dgreca – Page 1925 – Dielli

VATRA NË PARADËN E BOSTONIT 1918, TAKIMI I NOLIT ME PRESIDENTIN WILSON DHE…

July 7, 2017 by dgreca

KALENDAR-KORRIK: VATRA NË PARADËN E BOSTONIT 1918, TAKIMI I NOLIT ME PRESIDENTIN WILSON DHE KUVENDI QË ZGJATI 12 DITË/

VATRA, NË PARADËN E BOSTONIT/

Më 4 Korrik, 1918 u mbajt në Boston një Paradë e kombeve, në të cilin morën pjesë edhe shqiptarët, të përfaqësuar nga Federata VATRA. Flamuri kuq e zi i printe kolonës të shqiptarëve.Kishte një vit që kishte filluar edhe stërvitja e Trupave vullnetare të Vatrës, që përgatiteshin për të shkuar në Shqipërinë e Jugut për të mbrojtë kufijët Jugorë të kërcënuar nga grekërit, ishin dhe ata në Paradë. (Trupa vullnetare u nis drejt Shqipërisë në Shkurt 1920 se bashku me Bandën Kombëtare “VATRA”.) Në paradën e Bostonit mori pjesë edhe Banda muzikore e Vatrës. Marshallët shqiptarë të Paradës ishin Loni Kristo-sekretar i Vatrës dhe Miçe Bardho, pjestar i Komisionit të Vatrës. Njoftimin e përcolli Gazeta Dielli e datës 6 korrik 1918.

AT FAN NOLI TAKON PRESIDENTIN WILSON/

Më 4 Korrik 1918, Presidenti Wilson ftoi Grupin diplomatik në Washington dhe përfaqësuesit e Kombeve të robëruara, midis të cilëve ishte i pranishëm edhe Fan S. Noli, përfaqësonjës i VATRËS.

Në këtë rast të florinjtë, siç do të shkruante Gazeta Dielli, At Fan S. Noli foli dy herë me Presidentin Wilson dhe një herë me zonjën Wilson. Takimi historik u mbajt në Mount Vernon përpara varrit të Geroge Washingtonit. Fjalët e pakta që pati rast të shkëmbente At Fan Noli me Presidentin Wilson shpëtuan Shqipërinë nga copëtimi.

Para se të kthehej në Boston, At Fan Noli i dërgoi Vatrës telegramin me këtë tekst:” Udhëtimi im këtu triumfoi. Fola dy herë më presidentin Wilson, i cili më dha shpresa të mëdha. U thuaj shokëve të tjerat me gojë-Fan Noli”.(Dielli 9 Korrik 1918)…

KUVENDI I KORRIKUT 1917/

Kuvendi Vjetor i Vatrës për vitin 1917 u mbajt në Lewis Hayden Hall, 97 Compton St, Boston. Kuvendi u hap me 1 Korrik dhe përfundoi me 12 Korrik 1917. Kryetar i Kuvendit(Çairman) ishte z. Hasan Bitincka dhe Sekretar z. Ndreko Stavro. Zyrtarët e Vatrës u zgjodhën që u zgjodhën nga Kuvendi ishin: Kryetar i Vatrës i Përndershme Fan S. Noli, Sekretar Loni Kristo, arkëtar Goni Katundi, pjestarë të Komisionit të Qendrës:Hasan Bitincka, Miçe Bardho, Shefki Aliko dhe Stathi Suli. Zyrtarët e Diellit: Bahri Omari-Editor, ndihmës editor Andon Frashëri , manager Aqif Përmeti, Sekretar Ndreko Stavro. Inspektorë të Vatrës:Nikolla Dishnica, Emin Bilibashi dhe Vangjo Miller.

(Nesër do të shfletojmë sërish Kalendarin historik të Vatrës për muajin Korrik, ku do të njiheni me: Kuvendin e Vatrës të 7 korrikut 1918, që pati 22 seanca,me takimin e Nolit me ish Presidentin amerikan Theodore Roosvelt, si dhe do të njiheni me Kuvendet e viteve 1919, 20, 21, që u mbajtën po në Korrrik-dG).

