkë në qytetin e Korçës. Ky ishte pak a shumë mesazhi i Tsipras për Ramën. Atëherë Edi Rama për të tërhequr vëmendjen e dështimit të bisedimeve greko-shqiptare bëri një takim në Stamboll me presidentin e Turqisë Erdogan. Pas këtij takimi mediat greke të porositura nga ministria e informacionit dhe propagandës hodhën idenë që Greqia braktisi bisedimit, ndërsa ka riaktivizuar veton për mos çeljen e bisedimeve me Shqipërinë për t’u anëtarësuar në BE.

Për të mbuluar me pluhur dështimet e bisedimeve me Greqinë, kryeministri Rama nxorri ministrin e jashtëm Dhimitër-Ditmir Bushatin, i cili deklaroi se “vonesa për dhënien e plotfuqishmërisë nga ana e Presidentit Meta, shtyu takimin mes Ramës dhe Tsipras”. Pra, Rama-Bushati ngritën një akuzë të rëndë ndaj kreut të shtetit Ilir Meta për mosrealizimin e darkës së Pashkëve në Korçë të çiftit familjar Tsipras-Rama.

Divorci Kotzias-Bushati u vu re edhe nga mosardhja e këtij të fundit në Tiranë, anashkalimi që ai i bëri Shqipërisë gjatë turneut të tij ballkanik, Beograd-Prishtinë-Shkup më 10-12 prill.

Të gjitha këto lojëra dhe kurthe politike të Athinës për braktisjen e bisedimeve greko-shqiptare për zgjidhjen e problemeve si heqja e Ligjit të Luftës, çështja e pronave të shqiptarëve në Greqi, Çështja Çame, kufiri detar ka për qëllim vetëm një pikë; atë për mosheqjen kurrë të Ligjit të Luftës me Shqipërinë.

Ligji i Luftës që Greqia ka shpallur më 1940 dhe e mban si hanxhar mbi kryet e Shqipërisë është shumë i rëndësishëm për Greqinë, sepse ky ligj ka në thelbin e saj synimin që aneksimin e jugut të Shqipërisë-Autonomia e Veriut të Epirit. Greqia për heqjen e Ligjit të Luftës paralel do të kërkojë shpalljen e Autonomisë greke të Jugut të Shqipërisë, projekt ky që po merr jetë dalëngadalë. Pikat kyçe janë realizuar deri tani si ndërtimi i varrezave të ushtarëve grekë në trekëndëshin Gjirokastër-Përmet-Korçë, dhënia e shtetësisë greke mijëra shqiptarëve pasi ata nënshkruajnë një dokument zyrtar se kanë kombësi greke, duke rritur kështu artificialisht numrin e pakicës greke, futjen e Himarës dhe Korçës si zona ku banon minoriteti grek.

Në përfundim, duhet thënë se dashuria pasionante e Kotzias me Bushatin përfundoi me divorc e me qejfmbetje. Kryeministri Edi Rama duhet t’ju thotë të vërtetën shqiptarëve se shkaku i vërtetë për dështimin e marrëveshjes “historike” greko-shqiptare është Ligji i Luftës i 1940, i ricikluar disa herë ndër vite dhe jo Çështja Çame. Çifti kryeministror Rama duhet të deklarohen se dështimi i darkës së Pashkëve në Korçë me Tsipras, nuk është takimi më 23 mars në Stamboll i kryeministrit të Shqipërisë me presidentin Rexhep Tajip Erdogan, por mosdëshira e kryeministrit Aleksis Tsipras dhe e Kuvendit të Greqisë për të votuar heqjen e Ligjit të Luftës me Shqipërinë.

Qeveria Rama 2 i plotësoi pothuajse të gjitha kërkesat e Greqisë si djegien e qindra votave në Qarkun e Tiranës që kryetari i PDIU-së, Shpëtim Idrizi mos të zgjidhej deputet (ka rregjistrime nga zbulim dhe kundërzbulimet e huaja, ku shihen se si votat e PDIU-së kategorizohen si të pavlefshme ose i kalohen PS-së apo PD-së. Ka prova për tentativën e Ramës për zhdukjen e PDIU-së si forcë politike me kërkesë të Greqisë, ka sms që Rama i dërgoi Valentina Leskajt dhe Damian Gjiknurit që të votohet PD në Vlorë, me qëllim që Vangjel Dule të zgjidhet deputet. Të djera dëshmi janë ndërtimi i varrezave të ushtarëve grekë, njohja në heshtje të Korçës dhe Himarës si zona të pakicës greke, dhënia e shtetësisë shqiptare të ish-oficerit kryepeshkop Anastasit, e kështu me radhë.

Është mirë që të thuhet e të mbrohet e vërteta; Greqia nuk e heq Ligjin e Luftës dhe Shqipëria nuk do të hapi bisedimit për t’u anëtarësuar në BE ose do qëndrojë nja 100 vjet pas dere të BE-së, ashtu si Turqia. Kjo, falë kërkesave ekstremiste dhe armiqësore të fqinjit planprishës, Greqisë.