“Genocidi” gjuhësor ndaj identitetit shqiptar

July 7, 2017 by dgreca

“Genocidi” gjuhësor ndaj identitetit shqiptar dhe heshtja sui generis e shkencës albanologjike!/

Prof. Asoc. Dr. Enver Bytyçi/

Ne vitin 1998-1999 profesori shqiptar ne SHBA, Miftar Spahija solli ne shtepine time botuese “Koha” te botoje romanin “Hasimja” me 1200 faqe.
Punova vete disa kohe me kete roman, jo vetem e lexova, por edhe u mora pjeserisht edhe me redaktimin e korrektimin. Me beri pershtypje dialekti lumjan me te cilin eshte shkruar ky roman nga ana e Prof. Miftar Spahise. Por mbi te gjitha fjalori aq i pasur ne gegerishten lumjançe. Nga nje studim i siperfaqshem me doli se mbi 2000 fjale dialektore nuk i kishte Fjalori i Gjuhes Shqipe i hartuar nga dhjetra akademike dhe i botuar nga Akademia e Shkencave te Shqiperise ne kohen e diktatures.
Aftesia e perdorimit te kaq shume fjaleve te reja te paperdorura e te panjohura nga gjuhesia shqiptare eshte e e autorit Miftar Spahija. Por nga ky fakt duhen veçuar dy aksioma:

1. Se pari se gegnishtja eshte nje e folme e atyre qe shkenca antropologjike i kosnideron “Gjigande”, pra e gegeve dhe se kjo e folme eshte origjinale, e paster, e pasur, e trasheguar qe nga pellazgjikja. Kjo do te thote se gegnishtja eshte gjuha e pare ne Ballkan dhe ne Europe, madje siç thote Aref, gjuha me te cilen ka folur Zeusi, eshte gjuha e kohes se atlanteve.

2. Prej ketej rrjedh idiotesia se si vete ne shqiptaret nen trysnine e diktatures komuniste e tjetersuam kete vlere, kete gjuhe te paperseritshme ne historine e kombeve. Se si ne vete kryem nje akt “genocidi” gjuhesor, por kunder vetevetes, kunder qenies sone, kunder identitetit tone, kunder tiparit tone me dallues e me krenues!

Per me teper me ben pershtypje se pse shkenca albanologjike nuk deshiron te ngrihet mbi veten e ta pranoje fajin ideologjik te kurorezuar ne kongresin e Drejtshkrimit te vitit 1972. Akoma me shume eshte rast sui generis fakti qe gjuhetaret dhe shkenctaret e albanologet e Kosoves ku eshte levruar gegnishtja heshtin e madje e mbrojne ate kongres famekeq qe i hoqi bazen shkencore dhe identitare te formimit te gjuhes shqipe permes gegnishtes! Madje ka prej tyre qe ngrejne ne piedestal “unifikimin” e atij Kongresi famekeq, qe shkaterroi bazat e identitetit tone kombetar!
Te heqesh nga perdorimi, madje ta injorosh edhe ne rrafshin e studimeve shkencore gjuhen e Homerit te shekullit VII-VIII para Krishtit, eshte me shume sesa krim kombetar!
Hija e diktatorit dhe e diktatures, hija e Kongresit kriminal ne kulturen shqiptare te Drejtshkrimit i vitit 1972, i ndjek pas te gjithe gjuhetaret dhe albanologet shqiptare! Shans i madh qe merren me studimin e gegnishtes shkenctaret e huaj dhe na kujtojne se “Na ishte njehere nje gjuhe, e cila flitej para lashtesise dhe kjo eshte gegnishtja”!

Urtësia

July 6, 2017 by dgreca

1Kaltrina Hoti

Nga Kaltrina Hoti/ U humba sot në bardhesën e pëlhurës, me brushën dhe ngjyrat të qetësoja shpirtin. U ballafaqova me disa fjalë që bënin zhurmë të madhe pa drejtim dhe asnjë qëllim të caktuar. Fillova pikturën me një ndjenjë të kujtimeve. Përpara syve që donte të futet në pikturë më erdhi gjyshja ime Lola. Më tingëllojë zëri i saj duke më thënë; “mendo tre herë para se të flasësh fjalën tënde”. Ajo sikur donte që kjo fjalë e urtësisë të shpërndahet në pikturë që përmes syrit të depërtoja në kuvend. Urtësia ky virtyt i lartë njerëzor ku pesha e fjalës zbut egërsinë më të madhe krijon personalitetin dhe autoritetin tonë. Durimi që është fillimi i urtësisë të jep rast ta njohësh diturin e përfituar në tryezën e ballafaqimit të ideve. Fuqia e urtësisë depërton përmes rrezeve të dritës dhe si një burim shprese mbledh të tjerët drejt një qëllimi të vetëm ku muret e Kullës së Lashtë stolisen me vepra. Vetë gjyshja Lolë me pranin e saj më kujtoj odën e dikurshme të burrave ku urtësia ulej në ballë. Ajo kohë mbante vulën e rendit të fjalës ku në atë odë rreth tryezës kuvendare ulej këmbëkryq e barabartë edhe gruaja bashkë me trimërinë e burrave. Urtësia për çështje madhore ishte shtylla e vendosjes. Çdo kuvendar që ka shpreh mendimin ka qenë në gjendje ta zbërthen në brendësi të fjalës së urtë, duke iu përshtat sfidës së kohës. Edhe sot ne kemi nevojë që në çdo kuvend të fjalës të përdorim aftësinë tonë të vjetër edhe pse ballafaqohemi me opinione të ndryshme por që kanë një përfundim të logjikshëm ku do fitoj fakti dhe argumenti i urtësisë. Zhurma nuk është argument, është padituri, andaj ne duhet të priremi nga urtësia të cilën duhet ta ushqejmë më libër, laps, brushë e daltë. Ne kemi nga ku të mësojmë dhe unë me këtë rast dua të citoj të madhin mendimtar Sami Frashërin ku vepra dhe fjala e tij na mëson se si të kuvendojmë në tryezën e qëllimeve madhore. Ai me një rast thotë: “Njeriu nuk është i përjetshëm, le të përpiqet të jetë e pavdekshme ajo që do të thotë dhe ajo që do të bëjë.”

Kosovë-Përkujtohet Beteja e Loxhës e para 19 viteve

July 6, 2017 by dgreca

1 ok Loxhaana 1 ok beteje 2 Beteja

-Korrespondenti në Kosovë tash i Gazetës Dielli, Behlul Jashari, para 19 viteve, në 6 korrik 1998, raportonte për ngjarje në kohë lufte-edhe per Loxhen/

PEJË, 6 Korrik 2017-Gazeta DIELLI/ Në Pejë është mbajtur sot akademi përkujtimore në 19 vjetorin e Betejës së Lavdishme të Loxhës, rënies së luftëtarëve të lirisë, Rrustem Bruqi, Lumni Surdulli e Enver Alaj. Organizuar nën patronatin e kryeministrit të Kosovës, Isa Mustafa, me këtë aktivitet, poashtu, u përkujtua komandanti i Zonës së III-të Operative të Dukagjinit, Kolonel Tahir Zemaj, ka bërë të ditur zyra e shtypit e qeverisë kosovare.Të pranishëm në këtë ngjarje ishin drejtues të lartë të institucioneve, ministra, deputetë, familjarë dhe bashkëluftëtarë të Heronjve Rrustem Bruqi, Lumni Surdulli, Enver Alaj dhe Kolonel Tahir Zemajt.
Në emër të institucioneve të Republikës së Kosovës, para të pranishmëve, kryetari i Komunës së Pejës, Gazmend Muhaxheri, foli për luftën e Lavdishme të Betejës së Loxhës, duke theksuar se Beteja e Loxhës shquhet për organizim ushtarak dhe bashkëpunim me banorët e Loxhës dhe të fshatrave përreth, prandaj sot, kjo betejë kujtohet në shkëlqimin e saj të plotë.
Kryetari Muhaxheri, ndër të tjera, tha se Beteja e Loxhës është sinonim i një fitoreje të arritur nga bashkërendimi i shkëlqyer i strategjisë së komandantëve ushtarakë dhe ushtarëve të tyre. “Për fat të keq, veprat e mëdha shpeshherë bëhen të kobshme për autorët e tyre. Shuarja e parakohshme e Kolonelit Tahir Zemaj është fundi më absurd që mund të kishte një çlirimtar si ai, një Hero i Kosovës. Strategu i fitores në Betejën e Loxhës u vra në kohën e lirisë, në një pritë klasike, që i kishin vënë armiqtë e Kosovës, në fillim të janarit 2003. Bashkë me Tahirin u vranë edhe i biri i tij, Enisi, dhe kushëriri i tyre, po ashtu shumë i ri, aktivisti i devotshëm Hasan Zemaj. Për meritat e tij të jashtëzakonshme për lirinë dhe pavarësinë e vendit, si dhe të ndërtimit të institucioneve të Kosovës, Presidenti i Republikës së Kosovës dekoroi në korrik të vitit 2010 Kolonel Tahir Zemajn me Urdhrin “Hero i Kosovës”, tha kryetari Muhaxheri.
Duke folur në emër të bashkëluftëtarëve, Faruk Xhemajli, udhëheqës i Betejës së Loxhës, njëherësh oficer i karrierës, i plagosuri i kësaj beteje, foli për luftën e lavdishme të komandantit Tahir Zemaj dhe ushtarëve të Betejës së Loxhës, si njëra prej betejave të para frontale e fituar kundër forcave serbe brenda territorit të Kosovës.
“Sot mua më rrinë përpara bashkëluftëtarët e vrarë dhe ata që u plagosën në këtë Betejë, por edhe komandanti ynë i vrarë pas luftës në Kosovë, kolonel Tahir Zemaj. Kujtojmë me dhimbje të thellë Rrustem Bruqin, Lumni Surdullin dhe Enver Alajn, bashkëluftëtarët e plagosur, mundin dhe përpjekjet e gjithë eprorëve dhe luftëtarëve trima të Brigadës 134”, tha Xhemajli.
Ai tha se Beteja e Loxhës, është një krenari, është një ngjarje e lavdishme e cila do të hyjë në histori me gjithë madhështinë e saj. “Ata që dhanë jetën në këtë betejë kanë hyrë në altarin e kombit për të mos vdekur kurrë”, tha Xhemajli, duke theksuar se UÇK-ja është nderi i kombit shqiptar, ndërsa Brigadat 134, 133, 131 do të mbeten krenaria e përhershme e UÇK-së.
Në emër të familjarëve të dëshmorëve, të pranishmit për pjesëmarrje i përshëndeti dr. Sylë Bruqi, duke shprehur krenarinë për veprimtarinë e ushtarëve dhe të rënëve tjerë në luftën e lavdishme të Betejës së Loxhës, përfundon njoftimi.

RAPORTIME PARA 19 VITEVE, TË 6 KORRIKUT 1998:

https://groups.google.com/forum/#!topic/bit.listserv.albanian/UXnË-2vt_TM

BC-PEJE-SERBE-PLAGOSJE
Vriten dy police serbe dhe plagosen kater te tjere

PRISHTINE, 6 korrik/ATSH/ – Korresp. i ATSH-se, Behlul
Jashari, njofton: Dy police serbe u vrane sot dhe kater te tjere
u plagosen ne luftimet e zhvilluara ne fshatin Loxhe te Pejes
(Kosove), njoftoi te henen media serbe. –

http://www.hri.org/news/balkans/ata/1998/98-07-06.ata.html

[03] Fresh fighting in suburbs of Gjakova and Decan

PRISHTINE, July 6 /ATA correspondent Behlul Jashari reports:

Fighting continued over the last 24 hours along the border belt with Albania, in the Gjakova and Decan suburbs, and an Albanian was found killed by Serbian snipers.

Sources of the Democratic League of Kosova (LDK) in Gjakove say that the Serbian artillery shelling was concentrated on the villages of the Decan-Gllogjan commune such as Baballoq, Shpatej and Gramce.

LDK sources from Decan say that there was heavy fighting in Prejlep on Friday between the Albanian defensive forces and the Serbian police army, which, employing heavy artillery, shelled from its basis set up in Podi i Geshtenjave and in Hulaj.

Sources in Dacan report that Lebushe village was shelled yesterday and fighting has also extended to Strrellce e Eperme, Gramacel, Crrabreg and Baballoq. /p.ta/das/lm/

Albanian Telegraphic Agency

[04] Bardh i Madh shelled again, one Albanian killed and two others injured

PRISHTINE, July 6 /ATA correspondent Behlul Jashari reports: Serbian heavy artillery yesterday shelled again Bardh i Madh, 10 km west of Prishtine.

Reports available from the spot say that an Albanian, Daut Pllana, 27, was killed and two others were injured.

The village and the suburbs continue to be targets of the Serbian snipers, which track any movement of Albanians. /p.ta/das/lm/

Albanian Telegraphic Agency

[05] Serbs attack Loxhe of Peja village

PRISHTINE, July 6 /ATA correspondent Behlul Jashari reports:

Armed confrontations took place yesterday afternoon in the Loxhe village, four kms nearPeja, between the Serbian attacking forces and the Albanians in defence of their soil.

The attack began with artillery shelling and continued with the arrival of numerous Serbian forces, which have besieged the village, where, according to initial reports, an Albanian is injured. /p.ta/das/lm/

Albanian Telegraphic Agency

[08] War near Peje – Village Loxhe in flames

PRISHTINE, July 6 (ata) – ATA correspondent Behlul Jashari reports: The war is approaching Peje. Only four kilometers in the west of that city, the village Loxhe is today in flames caused by the fire of Serb artillery which started to hit today in the morning from the military base in Zagerlle.

The attacks are reportedly extending towards the village Raushiq.

Sources from the scene say that fierce fighting is taking place and the forces of the Albanian resistance are strongly opposing the Serb attacks.

The exchange of arms fire in Loxhe started yesterday at about 1 p.m. when Serb forces attacked the Albanians who responded the fire, while in the afternoon the village was completely sealed off. /p.ta/xh/

Albanian Telegraphic Agency

[09] Three people massacred by Serb gangs in Pirane of Prizren

PRISHTINE, July 6 (ata) – ATA correspondent Behlul Jashari reports: Three people were massacred last night by Serb armed gangs in the village Pirane of Prizren.

According to sources of the Council for the Defence of Human Rights in Kosove, the massacred are two Albanians, father and son, Muhamet and Afrim Elshani, respectively 60 and 20 years, and a Rom, Sali Gashi, 22, who worked in the family Elshani. /p.ta/das/xh/

DOLI NUMRI I RI DYMBËDHJETË I REVISTËS ” MALËSIA”

July 6, 2017 by dgreca

Doli nga botimi numri 12 i revistës për kulturë, shkencë dhe çështje shoqërore “Malësia”, në Podgoricë, i cili sjellë 24 artikuj shkencorë, recensione dhe nekrologji. Në këtë numer kanë bashkëpunuar studiues nga Shqipëria, Kosova, Maqedonia, Bullgaria, Italia, Rumunia dhe Mali i Zi.

1 Malesia Në rubrikën “kulturë” punimet e veta i kanë prezantuar 14 autorë: Prof. dr. Valter Memisha( Drejtor i Institutit të Gjuhësisë dhe të Letërsisë, Tiranë) ”Rreth pasurisë leksikore të veprës së Pjetër Budit, përmesë Fjalorit të Kolë Ashtës”; Prof. dr. Zeqirja Neziri – Prof. asoc. dr. Merita Bruci ( Shkup –Tiranë) “Pjetër Budi dhe Jakopone da Todi: Dy poetë në përqasje”; Prof. dr. Fatbardha Hoxha (Universiteti i Shkodrës “Luigj Gurakuqi”)“Ndihmesa e shkrimtarëve të Rilindjes në përafrimin letrar të shqipes”; Prof. dr. Faredin Shabani (Universiteti i Prizrenit)“Aspekte historiko-politike të zhvillimit të alfabetit shqip deri në vitin 1879”; Prof. dr. Shefkije Islamaj(Instituti Albanologjik i Prishtinës) “Shqipja standarde dhe dialektet e shqipes sot”; Prof. dr. Shpresa Hoxha(Universiteti i Prishtinës) “Ballafaqimi i termave të ekonomisë anglisht – shqip”; Prof.dr. Josip Mita (Universiteti i Kalabrisë)“Gjuha si objekat i natyrës dhe mësimdhënia e sintaksës në shkollë”; Prof. dr. Anton Nikë Berisha (Universiteti i Kalabrisë)” Vepra e Anton Çettës përligj dhe ndriçon rrënjët tona dhe botën tonë”; Prof. dr. Shaban Sinani (Akademia e Shkencave e Shqipërisë)” Dy ungjijtë më të vjetër të Shqipërisë në Selinë e Shenjtë”; Prof. dr. Ardian Kyçyku (Rektor i Universitetit Rumun i Shkencave dhe Arteve “Gheorghe Crista”Bukuresht) “ Strabizmi i anijes dhe i gjumit (Disa fjalë për artin e Arian Lekës)”; Prof. dr. Eris Rusi(Universiteti i Korçës Fan S. Noli) “Dy novela të Kasëm Trebeshinës ndërmjet reales dhe imagjinares”; Prof. as. dr. Muharrem Jakupi(Universiteti i Durrësit Aleksandër Moisiu)“Humori i zi si përbësë stilistik i romaneve të Ismail Kadaresë”; Mr. Melihate Zeqiri( Prishtinë) “Prurjet leksikore në fushën e kuzhinës”.

Në rubrikën nga “Historia” janë prezantuar pesë (5) studime shkencore: Akademik Muzafer Korkuti ( Kryetar i Akademisë së Shkencave të Shqipërisë) “Në rrugën e zgjidhjes së një hipoteze ( Në dritën e të dhënave të toponomisë e antroponomisë)”; Prof. dr. Lush Culaj (Instituti Albanologjik i Prishtinës)“Trajtimi i vrasjes së Gjeçovit në parlamentin shqiptar”; Prof. asoc. dr. Edmond Malaj(Qendra e Studimeve Albanologjike, Tiranë)“Kulti i Shën Gjon Vladimirit te shqiptarët sot”; Dr. Paulin Marku(Instituti i Historisë,Tiranë) “Kryengritja shqiptare antiosmane në vilajetin e Shkodrës dhe të Kosovës (1909-1911)”; Dr. Kastriot Marku(Milano- Itali) “Ipeshkvia e Arbnit – gjurmë në një shteg kërkimesh”.

Në rubrikën “çështje shoqërore” është prezantuar, Prof. dr. Mustafa Ibrahimi (Universiteti i Evropëës Juglindore, Tetovë), ”Portreti i Nënë Terezës në pullat postare të Shqipërisë, Kosovës dhe Maqedonisë”.Në rubrikën” recensione” janë prezantuar katër (4) vështrime për disa botime aktuale të autorëve nga Ulqini, Sofija, Tirana, Bari-Itali, trajtuar nga Prof. dr. Rusana Bejleri, Prof. dr Shaban Sinani, Prof. dr. Gianni Antonio Palumbo dhe Dr. Ismail Doda

Ky numer mbydhet me rubrikën “ nekrologji”, nga Nikë Gashaj ”Ndahet nga jeta prof. Riza Rexha (1935- 2016).Revista Malësia ka arrijtur të krijojë një fizionomi kulturore e shkencore të gjerë kombëtare shqiptare. Për këtë arsye redaksinë e revistës e përbëjnë një numer i njohur intelektualsh nga rajonet e ndryshme, jo vetëm shqiptare, po dhe më gjerë, sikurse janë: Ruxhdi Ushaku, Gjovalin Shkurtaj, Shpresa Hoxha, Zeqirja Neziri, Matteo Mandala, Rusana Bejleri, Emin Lafe, Emine Bakalli, Simë Gjon Dobreci, Tomor Osmani, Shefkije Islamaj, Shaban Sinani, David Kalaj.

Revista Malësia i mbetet besnike konceptit të përcaktuar, që në faqet e saj të promovojë çështje të rëndësishme nga thesari i vlerave kombëtare, historike dhe kulturore të popullit shqiptar. Revista Malësia vazhdon të jetë zëdhënëse e intelektualëve shqiptarë nga mbarë hapësira shqiptare, duke pasur si qellim pasurimin e kulturës e të shkencës me njohje të reja dhe nxitjen e shpirtit krijues të të gjithë atyre që kanë ide të reja, vizione, mundësi dhe aftësi intelektuale.Revista Malësia ka qenë dhe do të jetë e hapur për të gjithë dijetarët e kulturës shqiptare; për njohjet e tjera shkencore që kanë rëndësi dhe interes për afirmimin e kulturës dhe qenies kombëtare shqiptare.Themelues dhe kryeredaktor i revistës është Nikë Gashaj, politolog e publicist dhe Këshilltar i Avokatit të Popullit të Malit të Zi (email: malesia@t-com.me).